LUKU 11
11
Aduakɛnaa
(Mat 6:9-15; 7:7-11)
1Zĩkea Yesu tɛn adua kɛ gukea. Kũ à làka, a ìba ke pìnɛ: Dikiri, ǹ aduakɛnaa dadawɛrɛ, lákũ Yahaya dà a ìbanɔnɛ nà. 2Akũ à pìńnɛ: Tó átɛn adua kɛ, àgɔ̃ pi:
Baa, ǹ tó ògɔ̃ dɔ̃ kũ n tɔ́ adona.
Ǹ tó kpata kũ à bò n kĩnaa bo gupuraa.
3Ǹ ó gba pɔ́ kũ ónigɔ̃ ble lákũ gu dìgɔ̃ dɔ nà.
4Ǹ ó durunnanɔ kɛ̃wá,
zaakũ odì kɛ̃ gbɛ̃ kũ ò durunna kɛ̀wɛrɛnɔnɛ ń pínki.
Ǹsun tó ò fu yɔ̃ogwanaaaro.
5Akũ à pìńnɛ: Ò pì á gbɛ̃ke mɛ́ à gbɛ̃nna vĩ, akũ à gɛ̀ɛ a kĩnaa lizãndo à pìnɛ: Ma su n kĩnaamɛ, ǹ burodi sãkãmɛnɛ mɛ̀n aakɔ̃. 6Nibɔɔ kìpama tera dí, má pɔ́ke vĩ mà kpáaro. 7Akũ a gbɛ̃nna pìi wèa zaa kpɛ́ gũn à pì: Ǹsun wari dɔmaro, ma gbàa tà kɔ̀. Ma gɛ̃ kpɛ́n kũ ma nɛ́nɔ, mani fɔ̃ mà futɛ mà pɔ́ke kpámmaro. 8Matɛn oárɛ, bee tó adi futɛ à kpàa gbɛ̃nnakɛ yãiro, ani futɛ à pɔ́ kũ à yei kpáa, kũ à zɛ̀i dãndãn yãi. 9Makũ sɔ̃ matɛn oárɛ, à wɛ́ kɛ, Luda ni kpááwa. À wɛtɛ, áni le. À gbà lɛ́, Luda ni wɛ̃árɛ. 10Zaakũ gbɛ̃ kũ à wɛ́ kɛ̀ɛn òdi kpáa, gbɛ̃ kũ à wɛ̀tɛ sɔ̃ àdi le, gbɛ̃ kũ à gbàa lɛ̀ɛn oni wɛ̃nɛ. 11Ákɔ̃nɔ kũ á nɛ́nɔ vĩ, tó á nɛ́ kpɔ̀ wɛ́ kɛ̀áwa, á dí mɛ́ ani mlɛ̃̀ sɛ́ à kpáaa? 12Ke tó à nɛ́ konɛgbĩni wɛ́ kɛ̀áwa, á dí mɛ́ ani fí sɛ́ à kpáaa? 13Bee kũ á vãnikɛo á pɔ mana kpana á nɛ́nɔa dɔ̃. Oni á De kũ à kú musu Nini kpana gbɛ̃ kũ ò wɛ́ kɛ̀anɔa pɔ́ o dɔ yá?
Tãnagona gbɛ̃nɔa
(Mat 12:22-30, 43-45; Maa 3:20-27)
14Yesu tɛn tãna sãto kpáturuku go gbɛ̃a. Kũ tãna pìi gòa, sãto pìi nà yã'onaaa, akũ yã pìi bò pari sarɛ. 15Akũ ń gbɛ̃kenɔ pì: Àdi tãna goḿma kũ tãnanɔ kína Bɛlɛzɛbubu gbãnaomɛ. 16Akũ gbɛ̃ pãndenɔ a yɔ̃̀ ò gwà, ò a gbɛ̀ka à sèeda ke kɛńnɛ kũ Luda gbãnao. 17Kũ Yesu ń laasun dɔ̃̀, akũ à pìńnɛ: Kpata kũ a gbɛ̃nɔ ibɛrɛɛ sɛ̀ kũ kɔ̃o ni kakatɛ. Ɔn kũ a gbɛ̃nɔ ibɛrɛɛ sɛ̀ kũ kɔ̃o ni gɔ̃ bɛzĩ ũmɛ. 18Tó Setan ibɛrɛɛ sɛ̀ kũ a gbɛ̃nɔo, deran a kpata ni gì kɛɛ? Ma ò lɛ kũ átɛn pi madì tãna goḿma kũ Bɛlɛzɛbubu gbãnao yãimɛ. 19Tó Bɛlɛzɛbubu gbãnan madì tãna gooḿma, á gbɛ̃nɔ dì goḿma kũ dí gbãnaomɛɛ? Lɛmɛ á zĩda gbɛ̃nɔ á ɛ́kɛ bò lɛ. 20Tó ma tãnagoḿmana bi Luda ɔgbɛɛmɛ, àgɔ̃ dɔ̃ kũ kína kũ Luda kàa sù à á lén gwe. 21Tó gɔ̃sa gbãna zĩ̀kabɔnɔ kũna àtɛni a ɔn dãkpão, a aruzɛkɛnɔ dìgɔ̃ aafiaamɛ. 22Ama tó gbɛ̃ kũ a gbãna deala sù à gɛ̃̀i à gbãna mɔ̀nɛ, ani a gɔ̃kɛbɔ kũ à a náani vĩnɔ sɛ́tɛ, ani a aruzɛkɛ kpaatɛtɛńnɛ. 23Gbɛ̃ kũ à kú kũmaoro bò ma kpɛ. Gbɛ̃ kũ àdi pɔ́ kakara kũmaoro dì fãkɔ̃amɛ.
24Tó ò tãna gò gbɛ̃a, àdigɔ̃ likara zɔ̃ gukorin àgɔ̃ vutɛki wɛtɛ. Tó adi lero, akũ àdi pi: Mani ɛra mà tá ma bɛ zĩamɛ. 25Tó à kà gwe, àdi le à warana swáswa zɛ́azɛa, 26akũ àdi gɛ́ tãna kũ ń pãsĩ dealanɔ sɛ́tɛ mɛ̀n suppla à su kũńwo, òdi gɛ̃ ò vutɛn. Lɛmɛ ade gwena kpɛkpɛ vãni dìgɔ̃ de a káakupɔla.
Arubarika yã
27Kũ Yesu tɛn o lɛ, nɔgbɛ̃ ke pũ̀tã zàa gũn à pì: Nɔgbɛ̃ kũ à n i à yɔ̃ kpàmma arubarika vĩ. 28Akũ Yesu pì: Oi! Arubarikadenɔn gbɛ̃ kũ ò Luda yã mà ò kũnanɔ ũ.
Sèeda gbɛkana Yesua
(Mat 12:38-42)
29Kũ pari tɛn kara, akũ Yesu pì: Gbãragbɛ̃nɔn zara. Òdi sèeda gbɛkama, ama mani sèeda ke kɛńnɛro, sé Inusa pɔ́. 30Lákũ Inusa de sèeda ũ Ninɛvadenɔnɛ nà, lɛn Bisãsiri Nɛ́ nigɔ̃ de sèeda ũ gbãragbɛ̃nɔnɛ lɛ. 31Yãkpatɛkɛgɔrɔ zĩ gɛ̀nɔmidɔki kpa saraunia ni vu à yã dí gbãragbɛ̃nɔa, zaakũ à bò zaa andunia lɛ́a, à sù Sulemanu ɔ̃ndɔ̃yã ma, akũ gbɛ̃ kũ à de Sulemanula kú la sà. 32Yãkpatɛkɛgɔrɔ zĩ Ninɛvadenɔ ni futɛ ò yã da gbãragbɛ̃nɔla, zaakũ kũ Ninɛvadenɔ Inusa waazi mà ò nɛ̀sɛɛ lìtɛ, akũ gbɛ̃ kũ à zɔ̃kɔ̃ de Inusala kú la sà.
Wɛ́mɛ mɛ̀ fitila ũ
(Mat 5:15; 6:22-23)
33Òdi fitila na ò ditɛ gukpado ke ò gbaka kútɛaro. Òdi di a dibɔɔ musumɛ, de gbɛ̃ kũ òtɛn gɛ̃nɔ gupura e yãi. 34N wɛ́mɛ n mɛ̀ fitila ũ. Tó n wɛ́ aafia, n mɛ̀ pínki nigɔ̃ gupura ũ. Tó n wɛ́ gbãnaro sɔ̃, n mɛ̀ pínki nigɔ̃ gusira ũ. 35Abire yã mɛ́ à tò, ǹ laakari kɛ, de gupura kũ ntɛn da ń vĩ súngɔ̃ de gusira ũro. 36Tó n mɛ̀ pínki gupura vĩ, a ke kú gusira gũnlo, anigɔ̃ gu pura kũ swáswa lándɔ̃ fitila'i dɔmma bà.
Yesu ludayãdannɛrinɔ kũ Farisinɔ bobona ń dàn
(Mat 23:1-36; Maa 12:38-40; Luk 20:45-47)
37Kũ Dikiri yã ò à làka, akũ Farisi ke a sìsi à mɔ́ à pɔ́ ble kãao, akũ à gɛ̃̀ à vùtɛ. 38Kũ Farisi pìi è adi ɔ da ín gbasa ò pɔ́ blero, à bò a sarɛ. 39Akũ Dikiri pìnɛ: Ákɔ̃nɔ Farisinɔ adì gbãsĩ bo tokonɔ kpɛ kũ tanɔ, ama wãkũ kũ yãvãnikɛnaao mɛ́ à á nɛ̀sɛɛ pà. 40Yɔ̃nkɔnɔ! Luda kũ à pɔ́ kpɛ kɛ̀ mɛ́ à a gũn kɛ̀ seroo? 41À pɔ́ kũ à kú á tanɔ gũn dã wɛ̃ndadenɔnɛ, á ta pìnɔ ni gɔ̃árɛ gbãsĩ sari.
42Waiyoo ákɔ̃nɔ Farisinɔ! Adì tofenɔ tɔkɔtɛdo kũ kpè'akão kũ dò pɔ́nɔ pínki kuride kpá Ludaa, akũ adì pã kpá yãzɛdei kũ yena Ludaiio. Yã birenɔ mɛ́ à de àgɔ̃ kũna pãkpana a kparanɔi sari. 43Waiyoo ákɔ̃nɔ Farisinɔ! Adìgɔ̃ ye à vutɛ aduakɛkpɛ vutɛki mananɔn, adìgɔ̃ ye ògɔ̃ fɔ kpákpaáwa ɛtɛnɔn. 44Waiyoo ákɔ̃nɔ! Á de lán mira kũ òdigɔ̃ táa oa a yãdɔ̃naa sari bàmɛ.
45Akũ dokadɔ̃ri ke pìnɛ: Dannɛri, tó n ò lɛ, ntɛni ó sɔ̃sɔ̃mɛ se. 46Yesu pì: Waiyoo ákɔ̃nɔ dokadɔ̃rinɔ sɔ̃! Adì gbɛ̃nɔ da asosɛna zĩ'ũn, akũ adì ɔ daḿma kũ a sɛnaaoro, bee ɔnɛɛ. Waiyoo ákɔ̃nɔ! 47Adì pɔ́ bo annabi kũ á dizinɔ ń dɛdɛnɔ miranɔa ń yã dɔngu yãi. 48Lɛmɛ a sì kũ a zɛ kũ á dizinɔ yãkɛnanɔomɛ. Ò annabinɔ dɛ̀dɛ, akũ adì pɔ́ bo ń miranɔa. 49Abire yãi Luda wɛ́zɛ̃ gũn à pì, áni annabinɔ kũ zĩ̀rinɔ zĩáwa. Áni ń gbɛ̃kenɔ dɛdɛ, áni wɛ́ tã ń gbɛ̃kenɔa. 50Lɛmɛ annabi kũ ò ń dɛdɛ zaa andunia naanagɔrɔ ari gbãranɔ yã ni wí teradenɔ musu lɛ, 51sɛna zaa Habila dɛna ari à gɛ̀ɛ pɛ́ Zakari kũ ò a dɛ̀ sa'oki kũ Luda kpɛ́o daguraa. Ee, matɛn oárɛ, yã birenɔ pínki ni wí teradenɔ musumɛ. 52Waiyoo ákɔ̃nɔ dokadɔ̃rinɔ! A dɔ̃naa gbà mɔ̀nɛ wòto. Ádi gɛ̃ a gũnlo, akũ a kpa gbɛ̃ kũ ò ye ò gɛ̃ a gũnnɔnɛ. 53Kũ Yesu bò gwe, ludayãdannɛrinɔ kũ Farisinɔ nàkaraa gbãngbãn, òtɛn yã lalaa dasi, 54òtɛni a kpákpa, de ò a kũ yã kũ àtɛn o gũn.
ទើបបានជ្រើសរើសហើយ៖
LUKU 11: BB2005
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Bisã Bible © SIM International, 2005.
LUKU 11
11
Aduakɛnaa
(Mat 6:9-15; 7:7-11)
1Zĩkea Yesu tɛn adua kɛ gukea. Kũ à làka, a ìba ke pìnɛ: Dikiri, ǹ aduakɛnaa dadawɛrɛ, lákũ Yahaya dà a ìbanɔnɛ nà. 2Akũ à pìńnɛ: Tó átɛn adua kɛ, àgɔ̃ pi:
Baa, ǹ tó ògɔ̃ dɔ̃ kũ n tɔ́ adona.
Ǹ tó kpata kũ à bò n kĩnaa bo gupuraa.
3Ǹ ó gba pɔ́ kũ ónigɔ̃ ble lákũ gu dìgɔ̃ dɔ nà.
4Ǹ ó durunnanɔ kɛ̃wá,
zaakũ odì kɛ̃ gbɛ̃ kũ ò durunna kɛ̀wɛrɛnɔnɛ ń pínki.
Ǹsun tó ò fu yɔ̃ogwanaaaro.
5Akũ à pìńnɛ: Ò pì á gbɛ̃ke mɛ́ à gbɛ̃nna vĩ, akũ à gɛ̀ɛ a kĩnaa lizãndo à pìnɛ: Ma su n kĩnaamɛ, ǹ burodi sãkãmɛnɛ mɛ̀n aakɔ̃. 6Nibɔɔ kìpama tera dí, má pɔ́ke vĩ mà kpáaro. 7Akũ a gbɛ̃nna pìi wèa zaa kpɛ́ gũn à pì: Ǹsun wari dɔmaro, ma gbàa tà kɔ̀. Ma gɛ̃ kpɛ́n kũ ma nɛ́nɔ, mani fɔ̃ mà futɛ mà pɔ́ke kpámmaro. 8Matɛn oárɛ, bee tó adi futɛ à kpàa gbɛ̃nnakɛ yãiro, ani futɛ à pɔ́ kũ à yei kpáa, kũ à zɛ̀i dãndãn yãi. 9Makũ sɔ̃ matɛn oárɛ, à wɛ́ kɛ, Luda ni kpááwa. À wɛtɛ, áni le. À gbà lɛ́, Luda ni wɛ̃árɛ. 10Zaakũ gbɛ̃ kũ à wɛ́ kɛ̀ɛn òdi kpáa, gbɛ̃ kũ à wɛ̀tɛ sɔ̃ àdi le, gbɛ̃ kũ à gbàa lɛ̀ɛn oni wɛ̃nɛ. 11Ákɔ̃nɔ kũ á nɛ́nɔ vĩ, tó á nɛ́ kpɔ̀ wɛ́ kɛ̀áwa, á dí mɛ́ ani mlɛ̃̀ sɛ́ à kpáaa? 12Ke tó à nɛ́ konɛgbĩni wɛ́ kɛ̀áwa, á dí mɛ́ ani fí sɛ́ à kpáaa? 13Bee kũ á vãnikɛo á pɔ mana kpana á nɛ́nɔa dɔ̃. Oni á De kũ à kú musu Nini kpana gbɛ̃ kũ ò wɛ́ kɛ̀anɔa pɔ́ o dɔ yá?
Tãnagona gbɛ̃nɔa
(Mat 12:22-30, 43-45; Maa 3:20-27)
14Yesu tɛn tãna sãto kpáturuku go gbɛ̃a. Kũ tãna pìi gòa, sãto pìi nà yã'onaaa, akũ yã pìi bò pari sarɛ. 15Akũ ń gbɛ̃kenɔ pì: Àdi tãna goḿma kũ tãnanɔ kína Bɛlɛzɛbubu gbãnaomɛ. 16Akũ gbɛ̃ pãndenɔ a yɔ̃̀ ò gwà, ò a gbɛ̀ka à sèeda ke kɛńnɛ kũ Luda gbãnao. 17Kũ Yesu ń laasun dɔ̃̀, akũ à pìńnɛ: Kpata kũ a gbɛ̃nɔ ibɛrɛɛ sɛ̀ kũ kɔ̃o ni kakatɛ. Ɔn kũ a gbɛ̃nɔ ibɛrɛɛ sɛ̀ kũ kɔ̃o ni gɔ̃ bɛzĩ ũmɛ. 18Tó Setan ibɛrɛɛ sɛ̀ kũ a gbɛ̃nɔo, deran a kpata ni gì kɛɛ? Ma ò lɛ kũ átɛn pi madì tãna goḿma kũ Bɛlɛzɛbubu gbãnao yãimɛ. 19Tó Bɛlɛzɛbubu gbãnan madì tãna gooḿma, á gbɛ̃nɔ dì goḿma kũ dí gbãnaomɛɛ? Lɛmɛ á zĩda gbɛ̃nɔ á ɛ́kɛ bò lɛ. 20Tó ma tãnagoḿmana bi Luda ɔgbɛɛmɛ, àgɔ̃ dɔ̃ kũ kína kũ Luda kàa sù à á lén gwe. 21Tó gɔ̃sa gbãna zĩ̀kabɔnɔ kũna àtɛni a ɔn dãkpão, a aruzɛkɛnɔ dìgɔ̃ aafiaamɛ. 22Ama tó gbɛ̃ kũ a gbãna deala sù à gɛ̃̀i à gbãna mɔ̀nɛ, ani a gɔ̃kɛbɔ kũ à a náani vĩnɔ sɛ́tɛ, ani a aruzɛkɛ kpaatɛtɛńnɛ. 23Gbɛ̃ kũ à kú kũmaoro bò ma kpɛ. Gbɛ̃ kũ àdi pɔ́ kakara kũmaoro dì fãkɔ̃amɛ.
24Tó ò tãna gò gbɛ̃a, àdigɔ̃ likara zɔ̃ gukorin àgɔ̃ vutɛki wɛtɛ. Tó adi lero, akũ àdi pi: Mani ɛra mà tá ma bɛ zĩamɛ. 25Tó à kà gwe, àdi le à warana swáswa zɛ́azɛa, 26akũ àdi gɛ́ tãna kũ ń pãsĩ dealanɔ sɛ́tɛ mɛ̀n suppla à su kũńwo, òdi gɛ̃ ò vutɛn. Lɛmɛ ade gwena kpɛkpɛ vãni dìgɔ̃ de a káakupɔla.
Arubarika yã
27Kũ Yesu tɛn o lɛ, nɔgbɛ̃ ke pũ̀tã zàa gũn à pì: Nɔgbɛ̃ kũ à n i à yɔ̃ kpàmma arubarika vĩ. 28Akũ Yesu pì: Oi! Arubarikadenɔn gbɛ̃ kũ ò Luda yã mà ò kũnanɔ ũ.
Sèeda gbɛkana Yesua
(Mat 12:38-42)
29Kũ pari tɛn kara, akũ Yesu pì: Gbãragbɛ̃nɔn zara. Òdi sèeda gbɛkama, ama mani sèeda ke kɛńnɛro, sé Inusa pɔ́. 30Lákũ Inusa de sèeda ũ Ninɛvadenɔnɛ nà, lɛn Bisãsiri Nɛ́ nigɔ̃ de sèeda ũ gbãragbɛ̃nɔnɛ lɛ. 31Yãkpatɛkɛgɔrɔ zĩ gɛ̀nɔmidɔki kpa saraunia ni vu à yã dí gbãragbɛ̃nɔa, zaakũ à bò zaa andunia lɛ́a, à sù Sulemanu ɔ̃ndɔ̃yã ma, akũ gbɛ̃ kũ à de Sulemanula kú la sà. 32Yãkpatɛkɛgɔrɔ zĩ Ninɛvadenɔ ni futɛ ò yã da gbãragbɛ̃nɔla, zaakũ kũ Ninɛvadenɔ Inusa waazi mà ò nɛ̀sɛɛ lìtɛ, akũ gbɛ̃ kũ à zɔ̃kɔ̃ de Inusala kú la sà.
Wɛ́mɛ mɛ̀ fitila ũ
(Mat 5:15; 6:22-23)
33Òdi fitila na ò ditɛ gukpado ke ò gbaka kútɛaro. Òdi di a dibɔɔ musumɛ, de gbɛ̃ kũ òtɛn gɛ̃nɔ gupura e yãi. 34N wɛ́mɛ n mɛ̀ fitila ũ. Tó n wɛ́ aafia, n mɛ̀ pínki nigɔ̃ gupura ũ. Tó n wɛ́ gbãnaro sɔ̃, n mɛ̀ pínki nigɔ̃ gusira ũ. 35Abire yã mɛ́ à tò, ǹ laakari kɛ, de gupura kũ ntɛn da ń vĩ súngɔ̃ de gusira ũro. 36Tó n mɛ̀ pínki gupura vĩ, a ke kú gusira gũnlo, anigɔ̃ gu pura kũ swáswa lándɔ̃ fitila'i dɔmma bà.
Yesu ludayãdannɛrinɔ kũ Farisinɔ bobona ń dàn
(Mat 23:1-36; Maa 12:38-40; Luk 20:45-47)
37Kũ Dikiri yã ò à làka, akũ Farisi ke a sìsi à mɔ́ à pɔ́ ble kãao, akũ à gɛ̃̀ à vùtɛ. 38Kũ Farisi pìi è adi ɔ da ín gbasa ò pɔ́ blero, à bò a sarɛ. 39Akũ Dikiri pìnɛ: Ákɔ̃nɔ Farisinɔ adì gbãsĩ bo tokonɔ kpɛ kũ tanɔ, ama wãkũ kũ yãvãnikɛnaao mɛ́ à á nɛ̀sɛɛ pà. 40Yɔ̃nkɔnɔ! Luda kũ à pɔ́ kpɛ kɛ̀ mɛ́ à a gũn kɛ̀ seroo? 41À pɔ́ kũ à kú á tanɔ gũn dã wɛ̃ndadenɔnɛ, á ta pìnɔ ni gɔ̃árɛ gbãsĩ sari.
42Waiyoo ákɔ̃nɔ Farisinɔ! Adì tofenɔ tɔkɔtɛdo kũ kpè'akão kũ dò pɔ́nɔ pínki kuride kpá Ludaa, akũ adì pã kpá yãzɛdei kũ yena Ludaiio. Yã birenɔ mɛ́ à de àgɔ̃ kũna pãkpana a kparanɔi sari. 43Waiyoo ákɔ̃nɔ Farisinɔ! Adìgɔ̃ ye à vutɛ aduakɛkpɛ vutɛki mananɔn, adìgɔ̃ ye ògɔ̃ fɔ kpákpaáwa ɛtɛnɔn. 44Waiyoo ákɔ̃nɔ! Á de lán mira kũ òdigɔ̃ táa oa a yãdɔ̃naa sari bàmɛ.
45Akũ dokadɔ̃ri ke pìnɛ: Dannɛri, tó n ò lɛ, ntɛni ó sɔ̃sɔ̃mɛ se. 46Yesu pì: Waiyoo ákɔ̃nɔ dokadɔ̃rinɔ sɔ̃! Adì gbɛ̃nɔ da asosɛna zĩ'ũn, akũ adì ɔ daḿma kũ a sɛnaaoro, bee ɔnɛɛ. Waiyoo ákɔ̃nɔ! 47Adì pɔ́ bo annabi kũ á dizinɔ ń dɛdɛnɔ miranɔa ń yã dɔngu yãi. 48Lɛmɛ a sì kũ a zɛ kũ á dizinɔ yãkɛnanɔomɛ. Ò annabinɔ dɛ̀dɛ, akũ adì pɔ́ bo ń miranɔa. 49Abire yãi Luda wɛ́zɛ̃ gũn à pì, áni annabinɔ kũ zĩ̀rinɔ zĩáwa. Áni ń gbɛ̃kenɔ dɛdɛ, áni wɛ́ tã ń gbɛ̃kenɔa. 50Lɛmɛ annabi kũ ò ń dɛdɛ zaa andunia naanagɔrɔ ari gbãranɔ yã ni wí teradenɔ musu lɛ, 51sɛna zaa Habila dɛna ari à gɛ̀ɛ pɛ́ Zakari kũ ò a dɛ̀ sa'oki kũ Luda kpɛ́o daguraa. Ee, matɛn oárɛ, yã birenɔ pínki ni wí teradenɔ musumɛ. 52Waiyoo ákɔ̃nɔ dokadɔ̃rinɔ! A dɔ̃naa gbà mɔ̀nɛ wòto. Ádi gɛ̃ a gũnlo, akũ a kpa gbɛ̃ kũ ò ye ò gɛ̃ a gũnnɔnɛ. 53Kũ Yesu bò gwe, ludayãdannɛrinɔ kũ Farisinɔ nàkaraa gbãngbãn, òtɛn yã lalaa dasi, 54òtɛni a kpákpa, de ò a kũ yã kũ àtɛn o gũn.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Bisã Bible © SIM International, 2005.