Ma-thi-ơ 13
13
Arkatê ka urang drāk pajeh
(Mag 4:1-9; Lu-ka 8:4-8)
1Lijang dalam harei nan, Pô Yê-su niga di thang, tabiak dok di takai tathik. 2#Lu 5:1-3.Bôl bhap patom nhom yơng Bhô biak ralô, thangak Bhô xang trun gilai bloh dok, dok abih bôl bhap dang ngok takai tathik. 3Bhô angui arkatê piêh đôm thong khol nhu ralô kabha.
Bhô bican: “Hu tha urang tabiak nao drāk pajeh. 4Dalam tuk drāk, tha thanôn athar lek thôi jalan, cim mưrai ƀang bih. 5Tha thanôn athar pakan lek ngok tanưh rađeh, ciêt hu takik haluk, ôh lam jalam, tamuh tagôk vêt. 6Min tuk ia harei tamuh tagôk, gok pađiak cuh yơ nhu mưtai thu kaywa ôh hu gha. 7Tha thanôn athar pakan lek di krưh rôm darôi, darôi tamuh tagôk ngak ka nhu gok tadar var. 8Tha thanôn athar pakan vơk lek ngok di libik tanưh siam yơ athal jiơng: athar bihu tha rituh, athar bihu nam pluh, athar bihu klau pluh. 9Thei hu tangi, xang pangik pang!”
Kaxat dôm arkatê
(Mag 4:10-12; Lu-ka 8:9-10)
10Dôm anưk xêh mưrai jek tanhi Bhô: “Habar Gru angui arkatê piêh đôm thong khol nhu?” 11Bhô thuuk: “Khol hư krung bihu ƀai brei ka gruk dul thau ka dôm palih kabal anưd Dit Biya Thôr Riga, dok khol nhu ôh bihu ƀai brei. 12#Mat 25:29; Mag 4:25; Lu 8:18; Lu 19:26.Kaywa thei hu, yơ mưca bihu brei paƀlwak vơk, piêh bihu dalah dalai, dok thei ôh hu, mưca gok mưk takung kabha êng drei krưh dok hu tra. 13Ywa nan ka, Ita angui arkatê piêh đôm thong khol nhu, kaywa khol nhu mong bloh ôh ƀôh, pangik tangi bloh ôh hamit, ôh thau. 14Khol nhu krung hu ngak ka panôic hôr Ê-sai bihu thit:
‘Khol hư pangik pang, min ôh thau;
Mong bloh ôh ƀôh.
15Kaywa tian bôl ni kapal mal,
Tangi krung hu trak,
Mưta krung hu pik,
Hôic lô mưta ƀôh bihu,
Tangi hamit bihu,
Tian thau bihu,
Yơ khol nhu tumal,
Thong Ita mưca pajru dhit kaic.’
16 #
Lu 10:23,24. Min phôl ka mưta khol hư kaywa ƀôh bihu; phôl ka tangi khol hư kaywa pang bihu! 17Biak jơh, Ita đôm thong khol hư, hu ralô pakat hôr, ralô urang kahanôt cong ƀôh kabha khol hư ƀôh min ôh bihu ƀôh; cong pang kabha khol hư pang bloh ôh bihu pang.
Pô Yê-su yah padah arkatê ka mưnuix drāk pajeh
(Mag 4:13-20; Lu-ka 8:11-15)
18Yau nan, khol hư xang pang lang yah arkatê ka mưnuix drāk pajeh. 19Thei pang anga dit biya bloh ôh thau yơ Ra Ag mưrai poh blah kabha krung hu drāk dalam tian drei; sani nạn athar pajeh lek tui jalan. 20Athar pajeh lek ngok tanưh rađeh nạn mưnuix tuk pang anga yơ bui ôn takabal vêt, 21min anga ôh hu gha dalam tian, ciêt dok kađong tha kal, nan ka tuk mưnuix nạn kaywa di anga bloh gōk rijan, hai gơk tatơk yơ urang nan binhêt hanek jalơh. 22Athar pajeh lek krưh rôm darôi nạn mưnuix pang anga, min gruk uh tarak di rai ni, gruk ginup mưda ngak ka anga gok tadar var, nan yơ ôh athal jiơng. 23Dok athar pajeh drāk ngok tanưh siam nạn mưnuix pang bloh thau anga thong hu athal jiơng: Tha jiơng tha rituh, tha jiơng nam pluh, tha jiơng klau pluh.”
Arkatê harơk thong padai abei
24Pô Yê-su bican thong khol nhu tha arkatê pakan vơk: “Dit Biya Thôr Riga pagap yau tha urang drāk pajeh siam dalam hamu drei. 25Min tuk abih drei dok đih yơ ra thutruh urang nan mưrai, drāk harơk glām tamư krưh padai bloh nao. 26Tuk padai tagôk glong thong throh yơ harơk glām lijang bhat tabiak. 27Dôm halun mưrai pathau laic: ‘Pathau pô, hu njaup pô krung hu drāk pajeh siam dalam along hamu pô habar? Ywa nan ka, harơk glām mưng halei bloh hu?’ 28Pô thuuk: ‘Tha ra thutruh krung hu ngak kabha nan.’ Dôm halun pathau laic: ‘Pô hu ưng khol dahlak buic harơk nan lei?’ 29Pô thuuk: ‘Ukhin, hôic di tuk buic harơk glām, khol hư buic xuk takung padai kaic. 30Kưk lôi bih dwa thubik prong tagôk thong gaup ka tal bal mưnik; tuk tamư ywak, mưca Ita kakei thong mưnuix ywak patom harơk glām dahlau ka, papok nhu vơk yāup canak bloh cuh klāk; dok padai yơ ba tamư di gilang Ita.’”
Arkatê ka athar kachwa
(Mag 4:30-32; Lu-ka 13:18-19)
31Bhô bican thong khol nhu tha arkatê pakan: “Dit Biya Thôr Riga drơh yau tha athar kachwa urang dêh ba nao drāk dalam hamu. 32Pajeh nạn axit yatha dalam dôm mưta pajeh, min tuh tamuh tagôk yơ gilaic prong hơl dalam dôm paka njam thong gilaic jiơng phun thangak cim birim mưrai ngak thruh ngok dhān nhu.”
Arkatê ka boh tapei
(Lu-ka 13:20-21)
33Bhô bican thong khol nhu tha arkatê pakan vơk: “Dit Biya Thôr Riga drơh yau boh tapei urang kamei dêh thrau tamư klau jāk tapung bloh mưk ba aup ka tal habiên halei tapung rôk tagôk bih.”
Ganap Pô Yê-su angui arkatê
(Mag 4:33-34)
34Pô Yê-su angui arkatê piêh tathit pato abih kabha nan ka bôl bhap, ôh tha kabha haget Bhô tathit pato ka khol nhu bloh ôh angui arkatê. 35Yau nan, piêh thit panôic hôr:#13:35 panôic hôr: Dalam tha thanôn blah vak tangin nạn panôic hôr Ê-sai.
“Mưca Ita pơh pabah piêh đôm dôm arkatê,
Mưca Ita pablo dôm kabha dađaup padaup mưng harei padak padang [dunya]#13:35 [dunya]: Dalam tha thanôn blah vak tangin ôh hu akhar ni..”
Pô Yê-su yah padah arkatê ka harơk
36Hadei di tuk brei ka bôl bhap nao truh, Pô Yê-su tamư thang. Dôm anưk xêh mưrai, pathau thong Bhô: “Likau di Bhô lang yah arkatê ka harơk glām dalam hamu ka khol dahlak.” 37Bhô thuuk: “Mưnuix drāk pajeh siam nạn Anưk Mưnuix, 38along hamu nạn dunya; pajeh siam nạn anưk bik Dit Biya Thôr Riga; harơk glām nạn anưk bik Ra Ag; 39Ra thutruh drāk harơk glām nạn Abilêh; bal mưnik nạn harei kayamat; mưnuix ywak nạn dôm umat. 40Dok yau harơk glām gok patom vơk thong cuh dalam apui yau halei; yơ harei kayamat lijang yau nan. 41Mưca Anưk Mưnuix pachai umat Bhô patom abih ra mưnưk hanek tanrok thong abih ra ngak ag truh di dit biya Bhô, 42bloh parah mưnok nhu tamư cakran apui, libik nan mưca hu hia cok thong grik tagei. 43Tuk nan, dôm ra kahanôt mưca tanrak hadah yau ia harei dalam dit biya Amư drei. Thei hu tangi, xang pangik pang!”
Arkatê ka gilang banrik
44“Dit Biya Thôr Riga pagap yau gilang banrik dar padaup dalam tha along hamu. Tha urang dwah bihu yơ ba nao padaup, bui ôn ba nao pablei rim paka drei hu piêh blei along hamu nan.”
Arkatê ka athar mưtei banrik
45“Dit Biya Thôr Riga gilaic drơh yau tha urang nao kak dwah mưđet banrik; 46tuk krung hu dwah bihu tha athar mưđet banrik takik hu, urang nan pablei vêt rim paka drei hu piêh blei athar mưtei nan.”
Arkatê ka nhôl ikan
47“Dit Biya Thôr Riga lijang drơh yau nhôl lek tamư tathik, mưk rim paka ikan. 48Tuk nhôl bak, mưnuix urang katung tagôk bloh dok dala rwah mưnưng ikan siam buh tamư caneh, dok ikan jhak parah klāk. 49Tal harei kayamat lijang yau nan, dôm umat mưca mưrai, nưh tabiak ra ag truh di dôm urang kahanôt, 50thong parah ra ag tamư cakran apui; libik nan mưca hu hia cok thong grik tagei.”
51“Khol hư hu thau abih kabha nan lei?” Dôm anưk xêh thuuk: “Pô, thau.” 52Bhô bican laic: “Ywa nan ka, dôm gru pato adat krung hu baic thau ka Dit Biya Thôr Riga, lijang drơh yau pô thang dêh, ba abih pakar birau gam klak tabiak truh di gilang banrik drei.”
Pô Yê-su gok mưlah klāk tak Na-xa-ret
(Mag 6:1-6; Lu-ka 4:16-30)
53Tuk krung hu binô dôm arkatê nan bloh, Pô Yê-su niga truh libik nan. 54Nao tal bhum mi, Bhô pato pakai bôl bhap dalam thang nhom thangak khol nhu plơng kadơng bloh đôm: “Kaywa halei urang ni tôk bihu gruk jag karag thong ngak bihu dôm bruk gon xagta yau nan? 55Ôh njaup urang ni nạn anưk likei ragei kayau ô? Amek urang ni nạn Ma-ri, thong dôm adei nhu nạn Ya-kơ, Yô-sep, Si-môn, Yu-đe ô? 56Abih adei kamei nhu ôh njaup dok krưh khol drei nan ô? Kaywa halei urang ni tôk bihu abih kabha nan?” 57#Yâ 4:44.Khol nhu ôh dial Bhô. Min Pô Yê-su bican thong mưnok nhu laic: “Pakat hôr ciêt gok bhum mi thong mưnga vôm drei paong min.” 58Tak nan, Bhô ôh ngak ralô bruk gon xagta, kaywa khol nhu ôh dial.
ទើបបានជ្រើសរើសហើយ៖
Ma-thi-ơ 13: CJM2024
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024 Bible Society Vietnam. All rights reserved.
Ma-thi-ơ 13
13
Arkatê ka urang drāk pajeh
(Mag 4:1-9; Lu-ka 8:4-8)
1Lijang dalam harei nan, Pô Yê-su niga di thang, tabiak dok di takai tathik. 2#Lu 5:1-3.Bôl bhap patom nhom yơng Bhô biak ralô, thangak Bhô xang trun gilai bloh dok, dok abih bôl bhap dang ngok takai tathik. 3Bhô angui arkatê piêh đôm thong khol nhu ralô kabha.
Bhô bican: “Hu tha urang tabiak nao drāk pajeh. 4Dalam tuk drāk, tha thanôn athar lek thôi jalan, cim mưrai ƀang bih. 5Tha thanôn athar pakan lek ngok tanưh rađeh, ciêt hu takik haluk, ôh lam jalam, tamuh tagôk vêt. 6Min tuk ia harei tamuh tagôk, gok pađiak cuh yơ nhu mưtai thu kaywa ôh hu gha. 7Tha thanôn athar pakan lek di krưh rôm darôi, darôi tamuh tagôk ngak ka nhu gok tadar var. 8Tha thanôn athar pakan vơk lek ngok di libik tanưh siam yơ athal jiơng: athar bihu tha rituh, athar bihu nam pluh, athar bihu klau pluh. 9Thei hu tangi, xang pangik pang!”
Kaxat dôm arkatê
(Mag 4:10-12; Lu-ka 8:9-10)
10Dôm anưk xêh mưrai jek tanhi Bhô: “Habar Gru angui arkatê piêh đôm thong khol nhu?” 11Bhô thuuk: “Khol hư krung bihu ƀai brei ka gruk dul thau ka dôm palih kabal anưd Dit Biya Thôr Riga, dok khol nhu ôh bihu ƀai brei. 12#Mat 25:29; Mag 4:25; Lu 8:18; Lu 19:26.Kaywa thei hu, yơ mưca bihu brei paƀlwak vơk, piêh bihu dalah dalai, dok thei ôh hu, mưca gok mưk takung kabha êng drei krưh dok hu tra. 13Ywa nan ka, Ita angui arkatê piêh đôm thong khol nhu, kaywa khol nhu mong bloh ôh ƀôh, pangik tangi bloh ôh hamit, ôh thau. 14Khol nhu krung hu ngak ka panôic hôr Ê-sai bihu thit:
‘Khol hư pangik pang, min ôh thau;
Mong bloh ôh ƀôh.
15Kaywa tian bôl ni kapal mal,
Tangi krung hu trak,
Mưta krung hu pik,
Hôic lô mưta ƀôh bihu,
Tangi hamit bihu,
Tian thau bihu,
Yơ khol nhu tumal,
Thong Ita mưca pajru dhit kaic.’
16 #
Lu 10:23,24. Min phôl ka mưta khol hư kaywa ƀôh bihu; phôl ka tangi khol hư kaywa pang bihu! 17Biak jơh, Ita đôm thong khol hư, hu ralô pakat hôr, ralô urang kahanôt cong ƀôh kabha khol hư ƀôh min ôh bihu ƀôh; cong pang kabha khol hư pang bloh ôh bihu pang.
Pô Yê-su yah padah arkatê ka mưnuix drāk pajeh
(Mag 4:13-20; Lu-ka 8:11-15)
18Yau nan, khol hư xang pang lang yah arkatê ka mưnuix drāk pajeh. 19Thei pang anga dit biya bloh ôh thau yơ Ra Ag mưrai poh blah kabha krung hu drāk dalam tian drei; sani nạn athar pajeh lek tui jalan. 20Athar pajeh lek ngok tanưh rađeh nạn mưnuix tuk pang anga yơ bui ôn takabal vêt, 21min anga ôh hu gha dalam tian, ciêt dok kađong tha kal, nan ka tuk mưnuix nạn kaywa di anga bloh gōk rijan, hai gơk tatơk yơ urang nan binhêt hanek jalơh. 22Athar pajeh lek krưh rôm darôi nạn mưnuix pang anga, min gruk uh tarak di rai ni, gruk ginup mưda ngak ka anga gok tadar var, nan yơ ôh athal jiơng. 23Dok athar pajeh drāk ngok tanưh siam nạn mưnuix pang bloh thau anga thong hu athal jiơng: Tha jiơng tha rituh, tha jiơng nam pluh, tha jiơng klau pluh.”
Arkatê harơk thong padai abei
24Pô Yê-su bican thong khol nhu tha arkatê pakan vơk: “Dit Biya Thôr Riga pagap yau tha urang drāk pajeh siam dalam hamu drei. 25Min tuk abih drei dok đih yơ ra thutruh urang nan mưrai, drāk harơk glām tamư krưh padai bloh nao. 26Tuk padai tagôk glong thong throh yơ harơk glām lijang bhat tabiak. 27Dôm halun mưrai pathau laic: ‘Pathau pô, hu njaup pô krung hu drāk pajeh siam dalam along hamu pô habar? Ywa nan ka, harơk glām mưng halei bloh hu?’ 28Pô thuuk: ‘Tha ra thutruh krung hu ngak kabha nan.’ Dôm halun pathau laic: ‘Pô hu ưng khol dahlak buic harơk nan lei?’ 29Pô thuuk: ‘Ukhin, hôic di tuk buic harơk glām, khol hư buic xuk takung padai kaic. 30Kưk lôi bih dwa thubik prong tagôk thong gaup ka tal bal mưnik; tuk tamư ywak, mưca Ita kakei thong mưnuix ywak patom harơk glām dahlau ka, papok nhu vơk yāup canak bloh cuh klāk; dok padai yơ ba tamư di gilang Ita.’”
Arkatê ka athar kachwa
(Mag 4:30-32; Lu-ka 13:18-19)
31Bhô bican thong khol nhu tha arkatê pakan: “Dit Biya Thôr Riga drơh yau tha athar kachwa urang dêh ba nao drāk dalam hamu. 32Pajeh nạn axit yatha dalam dôm mưta pajeh, min tuh tamuh tagôk yơ gilaic prong hơl dalam dôm paka njam thong gilaic jiơng phun thangak cim birim mưrai ngak thruh ngok dhān nhu.”
Arkatê ka boh tapei
(Lu-ka 13:20-21)
33Bhô bican thong khol nhu tha arkatê pakan vơk: “Dit Biya Thôr Riga drơh yau boh tapei urang kamei dêh thrau tamư klau jāk tapung bloh mưk ba aup ka tal habiên halei tapung rôk tagôk bih.”
Ganap Pô Yê-su angui arkatê
(Mag 4:33-34)
34Pô Yê-su angui arkatê piêh tathit pato abih kabha nan ka bôl bhap, ôh tha kabha haget Bhô tathit pato ka khol nhu bloh ôh angui arkatê. 35Yau nan, piêh thit panôic hôr:#13:35 panôic hôr: Dalam tha thanôn blah vak tangin nạn panôic hôr Ê-sai.
“Mưca Ita pơh pabah piêh đôm dôm arkatê,
Mưca Ita pablo dôm kabha dađaup padaup mưng harei padak padang [dunya]#13:35 [dunya]: Dalam tha thanôn blah vak tangin ôh hu akhar ni..”
Pô Yê-su yah padah arkatê ka harơk
36Hadei di tuk brei ka bôl bhap nao truh, Pô Yê-su tamư thang. Dôm anưk xêh mưrai, pathau thong Bhô: “Likau di Bhô lang yah arkatê ka harơk glām dalam hamu ka khol dahlak.” 37Bhô thuuk: “Mưnuix drāk pajeh siam nạn Anưk Mưnuix, 38along hamu nạn dunya; pajeh siam nạn anưk bik Dit Biya Thôr Riga; harơk glām nạn anưk bik Ra Ag; 39Ra thutruh drāk harơk glām nạn Abilêh; bal mưnik nạn harei kayamat; mưnuix ywak nạn dôm umat. 40Dok yau harơk glām gok patom vơk thong cuh dalam apui yau halei; yơ harei kayamat lijang yau nan. 41Mưca Anưk Mưnuix pachai umat Bhô patom abih ra mưnưk hanek tanrok thong abih ra ngak ag truh di dit biya Bhô, 42bloh parah mưnok nhu tamư cakran apui, libik nan mưca hu hia cok thong grik tagei. 43Tuk nan, dôm ra kahanôt mưca tanrak hadah yau ia harei dalam dit biya Amư drei. Thei hu tangi, xang pangik pang!”
Arkatê ka gilang banrik
44“Dit Biya Thôr Riga pagap yau gilang banrik dar padaup dalam tha along hamu. Tha urang dwah bihu yơ ba nao padaup, bui ôn ba nao pablei rim paka drei hu piêh blei along hamu nan.”
Arkatê ka athar mưtei banrik
45“Dit Biya Thôr Riga gilaic drơh yau tha urang nao kak dwah mưđet banrik; 46tuk krung hu dwah bihu tha athar mưđet banrik takik hu, urang nan pablei vêt rim paka drei hu piêh blei athar mưtei nan.”
Arkatê ka nhôl ikan
47“Dit Biya Thôr Riga lijang drơh yau nhôl lek tamư tathik, mưk rim paka ikan. 48Tuk nhôl bak, mưnuix urang katung tagôk bloh dok dala rwah mưnưng ikan siam buh tamư caneh, dok ikan jhak parah klāk. 49Tal harei kayamat lijang yau nan, dôm umat mưca mưrai, nưh tabiak ra ag truh di dôm urang kahanôt, 50thong parah ra ag tamư cakran apui; libik nan mưca hu hia cok thong grik tagei.”
51“Khol hư hu thau abih kabha nan lei?” Dôm anưk xêh thuuk: “Pô, thau.” 52Bhô bican laic: “Ywa nan ka, dôm gru pato adat krung hu baic thau ka Dit Biya Thôr Riga, lijang drơh yau pô thang dêh, ba abih pakar birau gam klak tabiak truh di gilang banrik drei.”
Pô Yê-su gok mưlah klāk tak Na-xa-ret
(Mag 6:1-6; Lu-ka 4:16-30)
53Tuk krung hu binô dôm arkatê nan bloh, Pô Yê-su niga truh libik nan. 54Nao tal bhum mi, Bhô pato pakai bôl bhap dalam thang nhom thangak khol nhu plơng kadơng bloh đôm: “Kaywa halei urang ni tôk bihu gruk jag karag thong ngak bihu dôm bruk gon xagta yau nan? 55Ôh njaup urang ni nạn anưk likei ragei kayau ô? Amek urang ni nạn Ma-ri, thong dôm adei nhu nạn Ya-kơ, Yô-sep, Si-môn, Yu-đe ô? 56Abih adei kamei nhu ôh njaup dok krưh khol drei nan ô? Kaywa halei urang ni tôk bihu abih kabha nan?” 57#Yâ 4:44.Khol nhu ôh dial Bhô. Min Pô Yê-su bican thong mưnok nhu laic: “Pakat hôr ciêt gok bhum mi thong mưnga vôm drei paong min.” 58Tak nan, Bhô ôh ngak ralô bruk gon xagta, kaywa khol nhu ôh dial.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024 Bible Society Vietnam. All rights reserved.