Johan 21 - 인기 성경 구절

공유

Mawsa ama ning khu pahne ta Zingsuv ta Piter kha, “Johan saacapaa Simon, iema laa hingta ina due vie cama?” a ta. Ama ta, “A cuo, Abyipa; Ica duepa ca na pachang,” a ta. Zingsuv ta, “I tuvtaata zaw kha ala pi tie,” a ta. A yihningnapa ta, “Johan saacapaa Simon, ina due cama?” a ta pakhaa. Ama ta, “A cuo, Abyipa; ica duepa kha na pachang,” a ta. Zingsuv ta, “I tuv kha khie tie,” a ta. A yi thungnapa ta, “Johan saacapaa Simon, ina due cama?” a ta. Yi thung nanaa, “Ina due cama?” a ta nakawta Piter ca a ngie chi te, “Abyipa, nama ca hmangting a pachangtuv tana na cuo; ica duepa kha na pachang,” a ta. Zingsuv ta, “I tuv kha sa pi tie,” a ta.

Biehmisi tana ica chang: Na kung panu ning hing ca namata tah na tesaw kha a saw cate na khingna luo bangkhuo kha na cakuo. Cuorasala na macuo thue ca na kuv kha pazuu'a cate, pakhakha ta tesaw kha ca pasaw'a te, na khing lina luo kha aca cakuokhyi aa,” a ta.

Ama ta, “Sawkawpalaw cacuo luo kuo khata vaa ungla nama pa-uo buo aa,” a ta yi. Ama vaa ca ngaa a hluvsa aa uo nakawta amaa sue hmuo a da khu li pata ama aw.

Simon Piter ta, “Ngaa na i va vaa aa,” a ta yi. Iema ta, “Ma ca vya ziy aa,” ta yite sawkawpalaw chung luo kha ama kie, cuorasala capa zuo ca sakha hmuo patuv vayi.