ខគម្ពីរពេញនិយមពី ယောဟန် 5

ចែក​រំលែក

“​ခွေ​ဒေါ့ꩻ​ဖေႏ​သီ အ​မွေး​အ​မဲဉ်ႏ။ လိုꩻ​က​ဟွိုန် ခွေ​ငဝ်း​တဲင် က​ယွုမ်း​အံႏ​ဒါႏဗွေႏ အွဉ်ႏ​စွꩻ​လွဉ် ခွေ​နဝ်ꩻ လꩻ​ထာ​ဝ​ရ အ​သက်​နဝ်ꩻ​သွူ။ ဝွေꩻ​သီး​နဝ်ꩻ အီႏ​တ​ခံႏ​ဗာႏ​တဝ်း ထာꩻ​စီႏ​ရင်ႏ၊ ကွဲႏ​တွော့ꩻ အဝ်ႏ​ထာꩻ​သီ​နဝ်ꩻ ဖျင်​ရဲဉ်ꩻ​သေꩻ​မꩻ ကာႏ​လွေꩻ​ဗာႏ အ​သက်​မွန်​ကို​သွူ။

ဗွေႏ​ယေ​သျု​ထီႏ​ဝွေꩻ အဝ်ႏ​ဗေင်ႏ​တ​လွာꩻ​ထာꩻ နဝ်ꩻ​ကို​တဲင် ပါꩻ​ခို​နဝ်ꩻ ဆာ​ထာꩻ ည​ငါႏ​လဲဉ်း​ကျောင်ꩻ ဝွေꩻ​ဗွေႏ​အဝ်ႏ​သေ​သွူ။ နဝ်ꩻ​မꩻ ဝွေꩻ​ဗွေႏ​ရီ​ဝွေꩻ၊ “​နာꩻ​မဉ်​ဟဝ်​နေ​ဟောင်း” နုဲင်း​နဝ်ꩻ​သွူ။

ကွပ်​ပွိုး သီ​ထင်း​ဒျာႏ လိတ်ကျမ်ꩻ​နဝ်ꩻ အီႏ​မော့ꩻ ထာ​ဝ​ရ​အ​သက်​တဲင် သီ​သွဉ်​ထူႏ​ဖတ် ထွား​မွေး​နေး​စွဉ်ႏ လိတ်ကျမ်ꩻ​သွူ။ လိတ်ကျမ်ꩻ​ယို​ဖုံႏ​နဝ်ꩻ ဒေါ့ꩻ​ဒျာႏ ခွေ​ခ​ရာႏ​ဖုံႏ​သွူ။ ကွဲႏ​တွော့ꩻ ဖေႏ​နေး​က​လꩻ အ​သက်​နဝ်ꩻ သီ​တ​မဉ်​လွဉ်​ထေ့​တဝ်း ခွေ​ထျꩻ​ဖုံႏ​သွူ။

ဗွေႏ​ယေ​သျု ဒေါ့ꩻ​ဖေႏ​ဝွေꩻ၊ “​ထွိုင်ႏ​တဲင် တွမ်​ထူႏ နာꩻ​ခြောဝ်ႏ​ဒါ​တွော့ꩻ ထောင်​လွေꩻ​ဟုဲင်း” နုဲင်း​နဝ်ꩻ​သွူ။ တ​လဲင်ႏ​ချင်ꩻ ပါꩻ​ခို​နဝ်ꩻ ဟဝ်​ရေꩻ ထွိုင်ႏ​လꩻ​စွဉ်ႏ​တွော့ꩻ ဝွေꩻ​တွမ်​ထူႏ ဝွေꩻ​ခြောဝ်ႏ​ဒါ​တဲင် ထောင်​လွေꩻ​စ​စွဉ်ႏ​ထာꩻ​သွူ။ အ​နီꩻ​ယို​နဝ်ꩻ​ထွာ ဥ​ပုသ်​မွူး​နီꩻ တ​နီꩻ​သွူ။

နဝ်ꩻ​မꩻ ဗွေႏ​ယေ​သျု လဝ်း​ချာ​ဝွေꩻ​သီး၊ “​ခွေ​ဒေါ့ꩻ​ဖေႏ​သီ အ​မွေး​အ​မဲဉ်ႏ၊ ပို​ခို​တောႏ နမ်း​ရင်ꩻ​ဒျာႏ​နဝ်ꩻ ဝွေꩻ​တ​မာꩻ​နွောင်ꩻ​တဝ်း တ​မုဲင်ꩻ​မုဲင်ꩻ​သွူ။ ဝွေꩻ​မာꩻ​ဒျာႏ နုဲင်း​ဝွေꩻ​က​ထီႏ​ဗာႏ ဝွေꩻ​ဖါ​တောႏ က​အဝ်ႏ​မာꩻ​ဒါႏ အ​တွိုင်ꩻ​လွုမ်ꩻ​သွူ။ နုဲင်း​ဖါ​တောႏ က​အဝ်ႏ​မာꩻ​နဝ်ꩻ ပို​ခို​တောႏ​တဲ့ မာꩻ​သွူ။