ខគម្ពីរពេញនិយមពី ရှင်လုကာ 8

ចែក​រំលែក

ပွန်နောက်သပ့်ကာလ် ကိုးဝေတိ မျိုးစီးနောက်ခေါမ်စေး နှုတ်ကပါတ်တော်တရားလှီ့ အာမ်ငေးလောဒ့်ဟိုဝေါလ် ရိုးသားထေ့နား ပွန်တိအာမ်လုန်ငေါလ် စီမ်းမေထေ့နား ဖုလော်ရှင်နှုတ်ကပတ်တော်ဘော် မယ်တိလှီ့အောလ်အာမ်ထောလ်” တိရို အမိန့်။

ခုမ်တူဒုလ့်ကာလ် ကိုးဝေတိ မျိုးစီးနောက်ခေါမ်စေး ဖုလော်ရှင်နှုတ်ကပါတ်တော်တရားလှီ့ ငေလောဒ့်နားခါ လောကီစည်းစိမ်လား ဘို့ခေါမ်လှီ့၊ ဆဆော်ခေါမ်လှီ့ဓေါလ် အပိတ်ခံလောဒ့်ခန်းနောလ် ဖုလော်ရှင် နှုတ်ကပတ်တရားတော်ဘော် မယ်ယတိလှီ့အောလ် အာမ်ထောလ်။

လုံးခုံငေါလ်ကိသပ့်ကာလ် ကိုးဝေတိ မျိုးစီးနောက်ခေါမ်စေး ဖုလော်ရှင်နှုတ်ကပါတ်တော်တရားလှီ့ အာမ်ငေးလောဒ့်ဟိုဝေါလ် ချက်ချင်း ပျော်ဗာန်လက်ခံတိလှီ့အောလ်အာမ်ထောလ်။ အင်မ်ဘော်နားခါ ဖုလော်ရှင် နှုတ်ကပါတ်တရားလှီ့ အာမ်လုန်ဒုလ့်ကာလ် ဓီဟနောလ်အရုန်းလှီ့ တွယ်ကပ်အယ်ယော်ဟာ့။ အင်မ်လှီ့နား တနိုစောယောင် အာမ်ယုမ်။ ဘဝအောလ် ခက်ခဲကြမ်းတမ်းတိလှီ့ဓေါလ် ရင်ဆိုင်လောဒ့်ဟိုဝေါလ် ဖုလော်ရှင် အာမ်ယုမ်ခေါမ် ချက်ချင်းကုံး လက်လွှတ်တိလှီ့အောလ်အာမ်ထောလ်။

အင်မ်ပါလ်နောလ် ကိုယ်တော်နား အတပည့်လှီ့အောလ် “နာင်မီး ယုမ်ကြည်ချက်စေး ဟိဘောင်ငေါလ်” တိရို အဟိ့ဟိုဝေါလ် အင်မ်လှီ့ကိမ်ကိမ်နား ကိထေ့နား စါစ်နိုးဗာန် အင်မ်လှီ့နား “နီခေါင်စေး ဟိဘောင်ခေါင်။ လှိုင်းလား ခီလှီ့ကုံးနားခါ နီအမိန့် အာမ်နာခံလောဒ့်ဆီး” တိရို ပွလ်ဟှတ်လားပွလ်ဟှတ် အာမ်ဟောင်ဝေတောင်။

လာမ်းမာလ်ကိုးတိ မျိုးစီးလှီ့စေး ဖုလော်ရှင်နှုတ်ကပါတ်တော်တရားလှီ့ ငေလောဒ့်တိလှီ့အောလ် အာမ်ထောလ်။ အင်မ်ဘော်နားခါ မာရ်နောတ် လူးထေ့နား အင်မ်ခေါင်လှီ့ လုန်ငေါလ်ကိ ဖုလော်ရှင်နှုတ်ကပါတ်တော်တရားလှီ့ အဈိအယ်ခန်းနောလ် ယုမ်ကြည်မှုပျက်စီးထေ့နား ကယ်တင်ခေါမ် ခံလောဒ့်ယတိလှီ့အောလ်အာမ်ထောလ်။

ဟိဘော်ဟိုင်ရိုးနောက်ဟိုဝေါလ်စေး ဆူလ်ရိုးလောဒ့်ယဟနောလ် ထုအောလ်လောဒ့်ခေါမ် အီခါမယ်ယော်။ စုတ်င်ယဟနောလ် တောဒ့်ခွတ်ခေါမ် လျို့ဝှက်ချက်နောက်ခေါမ်ခါ မယ်ယော်။

အင်မ်မုတောနားခါ အထုခွတ်တီးယခန်းနောလ် ကိထေ့နားစာတ်ဗာန် ကိုယ်တော်မော်ဝေါလ် ခုတ်လူရ်ထောက်ထေ့နား ကေးနား ကေလှမ်းလား အရောဂါချက်ချင်းကုံးအခိတ်ဘွာလ် တိရို ခေါင်လှီ့အောလ် အဆိုက်ဘွာလ်။ ကိုယ်တော်နား အင်မ်မုတောဝေါလ် “စိုးဝြား။ နာင်တုအောလ် နာခိလ်ဘွာလ်ခေါမ် နာင်ယုမ်ကြည်မှုကြောင့်ငေါလ် နာခိလ်ဘွာလ်ယောင်။ ငြိမ်းငြိမ်းချမ်းချမ်း ဈာတ်ဟိလ့်ယောင်ငါး” တိရို အ‌မိန့်။

အင်မ်ဟိုဝေါလ် တပည့်တော်လှီ့နား ကိုယ်တော်ယေရှုကာဝေါလ်ဈာတ်ထေ့နား လှပ်ထေ့နား “ဆလော်ဝြား၊ ဆလော်ဝြား ဟမီး ဟဘာလ့်တိုက်ဟိလ့်” တိရို အာမ်လျှောက်ခန်းနောလ် ကိုယ်တော်ခေါမ် အိပ်နောက်ကာလ်ကိထောထေ့နား ခီလှီ့၊ လှိုင်းလှီ့ ရပ်တန့်ဟိုင်ရိုး အ‌မိန့်ပက်။ အင်မ်ဟိုဝေါလ် ချက်ချင်းကုံးကိမ်ကိမ် အငြိမ်ကျဘွာလ်။