ကမ္ဘာႏစ 4
4
ကာဣနတွမ်ႏအာဗေလ
1နဝ်ꩻထွူ အာဒံအုံငီꩻတွမ်ႏ ဝွေꩻမာတဲင် ဝွေꩻမူႏနဝ်ꩻ လꩻလွဉ်စွဉ်ႏ သန္ဓေႏသွူ။ ဝွေꩻမူႏ လွူးလွဉ် ပိုခိုတဖြာꩻ တဲင်ရိုꩻ “ပွိုး ထာဝရဘုရာꩻစွဲကို နဝ်ꩻမꩻ ခွေလꩻလွဉ်ဗာႏ ပိုခိုတဖြာꩻ” နဝ်ꩻမꩻ ဝွေꩻမူႏ ဖန်ဟဲ့ꩻဖေႏ ဝွေꩻမဉ်ꩻ ကာဣနသွူ။ 2ဆုဲင်ꩻနဝ်ꩻ ဝွေꩻမူႏလွူးဖျင် ပိုခိုအလင်တဖြာꩻတဲင် ဟဲ့ꩻအာဗေလသွူ။ အာဗေလနဝ်ꩻ ထွာလွဉ်သွိုꩻတီသား၊ ကာဣနနဝ်ꩻ ထွာလွဉ် လုဲင်းလုပ်ꩻ ခြံမာꩻသားသွူ။ 3ဆုဲင်ꩻထွိုင်ႏည ကာဣန ကရဲ့သိမ်ꩻဒါႏ အရာႏအကဝ်ႏကို နုဲင်းကပူႏဇောႏ ထာဝရ ဘုရာꩻတာႏ ထူႏလွဉ်နဝ်ꩻသွူ။ 4#ဟေဗြဲ ၁၁:၄။ နဝ်ꩻထွူ အာဗေလတဲ့ꩻ ထူႏဝွေꩻသွိုꩻဖုံႏအကို ကလွူးလွဉ် အရီးသွတ်ꩻ တဗာႏနဝ်ꩻတွော့ꩻ ဝွေꩻအီလွဉ် မာꩻသီတဲင် အယာႏဟဝ်ဖုံႏနဝ်ꩻ ပူႏဇောႏထင်ႏ ထာဝရဘုရာꩻသွူ။ ထာဝရဘုရာꩻနဝ်ꩻ နစ်သက်ငါႏ အာဗေလတွမ်ႏ ဝွေꩻထာꩻပူႏဇောႏသွူ။ 5ကွဲတွော့ꩻ ကာဣနတွမ်ႏ ဝွေꩻထာꩻပူႏဇောႏနဝ်ꩻ ထာဝရဘုရာꩻ တနစ်သက်တဝ်း၊ နဝ်ꩻမ ကာဣနနဝ်ꩻ ဒေါသထန်ႏလွဉ်တဲင် သလျား ကွုမ်းတေ့ꩻထာꩻ သꩻကိုသွူ။ 6နဝ်ꩻထွူ ထာဝရဘုရာꩻ မိန်းဖေႏ ကာဣန၊ “ပွိုးတမုဲင်ꩻ နာꩻသꩻလျား ဗာႏတွိုႏထာꩻဟောင်း၊ ပွိုးတမုဲင်ꩻ နာꩻမဲ့ငါ ကုဲင်ဗာႏတွိုႏထာꩻဟောင်း။ 7နာꩻထာꩻမာꩻ မဉ်ႏမဲဥ်ႏဒျာႏနဝ်ꩻ နာꩻလွိုး အီႏအွီႏဗာႏဒျာႏသွူ။ ကွဲတွော့ꩻ ပွိုးနာꩻထာꩻမာꩻနဝ်ꩻ တဟဝ်တဝ်းနဝ်ꩻမꩻ အပဲစ်တရာꩻနဝ်ꩻ နုဲင်းထာꩻသားမီꩻ အုံအွပ်ꩻမꩻလဲဉ်း နာꩻတခါꩻငွါထျꩻ။ အပဲစ်နဝ်ꩻ မဉ်နွောင်ꩻနာꩻစွဉ်ႏတဲ့ နာꩻနဝ်ꩻ အီႏအုပ်စိုꩻဗာႏ အပဲစ်သွူ။”
8 #
မ ၂၃:၃၅၊ လု ၁၁:၅၁၊ ၁ယော ၃:၁၂။ နဝ်ꩻထွူ ကာဣနဒေါ့ꩻဖေႏ ဝွေꩻဖူးခို အာဗေလ၊ “လွဉ်ဟုဲင်း၊ နီအွဉ်ဝင်ꩻလွေꩻတွမ် လုဲင်းတုံးသူꩻ၊” ဝွေꩻသီး ထွိုင်ႏဖျော် လုဲင်းတုံးချိန်ႏ ကာဣန ခွယ်ချာ အဖူးထျꩻတဲင် မာꩻသီစွဉ်ႏ အဖူးသွူ။
9ထာဝရဘုရာꩻရီ ကာဣန၊ “နာꩻဖူး အာဗေလ အဝ်ႏမုဲင်ꩻကိုဟောင်း” နုဲင်းနဝ်ꩻတဲင်
ဝွေꩻလဝ်းချာ၊ “ခွေတသေတဝ်း။ ခွေယို စောင်းမထွာ ထိန်ꩻထွားဗာႏ ခွေဖူးသားဟောင်း” နုဲင်းနဝ်ꩻသွူ။
10 # ဟေဗြဲ ၁၂:၂၄။ နဝ်ꩻထွူ ထာဝရဘုရာꩻမိန်း၊ “ပွိုးတမုဲင်ꩻ နာꩻမာꩻဗာႏတွိုႏ ဟဝ်ငမ်းခရာႏ နုဲင်းယိုဟောင်း၊ ဖေႏကမာꩻ လုမ်းလီးတဲဥ်ꩻချာ ငဝ်းတစွိုး ၊ နာꩻဖူးအသွီႏငဝ်းနဝ်ꩻ အဝ်ႏဟံႏကို အဝ်ႏခြဝ်ထန်ႏခွေတန်ကွေး။ 11နာꩻနဝ်ꩻ စိန်ႏတရေႏဗာႏတဲင် ထုဲင်လုပ်ꩻမာꩻထာꩻ ဟံႏလောင်း တထွာတဝ်းဒွုမ်၊ နာꩻမာꩻသီနာꩻဖူးချိန်ႏ ကထန်ႏဒါႏ နာꩻဖူးသွီႏနဝ်ꩻ ဟံႏ အင်အဖြောင်းတဲင် စုပ်ꩻထူႏထိုꩻလဲဉ်းသွူ။ 12နာꩻမဉ်ႏကျိုꩻစာꩻ ဆို့ꩻရုဲင် လုပ်ꩻမာꩻစွဉ်ႏတဲ့ꩻ ဟံႏနဝ်ꩻ တဖေႏတဝ်းဒွုမ် အရာႏတစိꩻစိꩻ၊ နာꩻလမ်းပါႏတဲ့ꩻ အီႏတအဲဉ်ထဝ်း အီႏကွင်ကယ်ဗာႏထာꩻ ဟံႏတန်လောင်း” နုဲင်းနဝ်ꩻသွူ။
13နဝ်ꩻမꩻ ကာဣနဒေါ့ꩻချာ ထာဝရဘုရာꩻ၊ “ခွေတာႏ ကအီႏထမ်ႏဗာႏ အပဲစ်တံႏယိုနဝ်ꩻ ယပ်ꩻငါႏလွဉ်ꩻသွူ။ 14နီဗွေႏ ဝါးထန်ႏထိုꩻခွေ ခင်ႏလမ်းယိုတဲင် ခွေယို ညာꩻထိုဗာႏ တွမ်ႏနီဗွေႏ နဝ်ꩻမꩻ ခွေခင်ႏလမ်းအုံ အီႏအဲဉ်တထဝ်း အီႏကွင်ကယ်ဗာႏထာꩻ ဟံႏလောင်းတဲင် ပါꩻမုဲင်ꩻထီႏခွေတဲ့ꩻ အီႏမာꩻသီထိုꩻ ခွေသွူ။”
15ကွဲတွော့ꩻ ထာဝရဘုရာꩻ လဝ်းချာ၊ “ထွာဗာႏတဝ်းနုဲင်းနဝ်ꩻ ပါꩻမုဲင်ꩻတဖြာꩻ မဉ်ႏမာꩻသီနာꩻနဝ်ꩻ အီႏခံႏဗာႏ မာꩻလုမ်းလီးတဲဉ်ꩻချာ နွတ်ꩻဆ” နုဲင်းနဝ်ꩻသွူ။ နဝ်ꩻမꩻ ပါꩻမုဲင်ꩻ မဉ်ႏမော့ꩻခွဲဝွေꩻ ဖေႏကမာꩻသီ ဗာႏမွိုန်းနဝ်ꩻ ထာဝရဘုရာꩻ ဖေႏသတိ မုဲင်ꩻသေꩻခါꩻဖေႏ ကာဣနလောင်းသွူ။ 16နဝ်ꩻထွူ ကာဣနနဝ်ꩻ အဝ်ႏထာဝရဘုရာꩻထျꩻ ထန်ႏလွေꩻညာꩻထိုꩻတွော့ꩻ အုံသော့ꩻစွဉ်ႏ ခင်ႏလမ်းကဟဲ့ꩻဒါႏ “ကွင်ကယ်” အွိုးဧဒေင်ခြံ အခဝ်ကွဉ်ႏဖဲ့ꩻနဝ်ꩻသွူ။
ကာဣနပိုလီꩻစွိုးခွိုꩻဖုံႏ
17ကာဣနတွမ်ႏ ဝွေꩻမာနဝ်ꩻ လꩻလွဉ် ပိုခိုတဖြာꩻတဲင် ဖန်ဟဲ့ꩻဖေႏ အမဉ်ꩻ ဧနောက်သွူ။ နဝ်ꩻထွူကာဣန တယ်ႏဝေင်ꩻတဖြုံႏတဲင် ဝေင်ꩻနဝ်ꩻ ဖန်ဟဲ့ꩻလွဉ်ꩻနုဲင်း ဝွေꩻပိုခိုမဉ်ꩻ ဝေင်ꩻဧနောက်နဝ်ꩻသွူ။ 18ဧနောက်နဝ်ꩻ လꩻလွဉ် ပိုခိုတဖြာꩻ အမဉ်ꩻဟဲ့ꩻ ဣရဒ်သွူ။ ဣရဒ်ပိုခို မာဟုယေလ၊ မာဟုယေလပိုခို မာတုသျာလ၊ မာတုသျာလ ပိုခိုနဝ်ꩻ ထွာလာမဲက်သွူ။ 19လာမဲက်နဝ်ꩻ မာꩻအဝ်ႏဝင်ꩻနီ အမဉ်ꩻဟဲ့ꩻ အာဒါ တွမ်ႏ ဇီလသွူ။ 20အာဒါနဝ်ꩻ လွူးလွဉ်ပိုခို ဂျာဗာလ၊ ဂျာဗာလနဝ်ꩻလွူး ထာꩻသောင်ꩻထာꩻသားတဲင် ထွာလွဉ် လိုꩻအုံ သုမ်းမွန်ကိုသား အဖါဖြားသွူ။ 21ဝွေꩻဖူးခို ယုဗလနဝ်ꩻ ထွာလိုꩻရွစ်သချင်ꩻ ဒုံႏတိန်ႏ အူပီႏသားဖုံႏ အဖါဖြားသွူ။ 22ဇီလနဝ်ꩻလွူးပိုခို တုဗလကာဣနတဲင် ဝွေꩻနဝ်ꩻထွာ ပါꩻကမာꩻဒါႏ ခြွိုင်းခြဝ်း အမျိုꩻမျိုꩻ ကလဲင်းဒါႏ တောင်ꩻတွမ်ႏ ပသီႏနဝ်ꩻ အဖါဖြားသွူ။ တုဗလကာဣန ဖူးမူႏနဝ်ꩻထွာ နေမသွူ။
23လာမဲက်ဒေါ့ꩻဖေႏ ဝွေꩻမာဖုံႏ၊
“အာဒါတွမ်ႏ ဇီလ နာႏသွော့ ခွေငဝ်းဟုဲင်း၊
ခိုဗင်ႏတဖြာꩻ ကွပ်ပွိုး တွဲႏဆာဗာႏခွေတဲင် ခွေမာꩻသီထိုꩻလဲဉ်း ဝွေꩻသွူ။
24ပါꩻကမာꩻသီ ကာဣန မဉ်ႏခံႏဗာႏနွတ်ꩻပွန်းနဝ်ꩻ
ပါꩻတဖြာꩻ မဉ်ႏမာꩻသီ ခွေနဝ်ꩻတဲ့ꩻ အီႏခံႏဗာႏ
မာꩻလုမ်းလီးတဲဉ်ꩻချာ အပွန်း နွတ်ꩻဆီနွတ်ꩻ” နုဲင်းနဝ်ꩻသွူ။
သျေတတွမ်ႏဧနုတ်
25အာဒံတွမ်ႏ ဝွေꩻမာနဝ်ꩻ လꩻလွဉ်ထဲင်းယင်း ပိုခိုတဖြာꩻတဲင် ဝွေꩻမူႏနဝ်ꩻရိုꩻ၊ “ကာဣန ကမာꩻသီထိုꩻဒါႏ အာဗေလခြောင်ꩻနဝ်ꩻ ထာဝရဘုရာꩻ ဗွေႏဘုရာꩻ ဖေႏယင်းခွေ ပိုခိုတဖြာꩻ”၊ ပွိုးနုဲင်းနဝ်ꩻမ ဝွေꩻမူႏ ဖန်ဟဲ့ꩻဖေႏ ဝွေꩻမဉ်ꩻ သျေတသွူ။ 26သျေတနဝ်ꩻ လꩻလွဉ်ပိုခိုတဖြာꩻ ဝွေꩻဖန်ဟဲ့ꩻဖေႏ အမဉ်ꩻ ဧနုတ်သွူ၊ တယ်ႏအချိန်ႏနဝ်ꩻ လိုꩻဖုံႏသွုံꩻစ ထာဝရဘုရာꩻ အမဉ်ꩻနာႏမ ကြောင်းစင်တွော့ꩻ ဝုဲင်ႏကိုꩻကွယ်ႏစွဉ်ႏသွူ။
ទើបបានជ្រើសរើសហើយ៖
ကမ္ဘာႏစ 4: PBCL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.
ကမ္ဘာႏစ 4
4
ကာဣနတွမ်ႏအာဗေလ
1နဝ်ꩻထွူ အာဒံအုံငီꩻတွမ်ႏ ဝွေꩻမာတဲင် ဝွေꩻမူႏနဝ်ꩻ လꩻလွဉ်စွဉ်ႏ သန္ဓေႏသွူ။ ဝွေꩻမူႏ လွူးလွဉ် ပိုခိုတဖြာꩻ တဲင်ရိုꩻ “ပွိုး ထာဝရဘုရာꩻစွဲကို နဝ်ꩻမꩻ ခွေလꩻလွဉ်ဗာႏ ပိုခိုတဖြာꩻ” နဝ်ꩻမꩻ ဝွေꩻမူႏ ဖန်ဟဲ့ꩻဖေႏ ဝွေꩻမဉ်ꩻ ကာဣနသွူ။ 2ဆုဲင်ꩻနဝ်ꩻ ဝွေꩻမူႏလွူးဖျင် ပိုခိုအလင်တဖြာꩻတဲင် ဟဲ့ꩻအာဗေလသွူ။ အာဗေလနဝ်ꩻ ထွာလွဉ်သွိုꩻတီသား၊ ကာဣနနဝ်ꩻ ထွာလွဉ် လုဲင်းလုပ်ꩻ ခြံမာꩻသားသွူ။ 3ဆုဲင်ꩻထွိုင်ႏည ကာဣန ကရဲ့သိမ်ꩻဒါႏ အရာႏအကဝ်ႏကို နုဲင်းကပူႏဇောႏ ထာဝရ ဘုရာꩻတာႏ ထူႏလွဉ်နဝ်ꩻသွူ။ 4#ဟေဗြဲ ၁၁:၄။ နဝ်ꩻထွူ အာဗေလတဲ့ꩻ ထူႏဝွေꩻသွိုꩻဖုံႏအကို ကလွူးလွဉ် အရီးသွတ်ꩻ တဗာႏနဝ်ꩻတွော့ꩻ ဝွေꩻအီလွဉ် မာꩻသီတဲင် အယာႏဟဝ်ဖုံႏနဝ်ꩻ ပူႏဇောႏထင်ႏ ထာဝရဘုရာꩻသွူ။ ထာဝရဘုရာꩻနဝ်ꩻ နစ်သက်ငါႏ အာဗေလတွမ်ႏ ဝွေꩻထာꩻပူႏဇောႏသွူ။ 5ကွဲတွော့ꩻ ကာဣနတွမ်ႏ ဝွေꩻထာꩻပူႏဇောႏနဝ်ꩻ ထာဝရဘုရာꩻ တနစ်သက်တဝ်း၊ နဝ်ꩻမ ကာဣနနဝ်ꩻ ဒေါသထန်ႏလွဉ်တဲင် သလျား ကွုမ်းတေ့ꩻထာꩻ သꩻကိုသွူ။ 6နဝ်ꩻထွူ ထာဝရဘုရာꩻ မိန်းဖေႏ ကာဣန၊ “ပွိုးတမုဲင်ꩻ နာꩻသꩻလျား ဗာႏတွိုႏထာꩻဟောင်း၊ ပွိုးတမုဲင်ꩻ နာꩻမဲ့ငါ ကုဲင်ဗာႏတွိုႏထာꩻဟောင်း။ 7နာꩻထာꩻမာꩻ မဉ်ႏမဲဥ်ႏဒျာႏနဝ်ꩻ နာꩻလွိုး အီႏအွီႏဗာႏဒျာႏသွူ။ ကွဲတွော့ꩻ ပွိုးနာꩻထာꩻမာꩻနဝ်ꩻ တဟဝ်တဝ်းနဝ်ꩻမꩻ အပဲစ်တရာꩻနဝ်ꩻ နုဲင်းထာꩻသားမီꩻ အုံအွပ်ꩻမꩻလဲဉ်း နာꩻတခါꩻငွါထျꩻ။ အပဲစ်နဝ်ꩻ မဉ်နွောင်ꩻနာꩻစွဉ်ႏတဲ့ နာꩻနဝ်ꩻ အီႏအုပ်စိုꩻဗာႏ အပဲစ်သွူ။”
8 #
မ ၂၃:၃၅၊ လု ၁၁:၅၁၊ ၁ယော ၃:၁၂။ နဝ်ꩻထွူ ကာဣနဒေါ့ꩻဖေႏ ဝွေꩻဖူးခို အာဗေလ၊ “လွဉ်ဟုဲင်း၊ နီအွဉ်ဝင်ꩻလွေꩻတွမ် လုဲင်းတုံးသူꩻ၊” ဝွေꩻသီး ထွိုင်ႏဖျော် လုဲင်းတုံးချိန်ႏ ကာဣန ခွယ်ချာ အဖူးထျꩻတဲင် မာꩻသီစွဉ်ႏ အဖူးသွူ။
9ထာဝရဘုရာꩻရီ ကာဣန၊ “နာꩻဖူး အာဗေလ အဝ်ႏမုဲင်ꩻကိုဟောင်း” နုဲင်းနဝ်ꩻတဲင်
ဝွေꩻလဝ်းချာ၊ “ခွေတသေတဝ်း။ ခွေယို စောင်းမထွာ ထိန်ꩻထွားဗာႏ ခွေဖူးသားဟောင်း” နုဲင်းနဝ်ꩻသွူ။
10 # ဟေဗြဲ ၁၂:၂၄။ နဝ်ꩻထွူ ထာဝရဘုရာꩻမိန်း၊ “ပွိုးတမုဲင်ꩻ နာꩻမာꩻဗာႏတွိုႏ ဟဝ်ငမ်းခရာႏ နုဲင်းယိုဟောင်း၊ ဖေႏကမာꩻ လုမ်းလီးတဲဥ်ꩻချာ ငဝ်းတစွိုး ၊ နာꩻဖူးအသွီႏငဝ်းနဝ်ꩻ အဝ်ႏဟံႏကို အဝ်ႏခြဝ်ထန်ႏခွေတန်ကွေး။ 11နာꩻနဝ်ꩻ စိန်ႏတရေႏဗာႏတဲင် ထုဲင်လုပ်ꩻမာꩻထာꩻ ဟံႏလောင်း တထွာတဝ်းဒွုမ်၊ နာꩻမာꩻသီနာꩻဖူးချိန်ႏ ကထန်ႏဒါႏ နာꩻဖူးသွီႏနဝ်ꩻ ဟံႏ အင်အဖြောင်းတဲင် စုပ်ꩻထူႏထိုꩻလဲဉ်းသွူ။ 12နာꩻမဉ်ႏကျိုꩻစာꩻ ဆို့ꩻရုဲင် လုပ်ꩻမာꩻစွဉ်ႏတဲ့ꩻ ဟံႏနဝ်ꩻ တဖေႏတဝ်းဒွုမ် အရာႏတစိꩻစိꩻ၊ နာꩻလမ်းပါႏတဲ့ꩻ အီႏတအဲဉ်ထဝ်း အီႏကွင်ကယ်ဗာႏထာꩻ ဟံႏတန်လောင်း” နုဲင်းနဝ်ꩻသွူ။
13နဝ်ꩻမꩻ ကာဣနဒေါ့ꩻချာ ထာဝရဘုရာꩻ၊ “ခွေတာႏ ကအီႏထမ်ႏဗာႏ အပဲစ်တံႏယိုနဝ်ꩻ ယပ်ꩻငါႏလွဉ်ꩻသွူ။ 14နီဗွေႏ ဝါးထန်ႏထိုꩻခွေ ခင်ႏလမ်းယိုတဲင် ခွေယို ညာꩻထိုဗာႏ တွမ်ႏနီဗွေႏ နဝ်ꩻမꩻ ခွေခင်ႏလမ်းအုံ အီႏအဲဉ်တထဝ်း အီႏကွင်ကယ်ဗာႏထာꩻ ဟံႏလောင်းတဲင် ပါꩻမုဲင်ꩻထီႏခွေတဲ့ꩻ အီႏမာꩻသီထိုꩻ ခွေသွူ။”
15ကွဲတွော့ꩻ ထာဝရဘုရာꩻ လဝ်းချာ၊ “ထွာဗာႏတဝ်းနုဲင်းနဝ်ꩻ ပါꩻမုဲင်ꩻတဖြာꩻ မဉ်ႏမာꩻသီနာꩻနဝ်ꩻ အီႏခံႏဗာႏ မာꩻလုမ်းလီးတဲဉ်ꩻချာ နွတ်ꩻဆ” နုဲင်းနဝ်ꩻသွူ။ နဝ်ꩻမꩻ ပါꩻမုဲင်ꩻ မဉ်ႏမော့ꩻခွဲဝွေꩻ ဖေႏကမာꩻသီ ဗာႏမွိုန်းနဝ်ꩻ ထာဝရဘုရာꩻ ဖေႏသတိ မုဲင်ꩻသေꩻခါꩻဖေႏ ကာဣနလောင်းသွူ။ 16နဝ်ꩻထွူ ကာဣနနဝ်ꩻ အဝ်ႏထာဝရဘုရာꩻထျꩻ ထန်ႏလွေꩻညာꩻထိုꩻတွော့ꩻ အုံသော့ꩻစွဉ်ႏ ခင်ႏလမ်းကဟဲ့ꩻဒါႏ “ကွင်ကယ်” အွိုးဧဒေင်ခြံ အခဝ်ကွဉ်ႏဖဲ့ꩻနဝ်ꩻသွူ။
ကာဣနပိုလီꩻစွိုးခွိုꩻဖုံႏ
17ကာဣနတွမ်ႏ ဝွေꩻမာနဝ်ꩻ လꩻလွဉ် ပိုခိုတဖြာꩻတဲင် ဖန်ဟဲ့ꩻဖေႏ အမဉ်ꩻ ဧနောက်သွူ။ နဝ်ꩻထွူကာဣန တယ်ႏဝေင်ꩻတဖြုံႏတဲင် ဝေင်ꩻနဝ်ꩻ ဖန်ဟဲ့ꩻလွဉ်ꩻနုဲင်း ဝွေꩻပိုခိုမဉ်ꩻ ဝေင်ꩻဧနောက်နဝ်ꩻသွူ။ 18ဧနောက်နဝ်ꩻ လꩻလွဉ် ပိုခိုတဖြာꩻ အမဉ်ꩻဟဲ့ꩻ ဣရဒ်သွူ။ ဣရဒ်ပိုခို မာဟုယေလ၊ မာဟုယေလပိုခို မာတုသျာလ၊ မာတုသျာလ ပိုခိုနဝ်ꩻ ထွာလာမဲက်သွူ။ 19လာမဲက်နဝ်ꩻ မာꩻအဝ်ႏဝင်ꩻနီ အမဉ်ꩻဟဲ့ꩻ အာဒါ တွမ်ႏ ဇီလသွူ။ 20အာဒါနဝ်ꩻ လွူးလွဉ်ပိုခို ဂျာဗာလ၊ ဂျာဗာလနဝ်ꩻလွူး ထာꩻသောင်ꩻထာꩻသားတဲင် ထွာလွဉ် လိုꩻအုံ သုမ်းမွန်ကိုသား အဖါဖြားသွူ။ 21ဝွေꩻဖူးခို ယုဗလနဝ်ꩻ ထွာလိုꩻရွစ်သချင်ꩻ ဒုံႏတိန်ႏ အူပီႏသားဖုံႏ အဖါဖြားသွူ။ 22ဇီလနဝ်ꩻလွူးပိုခို တုဗလကာဣနတဲင် ဝွေꩻနဝ်ꩻထွာ ပါꩻကမာꩻဒါႏ ခြွိုင်းခြဝ်း အမျိုꩻမျိုꩻ ကလဲင်းဒါႏ တောင်ꩻတွမ်ႏ ပသီႏနဝ်ꩻ အဖါဖြားသွူ။ တုဗလကာဣန ဖူးမူႏနဝ်ꩻထွာ နေမသွူ။
23လာမဲက်ဒေါ့ꩻဖေႏ ဝွေꩻမာဖုံႏ၊
“အာဒါတွမ်ႏ ဇီလ နာႏသွော့ ခွေငဝ်းဟုဲင်း၊
ခိုဗင်ႏတဖြာꩻ ကွပ်ပွိုး တွဲႏဆာဗာႏခွေတဲင် ခွေမာꩻသီထိုꩻလဲဉ်း ဝွေꩻသွူ။
24ပါꩻကမာꩻသီ ကာဣန မဉ်ႏခံႏဗာႏနွတ်ꩻပွန်းနဝ်ꩻ
ပါꩻတဖြာꩻ မဉ်ႏမာꩻသီ ခွေနဝ်ꩻတဲ့ꩻ အီႏခံႏဗာႏ
မာꩻလုမ်းလီးတဲဉ်ꩻချာ အပွန်း နွတ်ꩻဆီနွတ်ꩻ” နုဲင်းနဝ်ꩻသွူ။
သျေတတွမ်ႏဧနုတ်
25အာဒံတွမ်ႏ ဝွေꩻမာနဝ်ꩻ လꩻလွဉ်ထဲင်းယင်း ပိုခိုတဖြာꩻတဲင် ဝွေꩻမူႏနဝ်ꩻရိုꩻ၊ “ကာဣန ကမာꩻသီထိုꩻဒါႏ အာဗေလခြောင်ꩻနဝ်ꩻ ထာဝရဘုရာꩻ ဗွေႏဘုရာꩻ ဖေႏယင်းခွေ ပိုခိုတဖြာꩻ”၊ ပွိုးနုဲင်းနဝ်ꩻမ ဝွေꩻမူႏ ဖန်ဟဲ့ꩻဖေႏ ဝွေꩻမဉ်ꩻ သျေတသွူ။ 26သျေတနဝ်ꩻ လꩻလွဉ်ပိုခိုတဖြာꩻ ဝွေꩻဖန်ဟဲ့ꩻဖေႏ အမဉ်ꩻ ဧနုတ်သွူ၊ တယ်ႏအချိန်ႏနဝ်ꩻ လိုꩻဖုံႏသွုံꩻစ ထာဝရဘုရာꩻ အမဉ်ꩻနာႏမ ကြောင်းစင်တွော့ꩻ ဝုဲင်ႏကိုꩻကွယ်ႏစွဉ်ႏသွူ။
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.