MRK - NUMANA 3
3
1Nǝ bɛr nuŋ Yesɔ ne kɔmɔ ne akaba, fe iner nuŋ waŋ ndi iŋɔk maa ne vugun ayi muɔ. 2Anuŋ ne miŋ mǝne awɔb ankɔŋ ane vuŋ Yesɔ ne lalɛ, ne suu ayi ŋgɔŋ te aba abɛ yik kai di wa atei na aneshire tǝ bɛ rɛ ne bɛr yi sɔŋ sik. 3Yesɔ adi neshir nǝ gun ŋɔk go, <<Lu klɛ ne ti aneshir abaŋa.>>
4Ankyak Yesɔ akɔ rib ba tedi, <<Itayi iyi anenen. Nǝ bɛr yi sɔŋ sik: abɛ na ki didik ka abɛ na ki mimin, abɛ ta ivli azhɔk ineshir ka abɛ ŋun ni?>> Ama bane di kinuŋ ba.
5Akama tɔ ba ne ti kɛ mfu, ne te mfu ŋgɔŋ ne klik asusun mǝne, adi iner ne gun ŋɔgo, Ubǝ nab ŋɔgo.>> Neshire anab kɛ, ankyak ŋɔk maa iku nab. 6Fe Ferisawa akɔ ru abɛm te zen kpa nyak ben aner abɛ Hiridus ir keŋ ndi aba atei na te abɛ ŋun Yesɔ.
Ntsan aneshir azǝ Yesɔ
7Yesɔ ne kama ru ben abɛ zeu tsǝn amaa te gar kɔtɔŋ nek, fe ntsan aneshir abɛ rɛ Yahuda ben Galili, 8Urshelima, ben ntun yi Idɔm, ben ntuntun yi ŋa kɛ Juda ben Taya ben Sidon, aner tetɛk ne te tun ne zeu ndi ne wɔ kiki yiŋɛ. 9Ndi ne yik idu aneshire abla abɛ tsǝn amaa abe te wɔb igu vǝtsɔb aŋyak wa, te wa abɛ tɛ shaan ne du aneshir. 10Te ne na aneshir tetɛk te ne rɛ, te duŋ abɛ yine lɔ kaŋkaŋ azǝn tur te aba abɛ sagu ŋɔk.
11Mkpaŋ keŋ ndi anerim ne yigu, azhaku ne ti maa te aŋar zhin, <<Uyi Izu Arik.>> 12Neme anǝk ba ilɛ ŋgɔŋ te kǝr abɛ bla nuŋ ka iwa ayi ŋɔwa ba.
Yesɔ ne hria abɛ zeu na ndum awur ane yaa
13Yesɔ ne kama yuŋ tu gbu te zhɔ abaŋ ndi wa ne ta nyɛmɛ bene ba, te duŋ ba te yigu amɔ. 14Ne hria aner awur aneyaa tedi aba aye abɛ zeu tsǝn te na ndum maa te bena yi abɛ du lɛ kɛ Arik 15te bena yi ne mgbyamgbyaŋ kɛ yar anerim gli rumɔ. 16Waŋa aye aneshir awur ane yaa abɛ hria amaa: Siman (iwaŋ ndi ne nǝgu sak te Biturus); 17Yakubu izu Zabǝdi ben izumen ane Yɔɔna (Yesɔ ne zhɔ ba te Buwanaji, watɔ Amumun abɛ nnas); 18Andru, Filibus, Batɔlɔmi, Matiu, Tɔma, Yakub izu Alfa, Tadiyo, Siman ne nyɛr rǝ kpa 19ben Yahuda awɔnǝ Iskariɔ ndi ne baŋ Yesɔ alɛb.
Yesɔ ben ngɔŋ ne anerim
20Fe Yesɔ ayir kɔb, ankyak aneshir akɔ tuŋ abiŋ, ir keŋ ndi iwa ben abɛ zeu tsǝn amaa bane yik mkpaŋ kɛ li kili yir ba. 21Ndi aner kɔb abɛ Yesɔ ne wɔ ki ndi itsin, ne gar te aba abɛ vuŋu agli agar kɔb, te anuŋ adi, <<Itu maa ba yi anenen ba.>>
22Ndi amɛ abɛ tsar ne nkanlɛ yi cɛr Musa abaŋ ndi ne zi anyɛ Urshelima adi, <<Ndar yi Belzebub itum ane anerim ivuŋu! ngɔŋ ane anerim tǝ ayar anerim aruu ma te aganci avuŋu.>>
23Neme Yesɔ azhɔ ba te blaa ba nkanlɛ: <<Irim ana kikin te yar anerim rumɔi? 24Ikɔb ŋgɔŋ te gab te ntǝk yaa, ikɔbɔ ba tei klɛ ba. 25Aner abɛ miŋ kɔb bate biŋ atu ba; ikɔbɔ batei klɛ ba. 26Ate yi ndi ishetan te kyak tu maa te ŋar te nten, batei klɛ ba; iklɛtu maa ne nyɛ. 27Ai lɛ didik, nuŋ batei yir kɔb kɛ neshir ne klik te kɔte baŋ kinuŋ maa te ru ba se ne kuti akpa ner ne klik ge baliŋ. Te kashe vu kiki iyi kɔbɔ. 28Mblazhin zub, ilalɛ bɔbɔk ben nkan lǝlɛ yi sha Arik atei zuk aner azhɔk neyi. 29Ama iwaŋ ndi ate tun zhi izhu yi Arik; ne lalɛ kɛ yaŋ klɛtu keŋ ndi ba tei zuk ilalɛ maa azhɔk ba.>>
30Yesɔ adi amɛ te azǝn di <<Ayi ne anerim.>>
Iyah amaa Yesɔ ben amunzumen
31Fe iyah amaa Yesɔ ben amunzumen ne tsǝne te yir. Te aklɛkli ne bɛm, akɔ shar nuŋ te abɛ zhɔu. 32Ntsan aneshir ne kamu azhɔk ne tsutsu te diu, <<Iya mi ben amunzumin ayi ne bɛm azǝn wɔb bu.>>
33Yesɔ arib ba. <<Ayi ane ŋɔɔ ba yi iya muŋ ben amunzumɔrɔ?>>
34Akam atɔ abaŋ ndi akɔsɔŋ agankyaŋa tedi, <<Abaŋa aye ne iya muŋ ben amunzumɔr!
35Iwaŋ ndi ate naki ndi Arik adi ai wa ayi zumɔr ben va mɔr ben iya muŋ.>>
ទើបបានជ្រើសរើសហើយ៖
MRK - NUMANA 3: NAA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The word for the World International and The word for the World Nigeria
MRK - NUMANA 3
3
1Nǝ bɛr nuŋ Yesɔ ne kɔmɔ ne akaba, fe iner nuŋ waŋ ndi iŋɔk maa ne vugun ayi muɔ. 2Anuŋ ne miŋ mǝne awɔb ankɔŋ ane vuŋ Yesɔ ne lalɛ, ne suu ayi ŋgɔŋ te aba abɛ yik kai di wa atei na aneshire tǝ bɛ rɛ ne bɛr yi sɔŋ sik. 3Yesɔ adi neshir nǝ gun ŋɔk go, <<Lu klɛ ne ti aneshir abaŋa.>>
4Ankyak Yesɔ akɔ rib ba tedi, <<Itayi iyi anenen. Nǝ bɛr yi sɔŋ sik: abɛ na ki didik ka abɛ na ki mimin, abɛ ta ivli azhɔk ineshir ka abɛ ŋun ni?>> Ama bane di kinuŋ ba.
5Akama tɔ ba ne ti kɛ mfu, ne te mfu ŋgɔŋ ne klik asusun mǝne, adi iner ne gun ŋɔgo, Ubǝ nab ŋɔgo.>> Neshire anab kɛ, ankyak ŋɔk maa iku nab. 6Fe Ferisawa akɔ ru abɛm te zen kpa nyak ben aner abɛ Hiridus ir keŋ ndi aba atei na te abɛ ŋun Yesɔ.
Ntsan aneshir azǝ Yesɔ
7Yesɔ ne kama ru ben abɛ zeu tsǝn amaa te gar kɔtɔŋ nek, fe ntsan aneshir abɛ rɛ Yahuda ben Galili, 8Urshelima, ben ntun yi Idɔm, ben ntuntun yi ŋa kɛ Juda ben Taya ben Sidon, aner tetɛk ne te tun ne zeu ndi ne wɔ kiki yiŋɛ. 9Ndi ne yik idu aneshire abla abɛ tsǝn amaa abe te wɔb igu vǝtsɔb aŋyak wa, te wa abɛ tɛ shaan ne du aneshir. 10Te ne na aneshir tetɛk te ne rɛ, te duŋ abɛ yine lɔ kaŋkaŋ azǝn tur te aba abɛ sagu ŋɔk.
11Mkpaŋ keŋ ndi anerim ne yigu, azhaku ne ti maa te aŋar zhin, <<Uyi Izu Arik.>> 12Neme anǝk ba ilɛ ŋgɔŋ te kǝr abɛ bla nuŋ ka iwa ayi ŋɔwa ba.
Yesɔ ne hria abɛ zeu na ndum awur ane yaa
13Yesɔ ne kama yuŋ tu gbu te zhɔ abaŋ ndi wa ne ta nyɛmɛ bene ba, te duŋ ba te yigu amɔ. 14Ne hria aner awur aneyaa tedi aba aye abɛ zeu tsǝn te na ndum maa te bena yi abɛ du lɛ kɛ Arik 15te bena yi ne mgbyamgbyaŋ kɛ yar anerim gli rumɔ. 16Waŋa aye aneshir awur ane yaa abɛ hria amaa: Siman (iwaŋ ndi ne nǝgu sak te Biturus); 17Yakubu izu Zabǝdi ben izumen ane Yɔɔna (Yesɔ ne zhɔ ba te Buwanaji, watɔ Amumun abɛ nnas); 18Andru, Filibus, Batɔlɔmi, Matiu, Tɔma, Yakub izu Alfa, Tadiyo, Siman ne nyɛr rǝ kpa 19ben Yahuda awɔnǝ Iskariɔ ndi ne baŋ Yesɔ alɛb.
Yesɔ ben ngɔŋ ne anerim
20Fe Yesɔ ayir kɔb, ankyak aneshir akɔ tuŋ abiŋ, ir keŋ ndi iwa ben abɛ zeu tsǝn amaa bane yik mkpaŋ kɛ li kili yir ba. 21Ndi aner kɔb abɛ Yesɔ ne wɔ ki ndi itsin, ne gar te aba abɛ vuŋu agli agar kɔb, te anuŋ adi, <<Itu maa ba yi anenen ba.>>
22Ndi amɛ abɛ tsar ne nkanlɛ yi cɛr Musa abaŋ ndi ne zi anyɛ Urshelima adi, <<Ndar yi Belzebub itum ane anerim ivuŋu! ngɔŋ ane anerim tǝ ayar anerim aruu ma te aganci avuŋu.>>
23Neme Yesɔ azhɔ ba te blaa ba nkanlɛ: <<Irim ana kikin te yar anerim rumɔi? 24Ikɔb ŋgɔŋ te gab te ntǝk yaa, ikɔbɔ ba tei klɛ ba. 25Aner abɛ miŋ kɔb bate biŋ atu ba; ikɔbɔ batei klɛ ba. 26Ate yi ndi ishetan te kyak tu maa te ŋar te nten, batei klɛ ba; iklɛtu maa ne nyɛ. 27Ai lɛ didik, nuŋ batei yir kɔb kɛ neshir ne klik te kɔte baŋ kinuŋ maa te ru ba se ne kuti akpa ner ne klik ge baliŋ. Te kashe vu kiki iyi kɔbɔ. 28Mblazhin zub, ilalɛ bɔbɔk ben nkan lǝlɛ yi sha Arik atei zuk aner azhɔk neyi. 29Ama iwaŋ ndi ate tun zhi izhu yi Arik; ne lalɛ kɛ yaŋ klɛtu keŋ ndi ba tei zuk ilalɛ maa azhɔk ba.>>
30Yesɔ adi amɛ te azǝn di <<Ayi ne anerim.>>
Iyah amaa Yesɔ ben amunzumen
31Fe iyah amaa Yesɔ ben amunzumen ne tsǝne te yir. Te aklɛkli ne bɛm, akɔ shar nuŋ te abɛ zhɔu. 32Ntsan aneshir ne kamu azhɔk ne tsutsu te diu, <<Iya mi ben amunzumin ayi ne bɛm azǝn wɔb bu.>>
33Yesɔ arib ba. <<Ayi ane ŋɔɔ ba yi iya muŋ ben amunzumɔrɔ?>>
34Akam atɔ abaŋ ndi akɔsɔŋ agankyaŋa tedi, <<Abaŋa aye ne iya muŋ ben amunzumɔr!
35Iwaŋ ndi ate naki ndi Arik adi ai wa ayi zumɔr ben va mɔr ben iya muŋ.>>
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The word for the World International and The word for the World Nigeria