Yohanɛsɛ Otugbaɛbui
Otugbaɛbui
Yohanɛsɛ Kibui Dzyɔgo keplukpa gɛ kɛkasɛ sɛ Yesu enu Kpaya Kibui mabeke gɛ “kɛbadzi anɔdzyrame klɛ abhɛtɛ yɛ ɔzakɔ nɛ bulɔɛ mɛ ” (1:14). Anasɛ gɛ keplukpa nahwɛ kaɖɔ sɛ, baŋlɔmɛ Kibui Dzyɔgoɛ sɛ tɛ kalɛ bakɛkla ba yɛkɛŋa sɛ Yesu yɛ nu Ayɛyɛkɛkɔ Kpaya yɛ Yi klɛ ganɔ balɛ tɛyɛyɛkɛŋa abha nɛ yɛ mɛ ba ba yɛkɛ kpã (20:31).
Otugbaɛbui nɛ gɛ kɛkasɛ Kpaya Kibui mabeke nɛ Yesu, Kibui Ddzyɔgo kapɛ tutɔpu kabhɛtɛ ebuiyinanɔ gelee gɛ kɛ kasɛ sɛ Yesu enu Kpaya ye Yi Ayɛyɛkɛkɔ gɛ ba ɖɔ lu. Anɛ alɛ za ebuiɖɛɖɔ nɛede gɛ le bu ebuiyinanɔ nɛ akasɛ. Keplukpa nɛapɛ kaɖɔ kana gɛ banɔ tɛli ba yɛkɛ Yesu abhaŋa klɛ ba bedzi yɛ de bazɛza, kɛlɛmɛ be teli ba lɔ kititi nɛ yɛ shu klɛ ba dɛ dɛmɛ sɛ tɛ ba yɛkɛŋa. Atɔkpu denɔ 13—17 nɛ aɖɔ gelee kana gɛ Yesu nɛ yɛ bagɛ aza yɛe de nɛ tsobunɔ yɛ nɛ badɔkpasɛ nɛ́ elishi alɛ nɛ mɛ gɛ be vu yɛ, anɛ yɛ tɛbɛbala ebui anɛ kemikpɛkpɛ nɛ gɛ akɔa lɛ nɛ keli nɛ gɛ kaba za pɛ la ba kplayɛasɔ nɛ mɛ.
Keplukpa nɛ oplu gɔgɔɛ na ɖɔaɖɔ nɛ Yesu tɛvuvu nɛ yɛ kebhui kuklu, tɛkpɛkplasɔ, tɛlɛlɔ denɔ bekpuimɛ nɛ ishu bubukasɛ yɛ badɔkpasɛ nɛ́ yɛ tɛlɛlɔ de bekpuimɛ ede.
Kibui gɛ kɛ ba denɔ adzɛ nɛ gɛ bevu nɛ́ ɔmamɛdɛdɛ shu (8:1-11) ba kpɛ buka kpɛ lɛ alasɛ buplukpa gelee nɛ̀ bulɛesi bubu tɛtɔpu nɛ be bu lɛ atɛ̃. Kɛlɛmɛ buplukpa tuli kpɛ lɛ nɛ́ ɛkɔ toli. Yohanɛsɛ atrɔ kɛklãgbu nɛ ɛkpãmabeke dɔ gɛ kɔ ganɔ Kristo abha kɛ kɔɛ dɔ gɛ akɔ gɛ kɛkpɛesi ɔtsɔnɛ nɛ̀ kɛgɛ ba kɔ bagɛ ba dɛmɛ sɛ Yesu yɛ nu kidzo, kɛgbɛagba, nɛ ɛkpã. Yohanɛsɛ bui bhɛbhɛtɛ gɛ kɛ ba ba kɛnu kibuimumɔ gɛ kɛlɛ kpi denɔ kiwuinyɛwui ɛkpã zɛza gɛ kɛkasɛ ɔfufɔɛ bui nahwɛ, kɛplɛnɔ buni, kɛŋɛŋa, kifu, obhoshiagbɛgbanɔ nɛ yɛ ibhoshi, nɛ grepu eyuyu nɛ yɛ bulu.
Kalɛmɛ Ebuilulu
Ebui gɛ laba lɛ mɛ 1:1-18
Yohanɛsɛ Enikpɛ nɛ Yesu badɔkpasɛ tɛtɔpu 1:19-51
Yesu kɛxwɛwɛwa nɛ banɔɛ shi 2:1—12:50
Kiwui gugɔɛ gɛ kɛtsobunɔ Yerusalɛm ɔmanɛmɛ 13:1—19:42
Apalete tɛlɛlɔ nɛ bekpuimɛ nɛ tɛbubukasɛ 20:1-31
Kɛbui gugɔɛ: Ishu bubukasɛ bhla nɛ Galelia 21:1-25
ទើបបានជ្រើសរើសហើយ៖
Yohanɛsɛ Otugbaɛbui: tcd
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© Ghana Institute of Linguistics, Literacy and Bible Translation