Zuwã 15
15
Zezusi hã, uva 'ru uptabi na te te sina isimiré'ézé
1Tawamhã Zezusi hã te duré siwasu'u, ãne:
— Wa hã uva'ru uptabi. Duré Ĩmama hã uva'ru 'madâ'â'wa. 2Ipanhipti norĩ, ĩ'ãma 're hâimana za'ra mono nherẽ, 're i'rã za'ra mono õ hã, ta hã te te 're anhihâri. Tanei õ di, ipanhipti 're i'rã za'ra mono ma hã. Ta norĩ ma, te za i'ru nhipti si te te 're anhihâri, te te tãma 're aropese mono da, apâ duré 're 'rãi u'âsi za'ra mono da. 3A norĩ wa'wa hã, airã na te oto 're anomro aba mo, te aima 're iroti za'ra wa'aba mono zéb u'âbâ hã. 4Ma'ãpé ĩ'ãma 're aihâimana u'âsi za'ra wa'aba mono. Tawamhã wa za asiré 're ĩhâimana u'âsi za'ra wa'wa. Uva'ru panhipti hã, tiwede na 're sab u'âsi mono õ nherẽ, sihawimhã 'rãi waihu'u õ di. Tane 're ai'rãi waihu'u za'ra wa'aba mono õ di za, ĩ'ãma 're aihâimana u'âsi za'ra wa'aba mono õ wamhã.
5— Wa hã uva'ru uptabi. Tawamhã a norĩ wa'wa hã ĩpanhipti na te 're aihâimana za'ra wa'aba mo. Ni'wa hã ĩ'ãma 're hâimana u'âsi mono wamhã, duré wa hã isiré 're ĩhâimana u'âsi mono wamhã, ta hã 'rãi pese di za. E marĩ wa. Ĩ'ãma aihâimana aba õ wamhã, marĩ hã 'manharĩ waihu'u aba õ di. 6Ni'wa hã ĩ'ãma hâimana u'âsi õ wamhã, Ĩmama hã te za time ĩnhiti, 'ré da, uva'ru hã 're 'ré za'ra mono wa, da te ãma 're ro'o za'ra mono da, da te 're i'ubumroi pese za'ra mono ne. 7Ĩ'ãma 're aihâimana u'âsi za'ra wa'aba mono wamhã, duré ĩnhimiroti na 're aihâimana u'âsi za'ra wa'aba mono wamhã, uburé marĩ Ĩmama wi 're iwaptẽrẽ za'ra wa'aba mono hã te za te te aima 're anhomri 'wa. 8Taha na te za Ĩmama wẽ uptabi na 're ihâimana mono zé hã dama hâi'ré, 're i'ai'rãi pese za'ra wa'aba mono zém na. Taha zarina te za ĩzazei'wa na 're anomro aba mo. 9Ĩmama hã te te 're ĩzawi pese mono ne, wa duré te 're ai'azawi pese 'wa. Tahawa, ma'ãpé ĩ'ãma 're aihâimana u'âsi za'ra wa'aba mono, te 're i'ai'azawi pese aba mono zém na. 10Ĩnhimiroti hã 're 'madâ'â pese za'ra wa'aba mono wamhã, wa za te 're ai'azawi pese u'âsi 'wa, Ĩmama nhimiroti te 're i'ab'madâ'â pese mono ne, duré tahawa te te 're ĩzawi pese u'âsi mono ne.
11— Ãne hã wa aima rowasu'u za'ra wa'wa, ĩte rowẽ na 're aihâimana za'ra wa'aba mono da, tawamhã duré rowẽ hã, wahuré aima 're hâimana za'ra wa'aba mono da. 12Aima ĩnhimiroti za'ra wa'wa hã, ã hã: Ma'ãpé, 're asisawi pese za'ra wa'aba mono, te 're i'ai'azawi pese aba mono ne. 13Ni'wa hã simizawi pese wa, tisiwaihu'u norĩ nhibrob're sihâiba nhomri wamhã, ta hã danhipai u danhimizawi pese zé, te wasu'u. 14Ĩnhimiroti te aima i'ru za'ra wa'aba zéb zarina, 're 'manharĩ za'ra wa'aba mono wamhã, ĩsiwaihu te za 're anomro aba mo. 15Ĩma romhuri'wa na te oto 're asisi za'ra wa'aba mono õ di. E marĩ wa. Romhuri'wa hã te te waihu'u õ di, isib'ihâ'a, marĩ te te 're i'ab'manharĩ mono zé hã. Tahawa, ĩsiwaihu'u na, wa oto te 're asisi za'ra wa'wa, Ĩmama mreme uburé te 're iwapari mono zéb zarina, te aima 're rowasu'u pese za'ra wa'aba mono wa. 16A norĩ wa'wa asima ĩpisutu za'ra wa'aba õ di. Tazahã, wa hã wa tô ĩsima aipisutu za'ra wa'wa, te asatõrĩ za'ra wa'aba da, ai'rã za'ra wa'aba da zama, ai'rã za'ra wa'wa hã 're hâimana u'âsi za'ra mono da, sisimini za'ra ãna, ãne zarina, Ĩmama hã ĩnhisi na uburé marĩ tiwi 're iwaptẽrẽ za'ra wa'aba mono hã te te aima 're anhomri aba mono da. 17Ã hã ĩnhimiroti aima za'ra wa'aba hã: Ma'ãpé, 're asisawi pese za'ra wa'aba mono.
Zezusihi siré 're inomro mono norĩ, za da te 're i'ruiwapari za'ra mono zé
18— Ti'ai ãma 're idahâimana za'ra mono ĩzazei'õ'wa norĩ hã te te 're ai'ruiwapari za'ra wa'aba mono wamhã, ãma 're aipo're pu'u za'ra wa'aba mono, ta norĩ hã asõwa wa'aba te te siwi 're ĩ'ruiwapari mono na hã. 19A norĩ wa'wa hã ti'ai ãma 're idahâimana za'ra mono ĩzazei'õ'wa norĩ siré 're aihâimana za'ra wa'aba mono 'wa'âhã, te aré te te 're asawi za'ra wa'wa, isiré 're anomro aba mono wa. Tazahã, wa tô ĩsima aipisutu za'ra wa'wa. Ti'ai ãma 're idahâimana za'ra mono ĩzazei'õ'wa norĩ 're ihâimana za'ra mono hawi, wa tô duré asani za'ra wa'wa. Tahawa, oto a norĩ wa'wa hã ti'ai ãma dasiré õ di. Tahawa te ta norĩ hã te te 're ai'ruiwapari za'ra wa'wa. 20Ma'ãpé ãma 're aipo're pu'u za'ra wa'aba mono, ã hã ĩnhimiroti na hã: “Wada'uri zarina titede'wai ma romhuri'wa hã pire na hâimana waihu'u õ di, tinhib'ihâ'a nhipai u hã.” Ti'ai ãma 're idahâimana za'ra mono ĩzazei'õ'wa norĩ hã ma tô te te ĩma 're rob'manharĩ wasété za'ra. Tane te za duré te te aima 're rob'manharĩ wasété za'ra wa'wa. Ĩnhimiroti te te 're 'madâ'â pese za'ra mono wamhã, tãma 're irowahutu za'ra wa'aba mono zé hã te za duré te te 're 'madâ'â pese za'ra. 21Ĩ'u'âbâ te za uburé ãne hã da te aima 're rob'manharĩ wasété za'ra wa'wa, we ĩzatõrĩ'wa hã da te waihu'u za'ra õ wa. 22We ĩmorĩ õ 'wa'âhã, duré te dama rowasu'u õ 'wa'âhã, dawasédé hã da te aré 're 'manharĩ za'ra mono nherẽ, da te 're i'upa za'ra mono zé hã aré dama 're hâimana za'ra mono õ di. Tane nherẽ, ãhã na hã dawasété 'manharĩ na 're idasi'udâ za'ra mono zé hã oto dama 're hâimana waihu'u za'ra mono õ di. 23Ni'wa hã te te ĩ'ruiwapari wamhã, Ĩmama zama te 'ruiwapa. 24Danho'a marĩ hã niwa ni'wa te te i'manharĩ õ hã te 're a'manharĩ mono õ 'wa'âhã, dawasédé hã da te aré 're 'manharĩ za'ra mono õ di. Tazahã, ãhã na hã ma tô 'madâ'â za'ra ni, marĩ te 're i'ab'manharĩ mono zé hã. Te duré da te dasiwi 're ĩ'ruiwapari u'âsi, Ĩmama zama. 25Tane nherẽ, ãne hã ma tô tiromhâiba, tãma roti zahi za'ra na rob'ui'éré inomro hã te ĩsina uwaimrami da, ã hã: “Ma tô siwi ĩ'ruiwapari pese, marĩ te upai õ nherẽ.”
26— Dapawapto'wa Ĩmama Pẽ'ẽzani, tô sena Ĩmama hâimanazé te te dama 're i'ahâi'ré mono hã, duré Ĩmama hawi za we te isatõrĩ hã wei morĩ wamhã, ta hã te za te te aima 're ĩwaihu'u za'ra wa'wa. Wa hã wa za tô we atẽme satõrĩ za'ra wa'wa, Aipawapto aba 'wa da hã, Ĩmama hawi. 27A norĩ wa'aba zama te za dama 're ĩwasu'u za'ra wa'aba mo, romhuri na te isãna'rata hawim haré, ĩsiré 're aihâimana za'ra wa'aba mono wa.
ទើបបានជ្រើសរើសហើយ៖
Zuwã 15: xavBP
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2011, Wycliffe Bible Translators, Inc.
Zuwã 15
15
Zezusi hã, uva 'ru uptabi na te te sina isimiré'ézé
1Tawamhã Zezusi hã te duré siwasu'u, ãne:
— Wa hã uva'ru uptabi. Duré Ĩmama hã uva'ru 'madâ'â'wa. 2Ipanhipti norĩ, ĩ'ãma 're hâimana za'ra mono nherẽ, 're i'rã za'ra mono õ hã, ta hã te te 're anhihâri. Tanei õ di, ipanhipti 're i'rã za'ra mono ma hã. Ta norĩ ma, te za i'ru nhipti si te te 're anhihâri, te te tãma 're aropese mono da, apâ duré 're 'rãi u'âsi za'ra mono da. 3A norĩ wa'wa hã, airã na te oto 're anomro aba mo, te aima 're iroti za'ra wa'aba mono zéb u'âbâ hã. 4Ma'ãpé ĩ'ãma 're aihâimana u'âsi za'ra wa'aba mono. Tawamhã wa za asiré 're ĩhâimana u'âsi za'ra wa'wa. Uva'ru panhipti hã, tiwede na 're sab u'âsi mono õ nherẽ, sihawimhã 'rãi waihu'u õ di. Tane 're ai'rãi waihu'u za'ra wa'aba mono õ di za, ĩ'ãma 're aihâimana u'âsi za'ra wa'aba mono õ wamhã.
5— Wa hã uva'ru uptabi. Tawamhã a norĩ wa'wa hã ĩpanhipti na te 're aihâimana za'ra wa'aba mo. Ni'wa hã ĩ'ãma 're hâimana u'âsi mono wamhã, duré wa hã isiré 're ĩhâimana u'âsi mono wamhã, ta hã 'rãi pese di za. E marĩ wa. Ĩ'ãma aihâimana aba õ wamhã, marĩ hã 'manharĩ waihu'u aba õ di. 6Ni'wa hã ĩ'ãma hâimana u'âsi õ wamhã, Ĩmama hã te za time ĩnhiti, 'ré da, uva'ru hã 're 'ré za'ra mono wa, da te ãma 're ro'o za'ra mono da, da te 're i'ubumroi pese za'ra mono ne. 7Ĩ'ãma 're aihâimana u'âsi za'ra wa'aba mono wamhã, duré ĩnhimiroti na 're aihâimana u'âsi za'ra wa'aba mono wamhã, uburé marĩ Ĩmama wi 're iwaptẽrẽ za'ra wa'aba mono hã te za te te aima 're anhomri 'wa. 8Taha na te za Ĩmama wẽ uptabi na 're ihâimana mono zé hã dama hâi'ré, 're i'ai'rãi pese za'ra wa'aba mono zém na. Taha zarina te za ĩzazei'wa na 're anomro aba mo. 9Ĩmama hã te te 're ĩzawi pese mono ne, wa duré te 're ai'azawi pese 'wa. Tahawa, ma'ãpé ĩ'ãma 're aihâimana u'âsi za'ra wa'aba mono, te 're i'ai'azawi pese aba mono zém na. 10Ĩnhimiroti hã 're 'madâ'â pese za'ra wa'aba mono wamhã, wa za te 're ai'azawi pese u'âsi 'wa, Ĩmama nhimiroti te 're i'ab'madâ'â pese mono ne, duré tahawa te te 're ĩzawi pese u'âsi mono ne.
11— Ãne hã wa aima rowasu'u za'ra wa'wa, ĩte rowẽ na 're aihâimana za'ra wa'aba mono da, tawamhã duré rowẽ hã, wahuré aima 're hâimana za'ra wa'aba mono da. 12Aima ĩnhimiroti za'ra wa'wa hã, ã hã: Ma'ãpé, 're asisawi pese za'ra wa'aba mono, te 're i'ai'azawi pese aba mono ne. 13Ni'wa hã simizawi pese wa, tisiwaihu'u norĩ nhibrob're sihâiba nhomri wamhã, ta hã danhipai u danhimizawi pese zé, te wasu'u. 14Ĩnhimiroti te aima i'ru za'ra wa'aba zéb zarina, 're 'manharĩ za'ra wa'aba mono wamhã, ĩsiwaihu te za 're anomro aba mo. 15Ĩma romhuri'wa na te oto 're asisi za'ra wa'aba mono õ di. E marĩ wa. Romhuri'wa hã te te waihu'u õ di, isib'ihâ'a, marĩ te te 're i'ab'manharĩ mono zé hã. Tahawa, ĩsiwaihu'u na, wa oto te 're asisi za'ra wa'wa, Ĩmama mreme uburé te 're iwapari mono zéb zarina, te aima 're rowasu'u pese za'ra wa'aba mono wa. 16A norĩ wa'wa asima ĩpisutu za'ra wa'aba õ di. Tazahã, wa hã wa tô ĩsima aipisutu za'ra wa'wa, te asatõrĩ za'ra wa'aba da, ai'rã za'ra wa'aba da zama, ai'rã za'ra wa'wa hã 're hâimana u'âsi za'ra mono da, sisimini za'ra ãna, ãne zarina, Ĩmama hã ĩnhisi na uburé marĩ tiwi 're iwaptẽrẽ za'ra wa'aba mono hã te te aima 're anhomri aba mono da. 17Ã hã ĩnhimiroti aima za'ra wa'aba hã: Ma'ãpé, 're asisawi pese za'ra wa'aba mono.
Zezusihi siré 're inomro mono norĩ, za da te 're i'ruiwapari za'ra mono zé
18— Ti'ai ãma 're idahâimana za'ra mono ĩzazei'õ'wa norĩ hã te te 're ai'ruiwapari za'ra wa'aba mono wamhã, ãma 're aipo're pu'u za'ra wa'aba mono, ta norĩ hã asõwa wa'aba te te siwi 're ĩ'ruiwapari mono na hã. 19A norĩ wa'wa hã ti'ai ãma 're idahâimana za'ra mono ĩzazei'õ'wa norĩ siré 're aihâimana za'ra wa'aba mono 'wa'âhã, te aré te te 're asawi za'ra wa'wa, isiré 're anomro aba mono wa. Tazahã, wa tô ĩsima aipisutu za'ra wa'wa. Ti'ai ãma 're idahâimana za'ra mono ĩzazei'õ'wa norĩ 're ihâimana za'ra mono hawi, wa tô duré asani za'ra wa'wa. Tahawa, oto a norĩ wa'wa hã ti'ai ãma dasiré õ di. Tahawa te ta norĩ hã te te 're ai'ruiwapari za'ra wa'wa. 20Ma'ãpé ãma 're aipo're pu'u za'ra wa'aba mono, ã hã ĩnhimiroti na hã: “Wada'uri zarina titede'wai ma romhuri'wa hã pire na hâimana waihu'u õ di, tinhib'ihâ'a nhipai u hã.” Ti'ai ãma 're idahâimana za'ra mono ĩzazei'õ'wa norĩ hã ma tô te te ĩma 're rob'manharĩ wasété za'ra. Tane te za duré te te aima 're rob'manharĩ wasété za'ra wa'wa. Ĩnhimiroti te te 're 'madâ'â pese za'ra mono wamhã, tãma 're irowahutu za'ra wa'aba mono zé hã te za duré te te 're 'madâ'â pese za'ra. 21Ĩ'u'âbâ te za uburé ãne hã da te aima 're rob'manharĩ wasété za'ra wa'wa, we ĩzatõrĩ'wa hã da te waihu'u za'ra õ wa. 22We ĩmorĩ õ 'wa'âhã, duré te dama rowasu'u õ 'wa'âhã, dawasédé hã da te aré 're 'manharĩ za'ra mono nherẽ, da te 're i'upa za'ra mono zé hã aré dama 're hâimana za'ra mono õ di. Tane nherẽ, ãhã na hã dawasété 'manharĩ na 're idasi'udâ za'ra mono zé hã oto dama 're hâimana waihu'u za'ra mono õ di. 23Ni'wa hã te te ĩ'ruiwapari wamhã, Ĩmama zama te 'ruiwapa. 24Danho'a marĩ hã niwa ni'wa te te i'manharĩ õ hã te 're a'manharĩ mono õ 'wa'âhã, dawasédé hã da te aré 're 'manharĩ za'ra mono õ di. Tazahã, ãhã na hã ma tô 'madâ'â za'ra ni, marĩ te 're i'ab'manharĩ mono zé hã. Te duré da te dasiwi 're ĩ'ruiwapari u'âsi, Ĩmama zama. 25Tane nherẽ, ãne hã ma tô tiromhâiba, tãma roti zahi za'ra na rob'ui'éré inomro hã te ĩsina uwaimrami da, ã hã: “Ma tô siwi ĩ'ruiwapari pese, marĩ te upai õ nherẽ.”
26— Dapawapto'wa Ĩmama Pẽ'ẽzani, tô sena Ĩmama hâimanazé te te dama 're i'ahâi'ré mono hã, duré Ĩmama hawi za we te isatõrĩ hã wei morĩ wamhã, ta hã te za te te aima 're ĩwaihu'u za'ra wa'wa. Wa hã wa za tô we atẽme satõrĩ za'ra wa'wa, Aipawapto aba 'wa da hã, Ĩmama hawi. 27A norĩ wa'aba zama te za dama 're ĩwasu'u za'ra wa'aba mo, romhuri na te isãna'rata hawim haré, ĩsiré 're aihâimana za'ra wa'aba mono wa.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2011, Wycliffe Bible Translators, Inc.