ខគម្ពីរពេញនិយមពី ရှင်လုကာ 12

ចែក​រំលែក

အဲဂျော့ နန်းနို့လဲ ခီမရွှေး ဆင်သင့်ပြင်ရားဂေ့ပါ။ ဟဲဂျော့ဆိုဝါ လူ့သားတော်ဖြစ်ဝို ငါဟ နန်းနို့ထံမှတ်ထားဘဲဝို ခီမှာ ပလန်ကြွလာမှာဖြစ်ရယ်” ဆိုပီး မိတော်မူလေရယ်။

အဲဂျော့ ဘုရားရှင်သာသနာတော်တွက်ဝိုဘဲ့ အာရုံစိုက်ပီး လုပ်ဆော်ဂေ့ပါ။ အဲမှဘဲ့ နန်းနို့လိုအပ်ဇာမှန်သမျှဝို ဘုရားရှင်ဟ ပေးတော်မူပါလိမယ်။”

အဲနော့ ကိုယ်တော်ဟ လူထုဝို “လောဖကီးဂေ့န။ နန်းနို့ရဲ့သက်ဟ ပစ္စည်းဥစ္စာကြွယ်ဝမှုပေါ်ဝို မူတည်နေဇာ မုဝဆိုဇာဝို ဒိထားဂေ့” ဆိုပီး မိတော်မူလိုက်ရယ်။

ဟဲဂျော့ဆိုဝါ နန်းနို့ရဲ့ဥစ္စာရှေ့ဝိုနေရာမှာ နန်းနို့ရဲ့စိနှလုံးဟလဲ ရော့နေရိဂျော့ဖြစ်ရယ်။

စိုးရီပူပန်နေရိ နန်းနို့ရဲ့သက်ဝို နာရီလော့ဂိုမှ ပိုရှယ်ရားဇေရိလော။

အဲနော့ ကိုယ်တော်ယေရှုဟ ဗြိတော်ဒွေဝို “အဲဂျော့ နန်းနို့ဝို ငါပြောမယ်။ နန်းနို့ရဲ့ဘဝရှင်သန်ဝို့တွက် နန်းနို့ဟဲရာဝို စားရမယ်၊ နန်းနို့ ဟဲရာဝိုဝတ်ရမယ် ဆိုဇာဝို စိုးရီဂေ့ပါန။

နန်းနို့တွက်ကလလောဝါ ဘုရားရှင်ဟ နန်းနို့ခေါပေါ်ဟ ဆန်းဘမ်ရေတွက်ဂိုမှ သိတော်မူရယ်။ အဲဂျော့ နန်းနို့ဟ ဘုရားရှင် တွက်ကလလောဝါ စာရားဒွေထက် ပိုတန်ဖိုးရှေ့ရိတွက် စိုးရီဂေ့ပါန။” ဆိုပီး မိတော်မူလေရယ်။

ထပ်ပီး ကိုယ်တော်ယေရှုဟ “သိုးငယ်အုပ်စု၊ နန်းနို့ရဲ့ အဖဘုရားရှင်ဟ နန်းနို့ဝို သူ့သာသနာတော်ဝိုပေးဝို့ လိုရှေ့ရိတွက် နန်းနို့ ကြော့ဂေ့ပါန” ဆိုပီး မိတော်မူလေရယ်။

ကလီးဂန်းဒွေဝိုကေ့ကေ့ပါ၊ သူ့နို့ဟ စိုက်ပျိုးဇာရော၊ ရိသီးဇာရောလုပ်ဂေ့ရ၊ သိုလှော်ဝို့ ဘားကျီဒွေလည်းမှေ့ရ၊ အယ်ဘေမဲ့ ဘုရားရှင်ဟ သူ့နို့ဝို ကျွေးမွီးရားရယ်၊ နန်းနို့ဟ အဲမိုငှက်ဒွေထက် ပိုပီးတန်ဖိုးရှေ့ဂေ့ရယ်။

နန်းနို့ဟဲမျိုးစားမယ်၊ ဟဲမျိုးသော့မယ်ဆိုဇာဝိုဘဲ့ စဥ်းစားပီး စိုးရီနေဂေ့ပါန။

ယုံကြည်ခြင်းအားနည်းဝိုသူဒွေ၊ ဘုရားရှင်ဟ ခီကာလနဲနဲရားဘဲ့ရှင်သန်ပီး နော့ရစ်မှာ မီးထဲဝိုပစ်ခလခံရမဲ့ ဗြစ်ရိုင်းဒွေဝိုဂိုမှ အံ့ဩဝို့ကောလော့အော် လှပတင့်တယ်အော် ဖန်ဇင်းပေးရားရယ်ဆိုဝါ နန်းနို့ဝို ပိုပီးဖန်ဇင်းပေးမယ်မုဝလော။

လူဒွေ ဖုံးကွယ်ရားဇာမှန်သမျှဝို ဘုရားရှင်ဟ ဖော်ထုလိမယ်။ ဘုရားရှင်ဟ သူ့နို့ ဖွက်ဝို့ကြိုးဇားဇာမှန်သမျှဝို ဖော်ထုလိမယ်။