ယောဟန် 1
1
အသက်ကရိုꩻဒါႏနုတ်ကပတ်တောႏငဝ်း
1အစရီးသွတ်ꩻခါကာႏ ငဝ်းတောႏ အဝ်ႏသေꩻမꩻလဲဉ်း၊ ငဝ်းတောႏနဝ်ꩻ အဝ်ႏငီꩻစွဉ်ႏ ဗွေႏဘုရာꩻတဲင် ငဝ်းတောႏနဝ်ꩻထွာဒျာႏ ဗွေႏဘုရာꩻသွူ။ 2တယ်ႏစွဉ်ႏ အစရီးသွတ်ꩻကာႏ ငဝ်းတောႏနဝ်ꩻ အဝ်ႏငီꩻစွဉ်ႏ ဗွေႏဘုရာꩻသွူ။ 3စွဉ်ႏဝွေꩻဗွေႏနဝ်ꩻ ဗွေႏဘုရာꩻမာꩻ ထာꩻကားကအဝ်ႏဖုံႏသွူ။ ကဖန်ဆင်ꩻဒါႏ ထာꩻကားကအဝ်ႏအကို အီႏလွစ်စွဉ်ႏဝွေꩻဗွေႏ ဖန်ဆန်ꩻမာꩻထွာနဝ်ꩻ တစွိုးစွိုးအဲဉ်ထဝ်းသွူ။ 4ငဝ်းတောႏကိုနဝ်ꩻ အသက်အဝ်ႏတဲင် အသက်ယိုနဝ်ꩻ အီလွဉ်ဖေႏလိုꩻဖုံႏ ထာꩻလေသွူ။ 5ထာꩻလေအရောင်ႏနဝ်ꩻ တောင်ႏသော့ꩻ ထာꩻခေ့ꩻကိုတဲင် ထာꩻခေ့ꩻနဝ်ꩻ မုဲင်ꩻခါတဲ့ တလုမ်ႏနွောင်ꩻတဝ်း ထာꩻလေသွူ။
6 #
မ ၃:၁၊ မာ ၁:၄၊ လု ၃:၁၊ ၂။ ဗွေႏဘုရာꩻ အွဉ်ႏစွꩻလွဉ် ဝွေꩻဗွေႏ သတင်ꩻဖေႏသား ပါꩻတဖြာꩻ မဉ်ꩻဟဲ့ꩻယောဟန်သွူ။ 7အအီႏလွဉ်ဒေါ့ꩻနယ်ဖေႏ လိုꩻဖုံႏ ထာꩻလေခရာႏ၊ ဖေႏနေး ကားကအဝ်ႏ ကဟွိုန်ဗာႏ သတင်ꩻနဝ်ꩻတဲင် ဖေႏကယွုမ်းနဝ်ꩻသွူ။ 8ဝွေꩻအနမ်းနဝ်ꩻထွာ ထာꩻလေ တမွေးတဝ်း။ ဝွေꩻလွဉ် ဒေါ့ꩻနယ်ဖေႏဒျာႏ ထာꩻလေခရာႏသွူ။ 9ထာꩻလေ အမွေးအမဲဉ်ႏယိုနဝ်ꩻ အဝ်ႏကျွꩻလွဉ် သော့ꩻလဲဉ်းသွူ ကမ္ဘာႏလောကကိုတဲင် အဝ်ႏ တောင်ႏဖေႏ လိုꩻဖုံႏကားကအဝ်ႏ လောင်းနဝ်ꩻသွူ။
10ငဝ်းတောႏနဝ်ꩻ အဝ်ႏသော့ꩻလဲဉ်း ကမ္ဘာႏလောကကိုတဲင် စွဉ်ႏဝွေꩻဗွေႏနဝ်ꩻ ဗွေႏဘုရာꩻမာꩻထွာ လောကစွဉ်ႏတဲ့ လောကနဝ်ꩻ တတောင်ꩻတဝ်း ဝွေꩻဗွေႏ သွူ။ 11ဝွေꩻဗွေႏကျွꩻလွဉ် ဝွေꩻဗွေႏ အခမ်းထီကိုစွဉ်ႏတဲ့ ဝွေꩻဗွေႏ အလိုꩻမျိုꩻဖုံႏနဝ်ꩻ တလက္ခံႏဆွုမ်ႏတဝ်း ဝွေꩻဗွေႏသွူ။ 12ကွဲႏတွော့ꩻ ယင်ဟန်ႏသားဖုံႏနဝ်ꩻ လက္ခံႏဆွုမ်ႏ ဝွေꩻဗွေႏတဲင် ယွုမ်းဝွေꩻဗွေႏသွူ။ နဝ်ꩻမꩻ ဖေႏကထွာလွဉ် ဗွေႏဘုရာꩻ ပိုဖုံႏနဝ်ꩻ ဝွေꩻဗွေႏဖေႏ ဝွေꩻသီးအခွင်ꩻသွူ။ 13ဝွေꩻသီး ကထွာလွဉ်ဗာႏ ဗွေႏဘုရာꩻ ပိုဖုံႏနဝ်ꩻ တွမ်ႏလိုꩻဇာႏတိဖါ တဖြာꩻ ကလွူးလွဉ်ဒါႏ ပိုတမွေးတဝ်း။ ဗွေႏဘုရာꩻနမ်းနဝ်ꩻ ထွာဝွေꩻသီးဖါနဝ်ꩻသွူ။
14ငဝ်းတောႏနဝ်ꩻ ခံႏထူႏလဲဉ်း လိုꩻဇာႏတိတဲင် အဝ်ႏဗွေတွမ်ႏ ကေꩻဇူꩻတရာꩻ၊ သစ္စာႏတရာꩻ အဝ်ႏငီꩻနီအကိုသွူ။ နီထီႏဗာႏ ဝွေꩻဗွေႏ ဘွုန်ꩻသရေႏတောႏ၊ ဝွေꩻဗွေႏ ကလက်ခံႏလꩻဒါႏ ဘွုန်ꩻသရေႏတောႏနဝ်ꩻ နုဲင်းဖါအပိုခို တဖြာꩻလွုမ်ꩻနဝ်ꩻသွူ။
15ယောဟန်နဝ်ꩻ ဒေါ့ꩻဒျာႏ ဝွေꩻဗွေႏခရာႏသွူ။ ဝွေꩻခြောဝ်သန်၊ “ယိုနဝ်ꩻထွာ ဗွေႏအပါꩻ ခွေကအဝ်ႏဒေါ့ꩻဒါႏ အခရာႏသွူ၊ ‘ဝွေꩻဗွေႏကျွꩻလွဉ် ခွေဆꩻချာစွဥ်ႏတဲ့ ဝွေꩻဗွေႏနဝ်ꩻ တန်မျတ်ကယ်ꩻကခွေ၊ ပွိုးတွော့ꩻ ခလားခွေ ကလွူးလွဉ်ခါကာႏနဝ်ꩻ ဝွေꩻဗွေႏအဝ်ႏလဲဉ်း’” နုဲင်းနဝ်ꩻသွူ။
16ကဗွေစွုံႏလင်ႏငါႏ ဝွေꩻဗွေႏ ကေꩻဇူꩻတောႏနဝ်ꩻ ဝွေꩻဗွေႏဖေႏနီ ကားကအဝ်ႏ မင်္ဂလာႏ၊ မင်္ဂလာꩻတစွိုးထွူ အလင်တစွိုးသွူ။ 17တွမ်ႏမောသျေတရန်းနဝ်ꩻ ဗွေႏဘုရာꩻဖေႏ ပညတ်ကျမ်ꩻ၊ ကွဲႏတွော့ꩻ ကေꩻဇူꩻတောႏစွဉ်ႏ သစ္စာႏတရာꩻနဝ်ꩻ အဝ်ႏ ဗွေႏယေသျု ခရစ်တောႏထျꩻတရန်း လွဉ်ဒျာႏသွူ။ 18ပါꩻမုဲင်ꩻတဖြာꩻတဲ့ တထီႏ ဗာႏဖိုတဝ်း ဗွေႏဘုရာꩻသွူ။ ကဗွိုန်နုဲင်းဒါႏ ဗွေႏဘုရာꩻတွော့ꩻ ကအဝ်ႏဒါႏ ဖါတောႏထျꩻ ပိုခိုရင်ꩻ တပါꩻလွုမ်ꩻ၊ ဝွေꩻဗွေႏနဝ်ꩻ မာꩻသေငါꩻဖေႏ ဖါတောႏသွူ။
ဗတ္တိဇံႏဆရာႏယောဟန်တရာꩻဟော်ꩻချက်
(မတဲ ၃:၁–၁၂။ မာကု ၁:၁–၈။ လုကာ ၃:၁–၁၈)
19ဂျူးအာႏဏာႏပဲင်ႏသားဖုံႏ ကအဝ်ႏဒါႏ ဝေင်ꩻယေရုသလမ်ႏကိုနဝ်ꩻ အွဉ်ႏစွꩻလွေꩻ ယဇ်ပရောဟိတ် ယင်ဟန်ႏတွမ်ႏ လေဝိစွိုးခွိုꩻဖုံႏ ယောဟန်ထျꩻတဲင် ဖေႏကရီဝွေꩻ၊ “နာꩻနဝ်ꩻ ထွာပါꩻမုဲင်ꩻဟောင်း” နုဲင်းနဝ်ꩻသွူ။
20ကအီႏဖြေႏချာနဝ်ꩻ ယောဟန် တပယ်ႏထိုꩻတဝ်း၊ ကွဲႏတွော့ꩻ ဒေါ့ꩻနယ်ထန်ႏ သျင်ꩻစဲင်းဖေႏတဲင်ရိုꩻ၊ “ခွေနဝ်ꩻမေသျိယ တမွေးတဝ်း” နုဲင်းနဝ်ꩻသွူ။
21 #
မိတ် ၄:၅၊
ဟော်ꩻ ၁၈:၁၅၊ ၁၈။ ဝွေꩻသီးရီ၊ “ပေါ့ꩻနုဲင်းနဝ်ꩻ နာꩻထွာ ပါꩻမုဲင်ꩻဟောင်း။ နာꩻနဝ်ꩻထွာ ဧလိယနဲ့ဟောင်း” နုဲင်းနဝ်ꩻသွူ။
ယောဟန်လဝ်းချာ၊ “မွေးတဝ်း၊ ခွေတမွေးတဝ်း” နုဲင်းနဝ်ꩻသွူ။
ဝွေꩻသီးရီ၊ “နာꩻနဝ်ꩻထွာ ပရောဖဲစ်နဲ့ဟောင်း” နုဲင်းနဝ်ꩻသွူ။
ဝွေꩻလဝ်းချာ၊ “မွေးတဝ်း” နုဲင်းနဝ်ꩻသွူ။
22ဝွေꩻသီးဒေါ့ꩻ၊ “ပေါ့ꩻနုဲင်းနဝ်ꩻနဝ်ꩻ နာꩻထွာပါꩻမုဲင်ꩻနဝ်ꩻ ဒေါ့ꩻနယ်ဖေႏသွော့နီ။ နီအဝ်ႏလိုႏ သဲင်ꩻအွဉ်ႏဒေါ့ꩻဖြေႏချာ လိုꩻကအွဉ်ႏစွꩻလွဉ် နီနဝ်ꩻသွူ။ နာꩻနမ်းနဝ်ꩻ နာꩻမဉ်ရိုꩻ ပါꩻမုဲင်ꩻဟောင်း” နုဲင်းနဝ်ꩻသွူ။
23 # ဟေသျာ ၄၀:၃ (LXX)။ ယောဟန် လဝ်းချာအီစွဉ်ႏ ပရောဖဲစ် ဟေသျာယ ကအဝ်ႏဟော်ꩻဒါႏ၊
“ပါꩻတဖြာꩻ အဝ်ႏခြောဝ်သော့ꩻဒါႏအငဝ်း ကန္တာရတခြာကိုနဝ်ꩻ ထွာခွေသွူ။
ဗွေႏဘုရာꩻ ကအီႏထောင်လွေꩻဒါႏ တဖူꩻနဝ်ꩻ မာꩻစွဉ်ႏဖေႏသွော့’” နုဲင်းနဝ်ꩻသွူ။
24ဖါရိသဲဖုံႏ ကအွဉ်ႏစွꩻလွဉ် သတင်ꩻဖေႏသားဖုံႏနဝ်ꩻ၊ 25တွိုႏနဝ်ꩻ ဝွေꩻသီးရီ ယောဟန်၊ “နာꩻနဝ်ꩻ မေသျိယတဲ့ မွေးတဝ်း၊ ဧလိယတဲ့ မွေးတဝ်း၊ ပရောဖဲစ်တဲ့ မွေးတဝ်းနဝ်ꩻ ပွိုးတမုဲင်ꩻ နာꩻဖေႏဗာႏတွိုႏ ဗတ္တိဇံႏ ထီမင်္ဂလာႏဟောင်း” နုဲင်းနဝ်ꩻသွူ။
26ယောဟန်လဝ်းချာ၊ “ခွေဖေႏဗတ္တိဇံႏ မင်္ဂလာႏစွဉ်ႏထီ၊ ကွဲႏတွော့ꩻ သီတသေတဝ်း ပါꩻတဖြာꩻနဝ်ꩻ အဝ်ႏအုံထွိုင်ႏထာꩻ သီအကိုသွူ။ 27ဝွေꩻနဝ်ꩻ အဝ်ႏကျွꩻလွဉ် ခွေဆꩻချာစွဉ်ႏတဲ့ ကအီႏစေ ဝွေꩻဗွေႏ ခင်ႏဖါႏဖြွီꩻငါတဲ့ ခွေတထွိုက်တဝ်း” နုဲင်းနဝ်ꩻသွူ။
28ထာꩻကထွာဒါႏယိုဖုံႏ ကားကအဝ်ႏနဝ်ꩻ ထွာသော့ꩻဒျာႏ ယော်ဒန် ထီခြောင်တန်ဝတ်ကွဉ်ႏ ဒုံဗေတနိကို ယောဟန် ကအဝ်ႏဖေႏဒါႏ ဗတ္တိဇံႏ ခင်ႏလမ်းနဝ်ꩻသွူ။
ဗွေႏဘုရာꩻသွိုꩻပေႏ
29ဆုဲင်ꩻတနီꩻ ယောဟန်ထီႏ ဗွေႏယေသျု အဝ်ႏကျွꩻလွဉ် ဝွေꩻထျꩻတဲင်ဒေါ့ꩻ၊ “နဝ်ꩻနဝ်ꩻထွာဒျာႏ ဗွေႏဘုရာꩻ သွိုꩻပေႏ ကအီႏထူႏညာꩻထိုꩻဖေႏဒါႏ ကမ္ဘာႏလောကသားဖုံႏ အပဲစ်သွူ။ 30ယိုနဝ်ꩻထွာဒျာႏ ဗွေႏအပါꩻ ခွေကအဝ်ႏဒေါ့ꩻဒါႏ အခရာႏ၊ ခွေကဒေါ့ꩻဒါႏ၊ ‘ပါꩻအဖြာꩻ ကအဝ်ႏကျွꩻလွဉ်ဒါႏ ခွေဆꩻချာစွဉ်ႏတဲ့ ဝွေꩻဗွေႏနဝ်ꩻ တန်မျတ်ကယ်ꩻကခွေ၊ ပွိုးတွော့ꩻ ခလား ခွေကလွူးခါကာႏနဝ်ꩻ ဝွေꩻဗွေႏအဝ်ႏလဲဉ်း’ နုဲင်းနဝ်ꩻသွူ။ 31ဝွေꩻဗွေႏထွာ ပါꩻမုဲင်ꩻနဝ်ꩻ ခွေတသေတဝ်း။ ကွဲႏတွော့ꩻ ဖေႏနေး ဣသရေး လိုꩻမျိုꩻဖုံႏ ကသေဝွေꩻဗွေႏနဝ်ꩻ ခွေလွဉ်ဖေႏဒျာႏ ဗတ္တိဇံႏမင်္ဂလာႏ တွမ်ႏထီ” နုဲင်းနဝ်ꩻသွူ။
32ယောဟန်နဝ်ꩻ ခံꩻဖေႏ သက်သေႏနုဲင်းယို၊ “ဝိညာဉ်ႏတောႏ ဗွိုန်နုဲင်းဝါးလွီးတဗာႏ အဝ်ႏခမ်းထီမို့ꩻလောင်း ကျွꩻလင်ꩻလွဉ်တဲင် ဗွို့ꩻဝွေꩻဗွေႏလောင်းနဝ်ꩻ ခွေထီႏဗာႏလဲဉ်းသွူ။ 33ဝွေꩻဗွေႏထွာ ဗွေႏအပါꩻနဝ်ꩻကျောင်ꩻ ခွေတလꩻသေတဝ်းဒွိုန်း၊ ကွဲႏတွော့ꩻ ဗွေႏဘုရာꩻ ကအွဉ်ႏစွꩻလွဉ်ခွေနဝ်ꩻ ဖေႏနေးကဖေႏ ဗတ္တိဇံႏမင်္ဂလာႏ စွဉ်ႏထီတဲင် မိန်းဖေႏခွေ၊ ‘ ဝိညာဉ်ႏတောႏ ကျွꩻလင်ꩻလွဉ်တဲင် ဗွို့ꩻပါꩻခိုနဝ်ꩻ အလောင်းနဝ်ꩻ နာꩻအီႏထီႏဗာႏ။ ဝွေꩻဗွေႏနဝ်ꩻထွာ ဗွေႏအပါꩻ ကအီႏဖေႏဗတ္တိဇံႏ မင်္ဂလာႏ စွဉ်ႏကြောင်းစင် ဝိညာဉ်ႏတောႏ ’ နုဲင်းနဝ်ꩻသွူ။ 34ယောဟန်ဒေါ့ꩻ၊ “ဝွေꩻဗွေႏနဝ်ꩻထွာ ဗွေႏဘုရာꩻ ပိုခိုကျောင်ꩻ ခွေထီႏဗာႏလဲဉ်း နဝ်ꩻမꩻ ခွေဒေါ့ꩻနယ်သီ” နုဲင်းနဝ်ꩻသွူ။
ဗွေႏယေသျုတပဲ့တောႏအရီးသွတ်ꩻဖုံႏ
35ဆုဲင်ꩻတနီꩻ ယောဟန်စွဉ်ႏ ဝွေꩻတပဲ့ဝင်ꩻနီꩻ အဝ်ႏအုံထွိုင်ႏဖျင်ယင်း နဝ်ꩻကိုသွူ။ 36ဝွေꩻထွိုင်ႏထီႏ ဗွေႏယေသျု အဝ်ႏထောင်လွေꩻထာꩻချိန်ႏနဝ်ꩻ ဝွေꩻဒေါ့ꩻ “နဝ်ꩻနဝ်ꩻထွာ ဗွေႏဘုရာꩻ သွိုꩻပေႏ” နုဲင်းနဝ်ꩻသွူ။
37ဝွေꩻကရိုꩻနုဲင်းယို အတပဲ့ဝင်ꩻနီ ထွိုင်ႏဟွိုန်နဝ်ꩻ လွေꩻငီꩻစွဉ်ႏ ဗွေႏယေသျုသွူ။ 38ဗွေႏယေသျု ခွယ်ႏချာ ထွိုင်ႏထီႏဝွေꩻသီး အဝ်ႏလွေꩻလွဉ်ꩻ ဝွေꩻဗွေႏဆꩻချာတဲင်ရီ၊ “သီထုမ်ႏထွားတမုဲင်ꩻဟောင်း” နုဲင်းနဝ်ꩻသွူ။
ဝွေꩻသီးလဝ်းချာ။ “ရဗ္ဗိ၊ နီဗွေႏအုံမုဲင်ꩻကိုဟောင်း” နုဲင်းနဝ်ꩻသွူ။ (ရဗ္ဗိငဝ်းယို အဓိပ္ပါယ်ႏနဝ်ꩻ “ဆရာႏ”နဝ်ꩻသွူ။)
39ဝွေꩻဗွေႏလဝ်းချာ၊ “လွဉ်တဲင် ထွားဟုဲင်း” နုဲင်းနဝ်ꩻသွူ။ (အချိန်ႏနဝ်ꩻထွာ မွူးဟာလင်ꩻ လစ်ꩻနားရီႏရပ်သွူ။) နဝ်ꩻမꩻ ဝွေꩻသီးလွေꩻငီꩻစွဉ်ႏ ဝွေꩻဗွေႏတဲင် ထီႏစွဉ်ႏဝွေꩻဗွေႏ အုံခင်ႏလမ်းနဝ်ꩻမꩻ အနီꩻနဝ်ꩻနဝ်ꩻ အဝ်ႏငီꩻစွဉ်ႏ ဝွေꩻဗွေႏနဝ်ꩻသွူ။
40ဝွေꩻသီးကို တဖြာꩻနဝ်ꩻထွာ သိမုန်ဖူးခို အန္ဒြေသွူ။ 41ဝွေꩻမော့ꩻ ဝွေꩻဝေးခို သိမုန်တဲင် တလဲင်ႏချင်ꩻ ဒေါ့ꩻနယ်ဝွေꩻ၊ “နီမော့ꩻလဲဉ်း မေသျိယ။” (ငဝ်းယိုအဓိပ္ပါယ်ႏနဝ်ꩻ “ဗွေႏခရစ်တောႏ” နုဲင်းနဝ်ꩻသွူ။) 42နဝ်ꩻထွူ ဝွေꩻဟဲ့ꩻလွေꩻစွဉ်ႏ သိမုန် ဗွေႏယေသျုထျꩻနဝ်ꩻသွူ။
ဗွေႏယေသျု ထွားဝွေꩻတဲင်ဒေါ့ꩻ၊ “နာꩻမဉ်ꩻနဝ်ꩻထွာ ယောဟန်ပိုခို သိမုန်။ ကွဲႏတွော့ꩻ နာꩻမဉ်ꩻနဝ်ꩻ အီႏဟဲ့ꩻဗာႏဒျာႏ ကေဖ” နုဲင်းနဝ်ꩻသွူ။ (အမဉ်ꩻယိုနဝ်ꩻ ဗွိုန်နုဲင်း ပေတရုတဲင် အဓိပ္ပါယ်ႏနဝ်ꩻ၊ “လုံးတူႏတန်တဖြုံႏ” နုဲင်းနဝ်ꩻသွူ။)
ဗွေႏယေသျုဟဲ့ꩻဖိလိပ္ပုတွမ်ႏနာတနေလ
43ဆုဲင်ꩻတနီꩻ ဗွေႏယေသျု အီႏလွေꩻ ကာလိလဲခမ်းနဝ်ꩻ ဆွုံꩻဖျတ်နဝ်ꩻသွူ။ ဝွေꩻဗွေႏမော့ꩻ ဖိလိပ္ပုတဲင် ဒေါ့ꩻဖေႏဝွေꩻ၊ “လွဉ်လွဉ်ꩻခွေဟုဲင်း” နုဲင်းနဝ်ꩻသွူ။ (44ဖိလိပ္ပုနဝ်ꩻထွာ လိုꩻဝေင်ꩻဗဲက်သဲဒ၊ ဝေင်ꩻနဝ်ꩻနဝ်ꩻ အန္ဒြေတွမ်ႏ ပေတရု အဝ်ႏအုံသော့ꩻသွူ။) 45ဖိလိပ္ပုနဝ်ꩻမော့ꩻ နာတနေလတဲင် ဒေါ့ꩻဖေႏဝွေꩻ၊ “နုဲင်းမောသျေ ကတဲမ်းသေꩻခါꩻဒါႏ ပညတ်ကျမ်ꩻကိုတွမ်ႏ ပရောဖဲစ်ဖုံႏတဲ့ ကအဝ်ႏတဲမ်းခါꩻဒါႏ ပါꩻတဖြာꩻ အခရာႏနဝ်ꩻ နီမော့ꩻလဲဉ်း။ ဝွေꩻနဝ်ꩻအဝ်ႏ ဝေင်ꩻနာဇရဲစ် ထွာယောသပ်ပိုခို ဗွေႏယေသျု” နုဲင်းနဝ်ꩻသွူ။
46နာတနေလရီ၊ “အဝ်ႏဝေင်ꩻနာဇရဲစ်နဝ်ꩻ ထာꩻဟဝ်မျတ် ထန်ႏနွောင်ꩻနေ တစွိုးတမျိုꩻဟောင်း” နုဲင်းနဝ်ꩻသွူ။
ဖိလိပ္ပုလဝ်းချာ၊ “လွဉ်တွော့ꩻ ထွားဟုဲင်း” နုဲင်းနဝ်ꩻသွူ။
47ဗွေႏယေသျု ထွိုင်ႏထီႏ နာတနေလ အဝ်ႏလွဉ် ဝွေꩻဗွေႏထျꩻချိန်ႏ၊ ဝွေꩻဗွေႏဒေါ့ꩻ ဝွေꩻခရာႏ၊ “ယိုနဝ်ꩻထွာ ဣသရေး စဲစ်စဲစ်တဖြာꩻ၊ ဝွေꩻအကိုနဝ်ꩻ ထာꩻမာႏ တစိꩻစိꩻအဲဉ်ထဝ်း” နုဲင်းနဝ်ꩻသွူ။
48နာတနေလ ရီဝွေꩻဗွေႏ၊ “နီဗွေႏမွော့ꩻသေတွိုႏ ခွေခရာႏ နုဲင်းမုဲင်ꩻဟောင်း” နုဲင်းနဝ်ꩻသွူ။
ဗွေႏယေသျုလဝ်းချာ၊ “ခလားဖိလိပ္ပု ကဟဲ့ꩻနာꩻခါကာႏ နာꩻအဝ်ႏဖက်ꩻဒွိုႏဆꩻမွူး ဆꩻလချိန်ႏနဝ်ꩻ ခွေအဝ်ႏထီႏလဲဉ်းနာꩻ” နုဲင်းနဝ်ꩻသွူ။
49နာတနေလ လဝ်းချာ၊ “ဆရာႏ၊ နီဗွေႏနဝ်ꩻထွာ ဗွေႏဘုရာꩻ ပိုခိုတောႏ။ နီဗွေႏနဝ်ꩻထွာ ဣသရေး လိုꩻမျိုꩻခွန်တန်” နုဲင်းနဝ်ꩻသွူ။
50ဗွေႏယေသျုဒေါ့ꩻ၊ “နာꩻအဝ်ႏဖက်ꩻဒွိုႏဆꩻမွူး ဆꩻလခါကာႏ ခွေထီႏဗာႏလဲဉ်း ကွပ်ပွိုး ခွေဒေါ့ꩻဖေႏနာꩻ နုဲင်းနဝ်ꩻတွော့ꩻ နာꩻယွုမ်းနဲ့ဟောင်း။ ထာꩻတန်မျတ် ကယ်ꩻကယိုနဝ်ꩻ နာꩻအီႏထီႏဗာႏ” နုဲင်းနဝ်ꩻသွူ။ 51#ကမ္ဘာႏ ၂၈:၁၂။ နဝ်ꩻမꩻ ဝွေꩻဗွေႏဒေါ့ꩻဖေႏ ဝွေꩻသီး၊ “ခွေဒေါ့ꩻဖေႏသီ အမွေးအမဲဉ်ႏ။ ခမ်းထီမို့ꩻလောင်း ဗွောင်တွော့ꩻ ဗွေႏဘုရာꩻ မို့ꩻလောင်းတမန်ႏဖုံႏ အဝ်ႏထင်ႏကီ လင်ꩻလထာꩻ လိုꩻပိုခိုဆꩻကီနဝ်ꩻ သီအီႏထီႏဗာႏ” နုဲင်းနဝ်ꩻသွူ။
ទើបបានជ្រើសរើសហើយ៖
ယောဟန် 1: PBCL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.
ယောဟန် 1
1
အသက်ကရိုꩻဒါႏနုတ်ကပတ်တောႏငဝ်း
1အစရီးသွတ်ꩻခါကာႏ ငဝ်းတောႏ အဝ်ႏသေꩻမꩻလဲဉ်း၊ ငဝ်းတောႏနဝ်ꩻ အဝ်ႏငီꩻစွဉ်ႏ ဗွေႏဘုရာꩻတဲင် ငဝ်းတောႏနဝ်ꩻထွာဒျာႏ ဗွေႏဘုရာꩻသွူ။ 2တယ်ႏစွဉ်ႏ အစရီးသွတ်ꩻကာႏ ငဝ်းတောႏနဝ်ꩻ အဝ်ႏငီꩻစွဉ်ႏ ဗွေႏဘုရာꩻသွူ။ 3စွဉ်ႏဝွေꩻဗွေႏနဝ်ꩻ ဗွေႏဘုရာꩻမာꩻ ထာꩻကားကအဝ်ႏဖုံႏသွူ။ ကဖန်ဆင်ꩻဒါႏ ထာꩻကားကအဝ်ႏအကို အီႏလွစ်စွဉ်ႏဝွေꩻဗွေႏ ဖန်ဆန်ꩻမာꩻထွာနဝ်ꩻ တစွိုးစွိုးအဲဉ်ထဝ်းသွူ။ 4ငဝ်းတောႏကိုနဝ်ꩻ အသက်အဝ်ႏတဲင် အသက်ယိုနဝ်ꩻ အီလွဉ်ဖေႏလိုꩻဖုံႏ ထာꩻလေသွူ။ 5ထာꩻလေအရောင်ႏနဝ်ꩻ တောင်ႏသော့ꩻ ထာꩻခေ့ꩻကိုတဲင် ထာꩻခေ့ꩻနဝ်ꩻ မုဲင်ꩻခါတဲ့ တလုမ်ႏနွောင်ꩻတဝ်း ထာꩻလေသွူ။
6 #
မ ၃:၁၊ မာ ၁:၄၊ လု ၃:၁၊ ၂။ ဗွေႏဘုရာꩻ အွဉ်ႏစွꩻလွဉ် ဝွေꩻဗွေႏ သတင်ꩻဖေႏသား ပါꩻတဖြာꩻ မဉ်ꩻဟဲ့ꩻယောဟန်သွူ။ 7အအီႏလွဉ်ဒေါ့ꩻနယ်ဖေႏ လိုꩻဖုံႏ ထာꩻလေခရာႏ၊ ဖေႏနေး ကားကအဝ်ႏ ကဟွိုန်ဗာႏ သတင်ꩻနဝ်ꩻတဲင် ဖေႏကယွုမ်းနဝ်ꩻသွူ။ 8ဝွေꩻအနမ်းနဝ်ꩻထွာ ထာꩻလေ တမွေးတဝ်း။ ဝွေꩻလွဉ် ဒေါ့ꩻနယ်ဖေႏဒျာႏ ထာꩻလေခရာႏသွူ။ 9ထာꩻလေ အမွေးအမဲဉ်ႏယိုနဝ်ꩻ အဝ်ႏကျွꩻလွဉ် သော့ꩻလဲဉ်းသွူ ကမ္ဘာႏလောကကိုတဲင် အဝ်ႏ တောင်ႏဖေႏ လိုꩻဖုံႏကားကအဝ်ႏ လောင်းနဝ်ꩻသွူ။
10ငဝ်းတောႏနဝ်ꩻ အဝ်ႏသော့ꩻလဲဉ်း ကမ္ဘာႏလောကကိုတဲင် စွဉ်ႏဝွေꩻဗွေႏနဝ်ꩻ ဗွေႏဘုရာꩻမာꩻထွာ လောကစွဉ်ႏတဲ့ လောကနဝ်ꩻ တတောင်ꩻတဝ်း ဝွေꩻဗွေႏ သွူ။ 11ဝွေꩻဗွေႏကျွꩻလွဉ် ဝွေꩻဗွေႏ အခမ်းထီကိုစွဉ်ႏတဲ့ ဝွေꩻဗွေႏ အလိုꩻမျိုꩻဖုံႏနဝ်ꩻ တလက္ခံႏဆွုမ်ႏတဝ်း ဝွေꩻဗွေႏသွူ။ 12ကွဲႏတွော့ꩻ ယင်ဟန်ႏသားဖုံႏနဝ်ꩻ လက္ခံႏဆွုမ်ႏ ဝွေꩻဗွေႏတဲင် ယွုမ်းဝွေꩻဗွေႏသွူ။ နဝ်ꩻမꩻ ဖေႏကထွာလွဉ် ဗွေႏဘုရာꩻ ပိုဖုံႏနဝ်ꩻ ဝွေꩻဗွေႏဖေႏ ဝွေꩻသီးအခွင်ꩻသွူ။ 13ဝွေꩻသီး ကထွာလွဉ်ဗာႏ ဗွေႏဘုရာꩻ ပိုဖုံႏနဝ်ꩻ တွမ်ႏလိုꩻဇာႏတိဖါ တဖြာꩻ ကလွူးလွဉ်ဒါႏ ပိုတမွေးတဝ်း။ ဗွေႏဘုရာꩻနမ်းနဝ်ꩻ ထွာဝွေꩻသီးဖါနဝ်ꩻသွူ။
14ငဝ်းတောႏနဝ်ꩻ ခံႏထူႏလဲဉ်း လိုꩻဇာႏတိတဲင် အဝ်ႏဗွေတွမ်ႏ ကေꩻဇူꩻတရာꩻ၊ သစ္စာႏတရာꩻ အဝ်ႏငီꩻနီအကိုသွူ။ နီထီႏဗာႏ ဝွေꩻဗွေႏ ဘွုန်ꩻသရေႏတောႏ၊ ဝွေꩻဗွေႏ ကလက်ခံႏလꩻဒါႏ ဘွုန်ꩻသရေႏတောႏနဝ်ꩻ နုဲင်းဖါအပိုခို တဖြာꩻလွုမ်ꩻနဝ်ꩻသွူ။
15ယောဟန်နဝ်ꩻ ဒေါ့ꩻဒျာႏ ဝွေꩻဗွေႏခရာႏသွူ။ ဝွေꩻခြောဝ်သန်၊ “ယိုနဝ်ꩻထွာ ဗွေႏအပါꩻ ခွေကအဝ်ႏဒေါ့ꩻဒါႏ အခရာႏသွူ၊ ‘ဝွေꩻဗွေႏကျွꩻလွဉ် ခွေဆꩻချာစွဥ်ႏတဲ့ ဝွေꩻဗွေႏနဝ်ꩻ တန်မျတ်ကယ်ꩻကခွေ၊ ပွိုးတွော့ꩻ ခလားခွေ ကလွူးလွဉ်ခါကာႏနဝ်ꩻ ဝွေꩻဗွေႏအဝ်ႏလဲဉ်း’” နုဲင်းနဝ်ꩻသွူ။
16ကဗွေစွုံႏလင်ႏငါႏ ဝွေꩻဗွေႏ ကေꩻဇူꩻတောႏနဝ်ꩻ ဝွေꩻဗွေႏဖေႏနီ ကားကအဝ်ႏ မင်္ဂလာႏ၊ မင်္ဂလာꩻတစွိုးထွူ အလင်တစွိုးသွူ။ 17တွမ်ႏမောသျေတရန်းနဝ်ꩻ ဗွေႏဘုရာꩻဖေႏ ပညတ်ကျမ်ꩻ၊ ကွဲႏတွော့ꩻ ကေꩻဇူꩻတောႏစွဉ်ႏ သစ္စာႏတရာꩻနဝ်ꩻ အဝ်ႏ ဗွေႏယေသျု ခရစ်တောႏထျꩻတရန်း လွဉ်ဒျာႏသွူ။ 18ပါꩻမုဲင်ꩻတဖြာꩻတဲ့ တထီႏ ဗာႏဖိုတဝ်း ဗွေႏဘုရာꩻသွူ။ ကဗွိုန်နုဲင်းဒါႏ ဗွေႏဘုရာꩻတွော့ꩻ ကအဝ်ႏဒါႏ ဖါတောႏထျꩻ ပိုခိုရင်ꩻ တပါꩻလွုမ်ꩻ၊ ဝွေꩻဗွေႏနဝ်ꩻ မာꩻသေငါꩻဖေႏ ဖါတောႏသွူ။
ဗတ္တိဇံႏဆရာႏယောဟန်တရာꩻဟော်ꩻချက်
(မတဲ ၃:၁–၁၂။ မာကု ၁:၁–၈။ လုကာ ၃:၁–၁၈)
19ဂျူးအာႏဏာႏပဲင်ႏသားဖုံႏ ကအဝ်ႏဒါႏ ဝေင်ꩻယေရုသလမ်ႏကိုနဝ်ꩻ အွဉ်ႏစွꩻလွေꩻ ယဇ်ပရောဟိတ် ယင်ဟန်ႏတွမ်ႏ လေဝိစွိုးခွိုꩻဖုံႏ ယောဟန်ထျꩻတဲင် ဖေႏကရီဝွေꩻ၊ “နာꩻနဝ်ꩻ ထွာပါꩻမုဲင်ꩻဟောင်း” နုဲင်းနဝ်ꩻသွူ။
20ကအီႏဖြေႏချာနဝ်ꩻ ယောဟန် တပယ်ႏထိုꩻတဝ်း၊ ကွဲႏတွော့ꩻ ဒေါ့ꩻနယ်ထန်ႏ သျင်ꩻစဲင်းဖေႏတဲင်ရိုꩻ၊ “ခွေနဝ်ꩻမေသျိယ တမွေးတဝ်း” နုဲင်းနဝ်ꩻသွူ။
21 #
မိတ် ၄:၅၊
ဟော်ꩻ ၁၈:၁၅၊ ၁၈။ ဝွေꩻသီးရီ၊ “ပေါ့ꩻနုဲင်းနဝ်ꩻ နာꩻထွာ ပါꩻမုဲင်ꩻဟောင်း။ နာꩻနဝ်ꩻထွာ ဧလိယနဲ့ဟောင်း” နုဲင်းနဝ်ꩻသွူ။
ယောဟန်လဝ်းချာ၊ “မွေးတဝ်း၊ ခွေတမွေးတဝ်း” နုဲင်းနဝ်ꩻသွူ။
ဝွေꩻသီးရီ၊ “နာꩻနဝ်ꩻထွာ ပရောဖဲစ်နဲ့ဟောင်း” နုဲင်းနဝ်ꩻသွူ။
ဝွေꩻလဝ်းချာ၊ “မွေးတဝ်း” နုဲင်းနဝ်ꩻသွူ။
22ဝွေꩻသီးဒေါ့ꩻ၊ “ပေါ့ꩻနုဲင်းနဝ်ꩻနဝ်ꩻ နာꩻထွာပါꩻမုဲင်ꩻနဝ်ꩻ ဒေါ့ꩻနယ်ဖေႏသွော့နီ။ နီအဝ်ႏလိုႏ သဲင်ꩻအွဉ်ႏဒေါ့ꩻဖြေႏချာ လိုꩻကအွဉ်ႏစွꩻလွဉ် နီနဝ်ꩻသွူ။ နာꩻနမ်းနဝ်ꩻ နာꩻမဉ်ရိုꩻ ပါꩻမုဲင်ꩻဟောင်း” နုဲင်းနဝ်ꩻသွူ။
23 # ဟေသျာ ၄၀:၃ (LXX)။ ယောဟန် လဝ်းချာအီစွဉ်ႏ ပရောဖဲစ် ဟေသျာယ ကအဝ်ႏဟော်ꩻဒါႏ၊
“ပါꩻတဖြာꩻ အဝ်ႏခြောဝ်သော့ꩻဒါႏအငဝ်း ကန္တာရတခြာကိုနဝ်ꩻ ထွာခွေသွူ။
ဗွေႏဘုရာꩻ ကအီႏထောင်လွေꩻဒါႏ တဖူꩻနဝ်ꩻ မာꩻစွဉ်ႏဖေႏသွော့’” နုဲင်းနဝ်ꩻသွူ။
24ဖါရိသဲဖုံႏ ကအွဉ်ႏစွꩻလွဉ် သတင်ꩻဖေႏသားဖုံႏနဝ်ꩻ၊ 25တွိုႏနဝ်ꩻ ဝွေꩻသီးရီ ယောဟန်၊ “နာꩻနဝ်ꩻ မေသျိယတဲ့ မွေးတဝ်း၊ ဧလိယတဲ့ မွေးတဝ်း၊ ပရောဖဲစ်တဲ့ မွေးတဝ်းနဝ်ꩻ ပွိုးတမုဲင်ꩻ နာꩻဖေႏဗာႏတွိုႏ ဗတ္တိဇံႏ ထီမင်္ဂလာႏဟောင်း” နုဲင်းနဝ်ꩻသွူ။
26ယောဟန်လဝ်းချာ၊ “ခွေဖေႏဗတ္တိဇံႏ မင်္ဂလာႏစွဉ်ႏထီ၊ ကွဲႏတွော့ꩻ သီတသေတဝ်း ပါꩻတဖြာꩻနဝ်ꩻ အဝ်ႏအုံထွိုင်ႏထာꩻ သီအကိုသွူ။ 27ဝွေꩻနဝ်ꩻ အဝ်ႏကျွꩻလွဉ် ခွေဆꩻချာစွဉ်ႏတဲ့ ကအီႏစေ ဝွေꩻဗွေႏ ခင်ႏဖါႏဖြွီꩻငါတဲ့ ခွေတထွိုက်တဝ်း” နုဲင်းနဝ်ꩻသွူ။
28ထာꩻကထွာဒါႏယိုဖုံႏ ကားကအဝ်ႏနဝ်ꩻ ထွာသော့ꩻဒျာႏ ယော်ဒန် ထီခြောင်တန်ဝတ်ကွဉ်ႏ ဒုံဗေတနိကို ယောဟန် ကအဝ်ႏဖေႏဒါႏ ဗတ္တိဇံႏ ခင်ႏလမ်းနဝ်ꩻသွူ။
ဗွေႏဘုရာꩻသွိုꩻပေႏ
29ဆုဲင်ꩻတနီꩻ ယောဟန်ထီႏ ဗွေႏယေသျု အဝ်ႏကျွꩻလွဉ် ဝွေꩻထျꩻတဲင်ဒေါ့ꩻ၊ “နဝ်ꩻနဝ်ꩻထွာဒျာႏ ဗွေႏဘုရာꩻ သွိုꩻပေႏ ကအီႏထူႏညာꩻထိုꩻဖေႏဒါႏ ကမ္ဘာႏလောကသားဖုံႏ အပဲစ်သွူ။ 30ယိုနဝ်ꩻထွာဒျာႏ ဗွေႏအပါꩻ ခွေကအဝ်ႏဒေါ့ꩻဒါႏ အခရာႏ၊ ခွေကဒေါ့ꩻဒါႏ၊ ‘ပါꩻအဖြာꩻ ကအဝ်ႏကျွꩻလွဉ်ဒါႏ ခွေဆꩻချာစွဉ်ႏတဲ့ ဝွေꩻဗွေႏနဝ်ꩻ တန်မျတ်ကယ်ꩻကခွေ၊ ပွိုးတွော့ꩻ ခလား ခွေကလွူးခါကာႏနဝ်ꩻ ဝွေꩻဗွေႏအဝ်ႏလဲဉ်း’ နုဲင်းနဝ်ꩻသွူ။ 31ဝွေꩻဗွေႏထွာ ပါꩻမုဲင်ꩻနဝ်ꩻ ခွေတသေတဝ်း။ ကွဲႏတွော့ꩻ ဖေႏနေး ဣသရေး လိုꩻမျိုꩻဖုံႏ ကသေဝွေꩻဗွေႏနဝ်ꩻ ခွေလွဉ်ဖေႏဒျာႏ ဗတ္တိဇံႏမင်္ဂလာႏ တွမ်ႏထီ” နုဲင်းနဝ်ꩻသွူ။
32ယောဟန်နဝ်ꩻ ခံꩻဖေႏ သက်သေႏနုဲင်းယို၊ “ဝိညာဉ်ႏတောႏ ဗွိုန်နုဲင်းဝါးလွီးတဗာႏ အဝ်ႏခမ်းထီမို့ꩻလောင်း ကျွꩻလင်ꩻလွဉ်တဲင် ဗွို့ꩻဝွေꩻဗွေႏလောင်းနဝ်ꩻ ခွေထီႏဗာႏလဲဉ်းသွူ။ 33ဝွေꩻဗွေႏထွာ ဗွေႏအပါꩻနဝ်ꩻကျောင်ꩻ ခွေတလꩻသေတဝ်းဒွိုန်း၊ ကွဲႏတွော့ꩻ ဗွေႏဘုရာꩻ ကအွဉ်ႏစွꩻလွဉ်ခွေနဝ်ꩻ ဖေႏနေးကဖေႏ ဗတ္တိဇံႏမင်္ဂလာႏ စွဉ်ႏထီတဲင် မိန်းဖေႏခွေ၊ ‘ ဝိညာဉ်ႏတောႏ ကျွꩻလင်ꩻလွဉ်တဲင် ဗွို့ꩻပါꩻခိုနဝ်ꩻ အလောင်းနဝ်ꩻ နာꩻအီႏထီႏဗာႏ။ ဝွေꩻဗွေႏနဝ်ꩻထွာ ဗွေႏအပါꩻ ကအီႏဖေႏဗတ္တိဇံႏ မင်္ဂလာႏ စွဉ်ႏကြောင်းစင် ဝိညာဉ်ႏတောႏ ’ နုဲင်းနဝ်ꩻသွူ။ 34ယောဟန်ဒေါ့ꩻ၊ “ဝွေꩻဗွေႏနဝ်ꩻထွာ ဗွေႏဘုရာꩻ ပိုခိုကျောင်ꩻ ခွေထီႏဗာႏလဲဉ်း နဝ်ꩻမꩻ ခွေဒေါ့ꩻနယ်သီ” နုဲင်းနဝ်ꩻသွူ။
ဗွေႏယေသျုတပဲ့တောႏအရီးသွတ်ꩻဖုံႏ
35ဆုဲင်ꩻတနီꩻ ယောဟန်စွဉ်ႏ ဝွေꩻတပဲ့ဝင်ꩻနီꩻ အဝ်ႏအုံထွိုင်ႏဖျင်ယင်း နဝ်ꩻကိုသွူ။ 36ဝွေꩻထွိုင်ႏထီႏ ဗွေႏယေသျု အဝ်ႏထောင်လွေꩻထာꩻချိန်ႏနဝ်ꩻ ဝွေꩻဒေါ့ꩻ “နဝ်ꩻနဝ်ꩻထွာ ဗွေႏဘုရာꩻ သွိုꩻပေႏ” နုဲင်းနဝ်ꩻသွူ။
37ဝွေꩻကရိုꩻနုဲင်းယို အတပဲ့ဝင်ꩻနီ ထွိုင်ႏဟွိုန်နဝ်ꩻ လွေꩻငီꩻစွဉ်ႏ ဗွေႏယေသျုသွူ။ 38ဗွေႏယေသျု ခွယ်ႏချာ ထွိုင်ႏထီႏဝွေꩻသီး အဝ်ႏလွေꩻလွဉ်ꩻ ဝွေꩻဗွေႏဆꩻချာတဲင်ရီ၊ “သီထုမ်ႏထွားတမုဲင်ꩻဟောင်း” နုဲင်းနဝ်ꩻသွူ။
ဝွေꩻသီးလဝ်းချာ။ “ရဗ္ဗိ၊ နီဗွေႏအုံမုဲင်ꩻကိုဟောင်း” နုဲင်းနဝ်ꩻသွူ။ (ရဗ္ဗိငဝ်းယို အဓိပ္ပါယ်ႏနဝ်ꩻ “ဆရာႏ”နဝ်ꩻသွူ။)
39ဝွေꩻဗွေႏလဝ်းချာ၊ “လွဉ်တဲင် ထွားဟုဲင်း” နုဲင်းနဝ်ꩻသွူ။ (အချိန်ႏနဝ်ꩻထွာ မွူးဟာလင်ꩻ လစ်ꩻနားရီႏရပ်သွူ။) နဝ်ꩻမꩻ ဝွေꩻသီးလွေꩻငီꩻစွဉ်ႏ ဝွေꩻဗွေႏတဲင် ထီႏစွဉ်ႏဝွေꩻဗွေႏ အုံခင်ႏလမ်းနဝ်ꩻမꩻ အနီꩻနဝ်ꩻနဝ်ꩻ အဝ်ႏငီꩻစွဉ်ႏ ဝွေꩻဗွေႏနဝ်ꩻသွူ။
40ဝွေꩻသီးကို တဖြာꩻနဝ်ꩻထွာ သိမုန်ဖူးခို အန္ဒြေသွူ။ 41ဝွေꩻမော့ꩻ ဝွေꩻဝေးခို သိမုန်တဲင် တလဲင်ႏချင်ꩻ ဒေါ့ꩻနယ်ဝွေꩻ၊ “နီမော့ꩻလဲဉ်း မေသျိယ။” (ငဝ်းယိုအဓိပ္ပါယ်ႏနဝ်ꩻ “ဗွေႏခရစ်တောႏ” နုဲင်းနဝ်ꩻသွူ။) 42နဝ်ꩻထွူ ဝွေꩻဟဲ့ꩻလွေꩻစွဉ်ႏ သိမုန် ဗွေႏယေသျုထျꩻနဝ်ꩻသွူ။
ဗွေႏယေသျု ထွားဝွေꩻတဲင်ဒေါ့ꩻ၊ “နာꩻမဉ်ꩻနဝ်ꩻထွာ ယောဟန်ပိုခို သိမုန်။ ကွဲႏတွော့ꩻ နာꩻမဉ်ꩻနဝ်ꩻ အီႏဟဲ့ꩻဗာႏဒျာႏ ကေဖ” နုဲင်းနဝ်ꩻသွူ။ (အမဉ်ꩻယိုနဝ်ꩻ ဗွိုန်နုဲင်း ပေတရုတဲင် အဓိပ္ပါယ်ႏနဝ်ꩻ၊ “လုံးတူႏတန်တဖြုံႏ” နုဲင်းနဝ်ꩻသွူ။)
ဗွေႏယေသျုဟဲ့ꩻဖိလိပ္ပုတွမ်ႏနာတနေလ
43ဆုဲင်ꩻတနီꩻ ဗွေႏယေသျု အီႏလွေꩻ ကာလိလဲခမ်းနဝ်ꩻ ဆွုံꩻဖျတ်နဝ်ꩻသွူ။ ဝွေꩻဗွေႏမော့ꩻ ဖိလိပ္ပုတဲင် ဒေါ့ꩻဖေႏဝွေꩻ၊ “လွဉ်လွဉ်ꩻခွေဟုဲင်း” နုဲင်းနဝ်ꩻသွူ။ (44ဖိလိပ္ပုနဝ်ꩻထွာ လိုꩻဝေင်ꩻဗဲက်သဲဒ၊ ဝေင်ꩻနဝ်ꩻနဝ်ꩻ အန္ဒြေတွမ်ႏ ပေတရု အဝ်ႏအုံသော့ꩻသွူ။) 45ဖိလိပ္ပုနဝ်ꩻမော့ꩻ နာတနေလတဲင် ဒေါ့ꩻဖေႏဝွေꩻ၊ “နုဲင်းမောသျေ ကတဲမ်းသေꩻခါꩻဒါႏ ပညတ်ကျမ်ꩻကိုတွမ်ႏ ပရောဖဲစ်ဖုံႏတဲ့ ကအဝ်ႏတဲမ်းခါꩻဒါႏ ပါꩻတဖြာꩻ အခရာႏနဝ်ꩻ နီမော့ꩻလဲဉ်း။ ဝွေꩻနဝ်ꩻအဝ်ႏ ဝေင်ꩻနာဇရဲစ် ထွာယောသပ်ပိုခို ဗွေႏယေသျု” နုဲင်းနဝ်ꩻသွူ။
46နာတနေလရီ၊ “အဝ်ႏဝေင်ꩻနာဇရဲစ်နဝ်ꩻ ထာꩻဟဝ်မျတ် ထန်ႏနွောင်ꩻနေ တစွိုးတမျိုꩻဟောင်း” နုဲင်းနဝ်ꩻသွူ။
ဖိလိပ္ပုလဝ်းချာ၊ “လွဉ်တွော့ꩻ ထွားဟုဲင်း” နုဲင်းနဝ်ꩻသွူ။
47ဗွေႏယေသျု ထွိုင်ႏထီႏ နာတနေလ အဝ်ႏလွဉ် ဝွေꩻဗွေႏထျꩻချိန်ႏ၊ ဝွေꩻဗွေႏဒေါ့ꩻ ဝွေꩻခရာႏ၊ “ယိုနဝ်ꩻထွာ ဣသရေး စဲစ်စဲစ်တဖြာꩻ၊ ဝွေꩻအကိုနဝ်ꩻ ထာꩻမာႏ တစိꩻစိꩻအဲဉ်ထဝ်း” နုဲင်းနဝ်ꩻသွူ။
48နာတနေလ ရီဝွေꩻဗွေႏ၊ “နီဗွေႏမွော့ꩻသေတွိုႏ ခွေခရာႏ နုဲင်းမုဲင်ꩻဟောင်း” နုဲင်းနဝ်ꩻသွူ။
ဗွေႏယေသျုလဝ်းချာ၊ “ခလားဖိလိပ္ပု ကဟဲ့ꩻနာꩻခါကာႏ နာꩻအဝ်ႏဖက်ꩻဒွိုႏဆꩻမွူး ဆꩻလချိန်ႏနဝ်ꩻ ခွေအဝ်ႏထီႏလဲဉ်းနာꩻ” နုဲင်းနဝ်ꩻသွူ။
49နာတနေလ လဝ်းချာ၊ “ဆရာႏ၊ နီဗွေႏနဝ်ꩻထွာ ဗွေႏဘုရာꩻ ပိုခိုတောႏ။ နီဗွေႏနဝ်ꩻထွာ ဣသရေး လိုꩻမျိုꩻခွန်တန်” နုဲင်းနဝ်ꩻသွူ။
50ဗွေႏယေသျုဒေါ့ꩻ၊ “နာꩻအဝ်ႏဖက်ꩻဒွိုႏဆꩻမွူး ဆꩻလခါကာႏ ခွေထီႏဗာႏလဲဉ်း ကွပ်ပွိုး ခွေဒေါ့ꩻဖေႏနာꩻ နုဲင်းနဝ်ꩻတွော့ꩻ နာꩻယွုမ်းနဲ့ဟောင်း။ ထာꩻတန်မျတ် ကယ်ꩻကယိုနဝ်ꩻ နာꩻအီႏထီႏဗာႏ” နုဲင်းနဝ်ꩻသွူ။ 51#ကမ္ဘာႏ ၂၈:၁၂။ နဝ်ꩻမꩻ ဝွေꩻဗွေႏဒေါ့ꩻဖေႏ ဝွေꩻသီး၊ “ခွေဒေါ့ꩻဖေႏသီ အမွေးအမဲဉ်ႏ။ ခမ်းထီမို့ꩻလောင်း ဗွောင်တွော့ꩻ ဗွေႏဘုရာꩻ မို့ꩻလောင်းတမန်ႏဖုံႏ အဝ်ႏထင်ႏကီ လင်ꩻလထာꩻ လိုꩻပိုခိုဆꩻကီနဝ်ꩻ သီအီႏထီႏဗာႏ” နုဲင်းနဝ်ꩻသွူ။
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.