ទំនុកដំកើង 120

120

ទំនុកច្រៀងតាមថ្នាក់។

1កាលខ្ញុំមានសេចក្ដីវេទនា

នោះបានអំពាវ‌នាវដល់ព្រះ‌យេហូវ៉ា

ហើយទ្រង់បានតបមកខ្ញុំ

2ឱព្រះ‌យេហូវ៉ាអើយ សូមជួយព្រលឹងទូលបង្គំ

ឲ្យរួចពីបបូរមាត់ដ៏កំភូត

ហើយពីអណ្តាតដែលបញ្ឆោត

3ឱអណ្តាតដែលបញ្ឆោតអើយ តើត្រូវឲ្យអ្វីដល់ឯង

តើត្រូវធ្វើអ្វីទៀតដល់ឯង

4គឺព្រួញមុតរបស់មនុស្សខ្លាំងពូកែ

នឹងរងើកភ្លើងឈើដង្កោផង

5វេទនាដល់ខ្ញុំ ព្រោះអាស្រ័យនៅស្រុកមែសេក

គឺដែលខ្ញុំនៅកណ្តាលត្រសាលនៃសាសន៍កេដារ

6ជាយូរមកហើយ ព្រលឹងនៃខ្ញុំបាននៅជាមួយនឹងពួកអ្នក

ដែលស្អប់សេចក្ដីសុខ

7ខ្ញុំចូលចិត្តខាងសេចក្ដីសុខ តែកាលណាខ្ញុំថាទៅ

នោះគេចូលចិត្តតែចង់ច្បាំងវិញ។

ទើបបានជ្រើសរើសហើយ៖

ទំនុកដំកើង 120: ពគប

គំនូសចំណាំ

ចែករំលែក

ចម្លង

ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល

ស្វែងយល់បន្ថែមទៀតអំពី ព្រះគម្ពីរបរិសុទ្ធ ១៩៥៤