مَتّی 8
8
عیسی به یه مرد جُذامی شفا اَدِت
1وختی عیسی اَ کوه زیر شَهُند، جمعیتِ زیادی دُمبالی راه کَفتَن. 2یَکهو یه مرد که جُذام ایشَستَه حدِ عیسی هُند و جلوش زانو ایزَه و ایگو: «سرورُم، اگه بُخوای اِتونی به مه شفا هادِی.» 3عیسی دَس خو دراز ایکهُ روی اُ مرد ایناها و ایگُفت: «مَواتِن؛ شفا بِگِه!» اُ شخص درجا، اَ جُذام شفا پیدا ایکه. 4بعد عیسی به اُ ایگو: «حواست بَشِت که راجب ایی موضوع به کسی چیزی نَگِی، ولی بِرَه به خوت به کاهن معبد نِشُن هادَه و کُربُنی مخصوص شفا، که موسی حکم ایکِردِن، تکدیم بُکن تا ایطوکا ثابت بَشِت که تو شفا اِدگِفتِن.»
ایمُن افسر رومی
5وختی عیسی داخل شهر کَفَرناحوم بو، یه افسر رومی پهلوش هُند و وا التماس 6به اُ ایگو: «سرورُم، نوکرُم فلجِن توو لَهَر کَفتِن و خیلی زجر اَکِشیدِن.» 7عیسی ایگو: «مه اَتام و به اُ شفا اَدَم.» 8ولی اُ افسر جواب ایدا: «سرورُم، مه لایِک نَهُم زیر سخف لَهَر مه بیای. تو فَکَه یَک کلمه بِگَه، نوکرُم شفا اَگِنت. 9چونکه مه خوم زیر فَرمُن یه نفر دگه اَم و سربازُنی زیر فَرمُن خوم اُمهَستِن که اَ مه فَرمُن اَبَرِن. به یکی بگم ”بِرَه“ اَرِت؛ و به یکی دگه بگم ”بُدو“، اَتات. وختی به نوکر خو اَگَم ”ایی کار اَنجُم هادَه“، اَنجُم اَدِت.» 10عیسی وختی ایی گَپُنُ شِشنُت، تعجب ایکه و به جمعیتی که دُمبالی شاهُندَه، ایگُفت: «حکیکتاً به شما اَگَم که، مه حتی میون کوم یهود هم ایطو ایمُنی اُمنِدیدِن.» 11به شما اَگَم که خیلیُ اَ شرق و اَ غرب اَتان و توو پادشاهی آسَمُن وا اِبرائیم پیغُمبَر، اِسحاک و یَعکوب سرِ یه سفره اَنینگَن، 12ولی به چوکُنِ پادشاهی به اُشُ صَرا، توو تُریکی اَکَردُنِن، جائی که گیریک و دندُن کورچین.» 13پَ عیسی به اُ افسر رومی ایگو: «بِرَه! طِبکِ ایمُنِت وازت اَنجُم بَشِت.» همو لحظه اُ نوکر شفا ایگِه.
عیسی عدۀ زیادیُ شفا اَدِت
14وختی عیسی وا لَهَر پطرس رَه، به خُاسو پطرس ایدی که تُوو ایشَه و مریض توو جا کَفتَه. 15عیسی دسِش ایگِه و تُووی کَعط بو. اُ زن اَ جا خو پا بو و اَ عیسی پذیرایی ایکه.
16غایه غروب، به آدموی زیادی که زار شُهَستَه، حدِ عیسی شُوا، و عیسی وا یَک کلمه به زارُ اَ اُشُ در ایکه و به همۀ مریضُ شفا ایدا، 17ایی چیزُ اِتفاک کَفت تا اُ چیزی که اِشعیای پیغُمبَر ایگُفتَه اَنجُم بَشِت که:
«اُ دردُمُ ایسِی
و مریضیومُ وا دوش ایکِشی.»
بهای پیروی اَ عیسی
18وختی عیسی ایدی که جمعیت زیادی دوری جمع بودِن، به شاگردُنُ خو فَرمُن ایدا و ایگو: «وا اُ طَرَه دریاچه بِرِیم.» 19همو موکَع یه تا اَ معلمُنِ تورات حدِ عیسی هُند و ایگو: «استاد، هر جا بِرِی، مه پِی سَرِت اَتام.» 20عیسی جواب ایدا: «روباهُن لُنَه و پرندئُن آسَمُن کولودَنگ شُهَستِن، ولی پُس انسان جائی بِی سر ناهادِن اینین.» 21یه تا شاگرد دگه به عیسی ایگو: «سرورُم، بُوال اَوِّل بِرَم، تا وختی که بَپُم مُرد خاکی بُکنُمُ بیام.» 22ولی عیسی به اُ ایگو: «دُمبال مه بُدو، بُوال تا مُردَهُ، به مُردَهُ خو خاک بُکنِن.»
عیسی به توفُن آرُم اَکُنت
23بعد عیسی سوار کایِک بو و شاگردُنِش هم دُمبال اُ رفتِن. 24رو دریاچه وا یه گیر توفُن بدی ایگِه، که نِزیکَ موجُ به کایِک غَرک بُکنِن. ولی عیسی خوافته. 25پَ شاگردُن هُندِن به عیسی بیدار شُکِه و شُگُفت: «سرورُمُ، هلاک اِبودِیم؛ نجاتُمُ هادَه!» 26عیسی جواب ایدا: «ای کم ایمُنُ، به چه اَتِرسیدِین؟» بعد پا بو و به باد و دریاچه نهیب ایدا و همه جا خاهر بو. 27شاگردُن تعجب شُکِردَه و اَ همدگه شاپُرسی: «ایی دگه کِن؟ حتی باد و دریاچه اَزی فَرمُن اَبَرِن!»
عیسی به دو مرد زاری شفا اَدِت
28وختی عیسی به ولایت جَدَریون که اُ طَرَه دریاچه هَستَه، رِسی، به دو تا مرد که زار شُهَستَهُ اَ کَبرستون در شابو، ایدی. اُ دو نُفر ایکَک وحشی هَستَرِن که هیچکَ جرأت اینَهَستَه اَ اُ راه رد بَشِت. 29اُشُ غار شازَه: «با ما چه کار اِتهَستِن ای پُس خدا؟ هُندِی تا کَبل اَ غایه اَش عذابُمُ هادِی؟» 30یه خو دورته اَ اُشُ گَلِه گَپ خوکُ مشغول خوراک خاردِن هَستَرِن. 31زارُ به عیسی التماس شُکِه و شُگُفت: «اگه تا دَرُمُ بُکنی، توو جُنِ خوکُ مُبِفِرست.» 32عیسی بهشُ ایگُفت: «بِرِی!» زارُ هم اَ جُن اُ دو نُفر در بودِن و توو جُن خوکُ رفتِن و تَمُن گَلَه اَ رو تَل سرازیر دریاچه بودِن و توو هُوو غَرک بودِن. 33گَلَه دارُ وا طَرَه شهر در رفتِن. و همۀ اِتفاکُ رو تعریف شُکِه، مخصوصاً اُ اِتفاکی که، به اُ تا دو مرد زاری کَفتَه. 34بعد تَمُنِ مردم بِی دیدن عیسی اَ شهر در هُندِن و موکعی که به عیسی شُدی به اُ التماس شُکِه که اَ اُ ولایت بِرِت.
ទើបបានជ្រើសរើសហើយ៖
مَتّی 8: PES
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©️2024 Korpu Company
مَتّی 8
8
عیسی به یه مرد جُذامی شفا اَدِت
1وختی عیسی اَ کوه زیر شَهُند، جمعیتِ زیادی دُمبالی راه کَفتَن. 2یَکهو یه مرد که جُذام ایشَستَه حدِ عیسی هُند و جلوش زانو ایزَه و ایگو: «سرورُم، اگه بُخوای اِتونی به مه شفا هادِی.» 3عیسی دَس خو دراز ایکهُ روی اُ مرد ایناها و ایگُفت: «مَواتِن؛ شفا بِگِه!» اُ شخص درجا، اَ جُذام شفا پیدا ایکه. 4بعد عیسی به اُ ایگو: «حواست بَشِت که راجب ایی موضوع به کسی چیزی نَگِی، ولی بِرَه به خوت به کاهن معبد نِشُن هادَه و کُربُنی مخصوص شفا، که موسی حکم ایکِردِن، تکدیم بُکن تا ایطوکا ثابت بَشِت که تو شفا اِدگِفتِن.»
ایمُن افسر رومی
5وختی عیسی داخل شهر کَفَرناحوم بو، یه افسر رومی پهلوش هُند و وا التماس 6به اُ ایگو: «سرورُم، نوکرُم فلجِن توو لَهَر کَفتِن و خیلی زجر اَکِشیدِن.» 7عیسی ایگو: «مه اَتام و به اُ شفا اَدَم.» 8ولی اُ افسر جواب ایدا: «سرورُم، مه لایِک نَهُم زیر سخف لَهَر مه بیای. تو فَکَه یَک کلمه بِگَه، نوکرُم شفا اَگِنت. 9چونکه مه خوم زیر فَرمُن یه نفر دگه اَم و سربازُنی زیر فَرمُن خوم اُمهَستِن که اَ مه فَرمُن اَبَرِن. به یکی بگم ”بِرَه“ اَرِت؛ و به یکی دگه بگم ”بُدو“، اَتات. وختی به نوکر خو اَگَم ”ایی کار اَنجُم هادَه“، اَنجُم اَدِت.» 10عیسی وختی ایی گَپُنُ شِشنُت، تعجب ایکه و به جمعیتی که دُمبالی شاهُندَه، ایگُفت: «حکیکتاً به شما اَگَم که، مه حتی میون کوم یهود هم ایطو ایمُنی اُمنِدیدِن.» 11به شما اَگَم که خیلیُ اَ شرق و اَ غرب اَتان و توو پادشاهی آسَمُن وا اِبرائیم پیغُمبَر، اِسحاک و یَعکوب سرِ یه سفره اَنینگَن، 12ولی به چوکُنِ پادشاهی به اُشُ صَرا، توو تُریکی اَکَردُنِن، جائی که گیریک و دندُن کورچین.» 13پَ عیسی به اُ افسر رومی ایگو: «بِرَه! طِبکِ ایمُنِت وازت اَنجُم بَشِت.» همو لحظه اُ نوکر شفا ایگِه.
عیسی عدۀ زیادیُ شفا اَدِت
14وختی عیسی وا لَهَر پطرس رَه، به خُاسو پطرس ایدی که تُوو ایشَه و مریض توو جا کَفتَه. 15عیسی دسِش ایگِه و تُووی کَعط بو. اُ زن اَ جا خو پا بو و اَ عیسی پذیرایی ایکه.
16غایه غروب، به آدموی زیادی که زار شُهَستَه، حدِ عیسی شُوا، و عیسی وا یَک کلمه به زارُ اَ اُشُ در ایکه و به همۀ مریضُ شفا ایدا، 17ایی چیزُ اِتفاک کَفت تا اُ چیزی که اِشعیای پیغُمبَر ایگُفتَه اَنجُم بَشِت که:
«اُ دردُمُ ایسِی
و مریضیومُ وا دوش ایکِشی.»
بهای پیروی اَ عیسی
18وختی عیسی ایدی که جمعیت زیادی دوری جمع بودِن، به شاگردُنُ خو فَرمُن ایدا و ایگو: «وا اُ طَرَه دریاچه بِرِیم.» 19همو موکَع یه تا اَ معلمُنِ تورات حدِ عیسی هُند و ایگو: «استاد، هر جا بِرِی، مه پِی سَرِت اَتام.» 20عیسی جواب ایدا: «روباهُن لُنَه و پرندئُن آسَمُن کولودَنگ شُهَستِن، ولی پُس انسان جائی بِی سر ناهادِن اینین.» 21یه تا شاگرد دگه به عیسی ایگو: «سرورُم، بُوال اَوِّل بِرَم، تا وختی که بَپُم مُرد خاکی بُکنُمُ بیام.» 22ولی عیسی به اُ ایگو: «دُمبال مه بُدو، بُوال تا مُردَهُ، به مُردَهُ خو خاک بُکنِن.»
عیسی به توفُن آرُم اَکُنت
23بعد عیسی سوار کایِک بو و شاگردُنِش هم دُمبال اُ رفتِن. 24رو دریاچه وا یه گیر توفُن بدی ایگِه، که نِزیکَ موجُ به کایِک غَرک بُکنِن. ولی عیسی خوافته. 25پَ شاگردُن هُندِن به عیسی بیدار شُکِه و شُگُفت: «سرورُمُ، هلاک اِبودِیم؛ نجاتُمُ هادَه!» 26عیسی جواب ایدا: «ای کم ایمُنُ، به چه اَتِرسیدِین؟» بعد پا بو و به باد و دریاچه نهیب ایدا و همه جا خاهر بو. 27شاگردُن تعجب شُکِردَه و اَ همدگه شاپُرسی: «ایی دگه کِن؟ حتی باد و دریاچه اَزی فَرمُن اَبَرِن!»
عیسی به دو مرد زاری شفا اَدِت
28وختی عیسی به ولایت جَدَریون که اُ طَرَه دریاچه هَستَه، رِسی، به دو تا مرد که زار شُهَستَهُ اَ کَبرستون در شابو، ایدی. اُ دو نُفر ایکَک وحشی هَستَرِن که هیچکَ جرأت اینَهَستَه اَ اُ راه رد بَشِت. 29اُشُ غار شازَه: «با ما چه کار اِتهَستِن ای پُس خدا؟ هُندِی تا کَبل اَ غایه اَش عذابُمُ هادِی؟» 30یه خو دورته اَ اُشُ گَلِه گَپ خوکُ مشغول خوراک خاردِن هَستَرِن. 31زارُ به عیسی التماس شُکِه و شُگُفت: «اگه تا دَرُمُ بُکنی، توو جُنِ خوکُ مُبِفِرست.» 32عیسی بهشُ ایگُفت: «بِرِی!» زارُ هم اَ جُن اُ دو نُفر در بودِن و توو جُن خوکُ رفتِن و تَمُن گَلَه اَ رو تَل سرازیر دریاچه بودِن و توو هُوو غَرک بودِن. 33گَلَه دارُ وا طَرَه شهر در رفتِن. و همۀ اِتفاکُ رو تعریف شُکِه، مخصوصاً اُ اِتفاکی که، به اُ تا دو مرد زاری کَفتَه. 34بعد تَمُنِ مردم بِی دیدن عیسی اَ شهر در هُندِن و موکعی که به عیسی شُدی به اُ التماس شُکِه که اَ اُ ولایت بِرِت.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
©️2024 Korpu Company