ရှင်လုကာ 2
2
ခန်း (၂)
ကိုယ်တော်ယေရှု ဖွားမြင်တော်မူခြင်း
(ရှင်မာကု ၁.၁၈-၂၅)
1အဲမိုခီ#2.1 အဲမိုခီ အဲမိုခီဆိုဇာဟ ယောဟန်မွီးဖွားဝို ခီဝို ဆိုလိုရယ်။မှာ ဆီဇာဩဂတ်စတပ်ဟ ရောမအင်ပါယာလက်အော့မှာ နေထိုင်သူဂူလုံးဝို ဂေါ်စာရင်း ကော့ခံရမယ်ဆိုပီး မိထုလိုက်ရယ်။ 2အယ်မိုဇာဟ ကုရေနိဟ ဆီးရီးယားပြည်ရဲ့ဘုရင်ခံဖြစ်နေဝိုခီမှာ ပထမဆုံးဂေါ်စာရင်းကော့ယူဇာဖြစ်ရယ်။ 3အဲဂျော့ လူဒွေဂူလုံး ဂေါ်စာရင်းသွမ်းဝို့ သူ့နို့ဘိုးဘေးဒွေရဲ့ဗြို့ဝို ပလန်ဂေ့လေရယ်။
4ယောသပ်ဟ ဘုရင်ဒါဝိဒ်မျိုးနွယ်ဖြစ်ရိတွက် ဂါလိလဲပြည်၊ နာဇရက်ဗြို့ဟနေ ယုဒပြည်မှာရှေ့ဝို ဗက်လင်ဆိုပီးခေါ်ဝို ဒါဝိဒ်ရဲ့ နေရင်းဗြို့ဝို စာရင်းသွမ်းဝို့ သွားလေရယ်။ 5သူ အဲမိုမျိုး စာရင်းသွမ်းဝို့ သွားခီမှာ ယောသပ်ဟ သူ့န စေ့စပ်ရားပီး ကိုယ်ဝန်ရှေ့နေပီဖြစ်ဝို မာရိဝို သူ့န တူတူခေါ်ဝါးလေရယ်။ 6သူ့နို့နှေ့ယော့ ဗက်လင်ဗြို့မှာ ရှေ့နေဝိုခီမှာ မာရိဟ သားဂန်းရားမွီးဖွားခီ ရော့လာလေရယ်။ 7အဲဂျော့ သူဟ သူ့ရဲ့ပထမဆုံး သားယော့ကျားရားဝို မွီးလေရယ်။ အယ်ဘေမဲ့ သူ့နို့တွက် နေဝို့နေရာ မှေ့ဘဲရိတွက် မာရိဟ သားဂန်းရားဝို ဝတ်စနပတ်ပီး နွားဇာခွက်ထဲမှာ သိရားရလေရယ်။
ကယ်တံရှင်မွီးဖွားဝို့ကြောသိုးကျောသားဒွေဝို နတ်ဒေဝါကြေငြာခြင်း
8အဲမိုညစ်မှာ ဗက်လင်ဗြို့နားမှာရှေ့ဝို ကွမ်းပလန်ဒွေမှာ သိုးကျောသားချို့ဟ သူ့နို့ရဲ့သိုးဒွေဝို စော့ကေ့နေဂေ့လေရယ်။ 9အဲခါမှာ ဘုရားရှင်ဆီဟ နတ်ဒေဝါတစ်ဘားဟ သူ့နို့ရှေ့မှာ ရုတ်တရစ် ပေါ်လာပီး သူ့နို့ရဲ့ပတ်ပတ်လည်မှာလဲ ဘုရားရှင်ရဲ့ ဘုန်းဂိုးတော်အားန ထွန်းလန်းတော့ပနေရိတွက် သိုးကျောသားဒွေဟ ရားဒိုင်းကြော့လန့်နေဂေ့လေရယ်။ 10အယ်ဘေမဲ့ နတ်ဒေဝါဟ “ကြော့ဂေ့ပါန။ လူဒိုင်းဝို ဝမ်းသာစေမယ့် ဒန်းဂေါပြောဝို့ ငါရော့လာဇာဖြစ်ရယ်။ 11အယ်ညစ်မှာ ကယ်တံရှင်ဖြစ်တော်မူဝို မေရှိယ#2.11 မေရှိယ ခရစ်တော် ဟ ဂရိဘာသာဂါးဖြစ်ပြီး မေရှိယဟ ဟေဘရူးဘာသာဂါးဖြစ်ရယ်။ နော်မယ်နှေ့ခုလုံးရဲ့ဓိပါယ်ဟ ဘုရားရှင်ဟ သူ့လူဒွေဝို ကယ်တံပီး အုပ်ချုပ်ဝို့ ဝီးချယ်ဝါးဝိုသူ ဆိုပီး ဓိပါယ်ရရယ်။ အရှင်ဟ ဘုရင်ဒါဝိဒ်ရဲ့ ဗြို့မှာ မွီးဖွားပီဖြစ်ရယ်။ 12နန်းနို့ သူ့ဝို ဟဲမျိုးသိဗြင်ရမယ်နူးဆိုဝါ ဗက်လင်ဗြို့မှာ ဝတ်စနပတ်ပီး နွားဇာခွက်ထဲမှာ လှဲသိရားဝို သားဂန်းရားဝို နန်းနို့ဗြင်တွီ့ဝိုခီမှာ အဲမိုသားဂန်းရားဟ သူဆိုဇာဝို နန်းနို့သိရလိမယ်” ဆိုပီး ပြောလေရယ်။
13အဲမို နတ်ဒေဝါနတူတူ ရွှေဗြို့တော်ဟနေ ခြားနတ်ဒေဝါဒွေ များဂီး ရုတ်တရစ်ပေါ်လာလေရယ်။ သူ့နို့ဟ ဘုရားရှင်ဝို အယ်မျိုး ချီးမွမ်းဂေ့လေရယ်။
14“ဗြင့်ဆုံးရွှေဗြို့တော်မှာ ရှေ့တော်မူဝို ဘုရားရှင် ဘုန်းကီးတော်မူပါစေ။
အယ်ဘာမလေပေါ်မှာရှေ့ဝို ဘုရားရှင် နှစ်သက်တော်မူဝို လူဒွေဂူလုံး ငြီးချမ်းခြင်းရှေ့ပါစေ။”
15အဲနော့ နတ်ဒေဝါဒွေ ရွှေဗြို့တော်ဝို ပလန်တက်ဝါးပီးနော့၊ သိုးကျောသားဒွေဟ “ဘုရားရှင်ဟ သူ့နတ်ဒေဝါဒွေဟနေတစ်ဆင့် နို့ဝို သိပေး ပြောကြားဝိုဇာဝို သွားကေ့ဂေ့ရအော် ဗက်လင်ဗြို့ဝို သွားဂေ့ဇို့” ဆိုပီး သူနို့ချင်းချင်း ပြောဂေ့လေရယ်။
16အဲဂျော့ သူ့နို့ဟ အဲမိုနေရာဝိုဗြန်းဗြန် သွားဂေ့ဝိုခါမှာ မာရိ၊ ယောသပ်ဒို့န တူတူ နွားဇာခွက်ထဲမှာ လှဲပီးရှေ့နေဝို သားဂန်းရားဝို သူ့နို့ ဗြင်လေရယ်။ 17သားဂန်းရားဝို သိုးကျောသားဒွေ ဗြင်ပီးဝိုခါမှာ သူ့နို့ဟ အဲမိုသားဂန်းရားန ပတ်သက်ပီး နတ်ဒေဝါဒွေ ပြောရားဇာဒွေဝို လူဒိုင်းဝို ပလန်ပြောပြလေရယ်။ 18သိုးကျောသားဒွေ ပြောပြနေဇာဝို ကြားရဝို လူဒွေဂူလုံးဟ အံ့ဩဝါးဂေ့လေရယ်။ 19အယ်ဘေမဲ့ မာရိဟ ဖြစ်ပျစ်ခဲ့ဝို ကြောရာဂူလုံးဝို စိထဲမှာ သီးရားပီး တွီးတောနေလေရယ်။ 20သိုးကျောသားဒွေဟလဲ ဘုရားရှင်ဝို ရားဒိုင်းချီးမွမ်းဂေ့ပီး သူ့နို့ရဲ့ သိုးဒွေဆီဝို ပလန်ရားဂေ့လေရယ်။ ဟဲဖြစ်ရိနူးဆိုဝါ သူ့နို့ဗြင်ရကြားရဝိုဇာဒွေဂူလုံးဟ နတ်ဒေဝါဒွေဟ သူ့နို့ဝို ပြောပြရားဝိုတိုင်း ဖြစ်ပျစ်လာရိဂျော့ဖြစ်ရယ်။
သားဂန်းရားယေရှုဝို ဘုရားရှင်ဆီဆစ်ကပ်ခြင်း
21သားဂန်းရားမွီးပီး ရှစ်ရစ်မြော့နေ့မှာ သားဂန်းရားဝို ရေဖျားလှီးမြင်ဂလာ လုပ်ပေးဝို့ ခီကလလာဝိုခါမှာ မာရိ န ယောသပ်ဟ သားဂန်းရားဝို သူ့ဗိုက်ထဲမှာ မှေ့ခံဒဲဟ နတ်ဒေဝါ ပြောကြားရားဝိုတိုင်း ယေရှုဆိုပီး နော်မယ်ပေးလေရယ်။ 22မောရှေပညတ်ကျမ်း#2.22 မောရှေပညတ်ကျမ်း မောရှေကျမ်းဆိုဇာဟ ဓမ္မဟောကျမ်းမှာပါဝင်ဝို ပထမဆုံးငါးအုပ်ဝို ဆိုလိုဇာဖြစ်ရယ်။ ခါတလေမှာလော ဓမ္မဟောအုပ်လုံးဝို ဆိုလိုရယ်။တိုင်း မာရိရဲ့သန့်ဇင်ခြင်းမြင်ဂလာ#2.22 မာရိရဲ့သန့်ဇင်ခြင်းမြင်ဂလာ မောရှေရဲ့ပညတ်ကျမ်းအရ မီးမတစ်ယော့ဟ သားဂန်းရားမွီးပီးရယ်ဆိုဝါ သန့်ရ ဆိုပီး သတ်မှတ်ဂေ့ရယ်။ ယော့ကျားရားဖြစ်ရယ်ဆိုဝါ၊ သူဟ ထုံးတမ်းစဉ်လာအရ သန့်ရှင်းလာစေဝို့ ရစ်ပေါ လေးဆယ် စော့ပြီး ဂျေရုဆလင်ဗြို့မှာရှေ့ဝို ဗိမာန်တော်မှာ ပူဇော်မှုဝို လုပ်ရမှာဖြစ်ရယ်။ အဲမှဘဲ့ သူဟ ခြားလူဒွေနတူတူ ဘုရားရှင်ဝို ဆည်းကပ်ရှေ့ခိုးနိုင်မှာဖြစ်ရယ်။ဝို ဆော်ဝက်ရဝို နေ့ရစ်ဒွေပီးရားဝိုခီမှာ ယောသပ်န မာရိဟ သားငယ်ယေရှုဝို ဘုရားရှင်ဆီမှာ ဆစ်ကပ်ဝို့တွက် ဂျေရုဆလင်ဗြို့ မှာရှေ့ဝို ဗိမာန်တော်ဝို သူ့နို့နတူတူ ခေါ်လာဂေ့ရယ်။ 23သူ့နို့ အဲမျိုးလာရော့ဇာဟ “သားဦးမှန်သမျှ ဘုရားရှင်ဆီမှာ ဆစ်ကပ်အပ်နှံရမယ်” ဆိုပီး ဘုရားရှင်ရဲ့ပညတ်ကျမ်းမှာ ရေးရားရိတွက်ဂျော့ဖြစ်ရယ်။ 24အဲမိုပြင် “ချိုးနှေ့ကော်နဖြစ်ဖြစ်၊ ခိုနှေ့ကော်နဖြစ်ဖြစ် ပူဇော်ရမယ်” ဆိုပီး မောရှေရဲ့ပညတ်ကျမ်းမှာ ရေးရားဝိုတိုင်း မာရိရဲ့သန့်ဇင်ခြင်းရော့ဝို့တွက် ပူဇော်ဆစ်ကပ်ဝို့ လာဂေ့ဇာဖြစ်ရယ်။
ရှုမောင်ရဲ့ဂုဏ်တော်ချီးမွမ်းခြင်း
25အဲမိုခီမှာ ဂျေရုဆလင်ဗြို့မှာ ရှုမောင် ဆိုပီး ခေါ်ဝို လူတစ်ယော့ရှေ့ရယ်၊ သူဟ ဘုရားရှင် နှစ်သက်ဝိုဇာဒွေဝို လုပ်ဆော်ပီး ဘုရားရှင်ရဲ့ပညတ်တော်ဒွေဝို နာခံလေရယ်။ ဘုရားရှင် စေလွှတ်လိုက်ဝို မေရှိယဟ အစ္စရေးလူမျိုးဒွေဝို ကယ်တံပေးဇာဝို စော့မျှော်နေသူ တယော့လဲဖြစ်ပီး ဉာဏ်လင်းတော်ဟ သူ့ဝို သက်ရော့လေရယ်။ 26အဲနော့ သူ့ဝို “ဘုရားရှင် စေလွှတ်မယ်ဆိုပီး ဒိတော်ပေးရားဝို မေရှိယဝို ဗြင်ရဘဲန သေရ” ဆိုပီး ဉာဏ်လင်းတော်ဟ ကြိုတံပြောကြားရားလေရယ်။ 27အဲနော့ မာရိ န ယောသပ်ဟ ပညတ်တော်အရ ဆစ်ကပ်အပ်နှံဇာဝို ပြုလုပ်ဝို့တွက် ဗိမာန်တော်ဝန်းထဲဝို သားဂန်းရားယေရှုဝို ခေါ်ဆော်လာဝိုခီမှာ ဉာဏ်လင်းတော်ဟ ရှုမောင်ဝို ဗိမာန်တော်ဝန်းဝို ဦးဆော်ခေါ်ယူလာလေရယ်။ 28အဲနော့ ရှုမောင်ဟ သားဂန်းရားယေရှုဝို သူ့လက်ထဲမှာ ခီပီး ဘုရားရှင်ဝို အယ်မျိုး ချီးမွမ်းလေရယ်။
29“အရှင်၊ ခု သင့်ရဲ့စေခံဖြစ်ဝို ကျနော့်ဝို ငြီးချမ်းစွာ သေခွမ့်ပေးရိရပါပီ။
ဟဲဂျော့ဆိုဝါ သင် ကျနော့်ဝို ဒိတော်ထားရားဝိုဇာဝို သင်လုပ်ပေးခဲ့ပီးပီဖြစ်ရိတွက်ဂျော့ဖြစ်ရယ်။
30ဘာပေါ်မှာရှေ့ဝို လူဒွေဂူလုံးဝို ကယ်တံဝို့တွက် သင်စေလွှတ်တော်မူဝို အရှင်ဝို ကျနော် မျစ်မြင်ကြုံတွီ့ရပီဖြစ်ရယ်။
31သင်ပြင်ဆင်ပြီး စေလွှတ်တော်မူဝို အရှင်ဝို လူဒွေဂူလုံးဟ ဗြင်တွီ့ရမှာဖြစ်ရယ်။
32သူဟ လူမျိုးခြားဒွေဝို ဘုရားရှင်ဝိုပြသမဲ့ လန်းရော်မျိုးဖြစ်လိမှာဖြစ်ပြီး သင့်ရဲ့လူမျိုးဖြစ်ဝို အစ္စရေးလူမျိုးဒွေတွက် ဘုန်းကျစ်သရေဝို ယူလာပေးဝို့သူဖြစ်ရယ်။”
33သူ့မိဖဒွေဟ သားဂန်းရားယေရှုကြော ရှုမောင်ပြောဇာဒွေဝို ကြားဝိုခါမှာ အံ့ဩနေဂေ့လေရယ်။ 34အဲနော့ ရှုမောင်ဟ ယောသပ်နမာရိဝို ဘုရားရှင်ဆီဟ ကောဝိုဇာဒွေရစေဝို့ ဆုတောပေးပီး မိဖြစ်သူမာရိဝို “အယ်မိုသားဂန်းရားဂျော့ အစ္စရေးပြည်မှာရှေ့ဝို လူဒွေဂူလုံးဝို ဖျစ်စီးပစ်ပြီး သူဟ အစ္စရေးပြည်မှာရှေ့ဝို ခြားလူဒွေများဂီးဝို ကယ်တံပေးလိမယ်။ သူဟ ဘုရားရှင်ဆီဟ လူဒွေဝို ဒိပေးဝို နမိလက္ခဏာတစ်ခုဖြစ်ပေမဲ့ လူများဂီးဟ သူ့ဝို ဆန့်ကျင်ပြောဆိုဂေ့လိမယ်။ 35အယ်မိုဇာဟ လူများဂီးရဲ့စိထဲဟ တွီးရားဝိုဇာဒွေ၊ ကြံရားဝိုဇာဒွေ ထွက်ပေါ်လာမဲ့ ကြောတရားဘဲ့ဖြစ်ရယ်။ အဲမိုပြင် လူဒွေဟ သူ့ပေါ်မှာ ဆိုးဆိုးဝါးဝါးပြုမူဂေ့ရိတွက် ချွန်ထက်ဝို ထားတစ်လက်ဟ နန့်နှလုံးသားဝို စိုက်ဝမ်ဝိုမျိုး နန်ဟလဲ ပြင်းပြင်းထန်ထန်ဝမ်းနည်းပူဆွေးရလိမယ်” ဆိုပီး ပြောလေရယ်။
အန္နရဲ့သက်သေခံချင့်
36အဲမိုခီမှာ အာရှာမျိုးနွယ်ဝမ်၊ ဖနွေလမီး ပရောဖက် အန္နလဲ အဲမှာ ရှေ့နေလေရယ်။ သူဟ ရားဒိုင်းအိုနေပီဖြစ်ရယ်။ သူဟ ယော့ကျားဖြစ်သူန ခုနှေ့နှစ်လော့ဘဲ့ ပေါသင်းနေထိုင်ပီးနော့မှာ သူ့ယော့ကျားဟ သေရားလေရယ်။ 37အဲနော့ သူဟ မုဆိုးမဖြစ်န နေခဲ့ပြီး သက်ဟလဲ ရှစ်ဆယ့်လေးနှစ်ရှေ့နေပီဖြစ်ရယ်။ သူဟ ဗိမာန်တော်မှာဘဲ့ သူ့ရဲ့ခီတော်တော်များများဝို ကူဆုံးလေ့ရှေ့ရယ်။သူဟ ဘုရားရှင်ဝို နေ့ညစ်မပြတ် ဆုတောဝတ်ပြုပြီး မကြာမကြာ စာရှော်ဥပုသ်စော့ပီး နေလေရယ်။ 38ယောသပ်နမာရိဒို့ဝို ရှုမောင်ဂါးပြောနေဝိုခီမှာ သူရော့လာပီး၊ ဘုရားရှင်ဝို ကျေးဇူးတံလေရယ်။ သူဟ ဘုရားရှင် စေလွှတ်လိုက်ဝို မေရှိယဟ ဂျေရုဆလင်ဗြို့ န ခြားအစ္စရေးလူမျိုးဒွေဝို ကယ်တံပေးဇာဝို စော့မျှော်နေဝိုလူဒွေဝို သားဂန်းရားယေရှုကြောဝို ပြောပြလေရယ်။
နာဇရက်ဝိုပလန်ခရီး
39ယောသပ်နမာရိဒို့ဟ မောရှေပညတ်ကျမ်းအရ သူနို့ဆော်ဝက်ရဝို မှုကိစဒွေဂူလုံး ပီးရားဝိုခါမှာ သူ့နို့နေရင်းဗြို့ဖြစ်ဝို ဂါလိလဲပြည်၊ နာဇရက်ဗြို့ဝို ပလန်လာဂေ့လေရယ်။ 40အဲနော့ သားဂန်းရားလဲ ကီးလာပီး ကြံ့ခိုင်သန်ဇွမ်းပီး၊ ဉာဏ်ပညာလဲ တိုးလာပီး ဘုရားရှင်ရဲ့ မျစ်နှာသာပေးဇာဝို ခံရလေရယ်။
သားဂန်းရားယေရှု ဗိမာန်တော်မှာ ရှေ့နေခြင်း
41သားဂန်းရားယေရှုရဲ့ မိဖဒွေဟ #2.41 ပသခါပွဲ ပသခါပွဲတော်ဆိုဇာဟ တဆေးမဲ့မုပွဲတော်ဖြစ်ရယ်၊ ဘုရားရှင်ဟ အီဂျစ်ပြည်မှာရှေ့ဝို အစ္စရေးလူမျိုးဒွေ ကျွန်ဘဝဟနေ လွတ်မြော့လာရိတွက် လုပ်ဝို အစ္စရေးလူမျိုးဒွေရဲ့ စားသော့ပွဲတော်။ပသခါပွဲတော်ဆင်နွှဲဝို့တွက် ဂျေရုဆလင်ဗြို့ဝို နှစ်တိုင်း သွားလေ့ရှေ့ရယ်။ 42အဲဂျော့ ကိုယ်တော်ယေရှု သက်ဆယ့်နှေ့နှစ်မှာ သူ့နသူ့မိဖဒွေဟ သူ့နို့ပုံမှန်သွားနေဂျတိုင်း ဂျေရုဆလင်ဗြို့မှာရှေ့ဝို ပသခါပွဲတော်ဝို သွားဂေ့ရယ်။ 43ပွဲတော်ရစ်ပီးရားဝိုခါမှာ သူ့မိဖဒွေဟ လူငယ်ယေရှုဟ ဂျေရုဆလင်ဗြို့ထဲမှာ နေရစ်ဇာဝို သိဘဲန အီဝို ပလန်လာဂေ့လေရယ်။ 44သူ့မိဖဒွေဟ လူငယ်ယေရှုဟ သူ့နို့နတူတူ ခရီးသွားနေဝို လူဒွေထဲမှာ ပါလာရယ်ဆိုပီး ထံနေဂေ့ပီး တစ်ရစ်လော့ ခရီးဆစ်ဂေ့လေရယ်။ အဲမိုနေ့ နေဒန်ကလလော့မှ သူ့နို့ဟ ဆွေမျိုးဒွေ၊ မိဆွေဒွေဂျားထဲမှာ သူ့ဝို စပီး လိုက်ရှာဂေ့လေရယ်။ 45သူ့နို့ဟ သူ့ဝို တွီ့ဘဲဝိုခါမှာ ဂျေရုဆလင်ဗြို့မှာ ရှာဝို့ ပလန်လာဂေ့လေရယ်။ 46သုံးရစ်ကြာမှဘဲ့ သူ့နို့ဟ ကိုယ်တော်ယေရှုဝို ဗိမာန်တော်ဝန်းမှာ တွီ့လေရယ်။ သူဟ ဂျူးဘာသာရေးဆရာဒွေဂျားမှာ ထိုင်နေပီး သူ့နို့ရဲ့ သွန်သန်ချင့်ဒွေဝို နားထော်ပီး သူ့နို့ဝို မေးခွန်းဒွေ ပလန်မေးနေလေရယ်။ 47သူ့ဂါးဝို ကြားသူဂူလုံးဟ သူ့ရဲ့သိမြင်နားလည်မှုန သူ့နို့ရဲ့မေးခွန်းဒွေဝို ပလန်လည်ဖြေကြားနိုင်ပုံဒွေဝို အံ့ဩနေဂေ့လေရယ်။ 48သူ့မိဖဒွေ သူ့ဝို အဲနေရာမှာ ရှာတွီ့ဝိုခါမှာ အံ့ဩပီး သူ့မိဟ “သားရယ်၊ ဟဲရာဂျော့ နို့ပေါ် အယ်မျိုးလုပ်ရနူး။ နန့်ဖ န ငါဟ ရားဒိုင်းစိပူပီး နန့်ဝိုရှာလိုက်ရရယ်” ဆိုပြီး ပြောလေရယ်။
49အဲနော့ လူငယ်ယေရှုဟ “ဟဲဖြစ်ရိ ကျနော့်ဝို လိုက်ရှာနေဂေ့နူး။ ကျနော့်ဖ#2.49 ကျနော့်ဖ ကျနော့်ဖ ဆိုဇာဟ ယေရှုရဲ့ဖဖြစ်ဝို ရွှေဗြို့တော်မှာရှေ့ဝို ဘုရားရှင်ဝို ရည်ညွှန်းဇာဖြစ်ရယ်။ ယောသပ်ဝို ပြောဇာမုဝ။ရဲ့ အီတော်မှာဘဲ့ ကျနော် ရှေ့နေရမယ်ဆိုဇာဝို သိရလော” ဆိုပြီး ပလန်ဖြေလေရယ်။ 50အယ်ဘေမဲ့ သူ့မိဖဒွေဟ လူငယ်ယေရှုပြောဝို ဓိပါယ်ဝို နားမလည်ဂေ့ရ။
ဘုရားရှင်ရှေ့၊ လူဒွေရှေ့မှာ မျစ်နှာသာရခြင်း
51အဲနော့ လူငယ်ယေရှုဟ မာရိ န ယောသပ်ဒို့န တူတူ နာဇရက်ဗြို့ဝို ပလန်လိုက်ရားပီး သူ့နို့ရဲ့ဂါးဒွေဝို ဆစ်ပီးနာခံပီးနေလေရယ်။ အယ်ဘေမဲ့ သူ့မိ မာရိဟ ကြောရာဂူလုံးဝို သူ့စိထဲမှာ သီးရားပီး တွီးတောနေလေရယ်။ 52အဲနော့ ကိုယ်တော်ယေရှုဟ ကီးပြင်းလာပီး ဉာဏ်ပညာလဲ တိုးလာလေရယ်။ သူဟ ဘုရားရှင် န လူဒွေရဲ့ မျစ်နှာသာပေးဇာဝိုလဲ ခံရလေရယ်။
ទើបបានជ្រើសរើសហើយ៖
ရှင်လုကာ 2: TVN
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Dawei (ထားဝယ်) Bible by Beyond Translation is licensed under Creative Commons Attribution-ShareAlike 4.0 License.
ရှင်လုကာ 2
2
ခန်း (၂)
ကိုယ်တော်ယေရှု ဖွားမြင်တော်မူခြင်း
(ရှင်မာကု ၁.၁၈-၂၅)
1အဲမိုခီ#2.1 အဲမိုခီ အဲမိုခီဆိုဇာဟ ယောဟန်မွီးဖွားဝို ခီဝို ဆိုလိုရယ်။မှာ ဆီဇာဩဂတ်စတပ်ဟ ရောမအင်ပါယာလက်အော့မှာ နေထိုင်သူဂူလုံးဝို ဂေါ်စာရင်း ကော့ခံရမယ်ဆိုပီး မိထုလိုက်ရယ်။ 2အယ်မိုဇာဟ ကုရေနိဟ ဆီးရီးယားပြည်ရဲ့ဘုရင်ခံဖြစ်နေဝိုခီမှာ ပထမဆုံးဂေါ်စာရင်းကော့ယူဇာဖြစ်ရယ်။ 3အဲဂျော့ လူဒွေဂူလုံး ဂေါ်စာရင်းသွမ်းဝို့ သူ့နို့ဘိုးဘေးဒွေရဲ့ဗြို့ဝို ပလန်ဂေ့လေရယ်။
4ယောသပ်ဟ ဘုရင်ဒါဝိဒ်မျိုးနွယ်ဖြစ်ရိတွက် ဂါလိလဲပြည်၊ နာဇရက်ဗြို့ဟနေ ယုဒပြည်မှာရှေ့ဝို ဗက်လင်ဆိုပီးခေါ်ဝို ဒါဝိဒ်ရဲ့ နေရင်းဗြို့ဝို စာရင်းသွမ်းဝို့ သွားလေရယ်။ 5သူ အဲမိုမျိုး စာရင်းသွမ်းဝို့ သွားခီမှာ ယောသပ်ဟ သူ့န စေ့စပ်ရားပီး ကိုယ်ဝန်ရှေ့နေပီဖြစ်ဝို မာရိဝို သူ့န တူတူခေါ်ဝါးလေရယ်။ 6သူ့နို့နှေ့ယော့ ဗက်လင်ဗြို့မှာ ရှေ့နေဝိုခီမှာ မာရိဟ သားဂန်းရားမွီးဖွားခီ ရော့လာလေရယ်။ 7အဲဂျော့ သူဟ သူ့ရဲ့ပထမဆုံး သားယော့ကျားရားဝို မွီးလေရယ်။ အယ်ဘေမဲ့ သူ့နို့တွက် နေဝို့နေရာ မှေ့ဘဲရိတွက် မာရိဟ သားဂန်းရားဝို ဝတ်စနပတ်ပီး နွားဇာခွက်ထဲမှာ သိရားရလေရယ်။
ကယ်တံရှင်မွီးဖွားဝို့ကြောသိုးကျောသားဒွေဝို နတ်ဒေဝါကြေငြာခြင်း
8အဲမိုညစ်မှာ ဗက်လင်ဗြို့နားမှာရှေ့ဝို ကွမ်းပလန်ဒွေမှာ သိုးကျောသားချို့ဟ သူ့နို့ရဲ့သိုးဒွေဝို စော့ကေ့နေဂေ့လေရယ်။ 9အဲခါမှာ ဘုရားရှင်ဆီဟ နတ်ဒေဝါတစ်ဘားဟ သူ့နို့ရှေ့မှာ ရုတ်တရစ် ပေါ်လာပီး သူ့နို့ရဲ့ပတ်ပတ်လည်မှာလဲ ဘုရားရှင်ရဲ့ ဘုန်းဂိုးတော်အားန ထွန်းလန်းတော့ပနေရိတွက် သိုးကျောသားဒွေဟ ရားဒိုင်းကြော့လန့်နေဂေ့လေရယ်။ 10အယ်ဘေမဲ့ နတ်ဒေဝါဟ “ကြော့ဂေ့ပါန။ လူဒိုင်းဝို ဝမ်းသာစေမယ့် ဒန်းဂေါပြောဝို့ ငါရော့လာဇာဖြစ်ရယ်။ 11အယ်ညစ်မှာ ကယ်တံရှင်ဖြစ်တော်မူဝို မေရှိယ#2.11 မေရှိယ ခရစ်တော် ဟ ဂရိဘာသာဂါးဖြစ်ပြီး မေရှိယဟ ဟေဘရူးဘာသာဂါးဖြစ်ရယ်။ နော်မယ်နှေ့ခုလုံးရဲ့ဓိပါယ်ဟ ဘုရားရှင်ဟ သူ့လူဒွေဝို ကယ်တံပီး အုပ်ချုပ်ဝို့ ဝီးချယ်ဝါးဝိုသူ ဆိုပီး ဓိပါယ်ရရယ်။ အရှင်ဟ ဘုရင်ဒါဝိဒ်ရဲ့ ဗြို့မှာ မွီးဖွားပီဖြစ်ရယ်။ 12နန်းနို့ သူ့ဝို ဟဲမျိုးသိဗြင်ရမယ်နူးဆိုဝါ ဗက်လင်ဗြို့မှာ ဝတ်စနပတ်ပီး နွားဇာခွက်ထဲမှာ လှဲသိရားဝို သားဂန်းရားဝို နန်းနို့ဗြင်တွီ့ဝိုခီမှာ အဲမိုသားဂန်းရားဟ သူဆိုဇာဝို နန်းနို့သိရလိမယ်” ဆိုပီး ပြောလေရယ်။
13အဲမို နတ်ဒေဝါနတူတူ ရွှေဗြို့တော်ဟနေ ခြားနတ်ဒေဝါဒွေ များဂီး ရုတ်တရစ်ပေါ်လာလေရယ်။ သူ့နို့ဟ ဘုရားရှင်ဝို အယ်မျိုး ချီးမွမ်းဂေ့လေရယ်။
14“ဗြင့်ဆုံးရွှေဗြို့တော်မှာ ရှေ့တော်မူဝို ဘုရားရှင် ဘုန်းကီးတော်မူပါစေ။
အယ်ဘာမလေပေါ်မှာရှေ့ဝို ဘုရားရှင် နှစ်သက်တော်မူဝို လူဒွေဂူလုံး ငြီးချမ်းခြင်းရှေ့ပါစေ။”
15အဲနော့ နတ်ဒေဝါဒွေ ရွှေဗြို့တော်ဝို ပလန်တက်ဝါးပီးနော့၊ သိုးကျောသားဒွေဟ “ဘုရားရှင်ဟ သူ့နတ်ဒေဝါဒွေဟနေတစ်ဆင့် နို့ဝို သိပေး ပြောကြားဝိုဇာဝို သွားကေ့ဂေ့ရအော် ဗက်လင်ဗြို့ဝို သွားဂေ့ဇို့” ဆိုပီး သူနို့ချင်းချင်း ပြောဂေ့လေရယ်။
16အဲဂျော့ သူ့နို့ဟ အဲမိုနေရာဝိုဗြန်းဗြန် သွားဂေ့ဝိုခါမှာ မာရိ၊ ယောသပ်ဒို့န တူတူ နွားဇာခွက်ထဲမှာ လှဲပီးရှေ့နေဝို သားဂန်းရားဝို သူ့နို့ ဗြင်လေရယ်။ 17သားဂန်းရားဝို သိုးကျောသားဒွေ ဗြင်ပီးဝိုခါမှာ သူ့နို့ဟ အဲမိုသားဂန်းရားန ပတ်သက်ပီး နတ်ဒေဝါဒွေ ပြောရားဇာဒွေဝို လူဒိုင်းဝို ပလန်ပြောပြလေရယ်။ 18သိုးကျောသားဒွေ ပြောပြနေဇာဝို ကြားရဝို လူဒွေဂူလုံးဟ အံ့ဩဝါးဂေ့လေရယ်။ 19အယ်ဘေမဲ့ မာရိဟ ဖြစ်ပျစ်ခဲ့ဝို ကြောရာဂူလုံးဝို စိထဲမှာ သီးရားပီး တွီးတောနေလေရယ်။ 20သိုးကျောသားဒွေဟလဲ ဘုရားရှင်ဝို ရားဒိုင်းချီးမွမ်းဂေ့ပီး သူ့နို့ရဲ့ သိုးဒွေဆီဝို ပလန်ရားဂေ့လေရယ်။ ဟဲဖြစ်ရိနူးဆိုဝါ သူ့နို့ဗြင်ရကြားရဝိုဇာဒွေဂူလုံးဟ နတ်ဒေဝါဒွေဟ သူ့နို့ဝို ပြောပြရားဝိုတိုင်း ဖြစ်ပျစ်လာရိဂျော့ဖြစ်ရယ်။
သားဂန်းရားယေရှုဝို ဘုရားရှင်ဆီဆစ်ကပ်ခြင်း
21သားဂန်းရားမွီးပီး ရှစ်ရစ်မြော့နေ့မှာ သားဂန်းရားဝို ရေဖျားလှီးမြင်ဂလာ လုပ်ပေးဝို့ ခီကလလာဝိုခါမှာ မာရိ န ယောသပ်ဟ သားဂန်းရားဝို သူ့ဗိုက်ထဲမှာ မှေ့ခံဒဲဟ နတ်ဒေဝါ ပြောကြားရားဝိုတိုင်း ယေရှုဆိုပီး နော်မယ်ပေးလေရယ်။ 22မောရှေပညတ်ကျမ်း#2.22 မောရှေပညတ်ကျမ်း မောရှေကျမ်းဆိုဇာဟ ဓမ္မဟောကျမ်းမှာပါဝင်ဝို ပထမဆုံးငါးအုပ်ဝို ဆိုလိုဇာဖြစ်ရယ်။ ခါတလေမှာလော ဓမ္မဟောအုပ်လုံးဝို ဆိုလိုရယ်။တိုင်း မာရိရဲ့သန့်ဇင်ခြင်းမြင်ဂလာ#2.22 မာရိရဲ့သန့်ဇင်ခြင်းမြင်ဂလာ မောရှေရဲ့ပညတ်ကျမ်းအရ မီးမတစ်ယော့ဟ သားဂန်းရားမွီးပီးရယ်ဆိုဝါ သန့်ရ ဆိုပီး သတ်မှတ်ဂေ့ရယ်။ ယော့ကျားရားဖြစ်ရယ်ဆိုဝါ၊ သူဟ ထုံးတမ်းစဉ်လာအရ သန့်ရှင်းလာစေဝို့ ရစ်ပေါ လေးဆယ် စော့ပြီး ဂျေရုဆလင်ဗြို့မှာရှေ့ဝို ဗိမာန်တော်မှာ ပူဇော်မှုဝို လုပ်ရမှာဖြစ်ရယ်။ အဲမှဘဲ့ သူဟ ခြားလူဒွေနတူတူ ဘုရားရှင်ဝို ဆည်းကပ်ရှေ့ခိုးနိုင်မှာဖြစ်ရယ်။ဝို ဆော်ဝက်ရဝို နေ့ရစ်ဒွေပီးရားဝိုခီမှာ ယောသပ်န မာရိဟ သားငယ်ယေရှုဝို ဘုရားရှင်ဆီမှာ ဆစ်ကပ်ဝို့တွက် ဂျေရုဆလင်ဗြို့ မှာရှေ့ဝို ဗိမာန်တော်ဝို သူ့နို့နတူတူ ခေါ်လာဂေ့ရယ်။ 23သူ့နို့ အဲမျိုးလာရော့ဇာဟ “သားဦးမှန်သမျှ ဘုရားရှင်ဆီမှာ ဆစ်ကပ်အပ်နှံရမယ်” ဆိုပီး ဘုရားရှင်ရဲ့ပညတ်ကျမ်းမှာ ရေးရားရိတွက်ဂျော့ဖြစ်ရယ်။ 24အဲမိုပြင် “ချိုးနှေ့ကော်နဖြစ်ဖြစ်၊ ခိုနှေ့ကော်နဖြစ်ဖြစ် ပူဇော်ရမယ်” ဆိုပီး မောရှေရဲ့ပညတ်ကျမ်းမှာ ရေးရားဝိုတိုင်း မာရိရဲ့သန့်ဇင်ခြင်းရော့ဝို့တွက် ပူဇော်ဆစ်ကပ်ဝို့ လာဂေ့ဇာဖြစ်ရယ်။
ရှုမောင်ရဲ့ဂုဏ်တော်ချီးမွမ်းခြင်း
25အဲမိုခီမှာ ဂျေရုဆလင်ဗြို့မှာ ရှုမောင် ဆိုပီး ခေါ်ဝို လူတစ်ယော့ရှေ့ရယ်၊ သူဟ ဘုရားရှင် နှစ်သက်ဝိုဇာဒွေဝို လုပ်ဆော်ပီး ဘုရားရှင်ရဲ့ပညတ်တော်ဒွေဝို နာခံလေရယ်။ ဘုရားရှင် စေလွှတ်လိုက်ဝို မေရှိယဟ အစ္စရေးလူမျိုးဒွေဝို ကယ်တံပေးဇာဝို စော့မျှော်နေသူ တယော့လဲဖြစ်ပီး ဉာဏ်လင်းတော်ဟ သူ့ဝို သက်ရော့လေရယ်။ 26အဲနော့ သူ့ဝို “ဘုရားရှင် စေလွှတ်မယ်ဆိုပီး ဒိတော်ပေးရားဝို မေရှိယဝို ဗြင်ရဘဲန သေရ” ဆိုပီး ဉာဏ်လင်းတော်ဟ ကြိုတံပြောကြားရားလေရယ်။ 27အဲနော့ မာရိ န ယောသပ်ဟ ပညတ်တော်အရ ဆစ်ကပ်အပ်နှံဇာဝို ပြုလုပ်ဝို့တွက် ဗိမာန်တော်ဝန်းထဲဝို သားဂန်းရားယေရှုဝို ခေါ်ဆော်လာဝိုခီမှာ ဉာဏ်လင်းတော်ဟ ရှုမောင်ဝို ဗိမာန်တော်ဝန်းဝို ဦးဆော်ခေါ်ယူလာလေရယ်။ 28အဲနော့ ရှုမောင်ဟ သားဂန်းရားယေရှုဝို သူ့လက်ထဲမှာ ခီပီး ဘုရားရှင်ဝို အယ်မျိုး ချီးမွမ်းလေရယ်။
29“အရှင်၊ ခု သင့်ရဲ့စေခံဖြစ်ဝို ကျနော့်ဝို ငြီးချမ်းစွာ သေခွမ့်ပေးရိရပါပီ။
ဟဲဂျော့ဆိုဝါ သင် ကျနော့်ဝို ဒိတော်ထားရားဝိုဇာဝို သင်လုပ်ပေးခဲ့ပီးပီဖြစ်ရိတွက်ဂျော့ဖြစ်ရယ်။
30ဘာပေါ်မှာရှေ့ဝို လူဒွေဂူလုံးဝို ကယ်တံဝို့တွက် သင်စေလွှတ်တော်မူဝို အရှင်ဝို ကျနော် မျစ်မြင်ကြုံတွီ့ရပီဖြစ်ရယ်။
31သင်ပြင်ဆင်ပြီး စေလွှတ်တော်မူဝို အရှင်ဝို လူဒွေဂူလုံးဟ ဗြင်တွီ့ရမှာဖြစ်ရယ်။
32သူဟ လူမျိုးခြားဒွေဝို ဘုရားရှင်ဝိုပြသမဲ့ လန်းရော်မျိုးဖြစ်လိမှာဖြစ်ပြီး သင့်ရဲ့လူမျိုးဖြစ်ဝို အစ္စရေးလူမျိုးဒွေတွက် ဘုန်းကျစ်သရေဝို ယူလာပေးဝို့သူဖြစ်ရယ်။”
33သူ့မိဖဒွေဟ သားဂန်းရားယေရှုကြော ရှုမောင်ပြောဇာဒွေဝို ကြားဝိုခါမှာ အံ့ဩနေဂေ့လေရယ်။ 34အဲနော့ ရှုမောင်ဟ ယောသပ်နမာရိဝို ဘုရားရှင်ဆီဟ ကောဝိုဇာဒွေရစေဝို့ ဆုတောပေးပီး မိဖြစ်သူမာရိဝို “အယ်မိုသားဂန်းရားဂျော့ အစ္စရေးပြည်မှာရှေ့ဝို လူဒွေဂူလုံးဝို ဖျစ်စီးပစ်ပြီး သူဟ အစ္စရေးပြည်မှာရှေ့ဝို ခြားလူဒွေများဂီးဝို ကယ်တံပေးလိမယ်။ သူဟ ဘုရားရှင်ဆီဟ လူဒွေဝို ဒိပေးဝို နမိလက္ခဏာတစ်ခုဖြစ်ပေမဲ့ လူများဂီးဟ သူ့ဝို ဆန့်ကျင်ပြောဆိုဂေ့လိမယ်။ 35အယ်မိုဇာဟ လူများဂီးရဲ့စိထဲဟ တွီးရားဝိုဇာဒွေ၊ ကြံရားဝိုဇာဒွေ ထွက်ပေါ်လာမဲ့ ကြောတရားဘဲ့ဖြစ်ရယ်။ အဲမိုပြင် လူဒွေဟ သူ့ပေါ်မှာ ဆိုးဆိုးဝါးဝါးပြုမူဂေ့ရိတွက် ချွန်ထက်ဝို ထားတစ်လက်ဟ နန့်နှလုံးသားဝို စိုက်ဝမ်ဝိုမျိုး နန်ဟလဲ ပြင်းပြင်းထန်ထန်ဝမ်းနည်းပူဆွေးရလိမယ်” ဆိုပီး ပြောလေရယ်။
အန္နရဲ့သက်သေခံချင့်
36အဲမိုခီမှာ အာရှာမျိုးနွယ်ဝမ်၊ ဖနွေလမီး ပရောဖက် အန္နလဲ အဲမှာ ရှေ့နေလေရယ်။ သူဟ ရားဒိုင်းအိုနေပီဖြစ်ရယ်။ သူဟ ယော့ကျားဖြစ်သူန ခုနှေ့နှစ်လော့ဘဲ့ ပေါသင်းနေထိုင်ပီးနော့မှာ သူ့ယော့ကျားဟ သေရားလေရယ်။ 37အဲနော့ သူဟ မုဆိုးမဖြစ်န နေခဲ့ပြီး သက်ဟလဲ ရှစ်ဆယ့်လေးနှစ်ရှေ့နေပီဖြစ်ရယ်။ သူဟ ဗိမာန်တော်မှာဘဲ့ သူ့ရဲ့ခီတော်တော်များများဝို ကူဆုံးလေ့ရှေ့ရယ်။သူဟ ဘုရားရှင်ဝို နေ့ညစ်မပြတ် ဆုတောဝတ်ပြုပြီး မကြာမကြာ စာရှော်ဥပုသ်စော့ပီး နေလေရယ်။ 38ယောသပ်နမာရိဒို့ဝို ရှုမောင်ဂါးပြောနေဝိုခီမှာ သူရော့လာပီး၊ ဘုရားရှင်ဝို ကျေးဇူးတံလေရယ်။ သူဟ ဘုရားရှင် စေလွှတ်လိုက်ဝို မေရှိယဟ ဂျေရုဆလင်ဗြို့ န ခြားအစ္စရေးလူမျိုးဒွေဝို ကယ်တံပေးဇာဝို စော့မျှော်နေဝိုလူဒွေဝို သားဂန်းရားယေရှုကြောဝို ပြောပြလေရယ်။
နာဇရက်ဝိုပလန်ခရီး
39ယောသပ်နမာရိဒို့ဟ မောရှေပညတ်ကျမ်းအရ သူနို့ဆော်ဝက်ရဝို မှုကိစဒွေဂူလုံး ပီးရားဝိုခါမှာ သူ့နို့နေရင်းဗြို့ဖြစ်ဝို ဂါလိလဲပြည်၊ နာဇရက်ဗြို့ဝို ပလန်လာဂေ့လေရယ်။ 40အဲနော့ သားဂန်းရားလဲ ကီးလာပီး ကြံ့ခိုင်သန်ဇွမ်းပီး၊ ဉာဏ်ပညာလဲ တိုးလာပီး ဘုရားရှင်ရဲ့ မျစ်နှာသာပေးဇာဝို ခံရလေရယ်။
သားဂန်းရားယေရှု ဗိမာန်တော်မှာ ရှေ့နေခြင်း
41သားဂန်းရားယေရှုရဲ့ မိဖဒွေဟ #2.41 ပသခါပွဲ ပသခါပွဲတော်ဆိုဇာဟ တဆေးမဲ့မုပွဲတော်ဖြစ်ရယ်၊ ဘုရားရှင်ဟ အီဂျစ်ပြည်မှာရှေ့ဝို အစ္စရေးလူမျိုးဒွေ ကျွန်ဘဝဟနေ လွတ်မြော့လာရိတွက် လုပ်ဝို အစ္စရေးလူမျိုးဒွေရဲ့ စားသော့ပွဲတော်။ပသခါပွဲတော်ဆင်နွှဲဝို့တွက် ဂျေရုဆလင်ဗြို့ဝို နှစ်တိုင်း သွားလေ့ရှေ့ရယ်။ 42အဲဂျော့ ကိုယ်တော်ယေရှု သက်ဆယ့်နှေ့နှစ်မှာ သူ့နသူ့မိဖဒွေဟ သူ့နို့ပုံမှန်သွားနေဂျတိုင်း ဂျေရုဆလင်ဗြို့မှာရှေ့ဝို ပသခါပွဲတော်ဝို သွားဂေ့ရယ်။ 43ပွဲတော်ရစ်ပီးရားဝိုခါမှာ သူ့မိဖဒွေဟ လူငယ်ယေရှုဟ ဂျေရုဆလင်ဗြို့ထဲမှာ နေရစ်ဇာဝို သိဘဲန အီဝို ပလန်လာဂေ့လေရယ်။ 44သူ့မိဖဒွေဟ လူငယ်ယေရှုဟ သူ့နို့နတူတူ ခရီးသွားနေဝို လူဒွေထဲမှာ ပါလာရယ်ဆိုပီး ထံနေဂေ့ပီး တစ်ရစ်လော့ ခရီးဆစ်ဂေ့လေရယ်။ အဲမိုနေ့ နေဒန်ကလလော့မှ သူ့နို့ဟ ဆွေမျိုးဒွေ၊ မိဆွေဒွေဂျားထဲမှာ သူ့ဝို စပီး လိုက်ရှာဂေ့လေရယ်။ 45သူ့နို့ဟ သူ့ဝို တွီ့ဘဲဝိုခါမှာ ဂျေရုဆလင်ဗြို့မှာ ရှာဝို့ ပလန်လာဂေ့လေရယ်။ 46သုံးရစ်ကြာမှဘဲ့ သူ့နို့ဟ ကိုယ်တော်ယေရှုဝို ဗိမာန်တော်ဝန်းမှာ တွီ့လေရယ်။ သူဟ ဂျူးဘာသာရေးဆရာဒွေဂျားမှာ ထိုင်နေပီး သူ့နို့ရဲ့ သွန်သန်ချင့်ဒွေဝို နားထော်ပီး သူ့နို့ဝို မေးခွန်းဒွေ ပလန်မေးနေလေရယ်။ 47သူ့ဂါးဝို ကြားသူဂူလုံးဟ သူ့ရဲ့သိမြင်နားလည်မှုန သူ့နို့ရဲ့မေးခွန်းဒွေဝို ပလန်လည်ဖြေကြားနိုင်ပုံဒွေဝို အံ့ဩနေဂေ့လေရယ်။ 48သူ့မိဖဒွေ သူ့ဝို အဲနေရာမှာ ရှာတွီ့ဝိုခါမှာ အံ့ဩပီး သူ့မိဟ “သားရယ်၊ ဟဲရာဂျော့ နို့ပေါ် အယ်မျိုးလုပ်ရနူး။ နန့်ဖ န ငါဟ ရားဒိုင်းစိပူပီး နန့်ဝိုရှာလိုက်ရရယ်” ဆိုပြီး ပြောလေရယ်။
49အဲနော့ လူငယ်ယေရှုဟ “ဟဲဖြစ်ရိ ကျနော့်ဝို လိုက်ရှာနေဂေ့နူး။ ကျနော့်ဖ#2.49 ကျနော့်ဖ ကျနော့်ဖ ဆိုဇာဟ ယေရှုရဲ့ဖဖြစ်ဝို ရွှေဗြို့တော်မှာရှေ့ဝို ဘုရားရှင်ဝို ရည်ညွှန်းဇာဖြစ်ရယ်။ ယောသပ်ဝို ပြောဇာမုဝ။ရဲ့ အီတော်မှာဘဲ့ ကျနော် ရှေ့နေရမယ်ဆိုဇာဝို သိရလော” ဆိုပြီး ပလန်ဖြေလေရယ်။ 50အယ်ဘေမဲ့ သူ့မိဖဒွေဟ လူငယ်ယေရှုပြောဝို ဓိပါယ်ဝို နားမလည်ဂေ့ရ။
ဘုရားရှင်ရှေ့၊ လူဒွေရှေ့မှာ မျစ်နှာသာရခြင်း
51အဲနော့ လူငယ်ယေရှုဟ မာရိ န ယောသပ်ဒို့န တူတူ နာဇရက်ဗြို့ဝို ပလန်လိုက်ရားပီး သူ့နို့ရဲ့ဂါးဒွေဝို ဆစ်ပီးနာခံပီးနေလေရယ်။ အယ်ဘေမဲ့ သူ့မိ မာရိဟ ကြောရာဂူလုံးဝို သူ့စိထဲမှာ သီးရားပီး တွီးတောနေလေရယ်။ 52အဲနော့ ကိုယ်တော်ယေရှုဟ ကီးပြင်းလာပီး ဉာဏ်ပညာလဲ တိုးလာလေရယ်။ သူဟ ဘုရားရှင် န လူဒွေရဲ့ မျစ်နှာသာပေးဇာဝိုလဲ ခံရလေရယ်။
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Dawei (ထားဝယ်) Bible by Beyond Translation is licensed under Creative Commons Attribution-ShareAlike 4.0 License.