Roma 10 - 인기 성경 구절

공유

A kɨ luu biŋ fɨ shuu ghɔ ntee laa Yeso lùu Tii wə, Mɔꞌmbi, baa bìŋ fɨ taa fwi ghɔ laa Nwi nə ywèysə ŋwə fɨ shɨ yiku, buu a ndɔ bwey.

Lùu nɨniŋ buꞌ laa wə kɨ luu biŋ Kristo nə fwi yi, buu nu ki kiasə lòomə vɨsɨ Nwi. Ŋwə baa lùu biŋ ŋwə nə shuu wi ntee, buu ŋwə ndɔ bwey.

Nɨniŋ, kaꞌ vɨɨ nùŋ fwisə vəŋ maa Nwi, buꞌ faŋ vəŋ zɔ nu ki. Vɨɨ fɨꞌtə nu ki, buꞌ laa lùu yigi faŋ nə gì nshɨ-tɔ Kristo.

Ŋwaꞌlə Nwi gì laa, «Wə ntɨə faŋ ŋwə nùŋ fwi yi maa ŋwə, buu tɔ ki kee ndɔ dɨɨ me.» Nu wuu Jus nə nu wuu Griik kee lùu nɨŋkwiŋ nɨŋkwiŋ me, buꞌ laa wə ntɨə faŋ ŋwə kìi vəŋ, luu sheꞌ muꞌ, luu Nwi. Ŋwə kɔ̀ vətɔ vəjəəvə tɨ́ vɨɨ vənshə faŋ vəŋ tii yizii yi. «Wə tɨ̀ me wə faŋ ŋwə tii yizii Mɔꞌmbi, ndɔ zɨ məbwey vəlwaŋ.»

Baa nə laa, sii kaꞌ vɨ kɨ fɨꞌtə nu Kristo kɔ́ kɨkə, faŋ vɨɨ ntɔŋsə kee fùu fu me? Luu nə, Nwi yɨ̀ nu ŋkɨə faŋ ŋkə lùu taa ŋwaꞌlə Nwi laa, «Luu ŋkee nu jəə maa məzɔ nshɨŋsə ghuu vɨɨ ntɔŋsə faŋ vəŋ jwi nə ntɔŋ yijəə.»

Luu nə, sii kaꞌ wə tìi yizii Mɔꞌmbi kɨkə, faŋ ŋwə kee nùŋ fwi yi maa ŋwə me? Sii kaꞌ vɨɨ nùŋ fwisə vəŋ maa ŋwə kɨkə, faŋ vəŋ kee bee ta zɔ̀ kɔ̀ŋ ŋwə me? Sii kaꞌ vəŋ zɔ kɔ̀ŋ ŋwə kɨkə, faŋ wuu məfɨꞌtə nu kɔ́ kee lùu shɔ me?

Vəndwə və ntɨsə Nwi lùu Yeso Kristo faŋ ŋwə yɨsə laa nu wə kiasə lòomə, buꞌ faŋ ŋwə nùŋ fwi yi maa ŋwə.