Rut 4
4
Boas tetu dale u'u
1Boas laa lee damat ha'e tama laa sidade i maderi lee u'u. Lee vati u'u, baibain mekei naan noor ta maderi putu odi soru dale u'u. Rat-rata, nii familia iso ke dia direitu 'selo t'gotu' odi lebo kaben o Rut, i Boas veki nan soru mos, plolo pio u'u. I Boas via u odi dale, "Ambou! Mai maderi udi lee kde'e! A manara soru o kiti." I ambou u'u mos la maderi lee u'u. 2I Boas via mekei naan noor atu sagulu pio sidade u'u, odi sai testamunha odi dale, "Ama nai roo mai maderi lee kde'e odi se'i dale u'u kde'e." I roo mos maderi.
3Boas dale sai laa nii ambou ke dia 'direitu 'selo t'gotu' Rut, dale, "Ambou, kiti veki nurat rae nuba iso ke kiti familia Elimeleke ni'i, ka? Muno, aipiil iso rae salae, Elimeleke laa rae Moab, i u mate lee rae Moab. Agora nii vee faluk Noemi g'lelu vali pio kno'o mai see, i manara fa'an rae u'u. 4Pli'i ple'u a mos nurat dale: bloi desi a nee pna muno la ambou, pita ambou batu dia direitu odi 'selo t'gotu' odi bua rae hu'u. Pita ambou o Elimeleke tata iso. I see ambou manara ala rae u'u, dale mege, lee mekei naan noor o atu noor ver kde'e sii oe, odi roo sai m'ges testamunha. Mas se tai, dale mege lee testamunha noor sii oe, pita a manara ala. Dara lob-loba ambou ta dia direitu muno. Mas se ambou bra'i, direitu u'u nee mai a."
I ambou matar, "Loba see. A taa ala."
5I Boas matar pita, " Te lebo ksiit, mas ambou tenke nurat, se aipiil iso ko ala rae u'u pio Noemi, ko mos tenki kaben vine pio rae Moab, gala Rut. Pita Rut ta kaben o Elimeleke nii ana Malon ke mate see. Ple'u ambou tenki kaben o Rut, odi nee ana o ubu ana lee nii laki Malon kee mate see, i ple'u, nii riku-soi o rae u'u te sai pio nii familia."
6I ambou u'u matar, "Se ple'u, te lebo ksiit, a bra'i ala. Pita se a ala, kau riku-soi o kau ana sai ambou Elimeleke nii ana o nii ubu ana. Ple'u, bloi desi a te lebo ala. Bloi desi ali Boas ta selo t'gotu rae u'u i kaben o vine u'u laa."
7(Lee tempu muno, aipiil iso atu Israel manara nee roo sii 'direitu selo t'gotu' ka lapar seri odi atu selo ala, atu u'u sai nii sinelus iso i nee lee atu selo. Iso u'u m'ges sinal iso tok de, atu u'u nee nii direitu.)#Deuteronomio 25:9
8I lee tempu u'u ambou u'u nee nii direitu laa Boas dale, "Kiti ta ala rae u'u," i ambou mos sai nii sinelus iso nee laa Boas.
9I Boas dale laa mekei naan noor o atu ma'o mege vere u'u dale, "Kimi ma'o sai testamunha lee aer iso kde'e. Direitu kde'e madou mai a see. A nee pnaa mege dale, a selo t'gotu see Noemi nii riku soi pio Elimeleke o nii ana mane noor, Kilion o Malon ke mate bali see. 10A kau manara telos ta rae kde'e, pita a mos kaben o vine atu pio rae Moab, Rut u'u, Malon nii ve faluk, pita a dia direitu selo t'gotu see. I kami ruu nii ana lebo sai Malon nii ana o ubu ana. M'gees ple ke de, Malon nii familia o atu vere aldeia te bligu nii gala. Kimi ta sai testamunha lee aer iso kde'e."#Deuteronomio 25:5-6
11I mekei naan noor vere sidade u'u o atu ma'o mege ke maderi putu lee u'u matar dale, "Loba riko! Kami eto riko o kami mat. Kami ta sai testamuha.
Vine is ke tama lee kiti umo,
NAI Maromak punu u sai m'ges Rakel o Leia.
Pita atu Israel ma'o mai pio lo ruu sii ana o ubu ana.
NAI Maromak punu kiti sai atu ha'e lee Efrata,
i sai atu gala bloi lee sidade Belem.#Jenesis 29:31
12Negi ha'e la NAI Maromak nee lee kiti ana pio vine vek nan sae u'u,
odi kimi ruu eto ana o ubu ana dotu,
m'ges kiti tata-beinan Peres nii ana o ubu ana,
Peres u'u ta Juda o Tamar nii ana."#4:12:Tamar te loos atu Israel. U kaben o Juda odi nee ana o ubu ana la nii laki iso ke mate see. Lise la Jenesis 38.
Boas o Rut eto ana
13I Boas kaben o Rut. Aipiil Boas o Rut kaben see, NAI Maromak loe Rut nii ana vati, odi u lebo isi ruu. I Rut maderi api ana mane iso.
14Maderi api bali ma'o, vine seri vere Belem ne pnaa lee Noemi dale,
"Hahii la NAI Maromak!
Pita NAI nee ana o ubu ana lee ko,
u batu veki 'selo t'gotu' kiti.
Odi ana kde'e aer-airu sai atu ha'e lee rae Israel.
15I ana kde'e
punu ko senti an vine vali
I ana kde'e
posi mat lee ko aipil iso ko makeii see!
Pita ko vine veu iso ke maderi api ko ubu ana u'u,
matani bali nii domin lee ko see.
Vine veu iso kde'e,
U bloi desi vali ana mane vou ruu."
16Noemi kasapu bali ana u'u i kuidadu m'gees nii ana riko.
17I vine noor vere aldeia u'u soru dale, "Agora Noemi m'ges dia vali ana see. I vine noor u'u nee gala lee anan 'Obede'.
Aipil iso Obede ha'e mai, u dia ana mane iso gala Jesse. I Jesse dia ana mane iso gala David, is ke sai Liurai.
18Ple'u u'u ta ke beinan Peres nii ana o ubu ana noor:
Peres nii ana ta Esron.
19Esron nii ana ta Raun.
Raun nii ana ta Aminadabe.
20Aminadabe nii ana ta Nason.
Nason nii ana ta Salmon.
21Salmon nii ana ta Boas.
Boas nii ana ta Obede.
22Obede nii ana ta Jesse.
Jesse nii ana ta liurai David.
ទើបបានជ្រើសរើសហើយ៖
Rut 4: BTKD
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Wycliffe Timor-Leste © 2025 Wycliffe Bible Translators Inc
Rut 4
4
Boas tetu dale u'u
1Boas laa lee damat ha'e tama laa sidade i maderi lee u'u. Lee vati u'u, baibain mekei naan noor ta maderi putu odi soru dale u'u. Rat-rata, nii familia iso ke dia direitu 'selo t'gotu' odi lebo kaben o Rut, i Boas veki nan soru mos, plolo pio u'u. I Boas via u odi dale, "Ambou! Mai maderi udi lee kde'e! A manara soru o kiti." I ambou u'u mos la maderi lee u'u. 2I Boas via mekei naan noor atu sagulu pio sidade u'u, odi sai testamunha odi dale, "Ama nai roo mai maderi lee kde'e odi se'i dale u'u kde'e." I roo mos maderi.
3Boas dale sai laa nii ambou ke dia 'direitu 'selo t'gotu' Rut, dale, "Ambou, kiti veki nurat rae nuba iso ke kiti familia Elimeleke ni'i, ka? Muno, aipiil iso rae salae, Elimeleke laa rae Moab, i u mate lee rae Moab. Agora nii vee faluk Noemi g'lelu vali pio kno'o mai see, i manara fa'an rae u'u. 4Pli'i ple'u a mos nurat dale: bloi desi a nee pna muno la ambou, pita ambou batu dia direitu odi 'selo t'gotu' odi bua rae hu'u. Pita ambou o Elimeleke tata iso. I see ambou manara ala rae u'u, dale mege, lee mekei naan noor o atu noor ver kde'e sii oe, odi roo sai m'ges testamunha. Mas se tai, dale mege lee testamunha noor sii oe, pita a manara ala. Dara lob-loba ambou ta dia direitu muno. Mas se ambou bra'i, direitu u'u nee mai a."
I ambou matar, "Loba see. A taa ala."
5I Boas matar pita, " Te lebo ksiit, mas ambou tenke nurat, se aipiil iso ko ala rae u'u pio Noemi, ko mos tenki kaben vine pio rae Moab, gala Rut. Pita Rut ta kaben o Elimeleke nii ana Malon ke mate see. Ple'u ambou tenki kaben o Rut, odi nee ana o ubu ana lee nii laki Malon kee mate see, i ple'u, nii riku-soi o rae u'u te sai pio nii familia."
6I ambou u'u matar, "Se ple'u, te lebo ksiit, a bra'i ala. Pita se a ala, kau riku-soi o kau ana sai ambou Elimeleke nii ana o nii ubu ana. Ple'u, bloi desi a te lebo ala. Bloi desi ali Boas ta selo t'gotu rae u'u i kaben o vine u'u laa."
7(Lee tempu muno, aipiil iso atu Israel manara nee roo sii 'direitu selo t'gotu' ka lapar seri odi atu selo ala, atu u'u sai nii sinelus iso i nee lee atu selo. Iso u'u m'ges sinal iso tok de, atu u'u nee nii direitu.)#Deuteronomio 25:9
8I lee tempu u'u ambou u'u nee nii direitu laa Boas dale, "Kiti ta ala rae u'u," i ambou mos sai nii sinelus iso nee laa Boas.
9I Boas dale laa mekei naan noor o atu ma'o mege vere u'u dale, "Kimi ma'o sai testamunha lee aer iso kde'e. Direitu kde'e madou mai a see. A nee pnaa mege dale, a selo t'gotu see Noemi nii riku soi pio Elimeleke o nii ana mane noor, Kilion o Malon ke mate bali see. 10A kau manara telos ta rae kde'e, pita a mos kaben o vine atu pio rae Moab, Rut u'u, Malon nii ve faluk, pita a dia direitu selo t'gotu see. I kami ruu nii ana lebo sai Malon nii ana o ubu ana. M'gees ple ke de, Malon nii familia o atu vere aldeia te bligu nii gala. Kimi ta sai testamunha lee aer iso kde'e."#Deuteronomio 25:5-6
11I mekei naan noor vere sidade u'u o atu ma'o mege ke maderi putu lee u'u matar dale, "Loba riko! Kami eto riko o kami mat. Kami ta sai testamuha.
Vine is ke tama lee kiti umo,
NAI Maromak punu u sai m'ges Rakel o Leia.
Pita atu Israel ma'o mai pio lo ruu sii ana o ubu ana.
NAI Maromak punu kiti sai atu ha'e lee Efrata,
i sai atu gala bloi lee sidade Belem.#Jenesis 29:31
12Negi ha'e la NAI Maromak nee lee kiti ana pio vine vek nan sae u'u,
odi kimi ruu eto ana o ubu ana dotu,
m'ges kiti tata-beinan Peres nii ana o ubu ana,
Peres u'u ta Juda o Tamar nii ana."#4:12:Tamar te loos atu Israel. U kaben o Juda odi nee ana o ubu ana la nii laki iso ke mate see. Lise la Jenesis 38.
Boas o Rut eto ana
13I Boas kaben o Rut. Aipiil Boas o Rut kaben see, NAI Maromak loe Rut nii ana vati, odi u lebo isi ruu. I Rut maderi api ana mane iso.
14Maderi api bali ma'o, vine seri vere Belem ne pnaa lee Noemi dale,
"Hahii la NAI Maromak!
Pita NAI nee ana o ubu ana lee ko,
u batu veki 'selo t'gotu' kiti.
Odi ana kde'e aer-airu sai atu ha'e lee rae Israel.
15I ana kde'e
punu ko senti an vine vali
I ana kde'e
posi mat lee ko aipil iso ko makeii see!
Pita ko vine veu iso ke maderi api ko ubu ana u'u,
matani bali nii domin lee ko see.
Vine veu iso kde'e,
U bloi desi vali ana mane vou ruu."
16Noemi kasapu bali ana u'u i kuidadu m'gees nii ana riko.
17I vine noor vere aldeia u'u soru dale, "Agora Noemi m'ges dia vali ana see. I vine noor u'u nee gala lee anan 'Obede'.
Aipil iso Obede ha'e mai, u dia ana mane iso gala Jesse. I Jesse dia ana mane iso gala David, is ke sai Liurai.
18Ple'u u'u ta ke beinan Peres nii ana o ubu ana noor:
Peres nii ana ta Esron.
19Esron nii ana ta Raun.
Raun nii ana ta Aminadabe.
20Aminadabe nii ana ta Nason.
Nason nii ana ta Salmon.
21Salmon nii ana ta Boas.
Boas nii ana ta Obede.
22Obede nii ana ta Jesse.
Jesse nii ana ta liurai David.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Wycliffe Timor-Leste © 2025 Wycliffe Bible Translators Inc