ខគម្ពីរពេញនិយមពី Johane 14

ចែក​រំលែក

Ndamusiila luumuno, ndamupa luumuno lwangu, nsimupi mbuli mbwiipa nyika, Myoyo yanu itapengi nokuba kuyoowa.

Jesu wakamwaambila kuti, Ndime nzila, ndime bwini, ndime buumi. Takukwe uuza kuli-Taata, pele mulindime.

Myoyo yanu itapengi, kamusyoma Leza, kamundisyoma amebo

Pele Mugwasyi, Muuya Uusalala, Taata ngwayootuma muzina lyangu, uyoomwiisya zintu zyoonse, uyoomuyeezya zyoonse nzendakamwaambila.

Oyo uujisi milao yangu, akwiibamba nguundiyanda, Awalo uundiyanda uyooyandwa Taata, amebo ndiyoomuyanda, ndiyoolitondezya kulinguwe.

Amebo ndiyookumbila Taata, uyoomupa Mugwasyi umbi kuti akale anywebo lyoonse. Ngonguwe Muuya wabwini, oyo inyika ngwiitakonzya kutambula, nkaambo tiimuboni nekuba kumuziba. Nywebo mulimuzi, nkaambo ulikede anywebo, alimwi unookede mulindinywe.

Eno coonse icili buti ncomuti kakumbile muzina lyangu ndiyoocicita, kuti Taata akalumbaizigwe mu-Mwanaakwe, Kufumbwa ncomuyookumbila muzina lyangu, ndiyoomucitila ncico.

Mwanoondiyanda, kamubamba milao yangu.

Muŋanda ya-Taata mwaali makalilo manji, nekwatali boobo nenda­ mwaambila nkaambo ndiya kukumubambila busena

Kuti na ndainka kuyoomubambila busena ndiyooboola alimwi, nzoomutolelele, kuti oko nkwembede anywebo mukabe nkuko.

Tomaso wakamwaambila kuti, O mwami, tatuzi nkoya, ino twiizibe buti nzila?