ខគម្ពីរពេញនិយមពី လုကာ 22

ចែក​រំលែក

ဝွေꩻ​ဗွေႏ​ဆု​တောင်ꩻ “​အွိုး​ဖါ၊ နီ​ဖါ​အ​လိုႏ​မဉ်ႏ​အဝ်ႏ​နဝ်ꩻ ထာꩻ​ဒု​က္ခ​ဝေႏ​ဒ​နာႏ တ​ကောက်ꩻယို အဝ်ႏ​ခွေ​ထျꩻ ထူႏ​ညာꩻ​ထိုꩻ​ဖေႏ​မွိုင်၊ ကွဲႏ​တွော့ꩻ ဖေႏ​က​ထွာ​မွိုန်း ခွေ​အ​လိုႏ၊ ဖေႏ​က​ထွာ​သွော့ နီ​ဖါ​အ​လိုႏ​တောႏ” နုဲင်း​နဝ်ꩻ​သွူ။

ကွဲႏ​တွော့ꩻ သိ​မုန်၊ နာꩻ​ထာꩻ​ယွုမ်း ဖေႏ​က ထဲ့​ထိုꩻ​မွိုန်း​နဝ်ꩻ ခွေ​အဝ်ႏ​ဆု​တောင်ꩻဖေႏ​သွူ။ နာꩻ​ထွိုင်ႏ​သဲင်ꩻ​ချာ ခွေ​ထျꩻ​ချိန်ႏ နာꩻ​အီႏ​ဖေႏ​အာႏ​ဗာႏ နာꩻ​ဖူး​ဝေး​ဖုံႏ” နုဲင်း​နဝ်ꩻ​သွူ။

နဝ်ꩻ​ထွူ ဝွေꩻ​ဗွေႏ​ထူႏ​တ​ခိုး အုပ်ꩻ​ထင်ႏ ဗွေႏ​ဘု​ရာꩻ ဂွုဏ်ႏ​ကေꩻ​ဇူꩻ​တောႏ အဲ့ꩻ​တ​ခိုး​တဲင် ဖေႏ​ဝွေꩻ​သီး​တွော့ꩻ​ရိုꩻ၊ “​ယို​နဝ်ꩻ​ထွာ ခွေ​ရုပ်​ခ​န္ဓာႏ က​ဖေႏ​ဒါႏ​သီ​တာႏ၊ ယူႏ​လꩻ​သေ​နန်း​ခွေ​တွော့ꩻ မာꩻ​သွော့​နုဲင်း​ယို” နုဲင်း​နဝ်ꩻ​သွူ။

ဗွိုန်​နုဲင်း​နဝ်ꩻ​နေ​နေ အံႏ​ထာꩻ​အံႏ​မွူး​ဟာ​ထွူ ဝွေꩻ​ဗွေႏ​ဖေႏ ဝွေꩻ​သီး တ​ကောက်ꩻတဲင်​ရိုꩻ၊ “​တ​ကောက်ꩻ​ယို​နဝ်ꩻ ထွာ​ဗွေႏ​ဘု​ရာꩻ အ​ပ​ဋိ​ညာဉ်ႏ​တ​သာ တွမ်ႏ​ခွေ​သွီႏ က​တောက်ꩻ​သေꩻ​ခါꩻ စွုမ်ႏ​တံꩻ​ဆိပ်၊ က​ထောက်ꩻ​ဖေႏ​လဲဉ်း သီ​တာႏ​နဝ်ꩻ​သွူ။

ဝွေꩻ​ဗွေႏ အဝ်ႏ​ခံႏ​စာꩻ​ဗာႏ သန်​မွေး သꩻ​ဒု​က္ခ​တဲင် ဆု​တောင်ꩻ​တွမ်ႏ သꩻ​အာႏ​တ​လာ​သန် နဝ်ꩻ​မꩻ ဝွေꩻ​ဗွေႏ​က​သိုꩻ​ထန်ႏ ဗွိုန်​နုဲင်း သွီႏ​ဗဲက်ꩻ​လင်ꩻ ဟံႏ​လောင်း​နဝ်ꩻ​သွူ။

ကွဲႏ​တွော့ꩻ သီ​နဝ်ꩻ တွမ်ႏ​မာꩻ​မွိုန်း အ​နယ်ꩻ​နုဲင်း​နဝ်ꩻ​ဟုဲင်း။ သီ​အ​ကို က​ထွာ အ​တန်​သွတ်ꩻ​သား​နဝ်ꩻ အီႏ​ဗွိုန်​နုဲင်း​ဗာႏ​ဒျာႏ အ​ပေႏ​သွတ်ꩻ​သား​တဲင် လိုꩻ​တန်​ခေါင်း​ဆောင်​နဝ်ꩻ ဗွိုန်​နုဲင်း​ဗာႏ သွဉ်း​သွူ။

ဗွေႏ​ယေ​သျု​ဒေါ့ꩻ​ချာ၊ “​ပေ​တ​ရု၊ ခွေ​ဒေါ့ꩻ​ဖေႏ​နာꩻ၊ ဟန်ႏ​နာꩻ​ယို ခ​လား ဆျာ​ထီး​က​အူႏ​နဝ်ꩻ နာꩻ​အီႏ​ရိုꩻ နာꩻ​သေ​ငါꩻ​တဝ်း​ခွေ ဗꩻ​တွိုႏ​သွံ​လဲင်ႏ” နုဲင်း​နဝ်ꩻ​သွူ။