Lɔgɔ Sabba 4
4
Lɔga Kayeli Ko Ga Abeli
1Na Adam tunggi ko tɛriya nɛnɛ Ngahɛwan na tɔlɔma eri na koo hudhugo ke may. Na seu, “Ɛyany ꞉Tumu na kuhudhugou erite may kɛr gɛɛ!” Na tɔgɔdhɛsɛ sarre kèe Kayel. 2Na koo kɔbhay gɔynɛa kèe Abel. Na Abel te hira iwoo mɛdɛrni, na nɔng Kayel te hira kɔhinɛna.
3Na kali kona Kayel ibha liwaa kɔhana gena na aynɛ Tumu. 4Na ko nɔng Abel ibha mɛdɛrniya gɛnyɛ ku awchina gena na inu. Na bɛra hana idhibenno sɔng na aynɛ Tumu. Na nɔng Tumu tɛhɛnu Abel ko ahaa ajjɛa. 5Na Kayel ko ahaa gɛnyɛ tamaru na bhɔdhɛsɛ bhuguy. Na Kayel dɛbu goore na hini te kɔrrɔ.
6Na sɛɛsɛ ꞉Tumu, “Ngangaye, bhee dɛmnɛ na hini anɛiny kɔrrɔye, a ore? 7Hunde mesi lɔga challaye, anda kamariny ɛnɛng? Na nɔng hunde ɛddɛi lɔgɔye, lɔga gɛrsa tu kɛngɔa nunu ngagarsɛo. Yɔk ngalɔkta se kɔrrɔktinydɔ na nɔng maya rɔgi :inyo.”
8Na nɔng koo eliu gɔynɛ na sɛɛsɛ, “Wo nga, kago mogiyɔ!” Na hunaa hɛa na dokkɛa mogite, Kayel banɛsɛ gɔynɛ huna miroginy na inu.
9Na ghinu ꞉Tumu na sɛɛsɛ, “Na goonu i ori?” Na nɔng yagɛsɛ na sɛɛsɛ, “Ka i ori inggarɛ so! Anye kani inde kɛbhɛgi nɔngge?”
10Na sɛɛsɛ :Tumu, “Lɔkte wa mesiye a gee kunɛnɛng? Nyawaa goonu bhɛa bare kalgalɛa bay ngayo giya arraganyɛ anye wuyte. 11Na ngaya nyawaa goonu taanɛ na ushurronɛ baye, mɛa inye ani chɔrnɛ na ale tɔlinɛn ba kumulɔng. 12Na baye ale kɔhiye any ke bhɔlɔ na liwa ngaeggissonɛ. Na inye ale chɔllanɛn na tɔlinɛn goore ko bhee rɛsɛ.”
13Na Kayel sɛɛsɛ Tumu, “Ngalɔkta attiyɛany anyeye, a dhandali. Ngakɔanno. 14Mɛa wa tɔganyɔ ngabaya na ko inye ale ngani ngakornɛo. Nɔng anye wa ketewa hira ku tɔliyogiya kɔchɔllanɛni. Na chɔɔ hunde orrony ꞉hir konnɔye, ale kɔdhdhanydɔ.”
15Na Tumu sɛɛsɛ, “Hirre kɔdhdhiny inye ninggɛ. Na nɔng hunde tɔgɔdhiny ꞉konnɔye, nɔng kattii na bhɛa nunu jorrono jagarɛ kɛngi issabbay.” Na ojjɛsɛ Kayel tel kona. Na hunde itinynyannɛ ko zug genaye, ngakɔdhdhɛ.” 16Na nɔng kendɛ ko Tumu na zɛgu rɛna baa iho Ɛdɛnɔ gɔra yaluny kènno Nod#4.16 Tuga Hibiru “Nod” a bhɛa kèsenɛa “tɔli.” na bhagu ngonu.
Ashaa Kayeli
17Na Kayel tunggi ko tɛriya nɛnɛ na tɔlɔma erite may na tɔgɔdhɛsɛ sarre kèe Heno. Nɔng Kayel dha bere kɔn ɔr. Na ko nɔng ngaɔrronu eli sara hoynɛ, Heno. 18Na Heno koo irriyo Iradhu. Na Iradhu koo irriyo Muhayel. Na Muhayel koo irriyo Matusayel. Na Matusayel koo irriyo Lame.
19Na Lame gama tɛrro ramman, Ngaada ko Ngasila. 20Na nɔng Ngaada hudhugo Yabal. Nɔng Yabal dha bere a kokonga zuga iwonɛna bhakkɛa gahachin. 21Na gɔynɛa kèe Yobal dha bere a kokonga zuga dhakkɛa chonggo na ɛbbɛkkɛa morro. 22Na nɔng Ngasila hudhugo liyte kèe Tubalkany. Nɔng ngalitonu dha bere a hira dhɛdhɛa lalanga ko siggoa kɔrra. Na lɔ ngonɛye keli Nganayima.
23Na Lame sɛɛsɛ tɛrroa gɛnyɛ, “Ngaada ko Ngasila, ga shigitɔ, na lɔkte koyokkogungge chirara shɛɛ! Anye wa dhaganyɔ :liy konnɔ na kɔgɔdhdha na erra. 24Na nɔng hira kɔdhdha Kayel hunde a ngandonu se kèe katti na bhɛa nɛnɛ jorrono jagarɛ kɛngi issabbayte, nɔng inde kɔdhdhany anyeye ale katti na bhɛa nɛnɛ ang na jorrono jagarɛ kɛngi zugo sizzi ko tɔmmɔn ko issabbay.”
25Na Adam tunggi ko tɛriya nɛnɛ Ngahɛwan sɛgɛn na hudhugo erite may. Na nɔng Ngahɛwan seu, “Aany ꞉Tumu erite may na sɛrɛu bhɛa gɔynɛa bere kɔdhdha :Kayeli na garsa kɛr gɛɛ!” Na tɔgɔdhɛsɛ sarre kèe Barseti.#4.25 Tuga Hibiru “Barseti” a bhɛa kèsenɛa “Aynɛ.” 26Na Barseti koo irriyo erite may kèe Henos. Nɔng ngabɛrguonu dha bere a bɛrguye gaanɛ ꞉zugu Tumu na elɛɛ Komoru na kɔdhdhɛsɛnɛ kɔmmaye.
ទើបបានជ្រើសរើសហើយ៖
Lɔgɔ Sabba 4: SUQ
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©2023 Suri Translation Project which is a project of the Ethiopian Evangelical Church Mekane Yesus
Lɔgɔ Sabba 4
4
Lɔga Kayeli Ko Ga Abeli
1Na Adam tunggi ko tɛriya nɛnɛ Ngahɛwan na tɔlɔma eri na koo hudhugo ke may. Na seu, “Ɛyany ꞉Tumu na kuhudhugou erite may kɛr gɛɛ!” Na tɔgɔdhɛsɛ sarre kèe Kayel. 2Na koo kɔbhay gɔynɛa kèe Abel. Na Abel te hira iwoo mɛdɛrni, na nɔng Kayel te hira kɔhinɛna.
3Na kali kona Kayel ibha liwaa kɔhana gena na aynɛ Tumu. 4Na ko nɔng Abel ibha mɛdɛrniya gɛnyɛ ku awchina gena na inu. Na bɛra hana idhibenno sɔng na aynɛ Tumu. Na nɔng Tumu tɛhɛnu Abel ko ahaa ajjɛa. 5Na Kayel ko ahaa gɛnyɛ tamaru na bhɔdhɛsɛ bhuguy. Na Kayel dɛbu goore na hini te kɔrrɔ.
6Na sɛɛsɛ ꞉Tumu, “Ngangaye, bhee dɛmnɛ na hini anɛiny kɔrrɔye, a ore? 7Hunde mesi lɔga challaye, anda kamariny ɛnɛng? Na nɔng hunde ɛddɛi lɔgɔye, lɔga gɛrsa tu kɛngɔa nunu ngagarsɛo. Yɔk ngalɔkta se kɔrrɔktinydɔ na nɔng maya rɔgi :inyo.”
8Na nɔng koo eliu gɔynɛ na sɛɛsɛ, “Wo nga, kago mogiyɔ!” Na hunaa hɛa na dokkɛa mogite, Kayel banɛsɛ gɔynɛ huna miroginy na inu.
9Na ghinu ꞉Tumu na sɛɛsɛ, “Na goonu i ori?” Na nɔng yagɛsɛ na sɛɛsɛ, “Ka i ori inggarɛ so! Anye kani inde kɛbhɛgi nɔngge?”
10Na sɛɛsɛ :Tumu, “Lɔkte wa mesiye a gee kunɛnɛng? Nyawaa goonu bhɛa bare kalgalɛa bay ngayo giya arraganyɛ anye wuyte. 11Na ngaya nyawaa goonu taanɛ na ushurronɛ baye, mɛa inye ani chɔrnɛ na ale tɔlinɛn ba kumulɔng. 12Na baye ale kɔhiye any ke bhɔlɔ na liwa ngaeggissonɛ. Na inye ale chɔllanɛn na tɔlinɛn goore ko bhee rɛsɛ.”
13Na Kayel sɛɛsɛ Tumu, “Ngalɔkta attiyɛany anyeye, a dhandali. Ngakɔanno. 14Mɛa wa tɔganyɔ ngabaya na ko inye ale ngani ngakornɛo. Nɔng anye wa ketewa hira ku tɔliyogiya kɔchɔllanɛni. Na chɔɔ hunde orrony ꞉hir konnɔye, ale kɔdhdhanydɔ.”
15Na Tumu sɛɛsɛ, “Hirre kɔdhdhiny inye ninggɛ. Na nɔng hunde tɔgɔdhiny ꞉konnɔye, nɔng kattii na bhɛa nunu jorrono jagarɛ kɛngi issabbay.” Na ojjɛsɛ Kayel tel kona. Na hunde itinynyannɛ ko zug genaye, ngakɔdhdhɛ.” 16Na nɔng kendɛ ko Tumu na zɛgu rɛna baa iho Ɛdɛnɔ gɔra yaluny kènno Nod#4.16 Tuga Hibiru “Nod” a bhɛa kèsenɛa “tɔli.” na bhagu ngonu.
Ashaa Kayeli
17Na Kayel tunggi ko tɛriya nɛnɛ na tɔlɔma erite may na tɔgɔdhɛsɛ sarre kèe Heno. Nɔng Kayel dha bere kɔn ɔr. Na ko nɔng ngaɔrronu eli sara hoynɛ, Heno. 18Na Heno koo irriyo Iradhu. Na Iradhu koo irriyo Muhayel. Na Muhayel koo irriyo Matusayel. Na Matusayel koo irriyo Lame.
19Na Lame gama tɛrro ramman, Ngaada ko Ngasila. 20Na nɔng Ngaada hudhugo Yabal. Nɔng Yabal dha bere a kokonga zuga iwonɛna bhakkɛa gahachin. 21Na gɔynɛa kèe Yobal dha bere a kokonga zuga dhakkɛa chonggo na ɛbbɛkkɛa morro. 22Na nɔng Ngasila hudhugo liyte kèe Tubalkany. Nɔng ngalitonu dha bere a hira dhɛdhɛa lalanga ko siggoa kɔrra. Na lɔ ngonɛye keli Nganayima.
23Na Lame sɛɛsɛ tɛrroa gɛnyɛ, “Ngaada ko Ngasila, ga shigitɔ, na lɔkte koyokkogungge chirara shɛɛ! Anye wa dhaganyɔ :liy konnɔ na kɔgɔdhdha na erra. 24Na nɔng hira kɔdhdha Kayel hunde a ngandonu se kèe katti na bhɛa nɛnɛ jorrono jagarɛ kɛngi issabbayte, nɔng inde kɔdhdhany anyeye ale katti na bhɛa nɛnɛ ang na jorrono jagarɛ kɛngi zugo sizzi ko tɔmmɔn ko issabbay.”
25Na Adam tunggi ko tɛriya nɛnɛ Ngahɛwan sɛgɛn na hudhugo erite may. Na nɔng Ngahɛwan seu, “Aany ꞉Tumu erite may na sɛrɛu bhɛa gɔynɛa bere kɔdhdha :Kayeli na garsa kɛr gɛɛ!” Na tɔgɔdhɛsɛ sarre kèe Barseti.#4.25 Tuga Hibiru “Barseti” a bhɛa kèsenɛa “Aynɛ.” 26Na Barseti koo irriyo erite may kèe Henos. Nɔng ngabɛrguonu dha bere a bɛrguye gaanɛ ꞉zugu Tumu na elɛɛ Komoru na kɔdhdhɛsɛnɛ kɔmmaye.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©2023 Suri Translation Project which is a project of the Ethiopian Evangelical Church Mekane Yesus