ကမ္ဘာႏစ 9
9
ဗွေႏဘုရာꩻမာꩻပဋိညာဉ်ႏတွမ်ႏနောဧ
1 #
ကမ္ဘာႏ ၁:၂၈။ ဗွေႏဘုရာꩻဖေႏ နောဧ တွမ်ႏဝွေꩻအပိုခိုဖုံႏ မင်္ဂလာႏတဲင်ရိုꩻ “သီပိုလီꩻ စွိုးခွိုꩻဖုံႏ ဖေႏနေး ကအဝ်ႏဗွေသွော့ ဟံႏတန် တဖြုံႏလွုမ်းနဝ်ꩻ ထူႏအာသွော့ ပိုဖုံႏ။ 2တိရစ္ဆာန်ႏ၊ ဝါးတွမ်ႏ ထပေႏ ကားကအဝ်ႏနဝ်ꩻ အီႏငမ်းသꩻဗာႏ သီသွူ။ ထာꩻသောင်ꩻ ထာꩻသား ကားကအဝ်ႏနဝ်ꩻ အပ်နာꩻစူကို။ 3ယိုခါ ထာꩻသောင်ꩻ ထာꩻသားဖုံႏနဝ်ꩻ ဗွိုန်နုဲင်း ဟန်ႏသဉ်ဟန်ႏလာႏနဝ်ꩻ သီအံႏလꩻနွောင်ꩻသွူ။ နဝ်ꩻဖုံႏ ကားကအဝ်ႏနဝ်ꩻ ခွေဖေႏဒျာႏသီ အံႏတရင်းသွူ။ 4#ဝိ ၇:၂၆–၂၇၊ ၁၇:၁၀–၁၄၊ ၁၉:၂၆၊ တရာꩻ ၁၂:၁၆၊၂၃၊ ၁၅:၂၃။ သွီႏကအဝ်ႏသော့ꩻ နေက အယာႏကို တစွိုးနဝ်ꩻ သီအံႏဗာႏတဝ်း၊ ခွေကရဲဆီꩻဗာႏ နုဲင်းယိုနဝ်ꩻ ကွပ်ပွိုး အသက်နဝ်ꩻ အဝ်ႏသော့ꩻ သွီႏကိုအတွက်သွူ။ 5ပါꩻမုဲင်ꩻ မာꩻသီ လိုꩻအသက်နဝ်ꩻ အီႏခံႏဗာႏ အပဲစ်တံႏ၊ တိရစ္ဆာန်ႏ အမျိုꩻမုဲင်ꩻ တရိုꩻတဝ်း မဉ်ႏမာꩻသီဗာႏ လိုꩻအသက်နဝ်ꩻ ခွေအီႏဖေႏ ထာꩻသီတံႏသွူ။ 6#ထလ ၂၀:၁၃၊ ကမ္ဘာႏ ၁:၂၆။ လိုꩻနဝ်ꩻ ကွပ်ပွိုး ဖန်ဆင်ꩻ မာꩻထွာနုဲင်း ဗွေႏဘုရာꩻ ပွုံႏသဏ္ဌာန်ႏနဝ်ꩻမꩻ၊ ပါꩻမုဲင်ꩻ မာꩻသီလိုꩻတဲ့ꩻ တွမ်ႏလိုꩻအလင်တဖြာꩻ အီႏခံႏဗာႏ အမာꩻသီသွူ။
7“သီပိုလီꩻ စွိုးခွိုꩻဖုံႏ ဖေႏနေး ကအဝ်ႏသော့ꩻဗွေ ဟံႏတန် တဖြုံႏလွုမ်းနဝ်ꩻ သီထူႏအာအာဗာႏ ပိုဖုံႏ” နုဲင်းနဝ်ꩻသွူ။
8ဗွေႏဘုရာꩻရိုꩻဖေႏ နောဧတွမ်ႏ ဝွေꩻပိုခိုဖုံႏ 9-10“တွမ်ႏနာꩻယင် တွမ်ႏနာꩻစွိုးခွိုꩻဖုံႏယင် အဝ်ႏသင်္ဘောꩻကို ကထန်ႏလွဉ်သွိုဒါႏ တွမ်ႏသီ ဝါးဖုံႏတိရစ္ဆာန်ႏဖုံႏ သက်မွန်သတ္တဝါႏဖုံႏယင် ယိုခါ ခွေအီႏမာꩻ ခွေပဋိညာဉ်ႏသွူ။ 11ခွေတွမ်ႏသီ ကအွဉ်ႏပဋိညာဉ်ႏ ငဝ်းယိုဖုံႏနဝ်ꩻ သက်မွန်သတ္တဝါႏဖုံႏ ကားကအဝ်ႏနဝ်ꩻ မုဲင်ꩻခါတဲ့ꩻ တွမ်ႏထီလုမ်ႏနဝ်ꩻ ခွေအီႏတယားကုဲင်ထိုꩻတဝ်းဒွုမ်။ ဟံႏတန်နဝ်ꩻတဲ့ တွမ်ႏထီလုမ်ႏနဝ်ꩻ ခွေအီႏတယားကုဲင် ထဲင်းတဝ်းဒွုမ်နဝ်ꩻ ခွေအွဉ်ႏဂတိသွူ။ 12နာꩻတွမ်ႏ သက်မွန်သတ္တဝါႏ ကားကအဝ်ႏ ခွေကမာꩻသေꩻလဲဉ်း ထာဝရပဋိညာဉ်ႏယိုနဝ်ꩻ နုဲင်းသက်သေႏ လက္ခဏာႏအနေႏ 13မို့ꩻအေႏကိုနဝ်ꩻ ခွေအီႏအွဉ်ႏဖေႏ ခွေတလင်ꩻစင်ႏ၊ တလင်ꩻစင်ႏနဝ်ꩻ အီႏထွာလက္ခဏာႏ သက်သေႏ ခွေကမာꩻဒါႏ ပဋိညာဉ်ႏ တွမ်ႏဟံႏတန်နဝ်ꩻသွူ။ 14မို့ꩻလောင်းနဝ်ꩻ ခွေအွဉ်ႏထန်ႏလွဉ် မို့ꩻအေႏတဲင် တလင်ꩻစင်ႏ ထွိုင်ႏပေါႏလွဉ်စွုမ်ႏလဲင်ႏ 15သက်မွန်သတ္တဝါႏ ကားကအဝ်ႏနဝ်ꩻ တွမ်ႏထီလုမ်ႏဗဉ်ႏတံႏနဝ်ꩻ မုဲင်ꩻခါတဲ့ အီႏသီကုဲင်ဗာႏဖျင်တဝ်းဒွုမ်။ သီတွမ်ႏ တိရစ္ဆာန်ႏဖုံႏ အလောင်း ခွေကအွဉ်ႏခါလဲဉ်း ဂတိနဝ်ꩻ ခွေအီႏယူႏလꩻနဝ်ꩻသွူ။ 16မို့ꩻအေႏကို တလင်ꩻစင်ႏ မဉ်ႏပေါႏလွဉ်ချိန်ႏ ခွေထီႏဗာႏတွော့ꩻ ဟံႏတန်လောင်း သက်မွန်သတ္တဝါႏ ကားကအဝ်ႏ တွမ်ႏခွေကအွဉ်ႏဒါႏ ထာဝရပဋိညာဉ်ႏနဝ်ꩻ ခွေအီႏယူႏလꩻသွူ။ 17ယိုနဝ်ꩻ ခွေတွမ်ႏ သက်မွန်သတ္တဝါႏ ကားကအဝ်ႏအခါႏ ထွာခွေမာꩻသေꩻ ဂတိ သက်သေႏ လက္ခဏာႏနဝ်ꩻသွူ။”
နောဧတွမ်ႏဝွေꩻပိုခိုဖုံႏ
18အဝ်ႏသင်္ဘောꩻကို ကထန်ႏလွဉ်ဒါႏ နောဧပိုခိုဖုံႏနဝ်ꩻ ထွာသျေမ၊ ဟာမတွမ်ႏ ယာဖဲက်ဖုံႏသွူ။ (ဟာမနဝ်ꩻထွာ ခါနန်အဖါသွူ) 19ဝွေꩻသီးဝင်ꩻသွံနဝ်ꩻ ထွာနောဧပိုဖုံႏတဲင် ထွာလိုꩻ ဟံႏတန် တဖြုံႏလွုမ်း အဖါဖြားနဝ်ꩻသွူ။
20နောဧနဝ်ꩻ ထွာလုဲင်းလုပ်ꩻ ခြံမာꩻသားတဖြာꩻတဲင် ဝွေꩻနဝ်ꩻထွာ တဗဲစ် ဥယျာဉ်ႏခြံဆို့ꩻသား အရီးသွတ်ꩻသွူ။ 21ဝွေꩻထွိုင်ႏအွꩻ ဝုဲင်ထွူ ထွိုင်ႏမွန်ꩻလွဉ်နဝ်ꩻ ဝွေꩻဗွောင်ႏ အခွမ်ꩻလာꩻတွော့ꩻ ဗေင်ႏတလီꩻစွဉ်ႏထာꩻ ဝွေꩻသုမ်းကိုသွူ။ 22ခါနန်အဖါ ဟာမ ထွိုင်ႏထီႏ ဝွေꩻဖါ အဝ်ႏတလီꩻထာꩻနဝ်ꩻ ဝွေꩻထန်ႏလွေꩻ ကောင်းထန်ႏတဲင် ဒေါ့ꩻနယ်ဖေႏ အဝေး ဝင်ꩻနီသွူ။ 23နဝ်ꩻထွူ သျေမတွမ်ႏ ယာဖဲက် ထူႏဆဲင်ꩻတန်ယွုံးဆွာꩻ တဖွူꩻတဲင် ဝွေꩻသီးယွိုင်ႏအွဉ်ႏဒင်ႏလူး အပြေင်လောင်းသွူ။ ဝွေꩻသီး ဆွတ်တဗန်ႏချာသော့ꩻနေး သုမ်းကိုတဲင် အွဉ်ႏဒို့ꩻဖေႏ ဝွေꩻသီးဖါသွူ။ ဝွေꩻသီး ဖေႏကထီႏဗာႏမွိုန်း အဖါ အဝ်ႏတလီꩻထာꩻနဝ်ꩻ ဝွေꩻသီးခွယ်ႏတရွို့ꩻနေး မဲ့ငါသွူ။ 24နောဧ ထွိုင်ႏစွိုန်းလွဉ်ချိန်ႏ ဝွေꩻပိုခိုပေႏ မာꩻဖေႏထွူလဲဉ်းဝွေꩻ ဝွေꩻထွိုင်ႏသေနဝ်ꩻ၊ 25ဝွေꩻဒေါ့ꩻ
“ခါနန်နဝ်ꩻ ဖေႏကခံႏဗာႏသွော့ စိန်ႏတရေႏ၊
ဝွေꩻနဝ်ꩻ အီႏထွာ ဝွေꩻဝေးဖုံႏ အသွဉ်း။
26အုပ်ꩻထင်ႏသွော့ သျေမဗွေႏဘုရာꩻ ကထွာထာဝရဘုရာꩻ၊
ခါနန်နဝ်ꩻ အီႏထွာဗာႏ သျေမအသွဉ်း။
27ဗွေႏဘုရာꩻနဝ်ꩻ ယံကမာꩻတိုꩻပွါꩻ လွိုင်ႏကွိုန်ꩻအာလွဉ်ဖေႏသွော့ ယာဖဲက်
ဝွေꩻပိုလီꩻစွိုးခွိုꩻဖုံႏနဝ်ꩻ ယံဖေႏကအုံငီꩻဗာႏသွော့ သျေမလိုꩻမျိုꩻဖုံႏ၊
ခါနန်နဝ်ꩻ အီႏထွာဗာႏ ယာဖဲက်အသွဉ်း” နုဲင်းနဝ်ꩻသွူ။
28ထီထွိုင်ႏလုမ်ႏထွူ နောဧ သက်မွန် အုံဗာႏထဲင်းယင်း နေင်ႏ(၃၅၀)တဲင် 29ဝွေꩻသက်ထွိုင်ႏလꩻ နေင်ႏ(၉၅၀)နဝ်ꩻ သီထိုꩻနဝ်ꩻသွူ။
ទើបបានជ្រើសរើសហើយ៖
ကမ္ဘာႏစ 9: PBCL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.
ကမ္ဘာႏစ 9
9
ဗွေႏဘုရာꩻမာꩻပဋိညာဉ်ႏတွမ်ႏနောဧ
1 #
ကမ္ဘာႏ ၁:၂၈။ ဗွေႏဘုရာꩻဖေႏ နောဧ တွမ်ႏဝွေꩻအပိုခိုဖုံႏ မင်္ဂလာႏတဲင်ရိုꩻ “သီပိုလီꩻ စွိုးခွိုꩻဖုံႏ ဖေႏနေး ကအဝ်ႏဗွေသွော့ ဟံႏတန် တဖြုံႏလွုမ်းနဝ်ꩻ ထူႏအာသွော့ ပိုဖုံႏ။ 2တိရစ္ဆာန်ႏ၊ ဝါးတွမ်ႏ ထပေႏ ကားကအဝ်ႏနဝ်ꩻ အီႏငမ်းသꩻဗာႏ သီသွူ။ ထာꩻသောင်ꩻ ထာꩻသား ကားကအဝ်ႏနဝ်ꩻ အပ်နာꩻစူကို။ 3ယိုခါ ထာꩻသောင်ꩻ ထာꩻသားဖုံႏနဝ်ꩻ ဗွိုန်နုဲင်း ဟန်ႏသဉ်ဟန်ႏလာႏနဝ်ꩻ သီအံႏလꩻနွောင်ꩻသွူ။ နဝ်ꩻဖုံႏ ကားကအဝ်ႏနဝ်ꩻ ခွေဖေႏဒျာႏသီ အံႏတရင်းသွူ။ 4#ဝိ ၇:၂၆–၂၇၊ ၁၇:၁၀–၁၄၊ ၁၉:၂၆၊ တရာꩻ ၁၂:၁၆၊၂၃၊ ၁၅:၂၃။ သွီႏကအဝ်ႏသော့ꩻ နေက အယာႏကို တစွိုးနဝ်ꩻ သီအံႏဗာႏတဝ်း၊ ခွေကရဲဆီꩻဗာႏ နုဲင်းယိုနဝ်ꩻ ကွပ်ပွိုး အသက်နဝ်ꩻ အဝ်ႏသော့ꩻ သွီႏကိုအတွက်သွူ။ 5ပါꩻမုဲင်ꩻ မာꩻသီ လိုꩻအသက်နဝ်ꩻ အီႏခံႏဗာႏ အပဲစ်တံႏ၊ တိရစ္ဆာန်ႏ အမျိုꩻမုဲင်ꩻ တရိုꩻတဝ်း မဉ်ႏမာꩻသီဗာႏ လိုꩻအသက်နဝ်ꩻ ခွေအီႏဖေႏ ထာꩻသီတံႏသွူ။ 6#ထလ ၂၀:၁၃၊ ကမ္ဘာႏ ၁:၂၆။ လိုꩻနဝ်ꩻ ကွပ်ပွိုး ဖန်ဆင်ꩻ မာꩻထွာနုဲင်း ဗွေႏဘုရာꩻ ပွုံႏသဏ္ဌာန်ႏနဝ်ꩻမꩻ၊ ပါꩻမုဲင်ꩻ မာꩻသီလိုꩻတဲ့ꩻ တွမ်ႏလိုꩻအလင်တဖြာꩻ အီႏခံႏဗာႏ အမာꩻသီသွူ။
7“သီပိုလီꩻ စွိုးခွိုꩻဖုံႏ ဖေႏနေး ကအဝ်ႏသော့ꩻဗွေ ဟံႏတန် တဖြုံႏလွုမ်းနဝ်ꩻ သီထူႏအာအာဗာႏ ပိုဖုံႏ” နုဲင်းနဝ်ꩻသွူ။
8ဗွေႏဘုရာꩻရိုꩻဖေႏ နောဧတွမ်ႏ ဝွေꩻပိုခိုဖုံႏ 9-10“တွမ်ႏနာꩻယင် တွမ်ႏနာꩻစွိုးခွိုꩻဖုံႏယင် အဝ်ႏသင်္ဘောꩻကို ကထန်ႏလွဉ်သွိုဒါႏ တွမ်ႏသီ ဝါးဖုံႏတိရစ္ဆာန်ႏဖုံႏ သက်မွန်သတ္တဝါႏဖုံႏယင် ယိုခါ ခွေအီႏမာꩻ ခွေပဋိညာဉ်ႏသွူ။ 11ခွေတွမ်ႏသီ ကအွဉ်ႏပဋိညာဉ်ႏ ငဝ်းယိုဖုံႏနဝ်ꩻ သက်မွန်သတ္တဝါႏဖုံႏ ကားကအဝ်ႏနဝ်ꩻ မုဲင်ꩻခါတဲ့ꩻ တွမ်ႏထီလုမ်ႏနဝ်ꩻ ခွေအီႏတယားကုဲင်ထိုꩻတဝ်းဒွုမ်။ ဟံႏတန်နဝ်ꩻတဲ့ တွမ်ႏထီလုမ်ႏနဝ်ꩻ ခွေအီႏတယားကုဲင် ထဲင်းတဝ်းဒွုမ်နဝ်ꩻ ခွေအွဉ်ႏဂတိသွူ။ 12နာꩻတွမ်ႏ သက်မွန်သတ္တဝါႏ ကားကအဝ်ႏ ခွေကမာꩻသေꩻလဲဉ်း ထာဝရပဋိညာဉ်ႏယိုနဝ်ꩻ နုဲင်းသက်သေႏ လက္ခဏာႏအနေႏ 13မို့ꩻအေႏကိုနဝ်ꩻ ခွေအီႏအွဉ်ႏဖေႏ ခွေတလင်ꩻစင်ႏ၊ တလင်ꩻစင်ႏနဝ်ꩻ အီႏထွာလက္ခဏာႏ သက်သေႏ ခွေကမာꩻဒါႏ ပဋိညာဉ်ႏ တွမ်ႏဟံႏတန်နဝ်ꩻသွူ။ 14မို့ꩻလောင်းနဝ်ꩻ ခွေအွဉ်ႏထန်ႏလွဉ် မို့ꩻအေႏတဲင် တလင်ꩻစင်ႏ ထွိုင်ႏပေါႏလွဉ်စွုမ်ႏလဲင်ႏ 15သက်မွန်သတ္တဝါႏ ကားကအဝ်ႏနဝ်ꩻ တွမ်ႏထီလုမ်ႏဗဉ်ႏတံႏနဝ်ꩻ မုဲင်ꩻခါတဲ့ အီႏသီကုဲင်ဗာႏဖျင်တဝ်းဒွုမ်။ သီတွမ်ႏ တိရစ္ဆာန်ႏဖုံႏ အလောင်း ခွေကအွဉ်ႏခါလဲဉ်း ဂတိနဝ်ꩻ ခွေအီႏယူႏလꩻနဝ်ꩻသွူ။ 16မို့ꩻအေႏကို တလင်ꩻစင်ႏ မဉ်ႏပေါႏလွဉ်ချိန်ႏ ခွေထီႏဗာႏတွော့ꩻ ဟံႏတန်လောင်း သက်မွန်သတ္တဝါႏ ကားကအဝ်ႏ တွမ်ႏခွေကအွဉ်ႏဒါႏ ထာဝရပဋိညာဉ်ႏနဝ်ꩻ ခွေအီႏယူႏလꩻသွူ။ 17ယိုနဝ်ꩻ ခွေတွမ်ႏ သက်မွန်သတ္တဝါႏ ကားကအဝ်ႏအခါႏ ထွာခွေမာꩻသေꩻ ဂတိ သက်သေႏ လက္ခဏာႏနဝ်ꩻသွူ။”
နောဧတွမ်ႏဝွေꩻပိုခိုဖုံႏ
18အဝ်ႏသင်္ဘောꩻကို ကထန်ႏလွဉ်ဒါႏ နောဧပိုခိုဖုံႏနဝ်ꩻ ထွာသျေမ၊ ဟာမတွမ်ႏ ယာဖဲက်ဖုံႏသွူ။ (ဟာမနဝ်ꩻထွာ ခါနန်အဖါသွူ) 19ဝွေꩻသီးဝင်ꩻသွံနဝ်ꩻ ထွာနောဧပိုဖုံႏတဲင် ထွာလိုꩻ ဟံႏတန် တဖြုံႏလွုမ်း အဖါဖြားနဝ်ꩻသွူ။
20နောဧနဝ်ꩻ ထွာလုဲင်းလုပ်ꩻ ခြံမာꩻသားတဖြာꩻတဲင် ဝွေꩻနဝ်ꩻထွာ တဗဲစ် ဥယျာဉ်ႏခြံဆို့ꩻသား အရီးသွတ်ꩻသွူ။ 21ဝွေꩻထွိုင်ႏအွꩻ ဝုဲင်ထွူ ထွိုင်ႏမွန်ꩻလွဉ်နဝ်ꩻ ဝွေꩻဗွောင်ႏ အခွမ်ꩻလာꩻတွော့ꩻ ဗေင်ႏတလီꩻစွဉ်ႏထာꩻ ဝွေꩻသုမ်းကိုသွူ။ 22ခါနန်အဖါ ဟာမ ထွိုင်ႏထီႏ ဝွေꩻဖါ အဝ်ႏတလီꩻထာꩻနဝ်ꩻ ဝွေꩻထန်ႏလွေꩻ ကောင်းထန်ႏတဲင် ဒေါ့ꩻနယ်ဖေႏ အဝေး ဝင်ꩻနီသွူ။ 23နဝ်ꩻထွူ သျေမတွမ်ႏ ယာဖဲက် ထူႏဆဲင်ꩻတန်ယွုံးဆွာꩻ တဖွူꩻတဲင် ဝွေꩻသီးယွိုင်ႏအွဉ်ႏဒင်ႏလူး အပြေင်လောင်းသွူ။ ဝွေꩻသီး ဆွတ်တဗန်ႏချာသော့ꩻနေး သုမ်းကိုတဲင် အွဉ်ႏဒို့ꩻဖေႏ ဝွေꩻသီးဖါသွူ။ ဝွေꩻသီး ဖေႏကထီႏဗာႏမွိုန်း အဖါ အဝ်ႏတလီꩻထာꩻနဝ်ꩻ ဝွေꩻသီးခွယ်ႏတရွို့ꩻနေး မဲ့ငါသွူ။ 24နောဧ ထွိုင်ႏစွိုန်းလွဉ်ချိန်ႏ ဝွေꩻပိုခိုပေႏ မာꩻဖေႏထွူလဲဉ်းဝွေꩻ ဝွေꩻထွိုင်ႏသေနဝ်ꩻ၊ 25ဝွေꩻဒေါ့ꩻ
“ခါနန်နဝ်ꩻ ဖေႏကခံႏဗာႏသွော့ စိန်ႏတရေႏ၊
ဝွေꩻနဝ်ꩻ အီႏထွာ ဝွေꩻဝေးဖုံႏ အသွဉ်း။
26အုပ်ꩻထင်ႏသွော့ သျေမဗွေႏဘုရာꩻ ကထွာထာဝရဘုရာꩻ၊
ခါနန်နဝ်ꩻ အီႏထွာဗာႏ သျေမအသွဉ်း။
27ဗွေႏဘုရာꩻနဝ်ꩻ ယံကမာꩻတိုꩻပွါꩻ လွိုင်ႏကွိုန်ꩻအာလွဉ်ဖေႏသွော့ ယာဖဲက်
ဝွေꩻပိုလီꩻစွိုးခွိုꩻဖုံႏနဝ်ꩻ ယံဖေႏကအုံငီꩻဗာႏသွော့ သျေမလိုꩻမျိုꩻဖုံႏ၊
ခါနန်နဝ်ꩻ အီႏထွာဗာႏ ယာဖဲက်အသွဉ်း” နုဲင်းနဝ်ꩻသွူ။
28ထီထွိုင်ႏလုမ်ႏထွူ နောဧ သက်မွန် အုံဗာႏထဲင်းယင်း နေင်ႏ(၃၅၀)တဲင် 29ဝွေꩻသက်ထွိုင်ႏလꩻ နေင်ႏ(၉၅၀)နဝ်ꩻ သီထိုꩻနဝ်ꩻသွူ။
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.