انجیل یوحنا 3
3
هنی دونیا آمیین
1فَریسیان فرقک مردکی به، که چَه نام نیقودیموس به، و اَ یهودیان پیله گله هانک به. 2ای شَو اَ بامه عیسی وَر و اَوِنَش باته: «استاد، زانسرام که ته معلمی اِستش که خدا طرفنه آمییش، چون هیچکسی نِتانه علامت و معجزانی که تِه انجام دییری، انجام بدیه، مگم اِم که خدا اَونه بیبی.» 3عیسی چَه جواوک باته: «حقیقتا، ته نه واترم، تا کسی از نو دنیا مایه، نتانه خدا پادشاهی بینه.» 4نیقودیموس عیسی نه باتشه: «کسی که پیرَه، چُنجوره تانه هنی دونیا بایه؟ تانه هنی آگرده اِشتن ما ترنه دِلَک و دنیا بایه؟» 5عیسی جواو آدا: «حقیقتا، تنه واترم که تا کسی اُو و خدا روحک دونیا مایه، نِتانه خدا پادشاهی دله دیشی. 6اَ چی که بشر خاکیک دنیا بایه، بشریه؛ و اَ چی که روحک دنیا بایه، روحانیه. 7تعجب مَکه که تِنه باتِمه هنی گه دنیا بایی! 8باهاد هر یاگا که گشه وَزه؛ چَه صصه اَشنوی، امّا نِزانی که کاردنه آمییر و کا شییر. کسی که خدا روحک دنیا بایه نی انجوریه.» 9نیقودیموس اَوکش آپرسس: «اِنجوره چی ای چُنجوره ممکنه؟» 10عیسی جواو بدا: «ته اسرائیلیه معلمش و هنی اِم چیان نفهمسری؟ 11حقیقتا، تِنه واترم، که آما اَ چیانی که زانسرام لاوَه کرام و اَ چیانی که ویندمانه شهادتی دییَرام، امّا شاما چاما شهادتی قبول نکردرا. 12اگم وقتی که زمینیه چییان درباره شامانه لاوم بکه باورِران نکه، چنجوره باور کرا اَگم آسمانیه چییان درباره شامانه باجم؟ 13هیچکس آسمانه کفا شییه نییه، مگم اَ کسی که آسماننه جیر آمییه، یانی انسانه زا. 14اَجوره زه که موسی اَ مارشه که مَفرقِنه رچ آبییه بیا بیابانک چویی سرک میخه کوش بکرده و کفاش ببرده، انسانه زا نی گه کفا برده بیبی، 15تا هر کسی اَوه ایمان بوعَره، ابدیه زندگی بداره.
16«چون خدا دنیانه اییَنده خَش به که اِشتن ایگله زاش فدا بکه تا هر کسی اَوه ایمان بوعره هلاک مبی، بلکم ابدیه زندگی بداره. 17چون خدا، اِشتن زاش خرسانسه نبه دنیا که اِم دنیا آدمان محکوم بکره، بلکم بخرسانسشه تا چوه واسطنه نجات بیننده. 18هر کسی اَوه ایمان داره محکوم نیبی، امّا هر کسی اَوه ایمان نداره، اِسا محکوم بییه، چون خدا ایگله زا نامش ایمان آوَرده نیه. 19و محکومیت اِمه که نور بامه اِم دنیا، امّا مردم تویریکی نه نورک پِرتر خش بنده، چیه را چون که چَوان اعمال بده. 20چون هر کسی که بده کاران انجام دییه نورک بیزاره و نوره وَر نایه، مبادا چه کاره آشکار آبینده، رِسوا بیبی. 21امّا کسی که درسته کاران انجام دیه آیه نوره وَر تا آشکار آبی که چَه کاراهان خدا کمکنه انجام بینده.»
یحیی تعمید دهنده شهادت عیسی درباره
22چَوه پش، عیسی و چه شاگرده بِشنده دِهانی که یهودیه منطقک بنده. اَو چنده وقت اَوانه اگارک بندرس، و مردمش غسل تعمید دسه. 23یحیی، نی ده عِینونک، سالیمِه شهر نزدیکی، غسل تعمیدش دسه، چون اَگاره اُو فِراوان به و مردم آمسنده، تعمیدشان کته. 24چونکه یحیی حلا زندان دِگسه نبه. 25ای روج، یحیی شاگرده و ایگله یهودی میانک، بحثی دگس که چنجوره گه نجس بییَنک پاک آبینده. 26اَوه بامنده یحیی وَر، اَونه باتشانه: «استاد، اَ کسی که تنه اُردنه رباره اَ دیمک به، و تِه چَرا شهادتیر بدا، اِسا اِشتن غسل تعمید دیر و همه‌ی مردم شییرنده چه وَر.» 27یحیی چَوان جواوک باتشه: «هیچکسی نتانه چی ای بدست بوعره، مگم اِم که خدا طرفنه اَوه آدیه بیبی. 28شاما اِشتن شاهِدران که از باتِمه از مسیح موعود نییم، بلکم چَه پرانتر خرسانسه بییم. 29وِیوه زَما کینا، امّا زَما رفق که کناریکی وندَرسه و اَوه گوش آدیره، زما صصه اَشنوسنک پر شادی کره. چِمن شادی نی ایزه کمال آرسه. 30اَه گه پیله تر بیبی و از گه ویلی تر.
31«اَ کسی که آسمان نه آیه، همانک کفاتره، اَ کسی که زمینکه، زمینی اِسه و زمینیه چییانک لاوَه کره. اَ کسی که آسماننه آیِه، همانک کفاتره. 32اَ بر اَ چی‌ای که ویندشه و اَشنوسشه شهادتی آدیه، امّا هیچکس چَه شهادتی قبول نکره. 33هر کسی که چَه شهادتی قبول بکره، مهر تصدیق زنه که خدا حقیقته. 34چون کسی که خدا طرفنه خرسانسه بییَه، خدا کلامه واجه، چون که خدا اِشتن روحه بی اندازه اَوه آدَیه. 35پِه، زانَه خشه و همه چی چَه دَس دِرَسماره. 36کسی که زا ایمان داره، زندگی ابدی داره؛ اَ کسی که زاک اطاعت نکره، زندگی نیوینه، بلکم خدا غضب چَه سرک مانه.»
ទើបបានជ្រើសរើសហើយ៖
انجیل یوحنا 3: TIT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
@ 2024 Korpu Company
انجیل یوحنا 3
3
هنی دونیا آمیین
1فَریسیان فرقک مردکی به، که چَه نام نیقودیموس به، و اَ یهودیان پیله گله هانک به. 2ای شَو اَ بامه عیسی وَر و اَوِنَش باته: «استاد، زانسرام که ته معلمی اِستش که خدا طرفنه آمییش، چون هیچکسی نِتانه علامت و معجزانی که تِه انجام دییری، انجام بدیه، مگم اِم که خدا اَونه بیبی.» 3عیسی چَه جواوک باته: «حقیقتا، ته نه واترم، تا کسی از نو دنیا مایه، نتانه خدا پادشاهی بینه.» 4نیقودیموس عیسی نه باتشه: «کسی که پیرَه، چُنجوره تانه هنی دونیا بایه؟ تانه هنی آگرده اِشتن ما ترنه دِلَک و دنیا بایه؟» 5عیسی جواو آدا: «حقیقتا، تنه واترم که تا کسی اُو و خدا روحک دونیا مایه، نِتانه خدا پادشاهی دله دیشی. 6اَ چی که بشر خاکیک دنیا بایه، بشریه؛ و اَ چی که روحک دنیا بایه، روحانیه. 7تعجب مَکه که تِنه باتِمه هنی گه دنیا بایی! 8باهاد هر یاگا که گشه وَزه؛ چَه صصه اَشنوی، امّا نِزانی که کاردنه آمییر و کا شییر. کسی که خدا روحک دنیا بایه نی انجوریه.» 9نیقودیموس اَوکش آپرسس: «اِنجوره چی ای چُنجوره ممکنه؟» 10عیسی جواو بدا: «ته اسرائیلیه معلمش و هنی اِم چیان نفهمسری؟ 11حقیقتا، تِنه واترم، که آما اَ چیانی که زانسرام لاوَه کرام و اَ چیانی که ویندمانه شهادتی دییَرام، امّا شاما چاما شهادتی قبول نکردرا. 12اگم وقتی که زمینیه چییان درباره شامانه لاوم بکه باورِران نکه، چنجوره باور کرا اَگم آسمانیه چییان درباره شامانه باجم؟ 13هیچکس آسمانه کفا شییه نییه، مگم اَ کسی که آسماننه جیر آمییه، یانی انسانه زا. 14اَجوره زه که موسی اَ مارشه که مَفرقِنه رچ آبییه بیا بیابانک چویی سرک میخه کوش بکرده و کفاش ببرده، انسانه زا نی گه کفا برده بیبی، 15تا هر کسی اَوه ایمان بوعَره، ابدیه زندگی بداره.
16«چون خدا دنیانه اییَنده خَش به که اِشتن ایگله زاش فدا بکه تا هر کسی اَوه ایمان بوعره هلاک مبی، بلکم ابدیه زندگی بداره. 17چون خدا، اِشتن زاش خرسانسه نبه دنیا که اِم دنیا آدمان محکوم بکره، بلکم بخرسانسشه تا چوه واسطنه نجات بیننده. 18هر کسی اَوه ایمان داره محکوم نیبی، امّا هر کسی اَوه ایمان نداره، اِسا محکوم بییه، چون خدا ایگله زا نامش ایمان آوَرده نیه. 19و محکومیت اِمه که نور بامه اِم دنیا، امّا مردم تویریکی نه نورک پِرتر خش بنده، چیه را چون که چَوان اعمال بده. 20چون هر کسی که بده کاران انجام دییه نورک بیزاره و نوره وَر نایه، مبادا چه کاره آشکار آبینده، رِسوا بیبی. 21امّا کسی که درسته کاران انجام دیه آیه نوره وَر تا آشکار آبی که چَه کاراهان خدا کمکنه انجام بینده.»
یحیی تعمید دهنده شهادت عیسی درباره
22چَوه پش، عیسی و چه شاگرده بِشنده دِهانی که یهودیه منطقک بنده. اَو چنده وقت اَوانه اگارک بندرس، و مردمش غسل تعمید دسه. 23یحیی، نی ده عِینونک، سالیمِه شهر نزدیکی، غسل تعمیدش دسه، چون اَگاره اُو فِراوان به و مردم آمسنده، تعمیدشان کته. 24چونکه یحیی حلا زندان دِگسه نبه. 25ای روج، یحیی شاگرده و ایگله یهودی میانک، بحثی دگس که چنجوره گه نجس بییَنک پاک آبینده. 26اَوه بامنده یحیی وَر، اَونه باتشانه: «استاد، اَ کسی که تنه اُردنه رباره اَ دیمک به، و تِه چَرا شهادتیر بدا، اِسا اِشتن غسل تعمید دیر و همه‌ی مردم شییرنده چه وَر.» 27یحیی چَوان جواوک باتشه: «هیچکسی نتانه چی ای بدست بوعره، مگم اِم که خدا طرفنه اَوه آدیه بیبی. 28شاما اِشتن شاهِدران که از باتِمه از مسیح موعود نییم، بلکم چَه پرانتر خرسانسه بییم. 29وِیوه زَما کینا، امّا زَما رفق که کناریکی وندَرسه و اَوه گوش آدیره، زما صصه اَشنوسنک پر شادی کره. چِمن شادی نی ایزه کمال آرسه. 30اَه گه پیله تر بیبی و از گه ویلی تر.
31«اَ کسی که آسمان نه آیه، همانک کفاتره، اَ کسی که زمینکه، زمینی اِسه و زمینیه چییانک لاوَه کره. اَ کسی که آسماننه آیِه، همانک کفاتره. 32اَ بر اَ چی‌ای که ویندشه و اَشنوسشه شهادتی آدیه، امّا هیچکس چَه شهادتی قبول نکره. 33هر کسی که چَه شهادتی قبول بکره، مهر تصدیق زنه که خدا حقیقته. 34چون کسی که خدا طرفنه خرسانسه بییَه، خدا کلامه واجه، چون که خدا اِشتن روحه بی اندازه اَوه آدَیه. 35پِه، زانَه خشه و همه چی چَه دَس دِرَسماره. 36کسی که زا ایمان داره، زندگی ابدی داره؛ اَ کسی که زاک اطاعت نکره، زندگی نیوینه، بلکم خدا غضب چَه سرک مانه.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
@ 2024 Korpu Company