ខគម្ពីរពេញនិយមពី Zuwã 17

ចែក​រំលែក

Ma'ãpé, tô sena asimiroti na aimawi 're hâimana za'ra mono da, tãma 're apisutu mono. Asimiroti hã tô sena uptabi tô.

à hã dahâimanazé isi'utõrĩ'õ: Da te aiwaihu'u za'ra da, aiwétési sena na 'Re ihâimana u'âsi mono na, duré Zezu Cristu, da te waihu'u za'ra da, ti'ai u we isatõrĩ hã.

— Ãhã na ta norĩ ãma si, te ãma aiwi rowaptẽrẽ õ di. Tazahã, za duré te te 're ĩzaze za'ra mono norĩ ãma zama, ãhã na te te ĩzaze za'ra norĩ nhimirowasu'u zarina, za te te ĩzaze za'ra norĩ ãma, ahâ nherẽ, misi ihâiba ne siré 're hâimana za'ra mono da. Ĩmama, wa duré ãma aima mre, wasiré 're hâimana u'âsi za'ra mono da, asiré 're ĩhâimana mono ne, duré A hã ĩsiré 're i'aihâimana mono ne, iwẽ hã siré misi ihâiba ne 're ihâimana za'ra mono da si, ti'ai ãma 're idahâimana za'ra mono hã A hã we ĩzatõrĩ na da te asaze za'ra da.

Ti'ai hawi sani za'ra da, te ãma aiwi waptẽrẽ õ di. Wa'uburé wi 're a'madâ'â pese mono da si, wa ãma aiwi rowaptẽ.

Ĩwẽ uptabi na 're ĩhâimana mono zé ĩma isõmri hã, wa tô te tãma po'o, misi ihâiba ne siré 're hâimana za'ra mono da, wasiré misi wahâiba ne, 're iwahâimana mono ne. Isiré wa 're ĩhâimana za'ra. A hã te duré ĩsiré 're aihâimana mo, ta norĩ hã siré uptabi 're hâimana za'ra mono da. Tawamhã ti'ai ãma 're idahâimana za'ra mono hã te za waihu'u za'ra ni, we ĩzatõrĩ na hã, duré 're i'azawi pese mono na hã, 're ĩzawi pese mono ne.