ទំនុកតម្កើង 121
121
តើមាននរណាជួយខ្ញុំឬទេ?
បទចម្រៀងសម្រាប់ឡើងទៅព្រះវិហារ។
1ខ្ញុំងើបមុខឡើង
សម្លឹងឆ្ពោះទៅរកភ្នំ
តើមាននរណាមកជួយខ្ញុំឬទេ?
2គឺមានតែព្រះអម្ចាស់ដែលបានបង្កើតផ្ទៃមេឃ
និងផែនដីប៉ុណ្ណោះ
ដែលនឹងយាងមកជួយខ្ញុំ។
3ព្រះអង្គមិនបណ្តោយឲ្យជើង
របស់អ្នកជំពប់ដួល
ព្រះអង្គនឹងថែរក្សាការពារអ្នក
ដោយឥតធ្វេសប្រហែស
4ព្រះអង្គដែលថែរក្សាការពារជនជាតិអ៊ីស្រាអែល
ទ្រង់នឹងមិនងោកងុយ មិនផ្ទំលក់សោះឡើយ។
5 ព្រះអម្ចាស់នឹងថែរក្សាការពារអ្នក
ព្រះអម្ចាស់គង់នៅខាងស្ដាំ ធ្វើជាម្លប់របស់អ្នក។
6នៅពេលថ្ងៃ ព្រះអាទិត្យនឹងមិនធ្វើទុក្ខអ្នកឡើយ
ហើយនៅពេលយប់
ព្រះច័ន្ទក៏នឹងមិនធ្វើទុក្ខអ្នកដែរ។
7 ព្រះអម្ចាស់នឹងថែរក្សាការពារជីវិតអ្នក
កុំឲ្យការអាក្រក់ណាមួយ
កើតមានដល់អ្នកឡើយ។
8 ព្រះអម្ចាស់ថែរក្សាអ្នកនៅពេលចេញដំណើរ
រហូតដល់ពេលត្រឡប់មកវិញ
ចាប់តាំងពីពេលនេះរហូតតរៀងទៅ។
ទើបបានជ្រើសរើសហើយ៖
ទំនុកតម្កើង 121: គខប
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Khmer Standard Version © 2005 United Bible Societies.