អែសរ៉ា ពាក្យលំនាំ

ពាក្យលំនាំ

គម្ពីរអែសរ៉ា រៀបរាប់ប្រវត្តិកូនចៅអ៊ីស្រា‌អែល បន្តពីគម្ពីររបាក្សត្រទី ១ និងទី ២ ហើយចងក្រងឡើងក្នុងគោលគំនិតតែមួយ និងទស្សនៈតែមួយដូចគម្ពីររបាក្សត្រដែរ។ គម្ពីរនេះចាប់ផ្តើមដោយរៀបរាប់អំពីរាជា‌នុញ្ញាតរបស់ស្តេចស៊ីរូស ឲ្យកូនចៅយូដាវិលត្រឡប់ទៅសង់ព្រះ‌វិហារនៅក្រុងយេរូ‌សាឡិមឡើងវិញ (ជំពូក ១)។ ពេលនោះ កូនចៅយូដាដែលជាប់ជាឈ្លើយ នាំគ្នាវិលត្រឡប់ទៅស្រុកវិញ (ជំពូក ២)។ សកម្ម‌ភាពដំបូងបង្អស់ដែលពួកគេចាប់ផ្តើមធ្វើនៅក្រុងយេរូ‌សាឡិម គឺដំឡើងអាសនា ហើយធ្វើពិធីថ្វាយ‌បង្គំព្រះឡើងវិញ (ជំពូក ៣)។ ប៉ុន្តែ ពួកគេបានជួបប្រទះនឹងការប្រឆាំងពីសំណាក់បច្ចា‌មិត្តមួយចំនួន ដែលតម្រូវឲ្យមានទំនាក់‌ទំនងតាមសំបុត្រជាមួយរដ្ឋ‌បាលពើស៊ី រហូតទាល់តែកូនចៅយូដាទទួលលិខិតបញ្ជាក់ពីព្រះចៅអធិរាជ ក្នុងការសាងសង់នេះ(ជំពូក ៤-៦)។

ប្រមាណមួយសតវត្សរ៍កន្លងមក គឺផ្នែកទីពីរនៃគម្ពីរនេះ មានរៀបរាប់អំពីសង្ឃអែសរ៉ា ទទួលរាជា‌នុញ្ញាតពីស្តេចអើថា‌ស៊ើក‌សេស ដើម្បីរៀបចំសកម្ម‌ភាពផ្នែកខាងជំនឿសាសនា នៅក្រុងយេរូ‌សាឡិមឡើងវិញ។

ខ្លឹមសារនៃកណ្ឌ‌គម្ពីរអែសរ៉ាសង្កត់ទៅលើជំនឿមុតមាំ និងជីវិតបរិសុទ្ធ ដែលប្រជា‌រាស្ត្ររបស់ព្រះត្រូវតែប្រកាន់យក ហើយបង្ហាញអំពីទឹកចិត្តក្លាហាន និងការប្ដេជ្ញាចិត្តរបស់សង្ឃមួយរូប ដើម្បីណែ‌នាំកូនចៅអ៊ីស្រា‌អែលឲ្យមានជំនឿត្រឹមត្រូវចំពោះព្រះឡើងវិញ។

ទើបបានជ្រើសរើសហើយ៖

អែសរ៉ា ពាក្យលំនាំ: គកស១៦

គំនូសចំណាំ

ចែករំលែក

ចម្លង