ខគម្ពីរពេញនិយមពី Luk 23

ចែក​រំលែក

Äi khaw a Yĕsu la hawu, “Paw o, ni khäla ähläh pek bäi. Iyaäm ni khälla i ini poh tun saw äm anih la hmawtei u.” Äi pänäng soloi khälla ini lumchawl chawmei ula Yĕsu käh awat khäl anih dukäng ini pheih yei.

Yĕsu la anih a tak, “Kei nanga ihisaw kanang tak, nang tühnüpa Kei ängtu Hnadaga käh piyaw dün laa nämäyalai.”

Äi pänäng ani la hawu, “Yĕsu o, nang käh mawng pre a nolo al khaw a, kei a nulung äng awkhawei bäi.”

Yĕsu la asam thokak hek bala hawu, “Paw o, nang kutäng Kei khraw kini awpeyal.” Ni kheu hawu bala Yĕsu awsawk thok.

‘Lukong’ ting mingei nawksaw laa ini phaw pänäng anih la Yĕsu a hmä äng the ula krut äng ini thawn. Epret bitih häihya hngata Yĕsu käh set pawh a käh krut äng awlaw hngata setong paw a käh krut äng hmä the ula ini bawh.

Äi khaw a khosun paileinih mengaih däk saw huih thänei. Äi khin täh känäng ümülawm paithum täh pre kheni uhiyung chak bala mäi. Khoni rong ha dawng hüt tah. Awlaw Hnadaga ima käh asanh changsum laa käh awat alai äng tihtih a phawl hnih a phawlei.

Äi hmu bala Rom soloi gong la Hnadaga a äkiyä tawngei bala hawu, “Ihi khäh, ni konghmuh sang dä.”