Jenesis-Agafa 11
11
Ruzahu ruzahu zamageru ru'naza naneke
1Ana knafi mopafi mani'naza vahe'mo'za magoke zamageru ru'za magoke kege hu'naze. 2Vahe'mo'za hage'za zge hanatitega nevu'za mago agupo mopa Sainar (Babiloni) ome kete'za, anante kuma ome ante'za mani'naze. 3Mani'ne'za ke hugantugma hute'za enketa havemofo nona'a mopa kateta briki tro huta tevefi kre hanveneti'za, simenimofo nona'a fuki (kolta) eri'naze. 4Anante amanage hu'naze, enketa tagrati rankuma trohuta zaza no kita monafi mrerisnunkeno, ana nomo'a ra tagi neramino arurega vuta eta hu'zanku tazeri atru hino. 5Ra Anumzamo rankuma ene, zaza none, vahe'mo'za ki'naza nonku'ma kenaku erami'ne. 6Ra Anumzamo eramino amanage hu'ne, zamagra magoke naga mani'ne'za magoke zamageru neraze. Amazana eri agafa hazankiza, mago'zama hunakuma hnazazana, amne tro hugahaze. 7E'i zanku tagra uramita ke'zmi eri svari hamnenke'za, zamagra zamageru ruzanku havia hanaze. 8Anage nehuno Ra Anumzamo zamazeri fragu vazige'za kumazimi tro huvga ore'za atre'za hakare'a mopare vu'za e'za hu'za umani'naze. 9Ana hu'nea agafare Babelie hu'za hu'naze. Na'ankure Ra Anumzamo ama mopafi zamageru zamazeri havia huteno, hakare moparega Ra Anumzamo zamazeri atrege'za vu'za e'za hu'naze.
Semi agehe'mokizmi zamagimofo neneke
10Semi mofavre naga zamagi'a, tima hageteno tare kfu agteregeno Semi 100ti'a zgegfu huteno Arpaksadi na nefa'za hu'ne. 11Arpaksadi nfa'aza huteno Semi'a 500ti'a zgegfu nehuno ne'mofara mago'ane zamante'ne. (Semi'a 600ti'a zgegfu maniteno fri'ne). 12Arpaksadi'a 35fu'a zgegfu huteno Selana nefa'za hu'ne. 13Arpaksadi'a Sela nefa'zama huteno'a 403'a zgegfu manineno mago'ane ne'mofara zamante'ne. (Arpaksadi'a 438ti'a zgegfu maniteno fri'ne). 14Sela'a 30ti'a zgegfu maniteno Eberina nefa'za hu'ne. 15Sela'a Eberi nefa'za huteno 403'a zgegfu maniteno mago'ane ne'mofara zamante'ne, (Sela'a 433'a zgegfu maniteno fri'ne). 16Eberi'a 34'a zgegfu maniteno, Pelekina nefa'za hu'ne. 17Eberi'a Peleki nefaza huteno, 430'a zgegfu maniteno mago'ane ne'mofara zamante'ne, (Eberi'a 464'a zgegfu maniteno fri'ne). 18Peleki'a 30'a zgegfu maniteno Reuna nefa'za hu'ne. 19Peleki'ma Reu nefa'za huteno 209ni'a zgegfu manino mago'ane ne'mofara zamante'ne. (Peleki'a 239ni'a zgegfu maniteno fri'ne). 20Reu'a 32'a zgegfu maniteno Seragina nefa'za hu'ne. 21Seragima, Reu'a nefa'za huteno 207ni'a zgegfu manineno mago'ane ne'mofara zamante'ne. (Reu'a 239ni'a zgegfu maniteno fri'ne). 22Seragi'a 30'a zgegfu maniteno Nahona nefa'za hu'ne. 23Seragi'a Naho nefa'za huteno 200ti'a zgegfu manineno mago'ane ne'mofara zamante'ne. Seragi'a 230'a zgegfu maniteno fri'ne. 24Naho'a 29ni'a zgegfu maniteno Terana nefa'za hu'ne. 25Naho'a, Terana nefa'za huteno 119ni'a zgegfu maniteno mago'ane ne'mofara zamante'ne, (Naho'a 148ti'a zgegfu maniteno fri'ne). 26Tera'ma 70ti'a zgegfu nehuno'a Abrama, Nahone, Harani kizmi nezmafa'za hu'ne.
Tera naga'mofo naneke
27Tera nagara amana hu'ne. Tera'a Abrama, Nahoma, Harani kizmi nezmafa'e. Hagi Harani'a Loti nefa'e. 28Tera'a ofri mani'negeno, Harani'a ksente'naza kumate Ur kaziga Kaldi'a mopare frine. 29Abramu ene Nahokea a' eri'na'e. Hagi Abramu a'mofo agi'a Sarai'e. Naho a'mofo agi'a Milka'e, agra Harani mofare. Milkane Iska kizni neznafa'e. 30Hianagi Sarai'a mofavre onte narvo a' mani'ne.
31Tera'a mofavre naga'a Abramu'ma, Harani mofavre Loti negehonki, nenofero Sarai Abramu nenaronki huno nezmareno Kaldi'a kazigati Ur kumara atre'za Kenani vu'naze. Haran kumate'ma unehnatiza anante umani'naze. 32Tera'a 205fu'a zgegfu huteno Harani mopare fri'ne.
ទើបបានជ្រើសរើសហើយ៖
Jenesis-Agafa 11: kbq
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2014, Wycliffe Bible Translators, Inc. All rights reserved.