Popular Bible Verses from Matayo 5

ಹಂಚಿಕೊಳ್ಳಿ

ꞌBa àloo ɨcoo tálà ti ɨ díká tia òpi ꞌòtaa yɨ̀ cɨ kʉ. Ráaka ɨ̀ndɨ̀a ɨ ꞌdʉ ꞌba oru ànɨ ɨ̀rɨ àzà àngʉ̀ jó alɨa ndulu ꞌba drɨ́á yɨ́ benì. Kòꞌbò ꞌdɨ̀vɨɨ lé, lè àmɨ ovʉ́ dìzà drʉ ꞌba drɨ́á mulia, ànɨ ɨnɨ ngaa eꞌyo ònyɨ̀ be àmɨ nɨ ꞌole vɨɨ ɨnɨ ndrèe díká ɨnɨ ngaa mu Ata àmɨ ꞌyowa ꞌbùa vɨɨ ìnzìi benì.

“Àmɨ ꞌo àmɨ dìzà lé wúdrìkúrù yɨ́. Àkú ìmgbélé sile ꞌbee drìa vɨɨ ɨco nɨ zi kʉ.”

ꞌBa drìleba be vɨɨ ɨnɨ, ꞌba asíá eꞌyo ada be vɨɨ ɨnɨ ɨ, ɨnɨ ngaa Orɨ nɨ ndrèe ra.

ꞌBa drìleba be vɨɨ ɨnɨ, ꞌba eꞌyo drɨ́á Orɨ nɨ lèle vɨɨ ꞌole vɨɨ ɨnɨ ɨ, Orɨ nɨ ngaa fèe tràa ɨnɨ yɨ́ ra.

Te oꞌdɨ́ꞌdò ma le ꞌyo àmɨ yɨ́: Lè àmɨ lé arɨꞌboo àmɨ ꞌyowa vɨɨ ɨnɨ lèlè díká àmɨ zí Orɨ nɨ ꞌba àmɨ ɨnzale vɨɨ ɨnɨ yɨ́

“ꞌBa drìleba be vɨɨ ɨnɨ, ꞌba àꞌìle ra kɨ́nɨ̀ ànɨ ꞌyowa àꞌɨ̀taa caa kʉ vɨɨ ɨnɨ ɨ, àrɨ̀yɨ̀kʉ ɨnɨ ngaa fɨɨ Kárí ꞌBùnɨ vɨɨ alɨa nɨ̀.”

ꞌBa drìleba be vɨɨ ɨnɨ, ꞌba asíánzú jile ꞌba ɨ̀sɨlɨa vɨɨ ɨnɨ ɨ, Orɨ nɨ ngaa ɨnɨ omvee anzɨ nɨ awo nɨ.

ꞌBa drìleba be vɨɨ ɨnɨ, ꞌba càndɨ drʉ wʉle àndrʉ̀ vɨɨ ɨnɨ ɨ, àrɨ̀yɨ̀kʉ Orɨ nɨ mu ɨnɨ así òmɨ̀ɨ ra.

ꞌBa drìleba be vɨɨ ɨnɨ, ꞌba ꞌbanɨ ɨnzale eꞌyo ònyɨ̀be Orɨ awo vɨɨ ꞌole vɨɨ yɨ̀ vɨɨ ɨnɨ ɨ, Kárí ꞌBùnɨ vɨɨ ꞌyowa nɨ.

ꞌBa drìleba be vɨɨ ɨnɨ, ꞌba asíánzú be vɨɨ ɨnɨ ɨ. Orɨ nɨ mu ovʉʉ ɨnɨ be asíánzú yɨ̀.

“Àmɨ drìleba drʉ ꞌba té àmɨ ɨꞌdaa, ɨnzaa díká eꞌyo lii àmɨ drìa ma àꞌɨ̀le vɨɨ yɨ̀.” Àmɨ ꞌó àyɨ̀kò díká àmɨ ovʉ́ àfʉ́ yɨ̀, àrɨ̀yɨ̀kʉ òya ìmgbélé vɨ́ɨvɨɨ nɨ àmɨ tèe ꞌbùa, pàbaa ꞌba ɨnzá ndráánɨ́ Nàbíà òkò vɨɨ ɨnɨ kòꞌbò ꞌdɨ̀vɨɨ lé.

ꞌBa drìleba be vɨɨ ɨnɨ, ꞌba así èꞌyere vɨɨ ɨnɨ ɨ, ɨnɨ ngaa kòlònzɨ̀ Orɨ nɨ fèle ꞌba nyawúa vɨɨ ɨnɨ yɨ́ vɨɨ ꞌduu nɨ̀.

“Àmɨ ꞌo àmɨ àꞌítɨ̀pa lé ꞌba nyawú drìa vɨɨ ɨnɨ yɨ́, Te àꞌítɨ̀pa sí tè pʉ̀ʉ ꞌba, ꞌbá ɨco síá drìa ɨ̀ka ngóningóni yà? Ɨ̀ce kɨ́nɨ̀ ca òròdríkó drʉ, sìtà ra ꞌbanɨ ɨ̀rɨ àdàjʉ ra díká ꞌba ndépi ɨnɨ acɨ́jʉ drìa yɨ̀.”

Tèvɨ́nɨ lè mɨ ovʉ àlátárá drʉ, kɨ̀le kòꞌbò Ata mɨ awo ꞌbùa vɨɨ nɨ ovʉle vɨɨ lé.

Ànɨ lè eꞌyo mɨnɨ àtìle ra ‘Èè’ vɨɨ ɨ̀rɨ ovʉʉ ‘Èè,’ díká ‘Yʉ’ vɨɨ ɨ̀rɨ ovʉʉ ‘Yʉ.’ Àrɨ̀yɨ̀kʉ eꞌyo ꞌdɨ̀vɨɨ drìlia vɨɨ setani ɨ fe nɨ̀.

“Àmɨ ɨbú ɨrɨ ꞌba azí ndráá kɨ́nɨ̀, ‘ꞌBarʉ tè mɨ mule àloo kii, lè pàbaa ɨ kí ɨ̀rɨ mule àloo ra, díká ꞌbarʉʉ tè fèe mɨ sí ɨ̀rɨ zò ra, lè ɨ̀ fé ɨ̀rɨ sí ɨ̀rɨ zò pàbaa ra.’ Te ma le ꞌyo àmɨ yɨ́ oꞌdɨ́ꞌdò, àmɨ òmvɨ́ eꞌyo ònzɨ àrooti kʉ. ꞌBarʉʉ àloo tè mɨ bílé gí ndépia vɨɨ àsaa, lè mɨ fè ɨ̀rɨ àsa mɨ bílé gí ìjíá vɨɨ ɨ̀ndɨ̀.

Mɨ mule gí ndépia vɨɨ tè fèe mɨ́ yɨ́ ɨ̀zatà ꞌoo, mɨ nze ɨ̀rɨ ꞌbe ra. Ɨ̀rɨ ꞌyée mɨnɨ mɨ rúá wokò àloo àvɨ̀jʉ ɨ ɨ̀gàtɨ ꞌbanɨ mɨ ngʉlʉpɨ ꞌbejʉ pɨɨ àcɨ iwúlé iwúlé vɨɨ alɨa vɨɨ ra. Díká mɨ gí ndépi tè fèe mɨ́ yɨ́ ɨ̀zatà ꞌoo nɨ̀, mɨ li ɨ̀rɨ ꞌbe nyawúá. Ɨ̀rɨ ꞌyée mɨnɨ mɨ rúá wokò àloo àvɨ̀jʉ ɨ ɨ̀gàtɨ ꞌbanɨ mɨ ngʉlʉpɨ ꞌbejʉ pɨɨ àcɨ iwúlé iwúlé vɨɨ alɨa vɨɨ ra.