Jn 15 - 인기 성경 구절

공유

Mɛ lu əbteŋ nɛ ghɛn lu ɛytame ten. Wel lòò è balen è gok se mɛ əbghun, mɛ gok ghɛse wen, é əb yɛ koom əmtam naa se ɛydio, bek ge buu mɛ é ghɛn jia nɛɛy kenəə.

Ghɛn balen è gok se mɛ əbghun, é mɛ gok ghɛsen. Lòó əbtame jia koom əmtam se ngeŋ buu ge əb balen ɛ əbghun əbteŋ. Lu ghɛɛ-ghɛɛ ka lòó ghɛn jia koom əmtam buu ge ghɛn balen è gok ɛ mɛ əbghun.

Ghɛn balen è gok se mɛ əbghun, giɛ ə some gok ɛ ghɛne tetem, ghɛne bif naa ghɛ kɛ ghɛne kɛŋen é Feyine fó.

Nè báà chok ghɛn mɛ, nè chok mɛ ghɛn è tum ge ghɛn ndu è yɛ koom əmtam naa se ɛydio nɛ lu əmtam mɛ əm jia yî mɛy. Ghɛn nɛɛy dì, è yɛ lon naa ghɛ se Bay ɛ mɛ ɛyghel, é əb fó se ghɛn.

Ɛykoŋ ɛytaa yɛ wel din se sunse wene báà chia ka əb kuo bek ghene.

Əb yɛne əbtam wɛ əb báà se koom əmtam, əb fas se mɛ əbghun. Əb yɛne wɛ əb koom əbtam, əb siyse əb yɛ lu kejuŋ loote koom əmtam.

Nchil yɛ mɛ fóon se ghɛn lu ge, ghɛn yɛ koŋe ngeŋ ə sɛn kɛn ka mɛ koŋen ghɛn.

Ghɛne loo koom əmtam se ɛydio, Ba ə wom yɛ kiile ɛykokse, nɛ lu ɛ jii nɛ̂ ghan yɛ ghɛn luun ghon-ɛyfɛl nə mɛ.

Mɛ lu nkante əbteŋ nɛ ba ə wom lu wel wɛ əb toknen nɛ̀ ɛyleme tene.

Naa ndɛ wɛ əb báà balen è gok se mɛ əbghun lu ka əbtam wɛ ɛ́ fasen, è maay, əb yum. Ɛ́ lóó ɛ́ chinten ɛytam ka yii nɛ̂ yine ɛ́ me mak se əbvəs, ɛy fuo.

Mɛ suuy əbnəə vin se ghɛn ka kechɛkle kɛ ke luun ɛ mɛ ɛyteme yɛ lu ɛ ghɛne tetem, é ghɛn me loote kiile kechɛkle.

Ghɛn lòò è yɛ nɛɛye kenəə kɛ mɛ suuyen, é mɛ yɛ koŋe ghɛn nduu kɛn ɛ mbiy. Lu ghɛɛ-ghɛɛ ka mɛ nɛɛyen kenəə kɛ Baye suuyen nɛ əb koŋe mɛ nduu kɛn ɛ mbiy.

Kenəə kɛ mɛ suuyen se ghɛn lu ge: Ghɛn yɛ koŋe ngeŋ ə sɛn.

Ghɛn kè boy se yɛ lu ghele mbi, fene ghene kè koŋe ghɛn ka ghel ə ghen. Se lu nɛ mɛ nè chok ghɛn ɛ məm nə ghele mbii, ghɛne jia gese se lu ghele mbi; ghɛy kenəə kɛ ghene banen ghɛn.