Matiw 26
26
Mwopp kukhul-bhellepp p'ee t'u Jesu
(Mar 14:1-2; Luk 22:1-2; Yoh 11:45-53)
1Bwoonrooh Jesu kyes satt bii mihhse weett, bhi satt zheppkamm keenyi mwopp le, 2“Wu man byittseh a puus Mettkaah. Mwopp p'ee pihh L'aa khi Gurum tihh mwopp pwas kih sheepmuutt.”
3A nyi seh bhi prist wu'nan mwopp kihh mwoohnan khi Zhepp Yahuda mwopp kang luhfwaann khi Prist Wu'yon, w'u shumm nyi a Kayafas. 4Sh'i k'ang ni bhi mwopp kukhul-bhellepp p'ee y'aa Jesu dhakhatt lakham t'u. 5Mwopp satt shag le, “Tapp mu y'aa nyi a p'ar Puus Rettyit mhi Mettkaah ni mou, nann'baa pwoobhangg yakhal naar gurum mwopp.”
M'ee mat l'e mw'oor kih Jesu Betani
(Mar 14:3-9; Luk 7:37-38; Yoh 12:1-8)
6Kaarooh Jesu Betani luh m'ee gurum w'u shumm nyi a Siman Gulokhom, 7bhi m'ee mat ji kihpee nyi diy kihh m'ee mwoor'teghez keera w'u khi-krhim dhighin m'ee laa'dleng w'u mwopp dhakk sh'i pangg'krhim, w'u mwopp kihh peett alabasta. Bhi ji l'e mw'oor mhize kih kaah Jesu kaarooh kihh tong soh.
8Kaarooh zheppkamm ni mwopp naah kihhsheh, bhi shaan mwopp pwetd. Mwopp kihh satt le, “Ai, m'ee tu'kyillingg bii wu'kihhshe k'a, wunn'! 9Ai dyinn mwopp p'ee mak seett kihh mwoor'teghez mihhse kihh shaghal dhess, mwopp pihh shaghal ni mhipyaah mwopp ruh.”
10Jesu man bii w'u mwopp phi l'aa nyi seh, bhi satt mwopp le, “Wunn phi daam'pee mat mhize a p'ee mihyeh? Sh'in a bii wu'rett a'n pwetd. 11Ai wunn kihh mhipyaah mwopp kihshag kihh wunn kooh phiranggyeh, dhangg baah wu'an p'ee kwed kihshag kihh wunn kooh phiranggyeh mou.” 12Kaarooh mat mihhse l'e mw'oor mhize kaah nah, bhi dhakk a'n a p'ee w'um. 13Ih kihh satt a zeenn wunn, kapp pee w'u mwopp p'ee p'ar kihh satt Pwoo'wurett mhize diy dhighin yill ni kihhdihng'dihng, bhi mwopp p'ee kihh satt bii w'u mat mhize ni sh'in p'ee p'an kihh nyi.
Yahuda Iskaryoti dh'om p'ee seett kihh Jesu
(Mar 14:10-11; Luk 22:3-6)
14Bhi Yahuda Iskaryoti, kihmeh dhighin zheppkamm khi Jesu w'u Kaghapaad baa'vel seh, dum kihpee prist wu'nan mwopp diy. 15Dum nang phi mwopp le, “Wunn p'ee pihh a mihyeh a'n kadmihh ih pihh Jesu ni sarr wuh?” Bhi mwopp k'un shaghal azurfa laar kunn mwopp pihh nyi.#26:15 Zak 11:12 16Yakhal phi mihhseh bhi Yahuda y'aa rengg arr w'u tihh pihh Jesu diy sarr mwopp.
Soh'teer Puus Mettkaah wu'kyess ni
(Mar 14:12-21; Luk 22:7-13,21-23; Yoh 13:21-30)
17P'ar puus wu'shee mhi Ku'khur Gutt-gaw, bhi zheppkamm khi Jesu mwopp nang phi nyi le, “Gwoohyon, ghi kihh dh'om tihh mu dhakk pee w'u munn p'ee so soh Gutt-gaw ni diy a nihyeh?”
18Bhi Jesu lapp mwopp le, “Wu dum kihpee m'ee gurum shi diy dhighin khishikhitt Urshalima, bhi wu satt nyi wu le, ‘Gukamm satt kihhshe: pee keena wull kus. A'n p'ee sh'in rettyit mhi puus Mettkaah kihshag kihh zheppkamm keena mwopp a luh gha.’ ” 19Bhi zheppkamm ni mwopp sh'in kaah Jesu satt mwopp seh, bhi mwopp dhakk soh mhi puus Mettkaah ni nhighin.
20Kaarooh pee wull kansihkhin, bhi Jesu tong soh kihshag kihh zheppkamm keeniy w'u Kaghapaad baa'vel ni mwopp. 21Kaarooh mwopp kaah soh, bhi satt mwopp le, “Ih kihh satt a zeenn wunn, kihmeh dhighin wunn p'ee seett kihh a'n.”
22Bhi tukhup mwopp wad pwetd, bhi mwopp y'aa nang nyi phi Jesu shi'kihmeh-shi'kihmeh le, “Fettkaah nah, Gwoohyon, gha phi satt a a'n mou shisihng?”
23Jesu lapp mwopp le, “Gwooh phi so soh dhaa wu'khimhi kihh a'n, a nyi p'ee seett kihh a'n. 24L'aa khi Gurum p'ee mwan kaa nyi a rih-ran kaah nyi seh. Dhangg mak kihh gwooh seett kihh L'aa khi Gurum ni! Ai rettmett gwoh ni kaddyinn gyet mwopp l'aa nyi mou.”
25Bhi Yahuda, w'u a gwooh p'ee seett kihh Jesu ni, nang le, “Fettkaah nah, Gukamm, gha phi satt a a'n mou shisihng?”
Bhi Jesu pring nyi le, “Ghi satt a nyi seh.”
26Kaarooh mwopp kaah soh, bhi Jesu m'ang gihkhill gutt, bwoonrooh pihh plangg Naan kaah, bhi trep gihkhill gutt ni pihh zheppkamm keeniy ni mwopp, kihh satt le, “Wu lapp wu so; mihhse a shoopsan.”
27Bhi m'ang l'aa zhangg ni, bwoonrooh pihh plangg Naan, bhi pihh mwopp, kihh satt le, “Wunn weett wu shwaa dhighin l'aa zhangg ni. 28Mihhse a teghem nah w'u a teghem Gabshit; teghem nah w'u ih dheer p'ee gurum dhess, p'ee fwah khi shigbis. 29Ih kihh satt wunn, yakhal mwasseh kihhshe, bhi baah a'n p'ee shwaa am'anab dyi kihhshe mou, seeh p'ar w'u a'n p'ee shwaa nyi dyi a wu'pwooh kihshag kihh wunn dhighin dhenglong khi Daa.”
30Kaarooh mwopp sh'in koog, bhi mwopp pwat taah dum kih Bwum Paatt.
Jesu shep satt rooh Bitrus p'ee shiihshig man riy
(Mar 14:27-31; Luk 22:31-34; Yoh 13:36-38)
31Bhi Jesu satt zheppkamm keeniy ni mwopp le, “Khipar w'u shishinn se, bhi wunn weett p'ee pal dhighin pihhzeenn keewu lhiwaa bii w'u p'ee kad a'n. P'ee nyi a rih-ran le,
“ ‘A'n p'ee t'u gutapp ni,
bhi dw'uu tihm ni mwopp p'ee chiit b'uu.’”#26:31 Zak 13:7
32“Dhangg bwoonrooh ih yakhal kih peemuutt, bhi a'n p'ee dum Galili ky'een wunn.”
33Bhi Bitrus pring nyi le, “Kooh dyinn kakhar mwopp pal dhighin pihhzeenn keeru dhighin gha, bhi tapp a m'ee wu'an mou.”
34Jesu pring Bitrus le, “Ih kihh satt a zeenn gha, khipar w'u shishinn se, bhi gha p'ee shiihshig man a'n yit kunn dhangg dool kihh peetpee.”
35Weett kihhsheh bhi Bitrus satt le, “Ai kooh dyinn wull rooh a'n p'ee mih-muut maah, bhi baah a'n p'ee cham shiihshig man gha mou.” Kakhar zheppkamm ni mwopp weett satt a kihhsheh zag.
Jesu dhangNaan Getsemane
(Mar 14:32-42; Luk 22:39-46)
36A nyi seh bhi Jesu dhel dum kihh zheppkamm keeniy ni mwopp m'ee pee shi w'u mwopp kihh peett Getsemane. Kaarooh mwopp dum wull bhi satt mwopp le, “Wu kwangg se tihh ih taah diy ih dum dhangNaan seh takhann.”
37Bhi yakhal kihh Bitrus mwopp kihh zhepp khi Zebedi w'u vel seh dang shin. Phitukhup nyi y'aa wad, yakhal bii mihhseh daam'pee nyi pwetd. 38Bhi satt mwopp le, “Kai, en na wad bis-bis harr kaa a'n a p'ee mih-muut se. Wu kwangg se sh'i gonggpee kihshag kihh a'n.”
39Kaarooh wu'nyi pann shang dum diy lee kihkyeen, bhi sam saam kih bwut niy, shup yit niy yill y'aa dhangNaan le, “Daa, mihh kihh mak sh'in bhi dyinn ghi m'ang zhangg zheell mhize lhi'baa kaah nah. Dhangg tapp diy dharr a p'an m'aan mou, dharr a p'an mag-ghah.”
40Bhi baa'taah kihpee zheppkamm keeniy ni mwopp diy, bhi kad mwopp chaat ruh s'aam. Bhi Jesu nang phi Siman le, “Hah, baah wu mak tong gonggpee kihshag kihh a'n p'ee gonggpee kihmeh kyekk mou ang'? 41Wu gonggpee yakhal wu kihh dhangNaan tapp'baa wu pal dhighin zhwaan'pee mou. Riin kihh dh'om, dhangg shoopshik kihh bhall mou.”
42Jesu baa'dum dyi, dheeh a shiiy wu'vel seh, bhi dhangNaan le, “Daa, mihh kihh mak sh'in tihh zhangg zheell mhize mett kaah nah mou, harr dhen a ching tihh ih shwaa, bhi yet tihh bii w'u ghi kihh dh'om kwed a kihhsheh.”
43Kaarooh baa'taah diy bhi kad zheppkamm ni mwopp a s'aam vitt, p'ee s'aam t'u mwopp pwetd. 44A nyi seh bhi yet mwopp s'aam ni, bhi waa dum dyi, dum dhangNaan dyi, dheeh a shiiy wu'kunn seh, kihh satt a bii w'u dyinn satt seh vitt.
45Bhi baa'taah kihpee zheppkamm keeniy ni mwopp dyi bhi satt mwopp le, “Wunn wuh a s'aam kihh lapp shuk harr mwasseh -ng? T'o, pee wull kuss, baa mwopp seett kihh L'aa khi Gurum sarr mhi-shigbis mwopp. 46Wu yakhal munn mu dhel! Wu naah, g'u seett kihh a'n ji wull!”
Mwopp y'aa Jesu
(Mar 14:43-50; Luk 22:47-53; Yoh 18:3-12)
47Kaarooh Jesu kudyi kaah kadpwoo, bhi Yahuda, w'u a kihmeh dhighin zheppkamm khinyi w'u kaghapaad baa'vel seh, ji wull. Nyi kihh dw'uu gurum w'u prist wu'nan kihh mwoohnan khi Zhepp Yahuda mwopp lop tu'ru'ru dang shin. Mwopp kihh v'ur g'oo kihh n'an dughul sarr ruh. 48Yahuda g'u seett kihh Jesu ni khi t'en satt reb bii'kattshiiy w'u nyi p'ee dyingg Jesu mwopp dyishig le, “Gwooh a'n p'ee sh'in dwaaspwoo kihh nyi, a nyi a Jesu ni; wu y'aa a nyi.” 49A nyi seh bhi Yahuda taah dum kihpee Jesu diy abet, taah tog kihh nyi le, “Ih kihh tog kihh gha 'y, Gukamm!” Yakhal Yahuda sh'in dwaaspwoo kihh Jesu a pin'shig gurum pwetd.
50Jesu pring nyi le, “Shaar na, wu'gha dei ghi sh'in bii w'u ji kihh gha.”
Bhi gurum ni mwopp gyerez taah dyarrang phi Jesu, mwopp y'aa nyi. 51Kaarooh kihmeh dhighin mwooh dang Jesu naah kihhsheh, bhi shenn sarr niy shang g'oo keeniy diy kweez patt, bhi twed tall kom m'ee kromm khi Prist Wu'yon ming yill.
52Bhi Jesu satt nyi le, “Shenn g'oo keegha patt, p'ee kapp mhi sh'in dhakk kihh g'oo, bhi a g'oo p'ee p'ar twa mwopp. 53Naah mag bhi ih kihh mak dhang phi Daa bhi nyi p'ee pihh mhi'lop a'n harr bataliya kaghapaad baa'vel mwasseh kihhshe mou aa'? 54Dheeh mihh a sh'in kihhsheh, dheeh Ran'Wubhangg w'u satt le bii mihhse p'ee sh'in p'ee gam a kaaranggyeh?”
55A nyi seh bhi Jesu nang phi dw'uu gurum ni mwopp le, “A'n a m'ee guteepee w'u dheeh wu pwat p'ee y'aa a'n kihh g'oo kihh dughul aa'? Kooh phiranggyeh bhi ih kihh tong kamm kihfur LuhNaan dhangg baah wu y'aa a'n mou. 56Dhangg bii mihhse sh'in a tihh r'an khi mhi-wanggshiiy mwopp gam diy.” Bhi kapp zheppkamm khinyi mwopp shwa reen, mwopp yet nyi dheeh.
Jesu kihkyeen To'ng-Mhi'nan
(Mar 14:53-65; Luk 22:24-55,63-71; Yoh 18:13-14,19-24)
57Mwooh mwopp y'aa Jesu ni mwopp dum kihh nyi luh Kayafas, Prist Wu'yon, pee w'u Mhikamm-w'aar kihhsheh kihh mwoohnan mwopp ja kang diy dullukk kihshag. 58Bitrus lang'kihshiiy Jesu pann zhong-zhong, harr dum dhel kihfur khi Prist Wu'yon ni. Dhel tong naar mhitapp luh khi Prist Wu'yon ni tihh naah bii w'u mwopp p'ee sh'in diy kihh Jesu.
59Prist wu'nan ni mwopp kihhsheh kihh kapp gurum w'u dhighin To'ng-Mhi'nan ni mwopp y'aa lyap dong w'u tihh mwopp gab dhen kaah Jesu tihh mwopp kad arr t'u nyi diy. 60Dhangg kooh bhalang phirooh v'ur mhi-tupp'pwoo dwungg dhess mwopp pwan shut ja, bhi baah meeh putshiin mwopp mou.
Kyess nyi bhi m'ee mhi-tupp'pwoo dwungg vel pwan shut ja. 61Kaarooh mwopp ja bhi mwopp satt le, “Gwooh mhize ni cham satt le wai riy p'ee mak shirrip LuhNaan, yakhal riy waa dyik nyi dyi dhighin t'eer kunn.” 62Bhi Prist wu'yon yakhal dharr bhi nang phi Jesu le, “Baah gha kihh bii mhi satt aa'? Pwoo w'u mwopp phi satt nyi kaah gha se a kaaranggyeh?” 63Weett kihhsheh bhi Jesu tong niy dh'ok.
Bhi Prist Wu'yon ni satt Jesu le, “Ih kihh nang pwooh gha dhighin shumm khi Naan Wu'meenn, ghi satt munn kadmihh a gha a Kristi L'aa khi Naan.”
64Bhi Jesu pring nyi le, “Nyi a kaa ghi satt seh. Ih kihh satt wunn, seh kihkyeen bhi wunn p'ee p'ar naah L'aa khi Gurum kihh tong sarrsoh khi Naan w'u Bhall mett weett, yakhal kihh tong sam kih liw w'u phikihtihngg.”
65Kaarooh Prist Wu'yon klihng kihhsheh, bhi tee bh'aar keeniy kwa'h p'ee tukhupwad. Bhi satt le, “Ai baa kas Naan! Kakkrooh mu kihh dheeh lyap m'ee mhi-tupp'pwoo dyi a p'ee mihyeh, wunn'? Ai baa wu klihng kas Naan w'u sh'in seh. 66A mihyeh a p'an keewu?” Bhi mwopp lapp bi'eem phishag le, “Wall a muutt fyaatd.”
67Bhi mwopp y'aa dyess zool shenn yit nyi, yakhal mwopp kihh kwakhal sarr ruh mwopp gw'ool nyi diy. Pakk mwopp kihh zhwal laap nyi. 68Mwopp kihh satt nyi le, “Ghi w'oo ghi satt munn sh'i wanggshiiy dhak e'h, p'ee a gha diy a Kristi; a meeh muh wu'rangg shud gha?”
Bitrus shiihshig man Jesu
(Mar 14:66-72; Luk 22:56-62; Yoh 18:15-18,25-27)
69Kaarooh Bitrus kihh tong kih tihlleng'kom, bhi m'ee laa'reep nhidhakk-luh taah dharr sh'i nyi bhi satt nyi le, “Ai dyinn wu'gha zag kihshag kihh Jesu Gu-Galili ni.”
70Bhi Bitrus shiihshig kihkyeen gurum ni mwopp weett le, “Baah ih man bii w'u yi phi satt nyi seh mou.”
71Bitrus yakhal mett put phi fokhol'pang bhi m'ee laa'reep nhidhakk-luh wu'dyikk naah nyi bhi satt gurum w'u mwopp nhighin le, “Ai gwoh mhize dyinn kihshag kihh Jesu Gu-Nazaret shi.”
72Weett kihhsheh bhi Bitrus shiihshig dyi, harr choorNaan le, “Baah ih man gwoh mhizeh ni mou!”
73L'ang dyi lee, bhi mwooh kihh dyarrang nhighin mwopp taah dum kihpee Bitrus diy, bhi mwopp satt nyi le, “Baah m'ee satt kihhshe, gha a kihmeh dhighin gurum khi gwoh mhizeh ni mwopp, p'ee liisspwoo keegha lappshag kihh liisspwoo khi Mhi-Galili mwopp.” 74Bhi Bitrus y'aa choor yitrab l'e kih shin, harr choorNaan satt gurum ni mwopp le “Baah ih man gwoh mhizeh ni mou!”
Abet bhi dool peetpee. 75Bhi Bitrus kakkder pwoo w'u dyinn Jesu satt riy le, “Dhangg dool kihh peetpee, bhi gha p'ee shiihshig man a'n yit kunn,” seh. Bhi Bitrus mett put kihtekhell, put shwat wall dhekk-dhekk pwetd.
ទើបបានជ្រើសរើសហើយ៖
Matiw 26: Chakfem
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©️2022 Luke Initiative for Scripture Translation
Matiw 26
26
Mwopp kukhul-bhellepp p'ee t'u Jesu
(Mar 14:1-2; Luk 22:1-2; Yoh 11:45-53)
1Bwoonrooh Jesu kyes satt bii mihhse weett, bhi satt zheppkamm keenyi mwopp le, 2“Wu man byittseh a puus Mettkaah. Mwopp p'ee pihh L'aa khi Gurum tihh mwopp pwas kih sheepmuutt.”
3A nyi seh bhi prist wu'nan mwopp kihh mwoohnan khi Zhepp Yahuda mwopp kang luhfwaann khi Prist Wu'yon, w'u shumm nyi a Kayafas. 4Sh'i k'ang ni bhi mwopp kukhul-bhellepp p'ee y'aa Jesu dhakhatt lakham t'u. 5Mwopp satt shag le, “Tapp mu y'aa nyi a p'ar Puus Rettyit mhi Mettkaah ni mou, nann'baa pwoobhangg yakhal naar gurum mwopp.”
M'ee mat l'e mw'oor kih Jesu Betani
(Mar 14:3-9; Luk 7:37-38; Yoh 12:1-8)
6Kaarooh Jesu Betani luh m'ee gurum w'u shumm nyi a Siman Gulokhom, 7bhi m'ee mat ji kihpee nyi diy kihh m'ee mwoor'teghez keera w'u khi-krhim dhighin m'ee laa'dleng w'u mwopp dhakk sh'i pangg'krhim, w'u mwopp kihh peett alabasta. Bhi ji l'e mw'oor mhize kih kaah Jesu kaarooh kihh tong soh.
8Kaarooh zheppkamm ni mwopp naah kihhsheh, bhi shaan mwopp pwetd. Mwopp kihh satt le, “Ai, m'ee tu'kyillingg bii wu'kihhshe k'a, wunn'! 9Ai dyinn mwopp p'ee mak seett kihh mwoor'teghez mihhse kihh shaghal dhess, mwopp pihh shaghal ni mhipyaah mwopp ruh.”
10Jesu man bii w'u mwopp phi l'aa nyi seh, bhi satt mwopp le, “Wunn phi daam'pee mat mhize a p'ee mihyeh? Sh'in a bii wu'rett a'n pwetd. 11Ai wunn kihh mhipyaah mwopp kihshag kihh wunn kooh phiranggyeh, dhangg baah wu'an p'ee kwed kihshag kihh wunn kooh phiranggyeh mou.” 12Kaarooh mat mihhse l'e mw'oor mhize kaah nah, bhi dhakk a'n a p'ee w'um. 13Ih kihh satt a zeenn wunn, kapp pee w'u mwopp p'ee p'ar kihh satt Pwoo'wurett mhize diy dhighin yill ni kihhdihng'dihng, bhi mwopp p'ee kihh satt bii w'u mat mhize ni sh'in p'ee p'an kihh nyi.
Yahuda Iskaryoti dh'om p'ee seett kihh Jesu
(Mar 14:10-11; Luk 22:3-6)
14Bhi Yahuda Iskaryoti, kihmeh dhighin zheppkamm khi Jesu w'u Kaghapaad baa'vel seh, dum kihpee prist wu'nan mwopp diy. 15Dum nang phi mwopp le, “Wunn p'ee pihh a mihyeh a'n kadmihh ih pihh Jesu ni sarr wuh?” Bhi mwopp k'un shaghal azurfa laar kunn mwopp pihh nyi.#26:15 Zak 11:12 16Yakhal phi mihhseh bhi Yahuda y'aa rengg arr w'u tihh pihh Jesu diy sarr mwopp.
Soh'teer Puus Mettkaah wu'kyess ni
(Mar 14:12-21; Luk 22:7-13,21-23; Yoh 13:21-30)
17P'ar puus wu'shee mhi Ku'khur Gutt-gaw, bhi zheppkamm khi Jesu mwopp nang phi nyi le, “Gwoohyon, ghi kihh dh'om tihh mu dhakk pee w'u munn p'ee so soh Gutt-gaw ni diy a nihyeh?”
18Bhi Jesu lapp mwopp le, “Wu dum kihpee m'ee gurum shi diy dhighin khishikhitt Urshalima, bhi wu satt nyi wu le, ‘Gukamm satt kihhshe: pee keena wull kus. A'n p'ee sh'in rettyit mhi puus Mettkaah kihshag kihh zheppkamm keena mwopp a luh gha.’ ” 19Bhi zheppkamm ni mwopp sh'in kaah Jesu satt mwopp seh, bhi mwopp dhakk soh mhi puus Mettkaah ni nhighin.
20Kaarooh pee wull kansihkhin, bhi Jesu tong soh kihshag kihh zheppkamm keeniy w'u Kaghapaad baa'vel ni mwopp. 21Kaarooh mwopp kaah soh, bhi satt mwopp le, “Ih kihh satt a zeenn wunn, kihmeh dhighin wunn p'ee seett kihh a'n.”
22Bhi tukhup mwopp wad pwetd, bhi mwopp y'aa nang nyi phi Jesu shi'kihmeh-shi'kihmeh le, “Fettkaah nah, Gwoohyon, gha phi satt a a'n mou shisihng?”
23Jesu lapp mwopp le, “Gwooh phi so soh dhaa wu'khimhi kihh a'n, a nyi p'ee seett kihh a'n. 24L'aa khi Gurum p'ee mwan kaa nyi a rih-ran kaah nyi seh. Dhangg mak kihh gwooh seett kihh L'aa khi Gurum ni! Ai rettmett gwoh ni kaddyinn gyet mwopp l'aa nyi mou.”
25Bhi Yahuda, w'u a gwooh p'ee seett kihh Jesu ni, nang le, “Fettkaah nah, Gukamm, gha phi satt a a'n mou shisihng?”
Bhi Jesu pring nyi le, “Ghi satt a nyi seh.”
26Kaarooh mwopp kaah soh, bhi Jesu m'ang gihkhill gutt, bwoonrooh pihh plangg Naan kaah, bhi trep gihkhill gutt ni pihh zheppkamm keeniy ni mwopp, kihh satt le, “Wu lapp wu so; mihhse a shoopsan.”
27Bhi m'ang l'aa zhangg ni, bwoonrooh pihh plangg Naan, bhi pihh mwopp, kihh satt le, “Wunn weett wu shwaa dhighin l'aa zhangg ni. 28Mihhse a teghem nah w'u a teghem Gabshit; teghem nah w'u ih dheer p'ee gurum dhess, p'ee fwah khi shigbis. 29Ih kihh satt wunn, yakhal mwasseh kihhshe, bhi baah a'n p'ee shwaa am'anab dyi kihhshe mou, seeh p'ar w'u a'n p'ee shwaa nyi dyi a wu'pwooh kihshag kihh wunn dhighin dhenglong khi Daa.”
30Kaarooh mwopp sh'in koog, bhi mwopp pwat taah dum kih Bwum Paatt.
Jesu shep satt rooh Bitrus p'ee shiihshig man riy
(Mar 14:27-31; Luk 22:31-34; Yoh 13:36-38)
31Bhi Jesu satt zheppkamm keeniy ni mwopp le, “Khipar w'u shishinn se, bhi wunn weett p'ee pal dhighin pihhzeenn keewu lhiwaa bii w'u p'ee kad a'n. P'ee nyi a rih-ran le,
“ ‘A'n p'ee t'u gutapp ni,
bhi dw'uu tihm ni mwopp p'ee chiit b'uu.’”#26:31 Zak 13:7
32“Dhangg bwoonrooh ih yakhal kih peemuutt, bhi a'n p'ee dum Galili ky'een wunn.”
33Bhi Bitrus pring nyi le, “Kooh dyinn kakhar mwopp pal dhighin pihhzeenn keeru dhighin gha, bhi tapp a m'ee wu'an mou.”
34Jesu pring Bitrus le, “Ih kihh satt a zeenn gha, khipar w'u shishinn se, bhi gha p'ee shiihshig man a'n yit kunn dhangg dool kihh peetpee.”
35Weett kihhsheh bhi Bitrus satt le, “Ai kooh dyinn wull rooh a'n p'ee mih-muut maah, bhi baah a'n p'ee cham shiihshig man gha mou.” Kakhar zheppkamm ni mwopp weett satt a kihhsheh zag.
Jesu dhangNaan Getsemane
(Mar 14:32-42; Luk 22:39-46)
36A nyi seh bhi Jesu dhel dum kihh zheppkamm keeniy ni mwopp m'ee pee shi w'u mwopp kihh peett Getsemane. Kaarooh mwopp dum wull bhi satt mwopp le, “Wu kwangg se tihh ih taah diy ih dum dhangNaan seh takhann.”
37Bhi yakhal kihh Bitrus mwopp kihh zhepp khi Zebedi w'u vel seh dang shin. Phitukhup nyi y'aa wad, yakhal bii mihhseh daam'pee nyi pwetd. 38Bhi satt mwopp le, “Kai, en na wad bis-bis harr kaa a'n a p'ee mih-muut se. Wu kwangg se sh'i gonggpee kihshag kihh a'n.”
39Kaarooh wu'nyi pann shang dum diy lee kihkyeen, bhi sam saam kih bwut niy, shup yit niy yill y'aa dhangNaan le, “Daa, mihh kihh mak sh'in bhi dyinn ghi m'ang zhangg zheell mhize lhi'baa kaah nah. Dhangg tapp diy dharr a p'an m'aan mou, dharr a p'an mag-ghah.”
40Bhi baa'taah kihpee zheppkamm keeniy ni mwopp diy, bhi kad mwopp chaat ruh s'aam. Bhi Jesu nang phi Siman le, “Hah, baah wu mak tong gonggpee kihshag kihh a'n p'ee gonggpee kihmeh kyekk mou ang'? 41Wu gonggpee yakhal wu kihh dhangNaan tapp'baa wu pal dhighin zhwaan'pee mou. Riin kihh dh'om, dhangg shoopshik kihh bhall mou.”
42Jesu baa'dum dyi, dheeh a shiiy wu'vel seh, bhi dhangNaan le, “Daa, mihh kihh mak sh'in tihh zhangg zheell mhize mett kaah nah mou, harr dhen a ching tihh ih shwaa, bhi yet tihh bii w'u ghi kihh dh'om kwed a kihhsheh.”
43Kaarooh baa'taah diy bhi kad zheppkamm ni mwopp a s'aam vitt, p'ee s'aam t'u mwopp pwetd. 44A nyi seh bhi yet mwopp s'aam ni, bhi waa dum dyi, dum dhangNaan dyi, dheeh a shiiy wu'kunn seh, kihh satt a bii w'u dyinn satt seh vitt.
45Bhi baa'taah kihpee zheppkamm keeniy ni mwopp dyi bhi satt mwopp le, “Wunn wuh a s'aam kihh lapp shuk harr mwasseh -ng? T'o, pee wull kuss, baa mwopp seett kihh L'aa khi Gurum sarr mhi-shigbis mwopp. 46Wu yakhal munn mu dhel! Wu naah, g'u seett kihh a'n ji wull!”
Mwopp y'aa Jesu
(Mar 14:43-50; Luk 22:47-53; Yoh 18:3-12)
47Kaarooh Jesu kudyi kaah kadpwoo, bhi Yahuda, w'u a kihmeh dhighin zheppkamm khinyi w'u kaghapaad baa'vel seh, ji wull. Nyi kihh dw'uu gurum w'u prist wu'nan kihh mwoohnan khi Zhepp Yahuda mwopp lop tu'ru'ru dang shin. Mwopp kihh v'ur g'oo kihh n'an dughul sarr ruh. 48Yahuda g'u seett kihh Jesu ni khi t'en satt reb bii'kattshiiy w'u nyi p'ee dyingg Jesu mwopp dyishig le, “Gwooh a'n p'ee sh'in dwaaspwoo kihh nyi, a nyi a Jesu ni; wu y'aa a nyi.” 49A nyi seh bhi Yahuda taah dum kihpee Jesu diy abet, taah tog kihh nyi le, “Ih kihh tog kihh gha 'y, Gukamm!” Yakhal Yahuda sh'in dwaaspwoo kihh Jesu a pin'shig gurum pwetd.
50Jesu pring nyi le, “Shaar na, wu'gha dei ghi sh'in bii w'u ji kihh gha.”
Bhi gurum ni mwopp gyerez taah dyarrang phi Jesu, mwopp y'aa nyi. 51Kaarooh kihmeh dhighin mwooh dang Jesu naah kihhsheh, bhi shenn sarr niy shang g'oo keeniy diy kweez patt, bhi twed tall kom m'ee kromm khi Prist Wu'yon ming yill.
52Bhi Jesu satt nyi le, “Shenn g'oo keegha patt, p'ee kapp mhi sh'in dhakk kihh g'oo, bhi a g'oo p'ee p'ar twa mwopp. 53Naah mag bhi ih kihh mak dhang phi Daa bhi nyi p'ee pihh mhi'lop a'n harr bataliya kaghapaad baa'vel mwasseh kihhshe mou aa'? 54Dheeh mihh a sh'in kihhsheh, dheeh Ran'Wubhangg w'u satt le bii mihhse p'ee sh'in p'ee gam a kaaranggyeh?”
55A nyi seh bhi Jesu nang phi dw'uu gurum ni mwopp le, “A'n a m'ee guteepee w'u dheeh wu pwat p'ee y'aa a'n kihh g'oo kihh dughul aa'? Kooh phiranggyeh bhi ih kihh tong kamm kihfur LuhNaan dhangg baah wu y'aa a'n mou. 56Dhangg bii mihhse sh'in a tihh r'an khi mhi-wanggshiiy mwopp gam diy.” Bhi kapp zheppkamm khinyi mwopp shwa reen, mwopp yet nyi dheeh.
Jesu kihkyeen To'ng-Mhi'nan
(Mar 14:53-65; Luk 22:24-55,63-71; Yoh 18:13-14,19-24)
57Mwooh mwopp y'aa Jesu ni mwopp dum kihh nyi luh Kayafas, Prist Wu'yon, pee w'u Mhikamm-w'aar kihhsheh kihh mwoohnan mwopp ja kang diy dullukk kihshag. 58Bitrus lang'kihshiiy Jesu pann zhong-zhong, harr dum dhel kihfur khi Prist Wu'yon ni. Dhel tong naar mhitapp luh khi Prist Wu'yon ni tihh naah bii w'u mwopp p'ee sh'in diy kihh Jesu.
59Prist wu'nan ni mwopp kihhsheh kihh kapp gurum w'u dhighin To'ng-Mhi'nan ni mwopp y'aa lyap dong w'u tihh mwopp gab dhen kaah Jesu tihh mwopp kad arr t'u nyi diy. 60Dhangg kooh bhalang phirooh v'ur mhi-tupp'pwoo dwungg dhess mwopp pwan shut ja, bhi baah meeh putshiin mwopp mou.
Kyess nyi bhi m'ee mhi-tupp'pwoo dwungg vel pwan shut ja. 61Kaarooh mwopp ja bhi mwopp satt le, “Gwooh mhize ni cham satt le wai riy p'ee mak shirrip LuhNaan, yakhal riy waa dyik nyi dyi dhighin t'eer kunn.” 62Bhi Prist wu'yon yakhal dharr bhi nang phi Jesu le, “Baah gha kihh bii mhi satt aa'? Pwoo w'u mwopp phi satt nyi kaah gha se a kaaranggyeh?” 63Weett kihhsheh bhi Jesu tong niy dh'ok.
Bhi Prist Wu'yon ni satt Jesu le, “Ih kihh nang pwooh gha dhighin shumm khi Naan Wu'meenn, ghi satt munn kadmihh a gha a Kristi L'aa khi Naan.”
64Bhi Jesu pring nyi le, “Nyi a kaa ghi satt seh. Ih kihh satt wunn, seh kihkyeen bhi wunn p'ee p'ar naah L'aa khi Gurum kihh tong sarrsoh khi Naan w'u Bhall mett weett, yakhal kihh tong sam kih liw w'u phikihtihngg.”
65Kaarooh Prist Wu'yon klihng kihhsheh, bhi tee bh'aar keeniy kwa'h p'ee tukhupwad. Bhi satt le, “Ai baa kas Naan! Kakkrooh mu kihh dheeh lyap m'ee mhi-tupp'pwoo dyi a p'ee mihyeh, wunn'? Ai baa wu klihng kas Naan w'u sh'in seh. 66A mihyeh a p'an keewu?” Bhi mwopp lapp bi'eem phishag le, “Wall a muutt fyaatd.”
67Bhi mwopp y'aa dyess zool shenn yit nyi, yakhal mwopp kihh kwakhal sarr ruh mwopp gw'ool nyi diy. Pakk mwopp kihh zhwal laap nyi. 68Mwopp kihh satt nyi le, “Ghi w'oo ghi satt munn sh'i wanggshiiy dhak e'h, p'ee a gha diy a Kristi; a meeh muh wu'rangg shud gha?”
Bitrus shiihshig man Jesu
(Mar 14:66-72; Luk 22:56-62; Yoh 18:15-18,25-27)
69Kaarooh Bitrus kihh tong kih tihlleng'kom, bhi m'ee laa'reep nhidhakk-luh taah dharr sh'i nyi bhi satt nyi le, “Ai dyinn wu'gha zag kihshag kihh Jesu Gu-Galili ni.”
70Bhi Bitrus shiihshig kihkyeen gurum ni mwopp weett le, “Baah ih man bii w'u yi phi satt nyi seh mou.”
71Bitrus yakhal mett put phi fokhol'pang bhi m'ee laa'reep nhidhakk-luh wu'dyikk naah nyi bhi satt gurum w'u mwopp nhighin le, “Ai gwoh mhize dyinn kihshag kihh Jesu Gu-Nazaret shi.”
72Weett kihhsheh bhi Bitrus shiihshig dyi, harr choorNaan le, “Baah ih man gwoh mhizeh ni mou!”
73L'ang dyi lee, bhi mwooh kihh dyarrang nhighin mwopp taah dum kihpee Bitrus diy, bhi mwopp satt nyi le, “Baah m'ee satt kihhshe, gha a kihmeh dhighin gurum khi gwoh mhizeh ni mwopp, p'ee liisspwoo keegha lappshag kihh liisspwoo khi Mhi-Galili mwopp.” 74Bhi Bitrus y'aa choor yitrab l'e kih shin, harr choorNaan satt gurum ni mwopp le “Baah ih man gwoh mhizeh ni mou!”
Abet bhi dool peetpee. 75Bhi Bitrus kakkder pwoo w'u dyinn Jesu satt riy le, “Dhangg dool kihh peetpee, bhi gha p'ee shiihshig man a'n yit kunn,” seh. Bhi Bitrus mett put kihtekhell, put shwat wall dhekk-dhekk pwetd.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©️2022 Luke Initiative for Scripture Translation