Yoni 8
8
Kwamayoku udo'udodi Yesu againe hisimadumadugedi.
1-2Tu Yesu gina oya Olive againe gilaka, ada bogi gida malalauga gi'enohobu manuwa-tafalolo againe giluku ada kaliva moya'aidi Bana againe hiyo'oyo'o, ada au givetogana givebutu givehawaledi. 3Givehavehawala tu Mosese yana vehimeya ana tovehawala kadu tonagona tafatafalolodiyao adi egana Falisi, kwamayoku Yesu againe hisimadumadugedi, badi mali kaliva buye hidauda tu hinuhagadi. Ada yo'o hinafadiya Yesu matane kwamayoku hivemidididi. 4Hivemidididi tu Yesu againe higahe higayo, “Tovehawala, badi hida hima kwamayoku mali kaliva buye hidauda-ma anuhagadi, au a'ita-mo'edi. 5#1Veh 20:10Atu Mosese yana buki-vehimeya againe givehimeya be vevine to'udo kuga againe kanatutuve'alikadi. Tu O'eni ma badi fa'idiya ka'i gavaimi unagahe?” 6Au hidemi higahe be Yesu hinavebauna fa'ina. Hinuwanuwa ka'i yana bonalaufata againe tamo gavadi keke gidalubodani-ma ginagaheyena digo, adifaiweya hinahawavekoyoyena.
Tu Yesu gi'ibo'ula givebutu nimalagolagone babiya gi'eto'etoladi. 7Bana keke gavaimi gidagahegahe tu badi higaheluya'aya'ala fa'ina, gimididi-mo'a gigahedi gigayo, “Hai kaliva sa'eyana agaimiya keke tamo gidakoyo, medema kuga againe kwamayoku ginamidifihadi.” 8Yesu hidedemi gigahe-yo au gi'ibo'ula-havagi babiya gi'eto'etoladi.
9Ada au yana gahe hinogalini-yo yadi koyona nuwadi gi'afolena fa'ina hivebutu anakaibe anakaibe hilowolowoga. Au lakahidiyao himidilowoga tu kabi'odiyao wai himulina, ada au moya'aidi hinu-'owoga tu Yesu anakaibe gimiyami, kwamayoku buye'i aimo himidimidi. 10Kadu Yesu gimididi-mo'a kwamayoku gigahedi gigayo, “Kaliva hami hina? Ka'i keke tamo hakwadi nuwanuwana kuga againe ginafihami?”
11 #
Yo 5:14
Au badi kwamayoku higayo, “Kauveya, keke tamo.”
Ada Bana Yesu gigayo, “Kadu Iya keke matahiwadi ganavelemi. Au wanana tu yami dewa koyona wanahege-vagahina.”]
Bana Yesu tomiyababi yada Mahalina.
12 #
Yo 1:4-9, 12:46 Tu muliya Yesu manuwa-tafalolo againe giluku-havagi, yo'o agaidiya gigahe gigayo, “Iya'eku omi tomiyababi yami mahalina, nuwami ana mahalina. Gava kaliva unamulimuliyeku o, keke uyuyu againe unanunaudadana tu nuwa ganakivemahalina be mahalina againe unamiyami tova moya'aina.”
13Au badi Falisi higahena higayo, “O'eni Tauni fa'iniya ulukahihi uhawavemogatala fa'ina ya hawavemogatala keke velemo'ena.”
14Bana Yesu gigahedi gigayo, “E, Tauku fa'ikuya galukahihi gahawavemogatala tu hai gatauya kadu hami ganana ma gahalamanena fa'ina, yaku hawavemogatala Tauku fa'ikuya keke fwaya, au gagahe velemo'ena. Tu hai gatauya kadu hami ganana ma omi keke wadahalamaneni. 15#Yo 7:24Omi'iyao ma itagaga againe wagahe-kawowo be wahawavekoyoyeku tu, Iya'eku ma keke tamo hakwadi fa'ine nuwaku gidafaisewa-yo gadahawavekoyoyeni. 16#Yo 5:30Tu ka'i tamo kaliva fa'ine nuwaku gidafaisewa be gadahawavekoyoyena digo, yaku vehimeya au velemo'ena, fa'ina keke akukaibe gadavehimeya, au Bana Kamaku buye avehimeya, Bana'e amanadi gi'iveniniseku be gahobu'ela. 17Kadu yami buki-vehimeya againe hi'etoladi vaita tohawavemogatala luhei ka'i yadi gahe sa'eyana, au kanahalamanena yadi gahe velemo'ena. 18#1Yn 5:9Ada au Iya Tauku fa'ikuya gahawavemogatala kadu Bana Kamaku gi'iveniniseku-ma Iya fa'ikuya gihawavemogatala au Ime tohawavemogatala luhei.” Hidedemi Yesu gigahe.
19 #
Yo 14:7
Tu Tamana giyakahina fa'ina higahena higayo, “Tama hai gimimiyami?” Yesu gigahedi gigayo, “Keke wadahalamaneku kadu keke Kamaku wadahalamaneni. Ka'i wadahalamane-mo'eku digo, kadu Kamaku wadahalamane-mo'ena.” 20#Yo 7:30Ada au Yesu manuwa-tafalolo againe givehavehawala tu hidede amine gilulukahihi. Velekawowo ana abavedodoga liline gimidimidi tu givehavehawala. Ada yana tova aimo keke gidalakayemu fa'ina ana kive'avina higa-wayoga.
MiYuda yadi tonagona Yesu inubana hifaniyena.
21 #
Yo 7:34-35
Tu kadu Yesu gigahedi gigayo, “Iya ganana gananuyabuyabumi tu omi wanalele-wayogeku, au yami wakoyona wana'alika. Ada Iya ganana againe omi keke amifaiweya wana'ela.”
22Hidedemi Yesu gigahedi fa'ina, miYuda yama tonagona hive'agahegahe higayo, “Gavadi-yo gigahe gigayo, Iya ganana againe omi keke amifaiweya wana'ela? Ka'i Tauna ginaluve'alikana, ka'i keke?”
23Au Bana Yesu gigayo, “Omi'iyao ma babiya walakayemu tu Iya'eku ma lobameya gamiyami be gahobu'ela. Omi babi ana kaliva tu Iya lobama ana kaliva. 24Hidema fa'ina ahe gagahemi yami wakoyona wana'alika, fa'ina ka'i yaku gahe Tauku inubaku fa'ina keke wanavetumaganeni digo, yami wakoyona wana'alika.”
25Au badi higayo, “O hakwa'adi?” Yesu gigahedi gigayo, “Iya'eku boi yaku vehawala ana abave'inuba againe gavenuwa'atami amine. 26Ada yaku gahe moya'aina yami koyona fa'ina we'a gidadauda be aimo ganalukahihiyena ada ganahawavekoyoyemi. Ada au Bana gi'iveniniseku-ma bonana velemo'ena ada gavaimi Bana againe ganogalina amanadi, omi tomiyababi agaimiya galulukahihi.”
27Au hidedemi Yesu gigahe tu badi miYuda yana nuwanuwa hifaniyena, keke hidahalamaneni Tamana Yaubada fa'ine gilukahihi. 28#Yo 3:14, 5:19Ma Yesu kadu gigayo, “Aimo Iya Tohobu'ela ai againe wanakivemididiku ana toveya, au medema tovai-nadi halamana wanavaina inubaku wanahalamanena. Kadu wanahalamanena keke tamo Tauku yaku nuwanuwa againe gadagugaiyeni, tu hida yaku gahe Kamaku givehawaleku amine Iya gagahe. 29#Yo 16:32Ada Bana gi'iveniniseku-ma Iya buye amimiyami. Keke gidanuyabuyabuku-yo akukaibe gadamiyami. Tova moya'aina Bana bonana ga'abi'abina fa'ina nuwana gakiveyamumuna.” 30Ada au hida Yesu yana lukahihi againe moya'aidi hivebutu hivetumaganena.
Ve'agahegahe Abelahamo ana unumamomo fa'idiya.
31Tu Yesu miYuda Bana bonana hivetumaganena amanadi gigahedi gigayo, “Ka'i yaku vehawala againe wanaluluve'avina amine o, aku tomuliya velemo'ena omi'iyao. 32Omi yogoyogonimiyao vaita tove'agetoga amine. Yaku vehawala ahe wanogalina ada ka'i bonaku wana'ita'itave'avina, bonaku au velemo'ena ma wanahalamanena be yami ve'agetoga ginahavaina.”
33Tu badi miYuda Yesu againe higahe higayo, “Ime Abelahamo ana unumamomo ada keke tamo hakwadi againe adave'agetoga. Gavadi-yo ugahe vaita yama ve'agetoga ginahavaini?”
34 #
Lo 6:16; 2Fi 2:19 Bana Yesu gigahedi gigayo, “Yaubada gihalamaneku tu gagahegahe. Gaveyao hihuluva koyona, medema moya'aidi koyona againe hive'agetoga. 35Bana kauve'a natuna velemo'ena ma tamana ana unuma agaidiya ginamiya-vagata be yana lokolokofou ginavaina. Atu bana agetoga ma keke yana kauve'a againe ginamiya-vagata higa vaita ana du'u ginavaini. 36#Ga 5:1Omi yogoyogonimiyao wamimiyami higa vaita koyona againe wadave'agetoga. Ka'i Iya Yaubada Natuna yami ve'agetoga ganadabana amine o koyona keke ginavehimeyemi, au Yaubada ana unuma agaidiya wanaluku be wanamiya-vagata. 37Iya gahalamanemi omi'iyao Abelahamo ana unumamomo. Omi Abelahamo bwaneneneyao nonogana nuwanuwami wanaluve'alikaku, fa'ina bonaku keke ase'asemiya gidaluku-yo gidadauda. 38#Yo 8:44Gavadi Bana Kamaku againe ahe ga'itana, medema omi agaimiya galulukahihiyena, tu omi meda anafaiweya ka'i gavadi kaliva sa'eyana higa omi tamami againe wanogalina, mededemi wahuluhuluvina.” Hidedemi Yesu gigahe.
39Badi miYuda higahena higayo, “Abelahamo ime tamama.” Yesu gigayo, “Ka'i velemo'ena omi Abelahamo ana unumamomo, Abelahamo nimana wadavaina tu keke wadavaini. 40Omi wanuwanuwa amine Abelahamo keke gidanuwanuwa. Iya bona velemo'ena omi agaimiya galukahihiyena, bonai-nadi Yaubada againe ganogalina. Bonaku velemo'ena galukahihiyena fa'ina omi nuwanuwami wanaluve'alikaku. 41Omi'iyao ma kaliva sa'eyana higa omi tamami amine wahuluhuluva.”
Yesu hidedemi gigahe-yo badi higayo, “Ime keke eda natuneyao. Ime tamama au sa'eyana, anafaiweya Bana Yaubada.”
MiYuda yadi tonagona vaita Setani ana unumamomo.
42 #
Yo 16:28
Bana Yesu gigahedi gigayo, “Ka'i velemo'ena Bana Yaubada omi tamami digo, omi wadanuwakabubuyeku, fa'ina Iya inubaku ma Yaubada againe gatauya be gahobu'ela. Keke tauku yaku nuwanuwa fa'ina gada'ela, au Bana'e gi'iveniniseku fa'ina gahobu'ela. 43Gavana fa'ina-yo yaku nuwanuwa galukahihiyena-ma wafaniyeni? Omi bonaku keke nuwanuwami fa'ina keke yaku nuwanuwa wadahalamaneni. 44#1Yn 3:8; Aba 3:4Omi'iyao ma tamami au Setani, ada tamami yana nuwanuwa amine omi nuwanuwami wanahuluva. Boi tuwaina babi ana abave'inuba againe bana Setani yana dewa luve'alika, ada hidede amine ginunauwena tova adamoya. Keke-mo'a nuwanuwa velemo'ena againe gidamiyami, fa'ina keke tamo nuwanuwa tunutunugina bana ase'asene gidadauda, keke. Nuwanuwa ve'afwayafwayana bana ase'asene gidadauda fa'ina, yana gahe tova moya'aina fwaya, fa'ina bana ana egana tofwaya. Ada au fwaya matatabuna inubana bana againe.
45Tu iya'eku ma yaku gahe velemo'ena fa'ina, keke wadavetumaganeku tu omi tamami ma tofwaya amine wanuwanuwa. 46#1Fi 2:22Keke tamo hakwadi afaiweya Iya agaikuya koyona unanuhagani. Ka'i yaku gahe velemo'ena, gavana fa'ina-yo keke wadavetumaganeku? 47Kaliva gaveyao Yaubada natuneyao, medema Yaubada bonana hivenogalena. Omi'iyao ma keke Yaubada natuneyao. Hidema fa'ina Bana'e bonana keke wadavenogaleni.” Au hidedemi Yesu gigahedi.
Yesu Tauna inubana fa'ina gilukahihi-havagi.
48 #
Yo 7:20
Tu miYuda Yesu yana gahe badi fa'idiya hinogalini-yo higahena higayo, “Au O fa'iniya agahe velemo'ena. O'eni vaita ada aniyabina miSameliya kalivadi amine, kadu O'eni wayafune.”
49Bana Yesu gigayo, “Iya keke wayafuneku. Tu au Bana Kamaku Iya gakilakahina tu omi keke wadakilakahiku, au wahawavekoyoyeku. 50Ma keke Tauku ganakilakahiku. Au Kaliva sa'eyana gimimiyami, Bana ginakilakahiku ada Bana'e kaiwabu ana tovetala. 51#Yo 5:24Yaubada gihalamaneku tu gagahegahe. Gava kaliva bonaku gi'abi'abina, medema keke gina'alika.”
52Au badi miYuda higayo, “Au ahalamane-mo'e O'eni wayafune. Abelahamo gi'alika kadu Yaubada bonana ana to'awatalatalaina tuwaina hi'alika. Gavadi-yo ugahe vaita ka'i kaliva O bona gina'abina, medema keke-mo'a gina'alika? 53Ime bwanenema Abelahamo, kaliva kikaiwabuna, tuwai-mo'ena gi'alika. Keke-mo'a Abelahamo kaiwabu againe O udatubuhegeni. Kadu badi Yaubada bonana ana to'awatalatalaina hi'alika-'owoga. O vaita hakwa'adi tu O ugagakahikahi?”
54Bana Yesu gigayo, “Ka'i Tauku ganakilakahiku, yaku kaiwabu vaita iyohoyoho, vaita gadagahe-kawowo. Atu Bana Kamaku gikilakahiku ada Bana'e omi wahawaveyaubadayena. 55#Yo 7:28-29Tu omi Bana'e keke wadahalamane-mo'eni tu Iya velemona gahalamanena. Ka'i Iya gadagahe gadagayo, Yaubada keke gadahalamaneni, ka'i hidede amine gadagahe digo, Iya gadafwaya omi wafwaya amine. Tu Iya Bana'e gahalamane-mo'ena, kadu bonana ga'abi'abina. 56Ada omi bwanenemi Abelahamo Iya yaku hobu'ela babiya ma tuwai-mo'ena gimidihalamanena. Hidema fa'ina givemwamwala, ada au yaku tova ahe gi'itana ada givemwamwala.”
57Au badi miYuda higahena higayo, “O'eni keke Abelahamo uda'itani fa'ina O keke kaliva lakahi, a malamala aimo keke fifiti (50) udavaidi. Au ugahe-kawowo.”
58 #
Yo 1:1
Yesu gigahedi gigayo, “Yaubada gihalamaneku tu gagahegahe. Abelahamo aimo keke gidatubuga tu Iya tuwaina tuwai-mo'ena gamiyamiya-vagata.”
59 #
Yo 10:31
Hida yana gahe hinogalini-yo kuga hivaina be hinafihana. Tu Yesu giveu be manuwa-tafalolo ginuyabuyabuna.
ទើបបានជ្រើសរើសហើយ៖
Yoni 8: viv
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2003, Wycliffe Bible Translators, Inc. All rights reserved.
Yoni 8
8
Kwamayoku udo'udodi Yesu againe hisimadumadugedi.
1-2Tu Yesu gina oya Olive againe gilaka, ada bogi gida malalauga gi'enohobu manuwa-tafalolo againe giluku ada kaliva moya'aidi Bana againe hiyo'oyo'o, ada au givetogana givebutu givehawaledi. 3Givehavehawala tu Mosese yana vehimeya ana tovehawala kadu tonagona tafatafalolodiyao adi egana Falisi, kwamayoku Yesu againe hisimadumadugedi, badi mali kaliva buye hidauda tu hinuhagadi. Ada yo'o hinafadiya Yesu matane kwamayoku hivemidididi. 4Hivemidididi tu Yesu againe higahe higayo, “Tovehawala, badi hida hima kwamayoku mali kaliva buye hidauda-ma anuhagadi, au a'ita-mo'edi. 5#1Veh 20:10Atu Mosese yana buki-vehimeya againe givehimeya be vevine to'udo kuga againe kanatutuve'alikadi. Tu O'eni ma badi fa'idiya ka'i gavaimi unagahe?” 6Au hidemi higahe be Yesu hinavebauna fa'ina. Hinuwanuwa ka'i yana bonalaufata againe tamo gavadi keke gidalubodani-ma ginagaheyena digo, adifaiweya hinahawavekoyoyena.
Tu Yesu gi'ibo'ula givebutu nimalagolagone babiya gi'eto'etoladi. 7Bana keke gavaimi gidagahegahe tu badi higaheluya'aya'ala fa'ina, gimididi-mo'a gigahedi gigayo, “Hai kaliva sa'eyana agaimiya keke tamo gidakoyo, medema kuga againe kwamayoku ginamidifihadi.” 8Yesu hidedemi gigahe-yo au gi'ibo'ula-havagi babiya gi'eto'etoladi.
9Ada au yana gahe hinogalini-yo yadi koyona nuwadi gi'afolena fa'ina hivebutu anakaibe anakaibe hilowolowoga. Au lakahidiyao himidilowoga tu kabi'odiyao wai himulina, ada au moya'aidi hinu-'owoga tu Yesu anakaibe gimiyami, kwamayoku buye'i aimo himidimidi. 10Kadu Yesu gimididi-mo'a kwamayoku gigahedi gigayo, “Kaliva hami hina? Ka'i keke tamo hakwadi nuwanuwana kuga againe ginafihami?”
11 #
Yo 5:14
Au badi kwamayoku higayo, “Kauveya, keke tamo.”
Ada Bana Yesu gigayo, “Kadu Iya keke matahiwadi ganavelemi. Au wanana tu yami dewa koyona wanahege-vagahina.”]
Bana Yesu tomiyababi yada Mahalina.
12 #
Yo 1:4-9, 12:46 Tu muliya Yesu manuwa-tafalolo againe giluku-havagi, yo'o agaidiya gigahe gigayo, “Iya'eku omi tomiyababi yami mahalina, nuwami ana mahalina. Gava kaliva unamulimuliyeku o, keke uyuyu againe unanunaudadana tu nuwa ganakivemahalina be mahalina againe unamiyami tova moya'aina.”
13Au badi Falisi higahena higayo, “O'eni Tauni fa'iniya ulukahihi uhawavemogatala fa'ina ya hawavemogatala keke velemo'ena.”
14Bana Yesu gigahedi gigayo, “E, Tauku fa'ikuya galukahihi gahawavemogatala tu hai gatauya kadu hami ganana ma gahalamanena fa'ina, yaku hawavemogatala Tauku fa'ikuya keke fwaya, au gagahe velemo'ena. Tu hai gatauya kadu hami ganana ma omi keke wadahalamaneni. 15#Yo 7:24Omi'iyao ma itagaga againe wagahe-kawowo be wahawavekoyoyeku tu, Iya'eku ma keke tamo hakwadi fa'ine nuwaku gidafaisewa-yo gadahawavekoyoyeni. 16#Yo 5:30Tu ka'i tamo kaliva fa'ine nuwaku gidafaisewa be gadahawavekoyoyena digo, yaku vehimeya au velemo'ena, fa'ina keke akukaibe gadavehimeya, au Bana Kamaku buye avehimeya, Bana'e amanadi gi'iveniniseku be gahobu'ela. 17Kadu yami buki-vehimeya againe hi'etoladi vaita tohawavemogatala luhei ka'i yadi gahe sa'eyana, au kanahalamanena yadi gahe velemo'ena. 18#1Yn 5:9Ada au Iya Tauku fa'ikuya gahawavemogatala kadu Bana Kamaku gi'iveniniseku-ma Iya fa'ikuya gihawavemogatala au Ime tohawavemogatala luhei.” Hidedemi Yesu gigahe.
19 #
Yo 14:7
Tu Tamana giyakahina fa'ina higahena higayo, “Tama hai gimimiyami?” Yesu gigahedi gigayo, “Keke wadahalamaneku kadu keke Kamaku wadahalamaneni. Ka'i wadahalamane-mo'eku digo, kadu Kamaku wadahalamane-mo'ena.” 20#Yo 7:30Ada au Yesu manuwa-tafalolo againe givehavehawala tu hidede amine gilulukahihi. Velekawowo ana abavedodoga liline gimidimidi tu givehavehawala. Ada yana tova aimo keke gidalakayemu fa'ina ana kive'avina higa-wayoga.
MiYuda yadi tonagona Yesu inubana hifaniyena.
21 #
Yo 7:34-35
Tu kadu Yesu gigahedi gigayo, “Iya ganana gananuyabuyabumi tu omi wanalele-wayogeku, au yami wakoyona wana'alika. Ada Iya ganana againe omi keke amifaiweya wana'ela.”
22Hidedemi Yesu gigahedi fa'ina, miYuda yama tonagona hive'agahegahe higayo, “Gavadi-yo gigahe gigayo, Iya ganana againe omi keke amifaiweya wana'ela? Ka'i Tauna ginaluve'alikana, ka'i keke?”
23Au Bana Yesu gigayo, “Omi'iyao ma babiya walakayemu tu Iya'eku ma lobameya gamiyami be gahobu'ela. Omi babi ana kaliva tu Iya lobama ana kaliva. 24Hidema fa'ina ahe gagahemi yami wakoyona wana'alika, fa'ina ka'i yaku gahe Tauku inubaku fa'ina keke wanavetumaganeni digo, yami wakoyona wana'alika.”
25Au badi higayo, “O hakwa'adi?” Yesu gigahedi gigayo, “Iya'eku boi yaku vehawala ana abave'inuba againe gavenuwa'atami amine. 26Ada yaku gahe moya'aina yami koyona fa'ina we'a gidadauda be aimo ganalukahihiyena ada ganahawavekoyoyemi. Ada au Bana gi'iveniniseku-ma bonana velemo'ena ada gavaimi Bana againe ganogalina amanadi, omi tomiyababi agaimiya galulukahihi.”
27Au hidedemi Yesu gigahe tu badi miYuda yana nuwanuwa hifaniyena, keke hidahalamaneni Tamana Yaubada fa'ine gilukahihi. 28#Yo 3:14, 5:19Ma Yesu kadu gigayo, “Aimo Iya Tohobu'ela ai againe wanakivemididiku ana toveya, au medema tovai-nadi halamana wanavaina inubaku wanahalamanena. Kadu wanahalamanena keke tamo Tauku yaku nuwanuwa againe gadagugaiyeni, tu hida yaku gahe Kamaku givehawaleku amine Iya gagahe. 29#Yo 16:32Ada Bana gi'iveniniseku-ma Iya buye amimiyami. Keke gidanuyabuyabuku-yo akukaibe gadamiyami. Tova moya'aina Bana bonana ga'abi'abina fa'ina nuwana gakiveyamumuna.” 30Ada au hida Yesu yana lukahihi againe moya'aidi hivebutu hivetumaganena.
Ve'agahegahe Abelahamo ana unumamomo fa'idiya.
31Tu Yesu miYuda Bana bonana hivetumaganena amanadi gigahedi gigayo, “Ka'i yaku vehawala againe wanaluluve'avina amine o, aku tomuliya velemo'ena omi'iyao. 32Omi yogoyogonimiyao vaita tove'agetoga amine. Yaku vehawala ahe wanogalina ada ka'i bonaku wana'ita'itave'avina, bonaku au velemo'ena ma wanahalamanena be yami ve'agetoga ginahavaina.”
33Tu badi miYuda Yesu againe higahe higayo, “Ime Abelahamo ana unumamomo ada keke tamo hakwadi againe adave'agetoga. Gavadi-yo ugahe vaita yama ve'agetoga ginahavaini?”
34 #
Lo 6:16; 2Fi 2:19 Bana Yesu gigahedi gigayo, “Yaubada gihalamaneku tu gagahegahe. Gaveyao hihuluva koyona, medema moya'aidi koyona againe hive'agetoga. 35Bana kauve'a natuna velemo'ena ma tamana ana unuma agaidiya ginamiya-vagata be yana lokolokofou ginavaina. Atu bana agetoga ma keke yana kauve'a againe ginamiya-vagata higa vaita ana du'u ginavaini. 36#Ga 5:1Omi yogoyogonimiyao wamimiyami higa vaita koyona againe wadave'agetoga. Ka'i Iya Yaubada Natuna yami ve'agetoga ganadabana amine o koyona keke ginavehimeyemi, au Yaubada ana unuma agaidiya wanaluku be wanamiya-vagata. 37Iya gahalamanemi omi'iyao Abelahamo ana unumamomo. Omi Abelahamo bwaneneneyao nonogana nuwanuwami wanaluve'alikaku, fa'ina bonaku keke ase'asemiya gidaluku-yo gidadauda. 38#Yo 8:44Gavadi Bana Kamaku againe ahe ga'itana, medema omi agaimiya galulukahihiyena, tu omi meda anafaiweya ka'i gavadi kaliva sa'eyana higa omi tamami againe wanogalina, mededemi wahuluhuluvina.” Hidedemi Yesu gigahe.
39Badi miYuda higahena higayo, “Abelahamo ime tamama.” Yesu gigayo, “Ka'i velemo'ena omi Abelahamo ana unumamomo, Abelahamo nimana wadavaina tu keke wadavaini. 40Omi wanuwanuwa amine Abelahamo keke gidanuwanuwa. Iya bona velemo'ena omi agaimiya galukahihiyena, bonai-nadi Yaubada againe ganogalina. Bonaku velemo'ena galukahihiyena fa'ina omi nuwanuwami wanaluve'alikaku. 41Omi'iyao ma kaliva sa'eyana higa omi tamami amine wahuluhuluva.”
Yesu hidedemi gigahe-yo badi higayo, “Ime keke eda natuneyao. Ime tamama au sa'eyana, anafaiweya Bana Yaubada.”
MiYuda yadi tonagona vaita Setani ana unumamomo.
42 #
Yo 16:28
Bana Yesu gigahedi gigayo, “Ka'i velemo'ena Bana Yaubada omi tamami digo, omi wadanuwakabubuyeku, fa'ina Iya inubaku ma Yaubada againe gatauya be gahobu'ela. Keke tauku yaku nuwanuwa fa'ina gada'ela, au Bana'e gi'iveniniseku fa'ina gahobu'ela. 43Gavana fa'ina-yo yaku nuwanuwa galukahihiyena-ma wafaniyeni? Omi bonaku keke nuwanuwami fa'ina keke yaku nuwanuwa wadahalamaneni. 44#1Yn 3:8; Aba 3:4Omi'iyao ma tamami au Setani, ada tamami yana nuwanuwa amine omi nuwanuwami wanahuluva. Boi tuwaina babi ana abave'inuba againe bana Setani yana dewa luve'alika, ada hidede amine ginunauwena tova adamoya. Keke-mo'a nuwanuwa velemo'ena againe gidamiyami, fa'ina keke tamo nuwanuwa tunutunugina bana ase'asene gidadauda, keke. Nuwanuwa ve'afwayafwayana bana ase'asene gidadauda fa'ina, yana gahe tova moya'aina fwaya, fa'ina bana ana egana tofwaya. Ada au fwaya matatabuna inubana bana againe.
45Tu iya'eku ma yaku gahe velemo'ena fa'ina, keke wadavetumaganeku tu omi tamami ma tofwaya amine wanuwanuwa. 46#1Fi 2:22Keke tamo hakwadi afaiweya Iya agaikuya koyona unanuhagani. Ka'i yaku gahe velemo'ena, gavana fa'ina-yo keke wadavetumaganeku? 47Kaliva gaveyao Yaubada natuneyao, medema Yaubada bonana hivenogalena. Omi'iyao ma keke Yaubada natuneyao. Hidema fa'ina Bana'e bonana keke wadavenogaleni.” Au hidedemi Yesu gigahedi.
Yesu Tauna inubana fa'ina gilukahihi-havagi.
48 #
Yo 7:20
Tu miYuda Yesu yana gahe badi fa'idiya hinogalini-yo higahena higayo, “Au O fa'iniya agahe velemo'ena. O'eni vaita ada aniyabina miSameliya kalivadi amine, kadu O'eni wayafune.”
49Bana Yesu gigayo, “Iya keke wayafuneku. Tu au Bana Kamaku Iya gakilakahina tu omi keke wadakilakahiku, au wahawavekoyoyeku. 50Ma keke Tauku ganakilakahiku. Au Kaliva sa'eyana gimimiyami, Bana ginakilakahiku ada Bana'e kaiwabu ana tovetala. 51#Yo 5:24Yaubada gihalamaneku tu gagahegahe. Gava kaliva bonaku gi'abi'abina, medema keke gina'alika.”
52Au badi miYuda higayo, “Au ahalamane-mo'e O'eni wayafune. Abelahamo gi'alika kadu Yaubada bonana ana to'awatalatalaina tuwaina hi'alika. Gavadi-yo ugahe vaita ka'i kaliva O bona gina'abina, medema keke-mo'a gina'alika? 53Ime bwanenema Abelahamo, kaliva kikaiwabuna, tuwai-mo'ena gi'alika. Keke-mo'a Abelahamo kaiwabu againe O udatubuhegeni. Kadu badi Yaubada bonana ana to'awatalatalaina hi'alika-'owoga. O vaita hakwa'adi tu O ugagakahikahi?”
54Bana Yesu gigayo, “Ka'i Tauku ganakilakahiku, yaku kaiwabu vaita iyohoyoho, vaita gadagahe-kawowo. Atu Bana Kamaku gikilakahiku ada Bana'e omi wahawaveyaubadayena. 55#Yo 7:28-29Tu omi Bana'e keke wadahalamane-mo'eni tu Iya velemona gahalamanena. Ka'i Iya gadagahe gadagayo, Yaubada keke gadahalamaneni, ka'i hidede amine gadagahe digo, Iya gadafwaya omi wafwaya amine. Tu Iya Bana'e gahalamane-mo'ena, kadu bonana ga'abi'abina. 56Ada omi bwanenemi Abelahamo Iya yaku hobu'ela babiya ma tuwai-mo'ena gimidihalamanena. Hidema fa'ina givemwamwala, ada au yaku tova ahe gi'itana ada givemwamwala.”
57Au badi miYuda higahena higayo, “O'eni keke Abelahamo uda'itani fa'ina O keke kaliva lakahi, a malamala aimo keke fifiti (50) udavaidi. Au ugahe-kawowo.”
58 #
Yo 1:1
Yesu gigahedi gigayo, “Yaubada gihalamaneku tu gagahegahe. Abelahamo aimo keke gidatubuga tu Iya tuwaina tuwai-mo'ena gamiyamiya-vagata.”
59 #
Yo 10:31
Hida yana gahe hinogalini-yo kuga hivaina be hinafihana. Tu Yesu giveu be manuwa-tafalolo ginuyabuyabuna.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2003, Wycliffe Bible Translators, Inc. All rights reserved.