Matiw 6
6
Kamm kaah pihh zhukhum
1“Wu kihh kangg tappseh wu kihh sh'in dhakk'shin wu'rett keewu a phishumm tihh gurum mwopp naah diy mou. Mihh wu sh'in kihhsheh bhi baah wunn p'ee kad m'ee lebhed kihpee Puup wu Naan w'u tihngg kih dhengg dyi mou.
2“Pee'mhinyi bhi mihh wu pihh zhukhum mhipyaah mwopp, bhi tapp wu kihh pyarram veer yak orr nyi, kaa mhi-raanaan mwopp kihh sh'in dhighin Luh'kang se, kooh kih tihleng-arr se, tihh gurum mwopp tihghin mwopp diy mou. Ih kihh satt a zeenn wunn, baa mwopp shep lapp lebhed khi bii ruh a pwetd seh. 3Pee'mhinyi mihh ghi r'u pihh zhukhum mhipyaah mwopp, bhi ghi pihh shekhett dh'ok, harr dhen a kaarooh sarr gha w'u dih'kul man bii w'u sarr gha w'u dihsoh phi sh'in nyi se mou. 4Ghi sh'in kihhsheh tihh zhukhum keegha dhen diy a w'u bhi-byaah. A kihhsheh bhi Pag w'u kih naah bii w'u mwopp kihh sh'in a w'u bhi-byaah p'ee kwatlebhed zhukhum ni gha.
Kamm kaah dhangNaan
(Luk 11:2-4)
5“Mihh wu dhekhem dhangNaan, bhi tapp wu sh'in a kaa mhi-raanaan mwopp kihh sh'in se mou. P'ee mwopp kihh dh'om yakhal dyarrang dhangNaan dhighin Luh'kang kihh pwoo arr, phishumm tihh gurum naah mwopp diy kyekk. Ih kihh satt a zeenn wunn, baa mwopp lapp lebhed khi bii ruh a pwetd seh. 6Pee'mhinyi mihh ghi dhekhem dhangNaan, bhi ghi dhel dhighin luh, ghi paah pwooluh bhi ghi sh'in dhangg keegha a Pag Naan, Naan w'u baah mwopp kihh mak naah nyi mou. A kihhsheh bhi Pag Naan ni w'u kih naah bii w'u mwopp kihh sh'in a w'u bhi-byaah p'ee kwatlebhed gha. 7Yakhal mihh wunn dhangNaan, bhi tapp wu kihh gwallak orr b'uu kaa mwooh baah mwopp man Naan kihh sh'in seh mou, p'ee mwopp kihh ryeeh le dhok Naan p'ee klihng runn a p'ee v'ur orr w'u ru kihh gwallak seh. 8Tapp wu dhen kaa mwopp se mou, p'ee Puup wu kihh shep man bii w'u wu kihh re'bhet, dhangg wu kihh y'aa dhang mwopp phi nyi.
9“Pee'mhinyi, bhi wu kihh dhangNaan a kihhshe se:
“‘Puup mu tihngg kih dhengNaan,
Ghi l'e tihh mu kyeer shumm gha dhen a wu'bhangg.
10Dyinn dhenglong keegha ji o'h.
Bii w'u ghi kihh dh'om weett,
bhi kwed a kihhsheh dhighin yill ni,
kaa nyi tihngg kih dhengNaan seh.
11Ghi pihh biisoh w'u shinn munn;
biisoh keemu w'u shi'puus-shi'puus.
12Ghi fwa shigbis keemu mwopp munn,
kaa wu'munn mu kihh fwa mwooh kihh dheldyikihh munn se.
13Tapp ghi looh munn dhighin kammpee w'u shwal-shwal mou;
ghi y'aa munn lhi'baa pwoo Gwoohbis.’#6:13 Pakk r'an w'u kihbwoon mwopp kihh dhen mihhse dyikihh: 'P'ee dhenglong, kihh maa'pee, kihh tihghindhess mwopp weett a mag'gha, harr ngaa-ngaa.'
14“P'ee mihh wu kihh fwa dheldyikihh w'u gurum mwopp kihh sh'in wunn, bhi Puup wu Naan w'u tihngg kih dhengg p'ee fwa shigbis mug'wuh wunn zag. 15Dhangg mihh dheng'pee wu'wunn wu kihh fwa wu'bis w'u gurum mwopp kihh sh'in wunn mou, bhi baah Puup wu p'ee fwa shigbis mug'wuh wunn mou zag.”
Kamm kaah yaa'pwoo
16“Mihh wunn kaah yaa'pwoo, bhi tapp wu kihh gooll kih shuk kaa mhi-raanaan mwopp kihh sh'in se mou. P'ee mihh r'u bhi mwopp kihh dwangg yit ru tihh koohweeh man rooh mwopp kaah yaa'pwoo diy. Ih kihh satt a zeenn wunn, baa mwopp lapp lebhed khi bii ru a pwetd seh. 17Kop kihhsheh bhi mihh wunn yaa'pwoo, bhi wu vwang yit wu, wu m'um mw'oor kaah wuh, 18tapp gurum mwopp kihh naah man le wunn kaah yaa'pwoo mou; a Puup wu, w'u baah gurum kihh naah mou, a nyi kyekk p'ee naah nyi man. A kihhsheh bhi Puup wu ni, w'u kihh naah bii w'u gurum kihh sh'in a w'u bhi-byaah, p'ee kwatlebhed wunn.
Long w'u tihngg kih dhengNaan
(Luk 12:33-34)
19“Tapp wu kihh akk long lhidyarrang shuk a dhighin yill mhize mou, pee w'u dih'gub kooh zhi'leng mwopp kihh mak tu'koog bii diy, kooh watt mwopp kihh mak teepee dhel w'att diy mou. 20Kop kihhsheh bhi wu akk long lhidyarrang shuk a kih dhengNaan, pee w'u dih'gub kooh zhi'leng mwopp kihh mak tu'koog bii diy mou, kooh watt mwopp kihh mak teepee dhel w'att diy mou. 21P'ee pee w'u long keegha diy, bhi p'an keegha p'ee kwed a nhighin zag.
Peebhangg khi shoopshik
(Luk 11:34-36)
22“Yit a kaa dlengwus mhi shoopshik se. Mihh yit gha mwopp kakhamm bhi shoopsak kihhdihng p'ee kad peebhangg. 23Dhangg mihh yit gha kakhamm mou, bhi shoopsak kihhdihng p'ee kwed a dhighin pee'kwoo. Mihh peebhangg keegha kan a pee'kwoo, ai bhi nyi a gag pee'kwoo w'u m'aa satt!
24“Baah kromm kihh mak pihh kaah niy p'ee sh'in dhakk mhiluh vel mou. P'ee kihh mak dhen a rooh nyi p'ee wall wu'zeh, dheeh shiih kihh wu'zeh; h'aa kooh pihh kaah niy wu'zeh dheeh toglong wu'zeh. Pee'mhinyi, bhi baah wunn p'ee mak pihh kaah wuh Naan yakhal wu pihh kaah wuh shaghal zag mou.
Kamm kaah annshik
(Luk 16:22-31)
25“Pee'mhinyi bhi ih kihh satt wunn ih le, tapp wu kihh ann shuk p'ee seen wu p'ee bii w'u wunn p'ee so nyi kooh wu shwaa wu tong diy mou, h'aa kooh p'ee dihng shoopshuk, p'ee looh w'u wunn p'ee rwan nyi mou. Seen mett biisoh, yakhal shoopshik mett looh'lop mou aa'? 26Wu naah bul-shaapp mwopp sihng; baah mwopp kihh kopp dhebhenn kooh mwopp dyiip mou, yakhal baah mwopp kihh chakk soh l'e dyaarr mou, weett kihhsheh bhi Puup wu Naan w'u tihngg kih dhengg kihh so-shwaa kihh mwopp. Hah, dheeh wunn kihh kyeenn mett bul mwopp s'ang? 27Uwou, a meeh wuh wu'rangg kihh mak gyess t'eer mhi seen niy sh'in mwan diy pee'rooh kihh ann shin p'ee nyi seh?
28“Yakhal a mihyeh l'e bhi wu kihh ann shuk p'ee looh'lop? Wu naah kihpee pel'pee dhighin dh'em mwopp kihh nan diy sihng! Baah mwopp kihh nyak m'ee twan looh shut mou. 29Weett kihhsheh ih kihh satt wunn, kooh Miskakhamm Solomon maah dhighin men'fwaann keeniy weett, bhi baah gyet kihh mak sh'in zhwatt wull m'ee pel'pee ni mwopp mou. 30Dheeh kad kan mihh Naan kihh sh'in zhwatt v'ur shit w'u dh'em a kihhsheh; shit w'u mihh nyi se shinn, bhi dhaarr mwopp kihh meng a tihghirhing, bhi diy sh'in zhwatt wu'wunn mett s'ang, Ooh wunn mhishiin-pihhzeenn mwopp? 31Pee'mhinyi bhi tapp wu kihh ann shuk wu le, ‘Munn p'ee so a mihyeh?’ h'aa kooh ‘Munn p'ee shwaa a mihyeh?’ kooh ‘Munn p'ee zhwal a mihyeh shun?’ mou. 32P'ee mwooh a mhi yill ni mwopp kihh dy'iin lyap a bii wu'kihhshe ni mwopp, dhangg Puup wu Naan w'u tihngg kih dhengg man le rett tihh wu'wunn zag wu kad bii mihhse ni mwopp. 33Kop kihhsheh bhi wu kihh lyap a dhenglong khinyi, kihh shigrett khinyi mett kakharr bii mwopp weett, bhi nyi p'ee pihh bii mihhseh ni mwopp weett wunn zag. 34Pee'mhinyi bhi tapp shep wu kihh ann shuk p'ee puus w'u dhaarr mou, p'ee puus w'u dhaarr kihh ji kihh annshik maad-rah a dyikk. Kooh puus wu'rangg a kihh zheell w'u mak witt maad-rah.
ទើបបានជ្រើសរើសហើយ៖
Matiw 6: Chakfem
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©️2022 Luke Initiative for Scripture Translation
Matiw 6
6
Kamm kaah pihh zhukhum
1“Wu kihh kangg tappseh wu kihh sh'in dhakk'shin wu'rett keewu a phishumm tihh gurum mwopp naah diy mou. Mihh wu sh'in kihhsheh bhi baah wunn p'ee kad m'ee lebhed kihpee Puup wu Naan w'u tihngg kih dhengg dyi mou.
2“Pee'mhinyi bhi mihh wu pihh zhukhum mhipyaah mwopp, bhi tapp wu kihh pyarram veer yak orr nyi, kaa mhi-raanaan mwopp kihh sh'in dhighin Luh'kang se, kooh kih tihleng-arr se, tihh gurum mwopp tihghin mwopp diy mou. Ih kihh satt a zeenn wunn, baa mwopp shep lapp lebhed khi bii ruh a pwetd seh. 3Pee'mhinyi mihh ghi r'u pihh zhukhum mhipyaah mwopp, bhi ghi pihh shekhett dh'ok, harr dhen a kaarooh sarr gha w'u dih'kul man bii w'u sarr gha w'u dihsoh phi sh'in nyi se mou. 4Ghi sh'in kihhsheh tihh zhukhum keegha dhen diy a w'u bhi-byaah. A kihhsheh bhi Pag w'u kih naah bii w'u mwopp kihh sh'in a w'u bhi-byaah p'ee kwatlebhed zhukhum ni gha.
Kamm kaah dhangNaan
(Luk 11:2-4)
5“Mihh wu dhekhem dhangNaan, bhi tapp wu sh'in a kaa mhi-raanaan mwopp kihh sh'in se mou. P'ee mwopp kihh dh'om yakhal dyarrang dhangNaan dhighin Luh'kang kihh pwoo arr, phishumm tihh gurum naah mwopp diy kyekk. Ih kihh satt a zeenn wunn, baa mwopp lapp lebhed khi bii ruh a pwetd seh. 6Pee'mhinyi mihh ghi dhekhem dhangNaan, bhi ghi dhel dhighin luh, ghi paah pwooluh bhi ghi sh'in dhangg keegha a Pag Naan, Naan w'u baah mwopp kihh mak naah nyi mou. A kihhsheh bhi Pag Naan ni w'u kih naah bii w'u mwopp kihh sh'in a w'u bhi-byaah p'ee kwatlebhed gha. 7Yakhal mihh wunn dhangNaan, bhi tapp wu kihh gwallak orr b'uu kaa mwooh baah mwopp man Naan kihh sh'in seh mou, p'ee mwopp kihh ryeeh le dhok Naan p'ee klihng runn a p'ee v'ur orr w'u ru kihh gwallak seh. 8Tapp wu dhen kaa mwopp se mou, p'ee Puup wu kihh shep man bii w'u wu kihh re'bhet, dhangg wu kihh y'aa dhang mwopp phi nyi.
9“Pee'mhinyi, bhi wu kihh dhangNaan a kihhshe se:
“‘Puup mu tihngg kih dhengNaan,
Ghi l'e tihh mu kyeer shumm gha dhen a wu'bhangg.
10Dyinn dhenglong keegha ji o'h.
Bii w'u ghi kihh dh'om weett,
bhi kwed a kihhsheh dhighin yill ni,
kaa nyi tihngg kih dhengNaan seh.
11Ghi pihh biisoh w'u shinn munn;
biisoh keemu w'u shi'puus-shi'puus.
12Ghi fwa shigbis keemu mwopp munn,
kaa wu'munn mu kihh fwa mwooh kihh dheldyikihh munn se.
13Tapp ghi looh munn dhighin kammpee w'u shwal-shwal mou;
ghi y'aa munn lhi'baa pwoo Gwoohbis.’#6:13 Pakk r'an w'u kihbwoon mwopp kihh dhen mihhse dyikihh: 'P'ee dhenglong, kihh maa'pee, kihh tihghindhess mwopp weett a mag'gha, harr ngaa-ngaa.'
14“P'ee mihh wu kihh fwa dheldyikihh w'u gurum mwopp kihh sh'in wunn, bhi Puup wu Naan w'u tihngg kih dhengg p'ee fwa shigbis mug'wuh wunn zag. 15Dhangg mihh dheng'pee wu'wunn wu kihh fwa wu'bis w'u gurum mwopp kihh sh'in wunn mou, bhi baah Puup wu p'ee fwa shigbis mug'wuh wunn mou zag.”
Kamm kaah yaa'pwoo
16“Mihh wunn kaah yaa'pwoo, bhi tapp wu kihh gooll kih shuk kaa mhi-raanaan mwopp kihh sh'in se mou. P'ee mihh r'u bhi mwopp kihh dwangg yit ru tihh koohweeh man rooh mwopp kaah yaa'pwoo diy. Ih kihh satt a zeenn wunn, baa mwopp lapp lebhed khi bii ru a pwetd seh. 17Kop kihhsheh bhi mihh wunn yaa'pwoo, bhi wu vwang yit wu, wu m'um mw'oor kaah wuh, 18tapp gurum mwopp kihh naah man le wunn kaah yaa'pwoo mou; a Puup wu, w'u baah gurum kihh naah mou, a nyi kyekk p'ee naah nyi man. A kihhsheh bhi Puup wu ni, w'u kihh naah bii w'u gurum kihh sh'in a w'u bhi-byaah, p'ee kwatlebhed wunn.
Long w'u tihngg kih dhengNaan
(Luk 12:33-34)
19“Tapp wu kihh akk long lhidyarrang shuk a dhighin yill mhize mou, pee w'u dih'gub kooh zhi'leng mwopp kihh mak tu'koog bii diy, kooh watt mwopp kihh mak teepee dhel w'att diy mou. 20Kop kihhsheh bhi wu akk long lhidyarrang shuk a kih dhengNaan, pee w'u dih'gub kooh zhi'leng mwopp kihh mak tu'koog bii diy mou, kooh watt mwopp kihh mak teepee dhel w'att diy mou. 21P'ee pee w'u long keegha diy, bhi p'an keegha p'ee kwed a nhighin zag.
Peebhangg khi shoopshik
(Luk 11:34-36)
22“Yit a kaa dlengwus mhi shoopshik se. Mihh yit gha mwopp kakhamm bhi shoopsak kihhdihng p'ee kad peebhangg. 23Dhangg mihh yit gha kakhamm mou, bhi shoopsak kihhdihng p'ee kwed a dhighin pee'kwoo. Mihh peebhangg keegha kan a pee'kwoo, ai bhi nyi a gag pee'kwoo w'u m'aa satt!
24“Baah kromm kihh mak pihh kaah niy p'ee sh'in dhakk mhiluh vel mou. P'ee kihh mak dhen a rooh nyi p'ee wall wu'zeh, dheeh shiih kihh wu'zeh; h'aa kooh pihh kaah niy wu'zeh dheeh toglong wu'zeh. Pee'mhinyi, bhi baah wunn p'ee mak pihh kaah wuh Naan yakhal wu pihh kaah wuh shaghal zag mou.
Kamm kaah annshik
(Luk 16:22-31)
25“Pee'mhinyi bhi ih kihh satt wunn ih le, tapp wu kihh ann shuk p'ee seen wu p'ee bii w'u wunn p'ee so nyi kooh wu shwaa wu tong diy mou, h'aa kooh p'ee dihng shoopshuk, p'ee looh w'u wunn p'ee rwan nyi mou. Seen mett biisoh, yakhal shoopshik mett looh'lop mou aa'? 26Wu naah bul-shaapp mwopp sihng; baah mwopp kihh kopp dhebhenn kooh mwopp dyiip mou, yakhal baah mwopp kihh chakk soh l'e dyaarr mou, weett kihhsheh bhi Puup wu Naan w'u tihngg kih dhengg kihh so-shwaa kihh mwopp. Hah, dheeh wunn kihh kyeenn mett bul mwopp s'ang? 27Uwou, a meeh wuh wu'rangg kihh mak gyess t'eer mhi seen niy sh'in mwan diy pee'rooh kihh ann shin p'ee nyi seh?
28“Yakhal a mihyeh l'e bhi wu kihh ann shuk p'ee looh'lop? Wu naah kihpee pel'pee dhighin dh'em mwopp kihh nan diy sihng! Baah mwopp kihh nyak m'ee twan looh shut mou. 29Weett kihhsheh ih kihh satt wunn, kooh Miskakhamm Solomon maah dhighin men'fwaann keeniy weett, bhi baah gyet kihh mak sh'in zhwatt wull m'ee pel'pee ni mwopp mou. 30Dheeh kad kan mihh Naan kihh sh'in zhwatt v'ur shit w'u dh'em a kihhsheh; shit w'u mihh nyi se shinn, bhi dhaarr mwopp kihh meng a tihghirhing, bhi diy sh'in zhwatt wu'wunn mett s'ang, Ooh wunn mhishiin-pihhzeenn mwopp? 31Pee'mhinyi bhi tapp wu kihh ann shuk wu le, ‘Munn p'ee so a mihyeh?’ h'aa kooh ‘Munn p'ee shwaa a mihyeh?’ kooh ‘Munn p'ee zhwal a mihyeh shun?’ mou. 32P'ee mwooh a mhi yill ni mwopp kihh dy'iin lyap a bii wu'kihhshe ni mwopp, dhangg Puup wu Naan w'u tihngg kih dhengg man le rett tihh wu'wunn zag wu kad bii mihhse ni mwopp. 33Kop kihhsheh bhi wu kihh lyap a dhenglong khinyi, kihh shigrett khinyi mett kakharr bii mwopp weett, bhi nyi p'ee pihh bii mihhseh ni mwopp weett wunn zag. 34Pee'mhinyi bhi tapp shep wu kihh ann shuk p'ee puus w'u dhaarr mou, p'ee puus w'u dhaarr kihh ji kihh annshik maad-rah a dyikk. Kooh puus wu'rangg a kihh zheell w'u mak witt maad-rah.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©️2022 Luke Initiative for Scripture Translation