Mateu 5
5
Iesu Ya Nau‑wahe Oya Wayahina
1Ka Iesu avaha yoko‑naia ananina inau‑hohona iakwa dueyei, e tauna ivane oya, e tanoi wayahina manuena. Ka a tau vi‑muni‑waiwai kadu ivane‑me iomo wayahina.
Iesu Ya Viwavenena Nau‑iaiava Wayahina
(Luke 6:20‐23)
2Ka Iesu vi‑putu viwavenena wayahia, vonavona,
3“Aituhu aviyaivia avaha ianamanei taui awakabi Yaubada matana, ka eha aitam aviani yai dewa wayahia Yaubada n'‑apa‑vidovidohe,
akanai taui avaha nau‑iaiava ivaniahei.
Iuna taui ai pata Yaubada ya pai veimea ivaniahei.#Isa 57:15.
4Aituhu aviyaivia ataina ivi‑mohai,
akanai taui avaha nau‑iaiava ivaniahei.
Iuna apaina Yaubada nuai vo‑vi‑tunuhi ividoha.#Isa 61:2-3; SiV 7:17.
5Aituhu aviyaivia eha ita‑nua‑vane, ka taui ai wava eha ananina tomotau mataia,
akanai taui avaha nau‑iaiava ivaniahei.
Iuna apaina Yaubada tanopi habuhabuna venei iveimeyei.#Sam 37:11.
6Aituhu aviyaivia yai nuanua ananina Yaubada ya nuanua ivi‑ateteyei,
akanai, taui avaha nau‑iaiava ivaniahei.
Iuna apaina Yaubada yai nuanuana ananina n'‑awaehei deina.#Isa 55:1-2.
7Aituhu aviyaivia mani tomotau iate‑nuanuaiei,
akanai taui avaha nau‑iaiava ivaniahei.
Iuna apaina Yaubada kadu taui n'‑ate‑nuanuaiei aitamoata deina.
8Aituhu aviyaivia yai nuanua eha tana‑vewanina, kate tuta tuta yai nuanua maheta nuai vo‑vi‑mahetei,
akanai, taui avaha nau‑iaiava ivaniahei.
Iuna apaina taui Yaubada idudueyei.
9Aituhu aviyaivia havia ivo‑vi‑gomani ivi‑yaiana,
akanai, taui avaha nau‑iaiava ivaniahei.
Iuna apaina Yaubada n'‑awaeha wayahi, ‘Taui natunatu.’
10Aituhu aviyaivia Yaubada yana vona ivi‑ateteyei, kate inahe ivaniahei yai dewa tunutunuhina wayahina,
akanai, taui avaha nau‑iaiava ivaniahei.
Iuna taui Yaubada ya pai veimea ivaniahei.#1Pi 3:14.
11Ka aituhu aviyaivia itomi wayahimia uvi‑muni‑waiwaieu, ka aituhu mani tomotau inau‑vonuvonuemi, kadu ivi‑ginibaiemi, kadue yai vitupu wayahina iapa‑goyogoyoemi yauke taua wayahiu, akanai, taumi avaha nau‑iaiava uvaniahei deina.#1Pi 4:14. 12Avaha uanamanei tuta nonova a itoava tuta ataina wayahina, Yaubada ya tau apa‑taputapu inahe ivaniahei tomotau wayahia aitamoata deinake. Wayahina, vona ahiahina, nau‑wawanimi udewa‑haiawa ani‑vainena. Iuna Yaubada ami nau‑pata ahiahina poy'‑avini wahuma, ka apaina uvaniahei.#2Va 36:16; Dew 7:52.
Wetona Ka Maheta
(Marika 9:50; Luke 14:34‐35)
13Itomi au tau vi‑muni‑waiwai tau ma' tanopi una‑ivaitei, niuna aniani na‑ivaitei deina. Aituhu niuna wetona iopu iakwa, unana eha ana pata vidoha‑havine. Akanai, tomotau ivihahaiei, iepa‑yavunei etawana wayahina, ka tomotau iva‑taunei tanopia.
14Ka kadu itomi lampaV a maheta tau ma' tanopi wayahi deina. Aituhu aitam meagai atu‑oyaoyana hetana mamaei, eha ana pata tomotau meagai‑nana ihive.#Ioni 8:12; 9:5. 15Kadu deinake, avi tuta lampaV katunu, eha kunia kata‑tana‑kabubu lampaV hetana. Eha yaka dewa deina. Kate yaka dewa lampaV a pai vi‑ai hetana kaboui, e manua habuhabuna na‑mahetei, e lampanaV tomotau habuhabuna manuana nihenina ivaitei deina.#Mar 4:21; Luk 8:16; 11:33. 16Itomi kadu lampaV deinake. Nau‑wawanimi yami maheta un'‑awaehei na‑mahetei tomotau mataia, e taui yami dewa ahiahina idueyei deina, ka apaina taui Amami wahuma in'‑awa‑davei.#Epe 5:8-9; 1Pi 2:12.
Mosese Ya Veimea
17Kaiwadi, tupwami unuanua yau paisewa wayahina yauke aomo iuna Mosese ya veimea an'‑epa‑yavunei, o kaiwadi, unuanua aviani Yaubada vonemi tau apa‑taputapu ya' iginuma nihenina an'‑epa‑yavunei. Kate yau paisewa eha deina. Yau paisewa vivane Yaubada yana vona habuhabuna an' anamana aviwavenemi, un'‑anamane‑vidoha.#Rom 3:31. 18Ka memeanina nuami vi‑tupatupa, kate avonemi, mani viwavenena eha ana pata Yaubada yana vona na‑nau‑seani. Ka Iginuma habuhabuna akanai mamaei bana mamanaina a itoava apa‑taputapu aitamoata aitamoata ivin'‑omo ina‑iakwa wayahina. Apaina wahuma kadu tanopi imaiova, kate Iginuma ma'‑vavaha.#Luk 16:17; 21:33. 19Ka aituhu aviyaivia aitam veimea kikitu‑vainena Yaubada ya Veimea nihenina ivihahaiei, itana‑bwegebwegei, kadu aituhu taui mani tomotau iviwavenei itana‑bwegebwegei aitamoata deina, apaina taui ai wava ipu‑hoina Yaubada ya pai veimea nihenina. Kate aituhu aviyaivia Yaubada ya Veimea idewa‑nubunubui, kadu aituhu taui mani tomotau iviwavenei ivi‑ateteyei, apaina taui ai wava ani‑vainena Yaubada ya pai veimea nihenina.#Iam 2:10. 20Aituhu Parisi yai dewa yami dewa vane‑tawanei, o aituhu veimea a tau viwavenena yai dewa yami dewa vane‑tawanei, itomi eha ami pata Yaubada ya pai veimea uvaniahe. Iuna Parisi kadu veimea a tau viwavenena iviwavenena tunuhina, kate taui eha ita‑dewa‑nubunubu.
Nua‑goyo Wayahina
21Unononi avo‑vi‑mahetemi. Avaha uanamanei tuta nonova wayahina Yaubada ya veimea yaka tupua‑nenenehi veimeyei, ivona,
‘Eha enau‑vi‑aniga’,
ka
‘kadu aituhu aviyaivia inau‑vi‑aniga,
akanai dewa‑yaiyai ivaniahei.’#NiT 20:13; V.V 5:17.
22Kate ataina avonemi tunina. Aituhu koiaka nua‑goyo a niam wayahina, apaina dewana wayahina Yaubada na‑nau‑yanahi, ka a dewa‑yaiyai vaniahei. Kadue aituhu koiaka a niam apa‑goyogoyoei, aka veimea veimeyei vivane Sanederini yoko tauna a dewa‑yaiyai ivi‑nua‑dadani. Kate ataina avonemi tunina. Aituhu koiaka a niam vonei, ‘Taum kwavakwavam,’ apaina Yaubada tauna a dewa‑yaiyai vi‑nua‑dadani, ka kaiwadi, tauna na‑nu ai ananata nihenina.#1Io 3:15.
23O aituhu avaha yam am‑venena‑kavovo eomaomanei pai am‑venena wayahina, e en'‑am‑venena Yaubada wayahina, ka aituhu yam dewana niwanina enuani, ‘Ia! Au niau ya nua‑vita mamaei. Iuna yauke yau goyona wayahina.’#Mar 11:25. 24Aituhu enuani deina, nau‑wawanim yam am‑venena‑kavovo eboui pai am‑venena nepena, ka naona emavina am niam wayahina, e nui uvi‑niana‑havine. Iakwa, akanai emavina, e yam am‑venena‑kavovona Yaubada wayahina en'‑am‑venena.
25O aituhu yam goyona wayahina aitam onoto epam, e neiem tau vaneneha matana wayahina, e apa‑goyogoyoem, yauke avonem tutana etawana nui uneine, aituhu evo‑vi‑tunutunuhi‑kwayavoni, evidoha deina. Iuna aituhu vitana matana a manua uvaniahei, kaiwadi, tau vanenehana aitam tau nau‑havia veimeyei poy'‑avinim, neiem manua yohona nihenina. 26Memeanina nuam vi‑tupatupa, kate avonem, eha am pata manua yohonana eni‑tawane a itoava am aga habuhabuna enau‑pata‑yehai wayahina.
Tavine Wayahina
27Avaha uanamanei nonova Yaubada ya veimea yaka tupua‑nenenehi veimeyei, ivona,
‘Eha ekenene.’#NiT 20:14; V.V 5:18.
28Kate aveimeyemi tunina. Aituhu avi onoto vavine wayahina nuanua‑hivahiva, tauna nuana nihenina avaha kenene vavinena wayahina. 29Wayahina, aituhu goyona vin'‑omo matam ateim ya dunea, e vo‑vi‑peum, nau‑wawanim matam emoi‑yavunei. Viha‑nana eha ananina, ka tupwana. Ahiahina wayahim aituhu hutam aitamoata evo‑haini deina. Iuna aituhu goyona vi‑peum, apaina Yaubada yam dewa‑yaiyai vi‑nua‑dadani, e kaiwadi, tauna veimeyem vivane ininim habuhabuna ihaponei ena‑opu ai ananata nihenina. Aina viha‑vavaha.#Mat 18:9; Mar 9:47. 30Ka kadu aituhu goyona vin'‑omo nimam ateim ya dewea, e vo‑vi‑peum, nau‑wawanim nimam eupwa‑yavunei. Viha‑nana eha ananina, ka tupwana. Ahiahina wayahim aituhu hutam aitamoata evo‑haini deina. Iuna aituhu goyona vi‑peum, apaina Yaubada yam dewa‑yaiyai vi‑nua‑dadani, e kaiwadi, tauna veimeyem vivane ininim habuhabuna ihaponei ena‑opu ai ananata nihenina. Aina viha‑vavaha.#Mat 18:8; Mar 9:43.
Vaiobu Wayahina
(Mateu 19:9; Marika 10:11‐12; Luke 16:18)
31Avaha uanamanei nonova Yaubada ya veimea yaka tupua‑nenenehi veimeyei, ivona,
‘Aituhu onoto aitam nuanuana
apaina awana na‑vaiobuei,
naona onotona nau‑wawani
yana leta ginumi, awanana venei,
ka munia, ainua ivaiobu.’#V.V 24:1-4; Mar 10:4.
32Kate ataina aviwavenemi tunina. Aituhu aitam vavine eha ta‑kenene, ka aituhu awana ya nuanua na‑vaiobuei, onotona ya nuanuana vivane goyona. Apaina, kaiwadi, vavinena tavine‑tamana mani onoto wayahina. Aituhu deina, vavinena avaha kenene. Kate iuna kenene‑nana wayahina vivane vavinena awana naona yana dewa goyona. Ka aituhu onoto v'‑inuana vavinena tavine, tauna kadu kenene deina. Iuna Yaubada matana nihenina vaiobu‑nana tavine naona eha ta‑kweui, akanai mamaei.#1Ko 7:10-11.
Vona‑dabadaba Wayahi
33Kadu avaha uanamanei nonova aitam Mosese ya veimea yaka tupua‑nenenehi wayahia ivona,
‘Avi tuta evona‑dabadaba Kauvea wayahina,
aituhu tauna ana wava etomani,
eha am pata yam vona‑dabadabana evo‑vine,
kate nau‑wawanim enau‑yehai.’#V.V 23:21; Lev 19:12; Yau 30:2.
34Kate ataina aviwavenemi tunina. Vona‑dabadaba aitamoata aitamoata ivin'‑omo Yaubada matana. Wayahina, eha evona‑dabadaba. Eha evona, ‘Avona‑dabadaba Kauvea a wavea.’ Kadu eha evona, ‘Avona‑dabadaba wahuma wayahina,’ iuna Yaubada ya pai manuena ahihi‑vainena wahuma nihenina mamaei, ka avaha Kauvea ana wava etomani deina.#Isa 66:1; Iam 5:12; Mat 23:22. 35Kadu eha evona, ‘Avona‑dabadaba tanopi wayahina,’ iuna Yaubada aena a pai vi‑ai ahihi‑vainena vivane tanopi, ka avaha Kauvea ana wava etomani deina. Kadu eha evona, ‘Avona‑dabadaba meagai Ierusalem wayahina,’ iuna Ierusalem vivane Yaubada ya meagai, tauna KiniV Bagibagi‑vainena.#Sam 48:2; Isa 66:1. 36Kadue eha evona, ‘Avona‑dabadaba taua ununu wayahina,’ iuna wamke eha am pata apanam aitamoata eveimeye na‑vo‑vi‑kavui o na‑vo‑vi‑nigei, a? 37Wayahina, akanai ena‑vona, ‘Ika, apaina adewei deina,’ o kadi ena‑vona, ‘Eha, apaina eha adewe deina.’ Aituhu kadu aitam vona ebou yam vona hetana, vonana hetana vin'‑omo Satana wayahina.
Nau‑pata Goyona Wayahina
(Luke 6:29‐30)
38Avaha uanamanei nonova, avi tuta aitam tomotau gonia vaniahei a niam wayahina, Yaubada ya veimea yaka tupua‑nenenehi veimeyei, ivona,
‘Mata aitamoata a nau‑pata
mata aitamoata,
kadu niho aitamoata a nau‑pata
niho aitamoata.’#NiT 21:24; Lev 24:20; V.V 19:21.
39Kate ataina aviwavenemi tunina. Aituhu tomotau goyogoyona vi‑goyom, eha enau‑pata goyo‑nana wayahina. Aituhu koiaka awayaem ateim piahi, akanai awayaem akenim en'‑awaehei kadu na‑piahi. 40O aituhu koiaka ya nuanua vitana matana wayahina am kwama n'‑epei, kadu yam sita hetana evenei. 41O aituhu koiaka (tau nau‑havia deina) veimeyem ya gugua ehunia aitam meagai wayahina (deina me Rom yai veimea tauna awaehei, meagai aitamoata akanai), nau‑wawanim eawaehei kadu meagai v'‑inuana wayahina ehunia ena‑ne. 42Kadu aituhu koiaka vin'‑omo wayahima, e viama aitam amane wayahima, amanena evenei, ka eha yam gugua enua‑tania. O aituhu koiaka vin'‑omo wayahima, e ya nuanua aitam amane evenei, ka aituhu tauna vonem, ‘Apaina amanena anau‑patam,’ eha evihahaie.
Dewa‑vidovidoha Wayahina
(Luke 6:27‐28, 32‐36)
43Avaha uanamanei nonova Yaubada ya veimea yaka tupua‑nenenehi veimeyei, ivona,
‘Yaiami udewa‑vidovidohei,
kate ami havia unau‑nikonikoiei.’#Lev 19:18.
44Kate ataina aviwavenemi tunina. Ami havia kadu udewa‑vidovidohei! Ka aituhu aviyaivia ivo‑vi‑vihami, nau‑wawanimi uviama wayahi Yaubada na‑ivaitei.#NiT 23:4-5; Luk 23:34; Dew 7:60; Rom 12:14, 20. 45E aituhu yami dewa deina, akanai Yaubada wahuma ivona wayahimi, ‘Taui natunatu‑hoiu.’ Iuna tauna babau a maheta awaehei vanavana tau goyogoyona wayahi ka kadu tau ahiahina wayahi. Kadu deinake, yana wei awaehei atuatuna tau tunutunuhi wayahi ka kadu tau goyogoyoi wayahi. 46Udueyei. Aituhu yaiami ai heta udewa‑vidovidohei, dewana eha aitam aviani ahiahina Yaubada matana. Iuna tau goyogoyona, takesiV a tau vitua deina, yaiai idewa‑vidovidohei. 47O aituhu vavaneimi ai heta unau‑kaiwei, ka eha mani tomotau, medeina yami dewana ahiahina Yaubada matana? Iuna taui eha Yaubada it'‑anamane vavanei inau‑kaiwei deinake. 48Ka taumi nau‑wawanimi uvi‑muni‑waiwaieu, ka nau‑wawanimi tomotau habuhabui udewa‑vidovidohei, Amami wahuma yana dewa deina.”#Lev 19:2; V.V 18:13.
ទើបបានជ្រើសរើសហើយ៖
Mateu 5: MVN
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2008, Wycliffe Bible Translators, Inc. All rights reserved.
Mateu 5
5
Iesu Ya Nau‑wahe Oya Wayahina
1Ka Iesu avaha yoko‑naia ananina inau‑hohona iakwa dueyei, e tauna ivane oya, e tanoi wayahina manuena. Ka a tau vi‑muni‑waiwai kadu ivane‑me iomo wayahina.
Iesu Ya Viwavenena Nau‑iaiava Wayahina
(Luke 6:20‐23)
2Ka Iesu vi‑putu viwavenena wayahia, vonavona,
3“Aituhu aviyaivia avaha ianamanei taui awakabi Yaubada matana, ka eha aitam aviani yai dewa wayahia Yaubada n'‑apa‑vidovidohe,
akanai taui avaha nau‑iaiava ivaniahei.
Iuna taui ai pata Yaubada ya pai veimea ivaniahei.#Isa 57:15.
4Aituhu aviyaivia ataina ivi‑mohai,
akanai taui avaha nau‑iaiava ivaniahei.
Iuna apaina Yaubada nuai vo‑vi‑tunuhi ividoha.#Isa 61:2-3; SiV 7:17.
5Aituhu aviyaivia eha ita‑nua‑vane, ka taui ai wava eha ananina tomotau mataia,
akanai taui avaha nau‑iaiava ivaniahei.
Iuna apaina Yaubada tanopi habuhabuna venei iveimeyei.#Sam 37:11.
6Aituhu aviyaivia yai nuanua ananina Yaubada ya nuanua ivi‑ateteyei,
akanai, taui avaha nau‑iaiava ivaniahei.
Iuna apaina Yaubada yai nuanuana ananina n'‑awaehei deina.#Isa 55:1-2.
7Aituhu aviyaivia mani tomotau iate‑nuanuaiei,
akanai taui avaha nau‑iaiava ivaniahei.
Iuna apaina Yaubada kadu taui n'‑ate‑nuanuaiei aitamoata deina.
8Aituhu aviyaivia yai nuanua eha tana‑vewanina, kate tuta tuta yai nuanua maheta nuai vo‑vi‑mahetei,
akanai, taui avaha nau‑iaiava ivaniahei.
Iuna apaina taui Yaubada idudueyei.
9Aituhu aviyaivia havia ivo‑vi‑gomani ivi‑yaiana,
akanai, taui avaha nau‑iaiava ivaniahei.
Iuna apaina Yaubada n'‑awaeha wayahi, ‘Taui natunatu.’
10Aituhu aviyaivia Yaubada yana vona ivi‑ateteyei, kate inahe ivaniahei yai dewa tunutunuhina wayahina,
akanai, taui avaha nau‑iaiava ivaniahei.
Iuna taui Yaubada ya pai veimea ivaniahei.#1Pi 3:14.
11Ka aituhu aviyaivia itomi wayahimia uvi‑muni‑waiwaieu, ka aituhu mani tomotau inau‑vonuvonuemi, kadu ivi‑ginibaiemi, kadue yai vitupu wayahina iapa‑goyogoyoemi yauke taua wayahiu, akanai, taumi avaha nau‑iaiava uvaniahei deina.#1Pi 4:14. 12Avaha uanamanei tuta nonova a itoava tuta ataina wayahina, Yaubada ya tau apa‑taputapu inahe ivaniahei tomotau wayahia aitamoata deinake. Wayahina, vona ahiahina, nau‑wawanimi udewa‑haiawa ani‑vainena. Iuna Yaubada ami nau‑pata ahiahina poy'‑avini wahuma, ka apaina uvaniahei.#2Va 36:16; Dew 7:52.
Wetona Ka Maheta
(Marika 9:50; Luke 14:34‐35)
13Itomi au tau vi‑muni‑waiwai tau ma' tanopi una‑ivaitei, niuna aniani na‑ivaitei deina. Aituhu niuna wetona iopu iakwa, unana eha ana pata vidoha‑havine. Akanai, tomotau ivihahaiei, iepa‑yavunei etawana wayahina, ka tomotau iva‑taunei tanopia.
14Ka kadu itomi lampaV a maheta tau ma' tanopi wayahi deina. Aituhu aitam meagai atu‑oyaoyana hetana mamaei, eha ana pata tomotau meagai‑nana ihive.#Ioni 8:12; 9:5. 15Kadu deinake, avi tuta lampaV katunu, eha kunia kata‑tana‑kabubu lampaV hetana. Eha yaka dewa deina. Kate yaka dewa lampaV a pai vi‑ai hetana kaboui, e manua habuhabuna na‑mahetei, e lampanaV tomotau habuhabuna manuana nihenina ivaitei deina.#Mar 4:21; Luk 8:16; 11:33. 16Itomi kadu lampaV deinake. Nau‑wawanimi yami maheta un'‑awaehei na‑mahetei tomotau mataia, e taui yami dewa ahiahina idueyei deina, ka apaina taui Amami wahuma in'‑awa‑davei.#Epe 5:8-9; 1Pi 2:12.
Mosese Ya Veimea
17Kaiwadi, tupwami unuanua yau paisewa wayahina yauke aomo iuna Mosese ya veimea an'‑epa‑yavunei, o kaiwadi, unuanua aviani Yaubada vonemi tau apa‑taputapu ya' iginuma nihenina an'‑epa‑yavunei. Kate yau paisewa eha deina. Yau paisewa vivane Yaubada yana vona habuhabuna an' anamana aviwavenemi, un'‑anamane‑vidoha.#Rom 3:31. 18Ka memeanina nuami vi‑tupatupa, kate avonemi, mani viwavenena eha ana pata Yaubada yana vona na‑nau‑seani. Ka Iginuma habuhabuna akanai mamaei bana mamanaina a itoava apa‑taputapu aitamoata aitamoata ivin'‑omo ina‑iakwa wayahina. Apaina wahuma kadu tanopi imaiova, kate Iginuma ma'‑vavaha.#Luk 16:17; 21:33. 19Ka aituhu aviyaivia aitam veimea kikitu‑vainena Yaubada ya Veimea nihenina ivihahaiei, itana‑bwegebwegei, kadu aituhu taui mani tomotau iviwavenei itana‑bwegebwegei aitamoata deina, apaina taui ai wava ipu‑hoina Yaubada ya pai veimea nihenina. Kate aituhu aviyaivia Yaubada ya Veimea idewa‑nubunubui, kadu aituhu taui mani tomotau iviwavenei ivi‑ateteyei, apaina taui ai wava ani‑vainena Yaubada ya pai veimea nihenina.#Iam 2:10. 20Aituhu Parisi yai dewa yami dewa vane‑tawanei, o aituhu veimea a tau viwavenena yai dewa yami dewa vane‑tawanei, itomi eha ami pata Yaubada ya pai veimea uvaniahe. Iuna Parisi kadu veimea a tau viwavenena iviwavenena tunuhina, kate taui eha ita‑dewa‑nubunubu.
Nua‑goyo Wayahina
21Unononi avo‑vi‑mahetemi. Avaha uanamanei tuta nonova wayahina Yaubada ya veimea yaka tupua‑nenenehi veimeyei, ivona,
‘Eha enau‑vi‑aniga’,
ka
‘kadu aituhu aviyaivia inau‑vi‑aniga,
akanai dewa‑yaiyai ivaniahei.’#NiT 20:13; V.V 5:17.
22Kate ataina avonemi tunina. Aituhu koiaka nua‑goyo a niam wayahina, apaina dewana wayahina Yaubada na‑nau‑yanahi, ka a dewa‑yaiyai vaniahei. Kadue aituhu koiaka a niam apa‑goyogoyoei, aka veimea veimeyei vivane Sanederini yoko tauna a dewa‑yaiyai ivi‑nua‑dadani. Kate ataina avonemi tunina. Aituhu koiaka a niam vonei, ‘Taum kwavakwavam,’ apaina Yaubada tauna a dewa‑yaiyai vi‑nua‑dadani, ka kaiwadi, tauna na‑nu ai ananata nihenina.#1Io 3:15.
23O aituhu avaha yam am‑venena‑kavovo eomaomanei pai am‑venena wayahina, e en'‑am‑venena Yaubada wayahina, ka aituhu yam dewana niwanina enuani, ‘Ia! Au niau ya nua‑vita mamaei. Iuna yauke yau goyona wayahina.’#Mar 11:25. 24Aituhu enuani deina, nau‑wawanim yam am‑venena‑kavovo eboui pai am‑venena nepena, ka naona emavina am niam wayahina, e nui uvi‑niana‑havine. Iakwa, akanai emavina, e yam am‑venena‑kavovona Yaubada wayahina en'‑am‑venena.
25O aituhu yam goyona wayahina aitam onoto epam, e neiem tau vaneneha matana wayahina, e apa‑goyogoyoem, yauke avonem tutana etawana nui uneine, aituhu evo‑vi‑tunutunuhi‑kwayavoni, evidoha deina. Iuna aituhu vitana matana a manua uvaniahei, kaiwadi, tau vanenehana aitam tau nau‑havia veimeyei poy'‑avinim, neiem manua yohona nihenina. 26Memeanina nuam vi‑tupatupa, kate avonem, eha am pata manua yohonana eni‑tawane a itoava am aga habuhabuna enau‑pata‑yehai wayahina.
Tavine Wayahina
27Avaha uanamanei nonova Yaubada ya veimea yaka tupua‑nenenehi veimeyei, ivona,
‘Eha ekenene.’#NiT 20:14; V.V 5:18.
28Kate aveimeyemi tunina. Aituhu avi onoto vavine wayahina nuanua‑hivahiva, tauna nuana nihenina avaha kenene vavinena wayahina. 29Wayahina, aituhu goyona vin'‑omo matam ateim ya dunea, e vo‑vi‑peum, nau‑wawanim matam emoi‑yavunei. Viha‑nana eha ananina, ka tupwana. Ahiahina wayahim aituhu hutam aitamoata evo‑haini deina. Iuna aituhu goyona vi‑peum, apaina Yaubada yam dewa‑yaiyai vi‑nua‑dadani, e kaiwadi, tauna veimeyem vivane ininim habuhabuna ihaponei ena‑opu ai ananata nihenina. Aina viha‑vavaha.#Mat 18:9; Mar 9:47. 30Ka kadu aituhu goyona vin'‑omo nimam ateim ya dewea, e vo‑vi‑peum, nau‑wawanim nimam eupwa‑yavunei. Viha‑nana eha ananina, ka tupwana. Ahiahina wayahim aituhu hutam aitamoata evo‑haini deina. Iuna aituhu goyona vi‑peum, apaina Yaubada yam dewa‑yaiyai vi‑nua‑dadani, e kaiwadi, tauna veimeyem vivane ininim habuhabuna ihaponei ena‑opu ai ananata nihenina. Aina viha‑vavaha.#Mat 18:8; Mar 9:43.
Vaiobu Wayahina
(Mateu 19:9; Marika 10:11‐12; Luke 16:18)
31Avaha uanamanei nonova Yaubada ya veimea yaka tupua‑nenenehi veimeyei, ivona,
‘Aituhu onoto aitam nuanuana
apaina awana na‑vaiobuei,
naona onotona nau‑wawani
yana leta ginumi, awanana venei,
ka munia, ainua ivaiobu.’#V.V 24:1-4; Mar 10:4.
32Kate ataina aviwavenemi tunina. Aituhu aitam vavine eha ta‑kenene, ka aituhu awana ya nuanua na‑vaiobuei, onotona ya nuanuana vivane goyona. Apaina, kaiwadi, vavinena tavine‑tamana mani onoto wayahina. Aituhu deina, vavinena avaha kenene. Kate iuna kenene‑nana wayahina vivane vavinena awana naona yana dewa goyona. Ka aituhu onoto v'‑inuana vavinena tavine, tauna kadu kenene deina. Iuna Yaubada matana nihenina vaiobu‑nana tavine naona eha ta‑kweui, akanai mamaei.#1Ko 7:10-11.
Vona‑dabadaba Wayahi
33Kadu avaha uanamanei nonova aitam Mosese ya veimea yaka tupua‑nenenehi wayahia ivona,
‘Avi tuta evona‑dabadaba Kauvea wayahina,
aituhu tauna ana wava etomani,
eha am pata yam vona‑dabadabana evo‑vine,
kate nau‑wawanim enau‑yehai.’#V.V 23:21; Lev 19:12; Yau 30:2.
34Kate ataina aviwavenemi tunina. Vona‑dabadaba aitamoata aitamoata ivin'‑omo Yaubada matana. Wayahina, eha evona‑dabadaba. Eha evona, ‘Avona‑dabadaba Kauvea a wavea.’ Kadu eha evona, ‘Avona‑dabadaba wahuma wayahina,’ iuna Yaubada ya pai manuena ahihi‑vainena wahuma nihenina mamaei, ka avaha Kauvea ana wava etomani deina.#Isa 66:1; Iam 5:12; Mat 23:22. 35Kadu eha evona, ‘Avona‑dabadaba tanopi wayahina,’ iuna Yaubada aena a pai vi‑ai ahihi‑vainena vivane tanopi, ka avaha Kauvea ana wava etomani deina. Kadu eha evona, ‘Avona‑dabadaba meagai Ierusalem wayahina,’ iuna Ierusalem vivane Yaubada ya meagai, tauna KiniV Bagibagi‑vainena.#Sam 48:2; Isa 66:1. 36Kadue eha evona, ‘Avona‑dabadaba taua ununu wayahina,’ iuna wamke eha am pata apanam aitamoata eveimeye na‑vo‑vi‑kavui o na‑vo‑vi‑nigei, a? 37Wayahina, akanai ena‑vona, ‘Ika, apaina adewei deina,’ o kadi ena‑vona, ‘Eha, apaina eha adewe deina.’ Aituhu kadu aitam vona ebou yam vona hetana, vonana hetana vin'‑omo Satana wayahina.
Nau‑pata Goyona Wayahina
(Luke 6:29‐30)
38Avaha uanamanei nonova, avi tuta aitam tomotau gonia vaniahei a niam wayahina, Yaubada ya veimea yaka tupua‑nenenehi veimeyei, ivona,
‘Mata aitamoata a nau‑pata
mata aitamoata,
kadu niho aitamoata a nau‑pata
niho aitamoata.’#NiT 21:24; Lev 24:20; V.V 19:21.
39Kate ataina aviwavenemi tunina. Aituhu tomotau goyogoyona vi‑goyom, eha enau‑pata goyo‑nana wayahina. Aituhu koiaka awayaem ateim piahi, akanai awayaem akenim en'‑awaehei kadu na‑piahi. 40O aituhu koiaka ya nuanua vitana matana wayahina am kwama n'‑epei, kadu yam sita hetana evenei. 41O aituhu koiaka (tau nau‑havia deina) veimeyem ya gugua ehunia aitam meagai wayahina (deina me Rom yai veimea tauna awaehei, meagai aitamoata akanai), nau‑wawanim eawaehei kadu meagai v'‑inuana wayahina ehunia ena‑ne. 42Kadu aituhu koiaka vin'‑omo wayahima, e viama aitam amane wayahima, amanena evenei, ka eha yam gugua enua‑tania. O aituhu koiaka vin'‑omo wayahima, e ya nuanua aitam amane evenei, ka aituhu tauna vonem, ‘Apaina amanena anau‑patam,’ eha evihahaie.
Dewa‑vidovidoha Wayahina
(Luke 6:27‐28, 32‐36)
43Avaha uanamanei nonova Yaubada ya veimea yaka tupua‑nenenehi veimeyei, ivona,
‘Yaiami udewa‑vidovidohei,
kate ami havia unau‑nikonikoiei.’#Lev 19:18.
44Kate ataina aviwavenemi tunina. Ami havia kadu udewa‑vidovidohei! Ka aituhu aviyaivia ivo‑vi‑vihami, nau‑wawanimi uviama wayahi Yaubada na‑ivaitei.#NiT 23:4-5; Luk 23:34; Dew 7:60; Rom 12:14, 20. 45E aituhu yami dewa deina, akanai Yaubada wahuma ivona wayahimi, ‘Taui natunatu‑hoiu.’ Iuna tauna babau a maheta awaehei vanavana tau goyogoyona wayahi ka kadu tau ahiahina wayahi. Kadu deinake, yana wei awaehei atuatuna tau tunutunuhi wayahi ka kadu tau goyogoyoi wayahi. 46Udueyei. Aituhu yaiami ai heta udewa‑vidovidohei, dewana eha aitam aviani ahiahina Yaubada matana. Iuna tau goyogoyona, takesiV a tau vitua deina, yaiai idewa‑vidovidohei. 47O aituhu vavaneimi ai heta unau‑kaiwei, ka eha mani tomotau, medeina yami dewana ahiahina Yaubada matana? Iuna taui eha Yaubada it'‑anamane vavanei inau‑kaiwei deinake. 48Ka taumi nau‑wawanimi uvi‑muni‑waiwaieu, ka nau‑wawanimi tomotau habuhabui udewa‑vidovidohei, Amami wahuma yana dewa deina.”#Lev 19:2; V.V 18:13.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2008, Wycliffe Bible Translators, Inc. All rights reserved.