Romaĉantyidyes 4ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

Muꞌ jam junꞌ farajjepte p̂eyacdyeꞌ Jenꞌsiꞌ muꞌ, yejĉoij anicjepte, fer buꞌyi qui ĉojtyiꞌĉan timaꞌquete Jenꞌ. Mijam yocve dyijyi muꞌ, chị́yete Jenꞌ muꞌ nash ferdyeꞌtumtyiꞌ paj qui jịꞌcätseꞌ p̂eyacdyeꞌ muꞌ, mọꞌ jasoꞌmitis jiquej, mọꞌdyes qui fercheꞌ anicjete Jenꞌ.

Meꞌ cạ̈tsiꞌ mọꞌ sánacdyeꞌ yiꞌ: "Yụ raꞌ yụꞌtyeye mi paj qui anic daiꞌ shupqui in vóshiꞌ mi, paiꞌ buꞌyi raꞌ in, mi raꞌ jenꞌ buꞌyi shupqui muꞌindyes", jajiti Jenꞌ jiquej. Muꞌdye Jenꞌ anicjetety Abraham, muꞌ jịꞌcätseꞌ ọij p̂eyacdyeꞌ. Muꞌ nash jịꞌtsaꞌacsebantyiꞌ muꞌin säñity in, judyeyaꞌ p̂eyacdyeꞌyaꞌ muꞌ tupuj jämꞌtyeꞌ mọꞌ jambiꞌ jämꞌtacsiꞌ jedyeꞌ.

Jenꞌ jutete paj qui muꞌ ijac tsunsidyes juchaj, judyeyaꞌ muꞌ vañinjebajte paj qui rụij yụꞌtac tsun Jenꞌsiꞌyaꞌ vej muꞌ.

Muꞌ Jenꞌ jajiti Abraham jiquej: "Meꞌtum raꞌ vóshiꞌ mi", yiꞌ sánacdyeꞌ. Meꞌ tsanꞌ jiyi carij mọꞌ jịꞌcätsac p̂eyacdyeꞌ, Abraham qui namꞌ jam farajjeꞌ mọꞌ anicyedyeꞌ Jenꞌcheꞌ, yejĉoij mọmoꞌ biseꞌ junꞌ quiꞌ chuc cạ̈tsiꞌ mọꞌ. Anicdye meꞌ, dayi vóshiꞌ muꞌ, yịjyi muntyiꞌ in, paiꞌ buꞌyi bäꞌyi in.

Mọꞌdyes muꞌ Jenꞌ dyijyi paj qui anicyedyeꞌyaꞌ muꞌ raꞌ ñịbeꞌjeyacsi Abrahamtyiꞌ vóshiꞌ muꞌ, anicyedyeꞌyaꞌ raꞌ muꞌ jịꞌcätseꞌ p̂eyacdyeꞌ muꞌ räjdyes muꞌin in. Jam raꞌ muꞌindyes mọmoꞌ in chiqueꞌtyiꞌ yụꞌtacdyeꞌ ñịbeꞌjeyac in, Jenꞌ raꞌ fibiꞌyaꞌ ñịbeꞌjeyacsi räj muꞌin anicjetety in, yódyemꞌ muꞌ tashcheꞌ Abraham anicjete jiquej u. Meꞌdyes qui muꞌ Abraham jenꞌ buꞌyi shupqui tsun.

Yiꞌ sánacdyeꞌ Davidsiꞌ: Där maꞌjoij muꞌin vayactactyiꞌ juchaj in, Jenꞌ aty jam dyijtucsebi aꞌc̣his dyijyedyeꞌ muꞌin. Där maꞌjoij muꞌin aty jam dyijtucsebity juchaj muꞌ Jenꞌ.

Mọꞌdye p̂eyeꞌ mọꞌ sánacdyeꞌ yiꞌ: "Abraham anicjete Jenꞌ meꞌdyes qui muꞌ Jenꞌ rụij jayuꞌti anicyedyeꞌyaꞌ muꞌ."