Johane 1
1
Ijwi mbwaakalifungula mubili
1 #
1 Joh 1:1,2; Joh 17:5; Ciy 19:13 Kumatalikilo Ijwi wakaliko, awalo Ijwi wakali antoomwe a-Leza, eno Ijwi oyo wakali Leza, 2#Tus 8:22Ngonguwe uwakali kuli-Leza kumatalikilo.
3 #
Kol 1:16,17; Heb 1:2 Zyoonse zintu nkozyakaanzwa kulinguwe, kuti naatali nguwe nokutakwe ecomwe icakaanzwa. 4#Joh 5:26Mulinguwe momwakali buumi, buumi obu wakali Mumuni wabantu. 5#Joh 3:19Mumuni ulamweka mumudima, pele mudima tuuzundide. 6#Mt 3:1; Mk 1:4; Lk 3:1-2; 1:13-17,57-80Kwakali muntu uwakatumwa Leza, uwakali ezina lya-Johane. 7#Lk 3:3Ngonguwe uwakazida bumboni, azoolungulule makani aa-Mumuni, kuti nkaambo kamajwi aakwe bantu boonse basyome. 8#Joh 1:20Walo mwini engwe ngowakali Mumuni, pele wakazida kuzoolungulula Mumuni oyo. 9Walo ngo-Mumuni mwinimwini uumunikila bantu boonse abazyalwa ansi ano. 10#Joh 1:3-5Wakaliwo ansi, inyika yakaanzwa nguwe, pele inyika tiikamuzibide. 11Wakeza kubwami bwakwe mwini, pele bana bakwe tabakamuzuminide. 12#Gal 3:26Ino boonse abamuzumina, nkokuti abasyoma zina lyakwe, wabaabila nguzu zyakusanduka akuba bana ba-Leza, 13#Joh 3:5,6kutaamba bana abakazyalwa kubantu, nokuba kukuyanda kwakuzyalana kwabuntu, nokuba kukuyanda kwamwaalumi, pele mbana abakazyalwa kuli-Leza. 14#Is 7:14; 2 Pet 1:16,17; Is 60:1; Lk 9:32Awalo Ijwi wakalifungula waba mubili wabuntu uwakakalakala akati kesu, uwakazywide luzyalo abwini, aswebo twakeebela bulemu bwakwe, bulemu ububa anga mbwa-Mwana uuzyalwa alike kuli-Wisi. 15#Joh 1:27,30; Mt 3:11Johane wali kumulungulula, wali koompolola kuti, Ngonguwe oyu ngwendakali kumwaambila kuti, Uuza munsi lyangu uli kumbele lyangu, nkaambo ngomutaanzi kulindime. 16#Joh 3:34; Kol 1:19Swebo toonse twakatambula kukuzyula kwakwe, luzyalo uluyungililwa luzyalo. 17#Rom 6:14; 10:4; Kul 34:6; Int 25:10; 40:10; 85:10Nkaambo mulao wakapegwa Musa, pele luzyalo abwini zyakazwa kuli-Jesu Kristo. 18#Joh 6:46; 1 Joh 4:12; Mt 11:27; Lk 10:22; 1 Tim 6:16Takukwe muntu uwakabona Leza neciba ciindi comwe, pele Mwana, simuzyalwa alike, uukede acamba ca-Wisi, ngowakatwaambila aanguwe.
Bumboni bwa-Johane Mubapatizi
(Matayo 3:1-12; Marko 1:1-8; Luka 3:1-18)
19 #
Lk 3:15,16 Eno obu mbobumboni bwa-Johane, ba-Juda nobakatuma kulinguwe bapaizi aba-Levi abazwa ku-Jerusalemu, kumubuzya kuti, Nduweni? 20#Inc 13:25Walo wakazumina takakazizye, wakazumina kuti, Endime Kristo pe. 21#Dt 18:15,18; Mal 4:5; Mt 17:10; Joh 6:14; 7:40Bakamubuzya kuti, Ino nduweni? Sena nduwe Eliya? Wakati, Endime. Sena nduwe musinsimi oyo? Wakavuwa kuti, Pe. 22Nkaambo kaako bakamubuzya kuti, Ino kai nduweni? Twaambile kuti tukabalungulwide kabotu abo abakatutuma, Ulaamba buti? 23#Is 40:3; Mt 3:3; Mk 1:3; Lk 3:4Wakati, Ndime ijwi lyayooyo uuompolola munkanda uuti, Amululamike nzila ya-Jehova, mbubonya mbwaakaamba musinsimi Isaya. 24Eno abo abakali kutumidwe bakazwa kubaFarisi. 25#Mt 21:25Nkabela bakamubuzya kuti, Ino nkaambonzi ncobapatizya yebo, anooli toli Kristo naba Eliya, naba musinsimi oyo? 26#Mt 3:11; Mk 1:7,8Johane wakabavuwa kuti, Mebo ndabapatizya amaanzi. Akati kanu mpali omwe uuimvwi ngomutezi, 27#Joh 3:26; Inc 13:25nguwenya uuza munsi lyangu, ngwenteelede kuti ndyaangunune kaanzyo kandyasyo yakwe. 28#Mt 3:6,13Ezi zintu zyakacitika mu-Betaniya kutala lya-Jordano, nkwaali kubapatizya Johane.
29 #
Joh 1:36; Is 53:7 Nobwakaca wakabona Jesu uza kulinguwe wakati, Amubone, Mwanaambelele wa-Leza, uugwisya cibi cenyika. 30#Joh 15:27Ngonguwe oyo ngwendakali kwaamba kuti, Munsi lyangu uleza muntu uuli kumbele lyangu, nkaambo ngomutaanzi kulindime. 31Eno nsendali kumuzi, pele kuti ayubululwe kuli-Israyeli, ncendakazida kuzoobapatizya amaanzi. 32#Mt 3:16; Mk 1:10; Lk 3:22Alimwi Johane wakalungulula kuti, Ndakabona Muuya ulaseluka, uli mbuli nziba iizwa kujulu, wakakala alinguwe. 33#Lk 3:2; Mt 3:16Nsendali kumuzi, pele oyo uwakandituma kuyoobapatizya amaan: I, walo wakandaambila kuti, Oyo ngoyoobona kuti Muuya waseluka alinguwe akumukala, ngonguwe uubapatizya a-Muuya Uusalala. 34#Mt 3:17Eno ndakabona, ndakalungulula kuti oyu ngo-Mwana a-Leza,
Basikwiiya bataanzi ba-Jesu
35Alimwi nobwakaca Johane wakali kwiimvwi, abasikwiiya bakwe bobile, 36#Joh 1:29; Is 53:7wakazilikila Jesu naali kuya bweenda wakati, Amulange. Mwanaambelele wa-Leza, 37Abalo basikwiiya bobile bakamumvwa naakaamba, nkabela bakamucilila Jesu. 38Eno Jesu wakacebuka, wakababona baza bumucilide, wakabaambila kuti, Muyandaulanzi? Bakamwaambila kuti, Rabi, (nkokuti kukupandululwa, Mwiiyi) ukala kuli? 39Wakabaambila kuti, Amuboole muzoobone. Nkaambo kaako bakaboola, bakabona nkwaali kukala, bakakala awalo elyo zuba, kwali kumazuba. 40#Mt 4:18-22Umwi wabaabo bobile abakamvwa Johane naakaamba, akumucilila Jesu, wali Andreya, mwanaakwabo Simoni Petro. 41#1 Sam 2:10; Int 2:2Wakasaanguna kuyoojana mwanaakwabo mwini Simoni, wamwaambila kuti, Twamujana Mesiya (nkokuti kukupandululwa, Kristo). 42#Mt 16:18; Mk 3:16Wakamuleta kuli-Jesu, Jesu wakamuzilikila wakati, Nduwe Simoni mwana a-Jona, uyootegwa Kefasi (nkokuti kukupandululwa, Petro).
43 #
Mt 8:22; Mk 2:14 Nobwakaca wakakanza kwiinka ku-Galilaya, wakajana Filipo. Jesu wakamwaambila kuti, Ndicilila. 44Eno Filipo wakali waku-Betsaida, wamumunzi wabo Andreya a-Petro. 45#Dt 18:18; Is 7:14; 53:2; Jer 23:5; Ezk 34:23Filipo wakajana Natanayeli, wamwaambila kuti, Twakamujana oyo ngwaakalemba Musa mumulao, abasinsimi, nguwenya Jesu waku-Nazareta, mwana a-Josefa. 46#Joh 7:41,52Natanayeli wakamwaambila kuti, Sena kuli cintu cibotu icikonzya kuzwa mu-Nazareta Filipo wamwaambila kuti, Koboola uzoobone. 47#Int 32:2; 73:1; Matl 25:27Jesu wakabona Natanayeli uza bweenda, wakamwaamba kuti, Amubone, mu-Israyeli mwinimwini uutakwe luuni. 48Natanayeli wakamwaambila kuti, Ino wandiziba buti? Jesu wakavuwa kuti, Ede, katana kukwiita Filipo, ndakubona ucili kunsi abukuyu. 49#2 Sam 7:14; Joh 6:69; Int 2:7; Mt 14:33; 16:16Natanayeli wakamuvuwa kuti, Rabi, nduwe Mwana a-Leza, nduwe Mwami wa-Israyeli, 50Jesu wakavuwa wakati kulinguwe, Sena mbwendaamba kuti ndakubona ucili kunsi abukuyu, ncowasyoma na? Uzoobona zimbi zintu zipati iziinda ezi. 51#Matl 28:12; Mt 4:11; Mk 1:13Wamwaambila kuti, Ncobeni ndamwaambila kuti, Muyoobona ijulu lyaba bukwazi, abaangelo ba-Leza balatanta akuseluka a-Mwana a-Muntu.
ទើបបានជ្រើសរើសហើយ៖
Johane 1: Ibbaib63
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Bible in Tonga (Zambia) © United Bible Societies, 1963.