ខគម្ពីរពេញនិយមពី ယောဟန် 1

ចែក​រំលែក

ကွဲႏ​တွော့ꩻ ယင်​ဟန်ႏ​သား​ဖုံႏ​နဝ်ꩻ လ​က္ခံႏ​ဆွုမ်ႏ ဝွေꩻ​ဗွေႏ​တဲင် ယွုမ်း​ဝွေꩻ​ဗွေႏ​သွူ။ နဝ်ꩻ​မꩻ ဖေႏ​က​ထွာ​လွဉ် ဗွေႏ​ဘု​ရာꩻ ပို​ဖုံႏ​နဝ်ꩻ ဝွေꩻ​ဗွေႏ​ဖေႏ ဝွေꩻ​သီး​အ​ခွင်ꩻ​သွူ။

အ​စ​ရီး​သွတ်ꩻ​ခါ​ကာႏ ငဝ်း​တောႏ အဝ်ႏ​သေꩻ​မꩻ​လဲဉ်း၊ ငဝ်း​တောႏ​နဝ်ꩻ အဝ်ႏ​ငီꩻ​စွဉ်ႏ ဗွေႏ​ဘု​ရာꩻ​တဲင် ငဝ်း​တောႏ​နဝ်ꩻ​ထွာ​ဒျာႏ ဗွေႏ​ဘု​ရာꩻ​သွူ။

ထာꩻ​လေ​အ​ရောင်ႏ​နဝ်ꩻ တောင်ႏ​သော့ꩻ ထာꩻ​ခေ့ꩻ​ကို​တဲင် ထာꩻ​ခေ့ꩻ​နဝ်ꩻ မုဲင်ꩻ​ခါ​တဲ့ တ​လုမ်ႏ​နွောင်ꩻ​တဝ်း ထာꩻ​လေ​သွူ။

ငဝ်း​တောႏ​နဝ်ꩻ ခံႏ​ထူႏ​လဲဉ်း လိုꩻ​ဇာႏ​တိ​တဲင် အဝ်ႏ​ဗွေ​တွမ်ႏ ကေꩻ​ဇူꩻ​တ​ရာꩻ၊ သ​စ္စာႏ​တ​ရာꩻ အဝ်ႏ​ငီꩻ​နီ​အ​ကို​သွူ။ နီ​ထီႏ​ဗာႏ ဝွေꩻ​ဗွေႏ ဘွုန်ꩻ​သ​ရေႏ​တောႏ၊ ဝွေꩻ​ဗွေႏ က​လက်​ခံႏ​လꩻ​ဒါႏ ဘွုန်ꩻ​သ​ရေႏ​တောႏ​နဝ်ꩻ နုဲင်း​ဖါ​အ​ပို​ခို တ​ဖြာꩻ​လွုမ်ꩻ​နဝ်ꩻ​သွူ။

စွဉ်ႏ​ဝွေꩻ​ဗွေႏ​နဝ်ꩻ ဗွေႏ​ဘု​ရာꩻ​မာꩻ ထာꩻ​ကား​က​အဝ်ႏ​ဖုံႏ​သွူ။ က​ဖန်​ဆင်ꩻ​ဒါႏ ထာꩻ​ကား​က​အဝ်ႏ​အ​ကို အီႏ​လွစ်​စွဉ်ႏ​ဝွေꩻ​ဗွေႏ ဖန်​ဆန်ꩻ​မာꩻ​ထွာ​နဝ်ꩻ တ​စွိုး​စွိုး​အဲဉ်​ထဝ်း​သွူ။ ငဝ်း​တောႏ​ကို​နဝ်ꩻ အ​သက်​အဝ်ႏ​တဲင် အ​သက်​ယို​နဝ်ꩻ အီ​လွဉ်​ဖေႏ​လိုꩻ​ဖုံႏ ထာꩻ​လေ​သွူ။

ဆုဲင်ꩻ​တ​နီꩻ ယော​ဟန်​ထီႏ ဗွေႏ​ယေ​သျု အဝ်ႏ​ကျွꩻ​လွဉ် ဝွေꩻ​ထျꩻ​တဲင်​ဒေါ့ꩻ၊ “​နဝ်ꩻ​နဝ်ꩻ​ထွာ​ဒျာႏ ဗွေႏ​ဘု​ရာꩻ သွိုꩻ​ပေႏ က​အီႏ​ထူႏ​ညာꩻ​ထိုꩻ​ဖေႏ​ဒါႏ က​မ္ဘာႏ​လော​က​သား​ဖုံႏ အ​ပဲစ်​သွူ။

ငဝ်း​တောႏ​နဝ်ꩻ အဝ်ႏ​သော့ꩻ​လဲဉ်း က​မ္ဘာႏ​လော​က​ကို​တဲင် စွဉ်ႏ​ဝွေꩻ​ဗွေႏ​နဝ်ꩻ ဗွေႏ​ဘု​ရာꩻ​မာꩻ​ထွာ လော​က​စွဉ်ႏ​တဲ့ လော​က​နဝ်ꩻ တ​တောင်ꩻ​တဝ်း ဝွေꩻ​ဗွေႏ သွူ။ ဝွေꩻ​ဗွေႏ​ကျွꩻ​လွဉ် ဝွေꩻ​ဗွေႏ အ​ခမ်း​ထီ​ကို​စွဉ်ႏ​တဲ့ ဝွေꩻ​ဗွေႏ အ​လိုꩻ​မျိုꩻ​ဖုံႏ​နဝ်ꩻ တ​လ​က္ခံႏ​ဆွုမ်ႏ​တဝ်း ဝွေꩻ​ဗွေႏ​သွူ။

ထာꩻ​လေ အ​မွေး​အ​မဲဉ်ႏ​ယို​နဝ်ꩻ အဝ်ႏ​ကျွꩻ​လွဉ် သော့ꩻ​လဲဉ်း​သွူ က​မ္ဘာႏ​လော​က​ကို​တဲင် အဝ်ႏ တောင်ႏ​ဖေႏ လိုꩻ​ဖုံႏ​ကား​က​အဝ်ႏ လောင်း​နဝ်ꩻ​သွူ။

တွမ်ႏ​မော​သျေ​တ​ရန်း​နဝ်ꩻ ဗွေႏ​ဘု​ရာꩻ​ဖေႏ ပ​ညတ်​ကျမ်ꩻ၊ ကွဲႏ​တွော့ꩻ ကေꩻ​ဇူꩻ​တောႏ​စွဉ်ႏ သ​စ္စာႏ​တ​ရာꩻ​နဝ်ꩻ အဝ်ႏ ဗွေႏ​ယေ​သျု ခ​ရစ်​တောႏ​ထျꩻ​တ​ရန်း လွဉ်​ဒျာႏ​သွူ။