Markus 10
10
Kamm kaah tu'dyik
(Mat 19:1-12; Luk 16:18)
1Jesu kihshag kihh zheppkamm keeniy mwopp yakhal Kafarnahum mwopp dum gaar'yill Yahudiya, kihh yill w'u yit'am Urdu w'u koghob Puus'kaa. Kaarooh mwopp nhighin, bhi dw'uu gurum mwopp ja kihpee nyi diy, bhi sh'in kamm mwopp kaa kihh lokhot sh'in nyi seh.
2Kaarooh nyi kaah kamm, bhi m'ee Farisiiy mwopp kamm nyi sh'i m'ee t'al mwopp le, “Nyi dihhreh kihh w'aar tihh gurum tu'dyik mat niy aa'?”
3Bhi Jesu nang phi mwopp le, “A mihyeh a bii w'u Musa gyet satt wunn?”
4Mwopp lapp nyi le, “Musa gyet pihh pee munn le gurum kihh mak ran ran'tudyik pihh mat niy bhi shen nyi 'y.”#WSW 24:1-4; Mat 5:31
5Bhi Jesu pring mwopp le, “Musa gyet ran w'aar mhize wunn a pee'rooh phitukhup wu mun lapprau yon. 6Dhangg gyet sh'ee khi le'bii, bhi Naan ‘dyak mwopp a wu'mis kihh wu'mat.’#10:6 Shee'bii 1:27 7‘Pee'mhinyi, bhi gwooh'mis p'ee yet pukhun mwopp kihh nhikhin tihh bhal'kaah niy diy kihh mat niy, 8bhi mwopp weett vel p'ee dheeh a dihng shoopshik w'u kihmeh.’ Pee'mhinyi, bhi ih kihh satt wunn, baah mwopp a vel dyi mou, mwopp a kihmeh. 9Pee'mhinyi, bii w'u Naan bh'al, bhi tapp gurum diy shap mou.”
10Kaarooh Jesu kihh zheppkamm keeniy mwopp b'aa ji luh, bhi zheppkamm ni mwopp nang orr tu'dyik mhizeh phi nyi. 11Bhi lapp mwopp le, “Koohweeh w'u mihh tu'dyik mat niy, harr waa lapp m'ee mat wu'zeh dyi, bhi gwoh ni phi sh'in a gaa kaah mat niy w'u shen seh. 12Yakhal mihh mat diy tu'dyik kihh mis rah, yakhal dum m'ee dyik wu'zeh dyi, bhi nyi phi sh'in a gaa.”
Jesu le'wurett zhepp wu'dyeen
(Mat 19:16-30; Luk 18:18-30)
13Kaarooh mwopp nhighin bhi gurum mwopp kihh ja kihh zhepp wu'dyeen Jesu tihh bwum mwopp diy le'wurett mwopp; dhangg zheppkamm khinyi mwopp kihh tepbhellepp gurum ni mwopp. 14Kaarooh Jesu naah bii w'u zheppkamm keeniy ni mwopp phi sh'in nyi seh, bhi tukhup nyi wad, bhi satt mwopp le, “Wu yet tihh zhepp wu'dyeen ni mwopp ja kihpee na diy. Tapp wu d'aam mwopp mou, p'ee dhenglong khi Naan a p'ee mwooh kaa mwopp se. 15Ih kihh satt a zeenn wunn, gwooh baah lapp dhenglong khi Naan kaa l'aa wu'shomm kihh lapp se mou, bhi baah nyi p'ee cham dhel dhighin mou.” 16Bhi Jesu kihh kok zhepp wu'dyeen ni mwopp sarr niy l'e sarr niy kaah mwopp le'wurett mwopp.
Laa'zlang gulong
(Mat 19:16-30; Luk 18:18-30)
17Kaarooh Jesu y'aa arr p'ee dhel mwaan, bhi m'ee gurum shi sh'u dum kad nyi, bhi taah yill kihh fr'um niy tekhem nyi nang diy phi nyi le, “Gukamm Gu-shigrett, a mihyeh a bii w'u a'n p'ee sh'in nyi tihh a kad seen w'u harr ngaa-ngaa diy?”
18Bhi Jesu pring nyi le, “A mihyeh l'e bhi ghi peet a'n Gu-shigrett? Ai baah m'ee gurum a ‘Gu-shigrett’ kad baah a Naan kyekk mou. 19Ai ghi man w'aar w'u kihh satt le, ‘Tapp ghi tu'kaah mou, tapp ghi sh'in gaa mou, tapp ghi m'ang watt mou, tapp ghi tupp'pwoo dwungg kaah menguh mou, tapp ghi sh'in bukhurpee mou, ghi pihhdhess pag mwopp kihh nhikhin keegha.’ ”#10:19 Put 20:12, WSW 5:6 20
20Bhi gwoh ni satt Jesu le, “Gukamm, ih y'aa kyeer w'aar mhize ni mwopp bhi ih kudyi a l'aa wu'shomm.”
21Jesu le'yit niy naah gwoh ni diy, bhi wall nyi, bhi satt nyi le, “A bii kihmeh kyekk wonn gha. Dum ghi seett kihh bii w'u gha kihh mwopp weett ghi shin zhukhum mhipyaah mwopp dyishig, bhi gha p'ee kwed kihh long kih dhengNaan, bhi ghi ji dhak ghi langdang na.” 22Kaarooh gwoh ni klihng kihhsheh bhi y'aa dho'khor. Bhi yakhal l'ang kih arr sh'i wadphitukhup, p'ee nyi kihh long pwetd.
23Bhi Jesu naahpee buakhar kaat, bhi satt zheppkamm keeniy mwopp le, “Kai, nyi p'ee shwal pwetd tihh mhilong dhel dhighin dhenglong khi Naan!”
24Bii w'u Jesu satt seh aa'phi zheppkamm khinyi ni mwopp pwetd. Bhi Jesu waa satt dyi mwopp le, “Zhepp'bha, dh'el dhighin dhenglong khi Naan shwal a kaa wu'dyikk! 25Nyi p'ee fyeell mett tihh brihngg'tukhus dhel f'ung mulli kad mihh'pee a gulong kihh dhel dhighin dhenglong khi Naan.”
26Bii ni sihkhitt aa'phi zheppkamm ni mwopp pwetd, bhi mwopp kihh satt shag le, “Ai mihh nyi rah a kihhsheh, bhi a weeh p'ee mak kad bh'am?” 27Jesu dyee mwopp bhi satt le, “Kihpee zhepp gurum diy bhi bii mihhse p'ee mak sh'in mou, weett kihhsheh kihpee Naan diy, bhi baah mee'bii a w'u maa'shin nyi mou.”
28Bitrus satt Daah Jesu le, “Ghi naah, wu'munn mu yet koohmeeh dheeh tihh mu lang diy dang gha 'y!”
29Bhi Jesu pring nyi satt le, “Ih kihh satt a zeenn wunn, baah m'ee gwooh p'ee cham yet tuluh keeniy, kooh emnhikhin wu'daass mwopp, kooh emnhikhin wu'raapp mwopp, kooh nhikhin, kooh pukhun, kooh zhepp niy, kooh bhokk keeniy mwopp p'ee a'n kihh orr Pwoo'wurett ni, 30w'u dheng'pee nyi p'ee lapp bii w'u mett bii mihhseh ni mwopp yit dhaa kihmeh dhighin yiiy-gangg mhize, kihh yiiy-gangg w'u kihh ji. Gwoh ni p'ee waa kad bii w'u a luh, kihh emnhikhin wu'daass mwopp, kihh emnhikhin wu'raapp mwopp, kihh nhikhin mwopp, kihh puup mwopp zag, kihh zhepp mwopp, kihh bhokk mwopp, dhangg ni a kihshag kihh zheell zag. Kyess nyi, bhi nyi p'ee kad seen w'u harr ngaa-ngaa dhighin yillpwooh w'u kihh ji zag. 31Dhangg dhess khi pakk gurum w'u mwopp kihh tihghin mwopp dhen kihkyeen mwasseh, bhi mwopp mhizeh ni p'ee p'ar kwed a pwenn kihbwoon; dhangg mwooh gurum mwopp kihh bheez mwopp le nw'aa a wu'baan, bhi a mwopp mhizeh ni p'ee p'ar dhen a mwooh kihkyeen.”
Jesu waa shep satt orr muutt keeniy dyi
(Mat 20:17-19; Luk 18:31-34)
32Kaarooh mwopp kaah mwaan p'ee k'aa dum Urshalima bhi Jesu l'ang kihkyeen mwopp. Bii ni aa'phi zheppkamm khinyi mwopp, yakhal lukhut t'u dw'uu gurum w'u mwopp kihbwoon mwopp pwetd. Jesu wangg zheppkamm keeniy w'u kaghapaad baa'vel ni dum dharr kihh mwopp m'ee koghob, bhi yakshiiy bii w'u p'ee kad riy mwopp. 33Satt mwopp le, “Wu naah, munn a arr k'aa dum Urshalima se. Mwopp p'ee seett kihh L'aa khi Gurum sarr prist wu'nan mwopp kihh Mhikamm-w'aar mwopp. Bhi mwopp p'ee shandyeell muutt nyi, mwopp pihh nyi sarr Seghen'gurum mwopp. 34Bhi Seghen'gurum ni mwopp p'ee nwang'zhung nyi, mwopp pwas zool kih nyi, mwopp fwa gw'am nyi, harr mwopp t'u nyi. Dhangg kih puus wu'kunn, bhi nyi p'ee waa yakhal dyi.”
Dhangg khi Yakub mwopp kihh Yohanna
(Mat 20:20-28)
35Kaarooh mwopp nhighin, bhi Yakub mwopp kihh Yohanna, w'u zhepp khi Zebedi mwopp ja kihpee Jesu diy. Mwopp satt nyi le, “Gukamm, munn kihh reb bii w'u mu kihh t'ang dhang nyi pwoo gha.”
36Bhi Jesu pring mwopp le, “Wu kihh dh'om tihh a sh'in a mihyeh wunn?”
37Bhi mwopp lapp nyi le, “Mu kihh dhang pwoo gha tihh p'ar mu kwangg diy sh'i sak, m'ee muh sarrsoh, meeh muh sarr'kul dhighin men'fwaann keegha.”
38Bhi Jesu satt mwopp le, “Baah wu man bii w'u wunn phi dhang nyi mou. Wunn p'ee mak shwaa zhangg zheell w'u a'n p'ee shwaa nyi, kooh wu lapp baptisma mhi zheell w'u mwopp p'ee sh'in nyi a'n mihngg?”
39Bhi mwopp lapp nyi le, “Ee'h munn p'ee mak shwaa nyi.” Bhi Jesu satt mwopp le, “Baah m'ee satt kihhshe, wunn p'ee shwaa zhangg zheell w'u a'n p'ee shwaa nyi, yakhal wunn p'ee lapp baptisma mhi zheell w'u mwopp p'ee sh'in nyi a'n seh. 40Dhangg t'ong w'u pee tong sarrsoh kooh sarr'kul keena a a'n kihh pee mhi pihh nyi menguh mou. Peetong mhizeh ni mwopp a mhi mwooh Naan baa dhakk l'e p'ee mwopp.”
41Kaarooh kakhar zheppkamm w'u kaghapaad seh mwopp klihng kihhsheh, bhi shaan mwopp kihh Yakub mwopp kihh emnhikhin Yohanna pwetd. 42A nyi seh, bhi Jesu peet zheppkamm ni mwopp lhija phishag, bhi satt mwopp le, “Wu man wu le mwooh mwopp kihh m'ang mwopp a Dazkakhamm mhi Seghen'gurum mwopp kihh le'dyikihh mwopp pwetd, yakhal mhidhakk khimwopp wu'nan mwopp kihh looh mwopp a sh'i fwaann. 43Dhangg wu'wunn p'ee sh'in kihhsheh kihh shag mou. Kop kihhsheh, bhi gwooh kihh t'ang tong a wu'yon naar wu, bhi ching tihh dhen shin a laa'dhakk keewu. 44Yakhal koohweeh w'u kihh t'ang dheeh gu-kihkyeen, bhi ching tihh dhen shin a kromm khi koohweeh, 45chiitt kaarooh baah L'aa khi Gurum samm a tihh gurum mwopp sh'in dhakk diy nyi mou, sam a tihh sh'in dhakk diy gurum mwopp, yakhal tihh pihh seen niy diy a kwatshig shigbis p'ee gurum dhess.”
Jesu wangg yit Batimawus
(Mat 20:29-34; Luk 18:35-43)
46Kaarooh mwopp kaah mwaan ni, bhi mwopp sam wull Jeriko. Kaarooh Jesu mwopp kihh zheppkamm keeniy, kihh gihd dw'uu gurum w'u dang mwopp kihh t'ang yet Jeriko, bhi m'ee guvughum w'u shumm nyi a Batimawus, w'u shiiy khinyi a Em Timawus, kihh tong dhang pwoo arr. 47Kaarooh guvughum ni klihng rooh kan a Jesu Gu-Nazaret, bhi eep dhekheh niy bhall-bhall satt le, “Daah Jesu, Em khi Dauda Ooo 'y! Ghi naah chikhirr keena oou!” 48Gurum dhess mwopp tepbhellepp ni mwopp satt le gw'ar tong dh'ok. Weett kihhsheh bhi guvughum ni kihh sihkhitt shi-shatt dhekheh niy le, “Em khi Dauda ooo 'y! Ghi naah chikhirr keena oou!” 49Jesu b'aa dharr, bhi satt le “Wu peet nyi lhi'ji.” Bhi mwopp peet guvughum ni, mwopp satt nyi le, “Ghi sh'in rettyit! Yakhal yill! Jesu kihh peet gha.”
50Bhi guvughum ni toonn gag bh'aar keeniy vhid seh yill, bhi shass yakhal dharr, champee ji kihpee Jesu diy.
51Jesu nang phi nyi le, “Ghi kihh dh'om tihh ih sh'in a mihyeh gha?”
Bhi guvughum ni lapp nyi le, “Gukamm, ih kihh dh'om tihh ih naahpee diy 'y.”
52Bhi Jesu satt nyi le, “Mwan gha, pihhzeenn keegha bar gha.” Abet bhi gwoh ni kad naahpee, bhi lang'dang Jesu arr mwaan.
ទើបបានជ្រើសរើសហើយ៖
Markus 10: Chakfem
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©️2022 Luke Initiative for Scripture Translation
Markus 10
10
Kamm kaah tu'dyik
(Mat 19:1-12; Luk 16:18)
1Jesu kihshag kihh zheppkamm keeniy mwopp yakhal Kafarnahum mwopp dum gaar'yill Yahudiya, kihh yill w'u yit'am Urdu w'u koghob Puus'kaa. Kaarooh mwopp nhighin, bhi dw'uu gurum mwopp ja kihpee nyi diy, bhi sh'in kamm mwopp kaa kihh lokhot sh'in nyi seh.
2Kaarooh nyi kaah kamm, bhi m'ee Farisiiy mwopp kamm nyi sh'i m'ee t'al mwopp le, “Nyi dihhreh kihh w'aar tihh gurum tu'dyik mat niy aa'?”
3Bhi Jesu nang phi mwopp le, “A mihyeh a bii w'u Musa gyet satt wunn?”
4Mwopp lapp nyi le, “Musa gyet pihh pee munn le gurum kihh mak ran ran'tudyik pihh mat niy bhi shen nyi 'y.”#WSW 24:1-4; Mat 5:31
5Bhi Jesu pring mwopp le, “Musa gyet ran w'aar mhize wunn a pee'rooh phitukhup wu mun lapprau yon. 6Dhangg gyet sh'ee khi le'bii, bhi Naan ‘dyak mwopp a wu'mis kihh wu'mat.’#10:6 Shee'bii 1:27 7‘Pee'mhinyi, bhi gwooh'mis p'ee yet pukhun mwopp kihh nhikhin tihh bhal'kaah niy diy kihh mat niy, 8bhi mwopp weett vel p'ee dheeh a dihng shoopshik w'u kihmeh.’ Pee'mhinyi, bhi ih kihh satt wunn, baah mwopp a vel dyi mou, mwopp a kihmeh. 9Pee'mhinyi, bii w'u Naan bh'al, bhi tapp gurum diy shap mou.”
10Kaarooh Jesu kihh zheppkamm keeniy mwopp b'aa ji luh, bhi zheppkamm ni mwopp nang orr tu'dyik mhizeh phi nyi. 11Bhi lapp mwopp le, “Koohweeh w'u mihh tu'dyik mat niy, harr waa lapp m'ee mat wu'zeh dyi, bhi gwoh ni phi sh'in a gaa kaah mat niy w'u shen seh. 12Yakhal mihh mat diy tu'dyik kihh mis rah, yakhal dum m'ee dyik wu'zeh dyi, bhi nyi phi sh'in a gaa.”
Jesu le'wurett zhepp wu'dyeen
(Mat 19:16-30; Luk 18:18-30)
13Kaarooh mwopp nhighin bhi gurum mwopp kihh ja kihh zhepp wu'dyeen Jesu tihh bwum mwopp diy le'wurett mwopp; dhangg zheppkamm khinyi mwopp kihh tepbhellepp gurum ni mwopp. 14Kaarooh Jesu naah bii w'u zheppkamm keeniy ni mwopp phi sh'in nyi seh, bhi tukhup nyi wad, bhi satt mwopp le, “Wu yet tihh zhepp wu'dyeen ni mwopp ja kihpee na diy. Tapp wu d'aam mwopp mou, p'ee dhenglong khi Naan a p'ee mwooh kaa mwopp se. 15Ih kihh satt a zeenn wunn, gwooh baah lapp dhenglong khi Naan kaa l'aa wu'shomm kihh lapp se mou, bhi baah nyi p'ee cham dhel dhighin mou.” 16Bhi Jesu kihh kok zhepp wu'dyeen ni mwopp sarr niy l'e sarr niy kaah mwopp le'wurett mwopp.
Laa'zlang gulong
(Mat 19:16-30; Luk 18:18-30)
17Kaarooh Jesu y'aa arr p'ee dhel mwaan, bhi m'ee gurum shi sh'u dum kad nyi, bhi taah yill kihh fr'um niy tekhem nyi nang diy phi nyi le, “Gukamm Gu-shigrett, a mihyeh a bii w'u a'n p'ee sh'in nyi tihh a kad seen w'u harr ngaa-ngaa diy?”
18Bhi Jesu pring nyi le, “A mihyeh l'e bhi ghi peet a'n Gu-shigrett? Ai baah m'ee gurum a ‘Gu-shigrett’ kad baah a Naan kyekk mou. 19Ai ghi man w'aar w'u kihh satt le, ‘Tapp ghi tu'kaah mou, tapp ghi sh'in gaa mou, tapp ghi m'ang watt mou, tapp ghi tupp'pwoo dwungg kaah menguh mou, tapp ghi sh'in bukhurpee mou, ghi pihhdhess pag mwopp kihh nhikhin keegha.’ ”#10:19 Put 20:12, WSW 5:6 20
20Bhi gwoh ni satt Jesu le, “Gukamm, ih y'aa kyeer w'aar mhize ni mwopp bhi ih kudyi a l'aa wu'shomm.”
21Jesu le'yit niy naah gwoh ni diy, bhi wall nyi, bhi satt nyi le, “A bii kihmeh kyekk wonn gha. Dum ghi seett kihh bii w'u gha kihh mwopp weett ghi shin zhukhum mhipyaah mwopp dyishig, bhi gha p'ee kwed kihh long kih dhengNaan, bhi ghi ji dhak ghi langdang na.” 22Kaarooh gwoh ni klihng kihhsheh bhi y'aa dho'khor. Bhi yakhal l'ang kih arr sh'i wadphitukhup, p'ee nyi kihh long pwetd.
23Bhi Jesu naahpee buakhar kaat, bhi satt zheppkamm keeniy mwopp le, “Kai, nyi p'ee shwal pwetd tihh mhilong dhel dhighin dhenglong khi Naan!”
24Bii w'u Jesu satt seh aa'phi zheppkamm khinyi ni mwopp pwetd. Bhi Jesu waa satt dyi mwopp le, “Zhepp'bha, dh'el dhighin dhenglong khi Naan shwal a kaa wu'dyikk! 25Nyi p'ee fyeell mett tihh brihngg'tukhus dhel f'ung mulli kad mihh'pee a gulong kihh dhel dhighin dhenglong khi Naan.”
26Bii ni sihkhitt aa'phi zheppkamm ni mwopp pwetd, bhi mwopp kihh satt shag le, “Ai mihh nyi rah a kihhsheh, bhi a weeh p'ee mak kad bh'am?” 27Jesu dyee mwopp bhi satt le, “Kihpee zhepp gurum diy bhi bii mihhse p'ee mak sh'in mou, weett kihhsheh kihpee Naan diy, bhi baah mee'bii a w'u maa'shin nyi mou.”
28Bitrus satt Daah Jesu le, “Ghi naah, wu'munn mu yet koohmeeh dheeh tihh mu lang diy dang gha 'y!”
29Bhi Jesu pring nyi satt le, “Ih kihh satt a zeenn wunn, baah m'ee gwooh p'ee cham yet tuluh keeniy, kooh emnhikhin wu'daass mwopp, kooh emnhikhin wu'raapp mwopp, kooh nhikhin, kooh pukhun, kooh zhepp niy, kooh bhokk keeniy mwopp p'ee a'n kihh orr Pwoo'wurett ni, 30w'u dheng'pee nyi p'ee lapp bii w'u mett bii mihhseh ni mwopp yit dhaa kihmeh dhighin yiiy-gangg mhize, kihh yiiy-gangg w'u kihh ji. Gwoh ni p'ee waa kad bii w'u a luh, kihh emnhikhin wu'daass mwopp, kihh emnhikhin wu'raapp mwopp, kihh nhikhin mwopp, kihh puup mwopp zag, kihh zhepp mwopp, kihh bhokk mwopp, dhangg ni a kihshag kihh zheell zag. Kyess nyi, bhi nyi p'ee kad seen w'u harr ngaa-ngaa dhighin yillpwooh w'u kihh ji zag. 31Dhangg dhess khi pakk gurum w'u mwopp kihh tihghin mwopp dhen kihkyeen mwasseh, bhi mwopp mhizeh ni p'ee p'ar kwed a pwenn kihbwoon; dhangg mwooh gurum mwopp kihh bheez mwopp le nw'aa a wu'baan, bhi a mwopp mhizeh ni p'ee p'ar dhen a mwooh kihkyeen.”
Jesu waa shep satt orr muutt keeniy dyi
(Mat 20:17-19; Luk 18:31-34)
32Kaarooh mwopp kaah mwaan p'ee k'aa dum Urshalima bhi Jesu l'ang kihkyeen mwopp. Bii ni aa'phi zheppkamm khinyi mwopp, yakhal lukhut t'u dw'uu gurum w'u mwopp kihbwoon mwopp pwetd. Jesu wangg zheppkamm keeniy w'u kaghapaad baa'vel ni dum dharr kihh mwopp m'ee koghob, bhi yakshiiy bii w'u p'ee kad riy mwopp. 33Satt mwopp le, “Wu naah, munn a arr k'aa dum Urshalima se. Mwopp p'ee seett kihh L'aa khi Gurum sarr prist wu'nan mwopp kihh Mhikamm-w'aar mwopp. Bhi mwopp p'ee shandyeell muutt nyi, mwopp pihh nyi sarr Seghen'gurum mwopp. 34Bhi Seghen'gurum ni mwopp p'ee nwang'zhung nyi, mwopp pwas zool kih nyi, mwopp fwa gw'am nyi, harr mwopp t'u nyi. Dhangg kih puus wu'kunn, bhi nyi p'ee waa yakhal dyi.”
Dhangg khi Yakub mwopp kihh Yohanna
(Mat 20:20-28)
35Kaarooh mwopp nhighin, bhi Yakub mwopp kihh Yohanna, w'u zhepp khi Zebedi mwopp ja kihpee Jesu diy. Mwopp satt nyi le, “Gukamm, munn kihh reb bii w'u mu kihh t'ang dhang nyi pwoo gha.”
36Bhi Jesu pring mwopp le, “Wu kihh dh'om tihh a sh'in a mihyeh wunn?”
37Bhi mwopp lapp nyi le, “Mu kihh dhang pwoo gha tihh p'ar mu kwangg diy sh'i sak, m'ee muh sarrsoh, meeh muh sarr'kul dhighin men'fwaann keegha.”
38Bhi Jesu satt mwopp le, “Baah wu man bii w'u wunn phi dhang nyi mou. Wunn p'ee mak shwaa zhangg zheell w'u a'n p'ee shwaa nyi, kooh wu lapp baptisma mhi zheell w'u mwopp p'ee sh'in nyi a'n mihngg?”
39Bhi mwopp lapp nyi le, “Ee'h munn p'ee mak shwaa nyi.” Bhi Jesu satt mwopp le, “Baah m'ee satt kihhshe, wunn p'ee shwaa zhangg zheell w'u a'n p'ee shwaa nyi, yakhal wunn p'ee lapp baptisma mhi zheell w'u mwopp p'ee sh'in nyi a'n seh. 40Dhangg t'ong w'u pee tong sarrsoh kooh sarr'kul keena a a'n kihh pee mhi pihh nyi menguh mou. Peetong mhizeh ni mwopp a mhi mwooh Naan baa dhakk l'e p'ee mwopp.”
41Kaarooh kakhar zheppkamm w'u kaghapaad seh mwopp klihng kihhsheh, bhi shaan mwopp kihh Yakub mwopp kihh emnhikhin Yohanna pwetd. 42A nyi seh, bhi Jesu peet zheppkamm ni mwopp lhija phishag, bhi satt mwopp le, “Wu man wu le mwooh mwopp kihh m'ang mwopp a Dazkakhamm mhi Seghen'gurum mwopp kihh le'dyikihh mwopp pwetd, yakhal mhidhakk khimwopp wu'nan mwopp kihh looh mwopp a sh'i fwaann. 43Dhangg wu'wunn p'ee sh'in kihhsheh kihh shag mou. Kop kihhsheh, bhi gwooh kihh t'ang tong a wu'yon naar wu, bhi ching tihh dhen shin a laa'dhakk keewu. 44Yakhal koohweeh w'u kihh t'ang dheeh gu-kihkyeen, bhi ching tihh dhen shin a kromm khi koohweeh, 45chiitt kaarooh baah L'aa khi Gurum samm a tihh gurum mwopp sh'in dhakk diy nyi mou, sam a tihh sh'in dhakk diy gurum mwopp, yakhal tihh pihh seen niy diy a kwatshig shigbis p'ee gurum dhess.”
Jesu wangg yit Batimawus
(Mat 20:29-34; Luk 18:35-43)
46Kaarooh mwopp kaah mwaan ni, bhi mwopp sam wull Jeriko. Kaarooh Jesu mwopp kihh zheppkamm keeniy, kihh gihd dw'uu gurum w'u dang mwopp kihh t'ang yet Jeriko, bhi m'ee guvughum w'u shumm nyi a Batimawus, w'u shiiy khinyi a Em Timawus, kihh tong dhang pwoo arr. 47Kaarooh guvughum ni klihng rooh kan a Jesu Gu-Nazaret, bhi eep dhekheh niy bhall-bhall satt le, “Daah Jesu, Em khi Dauda Ooo 'y! Ghi naah chikhirr keena oou!” 48Gurum dhess mwopp tepbhellepp ni mwopp satt le gw'ar tong dh'ok. Weett kihhsheh bhi guvughum ni kihh sihkhitt shi-shatt dhekheh niy le, “Em khi Dauda ooo 'y! Ghi naah chikhirr keena oou!” 49Jesu b'aa dharr, bhi satt le “Wu peet nyi lhi'ji.” Bhi mwopp peet guvughum ni, mwopp satt nyi le, “Ghi sh'in rettyit! Yakhal yill! Jesu kihh peet gha.”
50Bhi guvughum ni toonn gag bh'aar keeniy vhid seh yill, bhi shass yakhal dharr, champee ji kihpee Jesu diy.
51Jesu nang phi nyi le, “Ghi kihh dh'om tihh ih sh'in a mihyeh gha?”
Bhi guvughum ni lapp nyi le, “Gukamm, ih kihh dh'om tihh ih naahpee diy 'y.”
52Bhi Jesu satt nyi le, “Mwan gha, pihhzeenn keegha bar gha.” Abet bhi gwoh ni kad naahpee, bhi lang'dang Jesu arr mwaan.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©️2022 Luke Initiative for Scripture Translation