Nɨniŋ, Nwi shètə təntaŋ tə tɨ tɔ́, ndì təntaŋ tədaytə, də̀ələ shɔ. Viŋ lùu yaa təntaŋ tədaytə tɔ́, buꞌ faŋ viŋ lùu vɨɨ tətɔŋ fu faŋ vəŋ nə kee kɨɨ nə Nwi me. Viŋ zɨnə viŋ vɨ vɨɨ Jus ndwə, nu fɨ maa muu məjəəmə mbɨə faŋ mbə kòꞌ fɨ taa təghay tə tɨ kɔ́ nə. Nɨniŋ, kɨ viŋ koꞌsə ŋwaa maa təntaŋ tə tɨ ntii-wə me. A kəə kɨ koꞌsə ŋwaa, a kɨ lumə laa, kee tweꞌ ntaŋ tɨ tweꞌ tɨ kɔ́ me, lùu ghay ghi faŋ ŋə tweꞌtə ghɔ.