Jn 16 - 인기 성경 구절

공유

Mɛ suuymen əbnəə vin se ghɛn ka ghɛsene gok se kefaa kemok é ghɛn yɛ ki əmnyiaŋ. Ghɛne yɛne ngɛk ɛ mbi fɛn, dî nɛ ghɛn kul ɛytem bek ge mɛ taamen è chia mbi.

Dî nɛ Keyioy kɛ ke dinen əbluuye nɛ̂y gwiy, è nɛɛy é ghɛn keele əbluuy əbnəə jii sejim. Əb jia nɛ̂y yɛ suŋnen se wene ngeŋ. Əb nɛ̂y yɛ suuy nɛ lu əbnəə wɛ əb yion, gese dine se ghɛn əbnəə wɛ əb bɛɛyen se nɛ̂y se yɛ lu.

Se chin ɛ leenen lu nɛ ghɛne bɛɛy ghàà bif kefaa ɛ mɛ ɛyghel; ghɛn yɛ bif nɛ Feyine foo, ka ghɛne yɛ loote saŋle.

Dî nɛ mɛ suuy əbluuy se ghɛn ge, ke lu kejuŋ se ghɛn ge mɛ ndu, bek ge mɛ jia ndu, é ngiamten jia nɛ̂y gwiy se ghɛn. Mɛ ndu, é mɛ me tinse wen se ghɛn. Əb nɛ̂y gwiy, è din se ghele mbii ge ghene kwaate nɛ̀ ɛybame kum mbeese ghen, kum ɛychii yɛ titiye, kum jii yɛ Feyine yî sak ghel ɛ ten.

Ghɛy ka ke luun se ghɛn; leenen lu nɛ ghɛn soo əbtuu, dî nɛ mɛ nɛ̂y kase yɛn ghɛn, é tetem ə tɛne lun nɛ̀ ɛysaŋle nɛ lòó wel jia fii se ghɛn. Ɛ́ naa loo lu əbliy fo, é ghɛn jia bo yɛ bife kefaa nɛ lu se mɛ. Mɛ suuy əbluuy se ghɛn ge: Ba ə wome nɛ̂y fo naa ghɛ se ghɛn kɛ ghɛne bifen ɛ mɛ ɛyghel.

Mɛ suuy əbluuy se ghɛn ge: Ghɛne nɛ̂y yɛ toŋ, buke, nɛ ghele mbii saŋlee. Ghɛne nɛ̂y kɛɛte è yɛ lu ɛysen ɛysen, se ɛybame ten é ghɛn yɛ saŋle.