ଜଅନ୍ 6
6
ଜିସୁଲା ପାଁନ୍ସ୍ଟା ରୁଟି ମାରି ଇମ୍ବାରୁ ଆ'ଡଂବୁରଂ ପାଁନ୍ସ୍ ଅଜାର୍ ରେମଲେବକ୍ ଅ'ସୁମ୍ଡେନ୍
(ମାତିଉ 14:13–21; ମାର୍କ 6:30–44; ଲୁକ 9:10–17)
1ତିର୍ଗି' ଜିସୁଲା ଗାଲିଲି ସମ୍ଦର୍କିନ୍ଡାକ୍ନା ଇନ୍ସିପାଟ୍ ଉଇଗା' । ଆତୁନ୍ ସମ୍ଦର୍କିନ୍ଡାକ୍ ତିବିରିୟା ଡ'ସେକ୍ସା ସୁନ୍ତ । 2ମାରି ମାଇ ସିବାଇ' ରେମଲେବକ୍ ବାନି ଡେମ'କୁନୁଂ ମାରି କାବାକାବା ଡିନ୍ଡେମ୍ବାଇ' କାମ୍ ଡେମ'କୁନୁଂ ଗୁତୁନ୍ ଗୁଲାଇ ଜୁଲ'ସେକ୍ ଅବୁଦି ରେମଲେ ଆମାଇ ତେଂଗି' ଉଇଗା' । 3ସା' ଜିସୁଲା ମାଇନା ସିସ୍ୟଲେବୁରଂ କୁନ୍ଡା ବାଗ୍ବକ୍ ଉଇସେକ୍ ଲେଇ'ଗା' । 4ଆଇ'ତୁନ୍ବେଲା ଜିଉଦିରେମଲେନା ନିସ୍ତାର୍ ପରବ୍ ଉନ୍ତୁ' ସା'କୁ । 5ମାରି ଅବୁଦି ରେମଲେ ମାଇନ୍ବକ୍ ସୁସାପ୍ନା ଜୁଲ'ସେକ୍ ଜିସୁଲା ଆପିଲିପ୍ଲା ସୁନ' “ଆଇ'କେନ୍ର ସୁସୁମ୍ପୁଲେଇ ନେଇ' ଇମ୍ବ'କୁରୁଂ ରୁଟି ସପ୍ତୁନେଇ'?” ଡ'ସେକ୍ ସୁନ' । 6ମାଇ ମା ସୁନ୍ତ ଡ'ସେକ୍ ମାଗ୍ମାକ୍ପୁଲେଇଉ ଡି'କେନା ସୁନ'କୁ । ମାସା'ଡ'ନା ଜିସୁଲା ମା ଡେମ୍ତିଂ ଡ'ସେକ୍ ଗୁତୁନା ମାଇ ନିଜେ ମାଗ'କୁ ।
7ପିଲିପ୍ଲା ଆମାଇ ସୁନ' “ଆଇ'କେନ୍ରବକ୍ ପାଁନ୍ସ୍କଡି ରୁପାନ୍ ଡାବୁବୁରଂ ରୁଟି ସବ'ସେକ୍ ବେଡ'ନା ଇ'କିଲେକାସା ଆଗକ୍ତା” ଡ'ସେକ୍ ସୁନ' ।
8ସା' ଜିସୁନା ସିସ୍ୟଲେନ୍ ବିତ୍ରେ ମୁଇନ୍ଡା ସିମନ୍ ପିତର୍ନା ବୁୟାଂ ଆନ୍ଦ୍ରିୟଲା ଆଜିସୁଲା ସୁନ': 9ଆକେ ମୁଇନ୍ଡା ଗୁଲା ଡୁତା । ମାଇନ୍ବକ୍ ପାଁନ୍ସ୍ଟା ଜବବୁରଂ ଅ'ରଇଁୟ'କୁନୁଂ ରୁଟି ମାରି ଇମ୍ବାରୁ ଆ'ଡଂ ଡୁତା । ମାତର୍ ଆଇ'କେନ୍ ରେମବକ୍ କେନା ଡେନ୍ତା ଇ?
10ଆରେମଲେ ଅଲେଇ' ଡ'ସେକ୍ ଜିସୁଲା ସୁନ' । ଆତା ଅବୁଦି ସେପ୍ସାକ୍ ଡୁକୁ ଗୁତୁନ୍ ବାଗ୍ବକ୍ ଗୁଲାଇର ଲିଲେଇ' ଆର୍ଗା' । ସା' ଲେଇ'କୁନୁଂ ରେମଲେନ୍ ବିତ୍ରେ ଆଇଂଗେରେଉ ଏଜାଲ'ନା ଉନାଅଦିକ୍ ପାଁନ୍ସ୍ ଅଜାର୍ ରେମ ଡୁକୁ । 11ସା' ଜିସୁଲା ଗୁତୁନ୍ ରୁଟି ଜୁଗ' ଆମାପ୍ରୁ ସୁନ୍ଡ୍ରକ୍ସେକ୍ ଲେଇ'କୁନୁଂ ରେମ୍ବକ୍ ବାନ୍ଟାଲ' ବେଡ' । ଡୁ'ତୁନାଉ ଆ'ଡଂସା ବାନ୍ଟାଲ' ବେଡ' । ଆମା'ଏ ଆ'ଇ ଦର୍କାର୍ ଡେଂଗା' ଆଇ'ତୁନ୍ ବେଡ' ।
12ଆମା'ଏ ସୁସୁମ୍ ପାଗା'ସା' ମାଇ ଆମାଇନା ସିସ୍ୟଲେ ସୁନ' “ସୁସୁମ୍ଆର'ସେକ୍ ଲଲ'କୁନୁଂସା ମୁନ୍ଡକ୍ବକ୍ ରୁନ୍ଡାଇ । ଇ'କିସା ଆଇକ୍ସାର'” ଡ'ସେକ୍ ସୁନ' । 13ସା' ମା'ଏ ଗୁତୁନ୍ ଗୁଲାଇଉ ମୁନ୍ଡକ୍ବକ୍ ରୁନ୍ଡାୟ' । ସା' ଗୁତୁନ୍ ପାଁନ୍ସ୍ଟା ଜବବୁରଂ ଅ'ରଇଁୟ'କୁନୁଂ ରୁଟିକୁରୁଂ ଅବୁଦି ଡେଂକୁନୁଂ ଜବବୁରଂ ଅ'ରଇଁୟ'କୁନୁଂ ରୁଟି ମା'ଏ ଗୁଲାଇର ସୁମ'ସେକ୍ ଲଲ'କୁନୁଂ ରୁନ୍ଡାୟ'ସା' ବାରଟା ଡାମୁଂବକ୍ ବର୍ତି ଡେଂଗା' ।
14ମାଇ କାବାକାବା ଡିନ୍ଡେମ୍ବାଇ' କାମ୍ ଡେମ'କୁନୁଂ ରେମଲେ ଜୁଲ'ସେକ୍ ସୁନ', “ମାପ୍ରୁ ସୁନ'କୁନୁଂ ତୁମ' ଅଂଅଁ'ସେକ୍ ଆରେମଲେ ସୁଁସୁଲା ଦେସ୍ଦୁନିଆବକ୍ ସାପ୍ତା ଡ'ସେକ୍ ଇନ୍ତେକନ୍ଡେକ୍ ସୁନ'କୁନୁଂସୁଗ ସତଇସା କୁନାଉ ମାଇ ସା'ଗା'” ଡ'ସେକ୍ ସୁନ' । 15ମା'ଏ ଆନିଂ ଜବର୍ଦସ୍ ଡେମ'ସେକ୍ ରାଜା ଅ'ଏପୁଲେଇ ସେସ୍ଟା ଡେମ'ତା ଡ' ଜିସୁଲା ମାଗ'ସେକ୍ ମାଇ ସାକ୍ମାଇଉ କଲେ ମୁଇ କୁନ୍ଡା ବାଗ୍ବକ୍ ମାରି ଡୁଂଗା' ।
ଜିସୁଲା ଡାଗ୍ବାଗ୍ବକ୍ ଉରିଂଡେନ୍
(ମାତିଉ 14:22–33; ମାର୍କ 6:45–52)
16ମୁନ୍ଡି'ଗା'ସା' ମାଇନା ସିସ୍ୟଲେ କିନ୍ଡାକ୍ ପାଲି ଉଇଗା' । 17ଞୁର୍ଗା'ସା'ଏସା ଜିସୁଲା ମା'ଏନ୍ବକ୍ ସୁସାପ୍ ଅରଇ' ଡେଂକୁସା' ମା'ଏ ମୁଇ ଡଂଗାବକ୍ ଲେଇ'ସେକ୍ ସମ୍ଦର୍କିନ୍ଡାକ୍ନା ଇନ୍ସିପାଟ୍ ଡୁକୁନୁଂ କପର୍ନାଉମ୍ ଉଂଗମ୍ବକ୍ ଉଇଡେଂକୁ । 18ଆଇ'ତୁନ୍ବେଲା ଅବୁଦି ଉଇଡାଗ'ସା' ସମ୍ଦର୍କିନ୍ଡାକ୍ବକ୍ ଅବୁଦି ତଂକୁକ୍ଡାଗ'କୁ । 19ଆଇ'ତୁନ୍ବେଲା ମା'ଏ ଡଂଗାବକ୍ ପାଁନ୍ସ୍ କି ସ କିଲିମିଟର୍ସୁଗ ଉଇସେକ୍ ଜିସୁଲା ଡାଗ୍ ବାଗ୍ବକ୍ ଉରିଂଅଁ' ଉରିଂଅଁ' ଡଂଗା ଉନ୍ତୁ' ସୁସାପ୍ଡେଂକୁନୁଂ ଜୁଲ'ସେକ୍ ଅବୁଦି ବୁତୁଂଗା' । 20ମାତର୍ ଜିସୁଲା ଆମା'ଏ ସୁନ' “ଆବୁତୁଂଗା', ନିଂଉ କେନା” ଡ'ସେକ୍ ସୁନ' । 21ସା' ମାରି ମା'ଏ ଆମାଇ ଡଂଗାବକ୍ ରିଂଅଁ' ଉଇପୁଲେଇ ମୁନ୍ଡେଂଗା'। ମାରି ମା'ଏ ଆମ୍ବ' ଉଇଡେଂକୁ ଆତାଉ ଆ'ଇକୁ ଡଂଗା ଡେଲ' ।
ରେମଲେ ଆଜିସୁଲା ତୁର'ତୁର' ଉଇଡେନ୍
22ଆ'ଇବେରା ଇନ୍ସିପାଟ୍ ତଂକୁନୁଂ ରେମଲେ ଜୁଲ'ସା' ଗୁତୁନ୍ ଜାଗାବକ୍ ମୁଇ ଡଂଗାଉ ଡୁକୁଗା', ମାରି ମାଇନା ସିସ୍ୟଲେଉ ଗୁତୁନ୍ ଡଂଗାବକ୍ ଉଇଗା', ମାତର୍ ଜିସୁଲା ମାଇନା ସିସ୍ୟଲେବୁରଂ ଉଇ ଆଡୁତା ଡ'ସେକ୍ ମାଗ'କୁ । 23ମାରି ପ୍ରବୁଲା ସୁନ୍ଡ୍ରକ୍ସେ'ଗା ଆରେମଲେ ଆମ୍ବ' ରୁଟି ଅ'ସୁମ'ବୁଂଅଁ'କୁ ଗୁତୁନ୍ ଜାଗା ଉନ୍ତୁ' ତିବିରିୟା ଉଂଗମ୍କୁରୁଂ ଆ'ଇସୁଗ ଡଂଗା ସାକ୍ସେକ୍ ଡୁକୁ । 24ସା' ଜିସୁଲା କି ମାଇନା ସିସ୍ୟଲେ ଆତା ଆଡୁତା ଡ' ରେମଲେ ଜୁଲ'ସେକ୍ ଗୁତୁନ୍ ଡଂଗାଲେବକ୍ ମା'ଏ ଡାଇ'ସେକ୍ ଆଜିସୁଲା ତୁର'ତୁର'ସେକ୍ କପର୍ନାଉମ୍ ଉଂଗମ୍ବକ୍ ସା'ଗା' ।
25ସା' ମା'ଏ ଆମାଇ ଇନ୍ସିପାଟ୍ନା କିନ୍ଡାକ୍ପାଲି ଜୁଲ'ସେକ୍ ସୁନ' “ଅ ଗୁରୁ, ଆ'ଇବେଲା ନ ଆକେ ସାକ୍ନ?” ଡ'ସେକ୍ ସୁନ' । 26ସା' ଜିସୁଲା ଆମା'ଏ ସୁନ' “ନିଂ ଆପେ ସତ୍ ସୁନ'ତିଂ, ନିଂ କାବାକାବା ଡିନ୍ଡେମ୍ବାଇ' କାମ୍ ଡେମ'କୁନୁଂ ପେ ଜୁଲ'ସେକ୍ ଆନିଂ ତୁର' ଆଡୁତୁପେ, ମାତର୍ ରୁଟି ସୁନୁମ୍ ବୁସୁକୁସା' ଆନିଂ ତୁର'ତୁପେ । 27ଦର୍ତନିନା କାଦି ଗୁଲାଇ ନସ୍ଟ ଡେନ୍ତା । ଗୁତୁନ୍ କାଦି ବୁମ୍ବାମ୍ପୁଲେଇ ଆଦାଂ ଆଡେଂଗା' । ମାତର୍ ଇମ୍ବ'ନ୍ କାଦି ନସ୍ଟ ଆଡେନ୍ତା ମାରି ମଡୁନମ୍ ଜିବନ୍ ବେ'ତ ଗୁତୁନ୍ କାଦି ବୁମ୍ବାମ୍ପୁଲେଇ ଆଦାଂ ଡେମା । ଗୁତୁନ୍ କାଦି ଆପେ ମାପ୍ରୁ ବେନ୍ଟାୟ'ସା' ସା'କୁନୁଂ ରେମନା ଉଁ'ଉଁ ବେ'ତ । ମାସା'ଡ'ନା ମାଇନା ବା ମାପ୍ରୁ ଆମାଇ ସିରେଲ'ସେକ୍ ଗୁତୁନ୍ ଡିନ୍ଡେମ୍ନା ଅଦିକାର୍ ବେଡ'କୁନୁଂ ସିନ ଆମାଇ ବେଡ'ତା” ଡ'ସେକ୍ ସୁନ' ।
28ସା' ମା'ଏ ଆମାଇ ସୁନ' “ମାପ୍ରୁନା ମୁନ୍ସୁଗ ଡୁକୁନୁଂ କାମ୍ ଡିନ୍ଡେମ୍ପୁଲେଇ ନେଇ ମା ଡିନ୍ଡେମ୍ ଡୁତା?” ଡ'ସେକ୍ ସୁନ' ।
29ସା' ଜିସୁଲା ଆମା'ଏ ସୁନ' “ମାପ୍ରୁ ଆଜା ବେନ୍ଟାୟ'ତା ଆମାଇ ପେ ବିସ୍ବାସ୍ ଡିନ୍ଡେମ୍ନାଉ ମାପ୍ରୁନା ମୁନ୍ସୁଗ ଡୁକୁନୁଂ କାମ୍” ଡ'ସେକ୍ ସୁନ' ।
30ସା' ମା'ଏ ଆମାଇ ସୁନ' “ଡୁ'ତୁନ୍ ଡ'ନା ମା କାବାକାବା ଡିନ୍ଡେମ୍ବାଇ' କାମ୍ ଡେମ୍ତୁନସା' ନେଇ ଗୁତୁନ୍ ଜୁଲ'ସେକ୍ ଆନ ବିସ୍ବାସ୍ ଡେମ୍ତୁନେଇ । ନ ମା ଡିନ୍ଡେମ୍ ଗଂତୁନ? 31ଇନ୍ତେକନ୍ଡେକ୍ ନେଇନା ୟା'ତୁତାଲେ ଟାଂରାବାଟାପାଦାବକ୍ ଡୁକୁନୁଂବେଲା ମାନ୍ନା ଡ'ସେକ୍ ମୁଇ ସୁସୁମ୍ନା ସୁମ'କୁ । ଆମା'ଏ ସୁସୁମ୍ପୁଲେଇ ସରଗ୍କୁରୁଂ ସୁସୁମ୍ନା ରିଂଅଁ'ବେଡକୁ ଡ'ସେକ୍ ମାପ୍ରୁନା ଉଲାକ୍ବକ୍ ଲେକା ଡୁତା” ଡ'ସେକ୍ ସୁନ' ।
32ସା' ଜିସୁଲା ଆମା'ଏ ସୁନ' “ନିଂ ଆପେ ସତ୍ ସୁନ'ତିଂ, ଆପେ କି'ତୁଂକୁରୁଂ କାଦି ବେଡ'କୁନୁଂ ମସାଲା ବେଡ'ଆଡୁତା । ମାତର୍ ନିଂନା ବା ଆପେ ସରଗ୍କୁରୁଂ ସତଇସାନା କାଦି ବେ'ତ । 33ଦେସ୍ଦୁନିଆନା ରେମଲେବକ୍ ଜିବନ୍ ବିବେ'ପୁଲେଇ ସରଗ୍କୁରୁଂ ଜର୍କୁନୁଂଆଁଉ ମାପ୍ରୁ ବିବେ'ନା କାଦି” ଡ'ସେକ୍ ସୁନ' ।
34ସା' ମା'ଏ ଆମାଇ ସୁନ' “ବାବୁ, ଇସାଉ ଆନେଇ କେନ୍ କାଦି ବେ'” ଡ'ସେକ୍ ସୁନ' ।
35ସା' ଜିସୁଲା ଆମା'ଏ ସୁନ' “ନିଂ ଗୁତୁନ୍ ଜିବନ୍ ବିବେ'ନା କାଦି । ଜା ନିଂବକ୍ ସାପ୍ତା ଆମା'ଏ ଇନ୍ଡଇ'ଏସା ଆକୁଡୁତା । ମାରି ଜା ଆନିଂ ବିସ୍ବାସ୍ ଡେମ୍ତ ଆମାଇ ଇନ୍ଡଇ'ଏସା ଇଡାଗ୍ ଆଡୁସୁପ୍ତା । 36ମାତର୍ ପେ ଆନିଂ ଜୁଲ'ସେକ୍ସା ବିସ୍ବାସ୍ ଆଡେମ୍ତୁପେ ଡ'ସେକ୍ ନିଂ ଆପେ ସୁନ'ତିଂ । 37ନିଂନା ବା ଆଜାଆଜା ଆନିଂ ବେ'ତ ମା'ଏ ନିଂବକ୍ ସାପ୍ତା । ମାରି ଜା ନିଂବକ୍ ସାପ୍ତା ଆମାଇ ନିଂ ଇନ୍ଡଇ'ଏସା ଆଅନ୍ତୁର୍ତିଂ । 38ମାସା'ଡ'ନା ନିଂ ନିଜର୍ନା ମୁନ୍ସୁଗ ଡିନ୍ଡେମ୍ପୁଲେଇ ଜର୍ ଆଡୁତିଂ ମାତର୍ ଆନିଂ ଜା ବେନ୍ଟାୟ'ତା ମାଇନା ମୁନ୍ସୁଗ ଡିନ୍ଡେମ୍ପୁଲେଇ ନିଂ ସରଗ୍କୁରୁଂ ଜର୍ଗୁତିଂ । 39ସା' ଆନିଂ ବେନ୍ଟାୟ'କୁନୁଂଆଁ ଆଜାଆଜା ଆନିଂ ବେଡ'ତା ମା'ଏନ୍ ବିତ୍ରେ ଆଜାଏସା ନିଂ ନସ୍ଟ ଆଡେମ୍ତିଂ । ମାତର୍ ଡୁନନ୍ଡମ୍ ଦିନ୍ବକ୍ ଆମା'ଏ ବ'ରଲ'ନାଉ ଡେନ୍ତା ଡ'ସେ'ଗା ଆନିଂ ବେନ୍ଟାୟ'କୁନୁଂନା ମୁନ୍ । 40ମାସା'ଡ'ନା ଜାଜା ଆ'ଉଁନ୍ଡେଇଁ ଜୁଲ'ସେକ୍ ଆମାଇ ବିସ୍ବାସ୍ ଡେମ୍ତ ମା'ଏ ମଡୁନମ୍ ଜିବନ୍ ବାମେଇ' ଡ'ସେକ୍ ନିଂନା ବାନା ମୁନ୍ । ମାରି ନିଂ ଆମା'ଏ ଡୁନନ୍ଡମ୍ ଦିନ୍ବକ୍ ବ'ରତିଂ ।”
41ନିଂ ସରଗ୍କୁରୁଂ ଜର୍କୁନୁଂ କାଦି ଡ'ସେକ୍ ଜିସୁଲା ସୁନ'ସା' ଜିଉଦିରେମଲେ ମା'ଏନ୍ ମା'ଏନ୍ ବିତ୍ରେ ମାଇନା ବିସୟରେ ଅଇଁସାମ୍ଗା' । 42ମା'ଏ ସୁନ' “କୁନା ତ ଜସେପ୍ନା ଉଁ'ଉଁ ଜିସୁଲା । ମା ଆକୁନୁଂନା ୟଂବା ଆମାକ୍ତୁନେଇ'ସା' ଇ? ମି କୁନା ନିଂ ସରଗ୍କୁରୁଂ ଜର୍ଗୁତିଂ ଡ'ସେକ୍ ଆ'ନା ସୁନ'ତା?” ଡ'ସେକ୍ ଅଇଁସାମ୍କୁ ।
43ସା' ଜିସୁଲା ଆମା'ଏ ସୁନ' “ପେ, ପେନ୍ ବିତ୍ରେ ଗୁର୍ମୁର୍ ଆଡେଂଗା' । 44ଆନିଂ ବେନ୍ଟାୟ'କୁନୁଂ ନିଂନା ବା ଆନିଂ ବିସ୍ବାସ୍ ଡିନ୍ଡେମ୍ପୁଲେଇ ଆଜା ମୁନ୍ ବେ'ତ ମାଇଉ ନିଂବକ୍ ସୁସାପ୍ ଗଂତା, ମାରି ଜାଏସା ଆସାପ୍ତା । ମାରି ନିଂ ଡୁନନ୍ଡମ୍ ଦିନ୍ବକ୍ ଆମାଇ ବ'ରତିଂ । 45‘ଆଗୁଲାଇର ମାପ୍ରୁ ଅମାକ୍ତ’ ଡ'ସେକ୍ ବାବବାଦିଲେ ଇନ୍ତେକନ୍ଡେକ୍ ଉଲାକ୍ବକ୍ ଲେକ୍ଲ'ତା । ଜା ନିଂନା ବାନା ତୁମ' ଅଂଅଁ'ସେକ୍ ମାଇନ୍କୁରୁଂ ମାଗ'ତା ମାଇ ନିଂବକ୍ ସାପ୍ତା । 46ଡୁ'ତୁନ୍ ଡ'ନା ଆମାପ୍ରୁ ଜାଏସା ଜୁଲ'ତା ଡ'ସେକ୍ ଆଏତ୍ଗା' ମାସା'ଡ'ନା ମାପ୍ରୁନ୍କୁରୁଂ ଜା ସା'ଗୁତା ମାଇଉ ଆମାପ୍ରୁ ଜୁଲ'ତା ମାରି ଜାଏସା ଜୁଲ' ଆଡୁତା ।
47ନିଂ ଆପେ ସତ୍ ସୁନ'ତିଂ ଜା ଆନିଂ ବିସ୍ବାସ୍ ଡେମ'ତା ମାଇ ମଡୁନମ୍ ଜିବନ୍ ବାଂଗା' । 48ନିଂ ଜିବନ୍ ବିବେ'ନା କାଦି । 49ପେନ୍ ୟା'ତୁତାଲେ ଟାଂରାବାଟାପାଦାବକ୍ ମାନ୍ନା ଡ'କୁନୁଂ ଗୁତୁନ୍ କାଦି ସୁମ'କୁସା'ଏସା ମା'ଏ ଗୁଲାଇର ଗୁଇ'ଗା' । 50ମାତର୍ ଆ'ନା ନିଂ ସରଗ୍କୁରୁଂ ଜର୍କୁନୁଂ ଗୁତୁନ୍ କାଦି । ଗୁତୁନ୍ କାଦି ଜାଏସା ସୁମ'ନା ମାଇ ଇନ୍ଡଇ'ଏସା ଆଗୁଇ'ତା । 51ନିଂ ସରଗ୍କୁରୁଂ ଜର୍କୁନୁଂ ଗୁତୁନ୍ ଜିବନ୍ ବିବେ'ନା କାଦି । ଜା କେନ୍ କାଦି ସୁମ୍ତ ମାଇ ଇସାଉ ବୁରକ୍ସେକ୍ ଡୁତା । ନିଂ ଇମ୍ବ'ନ୍ କାଦି ବେ'ତିଂ ଗୁତୁନ୍ ନିଂନା ଞେରି । ଦେସ୍ଦୁନିଆନା ରେମଲେବକ୍ ଜିବନ୍ ବିବେ'ପୁଲେଇ ନିଂନା ଞେରି ନିଂ ବେ'ତିଂ ।”
52ସା' ଜିଉଦିରେମଲେ ମି କୁନା ଆନେଇ' ନିଜର୍ନା ଞେରି ସୁସୁମ୍ପୁଲେଇ ବିବେ' ଗଂତାବେ ଡ'ସେକ୍ ମା'ଏନ୍ ମା'ଏନ୍ ବିତ୍ରେ କିରଗା' ।
53ସା' ଜିସୁଲା ଆମା'ଏ ସୁନ' “ନିଂ ଆପେ ସତ୍ ସୁନ'ତିଂ, ମାପ୍ରୁ ବେନ୍ଟାୟ'ସା' ସା'କୁନୁଂ ରେମନା ଉଁ'ଉଁ ନିଂ । ନିଂନା ଞେରି ଆସୁମ'ନା ମାରି ନିଂନା ବନି ଆଇଡ'ନା ପେନ୍ବକ୍ ଜିବନ୍ ଆଡୁତା । 54ମାତର୍ ଜା ନିଂନା ଞେରି ସୁମ୍ତ ମାରି ନିଂନା ବନି ଇ'ତ ମାଇ ମଡୁନମ୍ ଜିବନ୍ ବାମ୍ତା । ମାରି ଡୁନନ୍ଡମ୍ ଦିନ୍ବକ୍ ନିଂ ଆମାଇ ବ'ରତିଂ । 55ମାସା'ଡ'ନା ନିଂନା ଞେରି ସତଇସାନା କାଦି ମାରି ନିଂନା ବନି ସତଇସାନା ଇ'ନା । 56ଜା ନିଂନା ଞେରି ସୁମ୍ତ ମାରି ନିଂନା ବନି ଇ'ତ ମାଇ ନିଂବକ୍ ଡୁତା ମାରି ନିଂ ମାଇନ୍ବକ୍ ଡୁତିଂ । 57ଜିବନ୍ ଡୁକୁନୁଂ ନିଂନା ବା ଆନିଂ ବେନ୍ଟାୟ'ସା' ନିଂ ମାଇନା ଲାଗିରେ ବୁରକ୍ସେକ୍ ଡୁତିଂ । ଡୁ'ତୁନା ଜା ଆନିଂ ସୁମ୍ତ ମାଇସା ନିଂନା ଲାଗିରେ ବୁରକ୍ସେକ୍ ଡୁତା । 58ନିଂଉ ସରଗ୍କୁରୁଂ ଜର୍କୁନୁଂ ଗୁତୁନ୍ କାଦି । ପେନା ୟା'ତୁତାଲେ ମାନ୍ନା ଡ'କୁନୁଂ କାଦି ସୁମ'ସେକ୍ ଗୁଇ'ଗା' । ମାତର୍ ଜା କେନ୍ କାଦି ସୁମ୍ତ ମାଇ ଇସାଉ ବୁରକ୍ସେକ୍ ଡୁତା ।”
59କେନ୍ ଗୁଲାଇ ଜିସୁଲା କପର୍ନାଉମ୍ ମୁନା'ଉଂଗମ୍ନା ମୁଇ ପାର୍ତନା ଡିଂଅଁବକ୍ ଆରେମଲେ ଅମାକ୍ବେଲା ସୁନ' ।
ଜିସୁନ୍କୁରୁଂ ଅବୁଦି ରେମଲେ ଡୁଂଡୁଂଡେନ୍
60ମାଇନା ସିସ୍ୟଲେନ୍ ବିତ୍ରେ ଅବୁଦିର କେନା ଅଂଅଁ'ସେକ୍, କେନା ଅବୁଦି କସ୍ଟବାଇ' ତୁମ', ଜା ଅଂ ଗଂତାଲେଇ? ଡ'ସେକ୍ ସୁନ' ।
61ସା' ମାଇନା ସିସ୍ୟଲେ ମାଇ ସୁନ'କୁନୁଂ ତୁମ' ବିସୟରେ ଅଇଁସାମ୍ଗୁତା ଡ'ସେକ୍ ଜିସୁଲା ମାଗ'ସେକ୍ ଆମା'ଏ ସୁନ' “ନିଂ କେନ୍ ତୁମ' ସୁନ'ନିଂସା' ଆପେ କସ୍ଟ ସା'ଗୁତା ଇ? 62ଡୁ'ତୁନ୍ ଡ'ନା ମାପ୍ରୁ ବେନ୍ଟାୟ'ସା' ସା'କୁନୁଂ ରେମନା ଉଁ'ଉଁ ନିଂ, ନିଂ ମୁଲ୍ ଆମ୍ବ' ଡୁକୁନିଂ ଆତା ଡୁଡାଇ ଡେଂକୁନୁଂବେଲା ପେ ଜୁଲ'ନା ଡ'ନା ମା ଡିକ୍ତୁପେ? 63ମାପ୍ରୁନା ଜିବନ୍ଉ ଆରେମଲେ ଜିବନ୍ ବିବେ'ବାଇ' । ଞେରି ମାସା କାମ୍ ଆବେ'ତ । ନିଂ ଆପେ ସୁନ'କୁନୁଂ ଗୁଲାଇ ତୁମ' ମାପ୍ରୁନା ଜିବନ୍କୁରୁଂ ସା'କୁନୁଂ ମାରି ଗୁତୁନ୍ ତୁମ' ଆପେ ଜିବନ୍ ବେ'ତ । 64ମାତର୍ ପେନ୍ ବିତ୍ରେ ଏନ୍ତୁକ୍ର ଆନିଂ ବିସ୍ବାସ୍ ଆଡେମ୍ତ” ଡ'ସେକ୍ ସୁନ' । ମାସା'ଡ'ନା ଇମ୍ବ'ନୁଂଏଁ ଆମାଇ ବିସ୍ବାସ୍ ଆଡେମ୍ତ ମାରି ଜା ଆମାଇ ଦାଇରେମ୍ନା ତିତିବକ୍ ଅସୁୟ'ବେ'ତ ଡ'ସେକ୍ସା ଜିସୁଲା ମୁଲ୍ଉ ମାଗ'କୁ । 65ମାରି ମାଇ ସୁନ' “ଡି'କେନ୍ସାଉ ନିଂ ଆପେ ସୁନ'ନିଂ, ନିଂନା ବା ଆଜାଏସା ଆସିର୍ବାଦ୍ ଆଡେମ୍ତ ଡ'ନା ଜାଏସା ନିଂବକ୍ ସୁସାପ୍ ଆଗଂତା” ଡ'ସେକ୍ ସୁନ' ।
66ଆଇ'ତୁନ୍ବେଲାବାଂସା' ମାଇନା ସିସ୍ୟଲେନ୍ ବିତ୍ରେ ଏନ୍ତୁକ୍ର ମାଇନ୍କୁରୁଂ ଆନ୍ଡେଇଁସେକ୍ ଡୁଂଡୁଂଆର୍ଗା' । ମା'ଏ ଆମାଇ ତେଂଗି' ମାରି ଆଉଇଆର୍ତା । 67ସା' ଜିସୁଲା ଆବାରଲକ୍ ସିସ୍ୟଲେ ଅ'ଗଁସ୍ଲା'ଗା' “ଆପେସା ଡୁଂଡୁଂପୁଲେଇ ମୁନ୍ ଇ?” ଡ'ସେକ୍ ଅ'ଗଁସ୍ଲା'ଗା' ।
68 #
ମାତିଉ 16:16; ମାର୍କ 8:29; ଲୁକ 9:20 ସା' ସିମନ୍ ପିତର୍ଲା ଆମାଇ ସୁନ' “ପ୍ରବୁ, ନ ସୁନ'କୁନୁଂ ଗୁଲାଇ ତୁମ'ଉ ମଡୁନମ୍ ଜିବନ୍ ବିବେ'ନା ତୁମ', ମାରି ନେଇ ଜାନ୍ବକ୍ ଉଇତୁନେଇ? 69ମାରି ନ ମାପ୍ରୁ ବେନ୍ଟାୟ'ସା' ସା'କୁନୁଂ ଗୁତୁନ୍ ପବିତ୍ରବାଇ' ରେମ ଡ'ସେକ୍ ନେଇ ବିସ୍ବାସ୍ ଡେମ'ତୁନେଇ ମାରି ଗୁତୁନ୍ ବଲ୍ ମାଗ'ତୁନେଇ” ଡ'ସେକ୍ ସୁନ' ।
70ସା' ଜିସୁଲା ଆମା'ଏ ସୁନ' “ନିଂ ଆପେ ବାରଲକ୍ବକ୍ ସିରେଲ'ତିଂ ମାତର୍ ପେନ୍ ବିତ୍ରେ ମୁଇନ୍ଡା ସଇତାନ୍ ଡୁତା” ଡ'ସେକ୍ ସୁନ' । 71ସିମନ୍ନା ଉଁ'ଉଁ ଇସ୍କରିୟତ୍ ଜିଉଦାଲା ଗୁତୁନ୍ ବାରଲକ୍ ବିତ୍ରେ ମୁଇନ୍ଡା ଡ'ନାସା' ତିର୍ଗି' ମାଇ ଆଜିସୁଲା ଆଦାଇରେମ୍ ଅସୁୟ' ବେ'ତସା' ଜିସୁଲା ଆମାଇ ଜୁଲ'ସେ'ଗା ଡି'କେନା ସୁନ' ।
ទើបបានជ្រើសរើសហើយ៖
ଜଅନ୍ 6: BFW
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
CC BY-NC-ND 4.0
ଜଅନ୍ 6
6
ଜିସୁଲା ପାଁନ୍ସ୍ଟା ରୁଟି ମାରି ଇମ୍ବାରୁ ଆ'ଡଂବୁରଂ ପାଁନ୍ସ୍ ଅଜାର୍ ରେମଲେବକ୍ ଅ'ସୁମ୍ଡେନ୍
(ମାତିଉ 14:13–21; ମାର୍କ 6:30–44; ଲୁକ 9:10–17)
1ତିର୍ଗି' ଜିସୁଲା ଗାଲିଲି ସମ୍ଦର୍କିନ୍ଡାକ୍ନା ଇନ୍ସିପାଟ୍ ଉଇଗା' । ଆତୁନ୍ ସମ୍ଦର୍କିନ୍ଡାକ୍ ତିବିରିୟା ଡ'ସେକ୍ସା ସୁନ୍ତ । 2ମାରି ମାଇ ସିବାଇ' ରେମଲେବକ୍ ବାନି ଡେମ'କୁନୁଂ ମାରି କାବାକାବା ଡିନ୍ଡେମ୍ବାଇ' କାମ୍ ଡେମ'କୁନୁଂ ଗୁତୁନ୍ ଗୁଲାଇ ଜୁଲ'ସେକ୍ ଅବୁଦି ରେମଲେ ଆମାଇ ତେଂଗି' ଉଇଗା' । 3ସା' ଜିସୁଲା ମାଇନା ସିସ୍ୟଲେବୁରଂ କୁନ୍ଡା ବାଗ୍ବକ୍ ଉଇସେକ୍ ଲେଇ'ଗା' । 4ଆଇ'ତୁନ୍ବେଲା ଜିଉଦିରେମଲେନା ନିସ୍ତାର୍ ପରବ୍ ଉନ୍ତୁ' ସା'କୁ । 5ମାରି ଅବୁଦି ରେମଲେ ମାଇନ୍ବକ୍ ସୁସାପ୍ନା ଜୁଲ'ସେକ୍ ଜିସୁଲା ଆପିଲିପ୍ଲା ସୁନ' “ଆଇ'କେନ୍ର ସୁସୁମ୍ପୁଲେଇ ନେଇ' ଇମ୍ବ'କୁରୁଂ ରୁଟି ସପ୍ତୁନେଇ'?” ଡ'ସେକ୍ ସୁନ' । 6ମାଇ ମା ସୁନ୍ତ ଡ'ସେକ୍ ମାଗ୍ମାକ୍ପୁଲେଇଉ ଡି'କେନା ସୁନ'କୁ । ମାସା'ଡ'ନା ଜିସୁଲା ମା ଡେମ୍ତିଂ ଡ'ସେକ୍ ଗୁତୁନା ମାଇ ନିଜେ ମାଗ'କୁ ।
7ପିଲିପ୍ଲା ଆମାଇ ସୁନ' “ଆଇ'କେନ୍ରବକ୍ ପାଁନ୍ସ୍କଡି ରୁପାନ୍ ଡାବୁବୁରଂ ରୁଟି ସବ'ସେକ୍ ବେଡ'ନା ଇ'କିଲେକାସା ଆଗକ୍ତା” ଡ'ସେକ୍ ସୁନ' ।
8ସା' ଜିସୁନା ସିସ୍ୟଲେନ୍ ବିତ୍ରେ ମୁଇନ୍ଡା ସିମନ୍ ପିତର୍ନା ବୁୟାଂ ଆନ୍ଦ୍ରିୟଲା ଆଜିସୁଲା ସୁନ': 9ଆକେ ମୁଇନ୍ଡା ଗୁଲା ଡୁତା । ମାଇନ୍ବକ୍ ପାଁନ୍ସ୍ଟା ଜବବୁରଂ ଅ'ରଇଁୟ'କୁନୁଂ ରୁଟି ମାରି ଇମ୍ବାରୁ ଆ'ଡଂ ଡୁତା । ମାତର୍ ଆଇ'କେନ୍ ରେମବକ୍ କେନା ଡେନ୍ତା ଇ?
10ଆରେମଲେ ଅଲେଇ' ଡ'ସେକ୍ ଜିସୁଲା ସୁନ' । ଆତା ଅବୁଦି ସେପ୍ସାକ୍ ଡୁକୁ ଗୁତୁନ୍ ବାଗ୍ବକ୍ ଗୁଲାଇର ଲିଲେଇ' ଆର୍ଗା' । ସା' ଲେଇ'କୁନୁଂ ରେମଲେନ୍ ବିତ୍ରେ ଆଇଂଗେରେଉ ଏଜାଲ'ନା ଉନାଅଦିକ୍ ପାଁନ୍ସ୍ ଅଜାର୍ ରେମ ଡୁକୁ । 11ସା' ଜିସୁଲା ଗୁତୁନ୍ ରୁଟି ଜୁଗ' ଆମାପ୍ରୁ ସୁନ୍ଡ୍ରକ୍ସେକ୍ ଲେଇ'କୁନୁଂ ରେମ୍ବକ୍ ବାନ୍ଟାଲ' ବେଡ' । ଡୁ'ତୁନାଉ ଆ'ଡଂସା ବାନ୍ଟାଲ' ବେଡ' । ଆମା'ଏ ଆ'ଇ ଦର୍କାର୍ ଡେଂଗା' ଆଇ'ତୁନ୍ ବେଡ' ।
12ଆମା'ଏ ସୁସୁମ୍ ପାଗା'ସା' ମାଇ ଆମାଇନା ସିସ୍ୟଲେ ସୁନ' “ସୁସୁମ୍ଆର'ସେକ୍ ଲଲ'କୁନୁଂସା ମୁନ୍ଡକ୍ବକ୍ ରୁନ୍ଡାଇ । ଇ'କିସା ଆଇକ୍ସାର'” ଡ'ସେକ୍ ସୁନ' । 13ସା' ମା'ଏ ଗୁତୁନ୍ ଗୁଲାଇଉ ମୁନ୍ଡକ୍ବକ୍ ରୁନ୍ଡାୟ' । ସା' ଗୁତୁନ୍ ପାଁନ୍ସ୍ଟା ଜବବୁରଂ ଅ'ରଇଁୟ'କୁନୁଂ ରୁଟିକୁରୁଂ ଅବୁଦି ଡେଂକୁନୁଂ ଜବବୁରଂ ଅ'ରଇଁୟ'କୁନୁଂ ରୁଟି ମା'ଏ ଗୁଲାଇର ସୁମ'ସେକ୍ ଲଲ'କୁନୁଂ ରୁନ୍ଡାୟ'ସା' ବାରଟା ଡାମୁଂବକ୍ ବର୍ତି ଡେଂଗା' ।
14ମାଇ କାବାକାବା ଡିନ୍ଡେମ୍ବାଇ' କାମ୍ ଡେମ'କୁନୁଂ ରେମଲେ ଜୁଲ'ସେକ୍ ସୁନ', “ମାପ୍ରୁ ସୁନ'କୁନୁଂ ତୁମ' ଅଂଅଁ'ସେକ୍ ଆରେମଲେ ସୁଁସୁଲା ଦେସ୍ଦୁନିଆବକ୍ ସାପ୍ତା ଡ'ସେକ୍ ଇନ୍ତେକନ୍ଡେକ୍ ସୁନ'କୁନୁଂସୁଗ ସତଇସା କୁନାଉ ମାଇ ସା'ଗା'” ଡ'ସେକ୍ ସୁନ' । 15ମା'ଏ ଆନିଂ ଜବର୍ଦସ୍ ଡେମ'ସେକ୍ ରାଜା ଅ'ଏପୁଲେଇ ସେସ୍ଟା ଡେମ'ତା ଡ' ଜିସୁଲା ମାଗ'ସେକ୍ ମାଇ ସାକ୍ମାଇଉ କଲେ ମୁଇ କୁନ୍ଡା ବାଗ୍ବକ୍ ମାରି ଡୁଂଗା' ।
ଜିସୁଲା ଡାଗ୍ବାଗ୍ବକ୍ ଉରିଂଡେନ୍
(ମାତିଉ 14:22–33; ମାର୍କ 6:45–52)
16ମୁନ୍ଡି'ଗା'ସା' ମାଇନା ସିସ୍ୟଲେ କିନ୍ଡାକ୍ ପାଲି ଉଇଗା' । 17ଞୁର୍ଗା'ସା'ଏସା ଜିସୁଲା ମା'ଏନ୍ବକ୍ ସୁସାପ୍ ଅରଇ' ଡେଂକୁସା' ମା'ଏ ମୁଇ ଡଂଗାବକ୍ ଲେଇ'ସେକ୍ ସମ୍ଦର୍କିନ୍ଡାକ୍ନା ଇନ୍ସିପାଟ୍ ଡୁକୁନୁଂ କପର୍ନାଉମ୍ ଉଂଗମ୍ବକ୍ ଉଇଡେଂକୁ । 18ଆଇ'ତୁନ୍ବେଲା ଅବୁଦି ଉଇଡାଗ'ସା' ସମ୍ଦର୍କିନ୍ଡାକ୍ବକ୍ ଅବୁଦି ତଂକୁକ୍ଡାଗ'କୁ । 19ଆଇ'ତୁନ୍ବେଲା ମା'ଏ ଡଂଗାବକ୍ ପାଁନ୍ସ୍ କି ସ କିଲିମିଟର୍ସୁଗ ଉଇସେକ୍ ଜିସୁଲା ଡାଗ୍ ବାଗ୍ବକ୍ ଉରିଂଅଁ' ଉରିଂଅଁ' ଡଂଗା ଉନ୍ତୁ' ସୁସାପ୍ଡେଂକୁନୁଂ ଜୁଲ'ସେକ୍ ଅବୁଦି ବୁତୁଂଗା' । 20ମାତର୍ ଜିସୁଲା ଆମା'ଏ ସୁନ' “ଆବୁତୁଂଗା', ନିଂଉ କେନା” ଡ'ସେକ୍ ସୁନ' । 21ସା' ମାରି ମା'ଏ ଆମାଇ ଡଂଗାବକ୍ ରିଂଅଁ' ଉଇପୁଲେଇ ମୁନ୍ଡେଂଗା'। ମାରି ମା'ଏ ଆମ୍ବ' ଉଇଡେଂକୁ ଆତାଉ ଆ'ଇକୁ ଡଂଗା ଡେଲ' ।
ରେମଲେ ଆଜିସୁଲା ତୁର'ତୁର' ଉଇଡେନ୍
22ଆ'ଇବେରା ଇନ୍ସିପାଟ୍ ତଂକୁନୁଂ ରେମଲେ ଜୁଲ'ସା' ଗୁତୁନ୍ ଜାଗାବକ୍ ମୁଇ ଡଂଗାଉ ଡୁକୁଗା', ମାରି ମାଇନା ସିସ୍ୟଲେଉ ଗୁତୁନ୍ ଡଂଗାବକ୍ ଉଇଗା', ମାତର୍ ଜିସୁଲା ମାଇନା ସିସ୍ୟଲେବୁରଂ ଉଇ ଆଡୁତା ଡ'ସେକ୍ ମାଗ'କୁ । 23ମାରି ପ୍ରବୁଲା ସୁନ୍ଡ୍ରକ୍ସେ'ଗା ଆରେମଲେ ଆମ୍ବ' ରୁଟି ଅ'ସୁମ'ବୁଂଅଁ'କୁ ଗୁତୁନ୍ ଜାଗା ଉନ୍ତୁ' ତିବିରିୟା ଉଂଗମ୍କୁରୁଂ ଆ'ଇସୁଗ ଡଂଗା ସାକ୍ସେକ୍ ଡୁକୁ । 24ସା' ଜିସୁଲା କି ମାଇନା ସିସ୍ୟଲେ ଆତା ଆଡୁତା ଡ' ରେମଲେ ଜୁଲ'ସେକ୍ ଗୁତୁନ୍ ଡଂଗାଲେବକ୍ ମା'ଏ ଡାଇ'ସେକ୍ ଆଜିସୁଲା ତୁର'ତୁର'ସେକ୍ କପର୍ନାଉମ୍ ଉଂଗମ୍ବକ୍ ସା'ଗା' ।
25ସା' ମା'ଏ ଆମାଇ ଇନ୍ସିପାଟ୍ନା କିନ୍ଡାକ୍ପାଲି ଜୁଲ'ସେକ୍ ସୁନ' “ଅ ଗୁରୁ, ଆ'ଇବେଲା ନ ଆକେ ସାକ୍ନ?” ଡ'ସେକ୍ ସୁନ' । 26ସା' ଜିସୁଲା ଆମା'ଏ ସୁନ' “ନିଂ ଆପେ ସତ୍ ସୁନ'ତିଂ, ନିଂ କାବାକାବା ଡିନ୍ଡେମ୍ବାଇ' କାମ୍ ଡେମ'କୁନୁଂ ପେ ଜୁଲ'ସେକ୍ ଆନିଂ ତୁର' ଆଡୁତୁପେ, ମାତର୍ ରୁଟି ସୁନୁମ୍ ବୁସୁକୁସା' ଆନିଂ ତୁର'ତୁପେ । 27ଦର୍ତନିନା କାଦି ଗୁଲାଇ ନସ୍ଟ ଡେନ୍ତା । ଗୁତୁନ୍ କାଦି ବୁମ୍ବାମ୍ପୁଲେଇ ଆଦାଂ ଆଡେଂଗା' । ମାତର୍ ଇମ୍ବ'ନ୍ କାଦି ନସ୍ଟ ଆଡେନ୍ତା ମାରି ମଡୁନମ୍ ଜିବନ୍ ବେ'ତ ଗୁତୁନ୍ କାଦି ବୁମ୍ବାମ୍ପୁଲେଇ ଆଦାଂ ଡେମା । ଗୁତୁନ୍ କାଦି ଆପେ ମାପ୍ରୁ ବେନ୍ଟାୟ'ସା' ସା'କୁନୁଂ ରେମନା ଉଁ'ଉଁ ବେ'ତ । ମାସା'ଡ'ନା ମାଇନା ବା ମାପ୍ରୁ ଆମାଇ ସିରେଲ'ସେକ୍ ଗୁତୁନ୍ ଡିନ୍ଡେମ୍ନା ଅଦିକାର୍ ବେଡ'କୁନୁଂ ସିନ ଆମାଇ ବେଡ'ତା” ଡ'ସେକ୍ ସୁନ' ।
28ସା' ମା'ଏ ଆମାଇ ସୁନ' “ମାପ୍ରୁନା ମୁନ୍ସୁଗ ଡୁକୁନୁଂ କାମ୍ ଡିନ୍ଡେମ୍ପୁଲେଇ ନେଇ ମା ଡିନ୍ଡେମ୍ ଡୁତା?” ଡ'ସେକ୍ ସୁନ' ।
29ସା' ଜିସୁଲା ଆମା'ଏ ସୁନ' “ମାପ୍ରୁ ଆଜା ବେନ୍ଟାୟ'ତା ଆମାଇ ପେ ବିସ୍ବାସ୍ ଡିନ୍ଡେମ୍ନାଉ ମାପ୍ରୁନା ମୁନ୍ସୁଗ ଡୁକୁନୁଂ କାମ୍” ଡ'ସେକ୍ ସୁନ' ।
30ସା' ମା'ଏ ଆମାଇ ସୁନ' “ଡୁ'ତୁନ୍ ଡ'ନା ମା କାବାକାବା ଡିନ୍ଡେମ୍ବାଇ' କାମ୍ ଡେମ୍ତୁନସା' ନେଇ ଗୁତୁନ୍ ଜୁଲ'ସେକ୍ ଆନ ବିସ୍ବାସ୍ ଡେମ୍ତୁନେଇ । ନ ମା ଡିନ୍ଡେମ୍ ଗଂତୁନ? 31ଇନ୍ତେକନ୍ଡେକ୍ ନେଇନା ୟା'ତୁତାଲେ ଟାଂରାବାଟାପାଦାବକ୍ ଡୁକୁନୁଂବେଲା ମାନ୍ନା ଡ'ସେକ୍ ମୁଇ ସୁସୁମ୍ନା ସୁମ'କୁ । ଆମା'ଏ ସୁସୁମ୍ପୁଲେଇ ସରଗ୍କୁରୁଂ ସୁସୁମ୍ନା ରିଂଅଁ'ବେଡକୁ ଡ'ସେକ୍ ମାପ୍ରୁନା ଉଲାକ୍ବକ୍ ଲେକା ଡୁତା” ଡ'ସେକ୍ ସୁନ' ।
32ସା' ଜିସୁଲା ଆମା'ଏ ସୁନ' “ନିଂ ଆପେ ସତ୍ ସୁନ'ତିଂ, ଆପେ କି'ତୁଂକୁରୁଂ କାଦି ବେଡ'କୁନୁଂ ମସାଲା ବେଡ'ଆଡୁତା । ମାତର୍ ନିଂନା ବା ଆପେ ସରଗ୍କୁରୁଂ ସତଇସାନା କାଦି ବେ'ତ । 33ଦେସ୍ଦୁନିଆନା ରେମଲେବକ୍ ଜିବନ୍ ବିବେ'ପୁଲେଇ ସରଗ୍କୁରୁଂ ଜର୍କୁନୁଂଆଁଉ ମାପ୍ରୁ ବିବେ'ନା କାଦି” ଡ'ସେକ୍ ସୁନ' ।
34ସା' ମା'ଏ ଆମାଇ ସୁନ' “ବାବୁ, ଇସାଉ ଆନେଇ କେନ୍ କାଦି ବେ'” ଡ'ସେକ୍ ସୁନ' ।
35ସା' ଜିସୁଲା ଆମା'ଏ ସୁନ' “ନିଂ ଗୁତୁନ୍ ଜିବନ୍ ବିବେ'ନା କାଦି । ଜା ନିଂବକ୍ ସାପ୍ତା ଆମା'ଏ ଇନ୍ଡଇ'ଏସା ଆକୁଡୁତା । ମାରି ଜା ଆନିଂ ବିସ୍ବାସ୍ ଡେମ୍ତ ଆମାଇ ଇନ୍ଡଇ'ଏସା ଇଡାଗ୍ ଆଡୁସୁପ୍ତା । 36ମାତର୍ ପେ ଆନିଂ ଜୁଲ'ସେକ୍ସା ବିସ୍ବାସ୍ ଆଡେମ୍ତୁପେ ଡ'ସେକ୍ ନିଂ ଆପେ ସୁନ'ତିଂ । 37ନିଂନା ବା ଆଜାଆଜା ଆନିଂ ବେ'ତ ମା'ଏ ନିଂବକ୍ ସାପ୍ତା । ମାରି ଜା ନିଂବକ୍ ସାପ୍ତା ଆମାଇ ନିଂ ଇନ୍ଡଇ'ଏସା ଆଅନ୍ତୁର୍ତିଂ । 38ମାସା'ଡ'ନା ନିଂ ନିଜର୍ନା ମୁନ୍ସୁଗ ଡିନ୍ଡେମ୍ପୁଲେଇ ଜର୍ ଆଡୁତିଂ ମାତର୍ ଆନିଂ ଜା ବେନ୍ଟାୟ'ତା ମାଇନା ମୁନ୍ସୁଗ ଡିନ୍ଡେମ୍ପୁଲେଇ ନିଂ ସରଗ୍କୁରୁଂ ଜର୍ଗୁତିଂ । 39ସା' ଆନିଂ ବେନ୍ଟାୟ'କୁନୁଂଆଁ ଆଜାଆଜା ଆନିଂ ବେଡ'ତା ମା'ଏନ୍ ବିତ୍ରେ ଆଜାଏସା ନିଂ ନସ୍ଟ ଆଡେମ୍ତିଂ । ମାତର୍ ଡୁନନ୍ଡମ୍ ଦିନ୍ବକ୍ ଆମା'ଏ ବ'ରଲ'ନାଉ ଡେନ୍ତା ଡ'ସେ'ଗା ଆନିଂ ବେନ୍ଟାୟ'କୁନୁଂନା ମୁନ୍ । 40ମାସା'ଡ'ନା ଜାଜା ଆ'ଉଁନ୍ଡେଇଁ ଜୁଲ'ସେକ୍ ଆମାଇ ବିସ୍ବାସ୍ ଡେମ୍ତ ମା'ଏ ମଡୁନମ୍ ଜିବନ୍ ବାମେଇ' ଡ'ସେକ୍ ନିଂନା ବାନା ମୁନ୍ । ମାରି ନିଂ ଆମା'ଏ ଡୁନନ୍ଡମ୍ ଦିନ୍ବକ୍ ବ'ରତିଂ ।”
41ନିଂ ସରଗ୍କୁରୁଂ ଜର୍କୁନୁଂ କାଦି ଡ'ସେକ୍ ଜିସୁଲା ସୁନ'ସା' ଜିଉଦିରେମଲେ ମା'ଏନ୍ ମା'ଏନ୍ ବିତ୍ରେ ମାଇନା ବିସୟରେ ଅଇଁସାମ୍ଗା' । 42ମା'ଏ ସୁନ' “କୁନା ତ ଜସେପ୍ନା ଉଁ'ଉଁ ଜିସୁଲା । ମା ଆକୁନୁଂନା ୟଂବା ଆମାକ୍ତୁନେଇ'ସା' ଇ? ମି କୁନା ନିଂ ସରଗ୍କୁରୁଂ ଜର୍ଗୁତିଂ ଡ'ସେକ୍ ଆ'ନା ସୁନ'ତା?” ଡ'ସେକ୍ ଅଇଁସାମ୍କୁ ।
43ସା' ଜିସୁଲା ଆମା'ଏ ସୁନ' “ପେ, ପେନ୍ ବିତ୍ରେ ଗୁର୍ମୁର୍ ଆଡେଂଗା' । 44ଆନିଂ ବେନ୍ଟାୟ'କୁନୁଂ ନିଂନା ବା ଆନିଂ ବିସ୍ବାସ୍ ଡିନ୍ଡେମ୍ପୁଲେଇ ଆଜା ମୁନ୍ ବେ'ତ ମାଇଉ ନିଂବକ୍ ସୁସାପ୍ ଗଂତା, ମାରି ଜାଏସା ଆସାପ୍ତା । ମାରି ନିଂ ଡୁନନ୍ଡମ୍ ଦିନ୍ବକ୍ ଆମାଇ ବ'ରତିଂ । 45‘ଆଗୁଲାଇର ମାପ୍ରୁ ଅମାକ୍ତ’ ଡ'ସେକ୍ ବାବବାଦିଲେ ଇନ୍ତେକନ୍ଡେକ୍ ଉଲାକ୍ବକ୍ ଲେକ୍ଲ'ତା । ଜା ନିଂନା ବାନା ତୁମ' ଅଂଅଁ'ସେକ୍ ମାଇନ୍କୁରୁଂ ମାଗ'ତା ମାଇ ନିଂବକ୍ ସାପ୍ତା । 46ଡୁ'ତୁନ୍ ଡ'ନା ଆମାପ୍ରୁ ଜାଏସା ଜୁଲ'ତା ଡ'ସେକ୍ ଆଏତ୍ଗା' ମାସା'ଡ'ନା ମାପ୍ରୁନ୍କୁରୁଂ ଜା ସା'ଗୁତା ମାଇଉ ଆମାପ୍ରୁ ଜୁଲ'ତା ମାରି ଜାଏସା ଜୁଲ' ଆଡୁତା ।
47ନିଂ ଆପେ ସତ୍ ସୁନ'ତିଂ ଜା ଆନିଂ ବିସ୍ବାସ୍ ଡେମ'ତା ମାଇ ମଡୁନମ୍ ଜିବନ୍ ବାଂଗା' । 48ନିଂ ଜିବନ୍ ବିବେ'ନା କାଦି । 49ପେନ୍ ୟା'ତୁତାଲେ ଟାଂରାବାଟାପାଦାବକ୍ ମାନ୍ନା ଡ'କୁନୁଂ ଗୁତୁନ୍ କାଦି ସୁମ'କୁସା'ଏସା ମା'ଏ ଗୁଲାଇର ଗୁଇ'ଗା' । 50ମାତର୍ ଆ'ନା ନିଂ ସରଗ୍କୁରୁଂ ଜର୍କୁନୁଂ ଗୁତୁନ୍ କାଦି । ଗୁତୁନ୍ କାଦି ଜାଏସା ସୁମ'ନା ମାଇ ଇନ୍ଡଇ'ଏସା ଆଗୁଇ'ତା । 51ନିଂ ସରଗ୍କୁରୁଂ ଜର୍କୁନୁଂ ଗୁତୁନ୍ ଜିବନ୍ ବିବେ'ନା କାଦି । ଜା କେନ୍ କାଦି ସୁମ୍ତ ମାଇ ଇସାଉ ବୁରକ୍ସେକ୍ ଡୁତା । ନିଂ ଇମ୍ବ'ନ୍ କାଦି ବେ'ତିଂ ଗୁତୁନ୍ ନିଂନା ଞେରି । ଦେସ୍ଦୁନିଆନା ରେମଲେବକ୍ ଜିବନ୍ ବିବେ'ପୁଲେଇ ନିଂନା ଞେରି ନିଂ ବେ'ତିଂ ।”
52ସା' ଜିଉଦିରେମଲେ ମି କୁନା ଆନେଇ' ନିଜର୍ନା ଞେରି ସୁସୁମ୍ପୁଲେଇ ବିବେ' ଗଂତାବେ ଡ'ସେକ୍ ମା'ଏନ୍ ମା'ଏନ୍ ବିତ୍ରେ କିରଗା' ।
53ସା' ଜିସୁଲା ଆମା'ଏ ସୁନ' “ନିଂ ଆପେ ସତ୍ ସୁନ'ତିଂ, ମାପ୍ରୁ ବେନ୍ଟାୟ'ସା' ସା'କୁନୁଂ ରେମନା ଉଁ'ଉଁ ନିଂ । ନିଂନା ଞେରି ଆସୁମ'ନା ମାରି ନିଂନା ବନି ଆଇଡ'ନା ପେନ୍ବକ୍ ଜିବନ୍ ଆଡୁତା । 54ମାତର୍ ଜା ନିଂନା ଞେରି ସୁମ୍ତ ମାରି ନିଂନା ବନି ଇ'ତ ମାଇ ମଡୁନମ୍ ଜିବନ୍ ବାମ୍ତା । ମାରି ଡୁନନ୍ଡମ୍ ଦିନ୍ବକ୍ ନିଂ ଆମାଇ ବ'ରତିଂ । 55ମାସା'ଡ'ନା ନିଂନା ଞେରି ସତଇସାନା କାଦି ମାରି ନିଂନା ବନି ସତଇସାନା ଇ'ନା । 56ଜା ନିଂନା ଞେରି ସୁମ୍ତ ମାରି ନିଂନା ବନି ଇ'ତ ମାଇ ନିଂବକ୍ ଡୁତା ମାରି ନିଂ ମାଇନ୍ବକ୍ ଡୁତିଂ । 57ଜିବନ୍ ଡୁକୁନୁଂ ନିଂନା ବା ଆନିଂ ବେନ୍ଟାୟ'ସା' ନିଂ ମାଇନା ଲାଗିରେ ବୁରକ୍ସେକ୍ ଡୁତିଂ । ଡୁ'ତୁନା ଜା ଆନିଂ ସୁମ୍ତ ମାଇସା ନିଂନା ଲାଗିରେ ବୁରକ୍ସେକ୍ ଡୁତା । 58ନିଂଉ ସରଗ୍କୁରୁଂ ଜର୍କୁନୁଂ ଗୁତୁନ୍ କାଦି । ପେନା ୟା'ତୁତାଲେ ମାନ୍ନା ଡ'କୁନୁଂ କାଦି ସୁମ'ସେକ୍ ଗୁଇ'ଗା' । ମାତର୍ ଜା କେନ୍ କାଦି ସୁମ୍ତ ମାଇ ଇସାଉ ବୁରକ୍ସେକ୍ ଡୁତା ।”
59କେନ୍ ଗୁଲାଇ ଜିସୁଲା କପର୍ନାଉମ୍ ମୁନା'ଉଂଗମ୍ନା ମୁଇ ପାର୍ତନା ଡିଂଅଁବକ୍ ଆରେମଲେ ଅମାକ୍ବେଲା ସୁନ' ।
ଜିସୁନ୍କୁରୁଂ ଅବୁଦି ରେମଲେ ଡୁଂଡୁଂଡେନ୍
60ମାଇନା ସିସ୍ୟଲେନ୍ ବିତ୍ରେ ଅବୁଦିର କେନା ଅଂଅଁ'ସେକ୍, କେନା ଅବୁଦି କସ୍ଟବାଇ' ତୁମ', ଜା ଅଂ ଗଂତାଲେଇ? ଡ'ସେକ୍ ସୁନ' ।
61ସା' ମାଇନା ସିସ୍ୟଲେ ମାଇ ସୁନ'କୁନୁଂ ତୁମ' ବିସୟରେ ଅଇଁସାମ୍ଗୁତା ଡ'ସେକ୍ ଜିସୁଲା ମାଗ'ସେକ୍ ଆମା'ଏ ସୁନ' “ନିଂ କେନ୍ ତୁମ' ସୁନ'ନିଂସା' ଆପେ କସ୍ଟ ସା'ଗୁତା ଇ? 62ଡୁ'ତୁନ୍ ଡ'ନା ମାପ୍ରୁ ବେନ୍ଟାୟ'ସା' ସା'କୁନୁଂ ରେମନା ଉଁ'ଉଁ ନିଂ, ନିଂ ମୁଲ୍ ଆମ୍ବ' ଡୁକୁନିଂ ଆତା ଡୁଡାଇ ଡେଂକୁନୁଂବେଲା ପେ ଜୁଲ'ନା ଡ'ନା ମା ଡିକ୍ତୁପେ? 63ମାପ୍ରୁନା ଜିବନ୍ଉ ଆରେମଲେ ଜିବନ୍ ବିବେ'ବାଇ' । ଞେରି ମାସା କାମ୍ ଆବେ'ତ । ନିଂ ଆପେ ସୁନ'କୁନୁଂ ଗୁଲାଇ ତୁମ' ମାପ୍ରୁନା ଜିବନ୍କୁରୁଂ ସା'କୁନୁଂ ମାରି ଗୁତୁନ୍ ତୁମ' ଆପେ ଜିବନ୍ ବେ'ତ । 64ମାତର୍ ପେନ୍ ବିତ୍ରେ ଏନ୍ତୁକ୍ର ଆନିଂ ବିସ୍ବାସ୍ ଆଡେମ୍ତ” ଡ'ସେକ୍ ସୁନ' । ମାସା'ଡ'ନା ଇମ୍ବ'ନୁଂଏଁ ଆମାଇ ବିସ୍ବାସ୍ ଆଡେମ୍ତ ମାରି ଜା ଆମାଇ ଦାଇରେମ୍ନା ତିତିବକ୍ ଅସୁୟ'ବେ'ତ ଡ'ସେକ୍ସା ଜିସୁଲା ମୁଲ୍ଉ ମାଗ'କୁ । 65ମାରି ମାଇ ସୁନ' “ଡି'କେନ୍ସାଉ ନିଂ ଆପେ ସୁନ'ନିଂ, ନିଂନା ବା ଆଜାଏସା ଆସିର୍ବାଦ୍ ଆଡେମ୍ତ ଡ'ନା ଜାଏସା ନିଂବକ୍ ସୁସାପ୍ ଆଗଂତା” ଡ'ସେକ୍ ସୁନ' ।
66ଆଇ'ତୁନ୍ବେଲାବାଂସା' ମାଇନା ସିସ୍ୟଲେନ୍ ବିତ୍ରେ ଏନ୍ତୁକ୍ର ମାଇନ୍କୁରୁଂ ଆନ୍ଡେଇଁସେକ୍ ଡୁଂଡୁଂଆର୍ଗା' । ମା'ଏ ଆମାଇ ତେଂଗି' ମାରି ଆଉଇଆର୍ତା । 67ସା' ଜିସୁଲା ଆବାରଲକ୍ ସିସ୍ୟଲେ ଅ'ଗଁସ୍ଲା'ଗା' “ଆପେସା ଡୁଂଡୁଂପୁଲେଇ ମୁନ୍ ଇ?” ଡ'ସେକ୍ ଅ'ଗଁସ୍ଲା'ଗା' ।
68 #
ମାତିଉ 16:16; ମାର୍କ 8:29; ଲୁକ 9:20 ସା' ସିମନ୍ ପିତର୍ଲା ଆମାଇ ସୁନ' “ପ୍ରବୁ, ନ ସୁନ'କୁନୁଂ ଗୁଲାଇ ତୁମ'ଉ ମଡୁନମ୍ ଜିବନ୍ ବିବେ'ନା ତୁମ', ମାରି ନେଇ ଜାନ୍ବକ୍ ଉଇତୁନେଇ? 69ମାରି ନ ମାପ୍ରୁ ବେନ୍ଟାୟ'ସା' ସା'କୁନୁଂ ଗୁତୁନ୍ ପବିତ୍ରବାଇ' ରେମ ଡ'ସେକ୍ ନେଇ ବିସ୍ବାସ୍ ଡେମ'ତୁନେଇ ମାରି ଗୁତୁନ୍ ବଲ୍ ମାଗ'ତୁନେଇ” ଡ'ସେକ୍ ସୁନ' ।
70ସା' ଜିସୁଲା ଆମା'ଏ ସୁନ' “ନିଂ ଆପେ ବାରଲକ୍ବକ୍ ସିରେଲ'ତିଂ ମାତର୍ ପେନ୍ ବିତ୍ରେ ମୁଇନ୍ଡା ସଇତାନ୍ ଡୁତା” ଡ'ସେକ୍ ସୁନ' । 71ସିମନ୍ନା ଉଁ'ଉଁ ଇସ୍କରିୟତ୍ ଜିଉଦାଲା ଗୁତୁନ୍ ବାରଲକ୍ ବିତ୍ରେ ମୁଇନ୍ଡା ଡ'ନାସା' ତିର୍ଗି' ମାଇ ଆଜିସୁଲା ଆଦାଇରେମ୍ ଅସୁୟ' ବେ'ତସା' ଜିସୁଲା ଆମାଇ ଜୁଲ'ସେ'ଗା ଡି'କେନା ସୁନ' ।
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
CC BY-NC-ND 4.0