Markus 12
12
Shumpwoo kaah mhiwapp-maarr w'u bwutdhood
(Mat 21:33-46; Luk 20:9-19)
1Jesu y'aa shin'pwoo kihh gurum ni mwopp sh'i shumpwoo le, “M'ee gurum gyet kopp m'ee bongg-anab keeniy. Tapp'pee bongg ni okhor kihh pangg, yakhal bwan tughul w'u tihh mwopp kihh dwat am'anab ni diy dhighin, yakhal dyik luh-bhonggpee nhighin, bhi wapp bongg-anab ni m'ee mhimaarr mwopp, bhi dhel mwaan p'ee yiiy dhirrihkk. 2Kaarooh tarr yak zhepp'anab wull, bhi gwoh ni lop m'ee kromm keeniy lhidum kihpee mhiwapp-maarr ni mwopp diy tihh lapp pakk zhepp'anab w'u bongg-anab ni diy lhi'ji riy. 3Dhangg mwopp y'aa kromm ni, mwopp nas, bhi mwopp shen nyi lhidhel sarr niy wu'fii paah-paah. 4Bhi gwoh ni waa lop m'ee kromm keeniy dyi lhidum kihpee mwopp dyi. Bhi mwopp pett kaah nyi, mwopp sh'in bii naa'shoopp nyi. 5Harr mwasseh, bhi gwoh ni waa lop m'ee kromm keeniy dyi-dyi, bhi mwopp y'aa mihhseh t'u meng seh. Weett kihhsheh, bhi gwoh ni kihh naah lop pakk kromm keeniy dyi mwopp dhess lhidum; bhi mwopp nas pakk kromm ni mwopp, harr mwopp twa pakk. 6A gurum kihmeh taah dheeh gwoh ni p'ee l'op: a reb l'aa khinyi w'u a phikrihpp nyi. Kyess nyi bhi lop l'aa keeniy ni lhidum, kihh ryeeh le, ‘Ai mwopp p'ee pihhdhess em na.’
7“Kaarooh mhiwapp-maarr ni mwopp naah l'aa ni kihh ji, bhi mwopp satt shag le, ‘Dyau'matt oou! A mihhse a gu'sokopp khi gwoh ni. Wunn munn e'h! Mu tih'tu fyaad, bhi koppuup khinyi p'ee dheeh munn.’ 8A nyi seh, bhi mwopp y'aa l'aa ni t'u mwopp put meng seh.
9“T'o, naah mug, bhi a mihyeh a bii w'u g'u bongg-anab ni p'ee sh'in? Ai nyi p'ee ji twa mhiwapp-maarr mhizeh ni mwopp, yakhal pihh bongg-anab ni m'ee gurum wu'dyikk mwopp ruh. 10Kan wu khi cham t'ang Ran'wubhangg w'u satt le:
“ ‘Pangg w'u mhi'dyik mwopp shiih kihh nyi,
a nyi yakhal dheeh a pangg kwang'luh;
11a Daah Naan sh'in bii mihhse,
nyi a bii'aapwoo kihpee mu diy,’ seh maah?#12:11KwN 118:22,23”
12Bhi mwopp rengg arr w'u tihh mwopp y'aa nyi diy, p'ee mwopp man le satt shumpwoo mhizeh a kaah ruh. Dhangg mwopp kihkhir dw'uu khi gurum mwopp; bhi mwopp reen yet nyi diy.
T'al kaah kwat wapp Kaisar
(Mat 22:15-22; Luk 20:20-26)
13Lang dyi lee bwoon mihhseh, bhi mwopp lop pakk m'ee Farisiiy dangshag kihh pakk mhi-tuppbwoonn Hiridus mwopp lhidum kihpee Jesu diy tihh mwopp y'aa nyi diy dhighin m'ee kamm khinyi. 14Mwopp ja dyarrang kihpee Jesu diy, bhi mwopp satt nyi le, “Gukamm, mu man mu le gha a guzeenn. Baah ghi kihh kakk bii w'u gurum satt kaah gha mou, p'ee baah ghi kihh naah yitlwaann khi gurum mwopp mou, kop kihhsheh bhi ghi kihh kamm arr khi Naan shi'zeenn. T'o, nyi dihhreh tihh mu kwat wapp Kaisar aa'h h'aa shiih'pee nyi dihhreh ayeh? 15Ghi kad mu kwat aa'h, h'aa mu nook ayeh?”
Weett kihhsheh bhi Jesu man raanaan khimwopp, bhi satt mwopp le, “Wunn phi l'ang l'eer a'n a p'ee mihyeh? Wu ji kihh m'ee dinarius a'n ih naah.” 16Bhi mwopp ji kihh shaghal ni nyi, bhi nang phi mwopp le, “A ran'ryiin khi wuyeh se dyikihh? Yakhal a le'sarr mhi wuyeh se dyikihh?”
Bhi mwopp lapp nyi le, “A mhi Kaisar e'h.”
17Bhi Jesu satt mwopp le, “Mihh nyi a kihhsheh, bhi wu pihh bii w'u a mhi Kaisar, Kaisar; yakhal wu pihh bii w'u a mhi Naan, Naan.” Bhi aa'pwoo mwopp kihh nyi pwetd.
T'al kaah yakhal kih peemuutt
(Mat 22:23-33; Luk 20:27-40)
18Pakk m'ee Sadusiiy, w'u a mwooh kihh sh'in kamm le baah m'ee yakhal kih peemuutt nhighin mou, mwopp ji kihpee Jesu diy kihh t'al. Mwopp nang phi nyi le, 19“Gukamm, Musa gyet ran munn dhighin w'aar khi Naan le, mihh emnhikhin menguh m'uut yet mat niy dheng l'aa, bhi nyi a ching tihh gwoh ni looh mat'kaah ni tihh la zhepp diy kih shumm kumm emnhikhin ni. 20T'o, gyet mwopp cham sh'in m'ee zheppdaass mwopp pwoghovel bwut ru . Gwooh'shee sh'in dyik, dhangg m'uut noott l'aa 21bhi emnhikhin nyi wu'vel lapp mat'kaah ni, dhangg wu'nyi m'uut zag noott l'aa. A bii wu kad emnhikhin nyi wu'kunn seh zag. 22Kai, harr baah kooh kihmeh dhighin mwopp weett pwoghovel kad m'ee l'aa mou. Kyess nyi, bhi mat ni wu'nyi m'uut zag. 23T'o, ghi satt munn, mat mihhseh ni p'ee p'ar dheeh a mat khi m'ee mwopp wu'ranggyeh p'ar yakhal kih peemuutt ni, p'ee gyet mwopp weett pwoghovel cham looh nyi mat?”
24Bhi Jesu lapp mwopp le, “Wu pyallap lhiwaa rooh baah wu man Ran'Wubhangg kooh maa'pee khi Naan mou. 25P'ar w'u mwooh mih-mwarrap p'ee yakhal diy bhi baah m'ee dyik nhighin, p'ee mwopp p'ee dheeh a kaa mhi'lop w'u kih dhengNaan se. 26T'o, pwookaah rooh mwooh mih-mwarrap kihh mak yakhal kih peemuutt, bhi kan wu khi cham t'ang dhighin klap'ran khi Musa dhighin pwookaah wus w'u gyet naah dhighin dh'em seh maah? Dhighin pee mhizeh ni, bhi Naan satt Musa le, ‘A a'n a Naan khi Ibrahim, Naan khi Ishaku, kihh Naan khi Yakub.’ 27Naan ni a Naan khi mwooh mih-mwarrap mou, Nyi a Naan khi mwooh kihhseen. Ai wu pyallap pwetd!”
W'aar wu'yon mett kakharr
(Mat 22:34-40; Luk 10:25-28)
28M'ee gukamm w'aar tong ji bhi klihng kihpee Jesu diy kakhann kihh Sadusiiy mwopp. Kaarooh klihng kad Jesu phi lapp t'al rih-rett phi mwopp, bhi wu'nyi nang phi Jesu le, “Dhighin w'aar khi Naan mwopp weett, bhi a meehrangg a rooh mett kakhar mwopp?”
29Jesu lapp nyi satt le, “W'aar w'u mett kakhar weett a rooh satt le, ‘Ghi klihng e'h, Isra'ila, Daah Naan, Naan keemu a Naan Wu'kihmeh. 30Ghi wall Daah Naan, Naan keegha, sh'i phitukhup gha kihhdihng, kihh seen gha kihhdihng, kihh en gha kihhdihng, kihh bhall keegha kihhdihng zag.’ #12:30 WSW 6:4,5 31W'aar wu'vel a rooh satt le, ‘Ghi wall shaar'tong keegha kaa sak se zag.’#12:31 Lev 19:18 Baah m'ee w'aar w'u mett mwooh vel mhize dyi mou.”
32Gukamm w'aar ni pring Jesu le, “Gukamm, ghi lapp dihhreh. Ghi satt a kihrr rooh ghi satt ghi le Naan a kihmeh, yakhal baah m'ee Naan dyi, seeh a nyi kyekk. 33Yakhal rooh gurum wall Naan ni sh'i phitukhup niy kihhdihng, kihh m'an keeniy kihhdihng, kihh bhall keeniy kihhdihng; yakhal gurum wall shaar'tong keeniy kaa shin se. Bii mihhseh ni mwopp mett v'ur bii'zhukhum-wuss kihh kakharr bii'zhukhum weett.”#Hos 6:6
34Kaarooh Jesu klihng gwoh ni lapp bhellepp mhizeh soon-soon pwetd, bhi satt nyi le, “Baah ghi zhong pwetd kihh dhenglong khi Naan mou.” Yakhal phi mihhseh, bhi baah menguh kamm nang m'ee t'al dyi phi nyi mou.
Kristi a l'aa khi wuyeh?
(Mat 22:41-46; Luk 20:41-44)
35Kaarooh Jesu kaah kamm kihfur LuhNaan, bhi nang phi gurum mwopp le, “Sh'in a ranggyeh bhi Mhikamm-w'aar mwopp kihh satt le Kristi ni a l'aa khi Dauda ayeh? 36Dauda sh'i kaah niy peet Kristi ni ‘Gwoohyon’ kaarooh nyi kaah kadpwoo sh'i Riin Wu'bhangg bhi satt le,
“ ‘Daah Naan satt Gwoohyon keena le:
“Ghi tong gha se sarrsoh keena
harr seeh ih l'e tihh shaar'lek keegha mwopp,
mwopp kwarram yill tekhem gha.” ’ #12:36 KwN 110:1
37T'o, Dauda sh'i kaah niy peet Kristi ni ‘Gwoohyon,’ dhangg shitt a rangg Kristi ni diy tong a l'aa khinyi ayeh?”
Dw'uu gurum mwopp kihh klihng Jesu ni sh'i rettyit pwetd.
38Kaarooh nyi kaah kamm, bhi satt le, “Wu kihh kangg kihh kaah wuh tapp w'u dheeh a kaa Mhikamm-w'aar mwopp se mou. Mwopp kihh dh'om witt mwan a kihh das'nan bh'aar wu'nan vhi-khi-kihg, vhi-khi-kihg, yakhal mwopp khi dh'om a rooh gurum mwopp kihh yibyid runn sh'i togpee kih luhtukk, 39yakhal mwopp kihh pihh peetong w'u tihngg kihkyeen runn dhighin Luh'kang, kihh peetong mhi mwoohnan kihpee soh'var. 40A mwopp a mhi zhwam shwarabkaah tihh mwopp chakk bii diy lapp sarr mwopp bhangg-bhangg, dhangg mihh yakhal bhi mwopp kihh raanaan gab'zhakham m'ee dhangNaan w'u kwer-kwer. Ai gurum wu'kihhsheh ni mwopp aa'h! Naan p'ee shandyeell w'u shwal-shwal mwopp.”
Bii'zhukhum khi m'ee mat'kaah
(Luk 21:1-4)
41Jesu kihh tong kuss kihh p'ee l'e bii'zhukhum dhighin LuhNaan, bhi naah kihpee dw'uu gurum mwopp kihh ja l'e bii'zhukhum diy dhighin kong lapp bii'zhukhum ni. Mhilong mwopp dhess kihh ja l'e n'an shaghal dhess pwetd. 42Bhi m'ee mat'kaah nhipyaah ji l'e zhepp anini vel wu baah mwopp wull kobo kihmeh maah mou.
43Bhi Jesu nang zheppkamm keeniy mwopp lhija, bhi satt mwopp le, “Ih kihh satt a zeenn wunn, mat'kaah nhipyaah mhizeh l'e shaghal w'u mett mhi kakhar mwopp weett dhighin kong lapp bii'zhukhum ni. 44P'ee gurum ni mwopp weett pihh bii'zhukhum a dhighin dw'uu long w'u mwopp kihh nyi, dhangg wu'nyi, kooh bhalang phirooh nyi a nhipyaah, bhi pihh reb shaghal soh keera w'u dwallass kihhdihng.”
ទើបបានជ្រើសរើសហើយ៖
Markus 12: Chakfem
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©️2022 Luke Initiative for Scripture Translation
Markus 12
12
Shumpwoo kaah mhiwapp-maarr w'u bwutdhood
(Mat 21:33-46; Luk 20:9-19)
1Jesu y'aa shin'pwoo kihh gurum ni mwopp sh'i shumpwoo le, “M'ee gurum gyet kopp m'ee bongg-anab keeniy. Tapp'pee bongg ni okhor kihh pangg, yakhal bwan tughul w'u tihh mwopp kihh dwat am'anab ni diy dhighin, yakhal dyik luh-bhonggpee nhighin, bhi wapp bongg-anab ni m'ee mhimaarr mwopp, bhi dhel mwaan p'ee yiiy dhirrihkk. 2Kaarooh tarr yak zhepp'anab wull, bhi gwoh ni lop m'ee kromm keeniy lhidum kihpee mhiwapp-maarr ni mwopp diy tihh lapp pakk zhepp'anab w'u bongg-anab ni diy lhi'ji riy. 3Dhangg mwopp y'aa kromm ni, mwopp nas, bhi mwopp shen nyi lhidhel sarr niy wu'fii paah-paah. 4Bhi gwoh ni waa lop m'ee kromm keeniy dyi lhidum kihpee mwopp dyi. Bhi mwopp pett kaah nyi, mwopp sh'in bii naa'shoopp nyi. 5Harr mwasseh, bhi gwoh ni waa lop m'ee kromm keeniy dyi-dyi, bhi mwopp y'aa mihhseh t'u meng seh. Weett kihhsheh, bhi gwoh ni kihh naah lop pakk kromm keeniy dyi mwopp dhess lhidum; bhi mwopp nas pakk kromm ni mwopp, harr mwopp twa pakk. 6A gurum kihmeh taah dheeh gwoh ni p'ee l'op: a reb l'aa khinyi w'u a phikrihpp nyi. Kyess nyi bhi lop l'aa keeniy ni lhidum, kihh ryeeh le, ‘Ai mwopp p'ee pihhdhess em na.’
7“Kaarooh mhiwapp-maarr ni mwopp naah l'aa ni kihh ji, bhi mwopp satt shag le, ‘Dyau'matt oou! A mihhse a gu'sokopp khi gwoh ni. Wunn munn e'h! Mu tih'tu fyaad, bhi koppuup khinyi p'ee dheeh munn.’ 8A nyi seh, bhi mwopp y'aa l'aa ni t'u mwopp put meng seh.
9“T'o, naah mug, bhi a mihyeh a bii w'u g'u bongg-anab ni p'ee sh'in? Ai nyi p'ee ji twa mhiwapp-maarr mhizeh ni mwopp, yakhal pihh bongg-anab ni m'ee gurum wu'dyikk mwopp ruh. 10Kan wu khi cham t'ang Ran'wubhangg w'u satt le:
“ ‘Pangg w'u mhi'dyik mwopp shiih kihh nyi,
a nyi yakhal dheeh a pangg kwang'luh;
11a Daah Naan sh'in bii mihhse,
nyi a bii'aapwoo kihpee mu diy,’ seh maah?#12:11KwN 118:22,23”
12Bhi mwopp rengg arr w'u tihh mwopp y'aa nyi diy, p'ee mwopp man le satt shumpwoo mhizeh a kaah ruh. Dhangg mwopp kihkhir dw'uu khi gurum mwopp; bhi mwopp reen yet nyi diy.
T'al kaah kwat wapp Kaisar
(Mat 22:15-22; Luk 20:20-26)
13Lang dyi lee bwoon mihhseh, bhi mwopp lop pakk m'ee Farisiiy dangshag kihh pakk mhi-tuppbwoonn Hiridus mwopp lhidum kihpee Jesu diy tihh mwopp y'aa nyi diy dhighin m'ee kamm khinyi. 14Mwopp ja dyarrang kihpee Jesu diy, bhi mwopp satt nyi le, “Gukamm, mu man mu le gha a guzeenn. Baah ghi kihh kakk bii w'u gurum satt kaah gha mou, p'ee baah ghi kihh naah yitlwaann khi gurum mwopp mou, kop kihhsheh bhi ghi kihh kamm arr khi Naan shi'zeenn. T'o, nyi dihhreh tihh mu kwat wapp Kaisar aa'h h'aa shiih'pee nyi dihhreh ayeh? 15Ghi kad mu kwat aa'h, h'aa mu nook ayeh?”
Weett kihhsheh bhi Jesu man raanaan khimwopp, bhi satt mwopp le, “Wunn phi l'ang l'eer a'n a p'ee mihyeh? Wu ji kihh m'ee dinarius a'n ih naah.” 16Bhi mwopp ji kihh shaghal ni nyi, bhi nang phi mwopp le, “A ran'ryiin khi wuyeh se dyikihh? Yakhal a le'sarr mhi wuyeh se dyikihh?”
Bhi mwopp lapp nyi le, “A mhi Kaisar e'h.”
17Bhi Jesu satt mwopp le, “Mihh nyi a kihhsheh, bhi wu pihh bii w'u a mhi Kaisar, Kaisar; yakhal wu pihh bii w'u a mhi Naan, Naan.” Bhi aa'pwoo mwopp kihh nyi pwetd.
T'al kaah yakhal kih peemuutt
(Mat 22:23-33; Luk 20:27-40)
18Pakk m'ee Sadusiiy, w'u a mwooh kihh sh'in kamm le baah m'ee yakhal kih peemuutt nhighin mou, mwopp ji kihpee Jesu diy kihh t'al. Mwopp nang phi nyi le, 19“Gukamm, Musa gyet ran munn dhighin w'aar khi Naan le, mihh emnhikhin menguh m'uut yet mat niy dheng l'aa, bhi nyi a ching tihh gwoh ni looh mat'kaah ni tihh la zhepp diy kih shumm kumm emnhikhin ni. 20T'o, gyet mwopp cham sh'in m'ee zheppdaass mwopp pwoghovel bwut ru . Gwooh'shee sh'in dyik, dhangg m'uut noott l'aa 21bhi emnhikhin nyi wu'vel lapp mat'kaah ni, dhangg wu'nyi m'uut zag noott l'aa. A bii wu kad emnhikhin nyi wu'kunn seh zag. 22Kai, harr baah kooh kihmeh dhighin mwopp weett pwoghovel kad m'ee l'aa mou. Kyess nyi, bhi mat ni wu'nyi m'uut zag. 23T'o, ghi satt munn, mat mihhseh ni p'ee p'ar dheeh a mat khi m'ee mwopp wu'ranggyeh p'ar yakhal kih peemuutt ni, p'ee gyet mwopp weett pwoghovel cham looh nyi mat?”
24Bhi Jesu lapp mwopp le, “Wu pyallap lhiwaa rooh baah wu man Ran'Wubhangg kooh maa'pee khi Naan mou. 25P'ar w'u mwooh mih-mwarrap p'ee yakhal diy bhi baah m'ee dyik nhighin, p'ee mwopp p'ee dheeh a kaa mhi'lop w'u kih dhengNaan se. 26T'o, pwookaah rooh mwooh mih-mwarrap kihh mak yakhal kih peemuutt, bhi kan wu khi cham t'ang dhighin klap'ran khi Musa dhighin pwookaah wus w'u gyet naah dhighin dh'em seh maah? Dhighin pee mhizeh ni, bhi Naan satt Musa le, ‘A a'n a Naan khi Ibrahim, Naan khi Ishaku, kihh Naan khi Yakub.’ 27Naan ni a Naan khi mwooh mih-mwarrap mou, Nyi a Naan khi mwooh kihhseen. Ai wu pyallap pwetd!”
W'aar wu'yon mett kakharr
(Mat 22:34-40; Luk 10:25-28)
28M'ee gukamm w'aar tong ji bhi klihng kihpee Jesu diy kakhann kihh Sadusiiy mwopp. Kaarooh klihng kad Jesu phi lapp t'al rih-rett phi mwopp, bhi wu'nyi nang phi Jesu le, “Dhighin w'aar khi Naan mwopp weett, bhi a meehrangg a rooh mett kakhar mwopp?”
29Jesu lapp nyi satt le, “W'aar w'u mett kakhar weett a rooh satt le, ‘Ghi klihng e'h, Isra'ila, Daah Naan, Naan keemu a Naan Wu'kihmeh. 30Ghi wall Daah Naan, Naan keegha, sh'i phitukhup gha kihhdihng, kihh seen gha kihhdihng, kihh en gha kihhdihng, kihh bhall keegha kihhdihng zag.’ #12:30 WSW 6:4,5 31W'aar wu'vel a rooh satt le, ‘Ghi wall shaar'tong keegha kaa sak se zag.’#12:31 Lev 19:18 Baah m'ee w'aar w'u mett mwooh vel mhize dyi mou.”
32Gukamm w'aar ni pring Jesu le, “Gukamm, ghi lapp dihhreh. Ghi satt a kihrr rooh ghi satt ghi le Naan a kihmeh, yakhal baah m'ee Naan dyi, seeh a nyi kyekk. 33Yakhal rooh gurum wall Naan ni sh'i phitukhup niy kihhdihng, kihh m'an keeniy kihhdihng, kihh bhall keeniy kihhdihng; yakhal gurum wall shaar'tong keeniy kaa shin se. Bii mihhseh ni mwopp mett v'ur bii'zhukhum-wuss kihh kakharr bii'zhukhum weett.”#Hos 6:6
34Kaarooh Jesu klihng gwoh ni lapp bhellepp mhizeh soon-soon pwetd, bhi satt nyi le, “Baah ghi zhong pwetd kihh dhenglong khi Naan mou.” Yakhal phi mihhseh, bhi baah menguh kamm nang m'ee t'al dyi phi nyi mou.
Kristi a l'aa khi wuyeh?
(Mat 22:41-46; Luk 20:41-44)
35Kaarooh Jesu kaah kamm kihfur LuhNaan, bhi nang phi gurum mwopp le, “Sh'in a ranggyeh bhi Mhikamm-w'aar mwopp kihh satt le Kristi ni a l'aa khi Dauda ayeh? 36Dauda sh'i kaah niy peet Kristi ni ‘Gwoohyon’ kaarooh nyi kaah kadpwoo sh'i Riin Wu'bhangg bhi satt le,
“ ‘Daah Naan satt Gwoohyon keena le:
“Ghi tong gha se sarrsoh keena
harr seeh ih l'e tihh shaar'lek keegha mwopp,
mwopp kwarram yill tekhem gha.” ’ #12:36 KwN 110:1
37T'o, Dauda sh'i kaah niy peet Kristi ni ‘Gwoohyon,’ dhangg shitt a rangg Kristi ni diy tong a l'aa khinyi ayeh?”
Dw'uu gurum mwopp kihh klihng Jesu ni sh'i rettyit pwetd.
38Kaarooh nyi kaah kamm, bhi satt le, “Wu kihh kangg kihh kaah wuh tapp w'u dheeh a kaa Mhikamm-w'aar mwopp se mou. Mwopp kihh dh'om witt mwan a kihh das'nan bh'aar wu'nan vhi-khi-kihg, vhi-khi-kihg, yakhal mwopp khi dh'om a rooh gurum mwopp kihh yibyid runn sh'i togpee kih luhtukk, 39yakhal mwopp kihh pihh peetong w'u tihngg kihkyeen runn dhighin Luh'kang, kihh peetong mhi mwoohnan kihpee soh'var. 40A mwopp a mhi zhwam shwarabkaah tihh mwopp chakk bii diy lapp sarr mwopp bhangg-bhangg, dhangg mihh yakhal bhi mwopp kihh raanaan gab'zhakham m'ee dhangNaan w'u kwer-kwer. Ai gurum wu'kihhsheh ni mwopp aa'h! Naan p'ee shandyeell w'u shwal-shwal mwopp.”
Bii'zhukhum khi m'ee mat'kaah
(Luk 21:1-4)
41Jesu kihh tong kuss kihh p'ee l'e bii'zhukhum dhighin LuhNaan, bhi naah kihpee dw'uu gurum mwopp kihh ja l'e bii'zhukhum diy dhighin kong lapp bii'zhukhum ni. Mhilong mwopp dhess kihh ja l'e n'an shaghal dhess pwetd. 42Bhi m'ee mat'kaah nhipyaah ji l'e zhepp anini vel wu baah mwopp wull kobo kihmeh maah mou.
43Bhi Jesu nang zheppkamm keeniy mwopp lhija, bhi satt mwopp le, “Ih kihh satt a zeenn wunn, mat'kaah nhipyaah mhizeh l'e shaghal w'u mett mhi kakhar mwopp weett dhighin kong lapp bii'zhukhum ni. 44P'ee gurum ni mwopp weett pihh bii'zhukhum a dhighin dw'uu long w'u mwopp kihh nyi, dhangg wu'nyi, kooh bhalang phirooh nyi a nhipyaah, bhi pihh reb shaghal soh keera w'u dwallass kihhdihng.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©️2022 Luke Initiative for Scripture Translation