ខគម្ពីរពេញនិយមពី Luk 11

ចែក​រំលែក

Kulá nangge nanan yáni sándu kandák táwi hánám tángngátaráng, enendu nángánangge sáni yá náut álosim ba sánát tu há yámángngátaráng. Iná Nan sáni alek káin átak wawu álosim hánám, niyá inán Iruk Káungá wa imámáya wu heronge hánám narángngátak.”

“Wata ku no ing sánin, Táwi inát tu sáminek, sulingga ku káineráng, károk károk kátit tu kálu yaling sáminek.

Ámna niyá Ánutu inángngátaráng watá ku páliná kangngátaráng, ámna niyá sulingngátaráng watá ku kang tunggap tángngátaráng, hang ámna niyá kálu hára kátingngátaráng watá ku Ánutu yá kálu yaling yámángngátak.

Wáina inán du Jesu yá yánuk, “Rám sándá sáponga tángga ku ing mengguineráng: ‘Nan, kutya yá káungá hánám wa átkuinek, kákkán átkuku watá nándán káin áwinek.

Ko nándán kandák wa kátu náni sáinelák, náuta nándá kámá yá kandák rina táng námená wa kátu yáni sangngátamán wáinanyon. Ko metá ingirungngingi yá nándán káin ma tunggafeindak.’”

Rám káman káman dán sungi wa málámbán málámbán námángguinelák.

Rahála wawu sutya watán lam, rahála watá álosim átnek wahára wu sutya kámuk hánám wawu yamá yá átnek, iná rahála yá wáik háleinek wahára wu sutya kámuk hánám páyung tingga átnek.

Jesu yá ing miuk, “Ámna káman dá lam kasingga táng susuná káin ma tingngátak, me táng baket kinan káin ma tingngátak. Ináku táng tutuháná hára tuhángga san árán du niyá it kinan áwinek watá ku yamá wa káinek.