مَتّی 2
2
مُغ‌لارینگ گؤروشمَکی
1هیرودیس پادشاه‌لیگی دورانیندا، عیسا بِیت‌لَحِم شَهرینده کی یهودیه ولایتینده ایدی، آنادان اولدو. اؤنونگ اولماگیندان سورا بیر پارا اولدوز تانیان عالِم کی مُغ‌لاردان ایدیلار، شَرق دیاریندان اورشلیم شَهرینه گلدیلَر 2و دئدیلَر: «یهودی‌لارینگ پادشاهی کی تازّا دنیایا گلمیش هاردا دیر؟ چونکی اؤنونگ اولدوزو چیخَنده، بیز اولدوزو گؤردوک و گلمیشَک تا اؤنو پَرست ائده‌ک.» 3هیرودیس پادشاه بونو ائشیدَنده، سَخت پریشان اولدو و بوتون اورشلیم آداملاری دا اؤنونگ اینان پریشان اولدولار. 4هیرودیس خلخینگ واری باش کاهِن‌لَرینی کی مَعبد عالِم‌لَری ایدیلَر و تورات معلّم‌لَرینی ییغدی و اوللاردان خَبر آلدی کی: «وَعده وئریلَن مَسیح هاردا دنیایا گلَسی؟» 5اوللار اؤنا دئدیلَر: «یهودیه ولایتی‌نینگ بِیت‌لَحِم شَهرینده، بو سَبریه کی میکاه پیغمبر طَریقیندَن یازیلمیش کی:
6«”و سَن، ای بِیت‌لَحِم کی یَهودا ولایتینده‌ینگ
سَن، یَهودا حُکم سؤرَن‌لَری‌نینگ آراسیندا، هئچ ده کوچوک ده‌ییلَینگ،
چونکی سَندَن بیر حُکم سؤرَن گلَر
کی منیم خَلخیمی، چوبانلیگ ائده‌ر.“»
7اوندان سورا هیرودیس پادشاه، اولدوز تانیان عالِم‌لَری، بی سَس اؤز یانینا چاغیردی و اوللاردان خَبرلشدی کی نه زامان اولدوز ظاهر اولموش. 8و اوللاری بِیت‌لَحِم شَهرینه یوللادی و دئدی: «گئدینز و دقّت اینَن او اوشاق قولونجونا گَزینز و اؤنو بولاندا، منی خَبر ائدینز تا من ده گلَم و اؤنو پَرست ائدَم.» 9اوللار پادشاه سؤزلَرینی ائشیدندَن سورا اؤز یول‌لارینی گئتدیلَر. و باخ، او اولدوز دا کی چیخَنده، اوللار گؤرموشلَردی اوللاردان ایلَری گئتدی. اولدوز، او یئرینگ اوخاریسی‌نانچاز کی اوشاق اؤردا ایدی گلدی و اؤردا توردو. 10اوللار اولدوزو گؤرَن وخت، چوخ بویوک شادلیگ اینَن، خوشحال اولدولار. 11ائوینگ ایچینه گئتدیلَر و اوشاقی، آناسی مریم اینن گؤردولَر. اوللار سجده‌یه دؤشدولار و اوشاقی پَرست ائدیلَر. اوندان سورا دا اؤز صندوق‌لارینی آچدیلار و اوشاقا طلا، کُندر و مُر هدیه‌لَری تقدیم ائدیلَر. 12دیشده اوللارا دئییلمیشدی کی هیرودیس پادشاه یانینا بؤکولمه‌یلَّر؛ اوللار دا آیری یولدان اؤز مملکت‌لَرینه ساری یولا دؤشدولار.
مِصره قَچمَک
13اولدوز تانیانلارینگ گئدمَکیندَن سورا، رَبّینگ بیر فرشته‌سی اوخودا یوسفه ظاهر اولدو و دئدی: «تور آیاقی، اوشاق و آنایی گؤتور و مِصره قَچ و او زامانانچاز کی سَنه دئیه‌م اؤردا قالینز، بو سَبریه کی هیرودیس پادشاه اوشاق قولونجوندا دیر تا اؤنو اؤلدوره.» 14پس یوسف توردو آیاقی و ائله گئجه اوشاق و آنایی گؤتوردو و مِصره ساری یولا دؤشدو 15و هیرودیس پادشاه اؤلمَکی‌نَنچاز اؤردا قالدی. بو اولوندو تا او سؤز کی رَب، هوشَع پیغمبر طَریقیندَن دئمیش ایدی، یئرینه ائتیشه کی: «اوغلومو مِصردَن چاغیردیم.»
هیرودیس کوموجا اوشاق‌لاری اؤلدوریر
16اوندا کی هیرودیس پادشاه گؤردو کی اولدوز تانیانلار اؤنو آلداتمیشلار، سَخت عصبانی اولدو و او زامان اوستوندن کی اولدوز تانیانلاردان خَبرلَشمیش ایدی، آدام یوللادی تا واری اوغول اوشاق‌لاری کی ایکّی یاشار و ایکّی یاشدان آزتر ایدیلَر، بِیت‌لَحِم شَهرینده و بوتون او منطقه ده اؤلدورَلَّر. 17او زامان اِرمیای پیغمبر طَریقیندَن دئییلَن سؤز یئرینه ائتیشدی کی:
18«رامَه شَهریندَن بیر سَس ائشیدیلدی،
آغلاماگ و اوجا شیون سَسی.
ابراهیم نَوه‌سی‌نینگ آروادی راحیل، اؤز سؤیونونگ اوشاق‌لاری ایچی آغلاییر
و سمئیر کی تَسلّی توتا،
چونکی اوللار داها یوخدورلار.»
مِصردَن گئری دؤنمَگ
19آما هیرودیس پادشاه اؤلَنده؛ رَبّینگ بیر فرشته‌سی، دیشده یوسفه کی مِصرده ایدی ظاهر اولدو 20و دئدی: «تور آیاقی، اوشاق و آناسینی گؤتور و اؤز خَلخینگ آراسینا دؤن، چونکی اوشاق جانی‌نینگ قَصدینی ائدَن آدام‌لار اؤلموش‌لار.» 21یوسف توردو آیاقی، اوشاق و آنایی گؤتوردو و اؤز خَلخی آراسینا گئتدی. 22آما او زامان کی ائشیتدی آرکِلائوس یهودیه ولایتینده، اؤز بووآسی هیرودیس یئرینه حُکم سؤریر، اؤرا گئدمَکدَن قورخدو و چونکی اوخودا اؤنا دئییلمیشدی، جَلیل ولایتینه ساری گئتدی. 23یوسف گئتدی و بیر ناصِره آدلی شَهرده مَنزل ائدی. بئله اولدو تا پیغمبرلَر طَریقیندَن دئییلَن سؤز یئرینه ائتیشه کی: «او، ناصِره‌لی چاغیریلار.»
ទើបបានជ្រើសរើសហើយ៖
مَتّی 2: QII
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
@ 2024 Korpu Company
مَتّی 2
2
مُغ‌لارینگ گؤروشمَکی
1هیرودیس پادشاه‌لیگی دورانیندا، عیسا بِیت‌لَحِم شَهرینده کی یهودیه ولایتینده ایدی، آنادان اولدو. اؤنونگ اولماگیندان سورا بیر پارا اولدوز تانیان عالِم کی مُغ‌لاردان ایدیلار، شَرق دیاریندان اورشلیم شَهرینه گلدیلَر 2و دئدیلَر: «یهودی‌لارینگ پادشاهی کی تازّا دنیایا گلمیش هاردا دیر؟ چونکی اؤنونگ اولدوزو چیخَنده، بیز اولدوزو گؤردوک و گلمیشَک تا اؤنو پَرست ائده‌ک.» 3هیرودیس پادشاه بونو ائشیدَنده، سَخت پریشان اولدو و بوتون اورشلیم آداملاری دا اؤنونگ اینان پریشان اولدولار. 4هیرودیس خلخینگ واری باش کاهِن‌لَرینی کی مَعبد عالِم‌لَری ایدیلَر و تورات معلّم‌لَرینی ییغدی و اوللاردان خَبر آلدی کی: «وَعده وئریلَن مَسیح هاردا دنیایا گلَسی؟» 5اوللار اؤنا دئدیلَر: «یهودیه ولایتی‌نینگ بِیت‌لَحِم شَهرینده، بو سَبریه کی میکاه پیغمبر طَریقیندَن یازیلمیش کی:
6«”و سَن، ای بِیت‌لَحِم کی یَهودا ولایتینده‌ینگ
سَن، یَهودا حُکم سؤرَن‌لَری‌نینگ آراسیندا، هئچ ده کوچوک ده‌ییلَینگ،
چونکی سَندَن بیر حُکم سؤرَن گلَر
کی منیم خَلخیمی، چوبانلیگ ائده‌ر.“»
7اوندان سورا هیرودیس پادشاه، اولدوز تانیان عالِم‌لَری، بی سَس اؤز یانینا چاغیردی و اوللاردان خَبرلشدی کی نه زامان اولدوز ظاهر اولموش. 8و اوللاری بِیت‌لَحِم شَهرینه یوللادی و دئدی: «گئدینز و دقّت اینَن او اوشاق قولونجونا گَزینز و اؤنو بولاندا، منی خَبر ائدینز تا من ده گلَم و اؤنو پَرست ائدَم.» 9اوللار پادشاه سؤزلَرینی ائشیدندَن سورا اؤز یول‌لارینی گئتدیلَر. و باخ، او اولدوز دا کی چیخَنده، اوللار گؤرموشلَردی اوللاردان ایلَری گئتدی. اولدوز، او یئرینگ اوخاریسی‌نانچاز کی اوشاق اؤردا ایدی گلدی و اؤردا توردو. 10اوللار اولدوزو گؤرَن وخت، چوخ بویوک شادلیگ اینَن، خوشحال اولدولار. 11ائوینگ ایچینه گئتدیلَر و اوشاقی، آناسی مریم اینن گؤردولَر. اوللار سجده‌یه دؤشدولار و اوشاقی پَرست ائدیلَر. اوندان سورا دا اؤز صندوق‌لارینی آچدیلار و اوشاقا طلا، کُندر و مُر هدیه‌لَری تقدیم ائدیلَر. 12دیشده اوللارا دئییلمیشدی کی هیرودیس پادشاه یانینا بؤکولمه‌یلَّر؛ اوللار دا آیری یولدان اؤز مملکت‌لَرینه ساری یولا دؤشدولار.
مِصره قَچمَک
13اولدوز تانیانلارینگ گئدمَکیندَن سورا، رَبّینگ بیر فرشته‌سی اوخودا یوسفه ظاهر اولدو و دئدی: «تور آیاقی، اوشاق و آنایی گؤتور و مِصره قَچ و او زامانانچاز کی سَنه دئیه‌م اؤردا قالینز، بو سَبریه کی هیرودیس پادشاه اوشاق قولونجوندا دیر تا اؤنو اؤلدوره.» 14پس یوسف توردو آیاقی و ائله گئجه اوشاق و آنایی گؤتوردو و مِصره ساری یولا دؤشدو 15و هیرودیس پادشاه اؤلمَکی‌نَنچاز اؤردا قالدی. بو اولوندو تا او سؤز کی رَب، هوشَع پیغمبر طَریقیندَن دئمیش ایدی، یئرینه ائتیشه کی: «اوغلومو مِصردَن چاغیردیم.»
هیرودیس کوموجا اوشاق‌لاری اؤلدوریر
16اوندا کی هیرودیس پادشاه گؤردو کی اولدوز تانیانلار اؤنو آلداتمیشلار، سَخت عصبانی اولدو و او زامان اوستوندن کی اولدوز تانیانلاردان خَبرلَشمیش ایدی، آدام یوللادی تا واری اوغول اوشاق‌لاری کی ایکّی یاشار و ایکّی یاشدان آزتر ایدیلَر، بِیت‌لَحِم شَهرینده و بوتون او منطقه ده اؤلدورَلَّر. 17او زامان اِرمیای پیغمبر طَریقیندَن دئییلَن سؤز یئرینه ائتیشدی کی:
18«رامَه شَهریندَن بیر سَس ائشیدیلدی،
آغلاماگ و اوجا شیون سَسی.
ابراهیم نَوه‌سی‌نینگ آروادی راحیل، اؤز سؤیونونگ اوشاق‌لاری ایچی آغلاییر
و سمئیر کی تَسلّی توتا،
چونکی اوللار داها یوخدورلار.»
مِصردَن گئری دؤنمَگ
19آما هیرودیس پادشاه اؤلَنده؛ رَبّینگ بیر فرشته‌سی، دیشده یوسفه کی مِصرده ایدی ظاهر اولدو 20و دئدی: «تور آیاقی، اوشاق و آناسینی گؤتور و اؤز خَلخینگ آراسینا دؤن، چونکی اوشاق جانی‌نینگ قَصدینی ائدَن آدام‌لار اؤلموش‌لار.» 21یوسف توردو آیاقی، اوشاق و آنایی گؤتوردو و اؤز خَلخی آراسینا گئتدی. 22آما او زامان کی ائشیتدی آرکِلائوس یهودیه ولایتینده، اؤز بووآسی هیرودیس یئرینه حُکم سؤریر، اؤرا گئدمَکدَن قورخدو و چونکی اوخودا اؤنا دئییلمیشدی، جَلیل ولایتینه ساری گئتدی. 23یوسف گئتدی و بیر ناصِره آدلی شَهرده مَنزل ائدی. بئله اولدو تا پیغمبرلَر طَریقیندَن دئییلَن سؤز یئرینه ائتیشه کی: «او، ناصِره‌لی چاغیریلار.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
@ 2024 Korpu Company