လုကာ 2
2
အခန်း (၂)
ကိုတော်ယေရှုကေဒက်ကအကြောင်း
(မာကု ၁:၁၈-၂၅)
1အိမ်မှားအချိန်ငါ#2:1 အိမ်မှအချိန်ကာယယာ ယောဟန်ကေဟေကားအချိန်ငင် ဆိုလိုဟေကဖြစ်ဟေ။ ရောမဧကရာဇ်ဩဂုတ္တုနာ ရောမအင်ပါယာ အုပ်စိုးဟေကအမုတ်အာ တုန်းဟေကလူးရက်အင် သန်းခေါင်စာရင်း ကလိင်ကဟင်းပိုကားငါကို အမိန့်ဆပြူလင်ကဟေ။ 2အတတ်ကဒေလေပထမဦးဆုံး သန်းခေါင်စာရင်း စကို့ကလိင်ကရပ် ကုရေနိစာ ဆီးရီးယားပြည်က အုပ်ချုပ်ကလူး ဖြစ်လင်ကဟေ။ 3လူတိုင်းယဲ့ အမာရက်က အအီအုတ်ရက်တုန်းဒက်ကမြို့ဝါ ပြန်းဂို့ သန်းခေါင်းစာရင်းဆင်ကဇိစ် လင်ကဟေ။ 4မှအကြောင်း ယောသပ်ယဲ့ ဘုရင်ဒါဝိဒ်ကမျိူးရိုးယာဘင်း ဆင်းသက်ဗန်(ဖ်)ကလူးဟူးဝါဖြစ်ဟေကအကြောင့် ဂါလိလဲပြည် နာဇရက်မြို့ဝါဘင်းပြုကို ဘုရင်ဒါဝိဒ်ကဇာတိမြို့ဖြစ်ဟေကား ယုဒပြည်ယာက ဗက်လင်မြို့ဝါ လင်လင်ကဟေ။ 5အိမ်မာဒေလေ သန်းခေါင်စာရင်းဆင်ကဇိစ်လင်ကရပ် ယောသပ်စာ အမာအိမ်စေ့စပ်ပီးဂို့ ကိုယ်ဝန်ငါတုန်းနန်းဖြစ်ဟေကား မာရိအိမ်မက်တာလင်ကဟေ။ 6အမာရက် ဗက်လင်မြို့ဝါထုန်ဗာ(ဖ်)ကရပ် မန်ဆာကေကဇိစ် အချိန်ဟိုက်ကို့ 7မာရိစာ အဆာဦးတာဆာပြိုင်ဆာ ကေလင်ကဟေ။ အိမ်မှအချိန်ငါ အမာရက်ကအတွက် တည်းခိုကဇိစ် နေရာအငါနန်းကတောင်း မာရိနာ မန်ဆာ အင်းကြမ်းအိမ်ပတ်ကို့ ဆာမုတ်အကြိုဆာဟေကားဟွက်အာ အိပ်ဇိစ်ပီးလင်ကဟေ။
သိုးကျောင်းဆာရက်အိမ် ဟမန်းဒေဝါရက်
8အိမ်မှအရပ်အာ သိုးကျောင်းသားတစ်ချို့စာ ဗက်လင်မြို့အနားဆာက အကြိုဆာဟေကနေရာယာ အမာရက်ကသိုးရက်အင် နက်တိုက်ဘက်အာစောင်ဂို့ ငါလင်ကဟေ။ 9အိမ်မှအချိန်ငါ ဘုရားရှင်ကမှဘင်းဗန်(ဖ်)ဟေက ဟမန်းဒေဝါတစ်ပါးနာ အမှာရက်ကားရှေ့ယာ ရုတ်တရက်ဖော်ဗာ(ဖ်)ဂို့ အမှာရက်က ဘေးပတ်လည်ယာ ဘုရားရှင်ကဘုန်းတန်ခိုးအိမ် ထွန်းလင်းတောက်ပဂို့ သိုးကျောင်းသားရက်အ(လ်) တဗျင်းအစက်တုန်းလင်ကဟေ။ 10ကျီးကအိမ် ဟမန်းဒေဝါနာ အမာရက်အင် "အစက်အဲ့။ ငါနာ လူးဆာစုတ်ရက်ကအတွက် ဝမ်းမြောက်ဖွယ်ရာဖြစ်ဇိစ်ကား သတင်းကောင်းငင် လာကန်းကားဖြစ်ဟေ။ 11ယက်ထင့်နတ် ဘုရင်ဒါဝိဒ်ကမြို့ဝါ နနိန်ရက်က မေရှိယယင် ကေယင်နန်း။ အမာနာ အရှင်မေရှိယ#2:11 အရှင်မေရှိယငါ့ဟေကနာ ဘုရားရှင်က ကတိတော်အတိုင်းဖြောက်အန်းကားလူး လူရက်က အပြစ်ရက်အင်ကယ်အီးဟေကားလူဖြစ်ဟေ။ 12နနိန်ရက်မှတ်လူကအတွက် အမှတ်သားက(လ်) အင်းကြမ်းအိမ်ပတ်ကို ဆာမူအကြိုဆာကနေရာယာ အိပ်ဇိစ်ပီကား မန်ဆာယင် နနိန်ရက်ပေါ်လင်ကဖြစ်ဟေ"ငါ့ကို င့ါလင်ကဟေ။
13ရုတ်တရက် ရွှေမြို့တော်ဝါက ဟမန်းဒေဝါရက်အ(လ်) အိမ်မှဟမန်းဒေဝါအိမ်မက်တာ ဖော်ယောဝန်ကို့ အမာရက်နာ ဘုရားရှင်ငင် ချီးမွမ်းလင်ကဟေ။
14အမာရက်နာ "အမြင့်ဆုံးကရွှေမြို့တော်ဝါ ငါလင်ဟေကား ဘုရားရှင်က ဘုန်းတန်ခိုးပြောင်လင်နက်ပါစေ။
မှကမ္ဘာပေါ်ဝါက ဘုရားရှင်နှစ်သက်ဟေက လူစူရက်ကအပေါ်ဝါ ငြိမ်းချမ်းသာယာဟေကငါလင်ပါစေ"
ငါ့ကို ငှားလင်ကဟေ။
15ကျီးကအိမ် ဟမန်းဒေဝါရက် ရွှေမြို့တော်ဝါ#2:15 ရွှေမြို့တော်ဝါ ရွှေမြို့တော်နာ အိုခြင်း၊ နာခြင်း၊ သေခြင်းအိမ် ဒုက္ခဆင်းရဲယာဘင်း လွတ်မြောက်ဟေကား ဘုရားရှင်ကိန်းဝတ်ရာနေရာဖြစ်ဟေ။ ပြန့်လင်ဂါအချိန်ငါ သိုးကျောင်းဆားရက်နာ "ဘုရားရှင်နာ ငါရက်ဇိစ် ငါ့ဆနပ်ကအူဇာရက်အင်ယူကဇိစ် ဗက်လင်မြို့ဝါလင်ကမက်"ငါ့ကို အချင်းချင်း ပြိစ်တုန်းလင်ကဟေ။
16နီးကဒေါင်း အမှာရက်နာ အိမ်မားနေရာယာ မလားလင်ကရပ် ဆမူအကြိုဆာဟေကားဟွက်အာ ထယ်ပီးဟေကား မာန်ဆာအိမ်မက်တာ ယောသပ် ၊ မာရိရက်အင်ယေ့ ပိုလင်ကဟေ။ 17သိုးကျောင်းဆားရက်အ(လ်) မန်းဆာယေရှုယင် ပေါ်ဟေကရပ် ဟမန်းဒေဝါ ငှားဆနပ်ဟေကား မန်ဆာအိမ်ပတ်သက်ဟေကား အကြောင်းအရာရက်အင် လူးရက်ဇိစ် ငါ့ဆနပ်လင်ကဟေ။ 18သိုးကျောင်းဆာရက် ငှားဆနပ်ဟေကအကြောင်းရာရက်အင် တတ်ပိုဟေကား လူဆန်းစူရက်နာ တဗျင်းအံ့ဩလင်ဂါဟေ။ 19ညီးငါ့ဒင့်ယေ မာရိနာ ဖြစ်ပျက်တက်ဟေကား အကြောင်းအရာစုတ်ရက်အင် တွက်လှုကို့ အိမ်မှအူဇာရက်နာ အဆာမည်ကအဓိပ္ပာယ်ငါ့ဟေကား စဉ်းစားတုန်းလင်ကဟေ။ 20ကျီးကအိမ် သိုးကျောင်းဆားရက်ယဲ့ သိုးရက်အကြိုဆာဟေကား နေရာယာပြန့်လင်ကို အမာရက်တတ်တက်ကား ပိုဒက်ဟေကအကြောင်းအရာအတွက် ဘုရားရှင်ငင် ဂုဏ်ပြုချီးမွမ်းလင်ကဟေ။ အဇာရိကို့အငါ့နဲ့က(လ်) အိမ်မှအဖြစ်ပျက်ရက်နာ ဟမန်းဒေဝါနာ အမာရက်အင် ပြိစ်ဒက်ကအတိုင်း အမှန်တကယ်ဒင့် ဖြစ်ပျက်ဒက်ကတောင်းဖြစ်ဟေ။
မန်ဆာယေရူယင် ဘုရားရှင်ကမား ဆပ်ကပ်ဟေကား
21မန်ဆာကေကျီးကို ရှစ်ရက်မြောက်ဟေကရယက်အာ အရေဖျားလှီးမင်္ဂလာ#2:21 မန်ဆာအကျီးကျီးထိပ်အင်ဟန်ဟေကားပါ(လ်) လိစ်အီးကို့ မန်ဆင် ယေရှုငါ့ကို အမိန်းအီလင်ကဟေ။ အိမ်မှဒေလေ အမိန်းအီပိုကနာ မာရိကိုယ်ဝန်အငါမီဘင်း ဟမန်းဒေဝါ ငါ့ဆနပ်ပီဒက်ကအတိုင်း အမိန်းအီဒက်ကားဖြစ်ဟေ။ 22မောရှေဂါးပညတ်ကျမ်းယာ#2:22 ဘုရားရှင်၏ပညတ်ကျမ်းနှင့် မောရှေ၏ပညတ်ကျမ်းဆိုသည့်အသုံးနူန်းမှာ အတူတူပင်ဖြစ်သည်။ ဘုရားရှင်သည် မောရှေမှတစ်ဆင့် အစ္စရေးလူမျိုးတို့အား ပေးထားသည့် ပညတ်ကျမ်းများဘင် ဖြစ်သည်။ ငါ့ပီးကအတိုင်း မာရိကသန့်စင်ခြင်းရယက်ရက်#2:22 သန့်စင်ခြင်းမင်္ဂလာငါ့ဟေကနာ တာဆာလောင်ရက်နာ မန်ဆာကေကျီးကရပ်ပင်းစကို့ ရက်ပေါင်း၄၀ကြားမနီး စောင်ကျီးနဲ့က(လ်) ဂျေရုဆလင်ဗိမာန်တော်ဝါ ပူဇော်ဟေကအမူအင်လိစ်ပိုဟေ။ ဝတ်ပြုရာကျမ်း ၁၂း ၁-၄ ကျီးဟေကရပ် ယောသပ်အိမ်မာရိနာ မန်ဆာယေရူယင် ဘုရားရှင်ကမား ဆက်ကပ်ကဇိစ် ဂျေရုဆလင်မြို့ဝါ အော်လားကန်ကဟေ။ 23မှနောက်အာ အမာရက်နာ "အဆာဦးတာဆာပြိုင်ဆာတိုင်းငင် ဘုရားရှင်ကမား ဆပ်ကပ်အက်ပိုကား။ 24ချိုးငါ့ဟေကအူဆီတစ်စုံ (သို့) ခိုအူဆီဆာနိမ်မှာအိမ် ပူဇော်ပိုကား"ငါ့ကို ဘုရားရှင်ကပညတ်ကျမ်းငါ ငှားပီးဟေကအတိုင်း ဆက်ကပ်ပူဇော်လင်ကဟေ။
ရှုမောင်ဂါးဂုဏ်တော်ချီးမွမ်းဟေကား
25အိမ်မှအချိန်ငါ ဂျေရုဆလင်မြို့ဝါ ရှုမောင်ငါ့ကို အော်ဟေကား လူးဟူးဝါငါ့လင်ကဟေ။ အမှာနာ ဘုရားရှင်ငင်ကြည်ညိုကို့ ဖြောင့်မတ်ဟေကလူးဖြစ်ဟေ။ မေရှိယစာ ကြွဗန်ကို့ အစ္စရေးလူမျိူးရက်အင် ကယ်တင်အီယန်ကယေ့ စောင်တုန်းဟေကလူးဟူးဝါဖြစ်ကတောင်း ဉာဏ်အလင်းတော်နာ အမာအိမ်မက်တာငါ့လင်ကဟေ။ 26ဉာဏ်အလင်းတော်နာ အမင် "နင်စာ အရှင်ဖြောက်နက်အန်ကား မေရှိယယင် အပေါ်ထမ်း ဆိန်းလင်ကအရိ(လ်)ပါ(လ်)" ငါးဂို့ ငှားပီးဒက်နန်းဖြစ်ဟေ။ 27မှနောက်အာ မာရိအိမ်ယောသပ်ရက်နာ ပညတ်တော်အတိုင်း ဆက်ကပ်ပူဇော်ဟေက အမူဝင်လိစ်ကဇိစ် ဗိမာန်တော် အတောင်ဟုန်းငါ မန်ဆာယေရှုယင်အော်လားကန်ဂါးအချိန်ငါ ဉာဏ်အလင်းတော်နာ ရူမောင်ငင် ဗိမာန်တော်ဝင်း အတောင်ဟုန်းငါ ဉီးဆောင်ကို့အော်လားကန်ကဟေ။ 28နီးကဒေါင်း ရှုမောင်စာ မန်ဆာယေရှုယင် ကပယ်ကို ဘုရားရှင်ကဂုဏ်တော်ဝင် အတတ်ကဒေလေ ချီးမွမ်းလင်ကဟေ။
29"ဘုရားရှင် ၊ နင်အီဟေကား ကတိအတိုင်း
အတတ်နင်ကအငှားဆာစာ ငြိမ်းချမ်းစွာ ဆိန်းကခွင့်ငင် အီယင်နန်းဖြစ်ဟေ။
30အဇာရိ(လ်)ဂိုငါးနဲ့ လူးရက်အင်ကယ်တင်ကဇိစ်အတွက် နင်ဖြောက်နက်အန်ကား
ကယ်တင်ရှင်ငင် ငါကိုယ်တိုင်ပိုဒက်နန်းဖြစ်ဟေ။
31မှတောင်မှာဒင့် လူးစုတ်ရက်အ(လ်)
ဘုရားရှင်ပြင်ဆင်ကိုဖြောက်နက်အန်ကကယ်တင်ရှင်ငင် ပေါ်လင်ပေါ်ကဖြစ်ဟေ။
32အိမ်မှလူးနာ ဘုရားရှင်ငင် လူမျိူးခြားရက်ကမား ထင်ရှားပေါ်လွင်ဇိစ်ငန်ကား အလင်းရောင်ဖြစ်ကို့
ဘုရားရှင်ကလူမျိူးဖြစ်ဟေကား အစ္စရေးရက်ကအတွက် ဂုဏ်ငါမနီးရိအီးကလူးယေဖြစ်ဟေ"
ငါ့ကို ဖြစ်ဟေ။
33မာရိအိမ်ယောသပ်ရက်အ(လ်) ရှုမောင်ငါ့ဆနပ်ကား မန်ဆာယေရူကအကြောင်းငင် တတ်ဂို အံ့ဩတုန်းလင်ကဟေ။ 34မှနောက်အာ ရှုမောင်နာ အမှာရက်အင် ဆုစိန်အီကို့ကျီးကရပ် မာရိယင် "ဘုရားရှင်နာ နင်ကမန်ဆာယင် အစ္စရေးလူမျိူးရက်ကအကြားယာ ဘုရားရှင်ကအပြစ်အီက ဟင်းပိုကလူးအိမ် ကယ်တင်ကဟင်းပိုကလူးရက်အင် ခွဲခြားကဇိစ် ရွေးချယ်ကို့ပီဟေ။ အမာနာ ဘုရားရှင်ထနဲ့က နိမိတ်လက္ခဏာဆူးဝါဖြစ်ကယေ့ လူးရက်နာ အမင်လက်အခံလင်ပါ(လ်)ကား။ 35အိမ်မာဒေရိကတောင်း လူးရက်က စိတ်နှလုံးထဲယာက အကြံစည်ရက်အ(လ်) ဖော်ယောဝန်လင်ကား။ မှတောင်မာဒင့် လူးရက်နာ အမင် ဆိုးဆိုးရွားရွားဆက်ဆံကတောင်း ရင်းဟေကား ကာတင်လက်တာနာ နင်ကနှလုံးသားယင် စူ(ဖ်)ကို့ဆင်ကဒေလေ နင်ကစိတ်နှလုံးင(လ်) တဗျင်းဝမ်းနည်းလင်ပိုကား"ငါ့ကို ငါ့လင်ကဟေ။
အန္နက သက်သေခံဟေကား
36အိမ်မားနေရာယာ အာရှာမျိုးနွယ်ဝင် ဖနွေလဂါး အဆာအိဖြစ်ဟေကား အဆက်ပြာတုန်းနန်းကား ပရောဖက်#2:36 ပရောဖက်ငါ့ဟေကနာ ဘုရားရှင်ကတူးယင် တစ်ဆင့်ခံငါ့ဆနပ်ကလူး အန္နယဲ့ ငါတုန်းလင်ကဟေ။ အမှာနာ အိမ်ထောင်ဟြန်ဂို့ အဟြိုရ်ဗာ(ဖ်)အိမ်မက်တာ ခုနှစ်နှစ်ကြားမနီး ပေါင်းသင်းကို့ကျီးကရပ် အမာကအဟြိုရ်ဗာ(ဖ်)နာ ဆိန်းလင်ကဟေ။ 37အတတ် အမာနာ မုဆိုးမဟူးဝါဖြစ်ကို အဆက်ယဲ့ ရှစ်ဆယ့်လေးနှစ် ငါတုန်းနန်းဖြစ်ကအကြောင့် တဗျင်းအီဆာဆာတုန်းနန်းဖြစ်ဟေ။ အမှာနာ ဗိမာန်တော်ဝင်းငါဘင်း#2:37 ဗိမာန်တော်ငါ့ဟေကနာ ဂျေရုဆလင်မြို့ဝါ ဆူးဝါတည်းငါ့ကို ဂျူးလူမျိုးရက် ဝတ်ပြုဆုစိန်ဟေကနေရာ ဟက်တာယဲ့ အပြင့်ငါအပြုထမ်း၊ မကြာခဏအစာရှောင်ဥပုသ်စောင့်ကို့ ဘုရားရှင်ငင် ထင့်ဘာထီဘာ ဝတ်ပြုဆုစိန်ဟေကားလူဖြစ်ဟေ။ 38အန္နယေ့ မာရိအိမ် ယောသပ်ရက်အင် ရူမောင်တူး(ဖ်)ပြိစ်တုန်းကအချိန်ငါ ဗိမာန်တော်အတာဟုန်းငါ ထုန်ဗာ(ဖ်)ကို့ ဘုရားရှင်ဂါဂုဏ်တော်ငင် ချီးမွမ်းဂို့ ဂျေရုဆလင်မြို့ဝါ ကယ်တင်ငန်ကား စောင့်ဂို့တုန်းဟေကားလူးရက်ဇိစ် အိမ်မှမန်ဆာကအကြောင်းငင် ငါ့ဆနပ်တုန်းလင်ကဟေ။
နာဇရက်အာ အပြန့်ခရီး
39မှနောက်အာ မာရိအိမ်ယောသပ်ရက်နာ ဘုရားရှင်ကပညတ်တရားအတိုင်း လိစ်ကဇမ်းငါဟေကရက်အင် လိစ်ကို့ကျီးဟေကရပ် အမှာရက်က ကိန်းငါဟေကနေရာ ဂါလိလဲပြည် နာဇရက်မြို့ဝါ ပြန့်ငန်လင်ကဟေ။ 40မှနောက်အာ မာန်ဆာနာ ပြာယောဝန်ကရပ် ခန္တာကိုယ်ကြံ့ခိုင်ကို့ ဉာဏ်ပညာအိမ်ပြည့်စုံကို့ ဘုရားရှင်ကကောင်းချီးအီဟေကား ခံစားလင်ပေါ်ကဟေ။
မန်ဆာယေရူ ဗိမ္မာန်တော်ယာ ငါတုန်းကား
41နှစ်စဉ်နှစ်တိုင်း မာရိအိမ်ယောသပ်ရက်နာ ပသခါပွဲအတွက် ဂျေရုဆလင်မြို့ဝါလင်ဂါဟေ။ 42မန်ဆာယေရူ အဆက်တစ်ဆယ့်နှစ်နှစ်အရွယ်ယာ အမှာရက်ကသုံးယောက်စလုံးနာ ပုံမှန်လင်တုန်းကအတိုင်း ပသခါပွဲတော် ကျင့်ပကဇီစ် အိမ်မားမြို့ဝါ လင်လင်ဂါဟေ။ 43ပသခါပွဲ#2:43 ပသခါပွဲတော်ငင် တဆေးမဲ့မုန့်ပွဲတော်ငါ့ကိုယေ့အော်ကို့ အီဂျစ်ပြည်ယာငါ့ဟေကား ဘိုးဘေးအစ္စရေးလူမျိူးရက် ကျွန်ဘဝဘင်း လွတ်မြောက်အန်ကား အထိမှတ်အတွက် ကျင်းပဟေကား ဂျူးလူမျိူးရက်က စားသောက်ပွဲဖြစ်ဟေ။ ကျီးကရပ် မန်ဆာယေရှုနာ ဂျေရုဆလင်မြို့ပေါ်ဝါ ကျန်ငါ့ဒက်က အနူ(ဖ်)အိမ်ယောသပ်ရက်စာ အချေးထမ်း ပြန့်ငန်လင်ကဟေ။ 44မာရိအိမ် ယောသပ်ရက်နာ မန်ဆာယေရူနာ အမှာရက်အိမ်မက်တာ ကိန်းငါပြန့်လင်ကရပ် ခရီးလင်ကလူအုပ်စုထဲယာ ဆင်ယိုးဟေငါးဂို့ ထင်တုန်းလင်ကို့ ယက်တာဂိုရာ ခရီးဆက်လင်ကဟေ။ အိမ်မှနောက်အာ အမာရက်နာ မန်ဆာယေရှုယင် ဆွေမျိုးရက်အိမ် မိတ်ဆွေရက်ကကြား ရာနက်ကို့ဆုံးလင်ကဟေ။ 45မန်ဆာယေရူယင် အပိုနန်းကတောင်း အမင် ဂျေရုဆလင်မြို့ဝါ ဆုံးကဇီစ် ပြန်ဂို့ဗန်လင်ကဟေ။ 46ဆုံးယက်ကြားဟေကရပ် အမှာရက်နာ ကိုယ်တော်ယေရှုငင် ဗိမာန်တော်ဝင်းငါ ဂျူးဘာသာရေးဆရာရက်ကအကြားယာ တုန်းတုန်းဟေကားပိုလင်ကဟေ။ ကိုယ်တော်နာ ဂျူးဘာသာရေးဆရာရက်က ဆနိန်အီဟေကရက်အင် အတေးကို အမှာရက်အင် မေးခွန်းငင် ပြန်ဂို့ကတာလင်ကဟေ။ 47ကိုယ်တော်ယေရှုကတူးရက်အင် တတ်ဟေကလူတိုင်းနာ အမှာကအသိဉာဏ်ပညာအိမ် ဂျူးဘာသာရေးဆရာရက်က မေးခွန်းရက်အင် ကနင်းဖူး(ဖ်)ဖူး(ဖ်)ပြန်ဂို့ဖြေလူဟေကားရက်အင် တဗျင်းအံ့ဩတုန်းလင်ကဟေ။ 48ယောသပ်အိမ် မာရိရက်အ(လ်) ကိုယ်တော်ယေရှုဝင် ပိုလင်ကရပ် အမှာရက်နာ တဗျင်းအံ့ဩလင်ကို အမှာဂါအနှုး(ဖ်)နာ "ငါကအဆာ၊ အဇာရိဂို့ ငါရက်ကအပေါ်ဝါ အတတ်ကဒေလိစ်ပိုဂါယာ။ နင်ကအဗာ(ဖ်)အိမ်ငါက(လ်) တဗျင်းစိတ်ပူဂို့ ဆုံးပေါ်ဟေ" ငါးဂို့ ငှားလင်ကဟေ။ 49အိမ်မာကရပ် ကိုယ်တော်ယေရှုနာ "အဇာရိဂို့ အဆာယင် ဆုံးတုန်းဟေကယာ။ ငါနာ အဗား(ဖ်)ဘုရားကကိန်းယာ ငါးဟေက အချေးလဲ" ငါးဂို့ ပြန်ဖြေလင်ကဟေ။ 50ညီးငါ့ဒင့်ယေ အမာရက်နာ ကိုယ်တော်ယေရှုပြိစ်ကက်ဟေက အဓိပ္ပါယ်ဆိုလိုရင်းယင် နားအလည်ပါ(လ်)။
ဘုရားရှင်ကရှေ့ယာ၊ လူးရက်ကရှေ့ယာ အမန်းလှုဟေကား
51မှနောက်အာ ကိုယ်တော်ယေရှုစာ ယောသပ်အိမ်မာရိရက်အိမ်မက်တာ နာဇရက်မြို့ဝါ ပြန့်ကိုယောဝန်လင်ကို့ အမာရက်ကတူးရက်အင် အတေးကိုတုန်းလင်ကဟေ။ ညီငါ့ဒင့်ယေ အမာကအနူ(ဖ်)ဖြစ်ဟေက မာရိနာ မှအကြောင်းအရာစုတ်ရက်အင် စိတ်နှလုံးထဲယာ သိမ်းပီလင်ကဟေ။ 52ကျီးကအိမ် ကိုယ်တော်ယေရှုစာ ပြာယိုးငန်ကားအချိန်ငါ ခန္တာကိုယ်ကြံ့ခိုင်ကို့ ဉာဏ်ပညာအိမ်ပြည့်စုံဂို့ ဘုရားရှင်အိမ် လူးရက်က အထူးနှစ်သက်ဟေကယဲ့ ဟင်းလင်ပေါ်ကဟေ။
ទើបបានជ្រើសរើសហើយ៖
လုကာ 2: CKH
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Thet (သက်) Bible by Beyond Translation is licensed under Creative Commons Attribution-ShareAlike 4.0 License.
လုကာ 2
2
အခန်း (၂)
ကိုတော်ယေရှုကေဒက်ကအကြောင်း
(မာကု ၁:၁၈-၂၅)
1အိမ်မှားအချိန်ငါ#2:1 အိမ်မှအချိန်ကာယယာ ယောဟန်ကေဟေကားအချိန်ငင် ဆိုလိုဟေကဖြစ်ဟေ။ ရောမဧကရာဇ်ဩဂုတ္တုနာ ရောမအင်ပါယာ အုပ်စိုးဟေကအမုတ်အာ တုန်းဟေကလူးရက်အင် သန်းခေါင်စာရင်း ကလိင်ကဟင်းပိုကားငါကို အမိန့်ဆပြူလင်ကဟေ။ 2အတတ်ကဒေလေပထမဦးဆုံး သန်းခေါင်စာရင်း စကို့ကလိင်ကရပ် ကုရေနိစာ ဆီးရီးယားပြည်က အုပ်ချုပ်ကလူး ဖြစ်လင်ကဟေ။ 3လူတိုင်းယဲ့ အမာရက်က အအီအုတ်ရက်တုန်းဒက်ကမြို့ဝါ ပြန်းဂို့ သန်းခေါင်းစာရင်းဆင်ကဇိစ် လင်ကဟေ။ 4မှအကြောင်း ယောသပ်ယဲ့ ဘုရင်ဒါဝိဒ်ကမျိူးရိုးယာဘင်း ဆင်းသက်ဗန်(ဖ်)ကလူးဟူးဝါဖြစ်ဟေကအကြောင့် ဂါလိလဲပြည် နာဇရက်မြို့ဝါဘင်းပြုကို ဘုရင်ဒါဝိဒ်ကဇာတိမြို့ဖြစ်ဟေကား ယုဒပြည်ယာက ဗက်လင်မြို့ဝါ လင်လင်ကဟေ။ 5အိမ်မာဒေလေ သန်းခေါင်စာရင်းဆင်ကဇိစ်လင်ကရပ် ယောသပ်စာ အမာအိမ်စေ့စပ်ပီးဂို့ ကိုယ်ဝန်ငါတုန်းနန်းဖြစ်ဟေကား မာရိအိမ်မက်တာလင်ကဟေ။ 6အမာရက် ဗက်လင်မြို့ဝါထုန်ဗာ(ဖ်)ကရပ် မန်ဆာကေကဇိစ် အချိန်ဟိုက်ကို့ 7မာရိစာ အဆာဦးတာဆာပြိုင်ဆာ ကေလင်ကဟေ။ အိမ်မှအချိန်ငါ အမာရက်ကအတွက် တည်းခိုကဇိစ် နေရာအငါနန်းကတောင်း မာရိနာ မန်ဆာ အင်းကြမ်းအိမ်ပတ်ကို့ ဆာမုတ်အကြိုဆာဟေကားဟွက်အာ အိပ်ဇိစ်ပီးလင်ကဟေ။
သိုးကျောင်းဆာရက်အိမ် ဟမန်းဒေဝါရက်
8အိမ်မှအရပ်အာ သိုးကျောင်းသားတစ်ချို့စာ ဗက်လင်မြို့အနားဆာက အကြိုဆာဟေကနေရာယာ အမာရက်ကသိုးရက်အင် နက်တိုက်ဘက်အာစောင်ဂို့ ငါလင်ကဟေ။ 9အိမ်မှအချိန်ငါ ဘုရားရှင်ကမှဘင်းဗန်(ဖ်)ဟေက ဟမန်းဒေဝါတစ်ပါးနာ အမှာရက်ကားရှေ့ယာ ရုတ်တရက်ဖော်ဗာ(ဖ်)ဂို့ အမှာရက်က ဘေးပတ်လည်ယာ ဘုရားရှင်ကဘုန်းတန်ခိုးအိမ် ထွန်းလင်းတောက်ပဂို့ သိုးကျောင်းသားရက်အ(လ်) တဗျင်းအစက်တုန်းလင်ကဟေ။ 10ကျီးကအိမ် ဟမန်းဒေဝါနာ အမာရက်အင် "အစက်အဲ့။ ငါနာ လူးဆာစုတ်ရက်ကအတွက် ဝမ်းမြောက်ဖွယ်ရာဖြစ်ဇိစ်ကား သတင်းကောင်းငင် လာကန်းကားဖြစ်ဟေ။ 11ယက်ထင့်နတ် ဘုရင်ဒါဝိဒ်ကမြို့ဝါ နနိန်ရက်က မေရှိယယင် ကေယင်နန်း။ အမာနာ အရှင်မေရှိယ#2:11 အရှင်မေရှိယငါ့ဟေကနာ ဘုရားရှင်က ကတိတော်အတိုင်းဖြောက်အန်းကားလူး လူရက်က အပြစ်ရက်အင်ကယ်အီးဟေကားလူဖြစ်ဟေ။ 12နနိန်ရက်မှတ်လူကအတွက် အမှတ်သားက(လ်) အင်းကြမ်းအိမ်ပတ်ကို ဆာမူအကြိုဆာကနေရာယာ အိပ်ဇိစ်ပီကား မန်ဆာယင် နနိန်ရက်ပေါ်လင်ကဖြစ်ဟေ"ငါ့ကို င့ါလင်ကဟေ။
13ရုတ်တရက် ရွှေမြို့တော်ဝါက ဟမန်းဒေဝါရက်အ(လ်) အိမ်မှဟမန်းဒေဝါအိမ်မက်တာ ဖော်ယောဝန်ကို့ အမာရက်နာ ဘုရားရှင်ငင် ချီးမွမ်းလင်ကဟေ။
14အမာရက်နာ "အမြင့်ဆုံးကရွှေမြို့တော်ဝါ ငါလင်ဟေကား ဘုရားရှင်က ဘုန်းတန်ခိုးပြောင်လင်နက်ပါစေ။
မှကမ္ဘာပေါ်ဝါက ဘုရားရှင်နှစ်သက်ဟေက လူစူရက်ကအပေါ်ဝါ ငြိမ်းချမ်းသာယာဟေကငါလင်ပါစေ"
ငါ့ကို ငှားလင်ကဟေ။
15ကျီးကအိမ် ဟမန်းဒေဝါရက် ရွှေမြို့တော်ဝါ#2:15 ရွှေမြို့တော်ဝါ ရွှေမြို့တော်နာ အိုခြင်း၊ နာခြင်း၊ သေခြင်းအိမ် ဒုက္ခဆင်းရဲယာဘင်း လွတ်မြောက်ဟေကား ဘုရားရှင်ကိန်းဝတ်ရာနေရာဖြစ်ဟေ။ ပြန့်လင်ဂါအချိန်ငါ သိုးကျောင်းဆားရက်နာ "ဘုရားရှင်နာ ငါရက်ဇိစ် ငါ့ဆနပ်ကအူဇာရက်အင်ယူကဇိစ် ဗက်လင်မြို့ဝါလင်ကမက်"ငါ့ကို အချင်းချင်း ပြိစ်တုန်းလင်ကဟေ။
16နီးကဒေါင်း အမှာရက်နာ အိမ်မားနေရာယာ မလားလင်ကရပ် ဆမူအကြိုဆာဟေကားဟွက်အာ ထယ်ပီးဟေကား မာန်ဆာအိမ်မက်တာ ယောသပ် ၊ မာရိရက်အင်ယေ့ ပိုလင်ကဟေ။ 17သိုးကျောင်းဆားရက်အ(လ်) မန်းဆာယေရှုယင် ပေါ်ဟေကရပ် ဟမန်းဒေဝါ ငှားဆနပ်ဟေကား မန်ဆာအိမ်ပတ်သက်ဟေကား အကြောင်းအရာရက်အင် လူးရက်ဇိစ် ငါ့ဆနပ်လင်ကဟေ။ 18သိုးကျောင်းဆာရက် ငှားဆနပ်ဟေကအကြောင်းရာရက်အင် တတ်ပိုဟေကား လူဆန်းစူရက်နာ တဗျင်းအံ့ဩလင်ဂါဟေ။ 19ညီးငါ့ဒင့်ယေ မာရိနာ ဖြစ်ပျက်တက်ဟေကား အကြောင်းအရာစုတ်ရက်အင် တွက်လှုကို့ အိမ်မှအူဇာရက်နာ အဆာမည်ကအဓိပ္ပာယ်ငါ့ဟေကား စဉ်းစားတုန်းလင်ကဟေ။ 20ကျီးကအိမ် သိုးကျောင်းဆားရက်ယဲ့ သိုးရက်အကြိုဆာဟေကား နေရာယာပြန့်လင်ကို အမာရက်တတ်တက်ကား ပိုဒက်ဟေကအကြောင်းအရာအတွက် ဘုရားရှင်ငင် ဂုဏ်ပြုချီးမွမ်းလင်ကဟေ။ အဇာရိကို့အငါ့နဲ့က(လ်) အိမ်မှအဖြစ်ပျက်ရက်နာ ဟမန်းဒေဝါနာ အမာရက်အင် ပြိစ်ဒက်ကအတိုင်း အမှန်တကယ်ဒင့် ဖြစ်ပျက်ဒက်ကတောင်းဖြစ်ဟေ။
မန်ဆာယေရူယင် ဘုရားရှင်ကမား ဆပ်ကပ်ဟေကား
21မန်ဆာကေကျီးကို ရှစ်ရက်မြောက်ဟေကရယက်အာ အရေဖျားလှီးမင်္ဂလာ#2:21 မန်ဆာအကျီးကျီးထိပ်အင်ဟန်ဟေကားပါ(လ်) လိစ်အီးကို့ မန်ဆင် ယေရှုငါ့ကို အမိန်းအီလင်ကဟေ။ အိမ်မှဒေလေ အမိန်းအီပိုကနာ မာရိကိုယ်ဝန်အငါမီဘင်း ဟမန်းဒေဝါ ငါ့ဆနပ်ပီဒက်ကအတိုင်း အမိန်းအီဒက်ကားဖြစ်ဟေ။ 22မောရှေဂါးပညတ်ကျမ်းယာ#2:22 ဘုရားရှင်၏ပညတ်ကျမ်းနှင့် မောရှေ၏ပညတ်ကျမ်းဆိုသည့်အသုံးနူန်းမှာ အတူတူပင်ဖြစ်သည်။ ဘုရားရှင်သည် မောရှေမှတစ်ဆင့် အစ္စရေးလူမျိုးတို့အား ပေးထားသည့် ပညတ်ကျမ်းများဘင် ဖြစ်သည်။ ငါ့ပီးကအတိုင်း မာရိကသန့်စင်ခြင်းရယက်ရက်#2:22 သန့်စင်ခြင်းမင်္ဂလာငါ့ဟေကနာ တာဆာလောင်ရက်နာ မန်ဆာကေကျီးကရပ်ပင်းစကို့ ရက်ပေါင်း၄၀ကြားမနီး စောင်ကျီးနဲ့က(လ်) ဂျေရုဆလင်ဗိမာန်တော်ဝါ ပူဇော်ဟေကအမူအင်လိစ်ပိုဟေ။ ဝတ်ပြုရာကျမ်း ၁၂း ၁-၄ ကျီးဟေကရပ် ယောသပ်အိမ်မာရိနာ မန်ဆာယေရူယင် ဘုရားရှင်ကမား ဆက်ကပ်ကဇိစ် ဂျေရုဆလင်မြို့ဝါ အော်လားကန်ကဟေ။ 23မှနောက်အာ အမာရက်နာ "အဆာဦးတာဆာပြိုင်ဆာတိုင်းငင် ဘုရားရှင်ကမား ဆပ်ကပ်အက်ပိုကား။ 24ချိုးငါ့ဟေကအူဆီတစ်စုံ (သို့) ခိုအူဆီဆာနိမ်မှာအိမ် ပူဇော်ပိုကား"ငါ့ကို ဘုရားရှင်ကပညတ်ကျမ်းငါ ငှားပီးဟေကအတိုင်း ဆက်ကပ်ပူဇော်လင်ကဟေ။
ရှုမောင်ဂါးဂုဏ်တော်ချီးမွမ်းဟေကား
25အိမ်မှအချိန်ငါ ဂျေရုဆလင်မြို့ဝါ ရှုမောင်ငါ့ကို အော်ဟေကား လူးဟူးဝါငါ့လင်ကဟေ။ အမှာနာ ဘုရားရှင်ငင်ကြည်ညိုကို့ ဖြောင့်မတ်ဟေကလူးဖြစ်ဟေ။ မေရှိယစာ ကြွဗန်ကို့ အစ္စရေးလူမျိူးရက်အင် ကယ်တင်အီယန်ကယေ့ စောင်တုန်းဟေကလူးဟူးဝါဖြစ်ကတောင်း ဉာဏ်အလင်းတော်နာ အမာအိမ်မက်တာငါ့လင်ကဟေ။ 26ဉာဏ်အလင်းတော်နာ အမင် "နင်စာ အရှင်ဖြောက်နက်အန်ကား မေရှိယယင် အပေါ်ထမ်း ဆိန်းလင်ကအရိ(လ်)ပါ(လ်)" ငါးဂို့ ငှားပီးဒက်နန်းဖြစ်ဟေ။ 27မှနောက်အာ မာရိအိမ်ယောသပ်ရက်နာ ပညတ်တော်အတိုင်း ဆက်ကပ်ပူဇော်ဟေက အမူဝင်လိစ်ကဇိစ် ဗိမာန်တော် အတောင်ဟုန်းငါ မန်ဆာယေရှုယင်အော်လားကန်ဂါးအချိန်ငါ ဉာဏ်အလင်းတော်နာ ရူမောင်ငင် ဗိမာန်တော်ဝင်း အတောင်ဟုန်းငါ ဉီးဆောင်ကို့အော်လားကန်ကဟေ။ 28နီးကဒေါင်း ရှုမောင်စာ မန်ဆာယေရှုယင် ကပယ်ကို ဘုရားရှင်ကဂုဏ်တော်ဝင် အတတ်ကဒေလေ ချီးမွမ်းလင်ကဟေ။
29"ဘုရားရှင် ၊ နင်အီဟေကား ကတိအတိုင်း
အတတ်နင်ကအငှားဆာစာ ငြိမ်းချမ်းစွာ ဆိန်းကခွင့်ငင် အီယင်နန်းဖြစ်ဟေ။
30အဇာရိ(လ်)ဂိုငါးနဲ့ လူးရက်အင်ကယ်တင်ကဇိစ်အတွက် နင်ဖြောက်နက်အန်ကား
ကယ်တင်ရှင်ငင် ငါကိုယ်တိုင်ပိုဒက်နန်းဖြစ်ဟေ။
31မှတောင်မှာဒင့် လူးစုတ်ရက်အ(လ်)
ဘုရားရှင်ပြင်ဆင်ကိုဖြောက်နက်အန်ကကယ်တင်ရှင်ငင် ပေါ်လင်ပေါ်ကဖြစ်ဟေ။
32အိမ်မှလူးနာ ဘုရားရှင်ငင် လူမျိူးခြားရက်ကမား ထင်ရှားပေါ်လွင်ဇိစ်ငန်ကား အလင်းရောင်ဖြစ်ကို့
ဘုရားရှင်ကလူမျိူးဖြစ်ဟေကား အစ္စရေးရက်ကအတွက် ဂုဏ်ငါမနီးရိအီးကလူးယေဖြစ်ဟေ"
ငါ့ကို ဖြစ်ဟေ။
33မာရိအိမ်ယောသပ်ရက်အ(လ်) ရှုမောင်ငါ့ဆနပ်ကား မန်ဆာယေရူကအကြောင်းငင် တတ်ဂို အံ့ဩတုန်းလင်ကဟေ။ 34မှနောက်အာ ရှုမောင်နာ အမှာရက်အင် ဆုစိန်အီကို့ကျီးကရပ် မာရိယင် "ဘုရားရှင်နာ နင်ကမန်ဆာယင် အစ္စရေးလူမျိူးရက်ကအကြားယာ ဘုရားရှင်ကအပြစ်အီက ဟင်းပိုကလူးအိမ် ကယ်တင်ကဟင်းပိုကလူးရက်အင် ခွဲခြားကဇိစ် ရွေးချယ်ကို့ပီဟေ။ အမာနာ ဘုရားရှင်ထနဲ့က နိမိတ်လက္ခဏာဆူးဝါဖြစ်ကယေ့ လူးရက်နာ အမင်လက်အခံလင်ပါ(လ်)ကား။ 35အိမ်မာဒေရိကတောင်း လူးရက်က စိတ်နှလုံးထဲယာက အကြံစည်ရက်အ(လ်) ဖော်ယောဝန်လင်ကား။ မှတောင်မာဒင့် လူးရက်နာ အမင် ဆိုးဆိုးရွားရွားဆက်ဆံကတောင်း ရင်းဟေကား ကာတင်လက်တာနာ နင်ကနှလုံးသားယင် စူ(ဖ်)ကို့ဆင်ကဒေလေ နင်ကစိတ်နှလုံးင(လ်) တဗျင်းဝမ်းနည်းလင်ပိုကား"ငါ့ကို ငါ့လင်ကဟေ။
အန္နက သက်သေခံဟေကား
36အိမ်မားနေရာယာ အာရှာမျိုးနွယ်ဝင် ဖနွေလဂါး အဆာအိဖြစ်ဟေကား အဆက်ပြာတုန်းနန်းကား ပရောဖက်#2:36 ပရောဖက်ငါ့ဟေကနာ ဘုရားရှင်ကတူးယင် တစ်ဆင့်ခံငါ့ဆနပ်ကလူး အန္နယဲ့ ငါတုန်းလင်ကဟေ။ အမှာနာ အိမ်ထောင်ဟြန်ဂို့ အဟြိုရ်ဗာ(ဖ်)အိမ်မက်တာ ခုနှစ်နှစ်ကြားမနီး ပေါင်းသင်းကို့ကျီးကရပ် အမာကအဟြိုရ်ဗာ(ဖ်)နာ ဆိန်းလင်ကဟေ။ 37အတတ် အမာနာ မုဆိုးမဟူးဝါဖြစ်ကို အဆက်ယဲ့ ရှစ်ဆယ့်လေးနှစ် ငါတုန်းနန်းဖြစ်ကအကြောင့် တဗျင်းအီဆာဆာတုန်းနန်းဖြစ်ဟေ။ အမှာနာ ဗိမာန်တော်ဝင်းငါဘင်း#2:37 ဗိမာန်တော်ငါ့ဟေကနာ ဂျေရုဆလင်မြို့ဝါ ဆူးဝါတည်းငါ့ကို ဂျူးလူမျိုးရက် ဝတ်ပြုဆုစိန်ဟေကနေရာ ဟက်တာယဲ့ အပြင့်ငါအပြုထမ်း၊ မကြာခဏအစာရှောင်ဥပုသ်စောင့်ကို့ ဘုရားရှင်ငင် ထင့်ဘာထီဘာ ဝတ်ပြုဆုစိန်ဟေကားလူဖြစ်ဟေ။ 38အန္နယေ့ မာရိအိမ် ယောသပ်ရက်အင် ရူမောင်တူး(ဖ်)ပြိစ်တုန်းကအချိန်ငါ ဗိမာန်တော်အတာဟုန်းငါ ထုန်ဗာ(ဖ်)ကို့ ဘုရားရှင်ဂါဂုဏ်တော်ငင် ချီးမွမ်းဂို့ ဂျေရုဆလင်မြို့ဝါ ကယ်တင်ငန်ကား စောင့်ဂို့တုန်းဟေကားလူးရက်ဇိစ် အိမ်မှမန်ဆာကအကြောင်းငင် ငါ့ဆနပ်တုန်းလင်ကဟေ။
နာဇရက်အာ အပြန့်ခရီး
39မှနောက်အာ မာရိအိမ်ယောသပ်ရက်နာ ဘုရားရှင်ကပညတ်တရားအတိုင်း လိစ်ကဇမ်းငါဟေကရက်အင် လိစ်ကို့ကျီးဟေကရပ် အမှာရက်က ကိန်းငါဟေကနေရာ ဂါလိလဲပြည် နာဇရက်မြို့ဝါ ပြန့်ငန်လင်ကဟေ။ 40မှနောက်အာ မာန်ဆာနာ ပြာယောဝန်ကရပ် ခန္တာကိုယ်ကြံ့ခိုင်ကို့ ဉာဏ်ပညာအိမ်ပြည့်စုံကို့ ဘုရားရှင်ကကောင်းချီးအီဟေကား ခံစားလင်ပေါ်ကဟေ။
မန်ဆာယေရူ ဗိမ္မာန်တော်ယာ ငါတုန်းကား
41နှစ်စဉ်နှစ်တိုင်း မာရိအိမ်ယောသပ်ရက်နာ ပသခါပွဲအတွက် ဂျေရုဆလင်မြို့ဝါလင်ဂါဟေ။ 42မန်ဆာယေရူ အဆက်တစ်ဆယ့်နှစ်နှစ်အရွယ်ယာ အမှာရက်ကသုံးယောက်စလုံးနာ ပုံမှန်လင်တုန်းကအတိုင်း ပသခါပွဲတော် ကျင့်ပကဇီစ် အိမ်မားမြို့ဝါ လင်လင်ဂါဟေ။ 43ပသခါပွဲ#2:43 ပသခါပွဲတော်ငင် တဆေးမဲ့မုန့်ပွဲတော်ငါ့ကိုယေ့အော်ကို့ အီဂျစ်ပြည်ယာငါ့ဟေကား ဘိုးဘေးအစ္စရေးလူမျိူးရက် ကျွန်ဘဝဘင်း လွတ်မြောက်အန်ကား အထိမှတ်အတွက် ကျင်းပဟေကား ဂျူးလူမျိူးရက်က စားသောက်ပွဲဖြစ်ဟေ။ ကျီးကရပ် မန်ဆာယေရှုနာ ဂျေရုဆလင်မြို့ပေါ်ဝါ ကျန်ငါ့ဒက်က အနူ(ဖ်)အိမ်ယောသပ်ရက်စာ အချေးထမ်း ပြန့်ငန်လင်ကဟေ။ 44မာရိအိမ် ယောသပ်ရက်နာ မန်ဆာယေရူနာ အမှာရက်အိမ်မက်တာ ကိန်းငါပြန့်လင်ကရပ် ခရီးလင်ကလူအုပ်စုထဲယာ ဆင်ယိုးဟေငါးဂို့ ထင်တုန်းလင်ကို့ ယက်တာဂိုရာ ခရီးဆက်လင်ကဟေ။ အိမ်မှနောက်အာ အမာရက်နာ မန်ဆာယေရှုယင် ဆွေမျိုးရက်အိမ် မိတ်ဆွေရက်ကကြား ရာနက်ကို့ဆုံးလင်ကဟေ။ 45မန်ဆာယေရူယင် အပိုနန်းကတောင်း အမင် ဂျေရုဆလင်မြို့ဝါ ဆုံးကဇီစ် ပြန်ဂို့ဗန်လင်ကဟေ။ 46ဆုံးယက်ကြားဟေကရပ် အမှာရက်နာ ကိုယ်တော်ယေရှုငင် ဗိမာန်တော်ဝင်းငါ ဂျူးဘာသာရေးဆရာရက်ကအကြားယာ တုန်းတုန်းဟေကားပိုလင်ကဟေ။ ကိုယ်တော်နာ ဂျူးဘာသာရေးဆရာရက်က ဆနိန်အီဟေကရက်အင် အတေးကို အမှာရက်အင် မေးခွန်းငင် ပြန်ဂို့ကတာလင်ကဟေ။ 47ကိုယ်တော်ယေရှုကတူးရက်အင် တတ်ဟေကလူတိုင်းနာ အမှာကအသိဉာဏ်ပညာအိမ် ဂျူးဘာသာရေးဆရာရက်က မေးခွန်းရက်အင် ကနင်းဖူး(ဖ်)ဖူး(ဖ်)ပြန်ဂို့ဖြေလူဟေကားရက်အင် တဗျင်းအံ့ဩတုန်းလင်ကဟေ။ 48ယောသပ်အိမ် မာရိရက်အ(လ်) ကိုယ်တော်ယေရှုဝင် ပိုလင်ကရပ် အမှာရက်နာ တဗျင်းအံ့ဩလင်ကို အမှာဂါအနှုး(ဖ်)နာ "ငါကအဆာ၊ အဇာရိဂို့ ငါရက်ကအပေါ်ဝါ အတတ်ကဒေလိစ်ပိုဂါယာ။ နင်ကအဗာ(ဖ်)အိမ်ငါက(လ်) တဗျင်းစိတ်ပူဂို့ ဆုံးပေါ်ဟေ" ငါးဂို့ ငှားလင်ကဟေ။ 49အိမ်မာကရပ် ကိုယ်တော်ယေရှုနာ "အဇာရိဂို့ အဆာယင် ဆုံးတုန်းဟေကယာ။ ငါနာ အဗား(ဖ်)ဘုရားကကိန်းယာ ငါးဟေက အချေးလဲ" ငါးဂို့ ပြန်ဖြေလင်ကဟေ။ 50ညီးငါ့ဒင့်ယေ အမာရက်နာ ကိုယ်တော်ယေရှုပြိစ်ကက်ဟေက အဓိပ္ပါယ်ဆိုလိုရင်းယင် နားအလည်ပါ(လ်)။
ဘုရားရှင်ကရှေ့ယာ၊ လူးရက်ကရှေ့ယာ အမန်းလှုဟေကား
51မှနောက်အာ ကိုယ်တော်ယေရှုစာ ယောသပ်အိမ်မာရိရက်အိမ်မက်တာ နာဇရက်မြို့ဝါ ပြန့်ကိုယောဝန်လင်ကို့ အမာရက်ကတူးရက်အင် အတေးကိုတုန်းလင်ကဟေ။ ညီငါ့ဒင့်ယေ အမာကအနူ(ဖ်)ဖြစ်ဟေက မာရိနာ မှအကြောင်းအရာစုတ်ရက်အင် စိတ်နှလုံးထဲယာ သိမ်းပီလင်ကဟေ။ 52ကျီးကအိမ် ကိုယ်တော်ယေရှုစာ ပြာယိုးငန်ကားအချိန်ငါ ခန္တာကိုယ်ကြံ့ခိုင်ကို့ ဉာဏ်ပညာအိမ်ပြည့်စုံဂို့ ဘုရားရှင်အိမ် လူးရက်က အထူးနှစ်သက်ဟေကယဲ့ ဟင်းလင်ပေါ်ကဟေ။
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Thet (သက်) Bible by Beyond Translation is licensed under Creative Commons Attribution-ShareAlike 4.0 License.