Jn 14 - 인기 성경 구절

공유

Mɛ foo ɛytem ɛyzəətene se ghɛn, nɛ lu ɛynkii ɛytem yɛ mɛ kiin. Mɛ báà se foo nɛ lu yɛ ghɛ mbi fɛne foon. Ghàà ɛytem ə yɛne yɛ foo ngɛk se ghɛn, ghàà ghɛn yɛ fan.

Jesus fise ge: Lu mɛ jii, nɛ lu mɛ əbluuy, nɛ lu mɛ ɛychii: Lòó wel jia ndu se Bay buu ge əb bɛ̀ɛ̀ mɛ.

Jesus suuy se ghene ge: Ghàà ɛytem ə yɛne yɛ foo ngɛk. Ghɛn fó ɛytem se Feyine, è fo sɛy se mɛ.

Dî nɛ ngiamten yɛ Keyioy Kelanene kɛ Baye nɛ̂y tum ɛ mɛ ɛyghel ko nɛ̂y dinte əbnəə əbjim se ghɛn, è nɛɛy é ghɛn kuume əbnəə əbjim wɛ mɛ suuyenmen se ghɛn.

Naa ndɛ wɛ əb keen nchil ə som lɛme, lu vi wɛ əb koŋen mɛ. Ba ə wome nɛ̂y yɛ koŋe naa ndɛ wɛ əb koŋen mɛ, nɛ mɛɛ mɛ yɛ koŋe wen, è din ngeŋ ə yom se wen.

Mɛ nɛ̂y lon é Bay fó ngiamten ɛylee yɛ ɛy yɛ lu ghɛne ghene əbliy əbjim. Ngiamten nɛ̂ yin lu Keyioy kɛ ke dinen əbluuy. Lòó ghele ghɛ́ mbii jia fiisen wen bek ka ghene báà se yɛne wen gese ke wiy wen. Dî nɛ ghɛn ke wen bek ge əb lu ghɛne ghene, nɛ əb nɛ̂y yɛ chii ɛ ghɛne məm.

Ghɛn lon naa ghɛ ɛ mɛ ɛyghel é mɛ fó se ghɛn ka Baye kiile ɛykokse chia əbghun nə wan. Ghɛn bif naa ghɛ ɛ mɛ ɛyghel, é mɛ nɛɛy.

Ghɛne koŋe mɛ, é ghɛn yɛ lɛme nchil ə som.

Əblik əbchiine lu ɛ Ba ə wome ndaa se ɛydio; ke lɛ kè wiy dì fene mɛ ke suuye ge mɛ nduu se siyse kelik se ghɛn-a?

Ɛ́ nɛ̂y loo lu nɛ mɛ ndumen è siyse kelik se ghɛn, é mɛ kase gwiy è liɛ ghɛn é ghɛsen yɛ lu ka ghɛne yɛ lu ghaa mɛ luun.

Ntomas me suuy se wen ge: Báàba, ghɛse báà se ke ghaa wɛ̀ nduun, lòó ghɛs keele lɛɛy jii yɛ ɛy nduun gho?