Luku 19
19
1Naŵo ŵaYesu ŵaliinjile mumusi waJeliko, nekulukupita; 2lomba emwali umbi umuntu, isina lyakwe niSakayo, umusoŋkesi umukulu; naye ali muŵile. 3Lomba alukufwayo'kuŵaŵona ŵa Yesu ati mbaniŵanani; sombi taesiŵile-po pakuti peŵumba, pakuti ali mwipi. 4Peŋka aliwutucile kuntanjile, nekunina nakumukuyu ati aŵaŵone, pakuti insile'yo emo ŵakupitila. 5ŴaYesu, pakufika peŋka'po, ŵaliceŵucile kwiulu, nekulaŵila kuli ye ati: Sakayo, aŋgufya ukuseluka, pakuti lelo ukuŋgelelwa ukwikala muŋanda yoŵe. 6Naye alipulilile ukuseluka, nekuŵapokelela nekulukusaŋgalala. 7Lomba ŵonse, pakuŵone'fyo, ŵalukuliŋwiŋwisya ati: Ainjila mukwikala nemuntu imbifi. 8Popele Sakayo aliimakene, nekulaŵila kuli ŵaSikulu ati: Ŵoneni Sikulu, ndukwaŵanya pakati amaŵoni anji, nekuŵapela awapeŋgele; nakaŵili kani neŵo nekukakatisya umbi umuntu ukumufumbucila lukoso ati ampele icintu, lomba ndukubwesya copele'co nafimbi fitatu peulu. 9Peŋka ŵaYesu ŵalilaŵile kuli ye ati: Lelo ukupulusya kwaisa kunanda iyi, pakuti uyu naye mwana wakwe Ablaamu. 10Pakuti Umwana waMuntunsi waliisile mukufwaya-fwaya nekufipulusya ifyaluŵile.
11Lomba ili ŵaumfwile'fyo-fintu aŵantu, ŵalilundile-po nekulaŵila icakupalanya, pakuti ŵali apepi kuJelusalemi, nakaŵili pakuti aŵantu walukulaŋguluka ati Uŵufumu bwaŵaLesa bwakuŵoneka iyo-mpindi yopele. 12Pakuti pali fyefyo, ŵalilaŵile ati: Imfumu imbi yaliile kucalo ukutali, ati ŋkapoke uwufumu, ŋkabwele. 13Lomba yaliŵetile aŵantu ŵaiyo ikumi, nekuŵapela impondo ikumi, nekulaŵila kuli ŵo ati: Ŋgamufuŵulule uŵuŵoni ili nsiŋgesa. 14Sombi aŵantu aŵamumusi waiyo ŵaliifitilwe, nekutuma iŋkalamba mukwilonda, nekulaŵila ati: Tatulukufwaya ati uyu-muntu atwikalike.
15Popele lomba, ili yapokele uŵufumu, nekubwela, yaliŵaŵulile aŵantu ati ŵeteni aŵapyunjisi aŵo aŵa napele indalama, ati njisiŵe ifyafyefyo ifi ŵabwenapo pakufuŵululo'ŵuŵoni. 16Peŋka uwatanjile aliisile pamenso aiyo, nekulaŵila ati: Sikulu, impondo yenu yalibwenene-po nasimbi ikumi. 17Nayo yalilaŵile kuli ye ati: Wacita bwino, wemupyunjisi uweme; pakuti waŵoneka uli utekenye kufintu ifice, upoke uŵukulu bwapamisi ikumi. 18Naye uwaŵuŵaŵili waliisile, nekulaŵila ati: Impondo yenu, Sikulu, yalibwenene-po nasimbi impondo sisanu. 19Nayo yalilaŵile nakuli woyo ati: Ulukwikalika naweŵo imisi isanu. 20Naumbi naye aliisile nekulaŵila ati: Sikulu ŵoneni, impondo yenu nji, yopele'yi nakacile mucitambala; 21pakuti nalukumutineni, pakuti muli ŵantu ŵalukansa: mulaŵula ifyo ifi tamwatulile, nekuteŵula nafyefyo ifi tamwaŵyele. 22Nayo yalilaŵile kuli ye ati: Kumasiwi afumine kukanwa koŵe wemwine, ndukukusinina, wemupyunjisi uŵipile. Waliisiŵile ati ndi muntu walukansa, uŵula-po ifyo ifi nsi natulile, nekuteŵula nafyefyo ifi nsinaŵyele; 23peŋka mbanindo taŵapele indalama syanji kucipawo, ati pakwisa neŵo njisiŵe ukupoke'syanji pamo nesyakubwenapo? 24Lomba yalilaŵile kuli ŵaŵo aŵaimakene apo ati: Mumupokolole impondo iyo, mumupelo'yo uli nempondo ikumi. 25Naŵo ŵalilaŵile kuli yo ati: MweŵaSikulu ali nempondo ikumi! 26Ndukumuŵuleni ati kuli ŵaŵo ŵonse aŵali nafyo fikapelwa; sombi kuli woyo utaakwete, nafyefyo ifi ali nafyo, fikapokololwa. 27Sombi uto-tupondo twanji, utwakene ati nsikatwikalika, ŋgamutulete kuno, mutwipaye pamenso anji.
28Lomba, ili ŵalaŵile'fyo, ŵalitanjile ukunina kuJelusalemi.
29Peŋka'po, pakupalamina kuBetafage naBetania, kulupili ulo ulwailicilwe ati lwaMaolife paliŵele ati ŵalitumine aŵasambile ŵaŵo ŵaŵili, 30nekulaŵila ati: Kamuyeni kumusi uyo mukasiŋkamana-po. Mopele umo, pakwinjila-mo, mwakusaŋgana nikumwana wamboŋgolo ukacilwe, pali woyo lomba tapaŋgekalapo muntu neli umo; mumukakulule, mumulete. 31Lomba kani umbi akumwipusyeni ati: Mbanindo mulukumukakulwila? mwakulaŵile'fi ati: ŴaSikulu ŵalukumufwaya. 32Naŵo aŵatuminwe ŵalikumbulucile, nekusaŋga koti nifyopele'fyo ifi ŵaŵaŵulile. 33Lomba, ili ŵalukukakulula umwana wamboŋgolo, aŵene ŵalilaŵile kuli ŵo ati: Mbanindo mulukukakulwila umwana wamboŋgolo? 34Naŵoati: ŴaSikulu ŵalukumufwaya. 35Naŵo ŵalimutwite kuli ŵaYesu; nekuŵika-po pamboŋgolo ifyakufwala fyaŵo, nekuŵekalika-po naŵaYesu. 36Peŋka ili ŵalukwenda, ŵaliansicile ifyakufwala fyaŵo munsila. 37Lomba, pakupalamina ŵo apakukuŋkulucila ulupili lwaMaolife, iŵumba lyonse ilyaŵasambile lyalitaticile ukulukusemba, nekulukucindika ŵaLesa nesiwi'likulu, pakuti pamilimo yonse iyamakosa iyo iyi ŵabwene; 38nekulaŵila ati: Ilicindeme imfumu ilukwisa mwisina lyaŵaSikulu: uŵutende bwikale kwiulu, neŵuleme kwiulu kwancimbwe! 39Peŋka aŵaFalisi ŵambi aŵamwiŵumba ŵalilaŵile kuli ŵo ati: MweŵaSambisi, muŵakanye aŵasambile ŵenu. 40Naŵo ŵaliasucile ati: Ndukumuŵuleni ati kani aŵa ŵalukwikele celele, lomba nemabwe akulila!
41Peŋka, pakupalamina, ŵalibwene umusi nekuulilila, 42nekulaŵila ati: Ŋga waisiŵa akasuŵa kano, eweŵo, ifintu ifyaŵutende! Sombi ŵukumo filifisilwe kumenso oŵe. 43Pakuti insiku sikesa pali weŵo, lomba utupondo toŵe tukasapika umulala pali weŵo, nekukusiŋguluka, nekukucicila ponse ponse, 44nekukuwisisya pansi, neŵana ŵoŵe pamo; peŋka tatukasya muli weŵo neli libwe limo paliŵyakwe; pakuti taŵaisiŵile impindi yakuficilwa koŵe.
45Lomba ŵaliinjile namwitempuli, nekutatika ukuŵatamfya aŵo aŵalukuulisya, 46ili ŵalaŵila kuli ŵo ati: Fililembelwe ati: Nenanda yanji nayo ikalukuli niŋanda yakutembelela-mo; sombi mweŵo mwayalula liceŋgo lyawaŋo!
47Peŋka'po walukusambisya insiku syonse mwitempuli. Sombi aŵapapatilisi aŵakulu neŵalembesi neŵacindeme ŵalifwaile ukumwipaya. 48Sombi taŵabwene-po umwakuficitila, pakuti aŵantu ŵonse ŵalukukutika, nekulukuŵomfwisya.
ទើបបានជ្រើសរើសហើយ៖
Luku 19: AAL59
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lamba Bible Version © United Bible Societies, 1959.
Luku 19
19
1Naŵo ŵaYesu ŵaliinjile mumusi waJeliko, nekulukupita; 2lomba emwali umbi umuntu, isina lyakwe niSakayo, umusoŋkesi umukulu; naye ali muŵile. 3Lomba alukufwayo'kuŵaŵona ŵa Yesu ati mbaniŵanani; sombi taesiŵile-po pakuti peŵumba, pakuti ali mwipi. 4Peŋka aliwutucile kuntanjile, nekunina nakumukuyu ati aŵaŵone, pakuti insile'yo emo ŵakupitila. 5ŴaYesu, pakufika peŋka'po, ŵaliceŵucile kwiulu, nekulaŵila kuli ye ati: Sakayo, aŋgufya ukuseluka, pakuti lelo ukuŋgelelwa ukwikala muŋanda yoŵe. 6Naye alipulilile ukuseluka, nekuŵapokelela nekulukusaŋgalala. 7Lomba ŵonse, pakuŵone'fyo, ŵalukuliŋwiŋwisya ati: Ainjila mukwikala nemuntu imbifi. 8Popele Sakayo aliimakene, nekulaŵila kuli ŵaSikulu ati: Ŵoneni Sikulu, ndukwaŵanya pakati amaŵoni anji, nekuŵapela awapeŋgele; nakaŵili kani neŵo nekukakatisya umbi umuntu ukumufumbucila lukoso ati ampele icintu, lomba ndukubwesya copele'co nafimbi fitatu peulu. 9Peŋka ŵaYesu ŵalilaŵile kuli ye ati: Lelo ukupulusya kwaisa kunanda iyi, pakuti uyu naye mwana wakwe Ablaamu. 10Pakuti Umwana waMuntunsi waliisile mukufwaya-fwaya nekufipulusya ifyaluŵile.
11Lomba ili ŵaumfwile'fyo-fintu aŵantu, ŵalilundile-po nekulaŵila icakupalanya, pakuti ŵali apepi kuJelusalemi, nakaŵili pakuti aŵantu walukulaŋguluka ati Uŵufumu bwaŵaLesa bwakuŵoneka iyo-mpindi yopele. 12Pakuti pali fyefyo, ŵalilaŵile ati: Imfumu imbi yaliile kucalo ukutali, ati ŋkapoke uwufumu, ŋkabwele. 13Lomba yaliŵetile aŵantu ŵaiyo ikumi, nekuŵapela impondo ikumi, nekulaŵila kuli ŵo ati: Ŋgamufuŵulule uŵuŵoni ili nsiŋgesa. 14Sombi aŵantu aŵamumusi waiyo ŵaliifitilwe, nekutuma iŋkalamba mukwilonda, nekulaŵila ati: Tatulukufwaya ati uyu-muntu atwikalike.
15Popele lomba, ili yapokele uŵufumu, nekubwela, yaliŵaŵulile aŵantu ati ŵeteni aŵapyunjisi aŵo aŵa napele indalama, ati njisiŵe ifyafyefyo ifi ŵabwenapo pakufuŵululo'ŵuŵoni. 16Peŋka uwatanjile aliisile pamenso aiyo, nekulaŵila ati: Sikulu, impondo yenu yalibwenene-po nasimbi ikumi. 17Nayo yalilaŵile kuli ye ati: Wacita bwino, wemupyunjisi uweme; pakuti waŵoneka uli utekenye kufintu ifice, upoke uŵukulu bwapamisi ikumi. 18Naye uwaŵuŵaŵili waliisile, nekulaŵila ati: Impondo yenu, Sikulu, yalibwenene-po nasimbi impondo sisanu. 19Nayo yalilaŵile nakuli woyo ati: Ulukwikalika naweŵo imisi isanu. 20Naumbi naye aliisile nekulaŵila ati: Sikulu ŵoneni, impondo yenu nji, yopele'yi nakacile mucitambala; 21pakuti nalukumutineni, pakuti muli ŵantu ŵalukansa: mulaŵula ifyo ifi tamwatulile, nekuteŵula nafyefyo ifi tamwaŵyele. 22Nayo yalilaŵile kuli ye ati: Kumasiwi afumine kukanwa koŵe wemwine, ndukukusinina, wemupyunjisi uŵipile. Waliisiŵile ati ndi muntu walukansa, uŵula-po ifyo ifi nsi natulile, nekuteŵula nafyefyo ifi nsinaŵyele; 23peŋka mbanindo taŵapele indalama syanji kucipawo, ati pakwisa neŵo njisiŵe ukupoke'syanji pamo nesyakubwenapo? 24Lomba yalilaŵile kuli ŵaŵo aŵaimakene apo ati: Mumupokolole impondo iyo, mumupelo'yo uli nempondo ikumi. 25Naŵo ŵalilaŵile kuli yo ati: MweŵaSikulu ali nempondo ikumi! 26Ndukumuŵuleni ati kuli ŵaŵo ŵonse aŵali nafyo fikapelwa; sombi kuli woyo utaakwete, nafyefyo ifi ali nafyo, fikapokololwa. 27Sombi uto-tupondo twanji, utwakene ati nsikatwikalika, ŋgamutulete kuno, mutwipaye pamenso anji.
28Lomba, ili ŵalaŵile'fyo, ŵalitanjile ukunina kuJelusalemi.
29Peŋka'po, pakupalamina kuBetafage naBetania, kulupili ulo ulwailicilwe ati lwaMaolife paliŵele ati ŵalitumine aŵasambile ŵaŵo ŵaŵili, 30nekulaŵila ati: Kamuyeni kumusi uyo mukasiŋkamana-po. Mopele umo, pakwinjila-mo, mwakusaŋgana nikumwana wamboŋgolo ukacilwe, pali woyo lomba tapaŋgekalapo muntu neli umo; mumukakulule, mumulete. 31Lomba kani umbi akumwipusyeni ati: Mbanindo mulukumukakulwila? mwakulaŵile'fi ati: ŴaSikulu ŵalukumufwaya. 32Naŵo aŵatuminwe ŵalikumbulucile, nekusaŋga koti nifyopele'fyo ifi ŵaŵaŵulile. 33Lomba, ili ŵalukukakulula umwana wamboŋgolo, aŵene ŵalilaŵile kuli ŵo ati: Mbanindo mulukukakulwila umwana wamboŋgolo? 34Naŵoati: ŴaSikulu ŵalukumufwaya. 35Naŵo ŵalimutwite kuli ŵaYesu; nekuŵika-po pamboŋgolo ifyakufwala fyaŵo, nekuŵekalika-po naŵaYesu. 36Peŋka ili ŵalukwenda, ŵaliansicile ifyakufwala fyaŵo munsila. 37Lomba, pakupalamina ŵo apakukuŋkulucila ulupili lwaMaolife, iŵumba lyonse ilyaŵasambile lyalitaticile ukulukusemba, nekulukucindika ŵaLesa nesiwi'likulu, pakuti pamilimo yonse iyamakosa iyo iyi ŵabwene; 38nekulaŵila ati: Ilicindeme imfumu ilukwisa mwisina lyaŵaSikulu: uŵutende bwikale kwiulu, neŵuleme kwiulu kwancimbwe! 39Peŋka aŵaFalisi ŵambi aŵamwiŵumba ŵalilaŵile kuli ŵo ati: MweŵaSambisi, muŵakanye aŵasambile ŵenu. 40Naŵo ŵaliasucile ati: Ndukumuŵuleni ati kani aŵa ŵalukwikele celele, lomba nemabwe akulila!
41Peŋka, pakupalamina, ŵalibwene umusi nekuulilila, 42nekulaŵila ati: Ŋga waisiŵa akasuŵa kano, eweŵo, ifintu ifyaŵutende! Sombi ŵukumo filifisilwe kumenso oŵe. 43Pakuti insiku sikesa pali weŵo, lomba utupondo toŵe tukasapika umulala pali weŵo, nekukusiŋguluka, nekukucicila ponse ponse, 44nekukuwisisya pansi, neŵana ŵoŵe pamo; peŋka tatukasya muli weŵo neli libwe limo paliŵyakwe; pakuti taŵaisiŵile impindi yakuficilwa koŵe.
45Lomba ŵaliinjile namwitempuli, nekutatika ukuŵatamfya aŵo aŵalukuulisya, 46ili ŵalaŵila kuli ŵo ati: Fililembelwe ati: Nenanda yanji nayo ikalukuli niŋanda yakutembelela-mo; sombi mweŵo mwayalula liceŋgo lyawaŋo!
47Peŋka'po walukusambisya insiku syonse mwitempuli. Sombi aŵapapatilisi aŵakulu neŵalembesi neŵacindeme ŵalifwaile ukumwipaya. 48Sombi taŵabwene-po umwakuficitila, pakuti aŵantu ŵonse ŵalukukutika, nekulukuŵomfwisya.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lamba Bible Version © United Bible Societies, 1959.