Hakai 1
1
NA SOPENA 1.
1Me na vaharuana tauni hi Taraias na moli, me na vahalimaravena hapatia hina, me na vahateana pohi hi na hapatia, na leo hi Iehova hi Hakai na provet monumai me Serapapel matu i Sealtiel, na varese hi Jutia, monumai me Josiua matu i Jehosatak, na varese hi na lotu mono, moaso, 2Iehova moaso pale a, moaso, Ra tanoho me na vanua naa teaso, Na rani hi na sara pea i Iehova mosamalua reji. 3Tau na leo hi Iehova hi Hakai na provet monumai, moaso, 4Naanoi na rani tahonae himiu isiamiu otomaraha me ra peamiu tahonae, maa na pea naa momalelehi toho? 5Iehova moaso pale a suria, moaso, Motahonae otoninima rasava otovera. 6Otolavo ra sanu ra tari, otoheliheli taiti; otohanihani, maa otohani marimariri; otooo, maa otooo marimariri; otoriri visivisimiu, maa saite tajua movulaja; itea molava volina pilana varao molavia sura juria me na taha taha majejeri. 7Iehova moaso pale a, moaso, Motahonae otoni-nima rasava otovera. 8Otosahe me na vuti, otolavi ra hau, otosara pea; tau inau aiejieji suria, iaso tahonae suriau, Iehova moaso. 9Otojuria tau otolavi ra sanu motavere, maa otolavi ra sanu mosatavere; tau otolavia me ra peamiu tau, inau asuvi saleia. Surasava? Ieliova moaso. Sura peau, momalelehi toho, maa amiu otovano me ra sipeamiu. 10Suriamiu na ujapo mosajovi me na tailahi suria, na tano mono mosave ra sanu tejiha. 11Inau alavi na rani tutunu monumai me na tano, me ra vuti, me na oni, me na uain, me na vurai, me na sanu taha jiha me na tano, me ra tajua, me na pulok, me na varao hi ra tajua.
12Tau Serapapel matu i Sealtiel, me Josiua matu i Jehosatak, na varese hi na lotu, me ra tajua vunuvunu, teroho na loe i Iehova Atua hira, me ra leo i Hakai na provet, rotea Iehova Atua hira mosulae; ra tajua teine Iehova. 13Tau Hakai, na varisula hi Iehova ta mera, na taha vetia ta mera na leo hi Iehova, moaso, Iehova moaso, Inau atoho valui-amiu. 14Tau Iehdva movei hauhaua na lolo i Serapapel matu i Sealtiel, na varese hi Jutia, me na lolo i Josiua matu i Jehosatak, na varese hi na lotu, me na lolora tajua vunuvunu; tau tenumai, tevarao me na pea i Iehova Atua hira, 15me na; vahahavularua na vana mova-tina pohi hi na hapatia, me na vahalimaravena hapatia, me ua vaharuana tauni hi Taraias na moli.
ទើបបានជ្រើសរើសហើយ៖
Hakai 1: TLM9109
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
This is a historic text maintained by the British and Foreign Bible Society.
Hakai 1
1
NA SOPENA 1.
1Me na vaharuana tauni hi Taraias na moli, me na vahalimaravena hapatia hina, me na vahateana pohi hi na hapatia, na leo hi Iehova hi Hakai na provet monumai me Serapapel matu i Sealtiel, na varese hi Jutia, monumai me Josiua matu i Jehosatak, na varese hi na lotu mono, moaso, 2Iehova moaso pale a, moaso, Ra tanoho me na vanua naa teaso, Na rani hi na sara pea i Iehova mosamalua reji. 3Tau na leo hi Iehova hi Hakai na provet monumai, moaso, 4Naanoi na rani tahonae himiu isiamiu otomaraha me ra peamiu tahonae, maa na pea naa momalelehi toho? 5Iehova moaso pale a suria, moaso, Motahonae otoninima rasava otovera. 6Otolavo ra sanu ra tari, otoheliheli taiti; otohanihani, maa otohani marimariri; otooo, maa otooo marimariri; otoriri visivisimiu, maa saite tajua movulaja; itea molava volina pilana varao molavia sura juria me na taha taha majejeri. 7Iehova moaso pale a, moaso, Motahonae otoni-nima rasava otovera. 8Otosahe me na vuti, otolavi ra hau, otosara pea; tau inau aiejieji suria, iaso tahonae suriau, Iehova moaso. 9Otojuria tau otolavi ra sanu motavere, maa otolavi ra sanu mosatavere; tau otolavia me ra peamiu tau, inau asuvi saleia. Surasava? Ieliova moaso. Sura peau, momalelehi toho, maa amiu otovano me ra sipeamiu. 10Suriamiu na ujapo mosajovi me na tailahi suria, na tano mono mosave ra sanu tejiha. 11Inau alavi na rani tutunu monumai me na tano, me ra vuti, me na oni, me na uain, me na vurai, me na sanu taha jiha me na tano, me ra tajua, me na pulok, me na varao hi ra tajua.
12Tau Serapapel matu i Sealtiel, me Josiua matu i Jehosatak, na varese hi na lotu, me ra tajua vunuvunu, teroho na loe i Iehova Atua hira, me ra leo i Hakai na provet, rotea Iehova Atua hira mosulae; ra tajua teine Iehova. 13Tau Hakai, na varisula hi Iehova ta mera, na taha vetia ta mera na leo hi Iehova, moaso, Iehova moaso, Inau atoho valui-amiu. 14Tau Iehdva movei hauhaua na lolo i Serapapel matu i Sealtiel, na varese hi Jutia, me na lolo i Josiua matu i Jehosatak, na varese hi na lotu, me na lolora tajua vunuvunu; tau tenumai, tevarao me na pea i Iehova Atua hira, 15me na; vahahavularua na vana mova-tina pohi hi na hapatia, me na vahalimaravena hapatia, me ua vaharuana tauni hi Taraias na moli.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
This is a historic text maintained by the British and Foreign Bible Society.