လုကာ 19
19
ဗွေႏယေသျုတွမ်ႏဇက္ခဲ
1ဗွေႏယေသျု နွို့လွေꩻသော့ꩻ ဝေင်ꩻယေရိခေါကိုတဲင် အဝ်ႏဖျတ်ကာႏလွေꩻနဝ်ꩻသွူ။ 2နဝ်ꩻကို အခွဉ်ႏကောက်လိုꩻတန် မဉ်ꩻဇက္ခဲ အဝ်ႏတဖြာꩻတဲင် ခြွေချမ်ꩻသာႏငါႏသွူ။ 3ဗွေႏယေသျုထွာ အဖြာꩻမုဲင်ꩻနဝ်ꩻ ဝွေꩻအဝ်ႏကျိုꩻစာꩻ ထုမ်ႏထွား၊ ကွဲႏတွော့ꩻ ဝွေꩻနမ်းဖွိုႏငါႏတဲင် ပွိုးလိုꩻဖုံႏ အာငါႏအတွက် တထီႏနွောင်ꩻတဝ်း ဗွေႏယေသျုသွူ။။ 4နဝ်ꩻမꩻ ဖေႏကထီႏဗာႏ ဗွေႏယေသျု အဝ်ႏကာႏလွေꩻတဖူꩻနဝ်ꩻ ဝွေꩻဖင်းငါရီး လိုꩻဖုံႏဆꩻငါတွော့ꩻ တကြဲမ်ထင်ႏစွဉ်ႏ သေင်ႏဖက်ꩻဒွိုႏမွူး တမွူးလောင်းသွူ။ 5ဗွေႏယေသျု ထွိုင်ႏဖျော်လွဉ် ခင်ႏလမ်းနဝ်ꩻကို ဝွေꩻဗွေႏ ထွားကီထင်ႏတဲင် ဒေါ့ꩻဖေႏဇက္ခဲ၊ “ဇက္ခဲ၊ လင်ꩻလွဉ်မွိုင်မွိုင်ဟုဲင်း၊ ပွိုးတွော့ꩻ ဟန်ႏနီꩻယို ခွေအီႏအုံ နာꩻလမ်းကို” နုဲင်းနဝ်ꩻသွူ။
6ဇက္ခဲ နဲစ်လင်ꩻမွိုင်စွဉ်ႏတဲင် စွဉ်ႏထာꩻသꩻဟဝ်သꩻရေꩻ ကျိုႏဆွုမ်ႏ စွဉ်ႏ ဝွေꩻဗွေႏသွူ။ 7လိုꩻကထီႏဗာႏသားဖုံႏ ကားကအဝ်ႏနဝ်ꩻ သောင်ခြင်ꩻ ရောင်လွစွဉ်ႏထာꩻ၊ “ပါꩻယိုနဝ်ꩻ အဝ်ႏလွေꩻမာꩻထဉ်ႏဗာႏတွိုႏ လိုꩻအပဲစ်သားတဖြာꩻ လမ်းနုဲင်းမုဲင်ꩻ” နုဲင်းနဝ်ꩻသွူ။
8ဇက္ခဲအုံထွိုင်ႏတဲင် ဒေါ့ꩻဖေႏဗွေႏဘုရာꩻ၊ “ဗွေႏ၊ နာႏသွော့၊ ခွေသွဉ်း ဥစ္စာႏပစ္စေꩻ တထာႏဝနဝ်ꩻ ခွေအီႏဖေႏ လိုꩻကေန်ꩻခြောဖုံႏတဲင် ခွေမဉ်ႏလိန်ႏလဲဉ်ဗာႏမိ ပါꩻတဖြာꩻဖြာꩻနဝ်ꩻ ခွေသွဉ်းအီႏဖေႏချာ ဝွေꩻလစ်ꩻပွန်းနဝ်ꩻသွူ။
9ဗွေႏယေသျု ဒေါ့ꩻဖေႏဝွေꩻ၊ “ပါꩻခိုယိုနဝ်ꩻတဲ့ ပွိုးထွာအဗြာဟံ ပိုလီꩻစွိုးခွိုꩻ တဖြာꩻအတွက် ဟန်ႏနီꩻ ထာꩻကယ်ႏတင်ႏနဝ်ꩻ ဖျော်လွဉ်လဲဉ်း လမ်းယိုသွူ။ 10လိုꩻပိုခို ကကျွꩻလွဉ်နဝ်ꩻ အီႏထုမ်ႏတဲင် အီႏကယ်ႏဒျာႏ လိုꩻထိုꩻမား” နုဲင်းနဝ်ꩻသွူ။
ခံꩻဒင်္ဂါꩻဖုံႏဥပမာႏ
(မတဲ ၂၅:၁၄–၃၀)
11 #
မ ၂၅:၁၄–၃၀။ လိုꩻဖုံႏ ကအဝ်ႏနာႏ နုဲင်းယိုကျာꩻနဝ်ꩻ ဗွေႏယေသျု ဒေါ့ꩻသွုပ်ဖေႏဝွေꩻသီး ငဝ်းဥပမာႏ တစွိုးနဝ်ꩻသွူ။ ယိုခါ ဝွေꩻဗွေႏနဝ်ꩻ အီႏဗော့ꩻဖျော်လွေꩻသွူ ဝေင်ꩻယေရုသလမ်ႏ နဝ်ꩻမꩻ ဝွေꩻသီးထင်း ပွိုင်းဝွို့စွဉ်ႏ ဗွေႏဘုရာꩻ အခမ်းထီနဲင်ႏငံႏ အီႏဗော့ꩻပေါႏလွဉ်သွူ ခရာႏနဝ်ꩻသွူ။ 12နဝ်ꩻမꩻ ဝွေꩻဗွေႏဒေါ့ꩻ၊ “တလဲင်ႏသား လိုꩻအရန်းထို ခွန်ခွိုꩻ ပါꩻတဖြာꩻနဝ်ꩻ အီႏထန်ႏလွေꩻညာꩻတဖူꩻ ခမ်းတခမ်း အီႏခံႏခွန်တန် အရာႏတွော့ꩻ၊ နဝ်ꩻထွူ ဝွေꩻစီႏစဲဉ်ႏ အီႏရေႏသဲင်ꩻလွဉ်ချာ လမ်းသွူ။ 13ခလား ဝွေꩻကထန်ႏလွေꩻနဝ်ꩻ ဝွေꩻဟဲ့ꩻ ဝွေꩻအသွဉ်းဖုံႏ အဖြာꩻတဆီတဲင် ဖေႏဝွေꩻသီး ခံꩻဒင်္ဂါꩻ တဖြာꩻတဗီႏစီႏတွော့ꩻ ဒေါ့ꩻဖေႏဝွေꩻသီး၊ ‘ခွေကအဝ်ႏ ထန်ႏလွေꩻကျာꩻနဝ်ꩻ စွဉ်ႏခံꩻဒင်္ဂါꩻယို သီအီႏထုမ်ႏလꩻနွောင်ꩻ တတွာမုဲင်ꩻနဝ်ꩻ ထွားစမ်ꩻမွိုင်’ နုဲင်းနဝ်ꩻသွူ။ 14ယိုခါ ဝွေꩻခမ်းရင်ꩻသားနဝ်ꩻ အဝ်ႏလွꩻထီႏဝွေꩻ၊ နဝ်ꩻမꩻ ဝွေꩻသီးအွဉ်ႏစွꩻလွဉ်ꩻ သတင်ꩻဖေႏသားဖုံႏ ဝွေꩻဆꩻချာတဲင်ရိုꩻ၊ ‘ပါꩻခိုယို ဖေႏကထွာဗာႏ နီခွန်တန်နဝ်ꩻ နီတမဉ်လꩻတဝ်း’ နုဲင်းနဝ်ꩻသွူ။
15“ပါꩻခိုနဝ်ꩻ ခံႏထူႏ ခွန်တန်အရာႏတဲင် သဲင်ꩻလွဉ်ချာသွူ။ ဝွေꩻသီး ထုမ်ႏလꩻလဲဉ်း ခွိုင်းကားမုဲင်ꩻ ဖေႏနေးကသေဗာႏနဝ်ꩻ တလဲင်ႏချင်ꩻ ဝွေꩻဖေႏအမိန်း အသွဉ်းဖုံႏ ဖေႏကလွဉ် ဝွေꩻဆꩻငါနဝ်ꩻသွူ။ 16အရီးသွတ်ꩻ တဖြာꩻနဝ်ꩻ လွဉ်တဲင်ဒေါ့ꩻ၊ ‘ဗွေႏ၊ စွဉ်ႏနီဗွေႏ ကဖေႏဒါႏ ခွေခံꩻဒင်္ဂါꩻတဗီႏနဝ်ꩻ ခွေထုမ်ႏလꩻအီလဲဉ်း ခံꩻဒင်္ဂါꩻ အဗီႏတဆီ’ နုဲင်းနဝ်ꩻသွူ။ 17ဝွေꩻဒေါ့ꩻ၊ ‘မွေးလဲဉ်း။ နာꩻနဝ်ꩻထွာ သွဉ်းဟဝ်တဖြာꩻ။ တယ်ႏစွဉ်ႏ ကိစ္စအပေႏ အဆေ့ꩻနဝ်ꩻ နာꩻသစ္စာႏအဝ်ႏလဲဉ်း နဝ်ꩻမꩻ ခွေအီႏအွဉ်ႏ ထိန်ꩻထွားနာꩻ ဝေင်ꩻအဖြုံႏတဆီ’ နုဲင်းနဝ်ꩻသွူ။ 18သွဉ်းဒုတိယတဖြာꩻ လွဉ်တဲင်ဒေါ့ꩻ၊ ဗွေႏ၊ စွဉ်ႏနီဗွေႏ ကဖေႏဒါႏ ခံꩻဒင်္ဂါꩻတဗီႏနဝ်ꩻ ခွေထုမ်ႏလꩻအီလဲဉ်း ခံꩻဒင်္ဂါꩻငတ်ꩻဗီႏ’နုဲင်းနဝ်ꩻသွူ။ 19ဝွေꩻဒေါ့ꩻဖေႏ အဖြာꩻယို၊ ‘နာꩻအီႏထိန်ꩻထွားဗာႏ ဝေင်ꩻငတ်ꩻဝေင်ꩻ’ နုဲင်းနဝ်ꩻသွူ။
20သွဥ်းအလင်တဖြာꩻ လွဉ်တဲင်ဒေါ့ꩻ၊ ‘ဗွေႏ၊ ယိုနဝ်ꩻထွာ နီဗွေႏခံꩻဒင်္ဂါꩻဒျာႏသွူ။ ခွေထူႏ ခံꩻဒင်္ဂါꩻနဝ်ꩻတွော့ꩻ လွမ်ဟဝ်ခါꩻတွမ်ႏ ဖေါက်ဝါႏကိုတဲင် အွဉ်ႏလို့ꩻသေꩻခါꩻဒျာႏသွူ။ 21ကွပ်ပွိုး နီဗွေႏနဝ်ꩻထွာ လိုꩻယပ်ꩻတဖြာꩻအတွက် ခွေအဝ်ႏငမ်းသꩻ နီဗွေႏ၊ နီဗွေႏထာꩻ တမွေးတဝ်းနဝ်ꩻ နီဗွေႏထူႏဒါႏတဲင် နီဗွေႏတဆို့ꩻတဝ်း ခင်ႏလမ်းကိုနဝ်ꩻတဲ့ ရဲ့ဒါႏ’ နုဲင်းနဝ်ꩻသွူ။ 22ခွန်တန် ဒေါ့ꩻဖေႏဝွေꩻ၊ ‘နာꩻနဝ်ꩻထွာ သွဉ်းမွိုက်တဖြာꩻ၊ ခွေအီႏသွုံꩻအီ ကအီႏဖေႏအီ နာꩻအပဲစ်တံႏနဝ်ꩻ ခွေအီႏသွုံꩻအီနာꩻငဝ်း၊ ခွေထွာ လိုꩻယပ်ꩻတဖြာꩻ၊ နမ်းထာꩻ တမွေးတဝ်းတဲ့ ထူႏဒါႏတဲင် ခွေတဆို့ꩻရုဲင်တဝ်း ခင်ႏလမ်းနဝ်ꩻတဲ့ ရဲ့ဒါႏနဝ်ꩻ နာꩻအဝ်ႏသေသွူ။ 23မွေးလဲဉ်း၊ တွိုႏနဝ်ꩻ ခွေရွဉ်ယို ပွိုးတမုဲင်ꩻ နာꩻတသော့ꩻတဝ်းတွိုႏ ဘဏ်တွိုက်ကို နုဲင်းမုဲင်ꩻဟောင်း။ နဝ်ꩻထွူ ခွေမဉ်ႏသဲင်ꩻလွဉ်ချာချိန်ႏ ခွေအီႏလꩻချာ ခွေရွဉ်ရင်ꩻတွမ်ႏ အအေႏ’ နုဲင်းနဝ်ꩻသွူ။
24နဝ်ꩻထွူ ဝွေꩻဒေါ့ꩻဖေႏ လိုꩻကအဝ်ႏအုံထွိုင်ႏထာꩻ နဝ်ꩻကို၊ ‘ ခံꩻဒင်္ဂါꩻဝွေꩻထျꩻနဝ်ꩻ ထူႏတဲင် ဖေႏထိုꩻသွဉ်း ခံꩻဒင်္ဂါꩻကအဝ်ႏလဲဉ်း အဗီႏတဆီသားနဝ်ꩻဟုဲင်း’ နုဲင်းနဝ်ꩻသွူ။ 25ကွဲႏတွော့ꩻ ဝွေꩻသီး ဒေါ့ꩻဖေႏဝွေꩻ၊ ဗွေႏ ၊ ဝွေꩻနဝ်ꩻ အဝ်ႏလဲဉ်းသွူ အဗီႏတဆီ’ နုဲင်းနဝ်ꩻသွူ။ 26#မ ၁၃:၁၂၊ မာကု ၄:၂၅၊ လုကာ ၈:၁၈။ ဝွေꩻလဝ်းချာ၊ ‘ခွေဒေါ့ꩻဖေႏသီ၊ လိုꩻကအဝ်ႏလဲဉ်း ယင်ဟန်ႏသား ဖေႏကယိန်း အဝ်ႏအာလွိုနဝ်ꩻ အီႏဖေႏထဲင်းက။ ကွဲႏတွော့ꩻ လိုꩻတမုဲင်ꩻမုဲင်ꩻ တအဲဉ်ထဝ်းသားနဝ်ꩻ ဝွေꩻသီးကအဝ်ႏ တစိꩻကို ငါမဉ်ႏတဲ့ အဝ်ႏဝွေꩻသီးထျꩻနဝ်ꩻ လဲင်ꩻအီႏထူႏထိုꩻ ညာꩻဒွိုန်းကသွူ။ 27ယိုခါ၊ နုဲင်းလိုꩻ ကထွာဒါႏ ခွေရန်ႏသူႏဖုံႏ၊ တမဉ်လꩻတဝ်း ခွေအီႏထွာဗာႏ ဝွေꩻသီး အခွန်တန်သားဖုံႏနဝ်ꩻ ဟဲ့ꩻလွဉ်သွော့ ဝွေꩻသီး ယိုကိုတဲင် ဝွေꩻသီးနဝ်ꩻ မာꩻသီသွော့ ခွေဆꩻငါယိုဟုဲင်း’” နုဲင်းနဝ်ꩻသွူ။
ခံႏအောင်ႏပွယ်ꩻနွို့လွေꩻဝေင်ꩻယေရုသလမ်ႏ
(မတဲ ၂၁:၁–၁၁။ မာကု ၁၁:၁–၁၁။ ယောဟန် ၁၂:၁၂–၁၉)
28ဗွေႏယေသျု ဒေါ့ꩻဖေႏနုဲင်းယိုထွူ ဝွေꩻဗွေႏ နွို့လွေꩻငါရီး ဝွေꩻသီး ဝေင်ꩻယေရုသလမ်ႏနဝ်ꩻသွူ။ 29နုဲင်းဝွေꩻဗွေႏ ဖျော်လွဉ်ဗော့ꩻ ဒုံဗဲက်ဖါဂေတွမ်ႏ ဒုံဗေတနိ ကောင်သံလွေင်ထျꩻနဝ်ꩻ ဝွေꩻဗွေႏ အွဉ်ႏစွꩻငါရီး တပဲ့တောႏဝင်ꩻနီ၊ 30ထွန်ႏလွေꩻ ငဝ်းနုဲင်းယို၊ “လွေꩻသွော့ ဒုံကအဝ်ႏ သီဆꩻငါနဝ်ꩻဟုဲင်း။ နုဲင်းသီကနွို့လွေꩻ သော့ꩻချိန်ႏနဝ်ꩻ သီအီႏမော့ꩻ သေလာꩻပေႏ တထုမ်းဗာႏဖိုတဝ်းဒွိုန်း အဝ်ႏစွိုင်သေꩻခါꩻနဝ်ꩻသွူ။ စေသေလာꩻပေႏဖြွီꩻတွော့ꩻ အီႏလွဥ်သွော့ယိုကို။ 31ပါꩻတဖြာꩻဖြာꩻ မဉ်ႏရီသီ၊ ပွိုးတမုဲင်ꩻ သီစေဗာႏတွိုႏ သေꩻလာꩻပေႏဖြွီꩻ နုဲင်းနဝ်ꩻနဝ်ꩻ၊ ဒေါ့ꩻဖေႏသွော့ဝွေꩻ၊ သေလာနဝ်ꩻ ဗွေႏဆရာႏအဝ်ႏလိုႏ” နုဲင်းနဝ်ꩻသွူ။
32ဝွေꩻသီးလွေꩻ ဝွေꩻသီးတဖူꩻတဲင် နုဲင်းဗွေႏယေသျု ကဒေါ့ꩻနယ်ဖေႏဒါႏ ဝွေꩻသီးအတွိုင်ꩻ မော့ꩻလို့စွဉ်ႏသွူ။ 33နုဲင်းဝွေꩻသီးကအဝ်ႏစေ သေလာꩻပေႏဖြွီꩻ သေလာꩻပေႏ အဗွေႏနဝ်ꩻ ဒေါ့ꩻဖေႏဝွေꩻသီး၊ “ပွိုးတမုဲင်ꩻ သီစေဗာႏတွိုႏ သေလာꩻပေႏဖြွီꩻဟောင်း” နုဲင်းနဝ်ꩻသွူ။
34ဝွေꩻသီးလဝ်းချာ၊ “သေလာꩻပေႏနဝ်ꩻ ဗွေႏဆရာႏ အဝ်ႏလိုႏ ”နုဲင်းနဝ်ꩻတဲင်၊ 35သေလာꩻပေႏနဝ်ꩻ ဝွေꩻသီး ထူႏလွေꩻစွဉ်ႏ ဗွေႏယေသျုထျꩻသွူ။ တွိုႏနဝ်ꩻ ဝွေꩻသီ ဆဲင်ꩻယွုံးတန်ဖုံႏနဝ်ꩻ အွဉ်ႏဒါလူးစွဉ်ႏ သေလာꩻပေႏ ငင်းလောင်းတဲင် အွဉ်ႏဗွေႏယေသျု ထင်ႏထုမ်းစွဉ်ႏသွူ။ 36နုဲင်းဝွေꩻဗွေႏ ကအဝ်ႏထုမ်းလွေꩻကျာꩻနဝ်ꩻ လိုꩻဖုံႏအွဉ်ႏဒါဖေႏစွဉ်ႏ ဝွေꩻသီး ဆဲင်ꩻယွုံးတန်ဖုံႏ တဖူꩻတန်လောင်းသွူ။
37ဝွေꩻဗွေႏ ထွိုင်ႏဖျော်လွဉ်ဗော့ꩻ ဝေင်ꩻယေရုသလမ်ႏ၊ တွိုႏခင်ႏလမ်းတဖူꩻတန် ကလင်ꩻဒါႏ ကောင်သံလွေင်နဝ်ꩻ ဝွေꩻဗွေႏ တပဲ့တောႏဖုံႏ အစွိုꩻအာငါႏနဝ်ꩻ ပွိုးဝွေꩻသီး ထီႏဗာႏလဲဉ်းသွူ ကတန်မျတ်ငါႏဖုံႏ ကားကအဝ်ႏနဝ်ꩻမꩻ၊ အုပ်ꩻထင်ႏစစွဉ်ႏ ဗွေႏဘုရာꩻ ဂွုဏ်ႏကေꩻဇူꩻတောႏတဲင် အုပ်ခြဝ်သန်မွေးစွဉ်ႏ ဝွေꩻဗွေႏ၊ 38#သာ ၁၁၈:၂၆။ “ခွန်တန် ကကျွꩻလွဉ်ဒါႏတွမ်ႏ ဗွေႏထာဝရဘုရာꩻ အမဉ်ꩻတောႏနာႏမနဝ်ꩻ ယံဖေႏဗွေႏဘုရာꩻ ကဖေႏသွော့ မင်္ဂလာႏ။ မို့ꩻလောင်းကိုနဝ်ꩻ ယံဖေႏထာꩻငိမ်ꩻချမ်ꩻသာႏ ကအဝ်ႏသွော့၊ ဗွေႏဘုရာꩻ ဘွုန်ꩻသရေႏနဝ်ꩻ ယံကတန်သွော့” နုဲင်းနဝ်ꩻသွူ။
39တွိုႏနဝ်ꩻ ဖါရိသဲဖုံႏယင်ဟန်ႏ ကအဝ်ႏသော့ꩻဒါႏ လိုꩻစွိုꩻဖုံႏကိုနဝ်ꩻ ဒေါ့ꩻဖေႏ ဗွေႏယေသျု။ ဝွေꩻသီးဒေါ့ꩻ၊ “ဆရာႏ၊ ဖေႏကအုံတေ့ꩻတေ့ꩻနဝ်ꩻ မိန်းဖေႏ နီဗွေႏတပဲ့ဖုံႏမွိုင်’ နုဲင်းနဝ်ꩻသွူ။
40ဗွေႏယေသျုလဝ်းချာ၊ “ခွေဒေါ့ꩻဖေႏသီ ဝွေꩻသီး မဉ်ႏအုံတေ့ꩻတေ့ꩻနဝ်ꩻ လုံးတူႏဖုံႏ အီႏခြောဝ်” နုဲင်းနဝ်ꩻသွူ။
ဗွေႏယေသျုငွိုးဖေႏဝေင်ꩻယေရုသလမ်ႏ
41ဝွေꩻဗွေႏ ထွိုင်ႏဖျော်လွဉ်ဗော့ꩻ ဝေင်ꩻတဲင် ဝွေꩻဗွေႏထွိုင်ႏထီႏ ဝေင်ꩻချိန်ႏ ဝွေꩻဗွေႏ မဲ့ထီလင်ꩻတဲင် 42ရိုꩻ၊ “ဟန်ႏနီꩻယို ထာꩻငိမ်ꩻချမ်ꩻတာႏ အဝ်ႏလိုႏတမုဲင်ꩻ နာꩻမဉ်ႏသေနဝ်ꩻ မင်္ဂလာႏအဝ်ႏငါႏ၊ ကွဲႏတွော့ꩻ ယိုခါ နဝ်ꩻနဝ်ꩻ နာꩻတထီႏနွောင်ꩻတဝ်း။ 43စွဉ်ႏတပ်ခံႏ အရဲအကာႏအကွယ်ႏနဝ်ꩻ နာꩻရန်ႏသူႏဖုံႏ အီႏဝဲင်ꩻခူနာꩻတဲင် အီႏပေ့ꩻခူနာꩻ စွုမ်ႏဖဲ့ꩻစွုမ်ႏနားနဝ်ꩻ အချိန်ႏအီႏတွိုႏလွဉ်သွူ။ 44နာꩻတွမ်ႏလိုꩻဖုံႏ ကအဝ်ႏသော့ꩻ နာꩻအဆေင်ႏ တန်ꩻတွိုင်ꩻဖုံႏကိုနဝ်ꩻ ဝွေꩻသီး အီႏယားကုဲင်ထိုꩻလို့သွူ။ လုံးတူႏတတူႏငါတဲ့ အီႏအဝ်ႏသော့ꩻတဝ်း ဝွေꩻသီးအခင်ႏလမ်း၊ ပွိုးတွော့ꩻ ဗွေႏဘုရာꩻကျွꩻလွဉ် အီႏကယ်ႏနာꩻအချိန်ႏနဝ်ꩻ နာꩻတတောင်ꩻချာတဝ်း အတွက်သွူ။
ဗွေႏယေသျုကျွꩻလွေꩻဗိမာန်ႏတောႏကျောင်ꩻ
(မတဲ ၂၁:၁၂–၁၇။ မာကု ၁၁:၁၅–၁၉။ ယောဟန် ၂:၁၃–၂၂)
45နဝ်ꩻထွူ ဗွေႏယေသျု နွို့လွေꩻသော့ꩻ ဗိမာန်ႏတောႏ ကျောင်ꩻကိုတဲင် ဝါးထန်ႏစထိုꩻစွဉ်ႏ ကွုန်ႏသဲႏ ပွယ်ꩻစာꩻဖုံႏတွော့ꩻ 46#ဟေသျာ ၅၆:၇၊ ယေ ၇:၁၁။ ရိုꩻဖေႏဝွေꩻသီး၊ “ဗွေႏဘုရာꩻမိန်း လိတ်ကျမ်ꩻကို ကအဝ်ႏတဲမ်းခါꩻ ၊ ‘ခွေဗိမာန်ႏတောႏကျောင်ꩻနဝ်ꩻ အီႏထွာဗာႏဒျာႏ ဆုတောင်ꩻလမ်းတဗာႏ။’ ကွဲႏတွော့ꩻ သီအဝ်ႏမာꩻခွိုန်ꩻထိုꩻတောဒျာႏ တခွန်ꩻဖုံႏ အုံငိပ်ꩻသော့ꩻ ခင်ႏလမ်းနုဲင်းမုဲင်ꩻ’” နုဲင်းနဝ်ꩻသွူ။
47 #
လု ၂၁:၃၇။ ဗိမာန်ႏတောႏ ကျောင်ꩻကိုနဝ်ꩻ ဗွေႏယေသျု အဝ်ႏသွဉ်သင် ဒေါ့ꩻဟော်ꩻသော့ꩻဖေႏ စွုမ်ႏနီꩻနီꩻသွူ။ ယဇ်ပရောဟိတ်တန်ဖုံႏ၊ ကျမ်ꩻဒါႏဆရာႏဖုံႏတွမ်ႏ လိုꩻတန်ဖုံႏနဝ်ꩻ မဉ်မာꩻသီထိုꩻ ဝွေꩻဗွေႏသွူ။ 48ပွိုးတွော့ꩻလိုꩻဖုံႏ ကားကအဝ်ႏနဝ်ꩻ အဝ်ႏနာႏ ဝွေꩻဗွေႏငဝ်းနဝ်ꩻ၊ ငဝ်းတဖြုံႏငါတဲ့ အွဉ်ႏဖေင်ꩻတဝ်း နဝ်ꩻမꩻ ကအီႏမာꩻသီထိုꩻနဝ်ꩻ ဝွေꩻသီး ထုမ်ႏအနယ်ꩻ တမော့ꩻတဝ်းသွူ။
ទើបបានជ្រើសរើសហើយ៖
လုကာ 19: PBCL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.
လုကာ 19
19
ဗွေႏယေသျုတွမ်ႏဇက္ခဲ
1ဗွေႏယေသျု နွို့လွေꩻသော့ꩻ ဝေင်ꩻယေရိခေါကိုတဲင် အဝ်ႏဖျတ်ကာႏလွေꩻနဝ်ꩻသွူ။ 2နဝ်ꩻကို အခွဉ်ႏကောက်လိုꩻတန် မဉ်ꩻဇက္ခဲ အဝ်ႏတဖြာꩻတဲင် ခြွေချမ်ꩻသာႏငါႏသွူ။ 3ဗွေႏယေသျုထွာ အဖြာꩻမုဲင်ꩻနဝ်ꩻ ဝွေꩻအဝ်ႏကျိုꩻစာꩻ ထုမ်ႏထွား၊ ကွဲႏတွော့ꩻ ဝွေꩻနမ်းဖွိုႏငါႏတဲင် ပွိုးလိုꩻဖုံႏ အာငါႏအတွက် တထီႏနွောင်ꩻတဝ်း ဗွေႏယေသျုသွူ။။ 4နဝ်ꩻမꩻ ဖေႏကထီႏဗာႏ ဗွေႏယေသျု အဝ်ႏကာႏလွေꩻတဖူꩻနဝ်ꩻ ဝွေꩻဖင်းငါရီး လိုꩻဖုံႏဆꩻငါတွော့ꩻ တကြဲမ်ထင်ႏစွဉ်ႏ သေင်ႏဖက်ꩻဒွိုႏမွူး တမွူးလောင်းသွူ။ 5ဗွေႏယေသျု ထွိုင်ႏဖျော်လွဉ် ခင်ႏလမ်းနဝ်ꩻကို ဝွေꩻဗွေႏ ထွားကီထင်ႏတဲင် ဒေါ့ꩻဖေႏဇက္ခဲ၊ “ဇက္ခဲ၊ လင်ꩻလွဉ်မွိုင်မွိုင်ဟုဲင်း၊ ပွိုးတွော့ꩻ ဟန်ႏနီꩻယို ခွေအီႏအုံ နာꩻလမ်းကို” နုဲင်းနဝ်ꩻသွူ။
6ဇက္ခဲ နဲစ်လင်ꩻမွိုင်စွဉ်ႏတဲင် စွဉ်ႏထာꩻသꩻဟဝ်သꩻရေꩻ ကျိုႏဆွုမ်ႏ စွဉ်ႏ ဝွေꩻဗွေႏသွူ။ 7လိုꩻကထီႏဗာႏသားဖုံႏ ကားကအဝ်ႏနဝ်ꩻ သောင်ခြင်ꩻ ရောင်လွစွဉ်ႏထာꩻ၊ “ပါꩻယိုနဝ်ꩻ အဝ်ႏလွေꩻမာꩻထဉ်ႏဗာႏတွိုႏ လိုꩻအပဲစ်သားတဖြာꩻ လမ်းနုဲင်းမုဲင်ꩻ” နုဲင်းနဝ်ꩻသွူ။
8ဇက္ခဲအုံထွိုင်ႏတဲင် ဒေါ့ꩻဖေႏဗွေႏဘုရာꩻ၊ “ဗွေႏ၊ နာႏသွော့၊ ခွေသွဉ်း ဥစ္စာႏပစ္စေꩻ တထာႏဝနဝ်ꩻ ခွေအီႏဖေႏ လိုꩻကေန်ꩻခြောဖုံႏတဲင် ခွေမဉ်ႏလိန်ႏလဲဉ်ဗာႏမိ ပါꩻတဖြာꩻဖြာꩻနဝ်ꩻ ခွေသွဉ်းအီႏဖေႏချာ ဝွေꩻလစ်ꩻပွန်းနဝ်ꩻသွူ။
9ဗွေႏယေသျု ဒေါ့ꩻဖေႏဝွေꩻ၊ “ပါꩻခိုယိုနဝ်ꩻတဲ့ ပွိုးထွာအဗြာဟံ ပိုလီꩻစွိုးခွိုꩻ တဖြာꩻအတွက် ဟန်ႏနီꩻ ထာꩻကယ်ႏတင်ႏနဝ်ꩻ ဖျော်လွဉ်လဲဉ်း လမ်းယိုသွူ။ 10လိုꩻပိုခို ကကျွꩻလွဉ်နဝ်ꩻ အီႏထုမ်ႏတဲင် အီႏကယ်ႏဒျာႏ လိုꩻထိုꩻမား” နုဲင်းနဝ်ꩻသွူ။
ခံꩻဒင်္ဂါꩻဖုံႏဥပမာႏ
(မတဲ ၂၅:၁၄–၃၀)
11 #
မ ၂၅:၁၄–၃၀။ လိုꩻဖုံႏ ကအဝ်ႏနာႏ နုဲင်းယိုကျာꩻနဝ်ꩻ ဗွေႏယေသျု ဒေါ့ꩻသွုပ်ဖေႏဝွေꩻသီး ငဝ်းဥပမာႏ တစွိုးနဝ်ꩻသွူ။ ယိုခါ ဝွေꩻဗွေႏနဝ်ꩻ အီႏဗော့ꩻဖျော်လွေꩻသွူ ဝေင်ꩻယေရုသလမ်ႏ နဝ်ꩻမꩻ ဝွေꩻသီးထင်း ပွိုင်းဝွို့စွဉ်ႏ ဗွေႏဘုရာꩻ အခမ်းထီနဲင်ႏငံႏ အီႏဗော့ꩻပေါႏလွဉ်သွူ ခရာႏနဝ်ꩻသွူ။ 12နဝ်ꩻမꩻ ဝွေꩻဗွေႏဒေါ့ꩻ၊ “တလဲင်ႏသား လိုꩻအရန်းထို ခွန်ခွိုꩻ ပါꩻတဖြာꩻနဝ်ꩻ အီႏထန်ႏလွေꩻညာꩻတဖူꩻ ခမ်းတခမ်း အီႏခံႏခွန်တန် အရာႏတွော့ꩻ၊ နဝ်ꩻထွူ ဝွေꩻစီႏစဲဉ်ႏ အီႏရေႏသဲင်ꩻလွဉ်ချာ လမ်းသွူ။ 13ခလား ဝွေꩻကထန်ႏလွေꩻနဝ်ꩻ ဝွေꩻဟဲ့ꩻ ဝွေꩻအသွဉ်းဖုံႏ အဖြာꩻတဆီတဲင် ဖေႏဝွေꩻသီး ခံꩻဒင်္ဂါꩻ တဖြာꩻတဗီႏစီႏတွော့ꩻ ဒေါ့ꩻဖေႏဝွေꩻသီး၊ ‘ခွေကအဝ်ႏ ထန်ႏလွေꩻကျာꩻနဝ်ꩻ စွဉ်ႏခံꩻဒင်္ဂါꩻယို သီအီႏထုမ်ႏလꩻနွောင်ꩻ တတွာမုဲင်ꩻနဝ်ꩻ ထွားစမ်ꩻမွိုင်’ နုဲင်းနဝ်ꩻသွူ။ 14ယိုခါ ဝွေꩻခမ်းရင်ꩻသားနဝ်ꩻ အဝ်ႏလွꩻထီႏဝွေꩻ၊ နဝ်ꩻမꩻ ဝွေꩻသီးအွဉ်ႏစွꩻလွဉ်ꩻ သတင်ꩻဖေႏသားဖုံႏ ဝွေꩻဆꩻချာတဲင်ရိုꩻ၊ ‘ပါꩻခိုယို ဖေႏကထွာဗာႏ နီခွန်တန်နဝ်ꩻ နီတမဉ်လꩻတဝ်း’ နုဲင်းနဝ်ꩻသွူ။
15“ပါꩻခိုနဝ်ꩻ ခံႏထူႏ ခွန်တန်အရာႏတဲင် သဲင်ꩻလွဉ်ချာသွူ။ ဝွေꩻသီး ထုမ်ႏလꩻလဲဉ်း ခွိုင်းကားမုဲင်ꩻ ဖေႏနေးကသေဗာႏနဝ်ꩻ တလဲင်ႏချင်ꩻ ဝွေꩻဖေႏအမိန်း အသွဉ်းဖုံႏ ဖေႏကလွဉ် ဝွေꩻဆꩻငါနဝ်ꩻသွူ။ 16အရီးသွတ်ꩻ တဖြာꩻနဝ်ꩻ လွဉ်တဲင်ဒေါ့ꩻ၊ ‘ဗွေႏ၊ စွဉ်ႏနီဗွေႏ ကဖေႏဒါႏ ခွေခံꩻဒင်္ဂါꩻတဗီႏနဝ်ꩻ ခွေထုမ်ႏလꩻအီလဲဉ်း ခံꩻဒင်္ဂါꩻ အဗီႏတဆီ’ နုဲင်းနဝ်ꩻသွူ။ 17ဝွေꩻဒေါ့ꩻ၊ ‘မွေးလဲဉ်း။ နာꩻနဝ်ꩻထွာ သွဉ်းဟဝ်တဖြာꩻ။ တယ်ႏစွဉ်ႏ ကိစ္စအပေႏ အဆေ့ꩻနဝ်ꩻ နာꩻသစ္စာႏအဝ်ႏလဲဉ်း နဝ်ꩻမꩻ ခွေအီႏအွဉ်ႏ ထိန်ꩻထွားနာꩻ ဝေင်ꩻအဖြုံႏတဆီ’ နုဲင်းနဝ်ꩻသွူ။ 18သွဉ်းဒုတိယတဖြာꩻ လွဉ်တဲင်ဒေါ့ꩻ၊ ဗွေႏ၊ စွဉ်ႏနီဗွေႏ ကဖေႏဒါႏ ခံꩻဒင်္ဂါꩻတဗီႏနဝ်ꩻ ခွေထုမ်ႏလꩻအီလဲဉ်း ခံꩻဒင်္ဂါꩻငတ်ꩻဗီႏ’နုဲင်းနဝ်ꩻသွူ။ 19ဝွေꩻဒေါ့ꩻဖေႏ အဖြာꩻယို၊ ‘နာꩻအီႏထိန်ꩻထွားဗာႏ ဝေင်ꩻငတ်ꩻဝေင်ꩻ’ နုဲင်းနဝ်ꩻသွူ။
20သွဥ်းအလင်တဖြာꩻ လွဉ်တဲင်ဒေါ့ꩻ၊ ‘ဗွေႏ၊ ယိုနဝ်ꩻထွာ နီဗွေႏခံꩻဒင်္ဂါꩻဒျာႏသွူ။ ခွေထူႏ ခံꩻဒင်္ဂါꩻနဝ်ꩻတွော့ꩻ လွမ်ဟဝ်ခါꩻတွမ်ႏ ဖေါက်ဝါႏကိုတဲင် အွဉ်ႏလို့ꩻသေꩻခါꩻဒျာႏသွူ။ 21ကွပ်ပွိုး နီဗွေႏနဝ်ꩻထွာ လိုꩻယပ်ꩻတဖြာꩻအတွက် ခွေအဝ်ႏငမ်းသꩻ နီဗွေႏ၊ နီဗွေႏထာꩻ တမွေးတဝ်းနဝ်ꩻ နီဗွေႏထူႏဒါႏတဲင် နီဗွေႏတဆို့ꩻတဝ်း ခင်ႏလမ်းကိုနဝ်ꩻတဲ့ ရဲ့ဒါႏ’ နုဲင်းနဝ်ꩻသွူ။ 22ခွန်တန် ဒေါ့ꩻဖေႏဝွေꩻ၊ ‘နာꩻနဝ်ꩻထွာ သွဉ်းမွိုက်တဖြာꩻ၊ ခွေအီႏသွုံꩻအီ ကအီႏဖေႏအီ နာꩻအပဲစ်တံႏနဝ်ꩻ ခွေအီႏသွုံꩻအီနာꩻငဝ်း၊ ခွေထွာ လိုꩻယပ်ꩻတဖြာꩻ၊ နမ်းထာꩻ တမွေးတဝ်းတဲ့ ထူႏဒါႏတဲင် ခွေတဆို့ꩻရုဲင်တဝ်း ခင်ႏလမ်းနဝ်ꩻတဲ့ ရဲ့ဒါႏနဝ်ꩻ နာꩻအဝ်ႏသေသွူ။ 23မွေးလဲဉ်း၊ တွိုႏနဝ်ꩻ ခွေရွဉ်ယို ပွိုးတမုဲင်ꩻ နာꩻတသော့ꩻတဝ်းတွိုႏ ဘဏ်တွိုက်ကို နုဲင်းမုဲင်ꩻဟောင်း။ နဝ်ꩻထွူ ခွေမဉ်ႏသဲင်ꩻလွဉ်ချာချိန်ႏ ခွေအီႏလꩻချာ ခွေရွဉ်ရင်ꩻတွမ်ႏ အအေႏ’ နုဲင်းနဝ်ꩻသွူ။
24နဝ်ꩻထွူ ဝွေꩻဒေါ့ꩻဖေႏ လိုꩻကအဝ်ႏအုံထွိုင်ႏထာꩻ နဝ်ꩻကို၊ ‘ ခံꩻဒင်္ဂါꩻဝွေꩻထျꩻနဝ်ꩻ ထူႏတဲင် ဖေႏထိုꩻသွဉ်း ခံꩻဒင်္ဂါꩻကအဝ်ႏလဲဉ်း အဗီႏတဆီသားနဝ်ꩻဟုဲင်း’ နုဲင်းနဝ်ꩻသွူ။ 25ကွဲႏတွော့ꩻ ဝွေꩻသီး ဒေါ့ꩻဖေႏဝွေꩻ၊ ဗွေႏ ၊ ဝွေꩻနဝ်ꩻ အဝ်ႏလဲဉ်းသွူ အဗီႏတဆီ’ နုဲင်းနဝ်ꩻသွူ။ 26#မ ၁၃:၁၂၊ မာကု ၄:၂၅၊ လုကာ ၈:၁၈။ ဝွေꩻလဝ်းချာ၊ ‘ခွေဒေါ့ꩻဖေႏသီ၊ လိုꩻကအဝ်ႏလဲဉ်း ယင်ဟန်ႏသား ဖေႏကယိန်း အဝ်ႏအာလွိုနဝ်ꩻ အီႏဖေႏထဲင်းက။ ကွဲႏတွော့ꩻ လိုꩻတမုဲင်ꩻမုဲင်ꩻ တအဲဉ်ထဝ်းသားနဝ်ꩻ ဝွေꩻသီးကအဝ်ႏ တစိꩻကို ငါမဉ်ႏတဲ့ အဝ်ႏဝွေꩻသီးထျꩻနဝ်ꩻ လဲင်ꩻအီႏထူႏထိုꩻ ညာꩻဒွိုန်းကသွူ။ 27ယိုခါ၊ နုဲင်းလိုꩻ ကထွာဒါႏ ခွေရန်ႏသူႏဖုံႏ၊ တမဉ်လꩻတဝ်း ခွေအီႏထွာဗာႏ ဝွေꩻသီး အခွန်တန်သားဖုံႏနဝ်ꩻ ဟဲ့ꩻလွဉ်သွော့ ဝွေꩻသီး ယိုကိုတဲင် ဝွေꩻသီးနဝ်ꩻ မာꩻသီသွော့ ခွေဆꩻငါယိုဟုဲင်း’” နုဲင်းနဝ်ꩻသွူ။
ခံႏအောင်ႏပွယ်ꩻနွို့လွေꩻဝေင်ꩻယေရုသလမ်ႏ
(မတဲ ၂၁:၁–၁၁။ မာကု ၁၁:၁–၁၁။ ယောဟန် ၁၂:၁၂–၁၉)
28ဗွေႏယေသျု ဒေါ့ꩻဖေႏနုဲင်းယိုထွူ ဝွေꩻဗွေႏ နွို့လွေꩻငါရီး ဝွေꩻသီး ဝေင်ꩻယေရုသလမ်ႏနဝ်ꩻသွူ။ 29နုဲင်းဝွေꩻဗွေႏ ဖျော်လွဉ်ဗော့ꩻ ဒုံဗဲက်ဖါဂေတွမ်ႏ ဒုံဗေတနိ ကောင်သံလွေင်ထျꩻနဝ်ꩻ ဝွေꩻဗွေႏ အွဉ်ႏစွꩻငါရီး တပဲ့တောႏဝင်ꩻနီ၊ 30ထွန်ႏလွေꩻ ငဝ်းနုဲင်းယို၊ “လွေꩻသွော့ ဒုံကအဝ်ႏ သီဆꩻငါနဝ်ꩻဟုဲင်း။ နုဲင်းသီကနွို့လွေꩻ သော့ꩻချိန်ႏနဝ်ꩻ သီအီႏမော့ꩻ သေလာꩻပေႏ တထုမ်းဗာႏဖိုတဝ်းဒွိုန်း အဝ်ႏစွိုင်သေꩻခါꩻနဝ်ꩻသွူ။ စေသေလာꩻပေႏဖြွီꩻတွော့ꩻ အီႏလွဥ်သွော့ယိုကို။ 31ပါꩻတဖြာꩻဖြာꩻ မဉ်ႏရီသီ၊ ပွိုးတမုဲင်ꩻ သီစေဗာႏတွိုႏ သေꩻလာꩻပေႏဖြွီꩻ နုဲင်းနဝ်ꩻနဝ်ꩻ၊ ဒေါ့ꩻဖေႏသွော့ဝွေꩻ၊ သေလာနဝ်ꩻ ဗွေႏဆရာႏအဝ်ႏလိုႏ” နုဲင်းနဝ်ꩻသွူ။
32ဝွေꩻသီးလွေꩻ ဝွေꩻသီးတဖူꩻတဲင် နုဲင်းဗွေႏယေသျု ကဒေါ့ꩻနယ်ဖေႏဒါႏ ဝွေꩻသီးအတွိုင်ꩻ မော့ꩻလို့စွဉ်ႏသွူ။ 33နုဲင်းဝွေꩻသီးကအဝ်ႏစေ သေလာꩻပေႏဖြွီꩻ သေလာꩻပေႏ အဗွေႏနဝ်ꩻ ဒေါ့ꩻဖေႏဝွေꩻသီး၊ “ပွိုးတမုဲင်ꩻ သီစေဗာႏတွိုႏ သေလာꩻပေႏဖြွီꩻဟောင်း” နုဲင်းနဝ်ꩻသွူ။
34ဝွေꩻသီးလဝ်းချာ၊ “သေလာꩻပေႏနဝ်ꩻ ဗွေႏဆရာႏ အဝ်ႏလိုႏ ”နုဲင်းနဝ်ꩻတဲင်၊ 35သေလာꩻပေႏနဝ်ꩻ ဝွေꩻသီး ထူႏလွေꩻစွဉ်ႏ ဗွေႏယေသျုထျꩻသွူ။ တွိုႏနဝ်ꩻ ဝွေꩻသီ ဆဲင်ꩻယွုံးတန်ဖုံႏနဝ်ꩻ အွဉ်ႏဒါလူးစွဉ်ႏ သေလာꩻပေႏ ငင်းလောင်းတဲင် အွဉ်ႏဗွေႏယေသျု ထင်ႏထုမ်းစွဉ်ႏသွူ။ 36နုဲင်းဝွေꩻဗွေႏ ကအဝ်ႏထုမ်းလွေꩻကျာꩻနဝ်ꩻ လိုꩻဖုံႏအွဉ်ႏဒါဖေႏစွဉ်ႏ ဝွေꩻသီး ဆဲင်ꩻယွုံးတန်ဖုံႏ တဖူꩻတန်လောင်းသွူ။
37ဝွေꩻဗွေႏ ထွိုင်ႏဖျော်လွဉ်ဗော့ꩻ ဝေင်ꩻယေရုသလမ်ႏ၊ တွိုႏခင်ႏလမ်းတဖူꩻတန် ကလင်ꩻဒါႏ ကောင်သံလွေင်နဝ်ꩻ ဝွေꩻဗွေႏ တပဲ့တောႏဖုံႏ အစွိုꩻအာငါႏနဝ်ꩻ ပွိုးဝွေꩻသီး ထီႏဗာႏလဲဉ်းသွူ ကတန်မျတ်ငါႏဖုံႏ ကားကအဝ်ႏနဝ်ꩻမꩻ၊ အုပ်ꩻထင်ႏစစွဉ်ႏ ဗွေႏဘုရာꩻ ဂွုဏ်ႏကေꩻဇူꩻတောႏတဲင် အုပ်ခြဝ်သန်မွေးစွဉ်ႏ ဝွေꩻဗွေႏ၊ 38#သာ ၁၁၈:၂၆။ “ခွန်တန် ကကျွꩻလွဉ်ဒါႏတွမ်ႏ ဗွေႏထာဝရဘုရာꩻ အမဉ်ꩻတောႏနာႏမနဝ်ꩻ ယံဖေႏဗွေႏဘုရာꩻ ကဖေႏသွော့ မင်္ဂလာႏ။ မို့ꩻလောင်းကိုနဝ်ꩻ ယံဖေႏထာꩻငိမ်ꩻချမ်ꩻသာႏ ကအဝ်ႏသွော့၊ ဗွေႏဘုရာꩻ ဘွုန်ꩻသရေႏနဝ်ꩻ ယံကတန်သွော့” နုဲင်းနဝ်ꩻသွူ။
39တွိုႏနဝ်ꩻ ဖါရိသဲဖုံႏယင်ဟန်ႏ ကအဝ်ႏသော့ꩻဒါႏ လိုꩻစွိုꩻဖုံႏကိုနဝ်ꩻ ဒေါ့ꩻဖေႏ ဗွေႏယေသျု။ ဝွေꩻသီးဒေါ့ꩻ၊ “ဆရာႏ၊ ဖေႏကအုံတေ့ꩻတေ့ꩻနဝ်ꩻ မိန်းဖေႏ နီဗွေႏတပဲ့ဖုံႏမွိုင်’ နုဲင်းနဝ်ꩻသွူ။
40ဗွေႏယေသျုလဝ်းချာ၊ “ခွေဒေါ့ꩻဖေႏသီ ဝွေꩻသီး မဉ်ႏအုံတေ့ꩻတေ့ꩻနဝ်ꩻ လုံးတူႏဖုံႏ အီႏခြောဝ်” နုဲင်းနဝ်ꩻသွူ။
ဗွေႏယေသျုငွိုးဖေႏဝေင်ꩻယေရုသလမ်ႏ
41ဝွေꩻဗွေႏ ထွိုင်ႏဖျော်လွဉ်ဗော့ꩻ ဝေင်ꩻတဲင် ဝွေꩻဗွေႏထွိုင်ႏထီႏ ဝေင်ꩻချိန်ႏ ဝွေꩻဗွေႏ မဲ့ထီလင်ꩻတဲင် 42ရိုꩻ၊ “ဟန်ႏနီꩻယို ထာꩻငိမ်ꩻချမ်ꩻတာႏ အဝ်ႏလိုႏတမုဲင်ꩻ နာꩻမဉ်ႏသေနဝ်ꩻ မင်္ဂလာႏအဝ်ႏငါႏ၊ ကွဲႏတွော့ꩻ ယိုခါ နဝ်ꩻနဝ်ꩻ နာꩻတထီႏနွောင်ꩻတဝ်း။ 43စွဉ်ႏတပ်ခံႏ အရဲအကာႏအကွယ်ႏနဝ်ꩻ နာꩻရန်ႏသူႏဖုံႏ အီႏဝဲင်ꩻခူနာꩻတဲင် အီႏပေ့ꩻခူနာꩻ စွုမ်ႏဖဲ့ꩻစွုမ်ႏနားနဝ်ꩻ အချိန်ႏအီႏတွိုႏလွဉ်သွူ။ 44နာꩻတွမ်ႏလိုꩻဖုံႏ ကအဝ်ႏသော့ꩻ နာꩻအဆေင်ႏ တန်ꩻတွိုင်ꩻဖုံႏကိုနဝ်ꩻ ဝွေꩻသီး အီႏယားကုဲင်ထိုꩻလို့သွူ။ လုံးတူႏတတူႏငါတဲ့ အီႏအဝ်ႏသော့ꩻတဝ်း ဝွေꩻသီးအခင်ႏလမ်း၊ ပွိုးတွော့ꩻ ဗွေႏဘုရာꩻကျွꩻလွဉ် အီႏကယ်ႏနာꩻအချိန်ႏနဝ်ꩻ နာꩻတတောင်ꩻချာတဝ်း အတွက်သွူ။
ဗွေႏယေသျုကျွꩻလွေꩻဗိမာန်ႏတောႏကျောင်ꩻ
(မတဲ ၂၁:၁၂–၁၇။ မာကု ၁၁:၁၅–၁၉။ ယောဟန် ၂:၁၃–၂၂)
45နဝ်ꩻထွူ ဗွေႏယေသျု နွို့လွေꩻသော့ꩻ ဗိမာန်ႏတောႏ ကျောင်ꩻကိုတဲင် ဝါးထန်ႏစထိုꩻစွဉ်ႏ ကွုန်ႏသဲႏ ပွယ်ꩻစာꩻဖုံႏတွော့ꩻ 46#ဟေသျာ ၅၆:၇၊ ယေ ၇:၁၁။ ရိုꩻဖေႏဝွေꩻသီး၊ “ဗွေႏဘုရာꩻမိန်း လိတ်ကျမ်ꩻကို ကအဝ်ႏတဲမ်းခါꩻ ၊ ‘ခွေဗိမာန်ႏတောႏကျောင်ꩻနဝ်ꩻ အီႏထွာဗာႏဒျာႏ ဆုတောင်ꩻလမ်းတဗာႏ။’ ကွဲႏတွော့ꩻ သီအဝ်ႏမာꩻခွိုန်ꩻထိုꩻတောဒျာႏ တခွန်ꩻဖုံႏ အုံငိပ်ꩻသော့ꩻ ခင်ႏလမ်းနုဲင်းမုဲင်ꩻ’” နုဲင်းနဝ်ꩻသွူ။
47 #
လု ၂၁:၃၇။ ဗိမာန်ႏတောႏ ကျောင်ꩻကိုနဝ်ꩻ ဗွေႏယေသျု အဝ်ႏသွဉ်သင် ဒေါ့ꩻဟော်ꩻသော့ꩻဖေႏ စွုမ်ႏနီꩻနီꩻသွူ။ ယဇ်ပရောဟိတ်တန်ဖုံႏ၊ ကျမ်ꩻဒါႏဆရာႏဖုံႏတွမ်ႏ လိုꩻတန်ဖုံႏနဝ်ꩻ မဉ်မာꩻသီထိုꩻ ဝွေꩻဗွေႏသွူ။ 48ပွိုးတွော့ꩻလိုꩻဖုံႏ ကားကအဝ်ႏနဝ်ꩻ အဝ်ႏနာႏ ဝွေꩻဗွေႏငဝ်းနဝ်ꩻ၊ ငဝ်းတဖြုံႏငါတဲ့ အွဉ်ႏဖေင်ꩻတဝ်း နဝ်ꩻမꩻ ကအီႏမာꩻသီထိုꩻနဝ်ꩻ ဝွေꩻသီး ထုမ်ႏအနယ်ꩻ တမော့ꩻတဝ်းသွူ။
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Pao Bible Common Language© Bible Society of Myanmar, 2019.