Luq kar 1
1
Tawd phid loq pehg lod kar buhq la se awg lawn
1Tar Ir yawz yan se Thawd phid loq-og: Chaw laex ghad kanx kha nehax te lehq gawz cax daq lehq buhq lar se Yer suq Ghig sa ve awg lawn phehq tuhaz lar se teq pa awg kawd ped-loq cawg lar se awg ceng buhq pid tug A nig awg khuhn lo yonr se haq kha suar yawd ka tiq te lar se haq suhr da se yaog. 2Awg kawd ped maq lo-aq Yer suq khreq ve kanx mig gig khod-aq chehd thad ve teq coe lor Yer suq gha te lehq gha koz mar lar se awg lawn A sug yawd ved mehz kha gha mawg lehq buhq lar se tawd khuhd U ve haq mar par phehq lehq teq cax peg teq cax koz mar lag lehq A nig sinr se yaog. 3Kheh te se haq te lehq tar Ir yawz yan se Thawd phid loq-og ngag awr lehr Lud kar yaog Yer suq ve awg lawn ted ceng le lea kha nehax saw char ngawx peg khad nuhr awg ceng che teq pa kha peg ghad awg kawd ped lo-aq Yer suq ve awg lawn ngag liz duhd cawd lehq ghawz teh lar se che ted thaeg peg ted thaeg nawg awg pon awg bon cawg tug yaog. 4Ngag A meha che kheh te se awr lehr nawg che ve awg lawn awg cehg mag kha nehax sinr vid tug awg pon Yer suq khreq ve awg lawn awg kawd ped lo-aq nawg gha sinr lar se yaog.
Yod hanr A kaz tur par pawag tug awg lawd ped loar koz lar se
5Her roq Yud daq muhd mig haq Jawd mawd te lehq haq sax chehd se awg yand haq paw khod te ghad cawg se Ar bix yaq paw khod ve awg mor khuhn chehd se Zar khar liq meh se Yud daq ve paw khod nux U huh chehd se yawd he lehq awg mid ma liz A ronr paw khod ve awg ceg awg khad Id sar rer laq khuhn lag lar se kha suar yaog yawd ved awg meh awr lehr Ed lid sar behq yaog. 6Awg phad mawd awg mid ma U ve awr lehr Ghig sa mehz khuhd suhr A saq teq khad cawd jad lehq Jawd mawd Ghig sa ve awg lid tawd khuhd haq na yug se yaog Kheh te lehq Ghig sa ve tawd khawd haq yaq kig mad cawg se yaog. 7Kheh ma khuhd I mag teq pa yad mad cawg awg lawn koz ver Ed lid sar behq awr lehr yad mad cawg gha se yad mid phehq lehq I mag ni ghad mawd jad vehor.
8Teq ni huh paw khod Zar khar liq Ghig sa mehz khuhd suhr huh Yer ruq sar lehnr med Ghig sa ve bon yehg khuhn yawd cawg lar se kanx haq te chehd se yaog awg lawn koz ver Ar bix yaq ved awg mor khuhn yawd kanx te cawd se yaog. 9Paw khod teq pa ve awg lid cawg se heh nar bar kehx yug se haq te lehq yawd gha se yaog yawd haq Jawd mawd Ghig sa ve Bon yehg daq jad kehg jad se khuhn geh pe se awr lehr awg peq huhx se tox tand tug awg pon yaog. 10Yawd Awg peq huhx se haq tox tand chehd se awg yand U ve huh chaw yad teq pa liz Yer ruq sar lehnr Bon yehg awg bag phawd lo teq geha Bon lawg chehd se yaog.
11Jawd mawd Ghig sa ve muhd nuh maq cuh yad te ghad yawd geh tuhaz lehq awg sax huhx se tox tand kig lag yaor phawd hox chehd se yaog. 12Zar khar liq muhd nuh maq cuh yad U ve te ghad haq gha mawg peq se te yand yawd liz tez mag nuh te lehq kuhz Jad se yaog. 13Kheh ma khuhd muhd nuh maq cuh yad U ve yawd haq koz vid se, “Zar khar liq-og ta kuhz. Ghig sa nawg bon lawg se haq gha kad vehor kheh te lehq Nawg mid ma Ed lid sar behq nawg pehg yad par te ghad pawag tug yaog. nawg yawd haq awg meh Yod hanr lehd koz lehq gha meh vid tug yaog. 14Nawg awr lehr ha lehg se he lehq duhd sa se kha peh ghad cawg tug yaog. kheh te lehq yawd pawag se te yand chaw laex ghad liz ha lehg Jad tug yaog. 15Yawd awr lehr Jawd mawd Ghig sa mehz khuhd suhr Ir Jad se chaw phehq tug yaog yawd A pehx med ghig he lehq juhg ted ceng le lea haq mad dawg hawg kheh te lehq awr ye U ped khuhn tanr lag lo-aq Ghig sa ve Daq kehg se awg ha phu kha peh ghad sir kae se yaog. 16Yawd Ir lag lehq Id sar rer laq chaw teq pa saz hoq haq A kor maq gha pi vid lehq vend bax maq gha te tug na yug vid lehq sir veha lehq I hehd ve Jawd mawd Ghig sa geh kawr phuhz kawaq se yaog. 17Yawd Yer suq Ghig sa haq keh awg kawd ped tuhaz lehq Id lid yaq haq kha suar kand pax cawg tug yaog yawd awr pa he lehq awg yad haq sir lehq kawq cawd daq vid lehq yaw har jad se chaw haq yawd sir ve lehq thed se cawd se chaw heh te lehq cud yig cawg vid tug yaog yawd chaw yad teq pa haq Jawd mawd Ghig sa pehg ghu vid lar tug yaog.”
18Kheh te lehq Zar khar liq muhd nuh maq cuh yad U ve haq koz vid se, “ngag khawehd te lehq awg lawn che sinr gha tuawg le? Awg lawn koz ver, ngag liz mawd jad vehor kheh te lehq ngag mid ma liz kha suar mawd vehr se yaog.”
19Muhd nuh maq cuh yad Zaq khar liq kawq koz khuhq vid se, “ngag awr lehr Ghig sa mehz khuhd suhr huh hox chehd se Gar ber laq yaog. Ghig sa ngag haq yehd pea lehq nawg ved yad awg lawn nawg haq tawd ox lehq ha lehg se tawd khuhd ca koz ax pea se yaog. 20Kheh ma khuhd nawg A meha ngag koz ved se tawd khuhd haq maq na yug law nawg chaw kar heh te lehq tawd ox mag gha tug yaog Yod hanr paw thad kha gag. Ghig sa teh lar se awg yand haq ngag koz laq se tawd khuhd phehq tuhaz tug yaog.”
21Awg yand U ve huh chaw yad teq pa liz Zar khar liq khawehd te se lehq nar lehd duhd lehq law chehd se yaog. yawd Bon yehg khuhn chehd se muh jad vehr lehq. 22Yawd tuhaz se te yand yawd I hehd haq tawd ox vid maq gha I hehd char ngawx lehq sinr se yawd Yer ruq sar lehnr Bon yehg khuhn gha mawg se awg ceng I hehd sinr gha tug yawd lag kuhr te mar vid se yaog kheh te lehq tawd ox maq gha ser se yaog.
23Zar kar liq yawd bon yehg khuhn kanx te tug awg yand peg vehr lehq yawd Yer rur sar lehnr med khuhn tuhaz lehq Yod daq muhd mig keh khad tawg lo yawd vid yehg lo kawq veh se yaog. 24Awg khad nuhr lag huh awg mid ma Ed lid sar behq yad hu vehr lehq har pa ngad maq kha gag ted kaer liz maq kae he lehq yehg khuhn lehax chehd se yaog. 25Ed lid sar behq koz se “Jawd mawd Ghig sa ngag haq ga lehq yad nehax cawg se yaog A meha chaw teq pa awg kar lo su ngag haq koz gid ghig gid se haq Ghig sa haq kax se khuhn ngag haq yug kha vehr se yaog.”
Yer suq Ghig sa pawag tug koz ax lar se
26Ed lid sar behq yad hu se har pa khuhq maq gag vehr se te yand Ghig sa muhd nuh maq cuh yad Gar ber laq haq yehd lehq Gar lir lehd muhd mig med ted mag nar zar rehq med lo lag pea se yaog. 27Daq kehg se yad mid hax te ghad geh muhd nuh maq cuh yad lag koz vid se haw khaz te ghad haq he tug ka tiq te lar se awg meh Yod sehq yaog Jawd mawd Dar viq ve awg ceg awg khad khuhn lag lar se yaog kheh te lehq yad mid hax U ve awg meh Mar riq yaog. 28Muhd nuh maq cuh yad Mar riq chehd se yehg khuhn lo lag lehq koz vid se, “ha lehg duhd sa se nawg geh cawg vid-oz Jawd mawd Ghig sa nawg geh chehd lehq nawg awr lehr awg bon kha peh nux gha se yad mid phehq se yaog.
29Mar riq tawd khuhd U ve teq pa haq te lehq tez maq nuh te se yaog yad mid U ve kha nehax duhd ngawx se yawd che kheh koz se awr lehr khawehd awr koz chehd se lehq nar lehd duhd se yaog.” 30Kheh te peg lehq muhd nuh maq cuh yad yad mid haq koz vid se, “Mar riq-og, ta kuhz. Ghig sa ha kax, se khuhn nawg haq te-a vehr se yaog. 31Kha nehax na nawg yad hu lehq ya par te ghad pawag tug yaog kheh te lehq nawg yad par nehax U ve haq awg meh meh vid tug Yer suq lehd koz lehq gha meh vid se yaog. 32Yad par nehax U ve awr lehr kand pax Ir jad se chaw phehq lehq yawd haq Ir jad muh jad se Ghig sa ve yad phu lehd kug lehq Jawd mawd Ghig sa awr lehr yawd ved awr pux Jawd mawd Dar viq ve mi khuhd haq mi cuh vid lehq haq sa vid se yaog. 33Kheh te lehq yawd Yar koq ve chaw ceng chaw khad teq pa haq khar thad liz haq sax lehq Ghig sa ve muhd nuh maq muhd mig awr lehr teq co teq pi awg leh med mad cawg hawg.”
34Mar riq muhd nuh maq cuh yad haq koz vid se “khawehd te lehq awg ceng che ve phehq gha hawg le ngag haw khaz geh te pawaz liz mad zuhq Jaw ser.”
35Muhd nuh maq cuh yad kawq koz khuhq vid se, “Daq kehg se awg ha phu Ghig sa nawg awg thag lo lag chehad lehq Ir jad muh jad se Ghig sa ve kand pax nawg haq hoz beh lar tug yaog. kheh te se haq te lehq Ghig sa ve kand pax Ir jad muh jad se nawg geh chehd lehq yad huh tug yaog yad nehax pawg se U ve awr lehr daq kehg se yaog khehn te lehq Ghig sa ve yad phu-awg lehd koz lehq kug tug yaog. 36Ed lid sar behq nawg ved awg vix awg nax koz se yawd yad par te ghad gha vehr chehd seawg yawd mawd Jad vehr liz su koz daq se yad cawg maq gha se yad mid awg lehd koz lar lehr kheh ma khuhd A meha yad hu se har pa khuhq maq gag vehor. 37Khawehd te le lehd koz ver Ghig sa teq chaweh lehaq te maq gha se mad cawg hawg.
38Mar riq koz vid se, ngag awr lehr Jawd mawd Ghig sa ve awg ceg phehq se yaog nawg koz se haq kha suar awg ceng che ngag khuhn phehq lag vid-oz kheh te peg lehq muhd nuh maq cuh yad yad mid U ve geh tuhz kae veh se yaog.”
Mar riq Ed lid sar behq geh ca giad se
39Maq muh tand huh yud daq muhd mig med ted mag keh khad haq lo Mar riq har naq kae se yaog. 40Yawd Zar khar liq he lehq Ed lid sar behq ve yehg khuhn geh lehq Ed lid sar behq haq chehd sa chehad la ha lehg duhd sa se nawg geh cawg vid-oz lehd koz vid se yaog. 41Ed lid sar behq yawd Mar riq chehd sa chehad la lehd koz se haq gha kad se te yand yad o ped khuhn ve yad ghid hehnd jad lehq daq kehg se awg ha phu Ghig sa Ed lid sar behq chehd lo lag lehq mar riq ve awg yad awg land koz mar vid se yaog. 42Awg khuhd hehd chaweh kug lehq koz se, nawg awr lehr yad mid kha peg awg khuhn lo awg bon gha Jad se yad mid phehq lehq yad pawag tug U ve liz awg bon gha se yaog. 43Khawd-ehg te lehq Ghig sa mar riq haq ngag chehd lo maq ca giad vid cawd hawg ga sehr phad#1:43 Ga sehr phad Yer suq khreq mir siz yaq ve awr ye ngag geh lag giad seawg le? 44Kheh te se haq te lehq yad mid U ve awg khuhd kad se chehd sa chehad la lehd koz se haq ngag gha kad se te yand ngag ved yad U ped khuhn chehd se ha lehg ha ka te lehq yad U ve ghid se yaog. 45Ghig sa koz vid lar se tawd khuhd haq na yug lehq yonr se yad mid awr lehr gha ha lehg tug yaog awg lawn koz ver yawd haq Jawd mawd Ghig sa ka tiq tea lar se phehq lag tug yaog.
Mar riq liq khuhd ka lehq Ghig sa haq chid muh se
46Kheh te lehq Mar riq liq khuhd ka lehq koz se,
“Ngag ved ni ma-o Ir jad muh jad se
Jawd mawd Ghig sa haq kha thad liz chid muh-ox
47Ghig sa ngag haq haeg se he lehq
Dawz se haq ga lehq thaer khuhq ax se yaog kheh te lehq
Ghig sa haq duhd ngawx se te yand ngag ha lehg jad se yaog.
48Awg lawn koz ver Ghig sa yawd ve
Awg ceg ma I jad se haq ngawx se
Yaq ni khad nuhr ver chaw awg co-e gha leha
Ngag haq kug se awg bon Ir se yad mid lehd koz tug yaog.
49Awg lawn koz ver kand pax Ir jad se
Ghig sa ngag haq Ir jad se awg ceng tea se yaog
Yawd ved awg meh awr lehr daq kehg se yaog.
50Ghig sa yawd ved ha kax se
Yawd haq tanr Ir tanr muh se chaw teq pa geh cawg tug yaog
Chi teq co-e he lehq awg nuz awr ve teq co-e geh kha thad liz cawg kae vid-oz.
51Ghig sa ve lag khuhr kand pax cawg se
Che tuhaz se te yand ni ma Ir se
Chaw haq tanr nehq vid lehq
I hehd ve kanx khad teq pa saw lug vehr tug yaog.
52Ghig sa awr lehr kand pax cawg lehq haq sax chehd se chaw haq
Yawd ve mi khuhd mi chehd se haq yug kha lehq
I jad se chaw haq chid taz vid tug yaog.
53Ghig sa awr lehr meq se kaz se chaw haq daq jad se awg ceng kha peh nux cawg vid lehq
Paw sa se chaw haq vawr lag kuhr khuhn teq chaweh lehaq ma pid he lehq kae pe tug yaog.
54-55Kheh te lehq Ghig sa ngag haq ga lehq Id sar rer laq chaw
Ghig sa ve kanx te par teq pa kha peg haq
Yawd haq kax vid lehq thed se cawd se
Awg khuhn lo khar thad liz ha kax vid tug yaog kheh te lehq A meha
Yawd ka tiq te lar se haq
Yawd duhd nuhd chehd se yaog.”
56Kheh te peg lehq Mar riq awr lehr Ed lid sar behq geh A lag har pa seh lehd chehd lar haz lehq yawd ved yehg lo kaweq veh se yaog nar zar lehz med lo.
A kaz tur par Yod hanr paw se
57A meha awg yand gag vehor Ed lid sar behq yawd yad gha tug kheh te lehq yawd yad par te ghad pawg se yaog. 58Awg chawd teq pa awg pad-ar chehd se he lehq yawd ved awg vix awg nax gha kad se Jawd mawd Ghig sa awr lehr yad mid U ve haq ha kax se kha peh nux cawg se yaog I hehd teq pa yad mid U ve geh ga ha lehg se yaog.
59Chaw yad nehax U ve A saq suhr ni gag vehr se te yand awg kha nuhr hex ni haq I hehd teq pa yawd haq awg gig med soer#1:59 Awg gig med soer Awg khiz pir ve liq 17:9-14,21:4; A kor pi liq 12:3 vid lehq awg meh meh vid se awr pa haq kha suar Zar khar liq lehd koz lehq meh vid se yaog. 60Kheh ma khuhd Awr ye koz se, “Mehz hawg yawd haq Yod hanr gha meh vid lawg, lehd koz se yaog.”
61I hehd teq pa yad mid U ve haq koz vid se, “kheh ma khuhd nawg ved awg ceg awg khad khuhn awg meh che kheh koz meh se chaw te gaed liz mad cawg hawg.” lehd koz vid se yaog. 62Kheh te peg lehq I hehd teq pa lag kuhr te mar vid lehq yad par nehax awr pa haq na ngawx se nawg yad par haq awg meh khawehd koz lehq gha meh vid lawg le.
63Zar khar riq I hehd geh lawg lehq suhz pehr bax yug veha lehd koz vid se yaog kheh te lehq yawd buhq se, “yawd ved awg meh awr lehr Yod hanr lehd koz buhq ke se yaog,” kheh te peg lehq te ghad le lea A sug liz and jad se yaog 64U ve te yand awg khuhn lo Zar khar riq liz ha lez nud lehq tawd kawq ox gha lehq yawd tawd ox lehq Ghig sa haq chid muhd se yaog. 65Awg chawd awg kiz awg naz chehd se chaw teq pa kha peg A sug liz Ghig sa haq tar Ir yawz yan se kha peh ghad cawg se yaog Awg lawn U ve haq caz daq se yud daq muhd mig khuhn kehaq lo awg kag gha leha lo buhg kae veh se yaog. 66Awg ghad leha awg lawn U ve gha kad se te yand A sug liz ni ma khuhn duhd ngawx lehq na daq se, “chaw yad nehax che Ir lag ver Ghig sa ve kanx A thoq ted ceng haq te tug nar? Awg lawn koz ver awg cehg mag ngawx mawg vehor Jawd mawd Ghig sa ve kand pax chaw yad nehax che geh chehd se yaog.”
Zar khar riq phehq lag tug haq koz lar se
67Yod hanr ve awr pa Zar khar liq awr lehr daq kehg se awg ha phu Ghig sa kha peh ghad cawg lehq Ghig sa ve tawd khuhd phehq lag tug che kheh koz se yaog,
68“Id sar rer laq ve Jawd mawd
Ghig sa haq chid muh-ox
Khawehd te le lehd koz ver Ghig sa ca giad lehq
Yawd ved chaw yad teq pa
Haq thaer khuhq vid se yaog.
69Kheh te lehq Ghig sa ve kanx te par
Dar viq ve awg ceng awg khad awg khuhn lo kand pax Ir jad se te ghad paw-ag tug yaog
A nig teq pa haq yug pong#1:69 Yug pong Tuhz kae ve liq 27:2; Chiq muh ve liq 18:2 ax lehq
Thaer khuhq tug awg pon,
70Awg kawd thad lo-aq Ghig sa yawd ka tiq te laq se haq
Yawd ghaq te se yaog
Yawd ved daq kehg se cuh kar par laex ghad ve mawg kaw khuhn awg kawd ped lo-aq koz lar se yaog.
71Ghig sa awr lehr ha kax se khuhn
A nig ved cand par teq pa haq
Yug pong ax se yaog kheh te lehq
Ngag haq nez nag se lag kuhr U ve khuhn yug pong ax se yaog.
72Kheh te se haq te lehq A nig ved A pux A pi teq pa haq
Ghig sa yawd ka tiq#1:72 Ka tiq Awg khiz pir ve liq 12:1-3, 22:15-18; Rud kar liq 1:72; 22:20 yeg se awg ceng te maw vid lehq ha kax vid lehq
Ghig sa yawd ved daq kehg se
Ka tiq tawd khuhd haq
Duhd nuhd chehd se yaog.
73-75Che awr lehr ka tiq tawd khuhd Ghig sa
Ar bar rar hanr ngag ved A pux A pi haq te vid lar se yaog yawd koz se
Ngag nawg haq cand par haq
Yug pong ax tug yaog
Nawg kuhz se mad cawg he lehq ngag haq A kor pi bon lawg vid tug
Ghig sa yawd haq
A nig ka tiq yeg vid gad lehq A nig A saq teq chehd se awg yand khuhn
Yawd ved awg lid tawd khuhd haq
Na yug vid gad se yaog.
76Yad par nehax-og, su nawg haq koz se,
Ir jad muh jad se Ghig sa ve cuh kar par lehd koz se yaog. awg lawn koz ver
Nawg awr lehr jawd mawd Ghig sa haq keh nawg awg kaw ped kae lehq
Chaw yad ve ni ma duhd kha haq ca ghu vid-oq chaw yad teq pa jawd
Mawd pehg yaq kaw kha ca te vid se haq kha suar ga lehq yug pong ax sehr phad haq haq yug tug
77Nawg chaw yad teq pa haq ca ghu lar Ghig sa pehg
I hehd teq pa teq co teq pi-aq gha toq gha khanr se
Vend bax awg khuhn lo
Yug pong ax tug.
78A nig ved Ghig sa ha kax se
Awg khuhn lo ga lehq yug pong ax sehr phad te ghad U ve haq kug se
Naq mi sawx ve muhd ni awg ghiz muhd nuh maq muh jad kig lo ve
Ghig sa A nig chehd lo ca giad se yaog.
79Muhd ni tuhaz se te yand
Awg naz tod te se mehx kae veh se yaog ga lehq yug pong ax sehr phad te ghad Ghig sa chehd lo ve lag lehq co ha phawr kuhz jad kig Awg naz tud te se awg khuhn lo chehd se he lehq
Teq co teq pi suh tug awg ti awg khuhn lo chehd se chaw teq pa haq A nig haq sir ve kae lehq
Ha lehg duhd sa se A saq teq kig awg khuhn lo su geh teq geha Ghig sa geh gha chehd tug yaog.”
80Zar khar liq ve awg yad Yod hanr Ir lag lehq yawd ve kanx haq te tug daq kehg se awg ha phu yawd haq awg ghad pid se yaog yawd awg god khehz te se awg khuhn lo chehd se yaog Id sar rer laq chaw teq pa geh lag lehq koz mar vid tug Ghig sa teh lar se awg ni gag thad kha gag yaog.
ទើបបានជ្រើសរើសហើយ៖
Luq kar 1: LHU
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lahu (Yello) Bible by Beyond Translation is licensed under Creative Commons Attribution-ShareAlike 4.0 License.
Luq kar 1
1
Tawd phid loq pehg lod kar buhq la se awg lawn
1Tar Ir yawz yan se Thawd phid loq-og: Chaw laex ghad kanx kha nehax te lehq gawz cax daq lehq buhq lar se Yer suq Ghig sa ve awg lawn phehq tuhaz lar se teq pa awg kawd ped-loq cawg lar se awg ceng buhq pid tug A nig awg khuhn lo yonr se haq kha suar yawd ka tiq te lar se haq suhr da se yaog. 2Awg kawd ped maq lo-aq Yer suq khreq ve kanx mig gig khod-aq chehd thad ve teq coe lor Yer suq gha te lehq gha koz mar lar se awg lawn A sug yawd ved mehz kha gha mawg lehq buhq lar se tawd khuhd U ve haq mar par phehq lehq teq cax peg teq cax koz mar lag lehq A nig sinr se yaog. 3Kheh te se haq te lehq tar Ir yawz yan se Thawd phid loq-og ngag awr lehr Lud kar yaog Yer suq ve awg lawn ted ceng le lea kha nehax saw char ngawx peg khad nuhr awg ceng che teq pa kha peg ghad awg kawd ped lo-aq Yer suq ve awg lawn ngag liz duhd cawd lehq ghawz teh lar se che ted thaeg peg ted thaeg nawg awg pon awg bon cawg tug yaog. 4Ngag A meha che kheh te se awr lehr nawg che ve awg lawn awg cehg mag kha nehax sinr vid tug awg pon Yer suq khreq ve awg lawn awg kawd ped lo-aq nawg gha sinr lar se yaog.
Yod hanr A kaz tur par pawag tug awg lawd ped loar koz lar se
5Her roq Yud daq muhd mig haq Jawd mawd te lehq haq sax chehd se awg yand haq paw khod te ghad cawg se Ar bix yaq paw khod ve awg mor khuhn chehd se Zar khar liq meh se Yud daq ve paw khod nux U huh chehd se yawd he lehq awg mid ma liz A ronr paw khod ve awg ceg awg khad Id sar rer laq khuhn lag lar se kha suar yaog yawd ved awg meh awr lehr Ed lid sar behq yaog. 6Awg phad mawd awg mid ma U ve awr lehr Ghig sa mehz khuhd suhr A saq teq khad cawd jad lehq Jawd mawd Ghig sa ve awg lid tawd khuhd haq na yug se yaog Kheh te lehq Ghig sa ve tawd khawd haq yaq kig mad cawg se yaog. 7Kheh ma khuhd I mag teq pa yad mad cawg awg lawn koz ver Ed lid sar behq awr lehr yad mad cawg gha se yad mid phehq lehq I mag ni ghad mawd jad vehor.
8Teq ni huh paw khod Zar khar liq Ghig sa mehz khuhd suhr huh Yer ruq sar lehnr med Ghig sa ve bon yehg khuhn yawd cawg lar se kanx haq te chehd se yaog awg lawn koz ver Ar bix yaq ved awg mor khuhn yawd kanx te cawd se yaog. 9Paw khod teq pa ve awg lid cawg se heh nar bar kehx yug se haq te lehq yawd gha se yaog yawd haq Jawd mawd Ghig sa ve Bon yehg daq jad kehg jad se khuhn geh pe se awr lehr awg peq huhx se tox tand tug awg pon yaog. 10Yawd Awg peq huhx se haq tox tand chehd se awg yand U ve huh chaw yad teq pa liz Yer ruq sar lehnr Bon yehg awg bag phawd lo teq geha Bon lawg chehd se yaog.
11Jawd mawd Ghig sa ve muhd nuh maq cuh yad te ghad yawd geh tuhaz lehq awg sax huhx se tox tand kig lag yaor phawd hox chehd se yaog. 12Zar khar liq muhd nuh maq cuh yad U ve te ghad haq gha mawg peq se te yand yawd liz tez mag nuh te lehq kuhz Jad se yaog. 13Kheh ma khuhd muhd nuh maq cuh yad U ve yawd haq koz vid se, “Zar khar liq-og ta kuhz. Ghig sa nawg bon lawg se haq gha kad vehor kheh te lehq Nawg mid ma Ed lid sar behq nawg pehg yad par te ghad pawag tug yaog. nawg yawd haq awg meh Yod hanr lehd koz lehq gha meh vid tug yaog. 14Nawg awr lehr ha lehg se he lehq duhd sa se kha peh ghad cawg tug yaog. kheh te lehq yawd pawag se te yand chaw laex ghad liz ha lehg Jad tug yaog. 15Yawd awr lehr Jawd mawd Ghig sa mehz khuhd suhr Ir Jad se chaw phehq tug yaog yawd A pehx med ghig he lehq juhg ted ceng le lea haq mad dawg hawg kheh te lehq awr ye U ped khuhn tanr lag lo-aq Ghig sa ve Daq kehg se awg ha phu kha peh ghad sir kae se yaog. 16Yawd Ir lag lehq Id sar rer laq chaw teq pa saz hoq haq A kor maq gha pi vid lehq vend bax maq gha te tug na yug vid lehq sir veha lehq I hehd ve Jawd mawd Ghig sa geh kawr phuhz kawaq se yaog. 17Yawd Yer suq Ghig sa haq keh awg kawd ped tuhaz lehq Id lid yaq haq kha suar kand pax cawg tug yaog yawd awr pa he lehq awg yad haq sir lehq kawq cawd daq vid lehq yaw har jad se chaw haq yawd sir ve lehq thed se cawd se chaw heh te lehq cud yig cawg vid tug yaog yawd chaw yad teq pa haq Jawd mawd Ghig sa pehg ghu vid lar tug yaog.”
18Kheh te lehq Zar khar liq muhd nuh maq cuh yad U ve haq koz vid se, “ngag khawehd te lehq awg lawn che sinr gha tuawg le? Awg lawn koz ver, ngag liz mawd jad vehor kheh te lehq ngag mid ma liz kha suar mawd vehr se yaog.”
19Muhd nuh maq cuh yad Zaq khar liq kawq koz khuhq vid se, “ngag awr lehr Ghig sa mehz khuhd suhr huh hox chehd se Gar ber laq yaog. Ghig sa ngag haq yehd pea lehq nawg ved yad awg lawn nawg haq tawd ox lehq ha lehg se tawd khuhd ca koz ax pea se yaog. 20Kheh ma khuhd nawg A meha ngag koz ved se tawd khuhd haq maq na yug law nawg chaw kar heh te lehq tawd ox mag gha tug yaog Yod hanr paw thad kha gag. Ghig sa teh lar se awg yand haq ngag koz laq se tawd khuhd phehq tuhaz tug yaog.”
21Awg yand U ve huh chaw yad teq pa liz Zar khar liq khawehd te se lehq nar lehd duhd lehq law chehd se yaog. yawd Bon yehg khuhn chehd se muh jad vehr lehq. 22Yawd tuhaz se te yand yawd I hehd haq tawd ox vid maq gha I hehd char ngawx lehq sinr se yawd Yer ruq sar lehnr Bon yehg khuhn gha mawg se awg ceng I hehd sinr gha tug yawd lag kuhr te mar vid se yaog kheh te lehq tawd ox maq gha ser se yaog.
23Zar kar liq yawd bon yehg khuhn kanx te tug awg yand peg vehr lehq yawd Yer rur sar lehnr med khuhn tuhaz lehq Yod daq muhd mig keh khad tawg lo yawd vid yehg lo kawq veh se yaog. 24Awg khad nuhr lag huh awg mid ma Ed lid sar behq yad hu vehr lehq har pa ngad maq kha gag ted kaer liz maq kae he lehq yehg khuhn lehax chehd se yaog. 25Ed lid sar behq koz se “Jawd mawd Ghig sa ngag haq ga lehq yad nehax cawg se yaog A meha chaw teq pa awg kar lo su ngag haq koz gid ghig gid se haq Ghig sa haq kax se khuhn ngag haq yug kha vehr se yaog.”
Yer suq Ghig sa pawag tug koz ax lar se
26Ed lid sar behq yad hu se har pa khuhq maq gag vehr se te yand Ghig sa muhd nuh maq cuh yad Gar ber laq haq yehd lehq Gar lir lehd muhd mig med ted mag nar zar rehq med lo lag pea se yaog. 27Daq kehg se yad mid hax te ghad geh muhd nuh maq cuh yad lag koz vid se haw khaz te ghad haq he tug ka tiq te lar se awg meh Yod sehq yaog Jawd mawd Dar viq ve awg ceg awg khad khuhn lag lar se yaog kheh te lehq yad mid hax U ve awg meh Mar riq yaog. 28Muhd nuh maq cuh yad Mar riq chehd se yehg khuhn lo lag lehq koz vid se, “ha lehg duhd sa se nawg geh cawg vid-oz Jawd mawd Ghig sa nawg geh chehd lehq nawg awr lehr awg bon kha peh nux gha se yad mid phehq se yaog.
29Mar riq tawd khuhd U ve teq pa haq te lehq tez maq nuh te se yaog yad mid U ve kha nehax duhd ngawx se yawd che kheh koz se awr lehr khawehd awr koz chehd se lehq nar lehd duhd se yaog.” 30Kheh te peg lehq muhd nuh maq cuh yad yad mid haq koz vid se, “Mar riq-og, ta kuhz. Ghig sa ha kax, se khuhn nawg haq te-a vehr se yaog. 31Kha nehax na nawg yad hu lehq ya par te ghad pawag tug yaog kheh te lehq nawg yad par nehax U ve haq awg meh meh vid tug Yer suq lehd koz lehq gha meh vid se yaog. 32Yad par nehax U ve awr lehr kand pax Ir jad se chaw phehq lehq yawd haq Ir jad muh jad se Ghig sa ve yad phu lehd kug lehq Jawd mawd Ghig sa awr lehr yawd ved awr pux Jawd mawd Dar viq ve mi khuhd haq mi cuh vid lehq haq sa vid se yaog. 33Kheh te lehq yawd Yar koq ve chaw ceng chaw khad teq pa haq khar thad liz haq sax lehq Ghig sa ve muhd nuh maq muhd mig awr lehr teq co teq pi awg leh med mad cawg hawg.”
34Mar riq muhd nuh maq cuh yad haq koz vid se “khawehd te lehq awg ceng che ve phehq gha hawg le ngag haw khaz geh te pawaz liz mad zuhq Jaw ser.”
35Muhd nuh maq cuh yad kawq koz khuhq vid se, “Daq kehg se awg ha phu Ghig sa nawg awg thag lo lag chehad lehq Ir jad muh jad se Ghig sa ve kand pax nawg haq hoz beh lar tug yaog. kheh te se haq te lehq Ghig sa ve kand pax Ir jad muh jad se nawg geh chehd lehq yad huh tug yaog yad nehax pawg se U ve awr lehr daq kehg se yaog khehn te lehq Ghig sa ve yad phu-awg lehd koz lehq kug tug yaog. 36Ed lid sar behq nawg ved awg vix awg nax koz se yawd yad par te ghad gha vehr chehd seawg yawd mawd Jad vehr liz su koz daq se yad cawg maq gha se yad mid awg lehd koz lar lehr kheh ma khuhd A meha yad hu se har pa khuhq maq gag vehor. 37Khawehd te le lehd koz ver Ghig sa teq chaweh lehaq te maq gha se mad cawg hawg.
38Mar riq koz vid se, ngag awr lehr Jawd mawd Ghig sa ve awg ceg phehq se yaog nawg koz se haq kha suar awg ceng che ngag khuhn phehq lag vid-oz kheh te peg lehq muhd nuh maq cuh yad yad mid U ve geh tuhz kae veh se yaog.”
Mar riq Ed lid sar behq geh ca giad se
39Maq muh tand huh yud daq muhd mig med ted mag keh khad haq lo Mar riq har naq kae se yaog. 40Yawd Zar khar liq he lehq Ed lid sar behq ve yehg khuhn geh lehq Ed lid sar behq haq chehd sa chehad la ha lehg duhd sa se nawg geh cawg vid-oz lehd koz vid se yaog. 41Ed lid sar behq yawd Mar riq chehd sa chehad la lehd koz se haq gha kad se te yand yad o ped khuhn ve yad ghid hehnd jad lehq daq kehg se awg ha phu Ghig sa Ed lid sar behq chehd lo lag lehq mar riq ve awg yad awg land koz mar vid se yaog. 42Awg khuhd hehd chaweh kug lehq koz se, nawg awr lehr yad mid kha peg awg khuhn lo awg bon gha Jad se yad mid phehq lehq yad pawag tug U ve liz awg bon gha se yaog. 43Khawd-ehg te lehq Ghig sa mar riq haq ngag chehd lo maq ca giad vid cawd hawg ga sehr phad#1:43 Ga sehr phad Yer suq khreq mir siz yaq ve awr ye ngag geh lag giad seawg le? 44Kheh te se haq te lehq yad mid U ve awg khuhd kad se chehd sa chehad la lehd koz se haq ngag gha kad se te yand ngag ved yad U ped khuhn chehd se ha lehg ha ka te lehq yad U ve ghid se yaog. 45Ghig sa koz vid lar se tawd khuhd haq na yug lehq yonr se yad mid awr lehr gha ha lehg tug yaog awg lawn koz ver yawd haq Jawd mawd Ghig sa ka tiq tea lar se phehq lag tug yaog.
Mar riq liq khuhd ka lehq Ghig sa haq chid muh se
46Kheh te lehq Mar riq liq khuhd ka lehq koz se,
“Ngag ved ni ma-o Ir jad muh jad se
Jawd mawd Ghig sa haq kha thad liz chid muh-ox
47Ghig sa ngag haq haeg se he lehq
Dawz se haq ga lehq thaer khuhq ax se yaog kheh te lehq
Ghig sa haq duhd ngawx se te yand ngag ha lehg jad se yaog.
48Awg lawn koz ver Ghig sa yawd ve
Awg ceg ma I jad se haq ngawx se
Yaq ni khad nuhr ver chaw awg co-e gha leha
Ngag haq kug se awg bon Ir se yad mid lehd koz tug yaog.
49Awg lawn koz ver kand pax Ir jad se
Ghig sa ngag haq Ir jad se awg ceng tea se yaog
Yawd ved awg meh awr lehr daq kehg se yaog.
50Ghig sa yawd ved ha kax se
Yawd haq tanr Ir tanr muh se chaw teq pa geh cawg tug yaog
Chi teq co-e he lehq awg nuz awr ve teq co-e geh kha thad liz cawg kae vid-oz.
51Ghig sa ve lag khuhr kand pax cawg se
Che tuhaz se te yand ni ma Ir se
Chaw haq tanr nehq vid lehq
I hehd ve kanx khad teq pa saw lug vehr tug yaog.
52Ghig sa awr lehr kand pax cawg lehq haq sax chehd se chaw haq
Yawd ve mi khuhd mi chehd se haq yug kha lehq
I jad se chaw haq chid taz vid tug yaog.
53Ghig sa awr lehr meq se kaz se chaw haq daq jad se awg ceng kha peh nux cawg vid lehq
Paw sa se chaw haq vawr lag kuhr khuhn teq chaweh lehaq ma pid he lehq kae pe tug yaog.
54-55Kheh te lehq Ghig sa ngag haq ga lehq Id sar rer laq chaw
Ghig sa ve kanx te par teq pa kha peg haq
Yawd haq kax vid lehq thed se cawd se
Awg khuhn lo khar thad liz ha kax vid tug yaog kheh te lehq A meha
Yawd ka tiq te lar se haq
Yawd duhd nuhd chehd se yaog.”
56Kheh te peg lehq Mar riq awr lehr Ed lid sar behq geh A lag har pa seh lehd chehd lar haz lehq yawd ved yehg lo kaweq veh se yaog nar zar lehz med lo.
A kaz tur par Yod hanr paw se
57A meha awg yand gag vehor Ed lid sar behq yawd yad gha tug kheh te lehq yawd yad par te ghad pawg se yaog. 58Awg chawd teq pa awg pad-ar chehd se he lehq yawd ved awg vix awg nax gha kad se Jawd mawd Ghig sa awr lehr yad mid U ve haq ha kax se kha peh nux cawg se yaog I hehd teq pa yad mid U ve geh ga ha lehg se yaog.
59Chaw yad nehax U ve A saq suhr ni gag vehr se te yand awg kha nuhr hex ni haq I hehd teq pa yawd haq awg gig med soer#1:59 Awg gig med soer Awg khiz pir ve liq 17:9-14,21:4; A kor pi liq 12:3 vid lehq awg meh meh vid se awr pa haq kha suar Zar khar liq lehd koz lehq meh vid se yaog. 60Kheh ma khuhd Awr ye koz se, “Mehz hawg yawd haq Yod hanr gha meh vid lawg, lehd koz se yaog.”
61I hehd teq pa yad mid U ve haq koz vid se, “kheh ma khuhd nawg ved awg ceg awg khad khuhn awg meh che kheh koz meh se chaw te gaed liz mad cawg hawg.” lehd koz vid se yaog. 62Kheh te peg lehq I hehd teq pa lag kuhr te mar vid lehq yad par nehax awr pa haq na ngawx se nawg yad par haq awg meh khawehd koz lehq gha meh vid lawg le.
63Zar khar riq I hehd geh lawg lehq suhz pehr bax yug veha lehd koz vid se yaog kheh te lehq yawd buhq se, “yawd ved awg meh awr lehr Yod hanr lehd koz buhq ke se yaog,” kheh te peg lehq te ghad le lea A sug liz and jad se yaog 64U ve te yand awg khuhn lo Zar khar riq liz ha lez nud lehq tawd kawq ox gha lehq yawd tawd ox lehq Ghig sa haq chid muhd se yaog. 65Awg chawd awg kiz awg naz chehd se chaw teq pa kha peg A sug liz Ghig sa haq tar Ir yawz yan se kha peh ghad cawg se yaog Awg lawn U ve haq caz daq se yud daq muhd mig khuhn kehaq lo awg kag gha leha lo buhg kae veh se yaog. 66Awg ghad leha awg lawn U ve gha kad se te yand A sug liz ni ma khuhn duhd ngawx lehq na daq se, “chaw yad nehax che Ir lag ver Ghig sa ve kanx A thoq ted ceng haq te tug nar? Awg lawn koz ver awg cehg mag ngawx mawg vehor Jawd mawd Ghig sa ve kand pax chaw yad nehax che geh chehd se yaog.”
Zar khar riq phehq lag tug haq koz lar se
67Yod hanr ve awr pa Zar khar liq awr lehr daq kehg se awg ha phu Ghig sa kha peh ghad cawg lehq Ghig sa ve tawd khuhd phehq lag tug che kheh koz se yaog,
68“Id sar rer laq ve Jawd mawd
Ghig sa haq chid muh-ox
Khawehd te le lehd koz ver Ghig sa ca giad lehq
Yawd ved chaw yad teq pa
Haq thaer khuhq vid se yaog.
69Kheh te lehq Ghig sa ve kanx te par
Dar viq ve awg ceng awg khad awg khuhn lo kand pax Ir jad se te ghad paw-ag tug yaog
A nig teq pa haq yug pong#1:69 Yug pong Tuhz kae ve liq 27:2; Chiq muh ve liq 18:2 ax lehq
Thaer khuhq tug awg pon,
70Awg kawd thad lo-aq Ghig sa yawd ka tiq te laq se haq
Yawd ghaq te se yaog
Yawd ved daq kehg se cuh kar par laex ghad ve mawg kaw khuhn awg kawd ped lo-aq koz lar se yaog.
71Ghig sa awr lehr ha kax se khuhn
A nig ved cand par teq pa haq
Yug pong ax se yaog kheh te lehq
Ngag haq nez nag se lag kuhr U ve khuhn yug pong ax se yaog.
72Kheh te se haq te lehq A nig ved A pux A pi teq pa haq
Ghig sa yawd ka tiq#1:72 Ka tiq Awg khiz pir ve liq 12:1-3, 22:15-18; Rud kar liq 1:72; 22:20 yeg se awg ceng te maw vid lehq ha kax vid lehq
Ghig sa yawd ved daq kehg se
Ka tiq tawd khuhd haq
Duhd nuhd chehd se yaog.
73-75Che awr lehr ka tiq tawd khuhd Ghig sa
Ar bar rar hanr ngag ved A pux A pi haq te vid lar se yaog yawd koz se
Ngag nawg haq cand par haq
Yug pong ax tug yaog
Nawg kuhz se mad cawg he lehq ngag haq A kor pi bon lawg vid tug
Ghig sa yawd haq
A nig ka tiq yeg vid gad lehq A nig A saq teq chehd se awg yand khuhn
Yawd ved awg lid tawd khuhd haq
Na yug vid gad se yaog.
76Yad par nehax-og, su nawg haq koz se,
Ir jad muh jad se Ghig sa ve cuh kar par lehd koz se yaog. awg lawn koz ver
Nawg awr lehr jawd mawd Ghig sa haq keh nawg awg kaw ped kae lehq
Chaw yad ve ni ma duhd kha haq ca ghu vid-oq chaw yad teq pa jawd
Mawd pehg yaq kaw kha ca te vid se haq kha suar ga lehq yug pong ax sehr phad haq haq yug tug
77Nawg chaw yad teq pa haq ca ghu lar Ghig sa pehg
I hehd teq pa teq co teq pi-aq gha toq gha khanr se
Vend bax awg khuhn lo
Yug pong ax tug.
78A nig ved Ghig sa ha kax se
Awg khuhn lo ga lehq yug pong ax sehr phad te ghad U ve haq kug se
Naq mi sawx ve muhd ni awg ghiz muhd nuh maq muh jad kig lo ve
Ghig sa A nig chehd lo ca giad se yaog.
79Muhd ni tuhaz se te yand
Awg naz tod te se mehx kae veh se yaog ga lehq yug pong ax sehr phad te ghad Ghig sa chehd lo ve lag lehq co ha phawr kuhz jad kig Awg naz tud te se awg khuhn lo chehd se he lehq
Teq co teq pi suh tug awg ti awg khuhn lo chehd se chaw teq pa haq A nig haq sir ve kae lehq
Ha lehg duhd sa se A saq teq kig awg khuhn lo su geh teq geha Ghig sa geh gha chehd tug yaog.”
80Zar khar liq ve awg yad Yod hanr Ir lag lehq yawd ve kanx haq te tug daq kehg se awg ha phu yawd haq awg ghad pid se yaog yawd awg god khehz te se awg khuhn lo chehd se yaog Id sar rer laq chaw teq pa geh lag lehq koz mar vid tug Ghig sa teh lar se awg ni gag thad kha gag yaog.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lahu (Yello) Bible by Beyond Translation is licensed under Creative Commons Attribution-ShareAlike 4.0 License.