Romaĉantyidyes 3ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

ĉaĉaij na räj juchajtum bäꞌjaꞌ úchety tsun, anic moch buꞌjaꞌ, mijam c̣hẹiꞌyaꞌ buꞌjaꞌ Jenꞌyaꞌ muꞌ mạijquedyeꞌtumtyiꞌyaꞌ Jenꞌ. Muꞌ na Jenꞌ fibiꞌyaꞌ ñịbeꞌjisinꞌ rụij yuꞌsinꞌ, ĉaĉaij na muꞌ Cristo Jesús jiyaꞌdyiyibusinꞌ juchaj tsun.

Muꞌdye Jenꞌ rụij yụꞌtacsi muntyiꞌ in anicyedyeꞌyaꞌ Jesucristocheꞌ in, räj muꞌin anicjetety in, räj muꞌ rụij yụꞌtacsi, anic cäts cạvacsi räj muntyiꞌ in

Jenꞌ yuꞌtyiyisinꞌ tsun muꞌ Jesucristo paj qui jiꞌijate tsundyes paj qui chäshyaꞌ muꞌ yaꞌityibusinꞌ juchaj tsun, anicyejaꞌyaꞌ muꞌcheꞌ tsun. Meꞌ yi muꞌ Jenꞌ jiquej paj qui tupuj chị́jaꞌ junꞌ chuc muꞌ Jenꞌ rụij yụꞌtacsi muꞌin anicjetety Jesucristo in. Tashcheꞌ jiquej muꞌ Jenꞌ dyichjeyacsebi juchaj muntyis muꞌin, jam cavintum vaꞌtacdyeꞌ soꞌmacsi. Q̂uinꞌ qui namꞌ muꞌ Jenꞌ yụꞌtaqui ĉụiꞌtyiꞌ Ạvaꞌ muꞌ säñi muntyidyes juchaj, mọꞌ jorojĉanyiꞌ muꞌ anic rụijtyity fạ́quety juchaj. Meꞌ tsanꞌ meꞌ rụijtyity muꞌ, rụij qui namꞌ yụꞌtacsi tyi chuc anicjetety Jesucristo in.

Meꞌ meꞌ qui jam tyi rụij yụꞌtac Jenꞌsiꞌyaꞌ vej muꞌ, meꞌ tsanꞌ chiqueptety in yụꞌtacdyeꞌ muꞌ, ĉaĉaij na mọꞌ yụꞌtyeꞌ muꞌ Jenꞌ mọꞌ yụꞌtacdyeꞌ paj qui mọꞌ jịꞌchicacdyes mọmoꞌ juchaj tsun.

Yiꞌ sánacdyeꞌ: "¡Itŝij méquity rụijtyity muꞌyaꞌ muntyiꞌ, mijam yirity! Mijam yirity dyijyity Jenꞌcheꞌ, mijam yirity quevte Jenꞌ. Räj muntyiꞌ murujrutyete Jenꞌ in, mijam yirity rụij bäꞌyity in, räjenꞌ ac̣hiꞌyacñity in, mijam yirity vaꞌ in.

Mọꞌdyes jorojĉan shupquiꞌ junꞌ chuc muꞌ Jenꞌ rụij yụꞌtacsi muꞌin mọmoꞌ anicjetety in, meꞌ tsanꞌ jam cäc̣häꞌchuptety yụꞌtacdyeꞌ in, anicyedyeꞌyamꞌ muꞌ rụij yụꞌtacsi.

Jenꞌ jam raꞌ junꞌ farajjeyaqui rụijsis dyijyedyeꞌ muꞌ, meꞌ tsanꞌ räj muntyiꞌ in väväjñity shupqui in, jam mọꞌ chiqueꞌ in, tacaꞌdye qui namꞌ Jenꞌ jịꞌcätseꞌ mọꞌ p̂eyacdyeꞌ muꞌ. Mọꞌdye p̂eyeꞌ sánacdyeꞌ yiꞌ: "Jorojĉan nash rụijsis p̂eyacdyeꞌ mi, mọꞌ mọmoꞌ p̂eyeꞌ mi rụijsis, räj jiꞌpenacsim muꞌin ñäñintyiꞌ in", yiꞌ sánacdyeꞌ.