يوحنا 5

1وبعد فترة كان في عيد لليهود فراح يسوع ع أورشليم. 2راح ع البركة اللي عند باب الغنم واسمها بالعبراني بيت حسدا وفيها 5 ممرات. 3وكان في ملان مرضى وعميان وعرج ومشلولين وكانوا متمددين في الممرات. 4‏-5وكان في معهن زلمة صارلو 38 سنة مريض. 6شافو يسوع متمدد وعرف إنو صارلو مريض وقت كثير فسألو: بدك تشفى؟ 7جاوبه المريض وقال، يا سيّد، ما عنديش حدا ينزلني ع البركة لما بتتحرك المي. وكل مَبجرب أنزل لحالي ع البركة بسبقني مريض تاني. 8قَلو يسوع: قوم واحمل فرشتك وامشي. 9وطوالي رجعتلو صحتو وحمل فرشتو وصار يمشي.

وكان الوقت يوم سبت. 10فقالو اليهود للزلمة اللي شِفِي. اليوم السبت. ومش مسموحلك تحمل فرشتك. 11جاوبهن وقلهن: اللي شفاني قلّي: احمل فرشتك وامشي. 12سألوه: مين الزلمة اللي قَلَّك: احمل فرشتك وامشي؟ 13بس هو مكنش يعرف مين هو ويسوع ترك المحل عشان كان في ملان ناس. 14وبعد فترة لقاه يسوع في الهيكل وقلو: هاي صحتك صارت منيحة، ترجعش تخطي، بلاش يكون شر الأيام الجاي أكبر. 15وراح الزلمة وحكى لليهود إنو يسوع هُو اللي شفاه. 16وعشان هيك قررت الرئاسة اليهودية إنو تضايق يسوع لأنو عمل أشياء ضد قوانين السبت. 17فجاوبهن يسوع وقلهن: أبوي ما وقفش يشتغل لحد إسه وأنا عم بشتغل. 18فصارت الرئاسة اليهودية تجرب أكثر إنها تقتله. هو خالَف قوانين السبت وكمان عم بقول إنو الله هو أبوه يعني بساوي نفسه بالله.

19رد يسوع عليهن وقَلهن: عنجد بقُلكو، الابن بقدرش يعمل إشي بدون الآب، بعمل بس الأشياء اللي بشوف الآب بعملها لأنو الابن بعمل كل إشي بعمله الآب. 20ولأنو الآب بِحب الابن وبِكشفله كل اللي هو بِعمله ورَح يكشفله أعمال أعظم من هاي الأعمال عشان يخليكو تتعجبو. 21ولأنو زي ما الآب بقوّم وبيحي الأموات هيك كمان الابن بيحي مين بدو. 22ولأنو الآب بحاكمش حدا، وترك كل محاكمة البشر للابن. 23عشان الكل يفهم إنو قيمة الابن زي قيمة الآب. فاللي بِكرمش الابن بِكرمش الآب اللي بعتو. 24عنجد بقُلكو: اللي بسمع كلمتي وبآمن باللي بعتني رَح تكون إلو الحياة الأبدية ومش رَح يكون تحت الدينونة. 25عنجد بقُلكو رَح تيجي ساعة وإسه هي الساعة اللي فيها الِـموات رَح يسمعوا صوت ابن الله واللي رَح يسمعوا رَح تدب فيهن الحياة. 26لأنو زي ما الآب هو مصدر الحياة هيك كمان أعطى الابن أنو يكون مصدر الحياة 27وأعطاه السلطة إنو يكون قاضي البشر لأنو هو ابن الإنسان. 28تتعجبوش من شو بقُلكو لأنو رَح تيجي سيعة فيها رَح يسمعوا كل الِـموات صوت ابن الله 29ويقوموا من القبر، اللي عملو الخير رَح يقوموا ويدخلوا الحياة واللي عملوا الشر رَح يقوموا ع الدينونة.

30وأنا بقدرش أحاكم بأي إشي ع كيفي، حكمي بِعتمِد ع شو بسمع، وحُكمي عادل لإني بديش أحكم بحسب إرادتي بس بدي أحكم بحسب إرادة الآب اللي بعـتني.

31وإذا أنا بشهد لنفسي فهذا مش دليل كافي في القضاء. 32في حدا تاني بشهد عني وأنا بعرف إنو اللي بحكيه عني صحيح. 33إنتو بعتو ناس لعند يوحنا وشهد بكلام حق. 34بس أنا مش محتاج إنسان يشهد عني وبحكيلكو هادا الحكي عشان تخلصوا. 35يوحنا هو الشُعلة المولعة والمنورة وأنتو بدكو تنبسطو بنوره لسيعة. 36بس في شهادة أعظم من شهادة يوحنا، الأعمال اللي وكلني الآب أنو أعملها هي اللي بتشهدلي وبتفرجيكو أنو الآب بعتني. 37والآب اللي بعتني هو بنفسه شهدلي. أنتو ولا مرة سمعتو صوته أو شفتو وجهه. 38ورسالتو مش معششه في قلوبكو لأنكو مش مآمنين بالشخص إِللي بعته. 39أنتو بتفتشو الكتب المقدسة لأنكو بتفكروا إنكو بتلاقو فيها الحياة الأبدية. والكتب هي اللي بتشهد عني. 40بس بدكوش تيجو لعندي عشان توخدوا الحياة.

41ما باخذ المجد من الناس 42بعرفكو منيح وبعرف أنو محبة الله مش بقلوبكو 43أجيت باسم أبوي وعم ترفضوني بس إذا واحد تاني بيجي باسم مصلحته هداك رَح تقبلوه. 44كيف رَح تقدروا تآمنوا فيّ وأنتو مش عم تطلبوا مدح الإله الوحيد وعم تقبلو مدح من بعض؟ 45تفكروش إنو رَح أشكيكو للآب. موسى اللي بانيين آمالكو عليه هو اللي بتشكى عليكو. 46لأنو لو صدقتو موسى كان صدقتوني، هو كتب عني. 47فإذا مش مآمنين بكتب موسى كيف بدكو تآمنوا بكلامي؟

ទើបបានជ្រើសរើសហើយ៖

يوحنا 5: CGB

គំនូសចំណាំ

ចែករំលែក

ចម្លង

ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល